ᱨᱟᱫᱷᱤᱠᱟ ᱠᱷᱟᱱᱱᱟ
| ᱨᱟᱫᱷᱤᱠᱟ ᱠᱷᱟᱱᱱᱟ | |
|---|---|
 ᱨᱟᱫᱷᱤᱠᱟ ᱠᱷᱟᱱᱱᱟ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱢᱟᱨᱪ ᱒᱓, ᱑᱙᱗᱔ ᱟᱢᱨᱤᱛᱥᱟᱨ, ᱯᱚᱧᱡᱟᱵᱽ, ᱥᱤᱧᱚᱛ |
| ᱜᱩᱨ | ᱒᱘ ᱯᱷᱮᱵᱽᱨᱩᱣᱟᱨᱤ ᱒᱐᱒᱒ (ᱩᱢᱮᱨ ᱔᱗ ᱥᱮᱨᱢᱟ) ᱱᱤᱭᱩ ᱭᱚᱨᱠ |
| ᱫᱤᱥᱚᱢᱤᱭᱟᱹ | ᱟᱢᱮᱨᱤᱠᱟᱱ |
| ᱥᱮᱪᱮᱫ | Fashion Institute of Technology |
| ᱧᱩᱢᱱᱟᱢ | Fashion designer |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | ᱵᱤᱠᱟᱥ ᱠᱷᱟᱱᱱᱟ (brother) |
| ᱣᱮᱵᱽᱥᱟᱭᱤᱴ | www |
ᱨᱟᱫᱷᱤᱠᱟ ᱠᱷᱟᱱᱱᱟ (᱒᱓ ᱢᱟᱨᱪ, ᱑᱙᱗᱔ – ᱒᱘ ᱯᱷᱮᱵᱽᱨᱩᱣᱟᱨᱤ, ᱒᱐᱒᱒) ᱫᱚ ᱢᱤᱫ ᱥᱤᱧᱚᱛᱤᱭᱟᱹ-ᱟᱢᱮᱨᱤᱠᱟᱱ ᱯᱷᱮᱥᱚᱱ ᱰᱤᱡᱟᱭᱱᱟᱨ, ᱵᱮᱯᱟᱨᱤ ᱟᱨ ᱚᱱᱚᱞᱤᱭᱟᱹ ᱛᱟᱦᱮᱸ ᱠᱟᱱᱟᱭ᱾ ᱠᱷᱟᱱᱱᱟ ᱫᱚ "ᱭᱳᱜᱟ: ᱯᱷᱨᱚᱢ ᱫᱟ ᱜᱟᱝᱜᱮᱥ ᱴᱩ ᱣᱚᱞ ᱥᱴᱨᱤᱴ" ᱯᱚᱛᱚᱵ ᱨᱮᱱ ᱚᱱᱚᱞᱤᱭᱟᱹ ᱠᱟᱱᱟᱭ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱷᱟᱱᱱᱟ ᱫᱚ ᱟᱢᱨᱤᱛᱥᱚᱨ, ᱥᱤᱧᱚᱛ ᱨᱮᱭ ᱡᱟᱱᱟᱢ ᱟᱨ ᱦᱟᱨᱟ ᱵᱩᱨᱩ ᱞᱮᱱᱟ᱾ ᱩᱱᱤ ᱫᱚ ᱵᱤᱱᱫᱩ ᱟᱨ ᱫᱟᱵᱤᱱᱫᱚᱨ ᱠᱷᱟᱱᱱᱟ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱛᱟᱦᱮᱸ ᱠᱟᱱᱟᱭ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱙᱙ ᱥᱟᱞᱮ ᱨᱮ ᱠᱷᱟᱱᱱᱟ ᱫᱚ ᱟᱢᱨᱤᱛᱥᱚᱨ ᱠᱷᱚᱱ ᱱᱤᱭᱩᱭᱚᱨᱠ ᱥᱤᱴᱤ ᱛᱮᱭ ᱪᱟᱞᱟᱣ ᱞᱮᱱᱟ, ᱯᱷᱮᱥᱚᱱ ᱤᱱᱥᱴᱤᱴᱭᱩᱴ ᱚᱯᱷ ᱴᱮᱠᱱᱚᱞᱚᱡᱤ ᱨᱮ ᱯᱟᱲᱦᱟᱣᱜ ᱞᱟᱹᱜᱤᱫ᱾ ᱯᱩᱨᱟᱹ ᱚᱠᱛᱚ ᱯᱟᱲᱦᱟᱣ ᱥᱟᱶᱛᱮ, ᱩᱱᱤ ᱫᱚ ᱟᱡ ᱟᱨ ᱟᱡᱟᱜ ᱯᱟᱲᱦᱟᱣ ᱠᱷᱚᱨᱪᱟ ᱠᱟᱹᱣᱰᱤ ᱡᱩᱜᱟᱲ ᱞᱟᱹᱜᱤᱫ ᱢᱟᱱᱦᱟᱴᱟᱱ ᱨᱮᱱᱟᱜ ᱨᱮᱥᱴᱳᱨᱮᱱᱴ ᱠᱚᱨᱮᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ᱾ ᱮᱯᱷ.ᱟᱭ.ᱴᱤ. ᱠᱷᱚᱱ ᱰᱤᱜᱽᱨᱤ ᱦᱟᱛᱟᱣ ᱛᱟᱭᱚᱢ, ᱩᱱᱤ ᱫᱚ ᱰᱳᱱᱟ ᱠᱟᱨᱟᱱ ᱴᱷᱮᱱ ᱤᱱᱴᱟᱨᱱᱥᱤᱯ ᱮ ᱠᱮᱫᱟ, ᱚᱱᱟ ᱛᱟᱭᱚᱢ ᱒᱐᱐᱕ ᱥᱟᱞᱮ ᱨᱮ ᱟᱡᱟᱜ ᱞᱩᱜᱽᱲᱤ ᱵᱮᱱᱟᱣ ᱠᱚᱢᱯᱟᱹᱱᱤ, ᱮᱥᱴᱤᱞᱳ ᱤᱱᱠ. ᱮ ᱮᱛᱚᱦᱚᱵ ᱠᱮᱫᱟ᱾
ᱠᱷᱟᱱᱱᱟ ᱫᱚ ᱭᱩ.ᱮᱥ. ᱴᱮᱞᱤᱵᱤᱡᱚᱱ ᱥᱳ "ᱠᱤᱪᱮᱱ ᱱᱟᱭᱤᱴᱢᱮᱭᱟᱨᱥ" ᱞᱟᱹᱜᱤᱫ ᱞᱩᱜᱽᱲᱤ ᱠᱚᱭ ᱰᱤᱡᱟᱭᱤᱱ ᱞᱮᱫᱟ᱾
ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱷᱟᱱᱱᱟ ᱫᱚ ᱢᱤᱰᱴᱟᱣᱩᱱ ᱢᱟᱱᱦᱟᱴᱟᱱ ᱨᱮᱭ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ᱾ ᱩᱱᱤ ᱫᱚ ᱞᱩᱯᱩᱥ ᱨᱮᱭᱟᱜ ᱨᱟᱱ ᱯᱟᱱᱛᱮ ᱞᱟᱹᱜᱤᱫ ᱟᱢᱮᱨᱤᱠᱟ ᱨᱮᱭᱟᱜ ᱞᱩᱯᱩᱥ ᱯᱷᱟᱣᱩᱱᱰᱮᱥᱚᱱ ᱛᱟᱞᱟᱛᱮ ᱪᱟᱞᱟᱜ ᱠᱟᱱ ᱫᱤᱥᱚᱢ ᱡᱟᱠᱟᱛ ᱠᱮᱢᱯᱮᱱ ᱨᱮ ᱟᱹᱰᱤ ᱜᱮ ᱠᱟᱹᱢᱤᱭᱟᱹ ᱞᱮᱠᱟᱭ ᱥᱮᱞᱮᱫᱚᱜ ᱠᱟᱱ ᱛᱟᱦᱮᱸᱫ᱾ ᱩᱱᱤ ᱫᱚ ᱢᱤᱫ ᱭᱳᱜᱟ ᱨᱮᱱ ᱵᱤশারᱚᱫᱽ ᱦᱚᱸᱭ ᱛᱟᱦᱮᱸ ᱠᱟᱱᱟ ᱟᱨ ᱞᱩᱯᱩᱥ ᱯᱷᱟᱣᱩᱱᱰᱮᱥᱚᱱ ᱚᱯᱷ ᱟᱢᱮᱨᱤᱠᱟ ᱨᱮ ᱭᱳᱜᱟ ᱮ ᱯᱨᱚᱢᱳᱴ ᱟᱠᱟᱫᱟ᱾
ᱠᱷᱟᱱᱱᱟ ᱫᱚ ᱒᱘ ᱯᱷᱮᱵᱽᱨᱩᱣᱟᱨᱤ, ᱒᱐᱒᱒ ᱥᱟᱞᱮ ᱨᱮ ᱱᱤᱭᱩᱭᱚᱨᱠ ᱥᱤᱴᱤ ᱨᱮ ᱟᱭᱢᱟ ᱚᱝᱜᱚ ᱠᱟᱹᱢᱤ ᱵᱟᱹᱲᱤᱡ ᱠᱷᱟᱹᱛᱤᱨ ᱔᱗ ᱵᱚᱪᱷᱚᱨ ᱩᱢᱮᱨ ᱨᱮᱭ ᱵᱚᱸᱜᱟ ᱛᱟᱞᱟ ᱮᱱᱟ᱾ ᱩᱱᱤ ᱫᱚ ᱟᱡᱟᱜ ᱡᱤᱭᱚᱱ ᱨᱮᱭᱟᱜ ᱢᱩᱪᱟᱹᱫ ᱥᱮᱨᱢᱟ ᱠᱚᱨᱮ ᱞᱩᱯᱩᱥ, ᱠᱤᱰᱱᱤ ᱠᱷᱟᱨᱟᱯ ᱟᱨ ᱮᱴᱤᱯᱤᱠᱟᱞ ᱦᱮᱢᱳᱞᱤᱴᱤᱠ ᱭᱩᱨᱮᱢᱤᱠ ᱥᱤᱱᱰᱨᱳᱢ ᱨᱮᱭ ᱯᱟᱲᱟᱣ ᱞᱮᱱ ᱛᱟᱦᱮᱸᱫ᱾