ᱨᱮᱡᱤᱱᱟ ᱜᱩᱦᱟ
ᱨᱮᱡᱤᱱᱟ ᱜᱩᱦᱟ (ᱜᱩᱡᱩᱜ ᱑᱙᱑᱙) ᱫᱚ ᱥᱤᱧᱚᱛ ᱨᱮᱱ ᱢᱤᱫ ᱩᱠᱤᱞ ᱟᱨ ᱢᱟᱪᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱑᱖ ᱥᱟᱞᱮ ᱨᱮ, ᱩᱱᱤ ᱫᱚ ᱢᱤᱫ ᱧᱩᱛᱩᱢᱟᱱ ᱠᱮᱥ ᱨᱮ ᱞᱟᱹᱲᱦᱟᱹᱭ ᱞᱮᱱᱟᱭ ᱡᱟᱦᱟᱸ ᱫᱚ ᱠᱟᱹᱱᱩᱱᱤ ᱵᱮᱵᱚᱥᱛᱟ ᱨᱮᱱᱟᱜ ᱢᱮᱱᱮᱛ ᱪᱮᱛᱟᱱ ᱨᱮ ᱮᱴᱠᱮᱴᱚᱬᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚ ᱠᱟᱹᱱᱩᱱ ᱨᱮ ᱠᱟᱹᱢᱤ ᱠᱷᱚᱱ ᱮ ᱵᱟᱨᱚᱱ ᱠᱚᱣᱟ ᱾[᱑]
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱮᱡᱤᱱᱟ ᱜᱩᱦᱟ ᱫᱚ ᱯᱤᱭᱟᱨᱮ ᱢᱳᱦᱚᱱ ᱜᱩᱦᱟ (ᱢᱤᱫ ᱩᱠᱤᱞ) ᱟᱨ ᱥᱤᱢᱪᱟ ᱜᱩᱵᱵᱮᱭ ᱴᱷᱮᱱ ᱮ ᱡᱟᱱᱟᱢ ᱞᱮᱱᱟ, ᱩᱱᱤ ᱫᱚ ᱵᱟᱜᱽᱫᱟᱫᱤ ᱡᱤᱣᱤᱥ ᱛᱤᱨᱞᱟᱹᱭ ᱛᱟᱦᱮᱸ ᱠᱟᱱᱟ ᱾ ᱛᱟᱭᱚᱢ ᱛᱮ ᱩᱱᱤᱭᱟᱜ ᱵᱟᱵᱟ ᱦᱚᱸ ᱡᱩᱭᱤᱥ ᱫᱷᱚᱨᱚᱢ ᱮ ᱦᱟᱛᱟᱣ ᱠᱮᱫᱼᱟ ᱟᱨ ᱨᱮᱡᱤᱱᱟ ᱟᱨ ᱩᱱᱤ ᱨᱮᱱ ᱯᱮᱭᱟ ᱵᱚᱭᱦᱟ ᱢᱤᱥᱨᱟ ᱫᱚ ᱡᱩᱭᱤᱥ ᱯᱟᱹᱛᱭᱟᱹᱣ ᱨᱮ ᱠᱚ ᱦᱟᱨᱟ ᱵᱩᱨᱩ ᱞᱮᱱᱟ ᱾ ᱨᱮᱡᱤᱱᱟ ᱟᱨ ᱩᱱᱤ ᱨᱮᱱ ᱢᱤᱥᱨᱟ ᱦᱟᱱᱟ ᱫᱚ ᱠᱟᱹᱱᱩᱱ ᱠᱤᱱ ᱯᱟᱲᱦᱟᱣ ᱞᱮᱫᱼᱟ ᱾ ᱩᱱᱤ ᱨᱮᱱ ᱢᱤᱥᱨᱟ ᱦᱟᱱᱟ ᱥᱮᱱ ᱫᱚ ᱢᱟᱪᱮᱫ ᱟᱨ ᱨᱟᱡᱽᱟᱹᱨᱤ ᱱᱮᱛᱟ ᱞᱮᱠᱟᱛᱮ ᱞᱟᱦᱟ ᱥᱮᱫ ᱮ ᱪᱟᱞᱟᱣ ᱮᱱᱟ ᱾[᱒]
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱮᱡᱤᱱᱟ ᱫᱚ ᱑᱙᱑᱓ ᱥᱟᱞᱮ ᱨᱮ ᱟᱡᱟᱜ ᱢᱟᱥᱴᱚᱨ ᱚᱯᱷ ᱟᱨᱴᱥ ᱮ ᱯᱩᱨᱟᱹᱣ ᱠᱮᱫᱼᱟ,[᱓] ᱯᱩᱭᱞᱩ ᱠᱞᱟᱥ ᱰᱤᱜᱽᱨᱤ ᱧᱟᱢ ᱠᱟᱛᱮ ᱟᱨ ᱟᱡᱟᱜ ᱠᱞᱟᱥ ᱨᱮ ᱯᱩᱭᱞᱩ ᱴᱷᱟᱶ ᱮ ᱟᱢᱮᱴ ᱠᱮᱫᱼᱟ ᱾ ᱩᱱᱤ ᱫᱚ ᱑᱙᱑᱕ ᱥᱟᱞᱮ ᱨᱮ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱠᱟᱹᱱᱩᱱ ᱰᱤᱜᱽᱨᱤ, ᱫᱟ ᱵᱮᱪᱮᱞᱚᱨ ᱤᱱ ᱞᱚᱡᱽ ᱮ ᱦᱟᱛᱟᱣ ᱠᱮᱫᱼᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱟᱞᱤᱯᱩᱨ ᱰᱤᱥᱴᱨᱤᱠᱴ ᱡᱚᱡᱽ ᱠᱳᱨᱴ ᱨᱮ ᱯᱞᱤᱰᱚᱨ (ᱩᱠᱤᱞ) ᱞᱮᱠᱟᱛᱮ ᱧᱩᱛᱩᱢ ᱚᱞ ᱞᱟᱹᱜᱤᱫ ᱮ ᱟᱯᱞᱟᱭ ᱠᱮᱫᱼᱟ, ᱢᱮᱱᱠᱷᱟᱱ ᱩᱱᱤᱭᱟᱜ ᱟᱯᱞᱤᱠᱮᱥᱚᱱ ᱫᱚ ᱱᱚᱣᱟ ᱠᱟᱹᱨᱚᱱ ᱛᱮ ᱵᱟᱹᱲᱛᱤ ᱠᱮᱫᱼᱟ ᱡᱮ ᱛᱤᱨᱞᱟᱹ ᱠᱚ ᱫᱚ ᱧᱩᱛᱩᱢ ᱚᱞ ᱨᱮᱱᱟᱜ ᱟᱹᱭᱫᱟᱹᱨᱤ ᱵᱟᱹᱱᱩᱜᱼᱟ ᱾ ᱨᱮᱡᱤᱱᱟ ᱫᱚ ᱠᱚᱞᱠᱟᱛᱟ ᱦᱟᱭᱠᱳᱨᱴ ᱨᱮ ᱱᱚᱣᱟ ᱫᱟᱹᱵᱤ ᱮ ᱮᱢ ᱠᱮᱫᱼᱟ, ᱩᱱᱤ ᱫᱚ ᱱᱚᱣᱟ ᱜᱮ ᱞᱟᱹᱭ ᱠᱮᱫᱼᱟ ᱡᱮ ᱥᱚᱨᱠᱟᱨᱤ ᱵᱤᱫᱷᱟᱱ, ᱫᱟ ᱞᱤᱜᱟᱞ ᱯᱨᱮᱠᱴᱤᱥᱱᱟᱨᱥ ᱮᱠᱴ, ᱱᱚᱣᱟ ᱫᱚ ᱡᱚᱜᱽᱭᱚ ᱦᱚᱲ ᱠᱚ ᱩᱠᱤᱞ ᱞᱮᱠᱟᱛᱮ ᱧᱩᱛᱩᱢ ᱚᱞ ᱞᱟᱹᱜᱤᱫ ᱮ ᱢᱟᱱᱟᱣᱟ ᱟᱨ 'ᱦᱚᱲ' ᱨᱮᱱᱟᱜ ᱢᱮᱱᱮᱛ ᱨᱮ ᱛᱤᱨᱞᱟᱹ ᱠᱚ ᱦᱚᱸ ᱥᱮᱞᱮᱫ ᱢᱮᱱᱟᱜ ᱠᱚᱣᱟ ᱾ ᱩᱱᱤ ᱫᱚ ᱤᱭᱟᱨᱰᱞᱤ ᱱᱳᱨᱴᱳᱱ ᱮ ᱨᱮᱯᱨᱮᱡᱮᱱᱴ ᱠᱮᱫᱮᱭᱟ, ᱩᱱᱤ ᱫᱚ ᱢᱤᱫ ᱩᱠᱤᱞ ᱟᱨ ᱤᱱᱰᱤᱭᱟᱱ ᱱᱮᱥᱱᱟᱞ ᱠᱚᱝᱜᱽᱨᱮᱥ ᱨᱮᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱠᱚᱞᱠᱟᱛᱟ ᱦᱟᱭᱠᱳᱨᱴ ᱨᱮᱱ ᱢᱚᱬᱮ ᱜᱚᱴᱟᱝ ᱠᱚᱲᱟ ᱡᱚᱡᱽ ᱠᱚᱣᱟᱜ ᱢᱤᱫ ᱵᱮᱸᱪ ᱫᱚ ᱤᱱ ᱨᱤ ᱨᱮᱡᱤᱱᱟ ᱜᱩᱦᱟ ᱠᱮᱥ ᱨᱮ ᱱᱚᱣᱟ ᱠᱚ ᱨᱟᱭ ᱮᱢ ᱠᱮᱫᱼᱟ ᱡᱮ ᱡᱟᱦᱟᱸ ᱨᱮ ᱥᱚᱨᱠᱟᱨᱤ ᱠᱟᱹᱱᱩᱱ ᱞᱤᱜᱟᱞ ᱯᱨᱮᱠᱴᱤᱥᱱᱟᱨᱥ ᱮᱠᱴ ᱑᱘᱗᱙ ᱨᱮ ᱧᱩᱛᱩᱢ ᱚᱞ ᱞᱟᱹᱜᱤᱫ 'ᱦᱚᱲ' ᱟᱹᱲᱟᱹ ᱠᱚ ᱵᱮᱵᱷᱟᱨ ᱟᱠᱟᱫᱼᱟ, ᱱᱚᱣᱟ ᱟᱹᱲᱟᱹ ᱨᱮ ᱛᱤᱨᱞᱟᱹ ᱠᱚ ᱫᱚ ᱵᱟᱝ ᱠᱚ ᱥᱮᱞᱮᱫ ᱟᱠᱟᱱᱟ ᱾ ᱚᱱᱟ ᱞᱮᱠᱟᱛᱮ ᱩᱱᱠᱩ ᱫᱚ ᱩᱠᱤᱞ ᱞᱮᱠᱟᱛᱮ ᱧᱩᱛᱩᱢ ᱚᱞ ᱨᱮᱱᱟᱜ ᱟᱹᱭᱫᱟᱹᱨᱤ ᱠᱚ ᱵᱟᱝ ᱠᱚ ᱮᱢᱟᱫᱮᱭᱟ ᱾[᱔]
ᱜᱩᱦᱟ ᱫᱚ ᱠᱚᱞᱠᱟᱛᱟ ᱨᱮ ᱡᱩᱭᱤᱥ ᱜᱚᱨᱞᱥ ᱥᱠᱩᱞ ᱨᱮᱱ ᱦᱮᱰᱢᱤᱥᱴᱨᱮᱥ ᱮ ᱵᱮᱱᱟᱣ ᱮᱱᱟ ᱟᱨ ᱩᱱᱤ ᱫᱚ ᱥᱠᱩᱞ ᱨᱮᱱ ᱯᱩᱭᱞᱩ ᱡᱩᱭᱤᱥ ᱯᱨᱤᱱᱥᱤᱯᱟᱞ ᱮ ᱛᱟᱦᱮᱸ ᱠᱟᱱᱟ ᱾
ᱜᱩᱦᱟ ᱣᱟᱜ ᱠᱮᱥ ᱫᱚ ᱩᱱ ᱚᱠᱛᱚ ᱨᱮ ᱭᱩᱱᱟᱭᱴᱮᱰ ᱠᱤᱝᱰᱚᱢ ᱟᱨ ᱭᱩᱮᱥᱮ ᱨᱮ ᱦᱩᱭ ᱟᱠᱟᱱ ᱱᱚᱝᱠᱟᱱ ᱞᱟᱹᱲᱦᱟᱹᱭ ᱞᱮᱠᱟ ᱜᱮ ᱛᱟᱦᱮᱸ ᱠᱟᱱᱟ, ᱡᱮᱞᱮᱠᱟ ᱵᱮᱵᱽ ᱵᱷᱚᱨᱥᱮᱥ ᱞᱚ ᱥᱳᱥᱟᱭᱴᱤ ᱟᱨ ᱵᱨᱮᱰᱣᱮᱞ ᱵᱷᱤ ᱤᱞᱤᱱᱳᱭᱤᱥ ᱾ ᱱᱚᱣᱟ ᱫᱚ ᱵᱟᱨ ᱫᱷᱟᱣ ᱵᱟᱝ ᱥᱟᱹᱠᱷᱭᱟᱹᱛ ᱯᱤᱴᱤᱥᱚᱱ ᱦᱚᱛᱮᱛᱮ ᱥᱤᱧᱚᱛ ᱨᱮ ᱞᱟᱦᱟ ᱠᱮᱫᱼᱟ ᱡᱚᱠᱷᱚᱱ ᱥᱩᱫᱷᱟᱱᱥᱩᱵᱟᱞᱟ ᱦᱟᱡᱽᱨᱟ ᱫᱚ ᱯᱟᱴᱱᱟ ᱦᱟᱭᱠᱳᱨᱴ ᱨᱮ ᱛᱤᱨᱞᱟᱹ ᱠᱚ ᱠᱟᱹᱢᱤ ᱨᱮ ᱵᱟᱝ ᱠᱚ ᱞᱟᱜᱟᱣ ᱫᱟᱲᱮᱭᱟᱜ ᱠᱟᱱ ᱵᱟᱨᱚᱱ ᱪᱮᱛᱟᱱ ᱨᱮ ᱮᱴᱠᱮᱴᱚᱬᱮ ᱮ ᱩᱫᱩᱜ ᱠᱮᱫᱼᱟ ᱾ ᱑᱙᱒᱓ ᱥᱟᱞᱮ ᱨᱮ, ᱞᱤᱜᱟᱞ ᱯᱨᱮᱠᱴᱤᱥᱱᱟᱨᱥ (ᱣᱤᱢᱮᱱ) ᱮᱠᱴ ᱨᱮᱱᱟᱜ ᱞᱟᱹᱜᱩ ᱛᱟᱭᱚᱢ ᱢᱩᱪᱟᱹᱫ ᱨᱮ ᱱᱚᱣᱟ ᱵᱚᱸᱫᱷᱮᱡᱽ ᱫᱚ ᱚᱪᱚᱜ ᱮᱱᱟ, ᱡᱟᱦᱟᱸ ᱫᱚ ᱛᱤᱨᱞᱟᱹ ᱠᱚ ᱧᱩᱛᱩᱢ ᱚᱞ ᱟᱨ ᱠᱟᱹᱱᱩᱱ ᱨᱮ ᱠᱟᱹᱢᱤ ᱞᱟᱹᱜᱤᱫ ᱮ ᱢᱟᱱᱟᱣ ᱠᱮᱫ ᱠᱚᱣᱟ ᱾ ᱜᱩᱦᱟ ᱣᱟᱜ ᱜᱩᱡᱩᱜ ᱛᱟᱭᱚᱢ ᱱᱚᱣᱟ ᱮᱠᱴ ᱫᱚ ᱯᱟᱥ ᱮᱱᱟ, ᱢᱮᱱᱠᱷᱟᱱ ᱩᱱᱤ ᱨᱮᱱ ᱵᱚᱭᱦᱟ ᱢᱤᱥᱨᱟ ᱫᱚ ᱱᱚᱣᱟ ᱨᱮᱱᱟᱜ ᱯᱟᱥ ᱩᱫᱩᱜ ᱞᱟᱹᱜᱤᱫ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱩᱱᱤᱭᱟᱜ ᱩᱭᱦᱟᱹᱨ ᱨᱮ ᱢᱤᱫ ᱮᱱᱰᱟᱣᱩᱢᱮᱱᱴ ᱠᱚ ᱵᱮᱱᱟᱣ ᱠᱮᱫᱼᱟ, ᱡᱟᱦᱟᱸ ᱫᱚ ᱥᱮᱨᱢᱟ ᱨᱮ ᱮᱢ.ᱮ. ᱤᱝᱞᱤᱥ ᱯᱟᱹᱨᱥᱤ ᱵᱤᱱᱤᱰ ᱨᱮ ᱯᱩᱭᱞᱩ ᱴᱷᱟᱶ ᱮ ᱟᱢᱮᱴ ᱟᱠᱟᱫ ᱯᱟᱹᱴᱷᱩᱣᱟᱹ ᱠᱚ ᱢᱮᱰᱟᱞ ᱠᱚ ᱮᱢᱟᱭᱟ ᱾
ᱵᱟᱹᱲᱛᱤ ᱯᱟᱲᱦᱟᱣ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱤᱱ ᱨᱤ ᱨᱮᱡᱤᱱᱟ ᱜᱩᱦᱟ (᱑᱙᱑᱖) ᱒᱑ ᱥᱤᱰᱵᱽᱞᱩ ᱮᱱ ᱗᱔ ᱫᱟ ᱠᱚᱞᱠᱟᱛᱟ ᱦᱟᱭᱠᱳᱨᱴ) ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Sen, Jhuma. "The Indian Women Who Fought Their Way Into the Legal Profession". The Wire. Retrieved 2020-11-28.
- ↑ "Recalling Jewish Calcutta | Hannah Sen · 04 Women Pioneers". www.jewishcalcutta.in. Archived from the original on 2019-12-31. Retrieved 2020-11-28.
- ↑ "Miss Regina Guha". The Times of India. 23 August 1919. ᱪᱷᱟᱸᱪ:ProQuest.
- ↑ Manson, Edward; Trevelyan, E. J. (1917). "Notes on Cases". Journal of the Society of Comparative Legislation. 17 (1/2): 268–278. ISSN 1479-5973. JSTOR 752258.