ᱨᱟᱫᱷᱟ ᱯᱟᱣᱰᱮᱞ
| ᱨᱟᱫᱷᱟ ᱯᱟᱣᱰᱮᱞ (Radha Paudel) | |
|---|---|
.jpg) ᱨᱟᱫᱷᱟ ᱯᱟᱣᱰᱮᱞ ᱒᱐᱑᱗ ᱨᱮ ᱱᱚᱨᱣᱮ ᱨᱮᱱᱟᱜ ᱚᱥᱞᱳ ᱨᱮ ᱢᱤᱫ ᱜᱟᱞᱚᱪ ᱚᱠᱛᱚ ᱨᱮ ᱾ | |
| ᱢᱩᱬ ᱧᱩᱛᱩᱢ | राधा पौडेल |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱰᱤᱥᱮᱢᱵᱚᱨ ᱒᱙, ᱑᱙᱗᱓ ᱪᱤᱛᱣᱚᱱ, ᱱᱮᱯᱟᱞ |
| ᱥᱮᱪᱮᱫ | Masters in Health Education, Sociology and Development Management |
| ᱥᱮᱪᱮᱫ ᱟᱠᱷᱲᱟ | ᱛᱨᱤᱵᱷᱩᱵᱚᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ |
| ᱠᱟᱹᱢᱤ | ᱱᱟᱨᱥ, ᱮᱠᱴᱤᱵᱷᱤᱥᱴ, ᱚᱱᱚᱞᱤᱭᱟᱹ |
| ᱧᱩᱢᱦᱟᱞᱟᱝ ᱠᱟᱹᱢᱤ | Khalangama Hamala |
| ᱥᱤᱨᱯᱷᱟᱹ | ᱒᱐᱑᱒ Woman Peacemaker (University of San Diego) ᱒᱐᱑᱔ Youth Talent Award (Govt of Nepal) ᱒᱐᱑᱔ Madan Puraskar |
| ᱣᱮᱵᱽᱥᱟᱭᱤᱴ | www |
ᱨᱟᱫᱷᱟ ᱯᱟᱣᱰᱮᱞ (ᱱᱮᱯᱟᱞᱤ: राधा पौडेल ) ᱫᱚ ᱱᱮᱯᱟᱞ ᱨᱮᱱ ᱢᱤᱫ ᱱᱟᱨᱥ, ᱮᱠᱴᱤᱵᱷᱤᱥᱴ (activist) ᱟᱨ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱟᱡᱟᱜ ᱭᱟᱫᱽᱜᱟᱨ ᱯᱩᱛᱷᱤ ᱠᱷᱟᱞᱟᱝᱜᱟᱢᱟ ᱦᱟᱢᱟᱞᱟ (Khalangama Hamala) ᱞᱟᱹᱜᱤᱫ ᱢᱚᱫᱚᱱ ᱯᱩᱨᱚᱥᱠᱟᱨ ᱮ ᱧᱟᱢ ᱟᱠᱟᱫᱟ ᱾ ᱩᱱᱤ ᱫᱚ ᱛᱤᱨᱞᱟᱹ ᱠᱚᱣᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱮᱴᱠᱮᱴᱚᱬᱮ ᱠᱚ ᱵᱟᱵᱚᱛ ᱛᱮ ᱡᱚᱜᱽᱣᱟᱣ ᱯᱟᱥᱱᱟᱣ ᱞᱟᱹᱜᱤᱫ ᱮ ᱠᱟᱹᱢᱤ ᱠᱟᱱᱟ ᱾
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱒᱙ ᱰᱤᱥᱮᱢᱵᱚᱨ ᱑᱙᱗᱓ ᱥᱟᱞᱮ ᱨᱮ ᱱᱮᱯᱟᱞ ᱨᱮᱱᱟᱜ ᱪᱤᱛᱣᱚᱱ ᱡᱤᱞᱞᱟᱹ ᱨᱮᱱᱟᱜ ᱢᱟᱝᱜᱟᱞᱯᱩᱨ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱟᱭᱳᱣᱟᱜ ᱧᱩᱛᱩᱢ ᱫᱚ ᱜᱟᱝᱜᱟ ᱢᱟᱭᱟ ᱯᱟᱣᱰᱮᱞ ᱟᱨ ᱵᱟᱵᱟ ᱫᱚ ᱫᱮᱵᱤ ᱯᱨᱚᱥᱟᱫᱽ ᱯᱟᱣᱰᱮᱞ ᱠᱟᱱᱟ ᱠᱤᱱ ᱾ ᱩᱱᱤ ᱫᱚ ᱪᱤᱛᱣᱚᱱ ᱨᱮᱱᱟᱜ ᱜᱚᱣᱨᱤᱜᱚᱸᱡᱽ ᱨᱮ ᱦᱟᱨᱟ ᱵᱩᱨᱩ ᱞᱮᱱᱟᱭ ᱾ ᱒᱐᱐᱙ ᱥᱟᱞᱮ ᱨᱮ ᱩᱱᱤ ᱫᱚ ᱟᱡ ᱟᱭᱳᱣᱟᱜ ᱜᱚᱡ ᱦᱚᱲᱢᱚ ᱨᱮ ᱥᱮᱸᱜᱮᱞ ᱮ ᱮᱢ ᱞᱮᱫ ᱛᱟᱦᱮᱸᱫ (ᱡᱟᱦᱟᱸ ᱫᱚ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱠᱚᱲᱟ ᱠᱚᱣᱟᱜ ᱠᱟᱹᱢᱤ ᱢᱮᱱᱛᱮ ᱢᱟᱱᱟᱣᱚᱜᱼᱟ) ᱾ ᱩᱱᱤ ᱫᱚ ᱑᱙᱙᱙ ᱨᱮ ᱟᱡᱟᱜ ᱢᱮᱫ ᱟᱨ ᱒᱐᱑᱖ ᱨᱮ ᱟᱡᱟᱜ ᱦᱚᱲᱢᱚ ᱢᱮᱰᱤᱠᱟᱞ ᱤᱥᱠᱩᱞ ᱠᱚ ᱫᱟᱱ ᱞᱟᱹᱜᱤᱫ ᱮ ᱜᱚᱥᱚᱬᱟ ᱟᱠᱟᱫᱟ ᱾
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱤᱫᱽᱨᱟᱹ ᱚᱠᱛᱚ ᱨᱮᱱᱟᱜ ᱵᱷᱮᱫᱽ-ᱵᱷᱟᱣ, ᱱᱟᱦᱟᱪᱟᱨ ᱟᱨ ᱦᱤᱝᱥᱟᱹ ᱨᱮᱱᱟᱜ ᱟᱹᱭᱠᱟᱹᱣ ᱠᱚ ᱜᱮ ᱩᱱᱤ ᱫᱚ ᱢᱤᱫ ᱢᱟᱹᱱᱢᱤ ᱵᱷᱟᱹᱞᱟᱹᱭ ᱠᱟᱹᱢᱤᱭᱟᱹ, ᱱᱟᱨᱥ ᱟᱨ ᱚᱱᱚᱞᱤᱭᱟᱹ ᱞᱮᱠᱟᱛᱮ ᱡᱟᱱᱟᱝ ᱱᱭᱟᱭ (gender justice) ᱞᱟᱹᱜᱤᱫ ᱨᱚᱲ ᱮ ᱮᱦᱚᱵ ᱞᱮᱫᱟ ᱾ ᱩᱱᱤ ᱫᱚ ᱟᱭᱢᱟ ᱥᱮᱨᱢᱟ ᱫᱷᱟᱹᱵᱤᱡ ᱪᱟᱸᱫᱚᱠᱤᱭᱟᱹ ᱵᱟᱨᱚᱱ (menstrual restriction), ᱱᱟᱦᱟᱪᱟᱨ ᱟᱨ ᱞᱟᱹᱲᱦᱟᱹᱭ ᱠᱚ ᱥᱟᱦᱟᱣ ᱟᱠᱟᱫᱟ ᱾ ᱩᱱᱤ ᱫᱚ ᱟᱡᱟᱜ ᱚᱠᱛᱚ ᱩᱱᱠᱩ ᱦᱚᱲ ᱠᱚ ᱞᱟᱹᱜᱤᱫ ᱮ ᱮᱢ ᱮᱫᱟ ᱡᱟᱦᱟᱸᱭ ᱠᱚᱣᱟᱜ ᱟᱲᱟᱝ ᱜᱚᱴᱟ ᱡᱤᱭᱚᱱ ᱞᱟᱹᱜᱤᱫ ᱛᱷᱩᱢ ᱟᱠᱟᱱᱟ, ᱵᱤᱥᱮᱥ ᱠᱟᱛᱮ ᱱᱮᱯᱟᱞ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱟᱨ ᱛᱤᱨᱞᱟᱹ ᱠᱚ ᱾ ᱨᱟᱫᱷᱟ ᱯᱟᱣᱰᱮᱞ ᱫᱚ ᱟᱡᱟᱜ ᱠᱟᱹᱢᱤ ᱨᱮ "ᱯᱮᱭᱟ E" (Education, Empower, and Emancipate - ᱥᱮᱪᱮᱫ, ᱫᱟᱲᱮᱭᱟᱱ ᱟᱨ ᱯᱷᱩᱨᱜᱟᱹᱞ) ᱟᱹᱰᱤ ᱱᱟᱯᱟᱭ ᱛᱮ ᱵᱮᱣᱦᱟᱨ ᱮᱫᱟᱭ ᱾
ᱩᱱᱤ ᱫᱚ ᱟᱡᱟᱜ ᱱᱤᱡᱮᱨᱟᱜ ᱡᱤᱭᱚᱱ ᱨᱮ ᱥᱟᱦᱟᱣ ᱟᱠᱟᱫ ᱮᱴᱠᱮᱴᱚᱬᱮ ᱠᱚ ᱮᱴᱟᱜ ᱦᱚᱲ ᱠᱚ ᱜᱚᱲᱚ ᱞᱟᱹᱜᱤᱫ ᱮ ᱵᱮᱣᱦᱟᱨ ᱞᱮᱫᱟ ᱾ ᱒᱐᱑᱑ ᱨᱮ ᱩᱱᱤ ᱫᱚ ᱫᱤᱥᱩᱣᱟᱹ ᱥᱟᱜᱟᱲᱚᱢ (public transport) ᱨᱮ ᱡᱟᱱᱟᱝ ᱱᱟᱦᱟᱪᱟᱨ ᱵᱤᱨᱩᱫᱷ ᱨᱮ ᱢᱤᱫ ᱠᱷᱚᱸᱫᱽᱨᱚᱱ ᱟᱨ ᱞᱟᱹᱲᱦᱟᱹᱭ ᱮ ᱪᱟᱞᱟᱣ ᱞᱮᱫᱟ ᱾[᱑] ᱒᱐᱑᱕ ᱨᱮᱱᱟᱜ ᱵᱷᱟᱭᱟᱱᱚᱠ ᱚᱛ ᱞᱟᱲᱟᱣ (earthquake) ᱚᱠᱛᱚ ᱨᱮ ᱩᱱᱤ ᱫᱚ ᱟᱹᱰᱤ ᱡᱩᱨ ᱛᱮ ᱵᱷᱚᱞᱚᱱᱴᱤᱭᱟᱨ ᱠᱚᱭ ᱟᱹᱭᱩᱨ ᱞᱮᱫ ᱠᱚᱣᱟ ᱟᱨ ᱒᱐᱑᱑ ᱨᱮ ᱛᱨᱤᱵᱷᱩᱵᱚᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱡᱟᱱᱟᱝ ᱱᱟᱦᱟᱪᱟᱨ ᱵᱤᱨᱩᱫᱷ ᱨᱮ ᱢᱤᱫ ᱞᱟᱹᱲᱦᱟᱹᱭ ᱮ ᱪᱟᱞᱟᱣ ᱞᱮᱫᱟ ᱾[᱒] ᱒᱐᱑᱕/᱒᱐᱑᱖ ᱨᱮ ᱛᱩᱨᱩᱭ ᱪᱟᱸᱫᱚ ᱨᱮᱱᱟᱜ ᱵᱚᱰᱟᱨ ᱵᱚᱱᱫᱚ (blockade) ᱚᱠᱛᱚ ᱨᱮ ᱩᱱᱤ ᱫᱚ ᱱᱮᱯᱟᱞ ᱨᱮᱱᱟᱜ ᱟᱭᱢᱟ ᱡᱟᱭᱜᱟᱭ ᱥᱟᱸᱜᱟᱨ ᱞᱮᱫᱟ ᱟᱨ ᱞᱟᱞᱵᱚᱱᱫᱷᱤ, ᱥᱚᱨᱞᱟᱦᱤ, ᱥᱚᱯᱛᱚᱨᱤ, ᱫᱷᱚᱱᱩᱥᱟ, ᱯᱟᱨᱥᱟ, ᱪᱤᱛᱣᱚᱱ ᱟᱨ ᱠᱟᱴᱷᱢᱟᱱᱰᱩ ᱨᱮ ᱥᱟᱱᱛᱤ ᱞᱟᱹᱜᱤᱫ ᱜᱟᱞᱚᱪ ᱮ ᱮᱦᱚᱵ ᱞᱮᱫᱟ ᱾ ᱒᱐᱑᱖ ᱟᱨ ᱒᱐᱑᱗ ᱨᱮ ᱥᱚᱯᱛᱚᱨᱤ ᱟᱨ ᱥᱤᱨᱟᱦᱟ ᱨᱮ ᱦᱮᱡ ᱞᱮᱱ ᱵᱟᱱ (flood) ᱚᱠᱛᱚ ᱨᱮ ᱦᱚᱸ ᱩᱱᱤ ᱫᱚ ᱞᱮᱛᱟᱲ ᱜᱚᱲᱚ ᱠᱟᱹᱢᱤ ᱨᱮ ᱡᱚᱲᱟᱣ ᱮ ᱛᱟᱦᱮᱸ ᱠᱟᱱᱟ ᱾[᱓][᱔]
ᱩᱱᱤ ᱫᱚ ᱢᱤᱫ ᱵᱟᱭᱳ-ᱰᱮᱜᱽᱨᱮᱰᱮᱵᱟᱞ ᱥᱮᱱᱤᱴᱟᱨᱤ ᱯᱮᱰ (bio-degradable sanitary pad) ᱯᱷᱮᱠᱴᱨᱤ ᱦᱚᱸᱭ ᱧᱮᱞ ᱥᱟᱢᱴᱟᱣ ᱮᱫᱟ ᱾ ᱩᱱᱤ ᱫᱚ ᱟᱭᱢᱟ ᱜᱟᱶᱛᱟ ᱠᱚᱨᱮ ᱟᱹᱭᱩᱨᱤᱭᱟᱹ, ᱛᱷᱟᱯᱚᱱᱤᱭᱟᱹ, ᱥᱚᱞᱦᱮᱫᱤᱭᱟᱹ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟᱭ ᱾ ᱒᱐᱑᱖ ᱠᱷᱚᱱ ᱩᱱᱤ ᱫᱚ "ᱨᱟᱫᱷᱟ ᱯᱟᱣᱰᱮᱞ ᱯᱷᱟᱣᱩᱱᱰᱮᱥᱚᱱ" (Radha Paudel Foundation) ᱞᱟᱹᱜᱤᱫ ᱠᱟᱹᱢᱤ ᱮᱦᱚᱵ ᱠᱮᱫᱟ ᱾[᱕] ᱱᱚᱶᱟ ᱫᱚ ᱟᱡ ᱨᱮᱱ ᱵᱷᱟᱹᱪᱤᱛ (niece) ᱚᱱᱩᱯᱟ ᱨᱮᱜᱽᱢᱤ ᱫᱚ ᱟᱡᱟᱜ ᱧᱩᱛᱩᱢ ᱛᱮ ᱵᱮᱱᱟᱣ ᱟᱠᱟᱫᱟᱭ ᱾[᱖] ᱩᱱᱤ ᱫᱚ "ᱜᱞᱳᱵᱟᱞ ᱥᱟᱣᱛᱷ ᱠᱳᱣᱟᱞᱤᱥᱚᱱ ᱯᱷᱚᱨ ᱰᱤᱜᱽᱱᱤᱯᱷᱟᱭᱤᱰ ᱢᱮᱱᱥᱴᱨᱩᱣᱮᱥᱚᱱ" (Global South Coalition for Dignified Menstruation) ᱞᱟᱹᱜᱤᱫ ᱡᱮᱜᱮᱛ ᱡᱟᱠᱟᱛ ᱞᱟᱹᱲᱦᱟᱹᱭ ᱮ ᱮᱦᱚᱵ ᱟᱠᱟᱫᱟ ᱾[᱗] ᱩᱱᱤ ᱫᱚ "ᱢᱟᱹᱱᱟᱱ ᱪᱟᱸᱫᱚᱠᱤᱭᱟᱹ" (Dignified Menstruation) ᱞᱟᱹᱲᱦᱟᱹᱭ ᱨᱮᱱ ᱞᱟᱦᱟᱱᱛᱤᱭᱟᱹ ᱠᱟᱱᱟᱭ ᱾
ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱱᱮᱯᱟᱞ ᱨᱮᱱᱟᱜ ᱯᱳᱠᱷᱨᱟ ᱨᱮ ᱢᱤᱫ ᱥᱴᱟᱯᱷ ᱱᱟᱨᱥ ᱟᱨ ᱮᱱᱮᱥᱛᱷᱮᱥᱤᱭᱳᱞᱚᱡᱤ (Anaesthesiology) ᱨᱮ ᱵᱤᱥᱮᱥ ᱱᱟᱨᱥ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱒᱐᱐᱐ ᱥᱟᱞᱮ ᱨᱮ ᱠᱚᱢᱤᱣᱱᱤᱴᱤ ᱦᱮᱞᱛᱷ ᱱᱟᱨᱥᱤᱝ ᱨᱮ ᱵᱮᱪᱞᱚᱨ, ᱒᱐᱐᱑ ᱨᱮ ᱦᱮᱞᱛᱷ ᱮᱡᱩᱠᱮᱥᱚᱱ ᱨᱮ ᱢᱟᱥᱴᱟᱨᱥ ᱟᱨ ᱒᱐᱐᱓ ᱨᱮ ᱥᱚᱥᱤᱭᱚᱞᱚᱡᱤ (Sociology) ᱨᱮ ᱢᱟᱥᱴᱟᱨᱥ ᱰᱤᱜᱽᱨᱤ ᱛᱨᱤᱵᱷᱩᱵᱚᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱮ ᱧᱟᱢ ᱟᱠᱟᱫᱟ ᱾ ᱚᱱᱟ ᱥᱟᱶᱛᱮ ᱒᱐᱑᱐ ᱨᱮ ᱮᱥᱤᱭᱟᱱ ᱤᱱᱥᱴᱤᱴᱭᱩᱴ ᱚᱯᱷ ᱢᱮᱱᱮᱡᱽᱢᱮᱱᱴ (AIM) ᱠᱷᱚᱱ ᱰᱮᱵᱞᱚᱯᱢᱮᱱᱴ ᱢᱮᱱᱮᱡᱽᱢᱮᱱᱴ ᱨᱮ ᱢᱟᱥᱴᱟᱨᱥ ᱮ ᱠᱚᱨᱟᱣ ᱟᱠᱟᱫᱟ ᱾
ᱯᱩᱛᱷᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱫᱷᱟ ᱯᱟᱣᱰᱮᱞ ᱟᱜ ᱚᱞ ᱟᱠᱟᱱ ᱒᱐᱐᱒ ᱥᱟᱞᱮ ᱨᱮᱱᱟᱜ ᱱᱮᱯᱟᱞ ᱥᱚᱨᱠᱟᱨ ᱟᱨ ᱢᱟᱣᱵᱟᱫᱤ ᱠᱚ ᱢᱩᱫᱽ ᱨᱮ ᱦᱩᱭ ᱞᱮᱱ ᱞᱟᱹᱲᱦᱟᱹᱭ ᱨᱮᱱᱟᱜ ᱭᱟᱫᱽᱜᱟᱨ ᱯᱩᱛᱷᱤ ᱫᱚ ᱦᱩᱭᱩᱜ ᱠᱟᱱᱟ ᱡᱩᱢᱞᱟ: ᱮ ᱱᱚᱨᱥᱮᱥ ᱥᱴᱚᱨᱤ , ᱡᱟᱦᱟᱸ ᱫᱚ ᱱᱮᱯᱟᱞᱤ ᱛᱮ ᱠᱷᱟᱞᱟᱝᱜᱟ ᱨᱮ ᱦᱟᱢᱞᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱱᱚᱶᱟ ᱯᱩᱛᱷᱤ ᱫᱚ ᱒᱐᱑᱔ ᱨᱮ ᱢᱚᱫᱚᱱ ᱯᱩᱨᱚᱥᱠᱟᱨ ᱮ ᱧᱟᱢ ᱞᱮᱫᱟ ᱾
ᱩᱱᱤ ᱫᱚ ᱥᱟᱱᱛᱤ ᱠᱟ ᱯᱟᱭᱞᱟᱦᱟᱨᱩ (ᱥᱟᱱᱛᱤ ᱨᱮᱱᱟᱜ ᱯᱟᱸᱡᱟ) ᱧᱩᱛᱩᱢᱟᱱ ᱢᱤᱫ ᱚᱱᱚᱲᱦᱮ ᱯᱩᱛᱷᱤ ᱟᱨ ᱰᱤᱜᱱᱤᱯᱷᱟᱭᱰ ᱢᱮᱱᱥᱴᱩᱣᱮᱥᱚᱱ ᱤᱡ ᱮᱵᱷᱨᱤᱣᱟᱱᱥ ᱵᱤᱡᱱᱮᱥ ᱧᱩᱛᱩᱢᱟᱱ ᱢᱤᱫ ᱯᱩᱛᱷᱤ ᱦᱚᱸᱭ ᱚᱞ ᱟᱠᱟᱫᱟ ᱾[᱘][᱙] ᱩᱱᱤ ᱫᱚ ᱪᱟᱸᱫᱚᱠᱤᱭᱟᱹ ᱵᱟᱵᱚᱛ ᱛᱮ ᱚᱯᱚᱵᱚᱭᱛᱨᱚ ᱨᱚᱜᱚᱛ(ᱚᱯᱚᱵᱚᱭᱛᱨᱚ ᱢᱟᱭᱟᱢ) ᱧᱩᱛᱩᱢᱟᱱ ᱟᱨ ᱢᱤᱫ ᱯᱩᱛᱷᱤ ᱦᱚᱸᱭ ᱚᱞ ᱟᱠᱟᱫᱟ ᱾[᱑᱐]
ᱥᱤᱨᱯᱷᱟᱹ ᱟᱨ ᱢᱟᱱᱚᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱒᱐ ᱨᱮ ᱩᱱᱤ ᱫᱚ ᱮᱥᱤᱭᱟᱱ ᱤᱱᱥᱴᱤᱴᱭᱩᱴ ᱚᱯᱷ ᱢᱮᱱᱮᱡᱽᱢᱮᱱᱴ ᱠᱷᱚᱱ ᱴᱨᱤᱯᱚᱞ ᱟᱣᱟᱨᱰ ᱮ ᱧᱟᱢ ᱞᱮᱫᱟ ᱾ ᱒᱐᱑᱔ ᱨᱮ ᱟᱡᱟᱜ ᱯᱩᱛᱷᱤ ᱠᱷᱟᱞᱟᱝᱜᱟᱢᱟ ᱦᱟᱢᱟᱞᱟ ᱞᱟᱹᱜᱤᱫ ᱢᱚᱫᱚᱱ ᱯᱩᱨᱚᱥᱠᱟᱨ ᱮ ᱧᱟᱢ ᱞᱮᱫᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱱᱚᱶᱟ ᱥᱤᱨᱯᱷᱟᱹ ᱧᱟᱢ ᱤᱡ ᱛᱮᱥᱟᱨ ᱛᱤᱨᱞᱟᱹ ᱠᱟᱱᱟᱭ ᱾ ᱱᱮᱯᱟᱞ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱒᱐᱑᱔ ᱨᱮ ᱭᱩᱛᱷ ᱤᱱᱚᱵᱷᱮᱥᱚᱱ ᱟᱣᱟᱨᱰ ᱦᱚᱸᱭ ᱧᱟᱢ ᱟᱠᱟᱫᱟ ᱾ ᱩᱱᱤ ᱫᱚ ᱮᱱ-ᱯᱤᱥ ᱟᱣᱟᱨᱰ ᱟᱨ ᱳᱢᱮᱱ ᱯᱤᱥ ᱢᱮᱠᱟᱨ (᱒᱐᱑᱒) ᱥᱤᱨᱯᱷᱟᱹ ᱦᱚᱸᱭ ᱧᱟᱢ ᱟᱠᱟᱫᱟ ᱾[᱑᱑]
ᱡᱮᱜᱮᱛ ᱡᱟᱠᱟᱛ ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱡᱮᱜᱮᱛ ᱨᱮᱱᱟᱜ ᱟᱭᱢᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱚᱨᱮ ᱜᱟᱞᱚᱪ ᱮ ᱮᱢ ᱟᱠᱟᱫᱟ, ᱡᱮᱞᱮᱠᱟ: ᱚᱥᱴᱨᱤᱭᱟ, ᱡᱟᱨᱢᱟᱱᱤ, ᱯᱷᱤᱞᱤᱯᱟᱭᱤᱱᱥ, ᱭᱩᱱᱟᱭᱴᱮᱰ ᱠᱤᱝᱰᱚᱢ (Oxford, Cambridge ᱮᱢᱟᱱ) ᱟᱨ ᱭᱩᱱᱟᱭᱴᱮᱰ ᱥᱴᱮᱴᱥ ᱨᱮ ᱾ ᱩᱱᱤ ᱫᱚ ᱟᱢᱮᱨᱤᱠᱟ, ᱭᱩ.ᱠᱮ., ᱱᱚᱨᱣᱮ, ᱡᱟᱨᱢᱟᱱᱤ ᱮᱢᱟᱱ ᱫᱤᱥᱚᱢ ᱠᱚᱨᱮ ᱰᱟᱭᱥᱯᱳᱨᱟ ᱥᱟᱶᱛᱟ ᱠᱚ ᱥᱟᱶ ᱦᱚᱸᱭ ᱡᱚᱲᱟᱣ ᱢᱮᱱᱟᱜ ᱮᱭᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Paudel, Radha. "Gender and Public Transport: Kathmandu, Nepal[permanent dead link]" (PDF). World Bank.
- ↑ Paudel, Radha (13 January 2016). "Radha Paudel: #EarthquakeInNepal April 2015: Reflections". Retrieved 24 May 2020.
- ↑ "Radha Paudel". Retrieved 24 May 2020.
- ↑ Paudel, Radha (18 December 2015). "Radha Paudel: #teraiblockade, #Madhesh Movement,#peacevigils: A Ground Reality". Retrieved 24 May 2020.
- ↑ "Radha Paudel Foundation – Radha Paudel Foundation". Archived from the original on 18 January 2020. Retrieved 22 May 2020.
- ↑ "Board Member – Radha Paudel Foundation". Retrieved 22 May 2020.[permanent dead link]
- ↑ "Global South Coalition For Dignified Menstruation : 28 May 2020 – May Conference 2020". Retrieved 22 May 2020.[permanent dead link]
- ↑ Awecode. "शान्तिका पाइलाहरु – राधा पौडेल".[permanent dead link]
- ↑ Awecode. "मर्यादित महिनावारी हामी सबैको जिम्मेवारी – राधा पौᱫेल".[permanent dead link]
- ↑ Awecode. "अपवित्र रगत – राधा पौडेल".
- ↑ "Women PeaceMakers Alumni Database – Joan B. Kroc Institute for Peace and Justice – Joan B. Kroc School of Peace Studies – University of San Diego". Retrieved 24 May 2020.