ᱨᱩᱛᱷᱤᱠᱟ
| ᱨᱩᱛᱷᱤᱠᱟ | |
|---|---|
 | |
| ᱮᱴᱟᱜ ᱧᱩᱛᱩᱢ | ᱨᱩᱛᱷᱤᱠᱟ, ᱨᱩᱛᱷᱤᱠᱟ ᱥᱤᱝ |
| ᱠᱟᱹᱢᱤ | ᱮᱠᱴᱨᱮᱥ, ᱢᱚᱰᱮᱞ |
| ᱠᱟᱹᱢᱤ ᱚᱠᱛᱚ | 1995 – 2010 |
ᱨᱩᱛᱷᱤᱠᱟ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱟᱭᱢᱟ ᱵᱷᱟᱨᱚᱛᱤᱭᱚ ᱯᱟᱹᱨᱥᱤ ᱨᱮ ᱮᱠᱴᱤᱝ ᱟᱠᱟᱫᱟᱭ ᱢᱮᱱᱠᱷᱟᱱ ᱢᱩᱬᱩᱛ ᱛᱮ ᱛᱮᱞᱩᱜᱩ ᱯᱷᱤᱞᱢ ᱨᱮ ᱮᱠᱴᱤᱝ ᱟᱠᱟᱫᱟᱭ᱾ ᱩᱱᱤ ᱦᱤᱱᱫᱤ, ᱠᱟᱱᱱᱟᱰᱟ, ᱵᱮᱝᱜᱟᱞᱤ ᱟᱨ ᱢᱟᱞᱟᱭᱟᱞᱟᱢ ᱯᱷᱤᱞᱢ ᱨᱮᱦᱚᱸ ᱟᱡᱟᱜ ᱪᱤᱱᱦᱟᱹ ᱮ ᱵᱮᱱᱟᱣ ᱟᱠᱟᱫᱟ᱾ ᱩᱱᱤ ᱑᱙᱙᱕ ᱨᱮ ᱵᱚᱞᱤᱣᱩᱰ ᱢᱩᱵᱷᱤ ᱥᱟᱨᱦᱟᱫᱽ: ᱫᱟ ᱵᱚᱨᱰᱟᱨ ᱚᱯᱷ ᱠᱨᱟᱭᱤᱢ ᱨᱮ ᱨᱩᱴᱤᱠᱟ ᱧᱩᱛᱩᱢ ᱛᱮ ᱞᱤᱰ ᱮᱠᱴᱨᱮᱥ ᱞᱮᱠᱟᱛᱮ ᱟᱡᱟᱜ ᱯᱷᱤᱞᱢ ᱰᱮᱵᱩᱴ ᱮ ᱵᱮᱱᱟᱣ ᱟᱠᱟᱫᱟ᱾ ᱛᱟᱭᱚᱢ ᱛᱮ, ᱩᱱᱤ ᱟᱭᱢᱟ ᱢᱩᱵᱷᱤ ᱨᱮ ᱥᱯᱮᱥᱟᱞ ᱮᱱᱮᱡ ᱱᱚᱢᱵᱟᱨ ᱥᱟᱶᱛᱮ ᱟᱹᱭᱩᱨᱤᱭᱟᱹ ᱟᱨ ᱜᱚᱲᱚ ᱨᱳᱞ ᱵᱟᱱᱟᱨ ᱜᱮ ᱮ ᱠᱷᱮᱞ ᱞᱮᱫᱟ᱾ ᱩᱱᱤ ᱫᱚ ᱟᱹᱰᱤ ᱜᱟᱱ ᱯᱷᱤᱞᱢ ᱞᱮᱠᱟ ᱖ ᱴᱤᱱᱥ, ᱮᱠᱥᱴᱨᱟ, ᱛᱷᱨᱤᱞ ᱨᱮ ᱟᱹᱰᱤ ᱜᱞᱮᱢᱟᱨ ᱨᱳᱞ ᱮ ᱠᱷᱮᱞ ᱞᱮᱫᱟ ᱢᱮᱱᱠᱷᱟᱱ ᱩᱱᱤ ᱛᱟᱨᱟ, ᱵᱤᱠᱨᱟᱢᱟᱨᱠᱩᱰᱩ, ᱥᱟᱨᱦᱟᱫᱽ: ᱫᱟ ᱵᱚᱨᱰᱟᱨ ᱚᱯᱷ ᱠᱨᱟᱭᱤᱢ, ᱟᱱᱟᱱᱫᱟ ᱟᱨ ᱰᱨᱤᱢᱥ ᱞᱮᱠᱟᱱ ᱯᱷᱤᱞᱢ ᱨᱮ ᱟᱡᱟᱜ ᱮᱠᱴᱤᱝ ᱫᱟᱲᱮ ᱞᱟᱹᱜᱤᱫ ᱦᱚᱸ ᱩᱯᱨᱩᱢ ᱢᱮᱱᱟᱜ ᱛᱟᱭᱟ᱾ ᱩᱱᱤ ᱟᱡᱟᱜ ᱜᱞᱮᱢᱟᱨ ᱟᱨ ᱩᱢᱯᱷ ᱯᱷᱮᱠᱴᱟᱨ ᱞᱟᱹᱜᱤᱫ ᱫᱟᱹᱠᱷᱤᱱ ᱨᱮ ᱵᱚᱞᱰ ᱟᱨ ᱱᱟᱯᱟᱭ ᱮᱠᱴᱨᱮᱥ ᱞᱮᱠᱟᱛᱮ ᱧᱮᱞᱚᱜ ᱠᱟᱱᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱩᱛᱷᱤᱠᱟ ᱖ ᱴᱤᱱᱥ (᱒᱐᱐᱑), ᱥᱳᱨᱤ ᱱᱟᱟᱠᱩ ᱯᱮᱞᱟᱟᱭᱤᱱᱰᱤ (᱒᱐᱐᱔), ᱟᱨ ᱮᱠᱥᱴᱨᱟ (᱒᱐᱐᱔) ᱞᱮᱠᱟᱱ ᱯᱷᱤᱞᱢ ᱨᱮ ᱟᱹᱭᱩᱨᱤᱭᱟᱹ ᱨᱳᱞ ᱮ ᱠᱷᱮᱞ ᱞᱮᱫᱟ᱾ ᱮᱠᱥᱴᱨᱟ ᱨᱮ ᱟᱡᱟᱜ ᱯᱟᱨᱯᱷᱳᱨᱢᱮᱱᱥ ᱵᱟᱵᱚᱛ ᱨᱮ, ᱢᱤᱫ ᱠᱨᱤᱴᱤᱠ ᱮ ᱚᱞ ᱠᱮᱫᱟ ᱡᱮ "ᱨᱩᱛᱷᱤᱠᱟ ᱥᱤᱝ ᱫᱚ ᱥᱟᱹᱨᱤ ᱜᱮ ᱦᱚᱴ ᱠᱟᱱᱟᱭ ᱟᱨ ᱴᱳᱞᱤᱣᱩᱰ ᱨᱮᱱᱟᱜ ᱞᱮᱴᱮᱥᱴ ᱥᱮᱠᱥ ᱥᱤᱢᱵᱳᱞ ᱞᱮᱠᱟᱛᱮ ᱟᱡᱟᱜ ᱨᱮᱯᱩᱴᱮᱥᱚᱱ ᱨᱮᱭ ᱛᱟᱦᱮᱸ ᱠᱟᱱᱟ"᱾ ᱩᱱᱤ ᱵᱤᱠᱨᱟᱢᱟᱨᱠᱩᱰᱩ (᱒᱐᱐᱖) ᱨᱮ ᱢᱤᱫ ᱥᱟᱵ-ᱤᱱᱥᱯᱮᱠᱴᱚᱨ ᱮ ᱠᱷᱮᱞ ᱞᱮᱫᱟ ᱟᱨ ᱟᱭᱢᱟ ᱯᱷᱤᱞᱢ ᱨᱮ ᱥᱚᱯᱳᱨᱴᱤᱝ ᱨᱳᱞ ᱠᱷᱮᱞ ᱞᱟᱹᱜᱤᱫ ᱪᱟᱞᱟᱣ ᱮᱱᱟ᱾