ᱨᱮᱦᱟᱱᱟ (ᱮᱠᱴᱨᱮᱥ)
| ᱨᱮᱦᱟᱱᱟ | |
|---|---|
 ᱨᱮᱦᱟᱱᱟ ᱟᱧᱡᱩᱢᱟᱱ ᱪᱚᱣᱫᱷᱩᱨᱤ | |
| ᱢᱩᱬ ᱧᱩᱛᱩᱢ | ریحانہ |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱨᱮᱦᱟᱱᱟ ᱟᱧᱡᱩᱢᱟᱱ ᱪᱚᱣᱫᱷᱩᱨᱤ ᱑᱐ ᱢᱟᱨᱪ ᱑᱙᱓᱑ |
ᱨᱮᱦᱟᱱᱟ ᱟᱧᱡᱩᱢᱟᱱ ᱪᱚᱣᱫᱷᱩᱨᱤ (᱑᱐ ᱢᱟᱨᱪ ᱑᱙᱓᱑ – ᱒᱓ ᱮᱯᱨᱤᱞ ᱒᱐᱑᱓), ᱡᱟᱦᱟᱸᱭ ᱫᱚ ᱨᱮᱦᱟᱱᱟ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ, ᱢᱤᱫ ᱯᱷᱤᱞᱢ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱢᱩᱬᱩᱛ ᱵᱷᱟᱨᱚᱛᱤᱭᱚ ᱟᱨ ᱯᱟᱠᱤᱥᱛᱟᱱᱤ ᱥᱤᱱᱮᱢᱟ ᱨᱮ ᱠᱟᱹᱢᱤ ᱟᱠᱟᱫᱟᱭ᱾ ᱩᱱᱤ ᱫᱚ "ᱫᱟ ᱠᱩᱭᱤᱱ ᱚᱯᱷ ᱪᱟᱨᱢ" ᱟᱨ "ᱫᱟ ᱰᱮᱱᱥᱤᱝ ᱰᱟᱢᱥᱮᱞ ᱚᱯᱷ ᱵᱚᱢᱵᱮ" ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ᱾ ᱩᱱᱤ ᱫᱚ ᱥᱟᱜᱟᱭ, ᱛᱟᱫᱽᱵᱤᱨ, ᱦᱩᱢ ᱮᱠ ᱦᱟᱭᱱ, ᱥᱮᱦᱱᱟᱭ, ᱥᱟᱡᱟᱱ, ᱥᱟᱢᱨᱟᱴ ᱟᱨ ᱥᱟᱨᱜᱟᱢ ᱞᱮᱠᱟᱱ ᱯᱷᱤᱞᱢ ᱨᱮ ᱞᱤᱰᱤᱝ ᱨᱳᱞ ᱨᱮ ᱠᱟᱹᱢᱤ ᱟᱠᱟᱫᱟᱭ᱾[᱑]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱮᱦᱟᱱᱟ ᱫᱚ ᱵᱨᱤᱴᱤᱥ ᱵᱷᱟᱨᱚᱛ ᱨᱮ ᱵᱚᱢᱵᱮ ᱨᱮ ᱨᱮᱦᱟᱱᱟ ᱟᱧᱡᱩᱢᱟᱱ ᱪᱚᱣᱫᱷᱩᱨᱤ ᱞᱮᱠᱟᱛᱮ ᱡᱟᱱᱟᱢ ᱞᱮᱱᱟᱭ᱾ ᱨᱮᱦᱟᱱᱟ ᱨᱮᱱ ᱟᱯᱟᱛ ᱫᱚ ᱢᱳᱨᱟᱫᱟᱵᱟᱫᱤ ᱥᱤᱞᱵᱟᱨᱣᱮᱭᱟᱨ ᱵᱮᱱᱟᱣᱤᱡ ᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱞᱚᱠᱷᱱᱚᱣ ᱨᱮ ᱢᱤᱫ ᱯᱷᱮᱠᱴᱟᱨᱤ ᱨᱮᱱ ᱢᱟᱹᱞᱤᱠ ᱮ ᱛᱟᱦᱮᱸ ᱠᱟᱱᱟ᱾ ᱨᱮᱦᱟᱱᱟ ᱫᱚ ᱟᱨᱴᱥ ᱮ ᱠᱩᱥᱤᱭᱟᱜ ᱛᱟᱦᱮᱸᱫ ᱟᱨ ᱩᱱᱤ ᱜᱤᱫᱽᱨᱟᱹ ᱠᱷᱚᱱ ᱜᱮ ᱠᱞᱟᱥᱤᱠᱟᱞ ᱮᱱᱮᱡ ᱮ ᱪᱮᱫᱚᱜ ᱮᱛᱚᱦᱚᱵ ᱞᱮᱫᱟ ᱛᱟᱭᱚᱢ ᱛᱮ ᱩᱱᱤ ᱢᱤᱫ ᱥᱴᱮᱡ ᱨᱮ ᱮᱱᱮᱡ ᱠᱮᱫᱟ ᱟᱨ ᱥᱚᱢᱵᱷᱩ ᱢᱟᱦᱟᱨᱟᱡ ᱮ ᱧᱮᱞ ᱠᱮᱫᱮᱭᱟ᱾
ᱢᱚᱬᱮ ᱥᱮᱨᱢᱟ ᱩᱢᱮᱨ ᱨᱮ ᱩᱱᱤ ᱫᱚ ᱥᱚᱢᱵᱷᱩ ᱢᱟᱦᱟᱨᱟᱡ ᱦᱚᱛᱮᱛᱮ ᱠᱟᱛᱷᱟᱠ ᱮᱱᱮᱡ ᱨᱮ ᱴᱨᱮᱱᱤᱝ ᱮ ᱦᱟᱛᱟᱣ ᱞᱮᱫᱟ ᱟᱨ ᱩᱱᱤ ᱫᱚ ᱠᱟᱡᱽᱡᱟᱱᱵᱟᱭ ᱥᱟᱶ ᱜᱟᱛᱮ ᱠᱚ ᱛᱟᱦᱮᱸ ᱠᱟᱱᱟ ᱚᱱᱟᱛᱮ ᱩᱱᱤ ᱨᱮᱦᱟᱱᱟ ᱫᱚ ᱩᱱᱤ ᱴᱷᱮᱱ ᱮ ᱩᱫᱩᱜ ᱥᱚᱫᱚᱨ ᱠᱮᱫᱮᱭᱟ ᱛᱟᱭᱚᱢ ᱛᱮ ᱩᱱᱤ ᱨᱮᱦᱟᱱᱟ ᱠᱟᱡᱽᱡᱟᱱᱵᱟᱭ ᱟᱜ ᱴᱩᱨᱤᱝ ᱠᱚᱢᱯᱟᱱᱤ ᱴᱷᱮᱱ ᱞᱚᱠᱷᱱᱚᱣ ᱨᱮ ᱤᱫᱤ ᱠᱮᱫᱮᱭᱟ ᱡᱟᱦᱟᱸ ᱨᱮ ᱩᱱᱤ ᱨᱮᱦᱟᱱᱟ ᱨᱤᱦᱟᱨᱥᱟᱞ ᱞᱟᱹᱜᱤᱫ ᱴᱨᱮᱱᱤᱝ ᱮ ᱮᱢ ᱠᱮᱫᱮᱭᱟ᱾ ᱛᱟᱭᱚᱢ ᱛᱮ ᱨᱮᱦᱟᱱᱟ ᱢᱤᱫ ᱠᱞᱟᱥᱤᱠᱟᱞ ᱮᱱᱮᱡ ᱠᱟᱡᱽᱡᱟᱱᱵᱟᱭ ᱟᱜ ᱚᱲᱟᱜ ᱨᱮ ᱢᱤᱫ ᱜᱟᱛᱮ ᱟᱜ ᱱᱮᱦᱚᱨ ᱛᱮ ᱠᱮᱫᱟ ᱱᱚᱣᱟ ᱠᱟᱡᱽᱡᱟᱱᱵᱟᱭ ᱮ ᱢᱚᱦᱤᱛ ᱠᱮᱫᱮᱭᱟ ᱚᱱᱟᱛᱮ ᱩᱱᱤ ᱛᱩᱨᱩᱭ ᱜᱮ ᱨᱮᱦᱟᱱᱟ ᱟᱡᱟᱜ ᱠᱚᱢᱯᱟᱱᱤ ᱛᱮ ᱤᱫᱤ ᱠᱮᱫᱮᱭᱟ ᱟᱨ ᱩᱱᱤ ᱮᱠᱴᱤᱝ ᱨᱮ ᱴᱨᱮᱱᱤᱝ ᱮ ᱮᱢ ᱠᱮᱫᱮᱭᱟ᱾
ᱛᱚᱵᱮ ᱩᱱᱤ ᱟᱡᱟᱜ ᱴᱨᱩᱯ ᱨᱮᱱ ᱢᱮᱢᱵᱟᱨ ᱮ ᱵᱮᱱᱟᱣ ᱮᱱᱟ ᱟᱨ ᱯᱟᱨᱯᱷᱚᱨᱢᱮᱱᱥ ᱟᱨ ᱢᱤᱭᱩᱡᱤᱠᱟᱞ ᱥᱴᱮᱡ ᱯᱞᱮ ᱞᱟᱹᱜᱤᱫ ᱵᱷᱮᱜᱟᱨ ᱵᱷᱮᱜᱟᱨ ᱫᱤᱥᱚᱢ ᱛᱮ ᱫᱟᱬᱟ ᱠᱮᱫᱟ᱾ ᱛᱟᱭᱚᱢ ᱛᱮ ᱩᱱᱤ ᱡᱚᱠᱷᱚᱱ ᱵᱷᱟᱨᱚᱛ ᱮ ᱨᱩᱣᱟᱹᱲ ᱦᱮᱡ ᱮᱱᱟ ᱛᱚᱵᱮ ᱩᱱᱤ ᱮᱱᱴᱟᱨᱴᱮᱱᱢᱮᱱᱴᱥ ᱱᱮᱥᱱᱟᱞ ᱥᱟᱨᱵᱷᱤᱥ ᱮᱥᱳᱥᱤᱭᱮᱥᱚᱱ ᱥᱟᱶ ᱠᱚᱱᱴᱨᱟᱠᱴ ᱮ ᱥᱟᱭᱤᱱ ᱠᱮᱫᱟ ᱡᱟᱦᱟᱸ ᱫᱚ ᱵᱟᱥᱤᱞ ᱰᱤᱱ ᱟᱨ ᱞᱮᱥᱞᱤ ᱦᱮᱱᱥᱚᱱ ᱠᱤᱱ ᱵᱮᱨᱮᱫ ᱞᱮᱫᱟ ᱟᱨ ᱩᱱᱤ ᱛᱟᱫᱽᱵᱤᱨ ᱯᱷᱤᱞᱢ ᱨᱮ ᱟᱡᱟᱜ ᱰᱮᱵᱭᱩᱴ ᱮ ᱵᱮᱱᱟᱣ ᱠᱮᱫᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱮ. ᱮᱞ. ᱥᱟᱭᱜᱟᱞ-ᱥᱩᱨᱮᱭᱟ-ᱥᱴᱟᱨᱟᱨ ᱛᱟᱫᱽᱵᱤᱨ ᱞᱮᱠᱟᱱ ᱯᱷᱤᱞᱢ ᱨᱮ ᱮᱱᱮᱡ ᱨᱳᱞ ᱟᱨ ᱠᱟᱹᱴᱤᱡ ᱨᱳᱞ ᱠᱟᱹᱢᱤ ᱛᱟᱭᱚᱢ, ᱩᱱᱤ ᱦᱩᱢ ᱮᱠ ᱦᱟᱭᱱ (᱑᱙᱔᱖) ᱨᱮ ᱢᱮᱡᱟᱨ ᱵᱨᱮᱠ ᱮ ᱧᱟᱢ ᱠᱮᱫᱟ, ᱡᱟᱦᱟᱸ ᱫᱚ ᱦᱩᱭ ᱜᱚᱫ ᱠᱟᱱ ᱜᱮᱭᱟ ᱫᱮᱵᱽ ᱟᱱᱚᱸᱫ ᱟᱜ ᱯᱩᱭᱞᱩ ᱯᱷᱤᱞᱢ ᱛᱟᱦᱮᱸ ᱠᱟᱱᱟ᱾ ᱥᱟᱡᱟᱱ (᱑᱙᱔᱗) ᱨᱮ ᱨᱮᱦᱟᱱᱟ ᱫᱚ ᱯᱷᱤᱢᱮᱞ ᱞᱤᱰ ᱨᱮ ᱛᱟᱦᱮᱸ ᱠᱟᱱᱟ, ᱟᱨ ᱱᱚᱣᱟ ᱯᱷᱤᱞᱢ ᱥᱟᱶᱛᱮ ᱥᱮᱦᱱᱟᱭ (᱑᱙᱔᱗) ᱨᱮᱭᱟᱜ ᱥᱟᱠᱥᱮᱥ ᱛᱟᱭᱚᱢ, ᱩᱱᱤ "overnight star" ᱮ ᱵᱮᱱᱟᱣ ᱮᱱᱟ᱾ ᱑᱙᱔᱘ ᱠᱷᱚᱱ ᱑᱙᱕᱑ ᱫᱷᱟᱹᱵᱤᱡ ᱟᱡᱟᱜ ᱠᱟᱹᱢᱤ ᱨᱮᱭᱟᱜ ᱵᱮᱥᱴ ᱯᱷᱮᱥ ᱛᱟᱦᱮᱸ ᱠᱟᱱᱟ ᱪᱮᱫᱟᱜ ᱥᱮ ᱩᱱᱤ ᱚᱱᱟ ᱚᱠᱛᱚ ᱨᱮᱱ ᱟᱹᱰᱤ ᱪᱮᱛᱟᱱ ᱦᱤᱨᱳ ᱥᱟᱢᱟᱝ ᱨᱮ ᱯᱮᱭᱟᱨᱰ ᱯᱟᱨᱟᱯᱷᱚᱨᱢᱤᱝ ᱞᱮᱠᱟᱱ ᱯᱷᱤᱞᱢ ᱮ ᱠᱚᱨᱟᱣ ᱞᱮᱫᱟ, ᱮᱠᱴᱨᱮᱥ ᱨᱮ ᱯᱨᱮᱢ ᱟᱫᱤᱵᱽ (᱑᱙᱔᱘), ᱥᱩᱱᱮᱦᱨᱮ ᱫᱤᱱ ᱨᱮ ᱨᱟᱡᱽ ᱠᱟᱯᱩᱨ (᱑᱙᱔᱙) ᱟᱨ ᱥᱟᱨᱜᱟᱢ (᱑᱙᱕᱐), ᱫᱤᱞᱨᱩᱵᱟ ᱨᱮ ᱫᱮᱵᱽ ᱟᱱᱚᱸᱫ (᱑᱙᱕᱐), ᱱᱤᱨᱫᱳᱥ (᱑᱙᱕᱐) ᱨᱮ ᱥᱭᱟᱢ ᱟᱨ ᱥᱩᱨᱟᱡᱽᱢᱩᱠᱷᱤ (᱑᱙᱕᱐), ᱟᱫᱟ (᱑᱙᱕᱑) ᱨᱮ ᱥᱮᱠᱷᱟᱨ ᱟᱨ ᱯᱨᱮᱢᱱᱟᱛᱷ ᱥᱟᱶ ᱥᱟᱜᱟᱭ (᱑᱙᱕᱑) ᱨᱮ᱾ ᱱᱚᱣᱟ ᱠᱷᱚᱱ ᱟᱡᱟᱜ ᱵᱟᱨᱭᱟ ᱟᱹᱰᱤ ᱢᱟᱨᱟᱝ ᱦᱤᱴ ᱫᱚ ᱥᱟᱨᱜᱟᱢ (᱑᱙᱕᱐) ᱟᱨ ᱥᱟᱜᱟᱭ (᱑᱙᱕᱑) ᱛᱟᱦᱮᱸ ᱠᱟᱱᱟ᱾[᱒][᱓][᱔]
᱑᱙᱕᱒ ᱛᱟᱭᱚᱢ, ᱟᱡᱟᱜ ᱠᱟᱹᱢᱤ ᱫᱚ ᱟᱹᱰᱤ ᱡᱷᱟᱹᱯᱤᱫ ᱛᱮ ᱠᱚᱢ ᱤᱫᱤᱭᱮᱱᱟ ᱪᱮᱫᱟᱜ ᱥᱮ ᱨᱟᱝᱜᱮᱞᱤ (᱑᱙᱕᱒), ᱪᱷᱟᱢ ᱪᱷᱟᱢᱟ ᱪᱷᱟᱢ (᱑᱙᱕᱒), ᱦᱟᱡᱟᱨ ᱨᱟᱛᱮᱱ (᱑᱙᱕᱓) ᱟᱨ ᱥᱟᱢᱨᱟᱴ (᱑᱙᱕᱔) ᱞᱮᱠᱟᱱ ᱯᱷᱤᱞᱢ ᱫᱚ ᱵᱚᱠᱥ ᱚᱯᱷᱤᱥ ᱨᱮ ᱵᱩᱰᱟᱹᱣ ᱮᱱᱟ᱾ ᱵᱷᱟᱨᱚᱛ ᱨᱮ ᱟᱡᱟᱜ ᱠᱟᱹᱢᱤ ᱠᱚᱢ ᱪᱟᱵᱟᱭᱮᱱ ᱠᱷᱟᱹᱛᱤᱨ ᱨᱮᱦᱟᱱᱟ ᱚᱸᱰᱮ ᱟᱡᱟᱜ ᱠᱟᱹᱢᱤ ᱤᱫᱤ ᱠᱟᱛᱮ ᱪᱟᱞᱟᱜ ᱨᱮᱭᱟᱜ ᱟᱥ ᱤᱫᱤ ᱠᱟᱛᱮ ᱯᱟᱠᱤᱥᱛᱟᱱ ᱮ ᱪᱟᱞᱟᱣ ᱮᱱᱟ᱾
ᱯᱟᱠᱤᱥᱛᱟᱱ ᱨᱮ, ᱩᱱᱤ ᱩᱨᱫᱩ ᱯᱷᱤᱞᱢ ᱞᱮᱠᱟᱛᱮ ᱨᱟᱛ ᱠᱮ ᱨᱟᱦᱤ, ᱵᱟᱦᱥᱤ, ᱟᱯᱱᱟ ᱯᱟᱨᱟᱭᱟ, ᱥᱟᱞᱤᱢᱟᱨ, ᱟᱣᱞᱟᱫ ᱟᱨ ᱫᱤᱞ ᱱᱮ ᱛᱩᱡᱷᱮ ᱢᱟᱱ ᱞᱤᱭᱟ ᱨᱮ ᱠᱟᱹᱢᱤ ᱠᱮᱫᱟ᱾ ᱩᱱᱤ ᱟᱭᱢᱟ ᱯᱷᱤᱞᱢ ᱨᱮ ᱥᱟᱠᱥᱮᱥ ᱯᱩᱨᱟᱹᱣ ᱠᱟᱹᱢᱤ ᱠᱮᱫᱟ ᱡᱟᱦᱟᱸ ᱫᱚ ᱟᱡᱟᱜ ᱮᱠᱴᱤᱝ ᱠᱟᱹᱢᱤ ᱮ ᱨᱤᱵᱷᱟᱭᱤᱵᱽ ᱠᱮᱫᱟ ᱟᱨ ᱤᱱᱥᱟᱱ ᱵᱟᱫᱟᱞᱛᱟ ᱦᱟᱭ, ᱥᱟᱵᱟᱵᱽ, ᱩᱱᱪᱟᱭ ᱢᱟᱦᱟᱞ, ᱢᱤᱥ ᱕᱖ ᱟᱨ ᱦᱤᱨ ᱨᱟᱧᱡᱟ ᱞᱮᱠᱟᱱ ᱯᱷᱤᱞᱢ ᱨᱮ ᱟᱭᱢᱟ ᱠᱮᱨᱮᱠᱴᱟᱨ ᱨᱳᱞ ᱮ ᱯᱟᱨᱟᱯᱷᱚᱨᱢ ᱠᱮᱫᱟ᱾ ᱑᱙᱙᱕ ᱥᱟᱞ ᱨᱮ ᱩᱱᱤ ᱱᱤᱜᱟᱨ ᱟᱣᱟᱨᱰᱥ ᱞᱟᱹᱜᱤᱫ ᱢᱤᱫ ᱡᱚᱡᱽ ᱮ ᱛᱟᱦᱮᱸ ᱠᱟᱱᱟ᱾[᱕]
ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱮᱦᱟᱱᱟ ᱫᱚ ᱯᱨᱚᱰᱭᱩᱥᱚᱨ ᱤᱠᱵᱟᱞ ᱥᱮᱦᱡᱟᱫ ᱥᱟᱶ ᱵᱟᱯᱞᱟ ᱞᱮᱱᱟ ᱡᱟᱦᱟᱸ ᱥᱟᱶ ᱩᱱᱤ ᱨᱟᱛ ᱠᱮ ᱨᱟᱦᱤ ᱯᱷᱤᱞᱢ ᱨᱮ ᱠᱟᱹᱢᱤ ᱞᱮᱫᱟ ᱢᱮᱱᱠᱷᱟᱱ ᱛᱟᱭᱚᱢ ᱛᱮ ᱩᱱᱠᱤᱱ ᱠᱤᱱ ᱵᱟᱯᱟᱜ ᱮᱱᱟ ᱟᱨ ᱛᱚᱵᱮ ᱩᱱᱤ ᱥᱟᱵᱤᱨ ᱟᱦᱢᱮᱫ ᱥᱟᱶ ᱵᱟᱯᱞᱟ ᱮᱱᱟ, ᱩᱱᱤ ᱫᱚ ᱠᱟᱨᱟᱪᱤ ᱨᱮᱱ ᱢᱤᱫ ᱵᱤᱡᱱᱮᱥᱢᱮᱱ ᱠᱟᱱᱟᱭ᱾ ᱩᱱᱤ ᱥᱟᱶ ᱩᱱᱤ ᱨᱮᱱ ᱯᱮᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟ᱾
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱒᱓ ᱮᱯᱨᱤᱞ ᱒᱐᱑᱓ ᱥᱟᱞ ᱨᱮ ᱠᱟᱨᱟᱪᱤ ᱨᱮᱭ ᱜᱩᱨ ᱮᱱᱟ᱾[᱖]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Patel, Baburao (August 1948). "Filmindia". Filmindia. 14 (8): 47. Retrieved 18 March 2015.
- ↑ Gazdar, Mushtaq (1997). Pakistan Cinema, 1947-1997. Oxford University Press. p. 58. ISBN 0-19-577817-0.
- ↑ Raj Kapur, the Fabulous Showman: An Intimate Biography. National Film Development Corporation. p. 362.
- ↑ Raj Kapur, the Fabulous Showman: An Intimate Biography. National Film Development Corporation. p. 390.
- ↑ Gazdar, Mushtaq (1997). Pakistan Cinema, 1947-1997. Oxford University Press. p. 58. ISBN 0-19-577817-0.
- ↑ "Rehana". Weekly Nigar Karachi (Golden Jubilee Number): 120. 2017.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱨᱮᱦᱟᱱᱟ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)