ᱨᱟᱢᱫᱩᱞᱟᱞ ᱢᱩᱨᱢᱩ
| ᱨᱟᱢᱫᱩᱞᱟᱞ ᱢᱩᱨᱢᱩ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱕ ᱡᱟᱱᱩᱣᱟᱨᱤ ᱑᱙᱓᱗ ᱠᱟᱢᱟᱨᱵᱟᱸᱫᱤ, ᱵᱤᱱᱯᱩᱨ, ᱯᱟᱪᱷᱮ ᱢᱮᱫᱤᱱᱤᱯᱩᱨ, ᱯᱚᱪᱷᱤᱢ ᱵᱟᱝᱞᱟ, ᱵᱷᱟᱨᱚᱛ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱥᱟᱯᱲᱟᱣᱤᱡ |
| ᱧᱩᱢᱱᱟᱢ | 'ᱦᱩᱫᱤᱥ' ᱥᱟᱠᱟᱢ ᱨᱮᱱ ᱥᱟᱯᱲᱟᱣᱤᱡ |
| ᱟᱯᱟᱛ ᱮᱸᱜᱟᱛ | ᱵᱷᱟᱹᱡᱩ ᱢᱩᱨᱢᱩ (ᱵᱟᱵᱟ) ᱫᱮᱜᱮ (ᱟᱭᱳ) |
ᱨᱟᱢᱫᱩᱞᱟᱞ ᱢᱩᱨᱢᱩ (᱕ ᱡᱟᱱᱩᱣᱟᱨᱤ ᱑᱙᱓᱗) ᱫᱚ ᱢᱤᱫ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱟᱨ ᱥᱟᱯᱲᱟᱣᱤᱡ ᱠᱟᱱᱟᱭ᱾ ᱩᱱᱤ ᱫᱚ 'ᱦᱩᱫᱤᱥ' ᱧᱩᱛᱩᱢᱟᱱ ᱢᱤᱫ ᱥᱟᱱᱛᱟᱲᱤ ᱥᱟᱠᱟᱢ ᱨᱮᱱ ᱥᱟᱯᱲᱟᱣᱤᱡ ᱮ ᱛᱟᱦᱮᱸ ᱠᱟᱱᱟ᱾[᱑]
ᱡᱟᱱᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱢᱫᱩᱞᱟᱞ ᱢᱩᱨᱢᱩ ᱫᱚ ᱑᱙᱓᱗ ᱥᱮᱨᱢᱟ ᱨᱮᱱᱟᱜ ᱕ ᱡᱟᱱᱩᱣᱟᱨᱤ ᱦᱤᱞᱚᱜ ᱮ ᱡᱟᱱᱟᱢ ᱞᱮᱱᱟ᱾ ᱩᱱᱤᱭᱟᱜ ᱡᱟᱱᱟᱢ ᱴᱷᱟᱶ ᱫᱚ ᱦᱩᱭᱩᱜ ᱠᱟᱱᱟ ᱢᱮᱫᱤᱱᱤᱯᱩᱨ (ᱱᱤᱛᱚᱜ ᱫᱚ ᱯᱟᱪᱷᱮ ᱢᱮᱫᱤᱱᱤᱯᱩᱨ) ᱡᱮᱞᱟ ᱨᱮᱱᱟᱜ ᱵᱤᱱᱯᱩᱨ ᱛᱷᱟᱱᱟ ᱨᱮᱭᱟᱜ ᱥᱤᱞᱫᱟᱹ ᱰᱟᱠᱚᱲᱟᱜ ᱛᱟᱹᱨᱤ ᱨᱮ ᱢᱮᱱᱟᱜ ᱠᱟᱢᱟᱨᱵᱟᱺᱫᱤ ᱟᱹᱛᱩ ᱨᱮ᱾ ᱱᱚᱣᱟ ᱟᱹᱛᱩ ᱨᱮᱜᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱ ᱢᱟᱨᱟᱝ ᱚᱱᱚᱞᱤᱭᱟᱹ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱦᱚᱸᱭ ᱡᱟᱱᱟᱢ ᱞᱮᱱᱟ᱾ ᱟᱡ ᱵᱟᱵᱟ ᱦᱟᱜ ᱧᱩᱛᱩᱢ ᱫᱚ ᱵᱷᱟᱹᱡᱩ ᱢᱩᱨᱢᱩ ᱟᱨ ᱟᱭᱳ ᱫᱚ ᱫᱮᱜᱮ᱾[᱑]
ᱥᱮᱪᱮᱫ ᱟᱨ ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱹᱛᱩ ᱨᱮ ᱮᱛᱚᱦᱚᱵ ᱥᱮᱪᱮᱫ ᱢᱩᱪᱟᱹᱫ ᱠᱟᱛᱮ ᱩᱱᱤ ᱫᱚ ᱥᱩᱨ ᱨᱮᱱᱟᱜ ᱥᱤᱞᱫᱟᱹ ᱟᱨ. ᱥᱤ. ᱤᱱᱥᱴᱤᱴᱤᱭᱩᱥᱚᱱ ᱨᱮᱭ ᱵᱷᱮᱥᱮᱞ ᱞᱮᱱᱟ᱾ ᱑᱙᱕᱖ ᱥᱮᱨᱢᱟ ᱨᱮ ᱩᱱᱤ ᱫᱚ ᱚᱸᱰᱮ ᱠᱷᱚᱱ ᱤᱨᱟᱹᱞ (᱘) ᱪᱟᱱᱟᱪ ᱦᱟᱹᱵᱤᱡ ᱮ ᱯᱟᱲᱦᱟᱣ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱠᱚᱞᱠᱟᱛᱟ ᱯᱩᱞᱤᱥ ᱵᱤᱵᱷᱟᱜᱽ ᱨᱮ ᱠᱟᱹᱢᱤᱭ ᱮᱛᱚᱦᱚᱵ ᱞᱮᱫᱟ᱾ ᱪᱟᱹᱠᱨᱤ ᱠᱷᱟᱹᱛᱤᱨ ᱩᱱᱤ ᱫᱚ ᱠᱚᱞᱠᱟᱛᱟ ᱨᱮ ᱛᱟᱦᱮᱸ ᱦᱩᱭ ᱟᱫᱮ ᱛᱟᱦᱮᱸᱫ᱾ ᱚᱱᱟ ᱵᱤᱵᱷᱟᱜᱽ ᱠᱷᱚᱱ ᱜᱮ ᱡᱤᱨᱟᱹᱣ ᱦᱟᱛᱟᱣ ᱠᱟᱛᱮ ᱩᱱᱤ ᱫᱚ ᱟᱨᱦᱚᱸ ᱟᱹᱛᱩ ᱛᱮᱭ ᱨᱩᱣᱟᱹᱲ ᱦᱮᱡ ᱞᱮᱱᱟ᱾
ᱥᱟᱶᱦᱮᱫ ᱪᱟᱨᱪᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱞᱠᱟᱛᱟ ᱨᱮ ᱛᱟᱦᱮᱸ ᱠᱟᱱ ᱚᱠᱛᱚ ᱜᱮ ᱨᱟᱢᱫᱩᱞᱟᱞ ᱢᱩᱨᱢᱩ ᱣᱟᱜ ᱥᱟᱶᱦᱮᱫ ᱪᱟᱨᱪᱟ ᱫᱚ ᱮᱛᱚᱦᱚᱵ ᱞᱮᱱᱟ᱾ ᱩᱱ ᱡᱚᱠᱷᱚᱡ 'ᱯᱚᱪᱷᱤᱢᱵᱟᱝᱞᱟ' ᱥᱟᱠᱟᱢ ᱨᱮ ᱥᱟᱱᱛᱟᱲ ᱥᱟᱶᱛᱟ ᱟᱨ ᱞᱟᱠᱪᱟᱨ ᱤᱫᱤ ᱠᱟᱛᱮ ᱟᱭᱢᱟ ᱜᱚᱱᱚᱝᱟᱱ ᱚᱱᱚᱞ ᱠᱚ ᱯᱟᱨᱥᱟᱞ ᱞᱮᱱ ᱛᱟᱭᱟ᱾ ᱵᱟᱰᱟᱭᱚᱜᱼᱟ ᱡᱮ, 'ᱯᱚᱪᱷᱤᱢᱵᱟᱝᱞᱟ' ᱥᱟᱠᱟᱢ ᱨᱮᱱ ᱩᱱ ᱡᱚᱠᱷᱚᱡ ᱨᱮᱱ ᱥᱚᱦᱮᱫ-ᱥᱟᱯᱲᱟᱣᱤᱡ ᱫᱷᱤᱨᱮᱱᱫᱽᱨᱚᱱᱟᱛᱷ ᱵᱟᱥᱠᱮ ᱥᱟᱶ ᱧᱟᱯᱟᱢ ᱮᱱ ᱛᱟᱭᱚᱢ ᱜᱮ ᱟᱡᱟᱜ ᱥᱟᱶᱦᱮᱫ ᱡᱤᱭᱚᱱ ᱫᱚ ᱡᱳᱨ ᱛᱮ ᱮᱛᱚᱦᱚᱵ ᱞᱮᱱᱟ᱾
ᱨᱟᱢᱫᱩᱞᱟᱞ ᱢᱩᱨᱢᱩ ᱫᱚ ᱢᱤᱫ ᱚᱱᱚᱞᱤᱭᱟᱹ ᱥᱟᱶᱛᱮ ᱥᱟᱯᱲᱟᱣᱤᱡ ᱦᱚᱸᱭ ᱛᱟᱦᱮᱸ ᱠᱟᱱᱟ᱾ ᱑᱙᱘᱒ ᱥᱮᱨᱢᱟ ᱠᱷᱚᱱ ᱩᱱᱤ ᱫᱚ ᱠᱚᱞᱠᱟᱛᱟ ᱠᱷᱚᱱ 'ᱦᱩᱫᱤᱥ' ᱧᱩᱛᱩᱢᱟᱱ ᱢᱤᱫ ᱥᱟᱠᱟᱢ ᱮ ᱯᱟᱨᱥᱟᱞ ᱟᱨ ᱥᱟᱯᱲᱟᱣ ᱮᱫ ᱛᱟᱦᱮᱸᱫ᱾ ᱟᱡᱟᱜ ᱥᱟᱯᱲᱟᱣ ᱥᱟᱠᱟᱢ ᱵᱮᱜᱚᱨ ᱦᱚᱸ ᱮᱴᱟᱜ ᱟᱭᱢᱟ ᱯᱟᱛᱷᱟᱢ ᱠᱚᱨᱮ ᱟᱡᱟᱜ ᱚᱱᱚᱞ ᱟᱨ ᱚᱱᱚᱲᱦᱮ ᱠᱚ ᱩᱪᱷᱟᱹᱱ ᱟᱠᱟᱱᱟ᱾ ᱩᱱᱤ ᱫᱚ ᱟᱭᱢᱟ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱜᱟᱶᱛᱟ ᱠᱚ ᱥᱟᱶ ᱦᱚᱸ ᱡᱚᱯᱲᱟᱣ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤᱭᱟᱜ ᱡᱟᱦᱟᱸᱱᱟᱜ ᱯᱟᱨᱥᱟᱞ ᱟᱠᱟᱱ ᱯᱩᱛᱷᱤ ᱨᱮᱱᱟᱜ ᱵᱟᱰᱟᱭ ᱫᱚ ᱵᱟᱝ ᱧᱟᱢ ᱟᱠᱟᱱᱟ᱾