ᱨᱮᱜᱤᱥᱛᱟᱱ

The Registan and its three madrasahs. From left to right: Ulugh Beg Madrasah, Tilya-Kori Madrasah and Sher-Dor Madrasah.

Maquette of the Registan Square, which is located in the center of Samarkand city, at UN headquarters in New York.

ᱨᱮᱜᱤᱥᱛᱟᱱ ᱫᱚ ᱩᱡᱽᱵᱮᱠᱤᱥᱛᱟᱱ ᱨᱮᱭᱟᱜ ᱛᱤᱢᱩᱨᱤᱫᱽ ᱨᱟᱡᱽᱵᱚᱝᱥᱚ ᱣᱟᱜ ᱢᱟᱨᱮ ᱥᱟᱢᱟᱨᱠᱷᱚᱱᱰ ᱵᱟᱡᱟᱨ ᱨᱮᱭᱟᱜ ᱢᱤᱫ ᱛᱟᱞᱢᱟ ᱛᱟᱦᱮᱸ ᱠᱟᱱᱟ ᱾ ᱯᱟᱨᱥᱤᱭᱟᱱ ᱯᱟᱹᱨᱥᱤ ᱛᱮ ᱨᱮᱜᱤᱥᱛᱟᱱ (ᱯᱟᱨᱥᱤᱭᱟᱱ ریگستان) ᱨᱮᱭᱟᱜ ᱢᱮᱱᱮᱛ ᱫᱚ ᱵᱟᱹᱞᱤ ᱚᱛᱮᱛ ᱾

ᱨᱮᱜᱤᱥᱛᱟᱱ ᱫᱚ ᱢᱤᱫ ᱵᱟᱡᱟᱨ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱨᱮ ᱦᱚᱲ ᱠᱚ ᱨᱟᱡᱟ ᱦᱟᱜ ᱜᱷᱚᱥᱚᱬᱟ ᱟᱧᱡᱚᱢ ᱞᱟᱹᱜᱤᱫ ᱠᱚ ᱡᱟᱣᱨᱟᱜ-ᱟ ᱾ ᱱᱤᱰᱮ ᱯᱮᱭᱟ ᱢᱚᱫᱽᱨᱟᱥᱟ (ᱤᱥᱞᱟᱢᱤᱠ ᱤᱥᱠᱩᱞ) ᱢᱮᱱᱟᱜ-ᱟ ᱾

ᱢᱚᱫᱽᱨᱟᱥᱟ ᱠᱚ

ᱨᱮᱜᱤᱥᱛᱟᱱ ᱨᱮ ᱢᱮᱱᱟᱜ ᱯᱮᱭᱟ ᱢᱚᱫᱽᱨᱟᱥᱟ ᱨᱮᱭᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱩᱞᱩᱜᱽ ᱵᱮᱜᱽ ᱢᱤᱫᱽᱨᱟᱥᱟ (᱑᱔᱑᱗-᱑᱔᱒᱐), ᱛᱤᱭᱟ ᱠᱚᱨᱤ ᱢᱚᱫᱽᱨᱟᱥᱟ (᱑᱖᱔᱖-᱑᱖᱖᱐) ᱟᱨ ᱥᱮᱨ ᱫᱚᱨ ᱢᱚᱫᱽᱨᱟᱥᱟ (᱑᱖᱑᱙-᱑᱖᱓᱖) ᱾ ᱢᱚᱫᱽᱨᱟᱥᱟ ᱫᱚ ᱢᱤᱫ ᱟᱨᱚᱵᱤᱠ ᱧᱩᱛᱩᱢ ᱠᱟᱱᱟ ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱟᱥᱲᱟ, ᱵᱤᱨᱫᱟᱹᱜᱟᱲ ᱵᱟᱝᱢᱟ ᱤᱥᱠᱩᱞ ᱾

ᱩᱞᱩᱜᱽ ᱵᱮᱜᱽ ᱢᱚᱫᱽᱨᱟᱥᱟ

ᱩᱞᱩᱜᱽ ᱵᱮᱜᱽ ᱢᱚᱫᱽᱨᱟᱥᱟ ᱫᱚ ᱛᱤᱢᱩᱨᱤᱫᱽ ᱨᱟᱡᱟ ᱥᱟᱥᱚᱱ ᱚᱠᱛᱚ ᱨᱮ ᱩᱞᱩᱜᱽ ᱵᱮᱜᱽ ᱮ ᱵᱮᱱᱟᱣ ᱟᱠᱟᱜ-ᱟ ᱾ ᱱᱚᱣᱟ ᱨᱮᱭᱟᱜ ᱨᱟᱪᱟ ᱨᱮ ᱫᱚ ᱢᱚᱥᱡᱤᱫᱽ, ᱞᱮᱠᱪᱚᱨ ᱨᱩᱢ ᱜᱤᱛᱤᱡ ᱚᱲᱟᱜ ᱡᱟᱦᱟᱸ ᱨᱮ ᱟᱪᱮᱫ ᱠᱚ ᱜᱤᱛᱤᱡ ᱟ ᱮᱢᱟᱱ ᱠᱚ ᱢᱮᱱᱟᱜ-ᱟ ᱾ ᱱᱚᱰᱮ ᱜᱟᱹᱦᱤᱨ ᱜᱟᱞᱮᱨᱤ ᱦᱚᱸ ᱢᱮᱱᱟᱜ-ᱟ ᱾

᱑᱕ ᱥᱟᱭᱟᱝ ᱚᱠᱛᱚ ᱨᱮ ᱩᱞᱩᱜᱽ ᱵᱮᱜᱽ ᱢᱚᱫᱽᱨᱟᱥᱟ (ᱯᱷᱟᱨᱥᱤ مدرسه الغ بیگ) ᱫᱚ ᱢᱩᱥᱞᱤᱢ ᱠᱚᱣᱟᱜᱟ ᱡᱚᱛᱚ ᱠᱷᱳᱱᱟᱜ ᱥᱚᱨᱮᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱟᱦᱮᱸ ᱠᱟᱱᱟ ᱾ ᱧᱩᱛᱩᱢᱟᱱ ᱯᱟᱨᱥᱤᱭᱟᱱ ᱚᱱᱚᱬᱦᱤᱭᱟᱹ ᱟᱪᱮᱫ, ᱫᱟᱨᱥᱚᱱᱤᱠ, ᱥᱟᱬᱮᱥᱤᱭᱟᱹ ᱚᱵᱽᱫᱩᱞ ᱨᱚᱦᱢᱟᱱ ᱡᱟᱢᱤ ᱱᱚᱣᱟ ᱢᱚᱫᱽᱨᱟᱥᱟ ᱨᱮ ᱚᱞ ᱞᱮᱜ-ᱟᱭ ᱾ ᱩᱞᱩᱜᱽ ᱵᱮᱜᱽ ᱥᱚᱨᱠᱟᱨ ᱚᱠᱛᱚ ᱨᱮ ᱱᱚᱰᱮ ᱞᱮᱠᱪᱟᱨ ᱮ ᱮᱢ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱨᱮ ᱱᱚᱣᱟ ᱫᱚ ᱥᱮᱪᱮᱫ ᱨᱮᱭᱟᱜ ᱛᱟᱞᱢᱟ ᱛᱟᱦᱮᱸ ᱠᱟᱱᱟ ᱾

ᱥᱮᱨ ᱫᱚᱨ ᱢᱚᱫᱽᱨᱟᱥᱟ

᱑᱗ ᱥᱟᱭᱟᱝ ᱨᱮ ᱥᱟᱢᱟᱨᱠᱷᱟᱱᱰ ᱨᱮᱱᱤᱡ ᱥᱟᱥᱚᱱᱤᱭᱟᱹ ᱭᱟᱞᱟᱝᱛᱩᱥ ᱵᱟᱠᱷᱚᱫᱩᱨ ᱥᱮᱨ ᱫᱚᱨ (ᱯᱷᱟᱨᱥᱤ شیردار) ᱟᱨ ᱛᱤᱞᱭᱟ ᱠᱚᱨᱤ (ᱯᱷᱟᱨᱥᱤ طلاکاری) ᱢᱚᱫᱽᱨᱟᱥᱟ ᱵᱮᱱᱟᱣ ᱞᱟᱹᱜᱤᱫ ᱮ ᱟᱨᱫᱟᱥ ᱞᱮᱜ-ᱟ ᱾ ᱪᱮᱴᱨᱟ ᱢᱚᱡᱟᱭᱤᱠ ᱟᱜ ᱫᱮᱭᱟ ᱨᱮ ᱥᱤᱧ ᱪᱟᱸᱫᱚᱣᱟᱜ ᱪᱷᱟᱯ ᱫᱚ ᱱᱚᱣᱟ ᱠᱤᱱ ᱵᱟᱱᱟᱨ ᱢᱚᱫᱽᱨᱟᱥᱟ ᱨᱮᱜᱮ ᱟᱹᱫᱤ ᱪᱚᱨᱚᱠ ᱧᱮᱞᱚᱜ ᱠᱟᱱᱟ ᱾ ᱱᱚᱰᱮᱱᱟᱜ ᱟᱨᱠᱤᱴᱮᱠᱪᱚᱨ ᱨᱮᱫᱚ ᱢᱟᱨᱮ ᱯᱟᱨᱥᱤᱭᱟᱱ ᱨᱮᱭᱟᱜ ᱪᱤᱱᱦᱟᱹ ᱧᱮᱞᱚᱜ-ᱟ ᱾

ᱛᱤᱞᱭᱟ ᱠᱚᱨᱤ ᱢᱚᱫᱽᱨᱟᱥᱟ

ᱜᱮᱞ ᱥᱮᱨᱢᱟ ᱛᱟᱭᱚᱢ ᱛᱤᱞᱭᱟ ᱠᱚᱨᱤ ᱢᱚᱫᱽᱨᱟᱥᱟ (ᱯᱷᱟᱨᱥᱤ طلاکاری) ᱫᱚ ᱵᱮᱱᱟᱣ ᱞᱮᱱᱟ ᱾ ᱱᱚᱰᱮ ᱫᱚ ᱠᱷᱟᱹᱞᱤ ᱟᱪᱮᱫ ᱥᱩᱢᱩᱝ ᱵᱟᱠᱚ ᱛᱟᱦᱮᱸᱱ ᱠᱟᱱᱟ ᱵᱚᱨᱚᱢ ᱢᱟᱨᱟᱝ ᱢᱚᱥᱡᱤᱫᱽ ᱦᱚᱸ ᱢᱮᱱᱟᱜ-ᱟ ᱾ ᱱᱚᱰᱮ ᱟᱹᱰᱤ ᱢᱟᱨᱟᱝ ᱨᱟᱪᱟ ᱟᱨ ᱜᱤᱛᱤᱡ ᱚᱲᱟᱜ ᱢᱮᱱᱟᱜ-ᱟ ᱾ ᱢᱚᱥᱡᱤᱫᱽ ᱵᱤᱞᱰᱤᱝ ᱫᱚ ᱨᱟᱪᱟ ᱨᱮᱭᱟᱜ ᱯᱟᱹᱪᱷᱤᱢ ᱯᱟᱦᱴᱟ ᱨᱮ ᱢᱮᱱᱟᱜ-ᱟ ᱾

• 
  ᱩᱞᱩᱜᱽ ᱵᱮᱜᱽ ᱢᱚᱫᱽᱨᱟᱥᱟ
• 
  ᱥᱮᱨ ᱫᱚᱨ ᱢᱚᱫᱽᱨᱟᱥᱟ
• 
  ᱛᱤᱞᱭᱟ ᱠᱚᱨᱤ ᱢᱚᱫᱽᱨᱟᱥᱟ
• 
  ᱩᱞᱩᱜᱽ ᱵᱮᱜᱽ ᱢᱚᱫᱽᱨᱟᱥᱟ ᱨᱟᱪᱟ
• 
  ᱥᱮᱨ ᱫᱚᱨ ᱢᱚᱫᱽᱨᱟᱥᱟ ᱨᱮ ᱪᱮᱴᱨᱟ
• 
  ᱑᱙ ᱥᱟᱭᱟᱝ ᱨᱮ ᱛᱤᱞᱭᱟ ᱠᱚᱨᱤ ᱢᱚᱫᱽᱨᱟᱥᱟ

ᱮᱴᱟᱜ ᱵᱤᱞᱰᱤᱝ ᱠᱚ

ᱛᱤᱞᱭᱟ ᱠᱚᱨᱤ ᱢᱚᱫᱽᱨᱟᱥᱟ ᱨᱮᱭᱟᱜ ᱯᱩᱨᱩᱵᱽ ᱯᱟᱦᱴᱟ ᱨᱮ ᱥᱟᱭᱵᱟᱱᱤᱫᱽ ᱥᱚᱢᱟᱫᱷᱤ ᱢᱮᱱᱟᱜ-ᱟ ᱾ (ᱪᱤᱛᱟᱹᱨ ᱧᱮᱞ ᱢᱮ] ᱱᱚᱣᱟ ᱫᱚ ᱥᱟᱭᱵᱟᱱᱤᱫᱽ ᱯᱟᱣᱟᱨ ᱨᱮᱱᱤᱡ ᱢᱩᱬ ᱛᱷᱟᱯᱚᱱᱤᱭᱟᱹ ᱢᱚᱦᱚᱢᱚᱫᱽ ᱥᱟᱭᱵᱟᱱᱤ ᱡᱟᱦᱟᱸᱭ ᱫᱚ ᱚᱵᱩᱞ ᱠᱷᱮᱨ ᱠᱷᱟᱱ ᱤᱡ ᱜᱚᱲᱚᱢ ᱠᱚᱲᱟ ᱠᱟᱱᱟᱩᱭ ᱟᱜ ᱛᱚᱯᱟ ᱴᱷᱟᱶ ᱠᱟᱱᱟ ᱾