ᱨᱟᱵᱟᱝ ᱨᱤᱛᱩ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱨᱟᱵᱟᱝ ᱨᱤᱛᱩ ᱫᱚ ᱯᱩᱥ ᱟᱨ ᱢᱟᱜᱽ ᱵᱚᱸᱜᱟ ᱨᱮ ᱵᱟᱰᱟᱭ ᱧᱟᱢᱚᱜᱼᱟ ᱾ ᱦᱟᱣᱮᱫ ᱨᱤᱛᱩ ᱪᱟᱵᱟ ᱪᱟᱵᱟ ᱥᱟᱶ ᱛᱮᱜᱮ ᱨᱟᱵᱟᱝ ᱨᱤᱛᱩ ᱫᱚ ᱵᱚᱞᱚ ᱦᱤᱡᱩᱜᱼᱟ ᱾ ᱚᱱᱟᱛᱮ ᱱᱚᱣᱟ ᱨᱤᱛᱩ ᱫᱚ ᱢᱤᱫ ᱜᱮ ᱟᱴᱠᱟᱨᱚᱜᱼᱟ ᱾ ᱨᱟᱵᱟᱝ ᱨᱤᱫᱩ ᱨᱮ ᱫᱚ ᱟᱹᱰᱤ ᱡᱩᱨ ᱨᱟᱵᱟᱝᱟ ᱾ ᱤᱱᱠᱟᱹ ᱫᱷᱟᱨᱟ ᱩᱭᱩ ᱠᱚᱛᱷ ᱫᱚ ᱵᱟᱢ ᱥᱟᱢᱵᱽᱲᱟᱣ ᱠᱮᱭᱟ ᱾ ᱧᱤᱫᱟᱹ ᱫᱚ ᱢᱟᱨᱟᱝᱚᱜᱼᱟ ᱟᱨ ᱧᱤᱫᱟᱹ ᱜᱮ ᱡᱟᱹᱥᱛᱤ ᱨᱟᱵᱟᱝ ᱵᱩᱡᱷᱟᱹᱣᱜ ᱾ ᱱᱚᱶᱟ ᱚᱠᱛᱚ ᱨᱮ ᱫᱚ ᱥᱮᱛᱟᱜ ᱵᱮᱲᱟ ᱠᱟᱱᱠᱟᱱᱟᱣ ᱨᱮᱭᱟᱲ ᱵᱩᱡᱷᱟᱹᱣᱜᱼᱟ ᱾ ᱱᱚᱣᱟ ᱨᱤᱛᱩ ᱨᱮ ᱫᱤᱱ ᱫᱚ ᱦᱩᱰᱤᱧ ᱜᱮ ᱵᱩᱡᱷᱟᱹᱣᱜᱼᱟ, ᱟᱹᱰᱤ ᱞᱟᱜᱮ ᱟᱹᱭᱩᱵ ᱜᱚᱫᱚᱜᱼᱟ ᱾

ᱱᱟᱭᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱵᱟᱝ ᱨᱤᱛᱩ ᱫᱚ ᱦᱟᱣᱮᱫ ᱨᱤᱛᱩ ᱯᱟᱨᱚᱢ ᱠᱟᱛᱮ ᱦᱩᱭᱩᱜᱼᱟ ᱾ ᱩᱱ ᱚᱠᱛᱚ ᱥᱮᱨᱢᱟ ᱨᱮᱱᱟᱜ ᱠᱩᱲᱟᱹᱭ ᱪᱟᱹᱥᱤ ᱧᱟᱢ ᱠᱟᱜ ᱛᱮ ᱟᱹᱰᱤ ᱨᱟᱹᱥᱠᱟᱹᱭ ᱟᱹᱭᱠᱟᱹᱣᱟ ᱟᱨ ᱱᱚᱣᱟ ᱨᱟᱵᱟᱝ ᱨᱤᱛᱩ ᱨᱮ ᱜᱮ ᱯᱟᱨᱟᱵᱽ ᱠᱚᱦᱚᱸ ᱧᱟᱢᱚᱜᱼᱟ ᱥᱟᱠᱨᱟᱛ ᱯᱟᱨᱟᱵᱽ ᱾ ᱚᱱᱟᱛᱮ ᱨᱟᱹᱥᱠᱟᱹ ᱨᱚᱢᱚᱡᱽ ᱜᱮ ᱫᱤᱱ ᱯᱚᱞᱚᱢᱚᱜᱼᱟ ᱵᱟᱭ ᱴᱷᱤᱠᱟᱹᱜᱼᱟ ᱾

ᱨᱩᱯ ᱨᱚᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱵᱟᱝ ᱨᱤᱛᱩ ᱨᱮ ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱨᱩᱯᱨᱚᱝ ᱟᱹᱰᱤ ᱪᱮᱨᱦᱟ ᱧᱮᱞᱚᱜᱼᱟ ᱾ ᱥᱮᱛᱟᱜ ᱵᱮᱲᱟ ᱪᱟᱸᱫᱚ ᱨᱟᱠᱟᱵ ᱟᱨᱟᱜ ᱡᱚᱨᱚᱝ ᱡᱚᱨᱚᱝ ᱛᱟᱨᱟᱥ ᱪᱮ ᱛᱟᱥᱟᱫ ᱠᱚ ᱡᱤᱲᱤᱫ ᱡᱟᱲᱟᱝ ᱥᱚᱱᱟ ᱞᱮᱠᱟ ᱧᱮᱞᱚᱜᱼᱟ ᱾ ᱱᱟᱱᱟ ᱦᱩᱱᱟᱹᱨ ᱵᱟᱦᱟ ᱯᱷᱩᱴᱟᱹᱣ ᱠᱚᱜᱼᱟ ᱟᱨᱟᱜ, ᱥᱟᱥᱟᱝ, ᱞᱤᱞ ᱯᱩᱸᱰ ᱟᱹᱰᱤ ᱱᱟᱯᱟᱭ ᱜᱮ ᱧᱮᱞᱚᱜᱼᱟ ᱾ ᱥᱮᱛᱟᱜ ᱥᱤᱥᱤᱨ ᱛᱮ ᱟᱹᱨᱩᱵ ᱥᱟᱯᱷᱟ ᱠᱚᱜᱼᱟ ᱛᱟᱹᱦᱩᱸ ᱧᱮᱞᱚᱜ ᱡᱮᱸᱜᱮᱫ ᱡᱮᱸᱜᱮᱫ ᱾ ᱱᱚᱣᱟ ᱚᱠᱛᱚ ᱨᱮ ᱚᱱᱚᱞᱤᱭᱟᱹ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱚᱱᱚᱬᱦᱤᱭᱟᱹ ᱠᱚ ᱫᱷᱟᱹᱨᱛᱤ ᱨᱮᱱᱟᱜ ᱨᱩᱯᱨᱚᱝ ᱜᱟᱵᱟᱱ ᱠᱟᱛᱮ ᱟᱠᱚᱣᱟᱜ ᱵᱟᱵᱽᱱᱟ ᱠᱚ ᱯᱷᱚᱴᱮᱞ ᱚᱪᱚᱭᱟ ᱾

ᱠᱟᱭᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱵᱟᱝ ᱨᱤᱛᱩ ᱨᱮᱫᱚ ᱟᱹᱰᱤ ᱜᱮ ᱨᱟᱵᱟᱝᱟ ᱾ ᱱᱚᱣᱟ ᱨᱤᱛᱩ ᱨᱮ ᱨᱮᱸᱜᱮᱡ ᱦᱚᱲ ᱵᱟᱹᱲᱛᱤ ᱠᱚ ᱠᱚᱥᱴᱚᱜᱼᱟ ᱾ ᱩᱭᱩ ᱞᱟᱹᱜᱤᱱ ᱠᱷᱟᱱᱛᱟ ᱦᱚᱸ ᱵᱟᱭ ᱛᱟᱦᱮᱸᱱ ᱛᱟᱠᱚᱣᱟ ᱾ ᱨᱟᱵᱟᱝ ᱛᱮ ᱛᱤᱱᱟᱹᱜ ᱨᱩᱣᱟᱹ ᱠᱚ ᱪᱚ ᱜᱷᱟᱹᱞ ᱠᱚᱣᱟ ᱾ ᱦᱟᱲᱟᱢ ᱵᱩᱰᱷᱤ ᱠᱚ ᱫᱚ ᱨᱟᱵᱟᱝ ᱛᱮᱠᱚ ᱯᱟᱨᱚᱢ ᱤᱫᱤ ᱜᱚᱫᱚᱜᱼᱟ ᱾

ᱵᱟᱹᱲᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱵᱟᱝ ᱨᱤᱛᱩ ᱠᱚᱥᱴᱚ ᱣᱟᱱ ᱨᱮᱦᱚᱸ ᱟᱹᱰᱤ ᱨᱟᱹᱥᱠᱟᱹ ᱟᱱ ᱨᱤᱛᱩ ᱠᱟᱱ ᱜᱮᱭᱟ ᱾ ᱦᱚᱲ ᱠᱚ ᱛᱩᱞᱩᱡ ᱧᱟᱯᱟᱢ ᱟᱨ ᱫᱷᱟᱹᱨᱛᱤ ᱨᱮᱱᱟᱜ ᱜᱚᱲᱦᱚᱱ ᱛᱮ ᱢᱚᱱᱮ ᱡᱤᱣᱤ ᱟᱹᱰᱤ ᱛᱮᱫᱼᱮ ᱟᱹᱨᱩ ᱯᱷᱮᱨᱟᱣᱟ ᱾ ᱚᱱᱟᱛᱮ ᱵᱟᱹᱲᱛᱤ ᱦᱚᱲ ᱱᱚᱣᱟ ᱨᱤᱛᱩ ᱛᱟᱺᱜᱤ ᱛᱟᱬᱟᱜ ᱨᱮ ᱠᱚ ᱛᱟᱦᱮᱸᱱᱟ ᱾