ᱨᱟᱫᱷᱤᱠᱟ ᱥᱟᱨᱚᱛᱷᱠᱩᱢᱟᱨ
ᱨᱟᱫᱷᱤᱠᱟ ᱥᱟᱨᱚᱛᱷᱠᱩᱢᱟᱨ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ, ᱯᱷᱤᱞᱢ ᱯᱨᱚᱰᱩᱭᱥᱟᱨ, ᱯᱷᱤᱞᱢ ᱰᱟᱭᱨᱮᱠᱴᱚᱨ ᱟᱨ ᱨᱟᱡᱽᱱᱮᱛᱟ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱛᱟᱢᱤᱞ ᱟᱨ ᱛᱮᱞᱩᱜᱩ ᱥᱤᱱᱮᱢᱟ, ᱴᱤᱵᱷᱤ ᱥᱤᱨᱤᱭᱟᱞ ᱟᱨ ᱣᱮᱵᱽ ᱥᱤᱨᱤᱡᱽ ᱥᱟᱶᱛᱮ ᱦᱤᱱᱫᱤ, ᱢᱟᱞᱟᱭᱟᱞᱚᱢ ᱟᱨ ᱠᱟᱱᱱᱟᱰᱟ ᱯᱷᱤᱞᱢ ᱨᱮ ᱦᱚᱸᱭ ᱠᱟᱹᱢᱤᱭᱟ᱾[᱑] ᱩᱱᱤ ᱫᱚ ᱢᱤᱫ ᱱᱮᱥᱱᱟᱞ ᱯᱷᱤᱞᱢ ᱟᱣᱟᱨᱰ, ᱵᱟᱨᱭᱟ ᱱᱟᱱᱫᱤ ᱟᱣᱟᱨᱰ, ᱯᱮᱭᱟ ᱛᱟᱢᱤᱞᱱᱟᱰᱩ ᱥᱴᱮᱴ ᱯᱷᱤᱞᱢ ᱟᱣᱟᱨᱰ ᱟᱨ ᱛᱩᱨᱩᱭᱟ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱥᱟᱣᱛᱷ ᱨᱤᱱᱤᱡ ᱧᱟᱢ ᱟᱠᱟᱫ ᱦᱚᱲ ᱠᱟᱱᱟᱭ᱾
ᱯᱚᱨᱥᱚᱱᱟᱞ ᱞᱟᱭᱤᱯᱷ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱫᱷᱤᱠᱟ ᱫᱚ ᱮᱠᱴᱚᱨ ᱮᱢ. ᱟᱨ. ᱨᱟᱫᱷᱟ ᱟᱨ ᱜᱤᱛᱟ ᱨᱤᱱᱤᱡ ᱠᱩᱲᱤ ᱜᱤᱫᱽᱨᱟᱹ ᱠᱟᱱᱟᱭ᱾ ᱟᱡ ᱵᱟᱵᱟ ᱫᱚ ᱪᱮᱱᱱᱟᱭ ᱨᱤᱱᱤᱡ ᱛᱮᱞᱩᱜᱩ ᱠᱟᱱᱟᱭ ᱟᱨ ᱟᱡ ᱮᱸᱜᱟᱛ ᱫᱚ ᱥᱨᱤᱞᱚᱝᱠᱟᱱ ᱛᱟᱢᱤᱞ ᱠᱟᱱᱟᱭ᱾ ᱨᱟᱫᱷᱤᱠᱟ ᱫᱚ ᱟᱡᱟᱜ ᱥᱮᱪᱮᱫ ᱫᱚ ᱥᱤᱧᱚᱛ, ᱥᱨᱤᱞᱚᱝᱠᱟ ᱟᱨ ᱞᱚᱱᱰᱚᱱ ᱨᱮᱭᱟᱜ ᱠᱚᱨᱥ ᱨᱮᱭ ᱯᱩᱨᱟᱹᱣ ᱞᱮᱫᱟ, ᱡᱟᱦᱟᱸ ᱫᱚ ᱩᱱᱤ ᱵᱟᱭ ᱪᱟᱵᱟ ᱞᱮᱫᱟ᱾[᱒] ᱩᱱᱤ ᱨᱤᱱ ᱢᱤᱫ ᱦᱩᱰᱤᱧ ᱵᱚᱭᱦᱟ ᱱᱤᱨᱚᱥᱟ ᱦᱚᱸ ᱢᱮᱱᱟᱭᱟ, ᱡᱟᱦᱟᱸᱭ ᱫᱚ ᱢᱤᱫ ᱮᱠᱴᱨᱮᱥ ᱠᱟᱱᱟᱭ ᱟᱨ ᱵᱟᱨᱭᱟ ᱦᱩᱰᱤᱧ ᱵᱚᱭᱦᱟ ᱨᱟᱡᱩ ᱟᱨ ᱢᱚᱦᱚᱱ ᱦᱚᱸ ᱢᱮᱱᱟᱜ ᱠᱤᱱᱟ᱾ ᱩᱱᱤ ᱨᱤᱱ ᱵᱟᱨᱭᱟ ᱦᱟᱯᱷ-ᱵᱚᱭᱦᱟ ᱨᱟᱫᱷᱟ ᱨᱟᱵᱤ ᱟᱨ ᱮᱢ. ᱟᱨ. ᱟᱨ. ᱵᱟᱥᱩ ᱦᱚᱸ ᱢᱮᱱᱟᱜ ᱠᱤᱱᱟ᱾
ᱨᱟᱫᱷᱤᱠᱟ ᱫᱚ ᱔ ᱯᱷᱮᱵᱽᱨᱩᱣᱟᱨᱤ ᱒᱐᱐᱑ ᱨᱮ ᱮᱠᱴᱚᱨ ᱥᱟᱨᱚᱛᱷᱠᱩᱢᱟᱨ ᱥᱟᱶ ᱮ ᱵᱟᱯᱞᱟ ᱞᱮᱱᱟ᱾ ᱩᱱᱠᱤᱱ ᱫᱚ ᱵᱟᱯᱞᱟ ᱞᱟᱦᱟ ᱠᱷᱚᱱ ᱜᱟᱛᱮ ᱠᱤᱱ ᱛᱟᱦᱮᱸ ᱠᱟᱱᱟ ᱟᱨ ᱵᱟᱨᱭᱟ ᱯᱷᱤᱞᱢ ᱨᱮ ᱠᱤᱱ ᱡᱩᱲᱤ ᱞᱮᱱᱟ: ᱱᱟᱢᱢᱟ ᱟᱱᱱᱟᱪᱤ (᱑᱙᱙᱔) ᱟᱨ ᱥᱩᱨᱭᱟᱵᱚᱝᱥᱚᱢ (᱑᱙᱙᱗)᱾ ᱱᱩᱠᱤᱱ ᱡᱩᱨᱤ ᱨᱤᱱ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱨᱟᱦᱩᱞ ᱒᱐᱐᱔ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱨᱟᱫᱷᱤᱠᱟ ᱨᱤᱱ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱨᱟᱭᱟᱱᱮ ᱑᱙᱙᱒ ᱨᱮ ᱡᱟᱱᱟᱢ ᱞᱮᱱᱟᱭ᱾
ᱟᱡᱤᱡ ᱠᱩᱲᱤ ᱜᱤᱫᱽᱨᱟᱹ ᱨᱟᱭᱟᱱᱮ ᱫᱚ ᱒᱐᱑᱖ ᱨᱮ ᱠᱨᱤᱠᱮᱴᱟᱨ ᱚᱵᱷᱤᱢᱚᱱᱭᱩ ᱢᱤᱛᱷᱩᱱ ᱥᱟᱶ ᱮ ᱵᱟᱯᱞᱟ ᱞᱮᱱᱟ᱾ ᱨᱟᱫᱷᱤᱠᱟ ᱨᱤᱱ ᱢᱤᱫ ᱠᱚᱲᱟ ᱟᱨ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ᱾[᱓][᱔]
ᱯᱷᱤᱞᱢ ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱫᱷᱤᱠᱟ ᱫᱚ ᱑᱙᱗᱘ ᱨᱮᱭᱟᱜ ᱛᱟᱢᱤᱞ ᱢᱩᱵᱷᱤ ᱠᱤᱡᱷᱟᱠᱮ ᱯᱚᱜᱩᱢ ᱨᱮᱞ ᱨᱮ ᱵᱷᱟᱨᱚᱛᱤᱨᱟᱡᱟ ᱥᱟᱶ ᱵᱟᱝ ᱠᱩᱠᱢᱩ ᱛᱮ ᱧᱟᱯᱟᱢ ᱠᱟᱛᱮ ᱟᱡᱟᱜ ᱥᱤᱱᱮᱢᱟᱴᱤᱠ ᱰᱮᱵᱭᱩ ᱞᱮᱫᱟ᱾ ᱚᱱᱟ ᱛᱟᱭᱚᱢ, ᱩᱱᱤ ᱫᱚ ᱟᱭᱢᱟ ᱛᱟᱢᱤᱞ, ᱛᱮᱞᱩᱜᱩ, ᱠᱟᱱᱱᱟᱰᱟ, ᱦᱤᱱᱫᱤ ᱟᱨ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱨᱮ ᱠᱟᱹᱢᱤ ᱞᱮᱫᱟᱭ᱾[᱕][᱖][᱗]
ᱩᱱᱤ ᱫᱚ ᱢᱤᱫ ᱯᱷᱤᱞᱢ ᱦᱚᱸᱭ ᱵᱮᱱᱟᱣ ᱟᱠᱟᱫᱟ, ᱡᱟᱦᱟᱸ ᱫᱚ ᱢᱮᱱᱫᱩᱢ ᱚᱨᱩ ᱠᱟᱛᱷᱟᱞ ᱠᱟᱛᱷᱟᱭ (᱑᱙᱘᱕) ᱧᱩᱛᱩᱢ ᱛᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱢᱤᱫ ᱰᱟᱭᱨᱮᱠᱴᱚᱨ ᱨᱮᱭᱟᱜ ᱵᱮᱥᱴ ᱰᱮᱵᱭᱩ ᱯᱷᱤᱞᱢ ᱞᱟᱹᱜᱤᱫ ᱤᱱᱫᱽᱨᱟ ᱜᱟᱱᱫᱷᱤ ᱟᱣᱟᱨᱰ ᱮ ᱡᱤᱛᱠᱟᱹᱨ ᱟᱠᱟᱫᱟ᱾
ᱩᱱᱤ ᱫᱚ ᱱᱭᱟᱭᱟᱢ ᱠᱟᱵᱟᱞᱤ (᱑᱙᱘᱑) ᱞᱟᱹᱜᱤᱫ ᱵᱮᱥᱴ ᱛᱮᱞᱩᱜᱩ ᱮᱠᱴᱨᱮᱥ, ᱫᱷᱚᱨᱢᱚ ᱫᱮᱵᱷᱚᱛᱟᱭ (᱑᱙᱘᱖), ᱱᱤᱛᱷᱤᱠᱩ ᱛᱟᱱᱰᱟᱱᱟᱭ (᱑᱙᱘᱗) ᱟᱨ ᱠᱮᱞᱟᱰᱤ ᱠᱟᱱᱢᱟᱱᱤ (᱑᱙᱙᱐) ᱞᱟᱹᱜᱤᱫ ᱵᱮᱥᱴ ᱛᱟᱢᱤᱞ ᱮᱠᱴᱨᱮᱥ ᱮ ᱧᱟᱢ ᱟᱠᱟᱫᱟ᱾
ᱥᱤᱱᱮᱢᱟ ᱨᱮ ᱥᱟᱠᱥᱮᱥ ᱧᱟᱢ ᱛᱟᱭᱚᱢ, ᱨᱟᱫᱷᱤᱠᱟ ᱫᱚ ᱠᱤᱪᱷᱩ ᱵᱷᱮᱜᱟᱨ ᱜᱮ ᱪᱤᱠᱟᱹ ᱥᱟᱱᱟ ᱮᱫ ᱛᱟᱦᱮᱸᱱᱟ ᱟᱨ ᱦᱩᱰᱤᱧ ᱥᱠᱨᱤᱱ ᱨᱮ ᱠᱟᱹᱢᱤ ᱨᱮᱭᱟᱜ ᱮ ᱜᱚᱴᱟ ᱠᱮᱫᱟ, ᱡᱟᱦᱟᱸ ᱫᱚ ᱡᱚᱛᱚ ᱦᱚᱲ ᱠᱚ ᱢᱚᱱᱮ ᱮᱫ ᱛᱟᱦᱮᱸ ᱡᱮ ᱱᱚᱣᱟ ᱫᱚ ᱢᱤᱫ ᱵᱷᱩᱞ ᱠᱟᱱᱟ ᱟᱨ ᱩᱱᱤ ᱫᱚ ᱱᱚᱣᱟ ᱞᱟᱹᱜᱤᱫ ᱫᱩᱠ ᱮ ᱵᱩᱡᱷᱟᱹᱣᱟ᱾ ᱢᱮᱱᱠᱷᱟᱱ ᱩᱱᱤ ᱡᱟᱦᱟᱸ ᱨᱮ ᱯᱟᱹᱛᱭᱟᱹᱣ ᱢᱮᱱᱟᱜ ᱛᱟᱭᱟ ᱚᱱᱟ ᱪᱟᱞᱟᱣ ᱞᱟᱹᱜᱤᱫ ᱮ ᱠᱟᱹᱢᱤ ᱠᱮᱫᱟ, ᱡᱟᱦᱟᱸ ᱫᱚ ᱟᱡᱟᱜ ᱵᱮᱱᱟᱨ ᱛᱟᱞᱟ ᱛᱮ ᱴᱮᱞᱤᱵᱷᱤᱡᱚᱱ ᱥᱤᱨᱤᱭᱟᱞ ᱵᱮᱱᱟᱣ ᱛᱟᱦᱮᱸ ᱠᱟᱱᱟ, ᱩᱱᱤ ᱫᱚ ᱑᱙᱙᱔ ᱨᱮ ᱨᱟᱰᱟᱱ ᱢᱤᱰᱤᱭᱟᱣᱚᱨᱠᱥ ᱮ ᱮᱛᱚᱦᱚᱵ ᱠᱮᱫᱟ᱾ ᱠᱤᱪᱷᱩ ᱮᱛᱚᱦᱚᱵ ᱨᱮᱭᱟᱜ ᱮᱴᱠᱮᱴᱚᱬᱮ ᱛᱟᱭᱚᱢ, ᱠᱚᱢᱯᱟᱹᱱᱤ ᱫᱚ ᱑᱙᱙᱙ ᱨᱮ ᱢᱤᱫ ᱯᱚᱵᱽᱞᱤᱠᱞᱤ ᱞᱤᱥᱴᱮᱰ ᱠᱚᱢᱯᱟᱹᱱᱤ ᱨᱟᱰᱟᱱ ᱢᱤᱰᱤᱭᱟᱣᱚᱨᱠᱥ (ᱟᱭ) ᱞᱤᱢᱤᱴᱮᱰ ᱞᱮᱠᱟᱛᱮ ᱥᱟᱠᱥᱮᱥ ᱥᱟᱞᱟᱜ ᱨᱩᱣᱟᱹᱲ ᱦᱮᱡ ᱮᱱᱟ᱾
ᱩᱱᱤ ᱫᱚ ᱵᱤᱡᱚᱭ ᱴᱤᱵᱷᱤ ᱨᱮᱭᱟᱜ ᱡᱚᱰᱤ ᱱᱚᱢᱵᱚᱨ ᱣᱟᱱ ᱥᱤᱡᱚᱱ ᱔ ᱨᱮ ᱡᱚᱡᱽ ᱮ ᱛᱟᱦᱮᱸ ᱠᱟᱱᱟ᱾
ᱩᱱᱤ ᱫᱚ ᱤᱫᱤ ᱠᱟᱛᱷᱟ ᱠᱟᱰᱩ (ᱛᱮᱞᱩᱜᱩ), ᱪᱤᱴᱤ, ᱟᱱᱱᱟᱢᱟᱞᱟᱭ, ᱥᱮᱞᱵᱤ, ᱟᱨᱟᱥᱤ, ᱪᱮᱞᱟᱢᱟᱭ, ᱵᱟᱱᱤ ᱨᱟᱱᱤ, ᱛᱷᱟᱢᱟᱨᱟᱭ ᱟᱨ ᱪᱤᱛᱷᱤ ᱒ ᱞᱮᱠᱟᱱ ᱥᱤᱨᱤᱭᱟᱞ ᱮ ᱵᱮᱱᱟᱣ ᱟᱠᱟᱫᱟ᱾
ᱥᱮᱯᱴᱮᱢᱵᱚᱨ ᱒᱐᱑᱙ ᱨᱮ, ᱩᱱᱤ ᱫᱚ ᱢᱟᱨᱠᱮᱴ ᱨᱟᱡᱟ ᱮᱢᱵᱤᱵᱤᱮᱥ ᱨᱮᱭᱟᱜ ᱟᱩᱰᱤᱭᱚ ᱞᱚᱸᱪ ᱚᱠᱛᱮ "ᱱᱟᱫᱤᱜᱟᱵᱮᱞ ᱥᱮᱞᱵᱤ" ᱞᱮᱠᱟᱛᱮ ᱠᱚ ᱢᱟᱱ ᱥᱚᱢᱟᱱ ᱞᱮᱫᱮᱭᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Kumar, S. r Ashok (9 April 2020). "Radhika Sarathkumar: 'Acting is my first priority'". The Hindu.
- ↑ "Alitho Saradaga | Raadhika (Actress) | 18th April 2022 | Full Episode | ETV Telugu". 18 April 2022 – via www.youtube.com.
- ↑ "Raadhika Sarathkumar's daughter Rayane Hardy gets married to IPL team RCB player Abhimanyu Mithun! | India.com". www.india.com. Retrieved 18 March 2023.
- ↑ India NEWS entertainment desk (29 August 2016). "Rayane gets married to IPL team RCB player Abhimanyu Mithun!". India News.
- ↑ "Nyayam Kavali Awards: List of Awards won by Telugu movie Nyayam Kavali". The Times of India.
- ↑ "35th Annual Filmfare Awards South Winners". 5 February 2017. Archived from the original on 5 February 2017. Retrieved 22 March 2019.
- ↑ "35th Annual Filmfare Winner Tamil Raadhika Special". 6 February 2017. Archived from the original on 6 February 2017. Retrieved 22 March 2019.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱨᱟᱫᱷᱤᱠᱟ ᱥᱟᱨᱚᱛᱷᱠᱩᱢᱟᱨ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)