ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ
| ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ | |
|---|---|
| ᱞᱳᱠᱥᱚᱵᱷᱟ ᱨᱤᱱᱤᱡ ᱥᱚᱝᱥᱚᱫᱽ ᱥᱚᱦᱮᱛ | |
| ᱟᱹᱢᱟᱹᱞᱤ ᱨᱮ ᱒᱐᱑᱔ – ᱒᱐᱑᱙ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱩᱵᱚᱫᱷ ᱠᱟᱱᱴ ᱥᱟᱦᱟᱭ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱥᱚᱱᱡᱚᱭ ᱥᱮᱴᱷ |
| ᱵᱟᱪᱷᱱᱟᱣ ᱮᱞᱟᱠᱟ | ᱨᱟᱺᱪᱤ |
| ᱟᱹᱢᱟᱹᱞᱤ ᱨᱮ ᱑᱙᱙᱑ – ᱒᱐᱐᱔ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱩᱵᱚᱛᱷ ᱠᱟᱱᱴ ᱥᱟᱦᱟᱭ |
| ᱵᱟᱪᱷᱱᱟᱣ ᱮᱞᱟᱠᱟ | ᱨᱟᱺᱪᱤ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑ ᱡᱟᱱᱩᱣᱟᱨᱤ ᱑᱙᱔᱒ ᱠᱩᱪᱪᱩ, ᱚᱨᱢᱟᱡᱷᱤ, ᱨᱟᱺᱪᱤ, ᱵᱤᱦᱟᱨ ᱯᱨᱚᱫᱮᱥ (ᱱᱤᱛᱚᱜ ᱫᱚ ᱡᱷᱟᱨᱠᱷᱚᱸᱰ) |
| ᱨᱟᱡᱽᱟᱹᱨᱤ ᱫᱚᱞ | ᱟᱭᱤ.ᱮᱱ.ᱥᱤ. |
| ᱡᱤᱭᱚᱱ ᱥᱚᱦᱮᱫ | ᱢᱟᱹᱱᱤᱡ ᱥᱟᱵᱤᱛᱨᱤ ᱫᱮᱵᱤ |
| ᱦᱚᱯᱚᱱ | ᱔ |
| ᱚᱲᱟᱜ | ᱚᱨᱢᱟᱡᱷᱤ, ᱨᱟᱺᱪᱤ |
| As of ᱙ ᱱᱚᱵᱷᱮᱢᱵᱚᱨ, ᱒᱐᱑᱙ Source: [᱑] | |
ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ (ᱡᱟᱱᱟᱢ ᱑᱙᱔᱒) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ, ᱥᱮᱪᱮᱫᱤᱭᱟᱹ, ᱯᱷᱤᱞᱟᱱᱴᱨᱚᱯᱤᱥᱴ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱙᱑ ᱠᱷᱚᱱ ᱒᱐᱐᱔ ᱟᱨ ᱒᱐᱑᱔ ᱠᱷᱚᱱ ᱒᱐᱑᱙ ᱫᱷᱟᱹᱨᱤᱡ ᱡᱷᱟᱨᱠᱷᱚᱸᱰ ᱨᱮ ᱨᱟᱺᱪᱤ ᱠᱷᱚᱱ ᱞᱳᱠᱥᱚᱵᱷᱟ ᱨᱤᱱᱤᱡ ᱵᱤᱡᱮᱯᱤ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱤᱱᱤᱡ ᱠᱟᱱᱟᱭ, ᱢᱮᱱᱠᱷᱟᱱ ᱒᱐᱑᱙ ᱨᱮᱱᱟᱜ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱞᱟᱹᱜᱤᱫ ᱴᱤᱠᱮᱴ ᱵᱟᱝ ᱧᱟᱢ ᱞᱮᱱ ᱠᱷᱟᱱ ᱩᱱᱤ ᱫᱚ ᱯᱟᱨᱴᱤ ᱠᱷᱚᱱ ᱤᱥᱴᱤᱯᱷᱟᱭ ᱮᱢ ᱞᱮᱫᱼᱟ ᱾ ᱩᱱᱤ ᱫᱚ ᱒᱐᱑᱙ ᱥᱟᱞ ᱨᱮ ᱨᱟᱺᱪᱤ ᱠᱷᱚᱱ ᱱᱤᱡᱮᱨᱟᱜ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱩᱱᱤ ᱫᱚ ᱒.᱕% ᱠᱷᱚᱱ ᱦᱚᱸ ᱠᱚᱢ ᱵᱷᱚᱴ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱯᱩᱭᱞᱩ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾[᱑][᱒]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ ᱫᱚ ᱵᱤᱞᱚᱢ ᱫᱚᱥᱨᱚᱛᱷ ᱪᱚᱣᱫᱷᱩᱨᱤ ᱭᱤᱡ ᱜᱤᱫᱽᱨᱟᱹ ᱠᱟᱱᱟᱭ ᱾ ᱱᱩᱭ ᱫᱚ ᱨᱟᱺᱪᱤ ᱦᱚᱱᱚᱛ ᱨᱮᱱᱟᱜ ᱚᱨᱢᱟᱡᱷᱤ ᱵᱚᱱᱚᱛ ᱨᱮᱱᱟᱜ ᱠᱩᱪᱪᱩ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱑][᱓] ᱟᱡ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱫᱚᱥᱨᱚᱛᱷ ᱪᱚᱣᱫᱷᱨᱤ ᱟᱨ ᱟᱡ ᱟᱭᱳᱣᱟᱜ ᱧᱩᱛᱩᱢ ᱫᱚ ᱡᱟᱱᱠᱤ ᱫᱮᱵᱤ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱟᱣᱤᱛᱨᱤ ᱫᱮᱵᱤ ᱥᱟᱶᱮ ᱵᱟᱯᱞᱟ ᱞᱮᱱᱟ ᱟᱨ ᱩᱱᱤ ᱨᱤᱱ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱟᱨ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟ ᱾[᱑] ᱩᱱᱤ ᱫᱚ ᱫᱷᱚᱨᱚᱢ ᱛᱮ ᱦᱤᱱᱫᱩ ᱟᱨ ᱡᱟᱹᱛᱤ ᱛᱮ ᱠᱩᱰᱢᱤ ᱢᱟᱦᱟᱛᱳ ᱠᱟᱱᱟ ᱾[᱔]
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱚᱨᱢᱟᱧᱡᱤ ᱨᱮᱱᱟᱜ ᱠᱩᱪᱪᱩ ᱟᱹᱛᱩ ᱨᱤᱱᱤᱡ ᱢᱤᱫ ᱟᱹᱛᱩ ᱯᱚᱧᱪᱟᱭᱚᱛ ᱨᱤᱱᱤᱡ ᱢᱩᱠᱷᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱛᱟᱭᱚᱢ ᱩᱱᱤ ᱫᱚ ᱑᱙᱖᱙ ᱠᱷᱚᱱ ᱗᱑ ᱟᱨ ᱑᱙᱗᱒ ᱠᱷᱚᱱ ᱑᱙᱗᱗ ᱫᱷᱟᱹᱨᱤᱡ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱑᱙᱗᱗ ᱠᱷᱚᱱ ᱑᱙᱙᱖ ᱫᱷᱟᱹᱨᱤᱡ ᱚᱨᱢᱟᱧᱡᱷᱤ ᱜᱨᱟᱢ ᱯᱚᱧᱪᱟᱭᱮᱛ ᱨᱤᱱᱤᱡ ᱢᱩᱠᱷᱤᱭᱟᱹ ᱛᱟᱭᱚᱢ ᱑᱙᱘᱘ ᱨᱮ ᱨᱟᱺᱪᱤ ᱨᱮ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱤᱱᱤᱡ ᱯᱟᱨᱥᱮᱛ ᱮ ᱵᱮᱱᱟᱣ ᱮᱱᱟ ᱾ ᱑᱙᱙᱑ ᱟᱨ ᱑᱙᱙᱖ ᱨᱮ, ᱩᱱᱤ ᱫᱚ ᱵᱟᱨ ᱫᱷᱟᱣ ᱞᱳᱠᱥᱚᱵᱷᱟ ᱨᱤᱱᱤᱡ ᱥᱚᱝᱥᱚᱫᱽ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾ ᱛᱟᱭᱚᱢ ᱩᱱᱤ ᱫᱚ ᱑᱙᱘᱘ ᱨᱮ ᱟᱨ ᱑᱙᱙᱙ ᱨᱮ ᱞᱳᱠᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱᱟ ᱾ ᱒᱐᱑᱔ ᱥᱟᱞ ᱨᱮ, ᱩᱱᱤ ᱫᱚ ᱞᱳᱠᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱᱟ ᱾[᱕]
ᱯᱷᱤᱞᱟᱱᱴᱨᱚᱯᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ ᱫᱚ ᱢᱤᱫ ᱧᱩᱛᱩᱢᱟᱱ ᱯᱷᱤᱞᱟᱱᱴᱨᱚᱯᱤ ᱠᱟᱱᱟᱭ ᱾ ᱩᱱᱤ ᱫᱚ ᱨᱟᱺᱪᱤ ᱨᱮ ᱟᱹᱰᱤ ᱜᱟᱱ ᱥᱮᱪᱮᱫ ᱤᱱᱥᱴᱤᱪᱩᱴ ᱠᱚᱭ ᱵᱮᱱᱟᱣ ᱟᱠᱟᱫᱟ ᱾ ᱑᱙᱗᱘ ᱥᱟᱞ ᱨᱮ ᱩᱱᱤ ᱫᱚ ᱵᱩᱴᱤ ᱨᱟᱺᱪᱤ ᱨᱮ ᱨᱟᱢ ᱴᱚᱦᱮᱞ ᱪᱚᱣᱫᱷᱨᱤ ᱦᱚᱛᱮᱛᱮ ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ ᱦᱟᱭ ᱥᱠᱩᱞ ᱮ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱟᱥᱲᱟ ᱫᱚ ᱥᱤ.ᱵᱤ.ᱮᱥ.ᱤ., ᱫᱤᱞᱞᱤ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱟᱨ ᱥᱤ.ᱵᱤ.ᱮᱥ.ᱤ., ᱯᱟᱴᱱᱟ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾[᱕][᱖] ᱒᱐᱐᱘ ᱥᱟᱞ ᱨᱮ ᱩᱱᱤ ᱫᱚ ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ ᱤᱱᱥᱴᱤᱴᱭᱩᱴ ᱚᱯᱷ ᱴᱮᱠᱱᱚᱞᱚᱡᱤ (RTCIT) ᱮ ᱵᱮᱱᱟᱣ ᱞᱮᱫᱼᱟ ᱾ ᱱᱚᱣᱟ ᱫᱚ ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱩᱲᱟᱹᱭ ᱢᱮᱱᱟᱜᱼᱟ ᱟᱨ ᱚᱞ ᱤᱱᱰᱤᱭᱟ ᱴᱮᱠᱱᱤᱠᱮᱞ ᱮᱡᱩᱠᱮᱥᱚᱱ ᱯᱟᱨᱤᱥᱚᱫᱽ (AICTE) ᱦᱚᱛᱮᱛᱮ ᱥᱟᱨᱦᱟᱣ ᱟᱠᱟᱱᱟ ᱾[᱗] ᱩᱱᱤ ᱫᱚ ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ ᱵᱤ.ᱮᱰ. ᱠᱚᱞᱮᱡᱽ ᱦᱚᱸᱭ ᱛᱮᱭᱟᱨ ᱟᱠᱟᱫᱟ ᱟᱨ ᱚᱱᱟ ᱫᱚ ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱾
ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ ᱦᱟᱭ ᱥᱠᱩᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ ᱦᱟᱭ ᱥᱠᱩᱞ[᱘] ᱫᱚ ᱢᱤᱫ ᱟᱥᱲᱟ ᱠᱟᱱᱟ ᱡᱟᱦᱟᱸ ᱫᱚ ᱑᱙᱗᱘ ᱥᱟᱞ ᱨᱮ ᱵᱩᱴᱤ ᱨᱟᱺᱪᱤ ᱨᱮ ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ ᱦᱚᱛᱮᱛᱮ ᱵᱮᱱᱟᱣ ᱞᱮᱱᱟ ᱾ ᱱᱚᱶᱟ ᱟᱥᱲᱟ ᱫᱚ ᱥᱤ.ᱵᱤ.ᱮᱥ.ᱤ., ᱫᱤᱞᱞᱤ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱟᱨ ᱥᱤ.ᱵᱤ.ᱮᱥ.ᱤ., ᱯᱟᱴᱱᱟ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾[᱖]
ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ ᱤᱱᱥᱴᱤᱴᱭᱩᱴ ᱚᱯᱷ ᱴᱮᱠᱱᱚᱞᱚᱡᱤ (ᱟᱨᱴᱤᱥᱤᱟᱭᱤᱴᱤ)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱨᱴᱤᱥᱤᱟᱭᱤᱴᱤ ᱫᱚ ᱒᱐᱐᱘ ᱥᱮᱨᱢᱟ ᱨᱮ ᱵᱮᱱᱟᱣ ᱞᱮᱱᱟ ᱟᱨ ᱱᱚᱣᱟ ᱫᱚ ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱟᱨ ᱚᱞ ᱤᱱᱰᱤᱭᱟ ᱴᱮᱠᱱᱤᱠᱮᱞ ᱮᱡᱩᱠᱮᱥᱚᱱ ᱠᱟᱣᱩᱱᱥᱤᱞ (AICTE) ᱯᱟᱦᱴᱟ ᱠᱷᱚᱱ ᱥᱟᱨᱦᱟᱣ ᱟᱠᱟᱱᱟ ᱾[᱗]
ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ ᱵᱤ.ᱮᱰ. ᱠᱚᱞᱮᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱶᱟ ᱠᱚᱞᱮᱡᱽ ᱫᱚ ᱟᱨᱴᱤᱥᱤ ᱵᱤ.ᱮᱰ ᱠᱚᱞᱮᱡᱽ ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ ᱾ ᱱᱚᱶᱟ ᱠᱚᱞᱮᱡᱽ ᱨᱮ ᱥᱮᱪᱮᱫ ᱨᱮ ᱵᱷᱮᱪᱞᱚᱨ ᱰᱤᱜᱽᱨᱤ ᱢᱮᱱᱟᱜᱼᱟ ᱟᱨ ᱱᱚᱶᱟ ᱫᱚ ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱾
ᱨᱟᱢ ᱴᱟᱦᱟᱞ ᱪᱚᱣᱫᱷᱨᱤ ᱯᱮᱴᱨᱚᱞ ᱯᱟᱢᱯ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱩᱭ ᱴᱷᱮᱱ ᱟᱡᱟᱜ ᱯᱮᱴᱨᱚᱞ ᱯᱟᱢᱯ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱟᱭᱢᱟ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ ᱑.᱒ "Ram Tahal Choudhary". oneindia.
- ↑ "Ram Tahal Choudhary rebellion concern for BJP - Times of India". The Times of India. 28 March 2019.
- ↑ http://www.bjp.org/know-your-candidate/candidate/shri-ramtahal-chaudhary ᱪᱷᱟᱸᱪ:Bare URL inline
- ↑ "The 'Silli' effect hold the surprise element in Ranchi". 17 April 2014.
- ↑ ᱕.᱐ ᱕.᱑ "राम तहल चौधरी". one india. Retrieved 20 October 2022.
- ↑ ᱖.᱐ ᱖.᱑ http://www.publicinfopath.com/india/jharkhand/12973-ram-tahal-choudhary-high-school/ Archived ᱒᱐᱑᱖-᱐᱓-᱐᱔ at the Wayback Machine. ᱪᱷᱟᱸᱪ:Bare URL inline
- ↑ ᱗.᱐ ᱗.᱑ "RTC Institute of Technology Anandi, Ormanjhi | Ranchi | Jharkhand". Archived from the original on 22 ᱢᱮ 2014. Retrieved 21 ᱢᱮ 2014.
- ↑ http://rtchsranchi.dschool.co/ Archived ᱒᱐᱑᱖-᱐᱓-᱐᱔ at the Wayback Machine. ᱪᱷᱟᱸᱪ:Bare URL inline