ᱨᱳᱡᱤᱱᱟ (ᱵᱟᱝᱞᱟᱫᱮᱥᱤ ᱮᱠᱴᱨᱮᱥ)
ᱨᱚᱣᱥᱚᱱ ᱟᱨᱟ ᱨᱳᱡᱤᱱᱟ (ᱡᱟᱱᱟᱢ ᱨᱳᱡᱤᱱᱟ ᱞᱮᱠᱟᱛᱮ) ᱢᱤᱫ ᱵᱟᱝᱞᱟᱫᱮᱥᱤ ᱯᱷᱤᱞᱢ ᱟᱨ ᱴᱮᱞᱤᱵᱤᱡᱚᱱ ᱮᱠᱴᱨᱮᱥ ᱠᱟᱱᱟᱭ᱾ ᱒᱐᱑᱘ ᱥᱟᱞ ᱞᱮᱠᱟᱛᱮ, ᱩᱱᱤ ᱓᱐᱐ ᱠᱷᱚᱱ ᱦᱚᱸ ᱵᱟᱹᱲᱛᱤ ᱯᱷᱤᱞᱢ ᱨᱮ ᱯᱟᱨᱯᱷᱳᱨᱢ ᱟᱠᱟᱫᱟ᱾ ᱩᱱᱤ ᱑᱙᱘᱐ ᱥᱟᱞ ᱨᱮ ᱢᱤᱫ ᱧᱩᱛᱩᱢᱟᱱ ᱮᱠᱴᱨᱮᱥ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱯᱷᱤᱞᱢ ᱡᱤᱵᱚᱱᱫᱷᱟᱨᱟ (᱑᱙᱘᱘) ᱟᱨ ᱠᱳᱥᱟᱭᱤ (᱑᱙᱘᱐) ᱨᱮ ᱟᱡᱟᱜ ᱨᱳᱞ ᱞᱟᱹᱜᱤᱫ ᱵᱮᱥᱴ ᱮᱠᱴᱨᱮᱥ ᱟᱨ ᱵᱮᱥᱴ ᱥᱚᱯᱳᱨᱴᱤᱝ ᱮᱠᱴᱨᱮᱥ ᱞᱟᱹᱜᱤᱫ ᱵᱟᱝᱞᱟᱫᱮᱥ ᱱᱮᱥᱱᱟᱞ ᱯᱷᱤᱞᱢ ᱟᱣᱟᱨᱰ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱩᱱᱤ ᱟᱱᱭᱟᱭ ᱟᱵᱤᱪᱟᱨ ᱨᱮ ᱢᱤᱛᱷᱩᱱ ᱪᱚᱠᱨᱚᱵᱚᱨᱛᱤ ᱥᱟᱢᱟᱝ ᱨᱮ ᱦᱚᱸ ᱥᱴᱟᱨ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱟ᱾ ᱒᱐᱒᱓ ᱥᱟᱞ ᱨᱮ ᱩᱱᱤ ᱞᱟᱭᱤᱯᱷᱴᱟᱭᱤᱢ ᱮᱪᱤᱵᱷᱢᱮᱱᱴ ᱞᱟᱹᱜᱤᱫ ᱵᱟᱝᱞᱟᱫᱮᱥ ᱱᱮᱥᱱᱟᱞ ᱯᱷᱤᱞᱢ ᱟᱣᱟᱨᱰ ᱠᱷᱚᱱ ᱠᱚ ᱥᱤᱨᱯᱷᱟᱹ ᱞᱮᱫᱮᱭᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱳᱡᱤᱱᱟ ᱑᱙᱗᱖ ᱥᱟᱞ ᱨᱮ ᱮᱠᱴᱚᱨ ᱣᱟᱥᱤᱢ ᱥᱟᱢᱟᱝ ᱨᱮ ᱑᱖ ᱩᱢᱮᱨ ᱨᱮ ᱟᱡᱟᱜ ᱠᱟᱹᱢᱤ ᱮ ᱮᱛᱚᱦᱚᱵ ᱞᱮᱫᱟ, ᱨᱟᱡᱢᱟᱦᱟᱞ ᱯᱷᱤᱞᱢ ᱨᱮ᱾ ᱛᱚᱵᱮ ᱩᱱᱤ ᱟᱭᱢᱟ ᱯᱷᱤᱞᱢ ᱨᱮ ᱣᱟᱥᱤᱢ ᱥᱟᱢᱟᱝ ᱨᱮ ᱡᱩᱲᱤ ᱦᱚᱸᱭ ᱵᱮᱱᱟᱣ ᱠᱮᱫᱟ᱾ ᱟᱡᱟᱜ ᱛᱟᱭᱚᱢ ᱯᱷᱤᱞᱢ ᱨᱳᱥᱮᱨ ᱵᱟᱭᱫᱟᱱᱤ ᱛᱟᱦᱮᱸ ᱠᱟᱱᱟ᱾ ᱑᱙᱗᱖ ᱥᱟᱞ ᱨᱮ ᱩᱱᱤ ᱟᱡᱟᱜ ᱧᱩᱛᱩᱢ ᱨᱮᱱᱩ ᱠᱷᱚᱱ ᱵᱚᱫᱚᱞ ᱠᱟᱛᱮ ᱨᱳᱡᱤᱱᱟ ᱫᱚᱦᱚ ᱠᱮᱫᱟ᱾ ᱩᱱᱠᱤᱱ ᱡᱚᱨᱠᱟ ᱟᱨ ᱨᱟᱡᱥᱤᱝᱜᱟᱥᱚᱱ ᱯᱷᱤᱞᱢ ᱨᱮ ᱦᱚᱸ ᱠᱤᱱ ᱠᱟᱹᱢᱤ ᱞᱮᱫᱟ᱾
᱑᱙᱘᱑-᱑᱙᱙᱐
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱳᱡᱤᱱᱟ ᱥᱤᱧᱚᱛᱤᱭᱟᱹ ᱵᱟᱝᱜᱟᱞᱤ ᱯᱷᱤᱞᱢ ᱨᱮ ᱮᱠᱴᱤᱝ ᱮᱛᱚᱦᱚᱵ ᱠᱮᱫᱟ᱾ ᱑᱙᱘᱕ ᱥᱟᱞ ᱨᱮ ᱦᱤᱱᱫᱤ ᱯᱷᱤᱞᱢ ᱰᱤᱨᱮᱠᱴᱚᱨ ᱥᱟᱠᱛᱤ ᱥᱟᱢᱟᱱᱛᱟ ᱱᱩᱭ ᱱᱟᱣᱟ ᱮᱠᱴᱨᱮᱥ ᱫᱚ ᱟᱡᱟᱜ ᱵᱟᱝᱜᱟᱞᱤ ᱯᱷᱤᱞᱢ ᱟᱱᱤᱭᱟᱭ ᱟᱵᱤᱪᱟᱨ ᱟᱨ ᱢᱤᱛᱷᱩᱱ ᱪᱚᱠᱨᱚᱵᱚᱨᱛᱤ ᱥᱟᱢᱟᱝ ᱨᱮ ᱦᱤᱱᱫᱤ ᱵᱷᱟᱨᱥᱚᱱ ᱟᱟᱨ ᱯᱟᱟᱨ ᱨᱮ ᱞᱤᱰ ᱨᱳᱞ ᱨᱮ ᱠᱟᱥᱴ ᱠᱮᱫᱮᱭᱟ᱾ ᱩᱱᱤ ᱵᱳᱞᱤᱣᱩᱰ ᱯᱷᱤᱞᱢ ᱨᱮ ᱞᱤᱰ ᱮᱠᱴᱨᱮᱥ ᱞᱮᱠᱟᱛᱮ ᱠᱟᱥᱴ ᱟᱠᱟᱱ ᱯᱩᱭᱞᱩ ᱵᱟᱝᱞᱟᱫᱮᱥᱤ ᱮᱠᱴᱨᱮᱥ ᱮ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱯᱷᱤᱞᱢ ᱵᱚᱠᱥ-ᱚᱯᱷᱤᱥ ᱨᱮ ᱑.᱕ ᱠᱟᱨᱳᱰ ᱮ ᱟᱨᱡᱟᱣ ᱠᱮᱫᱟ ᱚᱠᱟ ᱫᱚ ᱚᱱᱟ ᱚᱠᱛᱚ ᱟᱹᱰᱤ ᱩᱥᱩᱞ ᱜᱨᱳᱥᱤᱝ ᱵᱟᱝᱜᱟᱞᱤ ᱯᱷᱤᱞᱢ ᱛᱟᱦᱮᱸ ᱠᱟᱱᱟ᱾
᱑᱙᱘᱘ ᱥᱟᱞ ᱨᱮ, ᱨᱳᱡᱤᱱᱟ ᱠᱳᱥᱟᱭᱤ (᱑᱙᱘᱘) ᱨᱮ ᱟᱡᱟᱜ ᱪᱤᱛᱨᱟᱱᱠᱚᱱ ᱞᱟᱹᱜᱤᱫ ᱵᱮᱥᱴ ᱮᱠᱴᱨᱮᱥ ᱞᱟᱹᱜᱤᱫ ᱵᱟᱝᱞᱟᱫᱮᱥ ᱱᱮᱥᱱᱟᱞ ᱯᱷᱤᱞᱢ ᱟᱣᱟᱨᱰ ᱮ ᱦᱟᱛᱟᱣ ᱠᱮᱫᱟ᱾ ᱩᱱᱤ ᱥᱟᱵᱤᱱᱟ ᱭᱟᱥᱢᱤᱱ ᱦᱚᱛᱮᱛᱮ ᱟᱭᱢᱟ ᱥᱮᱨᱮᱧ ᱮ ᱞᱤᱯ-ᱥᱤᱝ ᱠᱮᱫᱟ ᱡᱮᱞᱮᱠᱟ "ᱳ ᱟᱢᱟᱨ ᱨᱟᱥᱤᱭᱟ ᱵᱟᱱᱫᱷᱩᱨᱮ", "ᱮᱭ ᱢᱳᱱ ᱛᱳᱢᱟᱠᱮ ᱫᱤᱞᱟᱢ", "ᱡᱟᱞᱯᱟᱨᱤ", ᱟᱨ "ᱪᱷᱟᱭᱨᱳ ᱱᱟ ᱪᱷᱟᱭᱨᱳ ᱱᱟ ᱦᱟᱟᱴ"᱾
᱑᱙᱙᱑-᱒᱐᱐᱐
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱳᱡᱤᱱᱟ ᱑᱙᱙᱐ ᱥᱟᱞ ᱨᱮᱭᱟᱜ ᱮᱛᱚᱦᱚᱵ ᱥᱮᱫ ᱣᱮᱥᱴ ᱵᱮᱝᱜᱟᱞ ᱨᱮᱭᱟᱜ ᱟᱭᱢᱟ ᱯᱷᱤᱞᱢ ᱨᱮ ᱞᱤᱰᱤᱝ ᱮᱠᱴᱨᱮᱥ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ᱾ ᱩᱱᱤ ᱫᱚ ᱪᱤᱨᱟᱱᱡᱤᱛ, ᱛᱟᱯᱟᱥ ᱯᱳᱞ, ᱨᱟᱱᱡᱤᱛ ᱢᱚᱞᱤᱠ ᱮᱢᱟᱱ ᱥᱟᱢᱟᱝ ᱨᱮ ᱠᱟᱹᱢᱤ ᱠᱮᱫᱟ᱾ ᱛᱚᱵᱮ ᱩᱱᱤ ᱠᱮᱨᱮᱠᱴᱟᱨ ᱨᱳᱞ ᱠᱚ ᱠᱚᱨᱟᱣ ᱮᱛᱚᱦᱚᱵ ᱠᱮᱫᱟ ᱡᱮᱞᱮᱠᱟ ᱮᱸᱜᱟᱛ, ᱢᱤᱥᱨᱟ, ᱵᱚᱭᱦᱟ - ᱵᱟᱹᱦᱩ(ᱵᱳᱣᱫᱤ)᱾ ᱩᱱᱤ ᱑᱙᱙᱓ ᱛᱟᱭᱚᱢ ᱟᱱᱤᱭᱟᱢᱤᱛ ᱮ ᱵᱮᱱᱟᱣ ᱮᱱᱟ᱾
᱒᱐᱐᱑-᱒᱐᱑᱐
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱳᱡᱤᱱᱟ ᱨᱟᱠᱷᱩᱥᱤ (᱒᱐᱐᱔) ᱯᱷᱤᱞᱢ ᱥᱟᱶ ᱵᱟᱝᱞᱟᱫᱮᱥᱤ ᱯᱷᱤᱞᱢ ᱨᱮ ᱟᱡᱟᱜ ᱠᱚᱢᱵᱮᱠ ᱵᱮᱱᱟᱣ ᱠᱮᱫᱟ ᱮᱠᱴᱚᱨ ᱯᱷᱮᱨᱫᱳᱣᱥ ᱟᱦᱢᱮᱫ ᱥᱟᱢᱟᱝ ᱨᱮ᱾ ᱩᱱᱤ ᱟᱡᱟᱜ ᱨᱳᱞ ᱞᱟᱹᱜᱤᱫ ᱠᱨᱤᱴᱤᱠᱥ ᱪᱳᱭᱮᱥ ᱵᱮᱥᱴ ᱯᱷᱤᱞᱢ ᱮᱠᱴᱨᱮᱥ ᱠᱮᱴᱮᱜᱚᱨᱤ ᱨᱮ ᱢᱮᱨᱤᱞ ᱯᱨᱳᱛᱷᱳᱢ ᱟᱞᱳ ᱟᱣᱟᱨᱰ ᱠᱷᱚᱱ ᱠᱚ ᱥᱤᱨᱯᱷᱟᱹ ᱞᱮᱫᱮᱭᱟ᱾ ᱩᱱᱤ ᱱᱚᱣᱟ ᱯᱷᱤᱞᱢ ᱨᱮ ᱢᱤᱫ ᱯᱟᱜᱽᱞᱤ ᱠᱩᱲᱤ ᱠᱷᱮᱞ ᱞᱮᱫᱟ ᱟᱨ ᱟᱡᱤᱡ ᱵᱟᱹᱦᱩ ᱦᱚᱯᱚᱱ ᱜᱩᱨ ᱨᱮᱭᱟᱜ ᱵᱟᱹᱭᱨᱤ ᱞᱟᱹᱜᱤᱫ ᱟᱭᱢᱟ ᱦᱚᱲ ᱮ ᱜᱚᱡ ᱠᱮᱫ ᱠᱚᱣᱟ᱾ ᱯᱷᱮᱨᱫᱳᱣᱥ ᱩᱱᱤ ᱠᱷᱚᱱ ᱑᱒-᱑᱓ ᱥᱮᱨᱢᱟ ᱠᱚᱢ ᱩᱢᱮᱨ ᱮ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱵᱟᱝᱞᱟᱫᱮᱥᱤ ᱯᱷᱤᱞᱢ ᱨᱮ ᱯᱩᱭᱞᱩ ᱫᱷᱟᱣ ᱛᱟᱦᱮᱸ ᱠᱟᱱᱟ ᱡᱮ ᱢᱤᱫ ᱮᱠᱴᱨᱮᱥ ᱚᱠᱟ ᱮᱠᱴᱚᱨ ᱩᱱᱤ ᱠᱷᱚᱱ ᱢᱤᱫ ᱜᱮᱞ ᱠᱷᱚᱱ ᱦᱚᱸ ᱵᱟᱹᱲᱛᱤ ᱠᱚᱢ ᱩᱢᱮᱨ ᱨᱮᱭᱟᱜ ᱮᱠᱴᱚᱨ ᱥᱟᱢᱟᱝ ᱨᱮᱭ ᱠᱟᱹᱢᱤ ᱞᱮᱫᱟ᱾
᱒᱐᱑᱑-ᱱᱤᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱳᱡᱤᱱᱟ ᱒᱐᱑᱐ ᱥᱟᱞ ᱨᱮ ᱟᱞᱟᱢᱜᱤᱨ ᱟᱨ ᱮᱴᱟᱜ ᱥᱟᱶ ᱠᱮᱨᱮᱠᱴᱟᱨ ᱟᱨᱴᱤᱥᱴ ᱞᱮᱠᱟᱛᱮ ᱟᱭᱢᱟ ᱯᱷᱤᱞᱢ ᱨᱮ ᱧᱮᱞ ᱞᱮᱱᱟ᱾ ᱩᱱᱤ ᱥᱟᱨᱚᱛ ᱪᱚᱸᱫᱽᱨᱚ ᱪᱚᱴᱴᱳᱯᱟᱫᱷᱭᱟᱭ ᱟᱜ ᱱᱟᱵᱷᱟᱞ ᱪᱮᱛᱟᱱ ᱨᱮ ᱢᱮᱡᱽᱰᱤᱰᱤ ᱟᱨ ᱵᱳᱨᱳᱰᱤᱰᱤ ᱧᱩᱛᱩᱢᱟᱱ ᱵᱟᱨᱭᱟ ᱥᱤᱨᱤᱡᱽ ᱮ ᱰᱤᱨᱮᱠᱴ ᱞᱮᱫᱟ᱾ ᱰᱤᱨᱮᱠᱴ ᱵᱮᱜᱚᱨ ᱩᱱᱤ ᱢᱮᱡᱽᱰᱤᱰᱤ ᱨᱮ ᱴᱟᱭᱤᱴᱟᱞ ᱨᱳᱞ ᱦᱚᱸᱭ ᱯᱞᱮ ᱞᱮᱫᱟ᱾ ᱩᱱᱤ ᱨᱟᱵᱤᱱᱫᱽᱨᱚᱱᱟᱛᱷ ᱴᱟᱜᱳᱨᱟᱜ ᱠᱟᱹᱦᱱᱤ ᱪᱮᱛᱟᱱ ᱨᱮ ᱵᱟᱭ ᱟᱫᱷᱟᱨᱤᱛ ᱵᱟᱫᱽᱱᱟᱢ ᱧᱩᱛᱩᱢᱟᱱ ᱢᱤᱫ ᱰᱨᱟᱢᱟ ᱦᱚᱸᱭ ᱰᱤᱨᱮᱠᱴ ᱞᱮᱫᱟ᱾ ᱱᱚᱣᱟ ᱵᱮᱜᱚᱨ ᱩᱱᱤ ᱠᱟᱡᱤ ᱱᱟᱡᱽᱨᱩᱞ ᱤᱥᱞᱟᱢ ᱨᱮᱭᱟᱜ ᱠᱟᱹᱦᱱᱤ ᱪᱮᱛᱟᱱ ᱟᱫᱷᱟᱨᱤᱛ ᱟᱭᱢᱟ ᱴᱤᱵᱷᱤ ᱰᱨᱟᱢᱟ ᱦᱚᱸᱭ ᱵᱮᱱᱟᱣ ᱞᱮᱫᱟ᱾