ᱨᱳᱦᱤᱱᱤ (ᱮᱠᱴᱨᱮᱥ)
ᱨᱳᱦᱤᱱᱤ ᱢᱳᱞᱮᱴᱤ, ᱡᱟᱦᱟᱸᱭ ᱫᱚ ᱨᱳᱦᱤᱱᱤ ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱᱟ, ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ, ᱥᱠᱨᱤᱱᱨᱟᱭᱴᱟᱨ, ᱰᱟᱵᱤᱝ ᱟᱨᱴᱤᱥᱴ ᱟᱨ ᱥᱮᱨᱮᱧ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱢᱟᱞᱟᱭᱟᱞᱟᱢ, ᱛᱟᱢᱤᱞ ᱟᱨ ᱛᱮᱞᱩᱜᱩ ᱯᱷᱤᱞᱢ ᱥᱟᱶ ᱠᱤᱪᱷᱩ ᱠᱟᱱᱱᱟᱰᱟ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟᱭ᱾ ᱢᱚᱬᱮ ᱥᱮᱨᱢᱟ ᱩᱢᱮᱨ ᱨᱮ ᱟᱡᱟᱜ ᱮᱠᱴᱤᱝ ᱠᱟᱹᱢᱤ ᱮᱛᱚᱦᱚᱵ ᱠᱟᱛᱮ, ᱟᱡᱟᱜ ᱟᱹᱰᱤ ᱜᱟᱱ ᱯᱷᱤᱞᱢ ᱨᱮ ᱠᱨᱮᱰᱤᱴ ᱢᱮᱱᱟᱜᱼᱟ᱾ ᱩᱱᱤ ᱑᱙᱙᱕ ᱥᱟᱞ ᱨᱮᱭᱟᱜ ᱯᱷᱤᱞᱢ ᱥᱴᱨᱤ ᱨᱮ ᱨᱟᱸᱜᱤ ᱞᱮᱠᱟᱛᱮ ᱯᱟᱨᱯᱷᱚᱨᱢ ᱞᱟᱹᱜᱤᱫ ᱱᱮᱥᱱᱟᱞ ᱯᱷᱤᱞᱢ ᱟᱣᱟᱨᱰ - ᱥᱯᱮᱥᱤᱭᱟᱞ ᱢᱮᱱᱥᱚᱱ ᱟᱨ ᱟᱱᱫᱷᱨᱟ ᱯᱨᱚᱫᱮᱥ ᱥᱴᱮᱴ ᱱᱟᱱᱫᱤ ᱥᱯᱮᱥᱤᱭᱟᱞ ᱡᱩᱨᱤ ᱟᱣᱟᱨᱰ ᱮ ᱧᱟᱢ ᱟᱠᱟᱫᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱱᱫᱷᱨᱟ ᱯᱨᱚᱫᱮᱥ ᱨᱮᱭᱟᱜ ᱟᱱᱟᱠᱟᱯᱟᱞᱞᱤ ᱨᱮᱱ ᱛᱟᱦᱮᱱ ᱠᱟᱱ ᱨᱳᱦᱤᱱᱤ ᱟᱡᱟᱜ ᱜᱤᱫᱽᱨᱟᱹ ᱚᱠᱛᱚ ᱛᱟᱢᱤᱞᱱᱟᱰᱩ ᱨᱮᱭᱟᱜ ᱪᱮᱱᱱᱟᱭ ᱨᱮ ᱠᱷᱚᱸᱰᱟᱣ ᱠᱮᱫᱟ᱾ ᱟᱡᱤᱡ ᱵᱟᱵᱟ, ᱟᱯᱯᱟ ᱨᱟᱣ ᱱᱟᱭᱰᱩ, ᱢᱤᱫ ᱯᱟᱱᱪᱟᱭᱚᱛ ᱚᱯᱷᱤᱥᱚᱨ ᱮ ᱛᱟᱦᱮᱸ ᱠᱟᱱᱟ ᱟᱨ ᱟᱡᱤᱡ ᱮᱸᱜᱟᱛ, ᱨᱟᱫᱷᱟ, ᱢᱤᱫ ᱚᱲᱟᱜ ᱦᱚᱲ ᱮ ᱛᱟᱦᱮᱸ ᱠᱟᱱᱟ᱾ ᱟᱡᱤᱡ ᱵᱟᱵᱟ ᱡᱚᱛᱚ ᱵᱮᱲᱟ ᱮᱠᱴᱚᱨ ᱵᱮᱱᱟᱣ ᱥᱟᱱᱟᱭᱮ ᱛᱟᱦᱮᱸᱫ, ᱩᱱᱤ ᱮᱠᱴᱚᱨ ᱦᱩᱭ ᱫᱟᱲᱮᱭᱟᱜ ᱨᱮᱭᱟᱜ ᱠᱷᱟᱹᱛᱤᱨ ᱛᱮ ᱵᱟᱭ ᱛᱟᱦᱮᱸ ᱠᱟᱱᱟ; ᱩᱱᱤ ᱨᱳᱦᱤᱱᱤ ᱮᱠᱴᱨᱮᱥ ᱵᱮᱱᱟᱣ ᱞᱟᱹᱜᱤᱫ ᱮ ᱩᱫᱜᱟᱹᱣ ᱞᱮᱫᱮᱭᱟ᱾
ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱳᱦᱤᱱᱤ ᱑᱙᱙᱖ ᱥᱟᱞ ᱨᱮ ᱮᱠᱴᱚᱨ ᱨᱟᱜᱷᱩᱵᱟᱨᱟᱱ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱢᱮᱱᱠᱷᱟᱱ ᱒᱐᱐᱔ ᱥᱟᱞ ᱨᱮ ᱠᱤᱱ ᱵᱟᱯᱟᱜ ᱮᱱᱟ᱾ ᱩᱱᱠᱤᱱ ᱨᱮᱱ ᱢᱤᱫ ᱠᱚᱲᱟ ᱢᱮᱱᱟᱭᱟ᱾
ᱠᱟᱹᱢᱤ ᱩᱱᱤ ᱑᱙᱗᱔ ᱥᱟᱞ ᱨᱮ ᱢᱤᱫ ᱜᱤᱫᱽᱨᱟᱹ ᱮᱠᱴᱨᱮᱥ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱮ ᱮᱛᱚᱦᱚᱵ ᱞᱮᱫᱟ᱾ ᱩᱱᱤ ᱯᱩᱭᱞᱩ ᱑᱙᱗᱕ ᱥᱟᱞ ᱨᱮ ᱭᱟᱥᱳᱫᱟ ᱠᱨᱤᱥᱱᱟ (᱑᱙᱗᱕) ᱨᱮ ᱢᱤᱫ ᱢᱮᱫ ᱯᱟᱥᱱᱟᱣ ᱢᱚᱬᱮ ᱥᱮᱨᱢᱟ ᱩᱢᱮᱨ ᱨᱮ ᱧᱮᱞ ᱞᱮᱱᱟ, ᱱᱚᱣᱟ ᱫᱚ ᱛᱮᱞᱩᱜᱩ ᱯᱷᱤᱞᱢ ᱠᱟᱱᱟ᱾ ᱩᱱᱤ ᱛᱮᱞᱩᱜᱩ ᱟᱨ ᱛᱟᱢᱤᱞ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮ ᱢᱤᱫ ᱧᱩᱛᱩᱢᱟᱱ ᱰᱟᱵᱤᱝ ᱟᱨᱴᱤᱥᱴ ᱦᱚᱸ ᱠᱟᱱᱟᱭ᱾ ᱩᱱᱤ ᱢᱟᱱᱤ ᱨᱟᱛᱱᱟᱢ ᱟᱜ ᱯᱩᱱᱭᱟ ᱯᱷᱤᱞᱢ ᱨᱮ ᱛᱩᱨᱩᱭ ᱜᱚᱴᱟᱝ ᱠᱮᱨᱮᱠᱴᱟᱨ ᱨᱮ ᱟᱡᱟᱜ ᱟᱲᱟᱝ ᱮ ᱮᱢ ᱟᱠᱟᱫᱟ᱾ ᱩᱱᱤ ᱡᱭᱳᱛᱷᱤᱠᱟ (ᱵᱷᱮᱴᱴᱟᱭᱟᱟᱰᱩ ᱵᱷᱤᱞᱟᱭᱟᱟᱰᱩ), ᱟᱭᱥᱣᱟᱨᱭᱟ ᱨᱟᱭ (ᱤᱨᱩᱵᱟᱨ ᱟᱨ ᱨᱟᱟᱵᱷᱟᱱᱟᱱ), ᱢᱚᱱᱤᱥᱟ ᱠᱳᱭᱨᱟᱞᱟ (ᱵᱚᱢᱵᱮ) ᱟᱨ ᱟᱢᱟᱞᱟ (ᱥᱤᱵᱷᱟ) ᱞᱮᱠᱟᱱ ᱮᱠᱴᱨᱮᱥ ᱞᱟᱹᱜᱤᱫ ᱟᱡᱟᱜ ᱟᱲᱟᱝ ᱮ ᱮᱢ ᱟᱠᱟᱫᱟ᱾ ᱩᱱᱤ ᱑᱙᱘᱙ ᱥᱟᱞ ᱨᱮ ᱜᱤᱨᱤᱡᱟ ᱥᱮᱴᱴᱟᱨ ᱞᱟᱹᱜᱤᱫ ᱜᱤᱛᱟᱸᱡᱽᱞᱤ ᱨᱮ ᱦᱚᱸ ᱰᱟᱵᱽ ᱠᱮᱫᱟ᱾
ᱩᱱᱤ ᱛᱟᱢᱤᱞ ᱯᱷᱤᱞᱢ ᱯᱟᱪᱟᱭᱠᱤᱞᱤ ᱢᱩᱛᱷᱩᱪᱟᱨᱟᱢ ᱞᱟᱹᱜᱤᱫ ᱥᱮᱨᱮᱧ ᱮ ᱚᱞ ᱠᱮᱫᱟ, ᱟᱨ ᱟᱭᱢᱟ ᱥᱮᱨᱢᱟ ᱛᱟᱭᱚᱢ ᱢᱟᱞᱟᱭᱤ ᱯᱳᱡᱩᱫᱷᱤᱱ ᱢᱟᱭᱟᱠᱟᱛᱤᱞᱮᱭ ᱨᱮ ᱡᱚᱛᱚ ᱥᱮᱨᱮᱧ ᱚᱞ ᱠᱟᱛᱮ ᱮᱴᱟᱜ ᱦᱟᱭᱮᱴᱟᱥ ᱮ ᱢᱩᱪᱟᱹᱫ ᱠᱮᱫᱟ᱾
ᱩᱱᱤ ᱛᱟᱢᱤᱞ ᱴᱤᱵᱷᱤ ᱥᱤᱨᱤᱭᱟᱞ ᱞᱟᱹᱜᱤᱫ ᱮᱯᱤᱥᱳᱰ ᱮ ᱚᱞᱟ᱾ ᱩᱱᱤ ᱑᱙᱙᱖ ᱥᱟᱞ ᱨᱮ ᱴᱤᱵᱷᱤ ᱥᱤᱨᱤᱡ ᱞᱟᱹᱜᱤᱫ ᱥᱠᱨᱤᱯᱴ ᱚᱞ ᱮ ᱮᱛᱚᱦᱚᱵ ᱠᱮᱫᱟ, ᱟᱨ ᱒᱐᱐᱕ ᱥᱟᱞ ᱨᱮ ᱴᱮᱞᱤ ᱯᱷᱤᱞᱢ ᱞᱟᱹᱜᱤᱫ ᱥᱟᱦᱤᱛᱭᱟ ᱮᱠᱟᱰᱮᱢᱤ ᱟᱣᱟᱨᱰ ᱡᱤᱛᱠᱟᱹᱨ ᱟᱠᱟᱫ ᱱᱟᱵᱷᱟᱞ ᱵᱷᱮᱨᱩᱠᱠᱩ ᱱᱤᱨ ᱮ ᱟᱰᱟᱯᱴ ᱠᱮᱫᱟ᱾ ᱩᱱᱤ ᱵᱤᱡᱚᱭ ᱴᱤᱵᱷᱤ ᱞᱟᱹᱜᱤᱫ ᱞᱟᱭᱤᱵᱷ ᱴᱤᱵᱷᱤ ᱴᱟᱠ ᱥᱳ ᱠᱮᱞᱵᱷᱤᱜᱟᱞ ᱟᱟᱭᱤᱨᱟᱢ ᱦᱳᱥᱴ ᱠᱮᱫᱟ, ᱡᱟᱦᱟᱸ ᱫᱚ ᱩᱱᱤ ᱢᱮᱱ ᱞᱮᱫᱟ "ᱤᱧᱟᱜ ᱫᱤᱞ ᱠᱷᱚᱱ ᱵᱟᱹᱲᱛᱤ ᱡᱩᱨᱤ ᱟᱠᱟᱱ ᱤᱥᱩ ᱥᱟᱶ ᱡᱩᱲᱟᱹᱭ ᱠᱟᱱᱟ᱾ ᱩᱱᱤ ᱠᱟᱞᱟᱭᱜᱽᱱᱟᱨ ᱴᱤᱵᱷᱤ ᱨᱮ ᱛᱟᱢᱤᱞ ᱯᱨᱳᱜᱽᱨᱟᱢ ᱟᱡᱷᱟᱜᱤᱭᱟ ᱛᱟᱢᱤᱡᱽ ᱢᱟᱜᱟᱞ ᱮ ᱥᱟᱢᱟᱝ ᱠᱮᱫᱟ ᱟᱨ ᱩᱱᱤ ᱨᱟᱡᱽ ᱴᱤᱵᱷᱤ ᱨᱮᱭᱟᱜ ᱥᱳ ᱨᱳᱦᱤᱱᱤᱥ ᱵᱳᱠᱥ ᱚᱯᱷᱤᱥ ᱨᱮᱱ ᱮᱸᱠᱟᱨ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ ᱡᱟᱦᱟᱸ ᱨᱮ ᱩᱱᱤ ᱞᱮᱴᱮᱥᱴ ᱨᱤᱞᱤᱡ ᱮ ᱨᱤᱵᱷᱤᱭᱩ ᱠᱮᱫᱟ᱾
ᱮᱭᱤᱰᱥ ᱥᱳᱪᱮᱛᱟᱱ ᱞᱟᱹᱜᱤᱫ ᱢᱤᱫ ᱮᱠᱴᱤᱵᱷᱤᱥᱴ ᱦᱩᱭ ᱠᱟᱛᱮ, ᱨᱳᱦᱤᱱᱤ ᱮᱢᱹᱡᱤᱹᱟᱨᱹ ᱢᱮᱰᱤᱠᱟᱞ ᱭᱩᱱᱤᱵᱷᱟᱨᱥᱤᱴᱤ ᱟᱨ ᱛᱟᱢᱤᱞᱱᱟᱰᱩ ᱮᱭᱤᱰᱥ ᱠᱚᱱᱴᱨᱳᱞ ᱥᱳᱥᱟᱭᱤᱴᱤ ᱞᱟᱹᱜᱤᱫ ᱥᱳᱨᱴ ᱯᱷᱤᱞᱢ ᱦᱚᱸᱭ ᱰᱤᱨᱮᱠᱴ ᱠᱮᱫᱟ᱾ ᱒᱐᱐᱘ ᱥᱟᱞ ᱨᱮ, ᱨᱳᱦᱤᱱᱤ ᱕᱐ ᱢᱤᱱᱤᱴ ᱨᱮᱭᱟᱜ ᱰᱳᱠᱭᱩᱢᱮᱱᱴᱟᱨᱤ ᱥᱟᱭᱞᱮᱱᱴ ᱦᱭᱩᱡᱽ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮᱭᱟᱜ ᱪᱟᱭᱤᱞᱰ ᱮᱠᱴᱨᱮᱥ ᱵᱟᱵᱚᱛ ᱨᱮ ᱰᱤᱨᱮᱠᱴ ᱠᱮᱫᱟ, ᱩᱱᱤ ᱟᱡ ᱛᱮ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ᱾ ᱒᱐᱑᱓ ᱥᱟᱞ ᱨᱮ, ᱩᱱᱤ ᱢᱤᱫ ᱯᱷᱤᱪᱟᱨ ᱯᱷᱤᱞᱢ ᱟᱯᱯᱟᱵᱷᱤᱱ ᱢᱤᱥᱟᱭᱤ ᱰᱤᱨᱮᱠᱴ ᱠᱮᱫᱟ ᱡᱟᱦᱟᱸ ᱱᱤᱛ ᱦᱟᱹᱵᱤᱡ ᱨᱤᱞᱤᱡᱽ ᱵᱟᱝ ᱦᱩᱭ ᱟᱠᱟᱱᱟ᱾