ᱨᱤᱪᱟ ᱯᱟᱞᱞᱚᱫ

ᱨᱤᱪᱟ ᱯᱟᱞᱞᱚᱫ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱢᱚᱰᱮᱞ ᱟᱨ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱕ ᱜᱚᱴᱟᱝ ᱯᱟᱹᱨᱥᱤ ᱨᱮᱭᱟᱜ ᱯᱷᱤᱞᱢ ᱨᱮᱭ ᱧᱮᱞᱚᱜᱼᱟ᱾ ᱢᱩᱬ ᱨᱩᱯ ᱛᱮ ᱦᱤᱱᱫᱤ ᱨᱮ, ᱩᱱᱤ ᱛᱮᱞᱩᱜᱩ, ᱛᱟᱢᱤᱞ, ᱠᱟᱱᱱᱟᱰᱟ ᱟᱨ ᱢᱟᱞᱟᱭᱟᱞᱚᱢ ᱯᱟᱹᱨᱥᱤ ᱨᱮᱭᱟᱜ ᱯᱷᱤᱞᱢ ᱨᱮ ᱦᱚᱸᱭ ᱧᱮᱞ ᱟᱠᱟᱱᱟ᱾ ᱞᱟᱢᱦᱮ (᱑᱙᱙᱑) ᱨᱮ ᱢᱤᱫ ᱜᱤᱫᱽᱨᱟᱹ ᱟᱨᱴᱤᱥᱴ ᱞᱮᱠᱟᱛᱮ ᱧᱮᱞ ᱛᱟᱭᱚᱢ, ᱩᱱᱤ ᱱᱩᱵᱷᱮ ᱠᱟᱣᱟᱞᱤ (᱒᱐᱐᱐) ᱨᱮ ᱢᱤᱫ ᱥᱤᱨᱯᱷᱟᱹ ᱡᱤᱛᱠᱟᱹᱨᱤ ᱨᱳᱞ ᱨᱮᱭ ᱧᱮᱞ ᱞᱮᱱᱟ, ᱱᱚᱣᱟ ᱫᱚ ᱩᱱᱤᱭᱟᱜ ᱛᱮᱞᱩᱜᱩ ᱨᱮᱭᱟᱜ ᱯᱩᱭᱞᱩ ᱯᱷᱤᱞᱢ ᱛᱟᱦᱮᱸ ᱠᱟᱱᱟ᱾

ᱩᱱᱤᱭᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱦᱤᱱᱫᱤ ᱯᱷᱤᱞᱢ ᱫᱚ ᱭᱟᱥ ᱨᱟᱡᱽ ᱯᱷᱤᱞᱢ ᱨᱮᱭᱟᱜ ᱱᱤᱞ 'ᱮᱱ' ᱱᱤᱠᱤ (᱒᱐᱐᱕) ᱠᱟᱱᱟ᱾ ᱛᱟᱢᱤᱞ ᱯᱷᱤᱞᱢ ᱥᱟᱦᱡᱟᱦᱟᱱ (᱒᱐᱐᱑) ᱟᱨ ᱩᱱᱟᱠᱩᱢ ᱮᱱᱟᱠᱩᱢ (᱒᱐᱐᱖) ᱨᱮ ᱟᱡᱟᱜ ᱨᱳᱞ ᱫᱚ ᱧᱩᱛᱩᱢ ᱢᱮᱱᱟᱜᱼᱟ ᱡᱚᱠᱷᱚᱱ ᱩᱱᱤ ᱠᱟᱱᱱᱟᱰᱟ ᱟᱨ ᱢᱟᱞᱟᱭᱟᱞᱚᱢ ᱯᱟᱹᱨᱥᱤ ᱨᱮᱭᱟᱜ ᱯᱷᱤᱞᱢ ᱨᱮ ᱦᱚᱸᱭ ᱧᱮᱞ ᱟᱠᱟᱱᱟ᱾

ᱱᱤᱡᱮᱨ ᱡᱤᱭᱚᱱ

ᱩᱱᱤ ᱦᱤᱢᱟᱱᱥᱩ ᱵᱟᱡᱟᱡ ᱥᱟᱶ ᱒᱐᱑᱑ ᱥᱮᱨᱢᱟ ᱥᱮᱫ ᱵᱟᱯᱞᱟ ᱞᱮᱱᱟ ᱟᱨ ᱩᱱᱠᱩᱭᱤᱡ ᱠᱚᱲᱟ ᱜᱤᱫᱽᱨᱟᱹ ᱒᱐᱑᱓ ᱥᱮᱨᱢᱟ ᱥᱮᱫ ᱡᱟᱱᱟᱢ ᱞᱮᱱᱟ᱾

ᱠᱮᱨᱤᱭᱚᱨ

ᱨᱤᱪᱟ ᱯᱟᱞᱞᱚᱫ ᱯᱷᱤᱞᱢ ᱨᱮ ᱟᱡᱟᱜ ᱮᱱᱴᱨᱤ ᱫᱚ ᱑᱙᱙᱑ ᱨᱮ ᱞᱟᱢᱦᱮ ᱟᱨ ᱑᱙᱙᱗ ᱨᱮ ᱯᱟᱨᱫᱮᱥ ᱯᱷᱤᱞᱢ ᱨᱮ ᱜᱤᱫᱽᱨᱟᱹ ᱟᱨᱴᱤᱥᱴ ᱞᱮᱠᱟᱛᱮ ᱠᱷᱟᱴᱚ ᱨᱳᱞ ᱥᱟᱶ ᱦᱩᱭ ᱞᱮᱱᱟ᱾ ᱩᱱᱤ ᱑᱖ ᱥᱮᱨᱢᱟ ᱩᱢᱮᱨ ᱨᱮ ᱢᱚᱰᱮᱞᱤᱝ ᱮ ᱮᱛᱚᱦᱚᱵ ᱞᱮᱫᱟ, ᱢᱚᱬᱮ ᱥᱟᱭ ᱠᱷᱚᱱ ᱵᱟᱹᱲᱛᱤ ᱠᱚᱢᱟᱨᱥᱤᱭᱟᱞ ᱨᱮᱭ ᱧᱮᱞ ᱟᱠᱟᱱᱟ ᱟᱨ ᱯᱷᱟᱞᱜᱩᱱᱤ ᱯᱟᱴᱷᱚᱠ ᱨᱮᱭᱟᱜ ᱥᱮᱨᱮᱧ ᱵᱷᱤᱰᱤᱭᱳ "ᱭᱟᱫᱽ ᱯᱤᱭᱟ ᱠᱤ ᱟᱱᱮ ᱞᱟᱜᱤ" ᱟᱨ "ᱯᱤᱭᱟ ᱥᱮ ᱢᱤᱞ ᱠᱮ ᱟᱭᱮ ᱱᱮᱱ" ᱨᱮᱭ ᱧᱮᱞ ᱟᱠᱟᱱᱟ᱾ ᱨᱤᱪᱟ ᱟᱡᱟᱜ ᱯᱷᱤᱞᱢ ᱮᱛᱚᱦᱚᱵ ᱫᱚ ᱛᱮᱞᱩᱜᱩ ᱯᱷᱤᱞᱢ ᱱᱩᱵᱷᱮ ᱠᱟᱣᱟᱞᱤ (᱒᱐᱐᱐) ᱨᱮ ᱛᱟᱨᱩᱱ ᱵᱤᱨᱩᱫᱷ ᱨᱮ ᱠᱚᱨᱟᱣ ᱞᱮᱫᱟ, ᱡᱟᱦᱟᱸ ᱥᱟᱶ ᱩᱱᱤ ᱢᱟᱲᱟᱝ ᱨᱟᱡᱤᱵᱽ ᱢᱮᱱᱚᱱ ᱦᱚᱛᱮᱛᱮ ᱥᱩᱴ ᱟᱠᱟᱱ ᱠᱚᱢᱟᱨᱥᱤᱭᱟᱞ ᱨᱮᱭ ᱧᱮᱞ ᱞᱮᱱᱟ᱾ ᱚᱱᱟ ᱯᱷᱤᱞᱢ, ᱡᱟᱦᱟᱸ ᱫᱚ ᱠᱚᱞᱮᱡᱽ ᱨᱮ ᱵᱟᱨᱭᱟ ᱜᱤᱫᱽᱨᱟᱹ ᱜᱟᱛᱮ ᱛᱟᱞᱟ ᱨᱮ ᱥᱮᱱᱮᱦ ᱮ ᱩᱫᱩᱜ ᱥᱚᱫᱚᱨ ᱞᱮᱫᱟ, ᱢᱤᱫ ᱟᱹᱰᱤ ᱢᱟᱨᱟᱝ ᱠᱚᱢᱟᱨᱥᱤᱭᱟᱞ ᱥᱟᱠᱥᱮᱥ ᱦᱩᱭ ᱞᱮᱱᱟ ᱟᱨ ᱱᱟᱯᱟᱭ ᱨᱤᱵᱷᱭᱩ ᱮ ᱡᱤᱛᱠᱟᱹᱨ ᱞᱮᱫᱟ ᱱᱚᱣᱟ ᱫᱟᱹᱵᱤ ᱥᱟᱶ ᱡᱮ ᱨᱤᱪᱟ ᱫᱚ ᱟᱡᱟᱜ ᱨᱳᱞ ᱨᱮ "ᱰᱮᱵᱩᱴᱟᱱᱴ ᱞᱮᱠᱟ ᱫᱚ ᱵᱟᱭ ᱧᱮᱞᱚᱜ ᱠᱟᱱ ᱛᱟᱦᱮᱸᱱᱟ"᱾ ᱯᱷᱤᱞᱢ ᱨᱮ ᱟᱡᱟᱜ ᱠᱟᱹᱢᱤ ᱫᱚ ᱩᱱᱤ ᱵᱮᱥᱴ ᱮᱠᱴᱨᱮᱥ - ᱛᱮᱞᱩᱜᱩ ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱮ ᱡᱤᱛᱠᱟᱹᱨ ᱞᱮᱱᱟ᱾

ᱩᱱᱤ ᱛᱟᱢᱤᱞ ᱥᱤᱱᱮᱢᱟ ᱨᱮ ᱟᱡᱟᱜ ᱮᱛᱚᱦᱚᱵ ᱥᱟᱡᱟᱦᱟᱱ ᱨᱮ ᱵᱤᱡᱚᱭ ᱵᱤᱨᱩᱫᱷ ᱨᱮ ᱞᱤᱰ ᱨᱳᱞ ᱠᱷᱮᱞ ᱠᱟᱛᱮᱫ ᱮ ᱠᱚᱨᱟᱣ ᱞᱮᱫᱟ᱾ ᱚᱱᱟ ᱯᱷᱤᱞᱢ ᱫᱚ ᱠᱨᱤᱴᱤᱠᱥ ᱦᱚᱛᱮᱛᱮ ᱥᱟᱨᱦᱟᱣ ᱦᱩᱭ ᱞᱮᱱᱟ ᱟᱨ ᱨᱤᱪᱟ ᱨᱮᱭᱟᱜ ᱠᱟᱹᱢᱤ ᱦᱚᱸ "ᱠᱟᱹᱡ ᱱᱟᱯᱟᱭ ᱜᱮᱭᱟ" ᱢᱮᱱᱛᱮ ᱚᱞ ᱦᱩᱭ ᱞᱮᱱᱟ᱾ ᱟᱡᱟᱜ ᱫᱚᱥᱟᱨ ᱛᱟᱢᱤᱞ ᱯᱷᱤᱞᱢ ᱫᱚ ᱟᱞᱞᱤ ᱟᱨᱡᱩᱱᱟ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱧᱩᱛᱩᱢᱟᱱ ᱯᱷᱤᱞᱢ ᱵᱮᱱᱟᱣᱤᱡ ᱥᱟᱨᱟᱱ ᱦᱚᱛᱮᱛᱮ ᱵᱮᱱᱟᱣ ᱦᱩᱭ ᱞᱮᱱᱟ ᱚᱱᱟ ᱨᱮ ᱢᱚᱱᱚᱡ ᱵᱷᱟᱨᱚᱛᱤᱨᱟᱡᱟ ᱦᱚᱸᱭ ᱛᱟᱦᱮᱸ ᱠᱟᱱᱟ᱾ ᱨᱤᱪᱟ ᱢᱤᱫ ᱯᱷᱩᱨᱜᱟᱹᱞ ᱠᱩᱲᱤᱭᱟᱜ ᱨᱳᱞ ᱮ ᱠᱷᱮᱞ ᱞᱮᱫᱟ ᱡᱟᱦᱟᱸᱭ ᱥᱟᱶ ᱢᱚᱱᱚᱡ ᱨᱳᱢᱟᱱᱴᱤᱠ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱟᱨ ᱢᱤᱫ ᱫᱷᱟᱣ ᱩᱱᱤ ᱵᱟᱹᱲᱤᱡ ᱨᱤᱵᱷᱭᱩ ᱮ ᱧᱟᱢ ᱞᱮᱫᱟ ᱚᱱᱟ ᱨᱤᱵᱷᱭᱩ ᱨᱮ ᱠᱚ ᱚᱞ ᱞᱮᱫᱟ ᱡᱮ "ᱟᱯᱮ ᱨᱤᱪᱟ ᱞᱟᱹᱜᱤᱫ ᱵᱟᱯᱮ ᱵᱩᱡᱷᱟᱹᱣᱟ"᱾

ᱢᱩᱬ ᱟᱨᱴᱤᱥᱴ ᱞᱮᱠᱟᱛᱮ ᱟᱡᱟᱜ ᱯᱩᱭᱞᱩ ᱦᱤᱱᱫᱤ ᱯᱷᱤᱞᱢ ᱠᱩᱪᱷ ᱛᱩᱢ ᱠᱟᱦᱚ ᱠᱩᱪᱷ ᱦᱚᱢ ᱠᱟᱦᱮᱸ ᱯᱷᱚᱨᱫᱤᱱ ᱠᱷᱟᱱ ᱵᱤᱨᱩᱫᱷ ᱨᱮ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱫᱚ ᱢᱤᱫ ᱠᱨᱤᱴᱤᱠᱟᱞ ᱟᱨ ᱠᱚᱢᱟᱨᱥᱤᱭᱟᱞ ᱯᱷᱮᱞᱭᱚᱨ ᱛᱟᱦᱮᱸ ᱠᱟᱱᱟ᱾ ᱨᱤᱪᱟ ᱫᱟᱹᱵᱤ ᱠᱮᱫᱟ ᱡᱮ ᱚᱱᱟ ᱯᱨᱚᱡᱮᱠᱴ ᱨᱮ ᱯᱨᱚᱢᱳᱥᱚᱱ ᱨᱮᱭᱟᱜ ᱟᱱᱟᱴ ᱠᱷᱟᱹᱛᱤᱨ ᱯᱷᱤᱞᱢ ᱯᱟᱦᱴᱟ ᱠᱷᱚᱱ ᱫᱤᱞ ᱵᱟᱹᱲᱤᱡᱚᱜ ᱞᱮᱠᱟᱱ ᱨᱤᱥᱯᱳᱱᱥ ᱦᱩᱭ ᱞᱮᱱᱟ᱾ ᱚᱱᱟ ᱛᱟᱭᱚᱢ ᱟᱡᱟᱜ ᱦᱤᱱᱫᱤ ᱯᱷᱤᱞᱢ ᱵᱟᱨ ᱥᱮᱨᱢᱟ ᱵᱷᱤᱛᱨᱤ ᱨᱮ, ᱚᱱᱟ ᱨᱮ ᱮᱠᱴᱚᱨ ᱨᱟᱠᱮᱥ ᱵᱟᱯᱟᱴ ᱵᱤᱨᱩᱫᱷ ᱨᱮ ᱵᱟᱨᱭᱟ ᱯᱷᱤᱞᱢ ᱦᱚᱸ ᱠᱚᱢ ᱵᱚᱡᱮᱴ ᱨᱮᱭᱟᱜ ᱯᱨᱚᱡᱮᱠᱴ ᱛᱟᱦᱮᱸ ᱠᱟᱱᱟ ᱟᱨ ᱚᱱᱟ ᱠᱚ ᱵᱚᱠᱥ ᱚᱯᱷᱤᱥ ᱨᱮ ᱱᱟᱯᱟᱭ ᱵᱟᱭ ᱪᱟᱞᱟᱣ ᱞᱮᱱᱟ᱾ ᱚᱱᱟ ᱞᱮᱠᱟ ᱜᱮ ᱠᱟᱱᱱᱟᱰᱟ ᱨᱮ ᱟᱡᱟᱜ ᱯᱨᱚᱡᱮᱠᱴ ᱪᱮᱯᱯᱟᱞᱮ ᱟᱨ ᱡᱩᱴᱟᱴᱟ, ᱥᱟᱢᱤᱨ ᱫᱟᱛᱟᱱᱤ ᱵᱤᱨᱩᱫᱷ ᱨᱮ ᱦᱚᱸ ᱠᱚᱢᱟᱨᱥᱤᱭᱟᱞ ᱞᱮᱠᱟᱛᱮ ᱯᱷᱮᱞ ᱞᱮᱱᱟ, ᱚᱱᱟ ᱨᱤᱵᱷᱭᱩ ᱨᱮ ᱨᱤᱪᱟ ᱦᱚᱛᱮᱛᱮ ᱛᱟᱭᱚᱢ ᱨᱮ ᱠᱟᱹᱢᱤ ᱨᱮ ᱵᱟᱹᱲᱤᱡ ᱠᱚ ᱢᱮᱱ ᱞᱮᱫᱟ᱾ ᱨᱤᱪᱟ ᱭᱟᱥ ᱨᱟᱡᱽ ᱯᱷᱤᱞᱢ ᱨᱮᱭᱟᱜ ᱱᱤᱞ 'ᱮᱱ' ᱱᱤᱠᱤ ᱨᱮ ᱦᱚᱸ ᱧᱮᱞ ᱞᱮᱱᱟ ᱚᱱᱟ ᱨᱮ ᱩᱫᱚᱭ ᱪᱳᱯᱲᱟ ᱟᱨ ᱛᱟᱱᱤᱥᱟ ᱢᱩᱠᱷᱟᱨᱡᱤ ᱦᱚᱸ ᱠᱚ ᱛᱟᱦᱮᱸ ᱠᱟᱱᱟ, ᱩᱱᱤ ᱚᱱᱟ ᱨᱮ ᱥᱣᱤᱴᱤ ᱨᱮᱭᱟᱜ ᱨᱳᱞ ᱮ ᱠᱷᱮᱞ ᱞᱮᱫᱟ᱾ ᱟᱡᱟᱜ ᱟᱹᱰᱤ ᱜᱟᱱ ᱢᱟᱲᱟᱝ ᱵᱮᱱᱟᱣ ᱟᱠᱟᱫ ᱵᱮᱯᱟᱨ ᱥᱟᱠᱥᱮᱥ ᱵᱟᱭ ᱦᱩᱭ ᱞᱮᱱ ᱠᱷᱟᱹᱛᱤᱨ, ᱨᱤᱪᱟ ᱩᱱᱟᱠᱩᱢ ᱮᱱᱟᱠᱩᱢ (᱒᱐᱐᱖) ᱨᱮ ᱥᱚᱯᱚᱨᱴᱤᱝ ᱨᱳᱞ ᱨᱮᱭ ᱧᱮᱞ ᱞᱮᱱᱟ᱾

ᱵᱟᱦᱨᱮ ᱡᱚᱱᱚᱲ

• ᱨᱤᱪᱟ ᱯᱟᱞᱞᱚᱫ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)