ᱨᱟᱢ ᱥᱩᱱᱫᱚᱨ ᱫᱟᱥ

ᱨᱟᱢ ᱥᱩᱱᱫᱚᱨ ᱫᱟᱥ
ᱨᱟᱢ ᱥᱩᱱᱫᱚᱨ ᱫᱟᱥ
	ᱨᱮᱫ:Ram Sundar Das.jpg
᱑᱕ ᱟᱹᱱᱤᱡ ᱵᱤᱦᱟᱨ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ
	ᱟᱹᱢᱟᱹᱞᱤ ᱨᱮ; ᱒᱑ ᱮᱯᱨᱤᱞ ᱑᱙᱗᱙ – ᱑᱗ ᱯᱷᱮᱵᱽᱨᱩᱣᱟᱨᱤ ᱑᱙᱘᱐
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱠᱟᱨᱯᱩᱨᱤ ᱴᱷᱟᱠᱩᱨ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱡᱚᱜᱚᱱᱱᱟᱛᱷ ᱢᱤᱥᱨᱟ
ᱥᱚᱸᱥᱚᱫᱽ ᱥᱚᱦᱮᱛ, ᱞᱳᱠᱥᱚᱵᱷᱟ
	ᱟᱹᱢᱟᱹᱞᱤ ᱨᱮ; ᱒᱐᱐᱙ – ᱒᱐᱑᱔
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱨᱟᱢ ᱵᱷᱤᱞᱟᱥ ᱯᱟᱥᱣᱟᱱ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱨᱟᱢ ᱵᱷᱤᱞᱟᱥ ᱯᱟᱥᱣᱟᱱ
	ᱟᱹᱢᱟᱹᱞᱤ ᱨᱮ; ᱑᱙᱙᱑ – ᱑᱙᱙᱖
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱨᱟᱢ ᱵᱷᱤᱞᱟᱥ ᱯᱟᱥᱣᱟᱱ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱨᱟᱢ ᱵᱷᱤᱞᱟᱥ ᱯᱟᱥᱣᱟᱱ
ᱵᱟᱪᱷᱱᱟᱣ ᱮᱞᱟᱠᱟ	ᱦᱟᱡᱤᱯᱩᱨ, ᱵᱤᱦᱟᱨ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱙ ᱡᱟᱱᱩᱣᱟᱨᱤ ᱑᱙᱒᱑; ᱜᱟᱝᱜᱟᱡᱟᱞ, ᱵᱤᱦᱟᱨ ᱟᱨ ᱩᱲᱤᱥᱟ ᱯᱚᱱᱚᱛ, ᱵᱨᱤᱴᱤᱥ ᱥᱤᱧᱚᱛ
ᱜᱩᱨ	᱖ ᱢᱟᱨᱪ ᱒᱐᱑᱕ (ᱩᱢᱮᱨ ᱙᱔ ᱥᱮᱨᱢᱟ); ᱯᱟᱴᱱᱟ, ᱵᱤᱦᱟᱨ, ᱥᱤᱧᱚᱛ
ᱨᱟᱡᱽᱟᱹᱨᱤ ᱫᱚᱞ	ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ)
ᱮᱴᱟᱜ ᱨᱟᱡᱽᱟᱹᱨᱤ; ᱥᱟᱹᱜᱟᱹᱭ	ᱡᱚᱱᱛᱟ ᱫᱚᱞ, ᱡᱚᱱᱛᱟ ᱯᱟᱨᱴᱤ
ᱡᱤᱭᱚᱱ ᱥᱚᱦᱮᱫ	ᱥᱟᱵᱤᱛᱟ ᱫᱮᱵᱤ
ᱦᱚᱯᱚᱱ	᱓
ᱠᱟᱹᱢᱤ	ᱨᱟᱡᱽᱟᱹᱨᱤᱭᱟᱹ

ᱨᱟᱢ ᱥᱩᱱᱫᱚᱨ ᱫᱟᱥ (᱙ ᱡᱟᱱᱩᱣᱟᱨᱤ ᱑᱙᱒᱑ - ᱖ ᱢᱟᱨᱪ ᱒᱐᱑᱕) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱤᱭᱟᱹ, ᱨᱟᱡᱽᱟᱹᱨᱤᱭᱟᱹ ᱟᱨ ᱵᱤᱦᱟᱨ ᱯᱚᱱᱚᱛ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱦᱟᱡᱤᱯᱩᱨ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱵᱟᱨ ᱫᱷᱟᱣ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾

ᱮᱛᱚᱦᱚᱵ ᱡᱤᱭᱚᱱ ᱟᱨ ᱜᱷᱟᱨᱚᱸᱡᱽ

ᱫᱟᱥ ᱟᱜ ᱡᱟᱱᱟᱢ ᱙ ᱡᱟᱱᱩᱣᱟᱨᱤ ᱑᱙᱒᱑ ᱨᱮ ᱵᱤᱦᱟᱨ ᱨᱮᱱᱟᱜ ᱥᱟᱨᱚᱱ ᱦᱚᱱᱚᱛ ᱨᱮ ᱥᱳᱱᱯᱩᱨ ᱥᱩᱨ ᱨᱮ ᱜᱟᱝᱜᱟᱡᱚᱞ ᱨᱮ ᱦᱩᱭ ᱞᱮᱱᱟ ᱛᱟᱦᱮᱸᱫ ᱾^[᱑]^[᱒] ᱩᱱᱤ ᱫᱚ ᱥᱳᱱᱯᱩᱨ ᱨᱮᱱᱟᱜ ᱢᱤᱫ ᱟᱥᱲᱟ ᱠᱷᱚᱱ ᱢᱮᱴᱨᱤᱠ ᱯᱟᱲᱦᱟᱣ ᱞᱮᱫᱟᱭ ᱟᱨ ᱠᱚᱞᱠᱟᱛᱟ ᱨᱮᱱᱟᱜ ᱵᱤᱫᱫᱟᱥᱟᱜᱚᱨ ᱠᱚᱞᱮᱡᱽ ᱨᱮ ᱥᱮᱪᱮᱫ ᱮ ᱧᱟᱢ ᱞᱮᱫᱟᱭ ᱾ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱞᱟᱹᱰᱷᱟᱹᱭ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱠᱚᱞᱮᱡᱽ ᱫᱚᱭ ᱟᱲᱟᱜ ᱜᱤᱰᱤ ᱠᱮᱫᱼᱟ ᱾ ᱑᱙᱕᱖ ᱥᱮᱨᱢᱟ ᱨᱮ ᱩᱱᱤ ᱫᱚ ᱥᱟᱵᱤᱛᱟ ᱫᱮᱵᱤ ᱥᱟᱶᱮ ᱵᱟᱯᱞᱟ ᱞᱮᱱᱟ ᱟᱨ ᱩᱱᱤ ᱨᱤᱱ ᱯᱮᱭᱟ ᱜᱤᱫᱽᱨᱟᱹ ᱠᱚ ᱦᱩᱭ ᱮᱱᱟ, ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱟᱨ ᱢᱤᱫᱴᱟᱹᱝ ᱠᱩᱲᱤ ᱜᱤᱫᱽᱨᱟᱹ ᱾^[᱑]^[᱓]

ᱨᱟᱡᱽᱟᱹᱨᱤ ᱠᱟᱹᱢᱤ ᱡᱤᱭᱚᱱ

ᱩᱱᱤ ᱫᱚ ᱑᱙᱔᱒ ᱥᱮᱨᱢᱟ ᱨᱮᱱᱟᱜ ᱥᱤᱧᱚᱛ ᱵᱟᱹᱜᱤᱭᱟᱜ ᱢᱮ ᱞᱟᱲᱟᱣᱱᱟ ᱨᱮ ᱢᱤᱫ ᱥᱮᱛᱮᱫ ᱮᱱᱮᱡ ᱮ ᱮᱢ ᱞᱮᱫᱟ ᱾^[᱑] ᱫᱟᱥ ᱫᱚ ᱟᱡᱟᱜ ᱡᱟᱱᱟᱢ ᱥᱳᱱᱯᱩᱨ ᱨᱮ ᱠᱚᱝᱜᱽᱨᱮᱥ ᱥᱳᱥᱤᱭᱟᱞᱤᱥᱴ ᱯᱟᱨᱴᱤ ᱨᱤᱱᱤᱡ ᱢᱤᱫ ᱟᱢᱞᱟ ᱞᱮᱠᱟᱛᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱠᱚᱝᱜᱽᱨᱮᱥ ᱥᱳᱥᱤᱭᱟᱞᱤᱥᱴ ᱯᱟᱨᱴᱤ, ᱟᱭᱢᱟ ᱜᱟᱱ ᱢᱤᱞᱚᱱ ᱠᱟᱛᱮ, ᱯᱨᱚᱡᱟ ᱥᱳᱥᱤᱭᱟᱞᱤᱥᱴ ᱯᱟᱨᱴᱤ (PSP) ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱵᱮᱱᱟᱣ ᱮᱱᱟ ᱾ ᱫᱟᱥ ᱫᱚ PSP ᱨᱮᱱᱟᱜ ᱵᱤᱦᱟᱨ ᱯᱨᱚᱵᱷᱤᱱᱥᱤᱭᱟᱞ ᱠᱟᱹᱢᱤᱥᱟᱲᱟ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾ ᱑᱙᱕᱗ ᱥᱮᱨᱢᱟ ᱨᱮᱱᱟᱜ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱩᱱᱤ ᱫᱚ ᱦᱟᱡᱤᱯᱩᱨ ᱠᱷᱚᱱ ᱥᱳᱥᱤᱭᱟᱞᱤᱥᱴ ᱯᱟᱨᱴᱤ ᱨᱤᱱᱤᱡ ᱠᱟᱱᱰᱤᱰᱮᱴ ᱮ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱩᱱᱤ ᱫᱚ ᱦᱟᱨᱟᱣ ᱮᱱᱟ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱵᱟᱨ ᱫᱷᱟᱣ ᱱᱚᱣᱟ ᱴᱷᱟᱶ ᱠᱷᱚᱱ ᱡᱤᱛᱠᱟᱹᱨ ᱮᱱᱟ ᱑᱙᱖᱘ ᱥᱟᱞ ᱨᱮ, ᱩᱱᱤ ᱫᱚ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱯᱚᱨᱤᱥᱚᱫᱽ ᱨᱤᱱᱤᱡ ᱥᱚᱦᱮᱛ ᱮ ᱵᱟᱪᱷᱚᱱ ᱞᱮᱱᱟ ᱟᱨ ᱑᱙᱗᱗ ᱥᱟᱞᱮ ᱫᱷᱟᱹᱨᱤᱡ ᱱᱚᱣᱟ ᱯᱚᱫᱽ ᱨᱮᱭ ᱛᱟᱦᱮᱸ ᱠᱟᱱᱟᱭ ᱾^[᱓]

᱑᱙᱗᱗ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ, ᱡᱟᱦᱟᱸ ᱨᱮ ᱡᱚᱱᱛᱟ ᱯᱟᱨᱴᱤ ᱦᱚᱛᱮᱛᱮ ᱥᱚᱨᱠᱟᱨᱤ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱟᱜ ᱟᱹᱰᱤ ᱢᱟᱨᱟᱝ ᱫᱷᱟᱹᱨᱛᱤ ᱦᱩᱭ ᱞᱮᱱᱟ, ᱫᱟᱥ ᱥᱳᱱᱯᱩᱨ ᱠᱷᱚᱱ ᱵᱤᱫᱷᱟᱱᱥᱚᱵᱷᱟ ᱥᱚᱦᱮᱛ ᱮ ᱵᱟᱪᱷᱚᱱ ᱞᱮᱱᱟ ᱾ ᱡᱚᱱᱛᱟ ᱯᱟᱨᱴᱤ, ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ (O), ᱵᱷᱟᱨᱚᱛᱤᱭᱚ ᱞᱳᱠᱫᱚᱞ, ᱥᱟᱶᱛᱟᱵᱟᱫᱤ ᱟᱨ ᱡᱚᱱᱚᱥᱚᱝᱜᱷ ᱮᱢᱟᱱ ᱵᱷᱮᱜᱟᱨ ᱵᱷᱮᱜᱟᱨ ᱯᱟᱨᱴᱤ ᱠᱚᱣᱟᱜ ᱢᱤᱫ ᱱᱟᱣᱟ ᱜᱟᱶᱛᱟ ᱛᱟᱦᱮᱸ ᱠᱟᱱᱟ ᱾^[᱓]^[᱔]

ᱥᱤᱨᱟᱹ ᱢᱚᱱᱛᱨᱤ ᱠᱟᱨᱯᱩᱨᱤ ᱴᱷᱟᱠᱩᱨ ᱦᱚᱛᱮᱛᱮ ᱢᱩᱝᱜᱮᱨᱤ ᱞᱟᱞ ᱠᱚᱢᱤᱥᱚᱱ ᱨᱮᱱᱟᱜ ᱨᱤᱯᱳᱨᱴ, ᱡᱟᱦᱟᱸ ᱨᱮ ᱥᱚᱨᱠᱟᱨᱤ ᱠᱟᱹᱢᱤ ᱨᱮ ᱯᱟᱹᱪᱷᱞᱟᱹ ᱡᱟᱹᱛᱤ ᱠᱚ ᱞᱟᱹᱜᱤᱫ ᱨᱤᱡᱚᱨᱵᱮᱥᱚᱱ ᱨᱮᱱᱟᱜ ᱥᱟᱹᱠᱷᱭᱟᱹᱛ ᱮᱢ ᱞᱮᱱᱟ ᱛᱟᱦᱮᱸᱫ, ᱚᱱᱟ ᱯᱟᱹᱛᱭᱟᱹᱣ ᱠᱟᱛᱮᱜ ᱯᱟᱨᱴᱤ ᱨᱮ ᱟᱹᱰᱤ ᱟᱸᱴ ᱮᱱᱟ ᱾ ᱡᱚᱱᱛᱟ ᱯᱟᱨᱴᱤ ᱨᱤᱱ ᱢᱟᱨᱟᱝ ᱡᱟᱹᱛᱤ ᱨᱤᱱ ᱦᱚᱲ ᱠᱚ ᱴᱷᱟᱠᱩᱨ ᱟᱜ ᱥᱤᱨᱟᱹ ᱢᱚᱱᱛᱨᱤ ᱯᱚᱫᱽ ᱠᱷᱚᱱ ᱚᱪᱚᱜ ᱠᱟᱛᱮ ᱨᱤᱡᱚᱨᱵᱮᱥᱚᱱ ᱯᱳᱞᱤᱥᱤ ᱠᱚ ᱵᱚᱫᱚᱞ ᱞᱟᱹᱜᱤᱫ ᱠᱚ ᱠᱩᱨᱩᱢᱩᱴᱩ ᱞᱮᱫᱟ ᱾ ᱫᱚᱞᱤᱴ ᱥᱚᱝᱥᱚᱫᱽ ᱠᱚ ᱟᱠᱚᱣᱟᱜ ᱯᱟᱞᱮ ᱨᱮ ᱞᱟᱹᱜᱤᱫ, ᱫᱟᱥ, ᱡᱟᱦᱟᱸᱭ ᱫᱚ ᱱᱤᱡᱮ ᱫᱚᱞᱤᱴ ᱮ ᱛᱟᱦᱮᱸ ᱠᱟᱱᱟ, ᱩᱱᱤ ᱫᱚ ᱠᱚᱸᱰᱮᱰᱮᱴ ᱮ ᱵᱮᱱᱟᱣ ᱠᱮᱫᱼᱟ ᱾ ᱫᱟᱥ ᱟᱨ ᱴᱷᱟᱠᱩᱨ ᱵᱟᱱᱟᱨ ᱜᱮ ᱥᱟᱶᱛᱟᱵᱟᱫᱤ ᱨᱤᱱ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱫᱟᱥ ᱫᱚ ᱥᱤᱨᱟᱹ ᱢᱚᱱᱛᱨᱤ ᱠᱷᱚᱱ ᱵᱟᱹᱲᱛᱤ ᱢᱚᱱᱛᱨᱤᱭ ᱛᱟᱦᱮᱸ ᱠᱟᱱᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]} ᱴᱷᱟᱠᱩᱨ ᱫᱚ ᱤᱥᱛᱤᱯᱷᱟ ᱮᱢ ᱠᱮᱫᱼᱟ ᱟᱨ ᱫᱟᱥ ᱫᱚ ᱒᱑ ᱮᱯᱨᱤᱞ ᱑᱙᱗᱙ ᱨᱮ ᱵᱤᱦᱟᱨ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱮ ᱵᱮᱱᱟᱣ ᱮᱱᱟ ᱾^[᱑] ᱪᱮᱛᱟᱱ ᱡᱟᱹᱛ ᱠᱚ ᱫᱚ ᱥᱚᱨᱠᱟᱨᱤ ᱠᱟᱹᱢᱤ ᱨᱮ ᱵᱟᱹᱲᱛᱤ ᱥᱟᱭᱠᱚᱲᱟ ᱦᱟᱛᱟᱣ ᱞᱟᱹᱜᱤᱫ ᱫᱟᱣ ᱮᱢ ᱠᱟᱛᱮ ᱨᱤᱡᱚᱨᱵᱮᱥᱚᱱ ᱠᱟᱹᱱᱩᱱ ᱠᱚ ᱠᱚᱢᱡᱩᱨ ᱠᱮᱫᱼᱟ ᱾ ᱡᱚᱱᱛᱟ ᱯᱟᱨᱴᱤ ᱨᱤᱱ ᱵᱷᱤᱛᱨᱤ ᱛᱟᱯᱟᱢ ᱠᱷᱟᱹᱛᱤᱨ ᱛᱮ ᱱᱚᱣᱟ ᱫᱚ ᱟᱭᱢᱟ ᱜᱩᱴ ᱨᱮ ᱦᱟᱹᱴᱤᱧ ᱞᱮᱱᱟ, ᱚᱱᱟ ᱨᱮᱭᱟᱜ ᱯᱷᱚᱞᱳᱱ ᱫᱚ ᱑᱙᱘᱐ ᱥᱟᱞ ᱨᱮ ᱠᱚᱝᱜᱽᱨᱮᱥ ᱫᱚ ᱫᱟᱲᱮ ᱨᱮ ᱨᱩᱣᱟᱹᱲ ᱮᱱᱟ ᱾^[᱔]^[᱕]

᱑᱙᱘᱐ ᱥᱮᱨᱢᱟ ᱨᱮᱱᱟᱜ ᱛᱟᱞᱟ ᱥᱮᱦᱮᱫ ᱨᱮ, ᱡᱚᱱᱛᱟ ᱯᱟᱨᱴᱤ ᱨᱤᱱ ᱠᱤᱪᱷᱩ ᱦᱚᱲ ᱠᱚ ᱡᱚᱱᱛᱟ ᱫᱚᱞ ᱵᱮᱱᱟᱣ ᱠᱮᱫᱟ, ᱡᱟᱦᱟᱸ ᱫᱚ ᱑᱙᱘᱙ ᱥᱮᱨᱢᱟ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱥᱟᱫᱷᱟᱨᱚᱱ ᱵᱟᱪᱷᱱᱟᱣ ᱛᱟᱭᱚᱢ ᱡᱟᱹᱛᱤᱭᱟᱹᱨᱤ ᱛᱷᱚᱠ ᱨᱮ ᱢᱤᱫᱴᱟᱹᱝ ᱜᱟᱶᱛᱟ ᱥᱚᱨᱠᱟᱨ ᱵᱮᱱᱟᱣ ᱠᱮᱫᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]} ᱑᱙᱙᱐ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ, ᱡᱚᱱᱛᱟ ᱫᱚᱞ ᱫᱚ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱢᱟᱹᱪᱤ ᱠᱚᱭ ᱡᱤᱛᱠᱟᱹᱨ ᱞᱮᱱᱟ ᱟᱨ ᱵᱤᱡᱮᱯᱤ ᱟᱨ ᱠᱚᱢᱭᱩᱱᱤᱥᱴ ᱠᱚᱣᱟᱜ ᱵᱟᱦᱨᱮ ᱥᱚᱦᱚᱫ ᱛᱮ ᱥᱚᱨᱠᱟᱨ ᱵᱮᱱᱟᱣ ᱨᱮᱱᱟᱜ ᱠᱩᱨᱩᱢᱩᱴᱩ ᱞᱮᱫᱟ ᱾ ᱫᱟᱥ ᱫᱚ ᱨᱚᱜᱷᱩᱱᱟᱛᱷ ᱡᱷᱟ ᱟᱨ ᱞᱟᱞᱩ ᱯᱨᱚᱥᱟᱫᱽ ᱭᱟᱫᱚᱵᱽ ᱵᱤᱨᱩᱫᱷ ᱨᱮ ᱥᱤᱨᱟᱹ ᱢᱚᱱᱛᱨᱤ ᱯᱚᱫᱽ ᱞᱟᱹᱜᱤᱫ ᱮ ᱫᱟᱹᱵᱤ ᱛᱟᱦᱮᱸ ᱠᱟᱱᱟᱭ ᱾ ᱭᱟᱫᱚᱵᱽ ᱫᱚ ᱫᱮᱵᱤ ᱞᱟᱞ ᱟᱨ ᱱᱤᱛᱤᱥ ᱠᱩᱢᱟᱨ, ᱡᱷᱟ ᱫᱚ ᱪᱚᱸᱫᱽᱨᱚ ᱥᱮᱠᱷᱚᱨ ᱟᱨ ᱫᱟᱥ ᱫᱚ ᱢᱟᱨᱟᱝ ᱢᱚᱱᱛᱨᱤ ᱵᱷᱤ.ᱯᱤ. ᱥᱤᱝ ᱟᱜ ᱜᱚᱲᱚᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱞᱟᱞᱩ ᱭᱟᱫᱚᱵᱽ ᱫᱚ ᱢᱚᱱᱰᱚᱞ ᱠᱚᱢᱤᱥᱚᱱ ᱞᱟᱹᱜᱤᱫ ᱟᱹᱰᱤ ᱵᱟᱹᱲᱛᱤ ᱠᱟᱹᱢᱤ ᱠᱮᱫᱟ, ᱡᱟᱦᱟᱸ ᱨᱮ ᱯᱟᱹᱪᱷᱞᱟᱹ ᱡᱟᱹᱛᱤ ᱠᱚ ᱞᱟᱹᱜᱤᱫ ᱠᱮᱴᱨᱚᱞ ᱠᱟᱹᱢᱤ ᱨᱮ ᱨᱟᱠᱷᱟ ᱫᱚᱦᱚ ᱠᱟᱱᱟ ᱾ ᱱᱚᱣᱟ ᱮᱴᱠᱮᱴᱚᱬᱮ ᱵᱟᱵᱚᱛ ᱫᱟᱥ ᱫᱚ ᱠᱚᱢ ᱩᱢᱡᱷᱟᱹᱣ ᱛᱟᱦᱮᱸ ᱠᱟᱱᱟᱭ ᱾ ᱵᱷᱤ.ᱯᱤ. ᱥᱤᱝ ᱦᱚᱛᱮᱛᱮ ᱫᱟᱥ ᱟᱜ ᱜᱚᱲᱚ ᱥᱚᱦᱚᱫ ᱫᱚ ᱱᱚᱶᱟ ᱥᱟᱶᱛᱟᱨᱤ ᱤᱸᱡᱤᱱᱤᱭᱚᱨᱤᱝ ᱨᱮ ᱦᱩᱞᱥᱟᱹᱭ ᱵᱟᱹᱱᱩᱜ ᱞᱮᱠᱟᱛᱮ ᱠᱚ ᱧᱮᱞ ᱠᱮᱫᱼᱟ ᱾ ᱱᱤᱛᱤᱥ ᱠᱩᱢᱟᱨ ᱫᱚ ᱭᱟᱫᱚᱵᱽ ᱟᱲᱮ ᱨᱮ ᱯᱟᱹᱪᱷᱞᱟᱹ ᱡᱟᱹᱛᱤ ᱨᱤᱱ ᱵᱤᱫᱷᱟᱭᱚᱠ ᱠᱚ ᱢᱤᱫ ᱫᱷᱟᱣ ᱠᱮᱫ ᱠᱚᱣᱟ ᱾ ᱵᱟᱪᱷᱱᱟᱣ ᱨᱮ, ᱭᱟᱫᱚᱵᱽ ᱫᱚ ᱫᱟᱥ ᱨᱮ ᱕᱙-᱕᱖ ᱨᱮᱱᱟᱜ ᱢᱚᱬᱮ ᱜᱚᱴᱟᱝ ᱵᱷᱮᱜᱟᱨ ᱛᱮ ᱡᱤᱛᱟᱹᱣ ᱮᱱᱟ ᱾ ᱡᱷᱟ ᱫᱚ ᱑᱒ ᱜᱚᱴᱟᱝ ᱵᱤᱫᱷᱟᱭᱚᱠ ᱮ ᱡᱤᱛᱠᱟᱹᱨ ᱞᱮᱫ ᱠᱚᱣᱟ, ᱚᱱᱟ ᱠᱚ ᱢᱩᱸᱫᱽ ᱨᱮ ᱡᱟᱹᱥᱛᱤ ᱜᱟᱱ ᱫᱚ ᱩᱥᱩᱞ ᱡᱟᱹᱛᱤ ᱨᱤᱱ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾^[᱔]

ᱭᱨᱚᱱᱚᱢᱟᱱ ᱞᱮᱠᱟᱛᱮ ᱑᱙᱙᱕ ᱥᱮᱨᱢᱟ ᱨᱮ ᱩᱱᱤ ᱫᱚ ᱪᱚᱸᱫᱽᱨᱚᱥᱮᱠᱷᱚᱨ ᱟᱜ ᱥᱚᱢᱟᱡᱽᱣᱟᱫᱤ ᱡᱚᱱᱛᱟ ᱯᱟᱨᱴᱤ ᱨᱮᱭ ᱥᱮᱞᱮᱫ ᱞᱮᱱᱟ, ᱢᱮᱱᱠᱷᱟᱱ ᱪᱚᱸᱫᱽᱨᱚᱥᱮᱠᱷᱚᱨ ᱫᱚ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱟᱡᱟᱜ ᱵᱟᱪᱷᱱᱟᱣ ᱫᱚᱭ ᱵᱤᱨᱚᱫᱷ ᱞᱮᱫ ᱛᱟᱦᱮᱸᱫ ᱾ ᱨᱟᱢ ᱥᱩᱱᱫᱚᱨ ᱫᱟᱥ ᱒᱐᱐᱘ ᱥᱮᱨᱢᱟ ᱫᱷᱟᱹᱨᱤᱡ ᱚᱱᱟ ᱯᱟᱨᱴᱤ ᱨᱮ ᱛᱟᱦᱮᱸ ᱠᱟᱱᱟᱭ, ᱟᱨ ᱢᱤᱫᱴᱟᱹᱝ ᱮᱴᱟᱜ ᱚᱠᱛᱚ ᱨᱮ ᱩᱱᱤ ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) ᱨᱮᱭ ᱥᱮᱞᱮᱫ ᱮᱱᱟ, ᱢᱮᱱᱠᱷᱟᱱ ᱩᱱᱠᱩ ᱦᱚᱸ ᱑᱙᱙᱐ ᱥᱮᱨᱢᱟ ᱨᱮ ᱟᱡᱟᱜ ᱥᱤᱨᱟᱹ ᱢᱚᱱᱛᱨᱤ ᱯᱚᱫᱽ ᱞᱟᱹᱜᱤᱫ ᱮᱱᱰᱤᱰᱤᱵᱷᱤᱥᱟᱱ ᱮ ᱵᱤᱨᱚᱫᱷ ᱞᱮᱫ ᱛᱟᱦᱮᱸᱫ ᱾^[᱖] ᱖ ᱢᱟᱨᱪ ᱒᱐᱑᱕ ᱨᱮ ᱙᱔ ᱥᱮᱨᱢᱟ ᱩᱢᱮᱨ ᱨᱮ ᱩᱱᱤᱭᱟᱜ ᱜᱩᱨ ᱦᱩᱭ ᱞᱮᱱᱟ ᱾^[᱗]

ᱵᱟᱪᱷᱟᱣ ᱨᱮᱠᱚᱨᱰ

᱑᱙᱕᱗: ᱑᱙᱕᱗ ᱥᱤᱧᱚᱛᱤᱭᱟᱹ ᱥᱟᱫᱷᱟᱨᱚᱱ ᱵᱟᱪᱷᱱᱟᱣ ᱨᱮ ᱦᱟᱡᱤᱯᱩᱨ (ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ) ᱠᱷᱚᱱ ᱥᱳᱥᱤᱭᱟᱞᱤᱥᱴ ᱯᱟᱨᱴᱤ (ᱥᱤᱧᱚᱛ) ᱠᱟᱱᱰᱤᱰᱮᱴ ᱞᱮᱠᱟᱛᱮ ᱵᱟᱪᱷᱚᱱ ᱞᱮᱱᱟᱭ
᱑᱙᱖᱘-᱑᱙᱗᱗: ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱯᱚᱨᱤᱥᱚᱫᱽ ᱨᱤᱱᱤᱡ ᱥᱚᱦᱮᱛ ᱾^[᱑]
᱑᱙᱗᱗: ᱦᱟᱡᱤᱯᱩᱨ ᱠᱷᱚᱱ ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱟᱯᱱᱟᱨ ᱞᱮᱠᱟᱛᱮ ᱯᱩᱱ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱟᱨ ᱓᱔᱔᱙ ᱵᱷᱚᱴ ᱮ ᱧᱟᱢ ᱞᱮᱫᱼᱟ ᱾^[᱘]
᱑᱙᱗᱗: ᱥᱳᱱᱯᱩᱨ (ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ) (सोनपुर) ᱠᱷᱚᱱ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱨᱮ ᱵᱟᱪᱷᱚᱱ ᱞᱮᱱᱟᱭ ᱾^[᱙]
- ᱑᱙᱗᱙ ᱨᱮ ᱵᱤᱦᱟᱨ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾^[᱑]
᱑᱙᱘᱐: ᱥᱳᱱᱯᱩᱨ ᱨᱮ ᱡᱚᱱᱛᱟ ᱯᱟᱨᱴᱤ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮ ᱯᱮᱭᱟ ᱴᱷᱟᱶ ᱮ ᱟᱢᱮᱴ ᱠᱮᱫᱼᱟ ᱾ ᱡᱚᱱᱛᱟ ᱯᱟᱨᱴᱤ (ᱥᱮᱠᱭᱩᱞᱚᱨ) ᱨᱤᱱᱤᱡ ᱞᱟᱞᱩ ᱭᱟᱫᱚᱵᱽ ᱠᱷᱚᱱ ᱦᱟᱨᱟᱣ ᱮᱱᱟᱭ ᱾^[᱑᱐]
᱑᱙᱘᱔: ᱯᱟᱞᱟᱢᱩ ᱢᱟᱹᱪᱤ ᱠᱷᱚᱱ ᱡᱚᱱᱛᱟ ᱯᱟᱨᱴᱤ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱦᱟᱨᱟᱣ ᱮᱱᱟ, ᱚᱱᱟ ᱛᱟᱭᱚᱢ ᱵᱤᱦᱟᱨ ᱨᱮ ᱟᱨ ᱱᱤᱛ ᱡᱷᱟᱨᱠᱷᱚᱸᱰ ᱨᱮ ᱾
᱑᱙᱘᱕: ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱡᱚᱱᱛᱟ ᱯᱟᱨᱴᱤ ᱦᱚᱛᱮᱛᱮ ᱜᱚᱨᱠᱷᱟ (ᱮᱥᱹᱥᱤᱹ) ᱢᱟᱹᱪᱤ ᱠᱷᱚᱱ ᱵᱟᱪᱷᱱᱟᱣ ᱨᱮ ᱦᱟᱨᱟᱣ ᱮᱱᱟᱭ ᱾
᱑᱙᱙᱐: ᱯᱟᱛᱮᱯᱩᱨ ᱠᱷᱚᱱ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱᱟ ᱾ ᱤᱱᱟᱹ ᱛᱟᱭᱚᱢ ᱥᱮᱨᱢᱟ ᱨᱮ ᱩᱱᱤ ᱫᱚ ᱞᱳᱠ ᱥᱚᱵᱷᱟ ᱨᱮ ᱵᱟᱪᱷᱚᱱ ᱮᱱᱠᱷᱟᱱ ᱢᱟᱹᱪᱤ ᱠᱷᱟᱹᱞᱤ ᱮᱱᱟ ᱾^[᱑᱑]
᱑᱙᱙᱑ : ᱦᱟᱡᱤᱯᱩᱨ ᱠᱷᱚᱱ ᱞᱳᱠ ᱥᱚᱵᱷᱟ ᱞᱟᱹᱜᱤᱫ ᱡᱚᱱᱛᱟ ᱫᱚᱞ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱵᱟᱪᱷᱚᱱ ᱞᱮᱱᱟᱭ^[᱑᱒]^[᱑]
᱑᱙᱙᱖: ᱦᱟᱡᱤᱯᱩᱨ ᱠᱷᱚᱱ ᱥᱚᱢᱚᱛᱟ ᱯᱟᱨᱴᱤ (ᱡᱟᱦᱟᱸ ᱨᱤᱱᱤᱡ ᱯᱟᱨᱥᱮᱛ ᱫᱚ ᱩᱫᱚᱭ ᱢᱚᱱᱰᱚᱞ ᱛᱟᱦᱮᱸ ᱠᱟᱱᱟ)^[᱑᱓] ᱨᱤᱱᱤᱡ ᱠᱚᱱᱰᱤᱰᱮᱴ ᱞᱮᱠᱟᱛᱮ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱦᱟᱨᱟᱣ ᱮᱱᱟ, ᱢᱮᱱᱠᱷᱟᱱ ᱩᱱᱤ ᱫᱚ ᱮᱠᱟᱞ ᱧᱩᱛᱩᱢ ᱟᱱ ᱮᱴᱟᱜ ᱦᱚᱲ ᱮ ᱛᱟᱦᱮᱸ ᱫᱟᱲᱮᱭᱟᱜᱼᱟ ᱾ ᱫᱟᱥ ᱫᱚ ᱥᱚᱢᱚᱛᱟ ᱯᱟᱨᱴᱤ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱦᱚᱸ ᱵᱟᱭ ᱛᱟᱦᱮᱸ ᱠᱟᱱᱟ ᱾
᱑᱙᱙᱘: ᱥᱚᱢᱟᱡᱽᱣᱟᱫᱤ ᱡᱚᱱᱛᱟ ᱯᱟᱨᱴᱤ (ᱨᱟᱥᱴᱨᱤᱭᱚ) ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱦᱟᱡᱤᱯᱩᱨ ᱠᱷᱚᱱ ᱦᱟᱨᱟᱣ ᱮᱱᱟ
᱑᱙᱙᱙: ᱥᱚᱢᱟᱡᱽᱣᱟᱫᱤ ᱡᱚᱱᱛᱟ ᱯᱟᱨᱴᱤ (ᱨᱟᱥᱴᱨᱤᱭᱚ) ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱦᱟᱡᱤᱯᱩᱨ ᱠᱷᱚᱱ ᱦᱟᱨᱟᱣ ᱮᱱᱟ ᱾ ᱕,᱐᱒᱗ ᱵᱷᱳᱴ ᱥᱟᱶᱛᱮ ᱛᱮᱥᱟᱨ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱾
᱒᱐᱐᱔: ᱥᱚᱢᱟᱡᱽᱣᱟᱫᱤ ᱡᱚᱱᱛᱟ ᱯᱟᱨᱴᱤ (ᱨᱟᱥᱴᱨᱤᱭᱚ) ᱨᱤᱱᱤᱡ ᱥᱚᱦᱮᱛ ᱞᱮᱠᱟᱛᱮ ᱦᱟᱡᱤᱯᱩᱨ ᱠᱷᱚᱱ ᱨᱟᱢ ᱥᱩᱱᱫᱚᱨ ᱫᱟᱥ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱦᱟᱨᱟᱣ ᱮᱱᱟ, ᱢᱮᱱᱠᱷᱟᱱ ᱩᱱᱤ ᱫᱚ ᱱᱚᱣᱟ ᱧᱩᱛᱩᱢ ᱟᱱ ᱮᱴᱟᱜ ᱦᱚᱲ ᱠᱟᱱᱟᱭ, ᱪᱮᱫᱟᱜ ᱥᱮ ᱚᱱᱠᱟᱱ ᱮᱞᱠᱷᱟ ᱞᱮᱠᱟᱛᱮ ᱩᱱᱤᱭᱟᱜ ᱩᱢᱮᱨ ᱫᱚ ᱖᱗ ᱥᱮᱨᱢᱟ ᱛᱟᱦᱮᱸ ᱠᱟᱱᱟ ᱾ ᱢᱮᱱᱠᱷᱟᱱ ᱩᱢᱮᱨ ᱨᱮ ᱴᱟᱭᱤᱯ ᱦᱤᱲᱤᱧ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ ᱾
᱒᱐᱐᱙: ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) ᱨᱤᱱᱤᱡ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱦᱟᱡᱤᱯᱩᱨ ᱠᱷᱚᱱ ᱞᱳᱠᱥᱚᱵᱷᱟ ᱞᱟᱹᱜᱤᱫ ᱵᱟᱪᱷᱚᱱ ᱞᱮᱱᱟᱭ ᱾ ᱨᱟᱢ ᱵᱤᱞᱟᱥ ᱯᱟᱥᱣᱟᱱ ᱫᱚ ᱦᱟᱨᱟᱣ ᱠᱮᱫᱮᱭᱟ ᱾
᱒᱐᱑᱔: ᱱᱤᱛᱤᱥ ᱠᱩᱢᱟᱨ ᱟᱜ ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) ᱨᱤᱱᱤᱡ ᱠᱚᱱᱰᱤᱰᱮᱴ ᱞᱮᱠᱟᱛᱮ ᱦᱟᱡᱤᱯᱩᱨ ᱠᱷᱚᱱ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱦᱟᱨᱟ ᱞᱮᱱᱟᱭ (ᱛᱮᱥᱟᱨ ᱴᱷᱟᱶ ᱨᱮ ᱢᱮᱱᱟᱭᱟ) ᱾^[᱑᱔]

ᱥᱟᱹᱠᱷᱭᱟᱹᱛ

↑ ^᱑.᱐ ^᱑.᱑ ^᱑.᱒ ^᱑.᱓ ^᱑.᱔ ^᱑.᱕ ^᱑.᱖ "Former Bihar Chief Minister Ram Sundar Das passes away at 95". India Today (in ᱟᱝᱜᱽᱨᱮᱡᱤ). India Today. 7 March 2015. Retrieved 21 February 2021.
↑ Farz, Ahmed (15 May 1996). "Elections 1996: Ram Vilas Paswan may find the going tough this time". India Today (in ᱟᱝᱜᱽᱨᱮᱡᱤ). Retrieved 2020-06-05.
↑ ^᱓.᱐ ^᱓.᱑ ^᱓.᱒ "Members Bioprofile". Parliament of India. Retrieved 8 April 2020.
↑ ^᱔.᱐ ^᱔.᱑ ^᱔.᱒ Sanjay Kumar (2018). Post-Mandal Politics in Bihar: Changing Electoral Patterns. SAGE Publications. ISBN 9789352805860.
↑ "State mourns death of ex-CM on festival day". Daily Telegraph. 7 March 2015.
↑ Faizan Ahmad (30 Dec 2008). "Ram Sundar Das, supporters join JD(U) | Patna News - Times of India". The Times of India (in ᱟᱝᱜᱽᱨᱮᱡᱤ). Retrieved 2021-09-25.
↑ "Former Bihar Chief Minister Ram Sundar Das passes away". The Economics Times. 6 March 2015. Retrieved 6 March 2015.
↑ "A victory after 32 years of trying". Hindustan Times (in ᱟᱝᱜᱽᱨᱮᱡᱤ). 2009-05-22. Retrieved 2021-09-25.
↑ "Bihar Assembly Election Results in 1977". Elections in India. Retrieved 2021-09-25.
↑ "Sonepur Assembly Constituency Election Result - Legislative Assembly Constituency". resultuniversity.com. Retrieved 2021-09-25.
↑ "Bihar Assembly Election Results in 1990". Elections in India. Retrieved 2021-09-25.
↑ "1991 India General (10th Lok Sabha) Elections Results". www.elections.in. Retrieved 2021-09-25.
↑ "Flaming torch a free symbol, EC can allot it to any other party: Delhi HC dismisses Samata Party's appeal". The Indian Express (in ᱟᱝᱜᱽᱨᱮᱡᱤ). 2022-11-19. Retrieved 2022-11-26.
↑ "Hajipur Lok Sabha Election Result - Parliamentary Constituency". resultuniversity.com. Retrieved 2021-09-25.

ᱵᱟᱦᱨᱮ ᱡᱚᱱᱚᱲ

[Ram_Sundar_reference1-1] ᱑.᱐ ^᱑.᱑ ^᱑.᱒ ^᱑.᱓ ^᱑.᱔ ^᱑.᱕ ^᱑.᱖ "Former Bihar Chief Minister Ram Sundar Das passes away at 95". India Today (in ᱟᱝᱜᱽᱨᱮᱡᱤ). India Today. 7 March 2015. Retrieved 21 February 2021.

[2] Farz, Ahmed (15 May 1996). "Elections 1996: Ram Vilas Paswan may find the going tough this time". India Today (in ᱟᱝᱜᱽᱨᱮᱡᱤ). Retrieved 2020-06-05.

[Parl-3] ᱓.᱐ ^᱓.᱑ ^᱓.᱒ "Members Bioprofile". Parliament of India. Retrieved 8 April 2020.

[sk-4] ᱔.᱐ ^᱔.᱑ ^᱔.᱒ Sanjay Kumar (2018). Post-Mandal Politics in Bihar: Changing Electoral Patterns. SAGE Publications. ISBN 9789352805860.

[dt-5] "State mourns death of ex-CM on festival day". Daily Telegraph. 7 March 2015.

[6] Faizan Ahmad (30 Dec 2008). "Ram Sundar Das, supporters join JD(U) | Patna News - Times of India". The Times of India (in ᱟᱝᱜᱽᱨᱮᱡᱤ). Retrieved 2021-09-25.

[death-7] "Former Bihar Chief Minister Ram Sundar Das passes away". The Economics Times. 6 March 2015. Retrieved 6 March 2015.

[8] "A victory after 32 years of trying". Hindustan Times (in ᱟᱝᱜᱽᱨᱮᱡᱤ). 2009-05-22. Retrieved 2021-09-25.

[9] "Bihar Assembly Election Results in 1977". Elections in India. Retrieved 2021-09-25.

[10] "Sonepur Assembly Constituency Election Result - Legislative Assembly Constituency". resultuniversity.com. Retrieved 2021-09-25.

[11] "Bihar Assembly Election Results in 1990". Elections in India. Retrieved 2021-09-25.

[12] "1991 India General (10th Lok Sabha) Elections Results". www.elections.in. Retrieved 2021-09-25.

[13] "Flaming torch a free symbol, EC can allot it to any other party: Delhi HC dismisses Samata Party's appeal". The Indian Express (in ᱟᱝᱜᱽᱨᱮᱡᱤ). 2022-11-19. Retrieved 2022-11-26.

[14] "Hajipur Lok Sabha Election Result - Parliamentary Constituency". resultuniversity.com. Retrieved 2021-09-25.

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]

[᱑᱐]

[᱑᱑]

[᱑᱒]

[᱑᱓]

[᱑᱔]