ᱨᱤᱛᱩ ᱠᱟᱨᱤᱫᱷᱟᱞ

ᱰᱨ. ᱨᱤᱛᱩ ᱠᱟᱨᱤᱫᱷᱟᱞ ᱥᱨᱤᱵᱟᱥᱛᱚᱵᱚ
ᱰᱨ. ᱨᱤᱛᱩ ᱠᱟᱨᱤᱫᱷᱟᱞ ᱥᱨᱤᱵᱟᱥᱛᱚᱵᱚ
	ᱪᱚᱸᱫᱽᱨᱚᱭᱟᱱ ᱢᱤᱥᱚᱱ ᱛᱟᱭᱚᱢ ISRO ᱨᱮ ᱨᱤᱛᱩ ᱠᱟᱨᱤᱫᱷᱟᱞ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	᱑᱓ ᱮᱯᱨᱤᱞ ᱑᱙᱗᱕; ᱞᱚᱠᱷᱱᱚᱣ, ᱩᱛᱛᱚᱨ ᱯᱨᱚᱫᱮᱥ, ᱥᱤᱧᱚᱛ
ᱥᱮᱪᱮᱫ ᱟᱠᱷᱲᱟ	ᱞᱚᱠᱷᱱᱚᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ; ᱥᱤᱧᱚᱛᱤᱭᱟᱹ ᱥᱟᱬᱮᱥ ᱥᱚᱸᱥᱛᱷᱟᱱ
ᱠᱟᱹᱢᱤ	ᱥᱟᱬᱮᱥᱤᱭᱟᱹ
ᱠᱟᱹᱢᱤ ᱚᱠᱛᱚ	᱑᱙᱙᱗–ᱱᱤᱛ ᱫᱷᱟᱹᱵᱤᱡ
Works	ᱢᱟᱨᱥ ᱚᱨᱵᱤᱴᱟᱨ ᱢᱤᱥᱚᱱ, ᱪᱚᱸᱫᱽᱨᱚᱭᱟᱱ-᱒, ᱪᱚᱸᱫᱽᱨᱚᱭᱟᱱ-᱓
ᱡᱤᱭᱚᱱ ᱥᱚᱦᱮᱫ	ᱚᱵᱤᱱᱟᱥ ᱥᱨᱤᱵᱟᱥᱛᱚᱵᱚ
ᱦᱚᱯᱚᱱ	ᱟᱫᱤᱛᱭᱚ, ᱚᱱᱤᱥᱟ
ᱥᱤᱨᱯᱷᱟᱹ	ISRO ᱭᱩᱣᱟ ᱥᱟᱬᱮᱥᱤᱭᱟᱹ ᱥᱤᱨᱯᱷᱟᱹ

ᱨᱤᱛᱩ ᱠᱟᱨᱤᱫᱷᱟᱞ ᱥᱨᱤᱵᱟᱥᱛᱚᱵᱚ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱥᱟᱬᱮᱥᱤᱭᱟᱹ ᱟᱨ ᱮᱭᱟᱨᱳᱥᱯᱮᱥ ᱤᱧᱡᱤᱱᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱥᱤᱧᱚᱛᱤᱭᱟᱹ ᱢᱚᱦᱟᱠᱟᱥ ᱠᱷᱚᱸᱫᱽᱨᱚᱸᱫᱽ ᱥᱚᱸᱥᱛᱷᱟᱱ (ISRO) ᱨᱮ ᱠᱟᱹᱢᱤ ᱠᱟᱱᱟᱭ ᱾ ᱩᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱢᱟᱨᱥ ᱚᱨᱵᱤᱴᱟᱨ ᱢᱤᱥᱚᱱ, ᱢᱚᱝᱜᱚᱞᱭᱟᱱ ᱨᱮ ᱰᱮᱯᱩᱴᱤ ᱚᱯᱨᱮᱥᱚᱱ ᱰᱟᱭᱨᱮᱠᱴᱚᱨ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾^[᱑] ᱢᱚᱝᱜᱚᱞᱭᱟᱱ ᱢᱤᱥᱚᱱ ᱨᱮ ᱟᱡᱟᱜ ᱱᱟᱯᱟᱭ ᱠᱟᱹᱢᱤ ᱞᱟᱹᱜᱤᱫ ᱢᱟᱹᱱ ᱮᱢ ᱠᱟᱛᱮ, ᱵᱚᱞᱤᱣᱩᱰ ᱯᱷᱤᱞᱢ ᱢᱤᱥᱚᱱ ᱢᱚᱝᱜᱚᱞ ᱵᱮᱱᱟᱣ ᱞᱮᱱᱟ, ᱡᱟᱦᱟᱸ ᱨᱮ ᱥᱤᱧᱚᱛᱤᱭᱟᱹ ᱟᱠᱴᱨᱮᱥ ᱵᱤᱫᱽᱭᱟ ᱵᱟᱞᱟᱱ ᱟᱡᱟᱜ ᱨᱩᱞ ᱮ ᱱᱤᱵᱷᱟᱣ ᱞᱮᱫ ᱛᱟᱦᱮᱸᱫ ᱾^[᱒]^[᱓]

ᱮᱛᱚᱦᱚᱵ ᱡᱤᱭᱚᱱ ᱟᱨ ᱜᱷᱟᱨᱚᱸᱡᱽ

ᱠᱟᱨᱤᱫᱷᱟᱞ ᱫᱚ ᱞᱚᱠᱷᱱᱚᱣ, ᱩᱛᱛᱚᱨ ᱯᱨᱚᱫᱮᱥ ᱨᱮ ᱡᱟᱱᱟᱢ ᱞᱮᱱᱟᱭ ᱾^[᱔] ᱩᱱᱤ ᱫᱚ ᱢᱤᱫ ᱛᱟᱞᱟ ᱢᱟᱞᱟ ᱜᱷᱟᱨᱚᱸᱡᱽ ᱨᱮ ᱦᱟᱨᱟ ᱵᱩᱨᱩ ᱞᱮᱱᱟᱭ, ᱡᱟᱦᱟᱸ ᱨᱮ ᱥᱮᱪᱮᱫ ᱫᱚ ᱟᱹᱰᱤ ᱢᱟᱹᱱ ᱮᱢᱚᱜ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱞᱚᱠᱷᱱᱚᱣ ᱨᱮᱱᱟᱜ ᱥᱮᱸᱴ ᱚᱧᱡᱚᱱᱤ ᱯᱚᱵᱽᱞᱤᱠ ᱥᱠᱩᱞ ᱨᱮ ᱯᱟᱲᱦᱟᱣ ᱞᱮᱱᱟᱭ ᱾ ᱟᱡ ᱨᱤᱱ ᱵᱟᱨᱭᱟ ᱵᱚᱭᱦᱟ ᱟᱨ ᱵᱟᱨᱭᱟ ᱢᱤᱥᱨᱟ ᱢᱮᱱᱟᱜ ᱠᱚᱣᱟ ᱾ ᱜᱤᱫᱽᱨᱟᱹ ᱚᱠᱛᱚ ᱠᱷᱚᱱ ᱜᱮ ᱩᱱᱤ ᱫᱚ ᱢᱚᱦᱟᱠᱟᱥ ᱥᱟᱬᱮᱥ ᱨᱮ ᱟᱹᱰᱤ ᱨᱟᱹᱥᱠᱟᱹ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱧᱤᱫᱟᱹ ᱤᱯᱤᱞ ᱠᱚ ᱠᱚᱭᱚᱜ ᱠᱟᱛᱮ ᱩᱱᱤ ᱫᱚ ᱪᱟᱸᱫᱚ ᱟᱨ ᱵᱟᱦᱨᱮ ᱚᱛᱮᱛ ᱵᱟᱵᱚᱛ ᱮ ᱩᱭᱦᱟᱹᱨ ᱛᱟᱦᱮᱸᱫ ᱾ ᱟᱡᱟᱜ ᱜᱤᱫᱽᱨᱟᱹ ᱚᱠᱛᱚ ᱨᱮ ᱩᱱᱤ ᱫᱚ ᱥᱯᱮᱥ ᱥᱟᱶ ᱡᱚᱯᱲᱟᱣ ᱠᱷᱚᱵᱚᱨ ᱠᱟᱜᱚᱡᱽ ᱨᱮᱱᱟᱜ ᱠᱟᱹᱴᱤᱝ ᱠᱚᱭ ᱡᱟᱣᱨᱟ ᱮᱫ ᱛᱟᱦᱮᱸᱫ ᱾ ᱠᱟᱨᱤᱫᱷᱟᱞ ᱫᱚ ᱞᱚᱠᱷᱱᱚᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱯᱷᱤᱡᱤᱠᱥ (Physics) ᱨᱮ B.Sc. ᱯᱩᱨᱟᱹᱣ ᱞᱮᱫᱟᱭ ᱾^[᱕] ᱚᱱᱟ ᱛᱟᱭᱚᱢ ᱚᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱜᱮ M.Sc. ᱠᱟᱛᱮ ᱰᱚᱠᱴᱚᱨᱮᱴ ᱠᱳᱨᱥ ᱨᱮ ᱵᱷᱤᱥᱮᱞ ᱞᱮᱱᱟᱭ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱥᱟᱬᱮᱥ ᱥᱚᱸᱥᱛᱷᱟᱱ (IISc), ᱵᱮᱸᱜᱽᱞᱳᱨ ᱨᱮ ᱮᱭᱟᱨᱳᱥᱯᱮᱥ ᱤᱧᱡᱤᱱᱤᱭᱟᱹᱨᱤᱝ ᱨᱮ ᱢᱟᱥᱴᱟᱨ ᱰᱤᱜᱽᱨᱤ ᱦᱟᱢᱮᱴ ᱞᱮᱫᱟᱭ ᱾ ᱒᱐᱑᱙ ᱥᱟᱞ ᱨᱮ ᱞᱚᱠᱷᱱᱚᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱦᱚᱛᱮᱛᱮ ᱩᱱᱤ ᱫᱚ ᱢᱟᱹᱱᱟᱱ ᱰᱚᱠᱴᱚᱨ ᱚᱯᱷ ᱥᱟᱬᱮᱥ (D.Sc) ᱰᱤᱜᱽᱨᱤ ᱛᱮᱠᱚ ᱢᱟᱹᱱ ᱞᱮᱫᱮᱭᱟ ᱾

ᱠᱟᱹᱢᱤ ᱡᱤᱭᱚᱱ

ᱨᱤᱛᱩ ᱠᱟᱨᱤᱫᱷᱟᱞ ᱫᱚ ᱑᱙᱙᱗ ᱠᱷᱚᱱ ISRO ᱨᱮ ᱠᱟᱹᱢᱤ ᱠᱟᱱᱟᱭ ᱾^[᱔] ᱩᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱢᱚᱝᱜᱚᱞᱭᱟᱱ ᱢᱤᱥᱚᱱ ᱨᱮ ᱢᱤᱫ ᱢᱩᱬ ᱮᱱᱮᱢ ᱮ ᱮᱢ ᱞᱮᱫᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱰᱮᱯᱩᱴᱤ ᱚᱯᱨᱮᱥᱚᱱ ᱰᱟᱭᱨᱮᱠᱴᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱢᱤᱥᱚᱱ ᱫᱚ ISRO ᱨᱮᱱᱟᱜ ᱢᱤᱫ ᱢᱟᱨᱟᱝ ᱡᱤᱛᱠᱟᱹᱨ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱫᱚ ᱡᱮᱜᱮᱛ ᱨᱮᱱᱟᱜ ᱯᱩᱱᱟᱜ ᱫᱤᱥᱚᱢ ᱮ ᱵᱮᱱᱟᱣ ᱞᱮᱫᱮᱭᱟ ᱡᱟᱦᱟᱸᱭ ᱢᱟᱨᱥ (Mars) ᱫᱷᱟᱹᱵᱤᱡ ᱮ ᱥᱮᱴᱮᱨ ᱞᱮᱱᱟ ᱾ ᱩᱱᱤ ᱫᱚ ᱪᱚᱸᱫᱽᱨᱚᱭᱟᱱ-᱒ ᱢᱤᱥᱚᱱ ᱨᱮ ᱢᱤᱥᱚᱱ ᱰᱟᱭᱨᱮᱠᱴᱚᱨ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟᱭ ᱾^[᱖] ᱒᱐᱒᱑ ᱥᱟᱞ ᱨᱮ, ᱭᱩᱱᱟᱭᱴᱮᱰ ᱠᱤᱝᱰᱚᱢ ᱨᱮᱱᱟᱜ G7 ᱯᱨᱮᱥᱤᱰᱮᱱᱥᱤ ᱚᱠᱛᱚ ᱨᱮ, ᱩᱱᱤ ᱫᱚ ᱡᱮᱱᱰᱟᱨ ᱤᱠᱣᱟᱞᱤᱴᱤ ᱮᱰᱵᱷᱟᱭᱡᱚᱨᱤ ᱠᱟᱣᱩᱱᱥᱤᱞ (GEAC) ᱨᱮ ᱥᱚᱦᱮᱫ ᱞᱮᱠᱟᱛᱮ ᱠᱚ ᱵᱟᱦᱟᱞ ᱞᱮᱫᱮᱭᱟ ᱾ ᱒᱐᱒᱓ ᱥᱟᱞ ᱨᱮ, ᱪᱚᱸᱫᱽᱨᱚᱭᱟᱱ-᱓ ᱢᱤᱥᱚᱱ ᱨᱮᱦᱚᱸ ᱟᱡᱟᱜ ᱢᱟᱨᱟᱝ ᱮᱱᱮᱢ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱥᱤᱧᱚᱛ ᱫᱚ ᱡᱮᱜᱮᱛ ᱨᱮᱱᱟᱜ ᱯᱩᱭᱞᱩ ᱫᱤᱥᱚᱢ ᱮ ᱵᱮᱱᱟᱣ ᱞᱮᱱᱟ ᱡᱟᱦᱟᱸᱭ ᱪᱟᱸᱫᱚ ᱨᱮᱱᱟᱜ ᱮᱛᱚᱢ ᱯᱳᱞ (South Pole) ᱨᱮ ᱥᱚᱯᱷᱴ ᱞᱮᱱᱰᱤᱝ ᱮ ᱠᱚᱨᱟᱣ ᱞᱮᱫᱟ ᱾

ᱢᱟᱹᱱ ᱟᱨ ᱥᱤᱨᱯᱷᱟᱹ

* ᱠᱟᱨᱤᱫᱷᱟᱞ ᱫᱚ ᱒᱔ ᱡᱟᱱᱩᱣᱟᱨᱤ ᱒᱐᱒᱔ ᱨᱮ ᱩᱛᱛᱚᱨ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱭᱳᱜᱤ ᱟᱫᱤᱛᱭᱚᱱᱟᱛᱷ ᱴᱷᱮᱱ ᱠᱷᱚᱱ UP ᱜᱚᱣᱨᱚᱵᱽ ᱥᱚᱢᱢᱟᱱ ᱮ ᱧᱟᱢ ᱞᱮᱫᱟ ᱾
* ᱒᱐᱐᱗ ᱥᱟᱞ ᱨᱮ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱮ. ᱯᱤ. ᱡᱮ. ᱟᱵᱽᱫᱩᱞ ᱠᱟᱞᱟᱢ ᱴᱷᱮᱱ ᱠᱷᱚᱱ ISRO ᱭᱩᱣᱟ ᱥᱟᱬᱮᱥᱤᱭᱟᱹ ᱥᱤᱨᱯᱷᱟᱹ ᱾
* ᱞᱚᱠᱷᱱᱚᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱢᱟᱹᱱᱟᱱ ᱰᱚᱠᱴᱚᱨᱮᱴ ᱰᱤᱜᱽᱨᱤ ᱾

ᱥᱟᱹᱠᱷᱭᱟᱹᱛ

↑ "MOM has completed a revolution around Mars, ISRO scientist says - Times of India". The Times of India. Retrieved 4 March 2017.
↑ "India's rocket women". Deccan Chronicle (in ᱟᱝᱜᱽᱨᱮᱡᱤ). 26 February 2017. Retrieved 4 March 2017.
↑ "India's Rocket Women: Meet The Women Of ISRO – Rocket Women". rocket-women.com (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 9 April 2016. Retrieved 4 March 2017.
1 2 "Ritu Karidhal, the Woman Behind Mangalyaan, Tells the Most Passionate Story of India's Mars Mission". iDiva.com. Retrieved 4 March 2017.
↑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named :1
↑ "Who is Chandrayaan 2's mission director Ritu Karidhal?". Timesnownews.com (in ᱟᱝᱜᱽᱨᱮᱡᱤ). 7 September 2019.

[1] "MOM has completed a revolution around Mars, ISRO scientist says - Times of India". The Times of India. Retrieved 4 March 2017.

[:2-2] "India's rocket women". Deccan Chronicle (in ᱟᱝᱜᱽᱨᱮᱡᱤ). 26 February 2017. Retrieved 4 March 2017.

[3] "India's Rocket Women: Meet The Women Of ISRO – Rocket Women". rocket-women.com (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 9 April 2016. Retrieved 4 March 2017.

[:3-4] 1 2 "Ritu Karidhal, the Woman Behind Mangalyaan, Tells the Most Passionate Story of India's Mars Mission". iDiva.com. Retrieved 4 March 2017.

[:1-5] ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named :1

[6] "Who is Chandrayaan 2's mission director Ritu Karidhal?". Timesnownews.com (in ᱟᱝᱜᱽᱨᱮᱡᱤ). 7 September 2019.

[᱑]

[᱒]

[᱓]

[᱔]

[᱕]

[᱖]