ᱨᱳᱡᱟ ᱨᱟᱢᱟᱱᱤ
ᱨᱳᱡᱟ ᱨᱟᱢᱟᱱᱤ (ᱪᱮᱢᱯᱟᱨᱟᱛᱷᱤ ᱥᱳᱵᱷᱟᱱᱟ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜᱼᱟ) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱢᱟᱞᱟᱭᱟᱞᱚᱢ, ᱛᱟᱢᱤᱞ ᱟᱨ ᱛᱮᱞᱩᱜᱩ ᱯᱷᱤᱞᱢ ᱨᱮ ᱢᱩᱬᱩᱛ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟᱭ᱾ ᱩᱱᱤ ᱫᱚ ᱜᱤᱫᱽᱨᱟᱹ ᱮᱠᱴᱚᱨ ᱮ ᱛᱟᱦᱮᱸ ᱠᱟᱱᱟ ᱟᱨ ᱟᱡᱟᱜ ᱰᱮᱵᱭᱩ ᱢᱩᱵᱷᱤ ᱫᱚ ᱵᱷᱟᱠᱛᱟ ᱯᱨᱟᱦᱞᱟᱫᱟ (᱑᱙᱖᱗) ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱞᱟᱹᱜᱤᱫ ᱩᱱᱤ ᱥᱚᱨᱮᱥ ᱜᱤᱫᱽᱨᱟᱹ ᱟᱨᱴᱤᱥᱴ ᱞᱟᱹᱜᱤᱫ ᱱᱮᱥᱱᱟᱞ ᱯᱷᱤᱞᱢ ᱟᱣᱟᱨᱰ ᱮ ᱧᱟᱢ ᱞᱮᱫᱟ᱾ ᱩᱱᱤ ᱫᱚ ᱑᱙᱗᱐ ᱜᱮᱞᱟᱝ ᱟᱨ ᱑᱙᱘᱐ ᱜᱮᱞᱟᱝ ᱨᱮᱭᱟᱜ ᱮᱛᱚᱦᱚᱵ ᱨᱮ ᱧᱩᱛᱩᱢᱟᱱ ᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱫᱚ ᱢᱟᱞᱟᱭᱟᱞᱚᱢ, ᱛᱟᱢᱤᱞ, ᱛᱮᱞᱩᱜᱩ, ᱠᱟᱱᱱᱟᱰᱟ ᱟᱨ ᱳᱰᱤᱭᱟ ᱢᱩᱵᱷᱤ ᱨᱮ ᱮᱠᱴᱤᱝ ᱟᱠᱟᱫᱟ᱾ ᱩᱱᱤ ᱫᱚ ᱢᱤᱫ ᱰᱟᱵᱤᱝ ᱟᱨᱴᱤᱥᱴ ᱞᱮᱠᱟᱛᱮ ᱔᱐᱐ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱫᱚ ᱵᱞᱩᱠᱨᱚᱥ ᱨᱤᱱᱤᱡ ᱢᱤᱫ ᱠᱟᱹᱢᱤᱭᱟᱹ ᱥᱚᱦᱮᱫ ᱠᱟᱱᱟᱭ ᱟᱨ ᱟᱭᱢᱟ ᱥᱟᱶᱛᱟᱨᱤ ᱥᱟᱨᱵᱤᱥ ᱠᱟᱹᱢᱤ ᱨᱮ ᱥᱮᱞᱮᱫ ᱢᱮᱱᱟᱭᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱟᱡ ᱮᱸᱜᱟᱛ ᱟᱯᱟᱛ ᱨᱤᱱᱤᱡ ᱢᱤᱫᱴᱟᱹᱝ ᱜᱤᱫᱽᱨᱟᱹ ᱞᱮᱠᱟᱛᱮ ᱨᱟᱡᱟᱦᱢᱩᱸᱰᱨᱤ, ᱟᱱᱫᱷᱨᱟ ᱯᱨᱚᱫᱮᱥ, ᱥᱤᱧᱚᱛ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱟᱡ ᱵᱟᱵᱟ ᱫᱚ ᱯᱤᱠᱪᱟᱨ ᱯᱳᱥᱴ ᱥᱟᱶ ᱢᱤᱫ ᱡᱟᱨᱱᱟᱞᱤᱥᱴ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱖ ᱪᱟᱸᱫᱚ ᱩᱢᱮᱨ ᱮ ᱛᱟᱦᱮᱸ ᱠᱟᱱ ᱡᱚᱠᱷᱚᱱ ᱜᱷᱟᱨᱚᱸᱡᱽ ᱫᱚ ᱢᱟᱫᱽᱨᱟᱥ ᱠᱚ ᱩᱪᱟᱹᱲ ᱮᱱᱟ᱾[᱑]
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤ ᱫᱚ ᱛᱮᱞᱩᱜᱩ ᱨᱮ ᱵᱷᱟᱠᱛᱟ ᱯᱨᱟᱦᱞᱟᱫᱟ ᱨᱮᱱᱟᱜ ᱥᱤᱨᱥᱟᱠ ᱨᱚᱞ ᱨᱮ ᱑᱙᱖᱖ ᱨᱮ ᱗ ᱥᱮᱨᱢᱟ ᱩᱢᱮᱨ ᱨᱮ ᱟᱡᱟᱜ ᱠᱮᱨᱤᱭᱟᱨ ᱮ ᱮᱛᱚᱦᱚᱵ ᱞᱮᱫᱟ᱾ ᱱᱚᱣᱟ ᱫᱚ ᱮᱵᱷᱤᱮᱢ ᱯᱨᱚᱰᱩᱠᱥᱚᱱ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱯᱩᱭᱞᱩ ᱯᱩᱨᱟᱹ-ᱡᱤᱞᱤᱧ ᱤᱥᱴᱢᱟᱱ ᱨᱚᱝ ᱯᱷᱤᱪᱟᱨ ᱯᱷᱤᱞᱢ ᱠᱟᱱᱟ᱾ ᱱᱚᱣᱟ ᱫᱚ ᱢᱤᱫ ᱵᱞᱚᱠᱵᱟᱥᱴᱟᱨ ᱦᱤᱴ ᱯᱷᱤᱞᱢ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱢᱤᱫ ᱜᱤᱫᱽᱨᱟᱹ ᱟᱨᱴᱤᱥᱴ ᱞᱮᱠᱟᱛᱮ ᱔᱐ ᱠᱷᱚᱱ ᱵᱟᱹᱲᱛᱤ ᱯᱷᱤᱞᱢ ᱨᱮ ᱮᱠᱴᱤᱝ ᱠᱮᱫᱟ ᱟᱨ ᱑᱓ ᱥᱮᱨᱢᱟ ᱩᱢᱮᱨ ᱨᱮ ᱩᱱᱤ ᱢᱟᱞᱟᱭᱟᱞᱟᱢ ᱢᱩᱵᱷᱤ ᱪᱮᱢᱯᱟᱨᱟᱛᱷᱤ ᱨᱮ ᱢᱤᱫ ᱞᱤᱰ ᱞᱮᱠᱟᱛᱮ ᱮᱠᱴᱤᱝ ᱠᱮᱫᱟ ᱡᱟᱦᱟᱸ ᱫᱚ ᱢᱤᱫ ᱨᱮᱠᱚᱨᱰ ᱵᱨᱮᱠᱤᱝ ᱦᱤᱴ ᱮ ᱪᱟᱞᱟᱣ ᱮᱱᱟ ᱟᱨ ᱚᱱᱟ ᱚᱠᱛᱚ ᱨᱮ ᱢᱤᱫ ᱴᱨᱮᱸᱰᱥᱮᱴᱟᱨ ᱮ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱢᱩᱵᱷᱤ ᱫᱚ ᱛᱮᱞᱩᱜᱩ ᱨᱮ ᱠᱟᱱᱱᱮ ᱵᱷᱟᱭᱟᱥᱩ ᱟᱨ ᱛᱟᱢᱤᱞ ᱨᱮ ᱯᱟᱨᱩᱵᱟ ᱠᱟᱟᱞᱟᱢ ᱞᱮᱠᱟᱛᱮ ᱨᱳᱡᱟ ᱨᱟᱢᱟᱱᱤ ᱥᱟᱶ ᱨᱤᱢᱮᱠ ᱦᱩᱭ ᱞᱮᱱ ᱛᱟᱦᱮᱸᱱ ᱡᱟᱦᱟᱸ ᱫᱚ ᱟᱹᱰᱤ ᱢᱟᱨᱟᱝ ᱦᱤᱴ ᱦᱩᱭ ᱞᱮᱱ ᱛᱟᱦᱮᱸᱱ᱾
ᱩᱱᱤ ᱫᱚ ᱛᱮᱞᱩᱜᱩ, ᱛᱟᱢᱤᱞ, ᱠᱟᱱᱱᱟᱰᱟ, ᱢᱟᱞᱟᱭᱟᱞᱟᱢ, ᱦᱤᱱᱫᱤ ᱟᱨ ᱳᱰᱤᱭᱟ ᱨᱮ ᱑᱓᱐ ᱠᱷᱚᱱ ᱵᱟᱹᱲᱛᱤ ᱯᱷᱤᱞᱢ ᱨᱮ ᱮᱠᱴᱤᱝ ᱠᱮᱫᱟ᱾ ᱩᱱᱤ ᱫᱚ ᱛᱮᱞᱩᱜᱩ ᱟᱨ ᱛᱟᱢᱤᱞ ᱨᱮ ᱥᱩᱦᱟᱥᱤᱱᱤ, ᱢᱤᱱᱟ, ᱨᱳᱡᱟ, ᱨᱟᱫᱷᱤᱠᱟ, ᱥᱳᱣᱸᱫᱚᱨᱭᱟ, ᱨᱟᱢᱵᱟ, ᱨᱟᱢᱭᱟ ᱠᱨᱤᱥᱱᱟ, ᱵᱤᱡᱟᱭᱟ ᱥᱟᱱᱛᱷᱤ, ᱥᱤᱞᱯᱟ ᱥᱮᱴᱴᱤ, ᱫᱤᱵᱽᱭᱟ ᱵᱷᱟᱨᱟᱛᱤ, ᱱᱟᱜᱽᱢᱟ, ᱟᱨ ᱠᱩᱥᱵᱩ ᱞᱮᱠᱟᱱ ᱚᱱᱟ ᱚᱠᱛᱚ ᱨᱤᱱ ᱞᱤᱰᱤᱝ ᱦᱤᱨᱚᱭᱤᱱ ᱞᱟᱹᱜᱤᱫ ᱔᱐᱐ ᱠᱷᱚᱱ ᱵᱟᱹᱲᱛᱤ ᱯᱷᱤᱞᱢ ᱨᱮ ᱟᱡᱟᱜ ᱟᱲᱟᱝ ᱮ ᱮᱢ ᱞᱮᱫᱟ᱾
ᱩᱱᱤ ᱫᱚ ᱮᱯᱤ ᱥᱴᱮᱴ ᱴᱮᱞᱤᱵᱷᱤᱡᱚᱱ ᱟᱣᱟᱨᱰ, ᱤᱱᱴᱟᱨᱱᱮᱥᱱᱟᱞ ᱪᱤᱞᱰᱨᱮᱱᱥ ᱯᱷᱤᱞᱢ ᱯᱷᱮᱥᱴᱤᱵᱷᱟᱞ ᱟᱣᱟᱨᱰ, ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ, ᱤᱱᱴᱟᱨᱱᱮᱥᱱᱟᱞ ᱯᱷᱤᱞᱢ ᱯᱷᱮᱥᱴᱤᱵᱷᱟᱞ - ᱤᱱᱰᱤᱭᱟᱱ ᱯᱮᱱᱳᱨᱟᱢᱟ ᱟᱣᱟᱨᱰ, ᱟᱨ ᱡᱤ ᱠᱩᱴᱩᱢᱵᱟᱢ ᱟᱣᱟᱨᱰ ᱮ ᱡᱤᱛᱠᱟᱹᱨ ᱟᱠᱟᱫᱟ᱾
ᱯᱟᱨᱥᱚᱱᱟᱞ ᱞᱟᱭᱤᱯᱷ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱑᱙᱘᱑ ᱨᱮ ᱛᱮᱞᱩᱜᱩ ᱮᱠᱴᱚᱨ ᱪᱟᱠᱨᱟᱯᱟᱱᱤ ᱥᱟᱶ ᱮ ᱵᱟᱯᱞᱟ ᱮᱱᱟ, ᱡᱟᱦᱟᱸᱭ ᱫᱚ ᱩᱱᱤ ᱳᱲᱤᱭᱟ ᱯᱷᱤᱞᱢ ᱨᱮ ᱮᱠᱴᱤᱝ ᱚᱠᱛᱮ ᱧᱟᱯᱟᱢ ᱞᱮᱱ ᱛᱟᱦᱮᱸᱱᱟᱭ᱾ ᱱᱤᱛᱚᱜ ᱩᱱᱤ ᱫᱚ ᱤᱴᱤᱵᱷᱤ ᱳᱲᱤᱭᱟ ᱪᱮᱱᱮᱞ ᱨᱤᱱᱤᱡ ᱯᱨᱚᱰᱩᱭᱩᱥᱟᱨ/ᱰᱟᱭᱨᱮᱠᱴᱚᱨ ᱟᱨ ᱦᱮᱰ ᱠᱟᱱᱟᱭ᱾ ᱩᱱᱠᱤᱱ ᱨᱤᱱ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱛᱟᱨᱩᱱ ᱢᱮᱱᱟᱭᱟ, ᱡᱟᱦᱟᱸᱭ ᱫᱚ ᱒᱐᱐᱐ ᱛᱚᱞᱤᱣᱩᱰ ᱯᱷᱤᱞᱢ ᱱᱩᱵᱷᱮ ᱠᱟᱵᱟᱞᱤ ᱨᱮ ᱢᱤᱫ ᱞᱤᱰ ᱮᱠᱴᱚᱨ ᱞᱮᱠᱟᱛᱮ ᱮᱠᱴᱤᱝ ᱠᱮᱫᱟ ᱟᱨ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱟᱢᱩᱞᱭᱟ ᱢᱮᱱᱟᱭᱟ, ᱡᱟᱦᱟᱸᱭ ᱫᱚ ᱥᱟᱭᱠᱚᱞᱳᱡᱤ ᱨᱮ ᱰᱤᱜᱽᱨᱤ ᱮ ᱦᱟᱛᱟᱣ ᱟᱠᱟᱫᱟ, ᱟᱨ ᱢᱤᱫ ᱤᱱᱴᱮᱨᱤᱭᱟᱨ ᱰᱤᱡᱟᱭᱱᱟᱨ ᱠᱟᱱᱟᱭ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱨᱳᱡᱟ ᱨᱟᱢᱟᱱᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)