ᱨᱳᱦᱤᱱᱤ, ᱯᱚᱪᱷᱤᱢ ᱵᱟᱝᱞᱟ

ᱨᱳᱦᱤᱱᱤ
ᱨᱳᱦᱤᱱᱤ
ᱟᱹᱛᱩ
	ᱨᱳᱦᱤᱱᱤ
	ᱨᱳᱦᱤᱱᱤ ᱥᱤᱧᱚᱛ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱮ ᱴᱷᱟᱶ ᱨᱳᱦᱤᱱᱤ ᱨᱳᱦᱤᱱᱤ (India)
	ᱠᱳᱣᱚᱨᱰᱤᱱᱮᱴᱥ: 22°10′10.6″N 87°05′58.8″E / 22.169611°N 87.099667°ECoordinates: 22°10′10.6″N 87°05′58.8″E / 22.169611°N 87.099667°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱯᱚᱪᱷᱤᱢ ᱵᱟᱝᱞᱟ
ᱦᱚᱱᱚᱛ	ᱡᱷᱟᱲᱜᱨᱟᱢ
ᱛᱷᱟᱯᱚᱱ	᱑᱘ ᱥᱟᱭ ᱥᱮᱨᱢᱟ
ᱦᱚᱲ ᱮᱞ (᱒᱐᱑᱑)
• ᱜᱩᱴ	᱑᱖᱙᱑
ᱯᱟᱹᱨᱥᱤ ᱠᱚ
• ᱟᱹᱢᱟᱹᱞᱮᱛ	ᱵᱟᱝᱞᱟ, ᱥᱟᱱᱛᱟᱲᱤ, ᱤᱝᱞᱤᱥ
ᱚᱠᱛᱚ ᱴᱚᱴᱷᱟ	ᱭᱩ.ᱴᱤ.ᱥᱤ+᱐᱕:᱓᱐ (IST)
ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱡᱷᱟᱲᱜᱨᱟᱢ
ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱜᱳᱯᱤᱵᱚᱞᱞᱚᱵᱷᱯᱩᱨ
ᱣᱮᱵᱽᱥᱟᱭᱤᱴ	jhargram.gov.in

ᱨᱳᱦᱤᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱡᱷᱟᱲᱜᱨᱟᱢ ᱦᱚᱱᱚᱛ ᱨᱮᱱᱟᱜ ᱡᱷᱟᱲᱜᱨᱟᱢ ᱥᱟᱵᱽᱰᱤᱵᱤᱡᱚᱱ ᱨᱮ ᱥᱟᱸᱠᱨᱟᱭᱮᱞ ᱥᱤᱰᱤ ᱵᱞᱚᱠ ᱨᱮ ᱢᱤᱫ ᱟᱹᱛᱩ ᱟᱨ ᱢᱤᱫ ᱜᱨᱟᱢ ᱯᱚᱧᱪᱟᱭᱚᱛ ᱠᱟᱱᱟ ᱾

ᱱᱟᱜᱟᱢ

ᱨᱳᱦᱤᱱᱤ ᱜᱳᱨᱚᱦ ᱭᱤᱡ ᱵᱟᱹᱵᱩ ᱪᱳᱣᱫᱷᱨᱤ ᱫᱚ ᱚᱠᱥᱚᱭ ᱱᱟᱨᱟᱭᱚᱬ ᱥᱟᱨᱟᱝᱜᱤ ᱭᱤᱡ ᱦᱚᱯᱚᱱ ᱠᱟᱱᱟᱭ ᱾ ᱵᱟᱹᱵᱩ ᱪᱳᱣᱫᱷᱨᱤ ᱞᱚᱠᱷᱢᱤ ᱱᱟᱨᱟᱭᱚᱬ ᱥᱟᱨᱟᱝᱜᱤ ᱫᱚ ᱨᱳᱦᱤᱬᱤ ᱥᱟᱶᱛᱮ ᱘᱙ ᱜᱚᱴᱟᱝ ᱢᱚᱣᱡᱚ ᱟᱨ ᱗ ᱜᱚᱴᱟᱝ ᱯᱟᱨᱜᱟᱱᱟ ᱨᱤᱱ ᱡᱟᱹᱢᱤᱫᱟᱨ ᱠᱚ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱘᱗᱕ ᱥᱮᱨᱢᱟ ᱨᱮ ᱡᱟᱱᱟᱢ ᱞᱮᱱᱟ ᱟᱨ ᱩᱱᱤ ᱜᱳᱨᱚᱦ ᱨᱳᱦᱤᱬᱤ ᱡᱟᱹᱢᱤᱫᱟᱨ/ᱨᱟᱡᱽ ᱮᱥᱴᱮᱴ ᱨᱤᱱᱤᱡ ᱛᱮᱥᱟᱨ ᱡᱟᱹᱢᱤᱫᱟᱨ ᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱔᱘ ᱥᱟᱞ ᱨᱮ ᱱᱚᱣᱟ ᱟᱹᱛᱩ ᱨᱮ ᱨᱳᱦᱤᱬᱤ ᱥᱤ.ᱟᱨ.ᱰᱤ. ᱦᱟᱭ ᱥᱠᱩᱞ ᱮ ᱵᱮᱱᱟᱣ ᱞᱮᱫᱼᱟ ᱾ ᱑᱙᱓᱑ ᱥᱮᱨᱢᱟ ᱨᱮ ᱩᱱᱤ ᱫᱚ ᱱᱚᱶᱟ ᱟᱹᱛᱩ ᱨᱮ ᱢᱤᱫ ᱟᱥᱯᱟᱛᱟᱞ (ᱚᱠᱥᱚᱭ ᱱᱟᱨᱟᱭᱚᱬ ᱥᱟᱨᱟᱝᱜᱤ ᱫᱟᱛᱟᱵᱭᱟ ᱪᱤᱠᱤᱛᱥᱟᱞᱚᱭ) ᱦᱚᱸᱭ ᱵᱮᱱᱟᱣ ᱠᱮᱫᱼᱟ ᱾ ᱩᱱᱤ ᱱᱚᱣᱟ ᱴᱚᱴᱷᱟ ᱨᱮ ᱥᱚᱨᱠᱟᱨᱤ ᱚᱯᱷᱤᱥ ᱵᱮᱱᱟᱣ ᱟᱨ ᱟᱭᱢᱟ ᱥᱚᱲᱚᱠ ᱟᱨ ᱯᱩᱠᱷᱨᱤ ᱵᱮᱱᱟᱣ ᱞᱟᱹᱜᱤᱫ ᱛᱮ ᱚᱛ ᱦᱟᱥᱟ ᱮᱢ ᱞᱮᱫᱼᱟ ᱾ ᱱᱩᱭ ᱢᱟᱨᱟᱝ ᱦᱚᱲ ᱫᱚ ᱑᱙᱔᱙ ᱥᱟᱞᱮ ᱨᱮ ᱗᱕ ᱥᱮᱨᱢᱟ ᱩᱢᱮᱨ ᱨᱮᱭ ᱜᱩᱨ ᱞᱮᱱᱟ ᱾

ᱢᱟᱭᱛᱷᱚᱞᱚᱡᱤ

ᱴᱚᱴᱷᱟ ᱨᱤᱱ ᱦᱚᱲ ᱠᱚᱣᱟᱜ ᱯᱟᱹᱛᱭᱟᱹᱣ ᱞᱮᱠᱟᱛᱮ ᱟᱭᱳᱫᱷᱤᱭᱟ ᱨᱤᱱᱤᱡ ᱨᱟᱡᱟ ᱵᱷᱚᱜᱽᱣᱟᱱ ᱨᱟᱢ ᱫᱚ ᱢᱤᱫ ᱫᱷᱟᱣ ᱱᱚᱰᱮᱭ ᱦᱮᱡ ᱞᱮᱱᱟ ᱟᱨ ᱨᱟᱢᱮᱥᱣᱚᱨ ᱨᱮ ᱵᱚᱸᱜᱟ ᱞᱟᱹᱜᱤᱫ ᱛᱮ ᱢᱤᱫ ᱥᱤᱵᱽ ᱞᱤᱝᱜᱚᱭ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱨᱟᱢᱫᱟᱛᱩᱱ, ᱨᱟᱢᱮᱥᱣᱟᱨ ᱠᱷᱚᱱ ᱯᱟᱥᱱᱟᱣ ᱟᱠᱟᱱ ᱢᱤᱫ ᱡᱟᱹᱲᱤ ᱫᱟᱨᱮ ᱾

ᱚᱛᱱᱚᱜ

[Full screen]
ᱡᱷᱟᱲᱜᱨᱟᱢ ᱦᱚᱱᱚᱛ ᱨᱮᱱᱟᱜ ᱡᱷᱟᱲᱜᱨᱟᱢ ᱡᱚᱜᱚ ᱠᱷᱚᱸᱰ ᱨᱮ ᱥᱚᱦᱚᱨ ᱟᱨ ᱱᱚᱜᱚᱨ ᱠᱚ CT: ᱦᱚᱲ ᱞᱮᱠᱷᱟ ᱥᱚᱦᱚᱨ, R: ᱟᱹᱛᱩ/ᱥᱚᱦᱚᱨ ᱛᱟᱞᱢᱟ, H: ᱱᱟᱜᱟᱢᱤᱭᱟᱹ/ ᱫᱷᱚᱨᱚᱢ ᱛᱟᱞᱢᱟ

ᱴᱷᱟᱶ

ᱨᱳᱦᱤᱱᱤ ᱫᱚ 22°10′10.6″N 87°05′58.8″E / 22.169611°N 87.099667°E / 22.169611; 87.099667 ᱨᱮ ᱢᱮᱱᱟᱜᱼᱟ ᱾

ᱨᱳᱦᱤᱱᱤ ᱫᱚ ᱫᱩᱞᱩᱝ ᱜᱟᱰᱟ ᱨᱮᱱᱟᱜ ᱫᱷᱟᱨᱮ ᱨᱮ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱥᱚᱵᱚᱨᱱᱟᱠᱷᱟ ᱜᱟᱰᱟ ᱥᱟᱶ ᱡᱚᱲᱟᱣ ᱟᱠᱟᱱᱟ ᱾

ᱨᱳᱦᱤᱱᱤ ᱜᱨᱟᱢ ᱯᱚᱧᱪᱟᱭᱚᱛ ᱨᱮ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱟᱹᱛᱩ ᱠᱚ ᱢᱮᱱᱟᱜᱼᱟ:^[᱑]

ᱨᱳᱦᱤᱱᱤ
ᱨᱚᱱᱡᱤᱛᱯᱩᱨ
ᱦᱟᱛᱤᱵᱟᱸᱫᱷᱤ
ᱟᱠᱟᱥᱯᱩᱨᱟ
ᱯᱨᱚᱦᱚᱨᱟᱡᱽᱯᱩᱨ
ᱟᱱᱫᱷᱟᱨᱤ
ᱴᱮᱱᱴᱩᱞᱤ

ᱟᱹᱛᱩ ᱨᱮ ᱰᱨᱮᱱᱮᱡᱽ ᱥᱤᱥᱴᱮᱢ ᱩᱛᱱᱟᱹᱣ ᱞᱟᱹᱜᱤᱫ ᱱᱚᱣᱟ ᱫᱚ ᱨᱟᱥᱴᱨᱚᱯᱚᱛᱤ ᱯᱩᱨᱟᱥᱠᱟᱨ (ᱫᱤᱥᱚᱢ ᱜᱚᱢᱠᱮ ᱥᱤᱨᱯᱷᱟᱹ) ᱠᱷᱚᱱ ᱢᱟᱹᱱ ᱮᱢ ᱟᱠᱟᱱᱟ ᱾

ᱴᱚᱴᱷᱟ ᱢᱤᱫ ᱧᱮᱱᱮᱞ

ᱡᱷᱟᱲᱜᱨᱟᱢ ᱦᱚᱱᱚᱛ ᱨᱮ ᱡᱷᱟᱲᱜᱨᱟᱢ ᱥᱟᱵᱽᱰᱤᱵᱤᱡᱚᱱ ᱫᱚ ᱢᱤᱫᱴᱟᱹᱝ ᱜᱮᱭᱟ, ᱡᱟᱦᱟᱸ ᱫᱚ ᱱᱚᱶᱟ ᱢᱟᱱᱪᱤᱛᱟᱹᱨ ᱨᱮ ᱧᱮᱞ ᱟᱠᱟᱱᱟ, ᱱᱚᱣᱟ ᱫᱚ ᱵᱩᱨᱩ, ᱴᱷᱟᱶ ᱟᱨ ᱜᱩᱲᱩᱵ ᱚᱛ ᱦᱟᱥᱟ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱦᱚᱱᱚᱛ ᱢᱟᱹᱱᱢᱤ ᱩᱛᱷᱱᱟᱹᱣ ᱨᱤᱯᱳᱨᱴ, ᱒᱐᱑᱑ ᱥᱟᱞ (ᱚᱱᱟ ᱚᱠᱛᱚ ᱫᱚ ᱱᱚᱣᱟ ᱯᱟᱪᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ) ᱨᱮ ᱱᱚᱣᱟ ᱨᱮᱱᱟᱜ ᱥᱟᱹᱠᱷᱭᱟᱹᱛ ᱱᱚᱝᱠᱟ ᱢᱮᱱᱟᱜᱼᱟ, "ᱯᱟᱪᱮ ᱥᱤᱢᱟᱹ ᱫᱚ ᱟᱹᱰᱤ ᱵᱷᱮᱜᱟᱨ ᱜᱮᱭᱟ, ᱪᱮᱫᱟᱜ ᱥᱮ ᱪᱷᱚᱴᱟᱱᱟᱜᱽᱯᱩᱨ ᱵᱩᱨᱩ ᱨᱮᱱᱟᱜ ᱞᱟᱛᱟᱨ ᱥᱤᱢᱟᱹ ᱫᱚ ᱚᱛ ᱦᱟᱥᱟ ᱨᱮ ᱯᱟᱥᱱᱟᱣ ᱟᱠᱟᱱᱟ, ᱵᱩᱨᱩ ᱫᱚ ᱵᱩᱨᱩ ᱨᱮᱱᱟᱜ ᱨᱩᱯ ᱮ ᱦᱟᱛᱟᱣ ᱮᱫᱟ, ᱟᱨ ᱢᱟᱨᱟᱝ ᱫᱟᱨᱮ ᱠᱚᱫᱚ ᱪᱮᱛᱟᱱ ᱨᱮ ᱢᱮᱱᱟᱜᱼᱟ ᱾" ᱢᱮᱱᱠᱷᱟᱱ, ᱦᱟᱥᱟ ᱫᱚ ᱞᱮᱴᱮᱨᱟᱭᱤᱴ ᱠᱟᱱᱟ, ᱢᱤᱫ ᱢᱟᱨᱟᱝ ᱴᱚᱴᱷᱟ ᱫᱚ ᱵᱟᱝ ᱩᱛᱟᱹᱨᱚᱜ ᱠᱟᱱᱟ, ᱯᱨᱟᱭ ᱵᱟᱝ ᱵᱟᱥᱟ ᱦᱚᱲ ᱢᱮᱱᱟᱜ ᱠᱚᱣᱟ, ᱵᱤᱥᱮᱥ ᱠᱷᱟᱥ ᱠᱟᱛᱮ ᱠᱚᱧᱮ-ᱯᱟᱪᱮ ᱨᱮ ᱡᱟᱦᱟᱸ ᱨᱮ ᱑᱐᱐᱐ ᱯᱷᱤᱴ ᱠᱷᱚᱱ ᱰᱷᱮᱨ ᱩᱥᱩᱞ ᱟᱭᱢᱟ ᱵᱩᱨᱩ ᱢᱮᱱᱟᱜᱼᱟ ᱾ ᱫᱤᱥᱚᱢ ᱨᱮᱱᱟᱜ ᱮᱴᱟᱜ ᱡᱟᱭᱜᱟ ᱫᱚ ᱢᱤᱫ ᱞᱮᱠᱟᱱ ᱚᱛ ᱠᱟᱱᱟ, ᱡᱟᱦᱟᱸ ᱫᱚ ᱥᱩᱢᱩᱝ ᱡᱤᱛᱤᱞ ᱫᱷᱩᱲᱤ ᱛᱮᱜᱮ ᱨᱟᱹᱯᱩᱫ ᱟᱠᱟᱱᱟ” ᱾^[᱒] ᱓.᱔᱘% ᱦᱚᱲ ᱮᱞ ᱥᱚᱦᱚᱨᱤ ᱴᱚᱴᱷᱟ ᱨᱮ ᱟᱨ ᱙᱖.᱕᱒% ᱫᱚ ᱵᱟᱡᱟᱨ ᱴᱚᱴᱷᱟ ᱨᱮ ᱠᱚ ᱛᱟᱦᱮᱸᱱᱟ ᱾ ᱜᱩᱴ ᱦᱚᱲ ᱮᱞ ᱨᱮᱱᱟᱜ ᱒᱐.᱑᱑% ᱫᱚ ᱥᱤᱰᱭᱩᱞ ᱡᱟᱹᱛᱤ ᱟᱨ ᱒᱙.᱓᱗% ᱫᱚ ᱟᱹᱫᱤᱵᱟᱹᱥᱤ ᱠᱟᱱᱟ ᱠᱚ ᱾^[᱓]

ᱦᱚᱲ ᱞᱮᱠᱷᱟ

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱨᱳᱦᱤᱱᱤ ᱨᱤᱱ ᱜᱩᱴ ᱦᱚᱲ ᱮᱞ ᱫᱚ ᱑,᱖᱙᱑ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱘᱗᱖ (᱕᱒%) ᱠᱚᱲᱟ ᱟᱨ ᱘᱑᱕ (᱔᱘%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱐ ᱠᱷᱚᱱ ᱖ ᱥᱮᱨᱢᱟ ᱩᱢᱮᱨ ᱨᱤᱱ ᱦᱚᱲ ᱮᱞ ᱫᱚ ᱑᱗᱔ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱨᱳᱦᱤᱱᱤ ᱨᱮ ᱥᱤᱠᱷᱱᱟᱹᱛ ᱟᱠᱟᱱ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱑,᱒᱗᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ (ᱡᱚᱛᱚ ᱦᱚᱲ ᱗᱕.᱒᱘% ᱫᱚ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮ ᱢᱮᱱᱟᱜ ᱠᱚᱣᱟ) ᱾^[᱔]

ᱱᱟᱜᱟᱨᱤᱭᱟᱹ ᱪᱟᱪᱞᱟᱣ

ᱥᱤᱰᱤ ᱵᱚᱱᱚᱛ ᱦᱮᱰᱠᱩᱣᱟᱴᱚᱨ

ᱥᱟᱸᱠᱨᱟᱭᱤᱞ ᱥᱤᱰᱤ ᱵᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱨᱳᱦᱤᱱᱤ ᱨᱮ ᱢᱮᱱᱟᱜᱼᱟ ᱾^[᱕]

ᱥᱮᱪᱮᱫ

ᱨᱳᱦᱤᱱᱤ ᱨᱮ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱥᱮᱪᱮᱫ ᱤᱱᱥᱴᱤᱴᱭᱩᱴ ᱠᱚ ᱢᱮᱱᱟᱜᱼᱟ:

ᱨᱳᱦᱤᱱᱤ ᱡᱩᱱᱤᱭᱚᱨ ᱵᱮᱥᱤᱠ ᱥᱠᱩᱞ
ᱨᱳᱦᱤᱱᱤ ᱥᱤ.ᱟᱨ.ᱰᱤ. ᱦᱟᱭ ᱥᱠᱩᱞ (ᱩᱱᱩᱥᱩᱞ ᱟᱥᱲᱟ)
ᱨᱳᱦᱤᱱᱤ ᱵᱷᱟᱞᱤᱠᱟ ᱥᱠᱩᱞ (ᱩᱱᱩᱥᱩᱞ ᱟᱥᱲᱟ)
ᱨᱳᱦᱤᱱᱤ ᱢᱚᱨᱱᱤᱝ ᱥᱴᱟᱨ ᱥᱠᱩᱞ

ᱟᱹᱨᱤᱪᱟᱹᱞᱤ

ᱨᱳᱦᱤᱱᱤ ᱫᱚ ᱵᱚᱭᱥᱱᱚᱵᱽ ᱫᱷᱚᱨᱚᱢ ᱨᱤᱱᱤᱡ ᱨᱚᱥᱤᱠᱟᱱᱚᱱᱫᱽ ᱢᱚᱦᱟᱯᱨᱚᱵᱷᱩᱣᱟᱜ ᱡᱟᱱᱟᱢ ᱫᱤᱥᱚᱢ ᱠᱟᱱᱟ ᱾

ᱨᱳᱦᱤᱱᱤ ᱫᱚ ᱟᱡᱟᱜ ᱟᱹᱨᱤᱪᱟᱹᱞᱤ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱟᱨ ᱥᱤᱧᱚᱛ ᱯᱷᱩᱨᱜᱟᱹᱞ ᱛᱟᱭᱚᱢ ᱨᱳᱦᱤᱱᱤ ᱜᱳᱨ (ᱨᱟᱡᱽ ᱵᱟᱲᱤ) ᱠᱷᱟᱹᱛᱤᱨ ᱥᱮᱪᱮᱫ ᱨᱮᱱᱟᱜ ᱛᱟᱞᱢᱟ ᱵᱮᱱᱟᱣ ᱮᱱᱟ ᱾ ᱨᱟᱢᱱᱟᱨᱟᱭᱚᱬ ᱯᱟᱴᱷᱟᱜᱟᱨ ᱞᱟᱭᱵᱨᱮᱨᱤ ᱫᱚ ᱟᱹᱰᱤ ᱜᱟᱱ ᱯᱚᱲᱦᱚᱱᱤᱭᱟᱹ ᱠᱚᱣᱟᱜ ᱜᱚᱲᱚ ᱥᱚᱦᱚᱫ ᱮ ᱮᱢ ᱟᱠᱟᱫᱟ ᱾ ᱨᱚᱬᱡᱤᱛᱯᱩᱨ ᱫᱚ ᱧᱩᱛᱩᱢᱟᱱ ᱥᱟᱶᱦᱮᱫ ᱵᱟᱸᱜᱽᱞᱟ ᱯᱩᱛᱷᱤ ᱚᱢᱟᱨ ᱥᱟᱨᱟᱝᱜᱤ ᱟᱜ ᱡᱟᱱᱟᱢ ᱴᱷᱟᱶ ᱠᱟᱱᱟ ᱾

ᱧᱮᱞᱡᱚᱝ ᱴᱷᱟᱶ ᱠᱚ

ᱨᱳᱦᱤᱱᱤ ᱨᱮ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱧᱮᱞᱡᱚᱝ ᱴᱷᱟᱶ ᱠᱚ ᱢᱮᱱᱟᱜᱼᱟ:

ᱥᱚᱵᱚᱨᱱᱟᱠᱷᱟ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ ᱨᱟᱢᱮᱥᱣᱚᱨ ᱢᱚᱱᱫᱤᱨ
ᱨᱚᱥᱤᱠᱟᱱᱚᱱᱫᱽ ᱢᱚᱦᱟᱯᱨᱚᱵᱷᱩᱣᱟᱜ ᱡᱟᱱᱟᱢ ᱴᱷᱟᱶ ᱟᱨ ᱢᱚᱱᱫᱤᱨ
ᱨᱳᱦᱤᱱᱤ ᱜᱳᱨ ᱡᱳᱢᱤᱫᱟᱨ ᱵᱟᱲᱤ (ᱨᱟᱡᱽ ᱵᱟᱲᱤ), ᱡᱳᱢᱤᱫᱟᱨ ᱪᱳᱣᱫᱷᱨᱤ ᱞᱚᱠᱷᱢᱤ ᱱᱟᱨᱟᱭᱚᱬ ᱥᱟᱨᱟᱝᱜᱤ ᱟᱜ ᱢᱚᱦᱚᱞ
ᱨᱟᱢᱱᱟᱨᱟᱭᱚᱬ ᱯᱟᱛᱷᱜᱚᱨ (ᱨᱚᱧᱡᱤᱛᱯᱩᱨ)
ᱥᱟᱸᱠᱨᱟᱭᱤᱞ ᱵᱚᱱᱚᱛ ᱫᱚ ᱥᱚᱵᱚᱨᱱᱟᱠᱷᱟ ᱜᱟᱰᱟ ᱫᱷᱟᱨᱮ ᱨᱮ ᱯᱤᱠᱱᱤᱠ ᱥᱯᱚᱴ (ᱠᱳᱰᱳᱯᱟᱞ) ᱠᱚ ᱵᱮᱱᱟᱣ ᱟᱠᱟᱫᱟ
ᱵᱷᱨᱚᱢᱚᱨᱜᱚᱲ - ᱢᱤᱫ ᱥᱮᱫᱟᱭ ᱫᱩᱞᱟᱹᱲ ᱠᱟᱛᱷᱟ ᱥᱟᱶ ᱡᱚᱲᱟᱣ ᱟᱠᱟᱱᱟ
ᱱᱤᱞ ᱠᱩᱴᱷᱤ - ᱢᱮᱱᱠᱷᱟᱱ ᱵᱷᱩᱞᱚᱠ ᱨᱮ
ᱨᱳᱦᱤᱱᱤ ᱥᱤᱵᱽ ᱟᱨ ᱥᱤᱛᱟᱞᱟ ᱢᱚᱱᱫᱤᱨ, ᱨᱟᱡᱽ ᱵᱟᱲᱤ ᱥᱩᱨ ᱨᱮ
ᱨᱟᱫᱷᱟᱠᱟᱱᱛ ᱢᱚᱱᱫᱤᱨ, ᱨᱟᱡᱽ ᱵᱟᱲᱤ ᱥᱩᱨ ᱨᱮ

ᱥᱟᱹᱠᱷᱭᱟᱹᱛ

↑ "Rohini". Glorious India. Retrieved 23 July 2016.
↑ "District Human Development Report Paschim Medinipur, 2011". pages 4-5. Department of Planning and Statistics, Government of West Bengal. Retrieved 10 September 2020.
↑ "District Statistical Handbook Paschim Medinipur, 2013". Table 2.2, 2.4 (a). Department of Planning and Statistics. Retrieved 10 September 2020.
↑ "2011 Census – Primary Census Abstract Data Tables". West Bengal – District-wise. Registrar General and Census Commissioner, India. Retrieved 20 November 2016.
↑ "District Census Handbook: Paschim Medinipur" (PDF). Map of Paschim Medinipur with CD Block HQs and Police Stations (on the fifth page). Directorate of Census Operations, West Bengal, 2011. Retrieved 20 November 2016.

ᱵᱟᱦᱨᱮ ᱡᱚᱱᱚᱲ

http://www.midnapore.in

[1] "Rohini". Glorious India. Retrieved 23 July 2016.

[2] "District Human Development Report Paschim Medinipur, 2011". pages 4-5. Department of Planning and Statistics, Government of West Bengal. Retrieved 10 September 2020.

[3] "District Statistical Handbook Paschim Medinipur, 2013". Table 2.2, 2.4 (a). Department of Planning and Statistics. Retrieved 10 September 2020.

[census3-2011-4] "2011 Census – Primary Census Abstract Data Tables". West Bengal – District-wise. Registrar General and Census Commissioner, India. Retrieved 20 November 2016.

[5] "District Census Handbook: Paschim Medinipur" (PDF). Map of Paschim Medinipur with CD Block HQs and Police Stations (on the fifth page). Directorate of Census Operations, West Bengal, 2011. Retrieved 20 November 2016.

[᱑]

[᱒]

[᱓]

[᱔]

[᱕]