ᱨᱟᱢ ᱵᱚᱧᱡᱤ ᱥᱩᱛᱟᱨ

ᱨᱟᱢ ᱥᱩᱛᱟᱨ
ᱨᱟᱢ ᱥᱩᱛᱟᱨ
	ᱱᱟᱣᱟ ᱫᱤᱞᱞᱤ ᱨᱮ ᱫᱟᱭᱟᱣᱟᱛᱤ ᱢᱳᱫᱤ ᱡᱟᱱᱟᱢ ᱢᱟᱦᱟᱸ ᱢᱟᱱᱟᱣ ᱡᱚᱠᱷᱮᱡ ᱨᱟᱢ ᱵᱤ. ᱥᱩᱛᱟᱨ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	ᱨᱟᱢ ᱵᱚᱧᱡᱤ ᱥᱩᱛᱟᱨ; ᱑᱙ ᱯᱷᱮᱵᱽᱨᱩᱣᱟᱨᱤ ᱑᱙᱒᱕; ᱜᱚᱱᱫᱩᱨ, ᱠᱷᱟᱱᱫᱮᱥ ᱦᱚᱱᱚᱛ, ᱵᱚᱢᱵᱮ ᱯᱨᱮᱥᱤᱰᱮᱱᱥᱤ, ᱵᱽᱨᱤᱴᱤᱥ ᱤᱱᱰᱤᱭᱟ
ᱜᱩᱨ	᱑᱘ ᱰᱤᱥᱮᱢᱵᱚᱨ ᱒᱐᱒᱕ (ᱩᱢᱮᱨ ᱑᱐᱐ ᱥᱮᱨᱢᱟ); ᱱᱚᱭᱮᱰᱟ, ᱩᱛᱛᱚᱨ ᱯᱨᱚᱫᱮᱥ, ᱵᱷᱟᱨᱚᱛ
ᱫᱤᱥᱚᱢᱤᱭᱟᱹ	ᱵᱽᱨᱤᱴᱤᱥ ᱤᱱᱰᱤᱭᱟᱱ (1925-1947); ᱵᱷᱟᱨᱚᱛᱤᱭᱟᱹ (1947-)
ᱥᱮᱪᱮᱫ	ᱥᱟᱨ ᱡᱮ. ᱡᱮ. ᱥᱠᱩᱞ ᱚᱯᱷ ᱟᱨᱴ
ᱧᱩᱢᱦᱟᱞᱟᱝ ᱠᱟᱹᱢᱤ	ᱡᱩᱢᱤᱫᱽ ᱢᱩᱴᱷᱟ.ᱱ; ᱥᱚᱢᱨᱤᱫᱷᱤ ᱨᱮᱱᱟᱜ ᱢᱩᱨᱛᱤ; ᱢᱚᱦᱟᱛᱢᱟ ᱜᱟᱱᱫᱷᱤᱭᱟᱜ ᱢᱩᱨᱛᱤ, ᱵᱷᱟᱨᱚᱛ ᱨᱮᱱᱟᱜ ᱥᱚᱸᱥᱚᱫᱽ;
ᱡᱤᱭᱚᱱ ᱥᱚᱦᱮᱫ	ᱯᱨᱚᱢᱤᱞᱟ ᱥᱩᱛᱟᱨ
ᱥᱤᱨᱯᱷᱟᱹ	ᱢᱚᱦᱟᱨᱟᱥᱴᱨᱚ ᱵᱷᱩᱥᱚᱱ (2024); ᱯᱚᱫᱽᱢᱚ ᱵᱷᱩᱥᱚᱱ (2016); ᱴᱮᱜᱳᱨ ᱥᱤᱨᱯᱷᱟᱹ (2016); ᱯᱚᱫᱽᱢᱚ ᱥᱨᱤ (1999)

ᱨᱟᱢ ᱵᱚᱧᱡᱤ ᱥᱩᱛᱟᱨ (᱑᱙ ᱯᱷᱮᱵᱽᱨᱩᱣᱟᱨᱤ ᱑᱙᱒᱕ – ᱑᱘ ᱰᱤᱥᱮᱢᱵᱚᱨ ᱒᱐᱒᱕) ᱫᱚ ᱢᱤᱫ ᱵᱷᱟᱨᱚᱛᱤᱭᱟᱹ ᱢᱩᱨᱛᱤ ᱵᱮᱱᱟᱣᱤᱡ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱡᱩᱢᱤᱫᱽ ᱢᱩᱴᱷᱟᱹᱱ ᱰᱤᱡᱟᱭᱤᱱ ᱞᱮᱫᱟᱭ, ᱡᱟᱦᱟᱸ ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱢᱩᱨᱛᱤ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱑᱘᱒ ᱢᱤᱴᱚᱨ (᱕᱙᱗ ᱯᱷᱤᱴ) ᱢᱮᱱᱟᱜᱼᱟ ᱾

ᱯᱮᱰᱟᱛ

ᱥᱩᱛᱟᱨ ᱫᱚ ᱑᱙ ᱯᱷᱮᱵᱽᱨᱩᱣᱟᱨᱤ ᱑᱙᱒᱕ ᱨᱮ ᱵᱚᱢᱵᱮ ᱯᱨᱮᱥᱤᱰᱮᱱᱥᱤ ᱨᱮᱱᱟᱜ ᱜᱚᱱᱫᱩᱨ ᱟᱹᱛᱩ ᱨᱮ ᱢᱤᱫ ᱵᱤᱥᱣᱚᱠᱚᱨᱢᱟ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱑᱙᱕᱒ ᱥᱟᱞᱮ ᱨᱮ ᱩᱱᱤ ᱫᱚ ᱯᱨᱚᱢᱤᱞᱟ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱾ ᱩᱱᱤ ᱫᱚ ᱑᱘ ᱰᱤᱥᱮᱢᱵᱚᱨ ᱒᱐᱒᱕ ᱨᱮ ᱑᱐᱐ ᱥᱮᱨᱢᱟ ᱩᱢᱮᱨ ᱨᱮ ᱜᱩᱨ ᱮᱱᱟᱭ ᱾

ᱠᱟᱹᱢᱤ ᱠᱟᱹᱥᱱᱤ

ᱥᱩᱛᱟᱨ ᱫᱚ ᱜᱩᱡᱽᱨᱟᱴ ᱨᱮ ᱢᱮᱱᱟᱜ ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱢᱩᱨᱛᱤ ᱡᱩᱢᱤᱫᱽ ᱢᱩᱴᱷᱟ.ᱱ ᱰᱤᱡᱟᱭᱤᱱ ᱞᱮᱫᱟᱭ ᱾ ᱩᱱᱤ ᱫᱚ ᱔᱕ ᱯᱷᱤᱴ ᱩᱥᱩᱞ ᱪᱚᱢᱵᱚᱞ ᱢᱩᱨᱛᱤ ᱦᱚᱸᱭ ᱵᱮᱱᱟᱣ ᱞᱮᱫᱟ, ᱥᱟᱶᱛᱮ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱟᱜ ᱢᱤᱫ ᱢᱩᱨᱛᱤ ᱦᱚᱸ, ᱡᱟᱦᱟᱸ ᱫᱚ ᱮᱴᱟᱜ ᱫᱤᱥᱚᱢ ᱠᱚᱨᱮ ᱦᱚᱸ ᱠᱚ ᱠᱚᱯᱤ ᱟᱠᱟᱫᱟ ᱾ ᱩᱱᱤ ᱫᱚ ᱵᱷᱟᱨᱚᱛ ᱨᱮᱱᱟᱜ ᱥᱚᱸᱥᱚᱫᱽ ᱨᱮ ᱢᱮᱱᱟᱜ ᱟᱠᱟᱱ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱟᱜ ᱢᱩᱨᱛᱤ ᱦᱚᱸᱭ ᱰᱤᱡᱟᱭᱤᱱ ᱞᱮᱫᱟ ᱾ ᱩᱱᱤ ᱫᱚ ᱠᱮᱢᱯᱮᱜᱚᱰᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱨᱮ ᱑᱐᱘ ᱯᱷᱤᱴ ᱩᱥᱩᱞ ᱠᱮᱢᱯᱮ ᱜᱳᱰᱟ ᱢᱩᱨᱛᱤ ᱦᱚᱸᱭ ᱰᱤᱡᱟᱭᱤᱱ ᱞᱮᱫᱟ ᱾

ᱥᱤᱨᱯᱷᱟᱹ ᱠᱚ

᱑᱙᱙᱙ ᱥᱟᱞ ᱨᱮ ᱩᱱᱤ ᱫᱚ ᱯᱚᱫᱽᱢᱚᱥᱨᱤ ᱟᱨ ᱛᱟᱭᱚᱢ ᱛᱮ ᱒᱐᱑᱖ ᱨᱮ ᱯᱚᱫᱽᱢᱚ ᱵᱷᱩᱥᱚᱱ ᱮ ᱧᱟᱢ ᱞᱮᱫᱟ ᱾ ᱒᱐᱑᱘ ᱨᱮ ᱥᱩᱛᱟᱨ ᱫᱚ ᱞᱟᱠᱪᱟᱨ ᱞᱟᱹᱜᱤᱫ ᱴᱮᱜᱳᱨ ᱥᱤᱨᱯᱷᱟᱹ ᱮ ᱧᱟᱢ ᱞᱮᱫᱟ ᱾ ᱩᱱᱤ ᱫᱚ ᱢᱚᱦᱟᱨᱟᱥᱴᱨᱚ ᱵᱷᱩᱥᱚᱱ ᱞᱟᱹᱜᱤᱫ ᱦᱚᱸ ᱠᱚ ᱵᱟᱪᱷᱟᱣ ᱞᱮᱫᱮᱭᱟ ᱾