ᱨᱮᱦᱟᱱᱟ ᱯᱷᱟᱛᱤᱢᱟ
ᱨᱮᱦᱟᱱᱟ ᱯᱷᱟᱛᱤᱢᱟ, ᱡᱟᱦᱟᱸᱭ ᱫᱚ ᱥᱩᱨᱭᱟᱜᱟᱭᱛᱨᱤ ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱮᱭᱟ,[᱑] ᱩᱱᱤ ᱫᱚ ᱠᱮᱨᱟᱞᱟ ᱨᱤᱱᱤᱡ ᱢᱤᱫ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱠᱟᱹᱢᱤᱭᱟᱹ ᱠᱟᱱᱟᱭ᱾[᱒][᱓][᱔]
ᱩᱱᱤ ᱫᱚ ᱴᱮᱞᱤᱠᱚᱢᱩᱱᱤᱠᱮᱥᱚᱱ ᱟᱨ ᱢᱚᱰᱮᱞᱤᱝ ᱨᱮ ᱦᱚᱸ ᱮᱠᱥᱯᱮᱨᱤᱭᱮᱱᱥ ᱢᱮᱱᱟᱜ ᱛᱟᱭᱟ, ᱟᱨ ᱩᱱᱤ ᱫᱚ ᱢᱚᱨᱟᱞ ᱯᱚᱞᱤᱥᱤᱝ ᱟᱨ ᱥᱮᱠᱥᱤᱥᱚᱢ ᱵᱤᱨᱩᱫᱽ ᱨᱮ ᱟᱭᱢᱟ ᱜᱟᱱ ᱵᱤᱨᱩᱫᱷ ᱨᱮ ᱦᱚᱸᱭ ᱥᱮᱞᱮᱫ ᱟᱠᱟᱱᱟ᱾ ᱯᱷᱟᱛᱤᱢᱟ ᱫᱚ ᱚᱠᱴᱚᱵᱚᱨ ᱒᱐᱑᱘ ᱨᱮ ᱟᱹᱰᱤ ᱜᱮ ᱧᱩᱛᱩᱢᱮ ᱠᱚᱢᱟᱣ ᱞᱮᱫᱟ, ᱡᱚᱠᱷᱚᱱ ᱩᱱᱤ ᱫᱚ ᱠᱮᱨᱟᱞᱟ ᱨᱮᱱᱟᱜ ᱥᱟᱵᱟᱨᱤᱢᱟᱞᱟ ᱢᱩᱫᱽᱨᱤ ᱨᱮ ᱵᱚᱞᱚᱜ ᱨᱮᱱᱟᱜ ᱠᱩᱨᱩᱢᱩᱴᱩ ᱞᱮᱫᱟ, ᱡᱟᱦᱟᱸ ᱫᱚ ᱥᱩᱯᱨᱤᱢ ᱠᱚᱨᱴ ᱨᱮᱭᱟᱜ ᱵᱤᱪᱟᱹᱨ ᱛᱟᱭᱚᱢ ᱠᱩᱲᱤ ᱦᱚᱯᱚᱱ ᱠᱚ ᱢᱟᱦᱣᱟᱨᱤ ᱚᱠᱛᱚ ᱨᱮ ᱵᱚᱞᱚᱜ ᱨᱮᱱᱟᱜ ᱢᱟᱱᱟ ᱵᱟᱛᱟᱣ ᱮ ᱨᱟᱹᱯᱩᱫ ᱞᱮᱫᱟ᱾ ᱩᱱᱤ ᱫᱚ ᱟᱡᱟᱜ ᱮᱠᱴᱤᱵᱷᱤᱡᱤᱢ ᱠᱷᱟᱹᱛᱤᱨ ᱛᱮ ᱠᱟᱱᱩᱱᱤ ᱮᱴᱠᱮᱴᱚᱬᱮ ᱦᱚᱸᱭ ᱯᱟᱨᱚᱢ ᱟᱠᱟᱫᱟ, ᱚᱱᱟ ᱢᱩᱫᱽ ᱨᱮ ᱯᱷᱮᱥᱵᱩᱠ ᱨᱮ ᱚᱯᱷᱮᱱᱥᱤᱵᱷ ᱯᱚᱥᱴ ᱟᱨ ᱢᱤᱫ ᱵᱚᱰᱤ ᱯᱮᱱᱴᱤᱝ ᱵᱷᱤᱰᱤᱭᱳ ᱞᱟᱹᱜᱤᱫ ᱦᱚᱸ ᱠᱚ ᱮᱨᱮᱥᱴ ᱟᱠᱟᱫᱮᱭᱟ᱾ ᱩᱱᱤ ᱫᱚ 'ᱥᱚᱨᱤᱨᱚᱢ ᱥᱚᱢᱟᱨᱚᱢ ᱥᱚᱱᱱᱤᱫᱷᱭᱚᱢ' ᱧᱩᱛᱩᱢ ᱛᱮ ᱟᱡᱟᱜ ᱡᱤᱭᱚᱱ ᱠᱟᱹᱦᱱᱤᱭ ᱚᱞ ᱟᱠᱟᱫᱟ᱾[᱕]
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱮᱦᱟᱱᱟ ᱯᱷᱟᱛᱤᱢᱟ ᱯᱭᱟᱨᱤᱡᱟᱱ ᱥᱩᱞᱮᱢᱟᱱ ᱫᱚ ᱢᱤᱫ ᱚᱨᱛᱷᱚᱰᱚᱠᱥ ᱢᱩᱥᱞᱤᱢ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱟᱡ ᱵᱟᱵᱟ ᱯᱭᱟᱨᱤᱡᱟᱱ ᱥᱩᱞᱮᱢᱟᱱ ᱫᱚ ᱩᱱᱤ ᱑᱒ ᱪᱟᱱᱚᱪ ᱨᱮ ᱛᱟᱦᱮᱸ ᱠᱟᱱ ᱚᱠᱛᱚ ᱜᱮᱭ ᱵᱚᱸᱜᱟ ᱛᱟᱞᱟ ᱞᱮᱱᱟ᱾ ᱩᱱᱤ ᱨᱤᱱ ᱢᱤᱫ ᱵᱚᱭᱦᱟ ᱢᱮᱱᱟᱭᱟ᱾
ᱯᱷᱟᱛᱤᱢᱟ ᱫᱚ ᱤᱱᱫᱤᱨᱟ ᱜᱟᱱᱫᱷᱤ ᱱᱮᱥᱱᱟᱞ ᱚᱯᱮᱱ ᱭᱩᱱᱤᱵᱷᱟᱨᱥᱤᱴᱤ ᱠᱷᱚᱱ ᱵᱤ.ᱠᱚᱢ ᱟᱨ ᱮᱢ.ᱥᱤ.ᱮ ᱨᱮᱭᱟᱜ ᱰᱤᱜᱽᱨᱤ ᱫᱚ ᱯᱩᱭᱞᱩ ᱨᱮᱸᱠ ᱛᱮᱭ ᱯᱟᱥ ᱟᱠᱟᱫᱟ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱟᱛᱤᱢᱟ ᱫᱚ ᱵᱤ.ᱮᱥ.ᱮᱱ.ᱮᱞ ᱨᱮ ᱢᱤᱫ ᱴᱮᱞᱤᱠᱚᱢᱩᱱᱤᱠᱮᱥᱚᱱ ᱴᱮᱠᱱᱤᱥᱤᱭᱟᱱ ᱞᱮᱠᱟᱛᱮ ᱢᱮ ᱒᱐᱒᱐ ᱫᱷᱟᱹᱵᱤᱡ ᱮ ᱠᱟᱹᱢᱤ ᱟᱠᱟᱫᱟ, ᱡᱚᱠᱷᱚᱱ ᱩᱱᱤ ᱫᱚ ᱡᱚᱵᱚᱨᱫᱚᱥᱛᱤ ᱨᱤᱴᱟᱭᱟᱨᱢᱮᱱᱴ ᱦᱟᱛᱟᱣ ᱞᱟᱹᱜᱤᱫ ᱠᱚ ᱵᱟᱹᱫᱽ ᱠᱮᱫᱮᱭᱟ᱾
ᱯᱷᱟᱛᱤᱢᱟ ᱫᱚ ᱛᱤᱨᱞᱟᱹ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱠᱟᱹᱢᱤᱭᱟᱹ ᱵᱮᱱᱟᱣᱜ ᱢᱟᱬᱟᱝ ᱨᱮ ᱢᱚᱰᱮᱞᱤᱝ ᱦᱚᱸᱭ ᱠᱚᱨᱟᱣ ᱟᱠᱟᱫᱟ᱾ ᱨᱮᱦᱟᱱᱟ ᱫᱚ ᱟᱡ ᱨᱤᱱ ᱡᱟᱶᱟᱭ ᱢᱚᱱᱚᱡ ᱠᱮ. ᱥᱨᱤᱫᱷᱟᱨ ᱦᱚᱛᱮᱛᱮ ᱚᱞ ᱟᱠᱟᱱ ᱟᱨ ᱰᱤᱨᱮᱠᱴ ᱟᱠᱟᱱ ᱢᱟᱞᱟᱭᱟᱞᱟᱢ ᱯᱷᱤᱞᱢ 'ᱮᱠᱟ' ᱨᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ, ᱡᱟᱦᱟᱸᱭ ᱫᱚ ᱢᱤᱫ ᱚᱱᱚᱞᱤᱭᱟᱹ ᱟᱨ ᱯᱩᱱᱮ ᱯᱷᱤᱞᱢ ᱤᱱᱥᱴᱤᱴᱭᱩᱴ ᱨᱤᱱᱤᱡ ᱜᱽᱨᱮᱡᱩᱭᱮᱴ ᱠᱟᱱᱟᱭ᱾ ᱱᱚᱣᱟ ᱯᱷᱤᱞᱢ ᱫᱚ ᱤᱱᱴᱟᱨᱥᱮᱠᱥ ᱦᱚᱲ ᱠᱚᱣᱟᱜ ᱡᱤᱭᱚᱱ ᱵᱟᱵᱚᱛ ᱛᱮ ᱨᱚᱲ ᱟᱠᱟᱱᱟ᱾ 'ᱫᱤ ᱠᱩᱭᱤᱱᱴ' ᱚᱱᱩᱥᱟᱨᱮ, "ᱮᱠᱟ ᱨᱮᱱᱟᱜ ᱯᱚᱥᱴᱟᱨ ᱨᱮ ᱱᱚᱣᱟ ᱴᱮᱜᱽᱞᱟᱭᱤᱱ ᱛᱟᱦᱮᱸ ᱠᱟᱱᱟ: 'ᱤᱧ ᱫᱚ ᱤᱱᱴᱟᱨᱥᱮᱠᱥ ᱠᱟᱹᱱᱟᱹᱧ᱾ ᱤᱧ ᱴᱷᱮᱱ ᱡᱟᱱᱟᱢ ᱠᱷᱚᱱ ᱜᱮ ᱯᱮᱱᱤᱥ ᱟᱨ ᱵᱷᱟᱡᱟᱭᱱᱟ ᱢᱮᱱᱟᱜᱼᱟ᱾ ᱤᱧ ᱫᱚ ᱡᱤᱣᱤᱱ ᱵᱟᱧᱪᱟᱣ ᱥᱟᱹᱱᱟᱹᱧ ᱠᱟᱱᱟ᱾'"
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱮᱦᱟᱱᱟ ᱯᱷᱟᱛᱤᱢᱟ ᱟᱜ ᱟᱨ ᱢᱤᱫ ᱧᱩᱛᱩᱢ ᱫᱚ ᱥᱩᱨᱭᱟ ᱜᱟᱭᱚᱛᱨᱤ ᱠᱟᱱᱟ᱾[᱖] ᱩᱱᱤ ᱨᱤᱱ ᱵᱟᱨᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Ameerudheen, TA (21 October 2018). "'Sabarimala protestors are using my Muslim name to fan communal fires,' says activist Rahana Fathima". Scroll.in.
- ↑ "Rehana Fathima: Women's rights activist who's no stranger to controversy". The Indian Express. 26 June 2020.
- ↑ Nambudiri, Sudha; Ali, Afrah (25 March 2018). "Meet Kerala's topless feminist". The Times of India.
- ↑ "Shane Nigam to Rehana Fathima: Here's the list of celebrities who can be expected in Bigg Boss Malayalam 2". The Times of India.
- ↑ "A Story of a Phoenix Bird".
- ↑ Nambudiri, Sudha (12 February 2020). "Who is Rehana Fathima?". The Times of India.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱨᱮᱦᱟᱱᱟ ᱯᱷᱟᱛᱤᱢᱟ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- ᱤᱱᱥᱴᱟᱜᱽᱨᱟᱢ ᱨᱮ ᱨᱮᱦᱟᱱᱟ ᱯᱷᱟᱛᱤᱢᱟ
- Official website Archived ᱒᱗ ᱡᱩᱱ ᱒᱐᱒᱐ at the Wayback Machine.