ᱩᱛᱛᱚᱨᱟᱠᱷᱚᱸᱰ ᱢᱟᱦᱟᱸ
| ᱩᱛᱛᱚᱨᱟᱠᱷᱚᱸᱰ ᱢᱟᱦᱟᱸ | |
|---|---|
| ᱚᱯᱷᱤᱥᱤᱭᱟᱞ ᱧᱩᱛᱩᱢ | ᱩᱛᱛᱚᱨᱟᱠᱷᱚᱸᱰ ᱢᱟᱦᱟᱸ |
| ᱮᱴᱟᱜ ᱧᱩᱛᱩᱢ | ᱩᱛᱛᱚᱨᱟᱠᱷᱚᱸᱰ ᱥᱛᱷᱟᱯᱚᱱᱟ ᱫᱤᱣᱟᱥ |
| ᱢᱟᱱᱟᱣᱠᱩ | ᱩᱛᱛᱚᱨᱟᱠᱷᱚᱸᱰ |
| ᱞᱮᱠᱟᱱ | ᱯᱚᱱᱚᱛ ᱛᱷᱟᱯᱚᱱ ᱢᱟᱦᱟᱸ |
| ᱢᱳᱦᱚᱴᱣᱚ | ᱩᱛᱛᱚᱨᱟᱠᱷᱚᱸᱰ ᱞᱟᱲᱟᱣᱱᱟ ᱨᱮᱱᱟᱜ ᱡᱤᱛᱠᱟᱹᱨ ᱢᱟᱱᱟᱣ |
| ᱢᱟᱹᱦᱤᱛ | ᱙ ᱱᱚᱵᱷᱮᱢᱵᱚᱨ ᱒᱐᱐᱐ |
ᱩᱛᱛᱚᱨᱟᱠᱷᱚᱸᱰ ᱢᱟᱦᱟᱸ, ᱡᱟᱦᱟᱸ ᱫᱚ ᱩᱛᱛᱚᱨᱟᱠᱷᱚᱸᱰ ᱫᱤᱣᱟᱥ ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱟ, ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱛᱷᱟᱯᱚᱱ ᱢᱟᱦᱟᱸ ᱞᱮᱠᱟᱛᱮ ᱢᱟᱱᱟᱣ ᱵᱟᱛᱟᱣᱜ ᱠᱟᱱᱟ ᱾ ᱱᱚᱶᱟ ᱫᱚ ᱡᱟᱣ ᱥᱮᱨᱢᱟ ᱙ ᱱᱚᱵᱷᱮᱢᱵᱚᱨ (᱒᱐᱐᱐ ᱠᱷᱚᱱ ᱮᱛᱚᱦᱚᱵ) ᱦᱤᱞᱚᱜ ᱠᱚ ᱢᱟᱱᱟᱣᱟ ᱾[᱑][᱒]
ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱜᱟᱞᱢᱟᱨᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛ ᱫᱤᱥᱚᱢ ᱯᱷᱩᱨᱜᱟᱹᱞ ᱮᱱ ᱛᱟᱭᱚᱢ, ᱚᱱᱟ ᱚᱠᱛᱚ ᱨᱮᱱᱟᱜ ᱡᱩᱢᱤᱫᱽ ᱯᱨᱚᱫᱮᱥ ᱨᱮᱱᱟᱜ ᱦᱤᱢᱟᱞᱟᱭᱟᱱ ᱦᱚᱱᱚᱛ ᱠᱚ ᱫᱚ ᱴᱚᱴᱷᱟ ᱥᱟᱶᱦᱮᱫ ᱨᱮ ᱢᱤᱫ ᱥᱮᱬᱟ ᱴᱷᱟᱶ ᱠᱚ ᱦᱟᱛᱟᱣ ᱮᱛᱚᱦᱚᱵ ᱠᱮᱫᱟ ᱾ ᱑᱙᱔᱙ ᱥᱟᱞᱮ ᱨᱮ, ᱴᱤᱦᱨᱤ ᱜᱚᱰᱣᱟᱞ ᱯᱚᱱᱚᱛ ᱫᱚ ᱥᱤᱧᱚᱛ ᱭᱩᱱᱤᱭᱚᱱ ᱨᱮ ᱥᱮᱞᱮᱫ ᱞᱮᱱᱟ ᱾ ᱑᱙᱕᱐ ᱥᱟᱞᱮ ᱨᱮ ᱥᱤᱧᱚᱛ ᱨᱮᱱᱟᱜ ᱥᱚᱢᱵᱤᱫᱷᱟᱱ ᱦᱟᱛᱟᱣ ᱠᱟᱛᱮ, ᱱᱚᱣᱟ ᱯᱨᱚᱫᱮᱥ ᱨᱮᱱᱟᱜ ᱧᱩᱛᱩᱢ ᱩᱛᱛᱚᱨ ᱯᱨᱚᱫᱮᱥ ᱠᱚ ᱫᱚᱦᱚ ᱠᱮᱫᱼᱟ ᱟᱨ ᱱᱚᱣᱟ ᱥᱤᱧᱚᱛ ᱨᱮᱱᱟᱜ ᱢᱤᱫ ᱯᱚᱱᱚᱛ ᱵᱮᱱᱟᱣ ᱮᱱᱟ ᱾ ᱯᱷᱩᱨᱜᱟᱹᱞ ᱨᱮᱱᱟᱜ ᱑᱐ ᱥᱮᱨᱢᱟ ᱛᱟᱭᱚᱢ ᱦᱚᱸ, ᱩᱛᱛᱚᱨ ᱯᱨᱚᱫᱮᱥ ᱥᱚᱨᱠᱟᱨ ᱫᱚ ᱦᱤᱢᱟᱞᱟᱭᱟᱱ ᱴᱚᱴᱷᱟ ᱨᱤᱱ ᱦᱚᱲ ᱠᱚᱣᱟᱜ ᱦᱩᱫᱤᱥ ᱥᱟᱢᱵᱷᱟᱣ ᱨᱮᱱᱟᱜ ᱟᱥᱟ ᱵᱟᱭ ᱯᱩᱨᱟᱹᱣ ᱞᱮᱫᱟ ᱾ ᱵᱮᱠᱟᱹᱢᱤᱭᱟ, ᱨᱮᱸᱜᱮᱡ, ᱡᱚᱛᱷᱟᱛ ᱵᱟᱵᱚᱛ ᱨᱮᱱᱟᱜ ᱟᱱᱟᱴ, ᱥᱟᱫᱷᱟᱨᱚᱱ ᱵᱟᱝ ᱩᱛᱱᱟᱹᱣ, ᱟᱨ ᱵᱷᱟᱹᱜᱤ ᱥᱩᱡᱚᱜ ᱞᱟᱹᱜᱤᱫ ᱵᱩᱨᱩ ᱠᱷᱚᱱ ᱢᱩᱬ ᱛᱟᱦᱮᱸᱱ (ᱯᱟᱦᱟᱨᱤ ᱨᱚᱲ) ᱦᱚᱲ ᱠᱚ ᱩᱪᱟᱹᱲ ᱠᱟᱛᱮ ᱢᱩᱪᱟᱹᱫ ᱨᱮ ᱢᱤᱫ ᱡᱩᱫᱟᱹ ᱵᱩᱨᱩ ᱯᱚᱱᱚᱛ ᱵᱮᱱᱟᱣ ᱞᱟᱹᱜᱤᱫ ᱡᱟᱹᱥᱛᱤ ᱫᱟᱹᱵᱤ ᱞᱮᱱᱟ ᱾
ᱯᱚᱱᱚᱛ ᱨᱮᱱᱟᱜ ᱢᱟᱹᱱ ᱮ ᱧᱟᱢ ᱞᱟᱹᱜᱤᱫ ᱛᱮ ᱩᱛᱛᱚᱨᱟᱠᱷᱚᱸᱰ ᱠᱨᱟᱱᱴᱤ ᱫᱚᱞ ᱵᱮᱱᱟᱣ ᱮᱱ ᱛᱟᱭᱚᱢ, ᱵᱤᱨᱩᱫᱷ ᱫᱚ ᱜᱟᱹᱦᱤᱨ ᱞᱮᱱᱟ ᱟᱨ ᱙᱐ ᱥᱮᱨᱢᱟ ᱨᱮ ᱜᱚᱴᱟ ᱴᱚᱴᱷᱟ ᱨᱮ ᱯᱟᱥᱱᱟᱣ ᱟᱠᱟᱱ ᱯᱚᱱᱚᱛ ᱞᱟᱹᱲᱦᱟᱹᱭ ᱨᱮ ᱵᱟᱹᱲᱛᱤ ᱞᱮᱱᱟ ᱾ ᱒ ᱚᱠᱴᱚᱵᱚᱨ ᱑᱙᱙᱔ ᱨᱮ ᱱᱚᱶᱟ ᱞᱟᱲᱟᱣᱱᱟ ᱫᱚ ᱦᱤᱸᱥᱟᱠ ᱞᱮᱠᱟᱛᱮ ᱦᱟᱛᱟᱣ ᱠᱮᱫᱼᱟ, ᱡᱚᱠᱷᱚᱱ ᱩᱛᱛᱚᱨ ᱯᱨᱚᱫᱮᱥ ᱯᱩᱞᱤᱥ ᱫᱚ ᱢᱩᱡᱟᱯᱷᱚᱨᱱᱚᱜᱚᱨ ᱨᱮ ᱟᱹᱰᱤ ᱜᱟᱱ ᱛᱤᱝᱜᱩ ᱫᱟᱨᱟᱢ ᱦᱚᱲ ᱠᱚᱣᱟᱜ ᱵᱷᱤᱲ ᱨᱮ ᱜᱩᱞᱤ ᱠᱚ ᱪᱟᱞᱟᱣ ᱠᱮᱫᱼᱟ, ᱡᱟᱦᱟᱸ ᱨᱮ ᱟᱭᱢᱟ ᱦᱚᱲ ᱠᱚ ᱜᱚᱡ ᱮᱱᱟ ᱾
ᱯᱚᱱᱚᱛ ᱵᱟᱱᱟᱣ ᱞᱟᱹᱜᱤᱫ ᱞᱟᱲᱟᱣᱱᱟ ᱠᱚ ᱫᱚ ᱟᱭᱢᱟ ᱥᱮᱨᱢᱟ ᱫᱷᱟᱹᱨᱤᱡ ᱟᱠᱚᱣᱟᱜ ᱞᱟᱲᱟᱣᱱᱟ ᱠᱚ ᱡᱟᱹᱨᱤ ᱫᱚᱦᱚ ᱠᱮᱫᱟ ᱟᱨ ᱚᱱᱟ ᱨᱮᱱᱟᱜ ᱚᱨᱡᱚ ᱞᱮᱠᱟᱛᱮ ᱙ ᱱᱚᱵᱷᱮᱢᱵᱚᱨ ᱒᱐᱐᱐ ᱨᱮ ᱩᱛᱛᱚᱨ ᱯᱨᱚᱫᱮᱥ ᱫᱚᱦᱲᱟ ᱵᱮᱱᱟᱣ ᱨᱩᱣᱟᱹᱲ ᱟᱠᱴ, ᱒᱐᱐᱐ ᱦᱚᱛᱮᱛᱮ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱵᱷᱮᱜᱟᱨ ᱠᱟᱛᱮ ᱩᱛᱛᱚᱨᱟᱠᱷᱚᱸᱰ ᱯᱚᱱᱚᱛ ᱫᱚ ᱩᱛᱛᱚᱨᱟᱪᱚᱞ ᱯᱚᱱᱚᱛ ᱞᱮᱠᱟᱛᱮ ᱵᱮᱱᱟᱣ ᱮᱱᱟ ᱾ ᱑ ᱡᱟᱱᱩᱣᱟᱨᱤ ᱒᱐᱐᱗ ᱥᱮᱨᱢᱟ ᱨᱮ ᱩᱛᱛᱚᱨᱟᱪᱚᱞ ᱨᱮᱱᱟᱜ ᱧᱩᱛᱩᱢ ᱩᱛᱛᱚᱨᱟᱠᱷᱚᱸᱰ ᱧᱩᱛᱩᱢ ᱛᱮ ᱩᱪᱷᱟᱹᱱ ᱞᱮᱱᱟ ᱾[᱓]
ᱢᱟᱱᱟᱣ ᱟᱨ ᱢᱟᱱᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱒᱔ ᱩᱛᱛᱚᱨᱟᱠᱷᱚᱸᱰ ᱢᱟᱦᱟᱸ ᱢᱟᱱᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱛᱛᱚᱨᱟᱠᱷᱚᱸᱰ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱦᱚᱨᱤᱥ ᱨᱟᱵᱚᱛ ᱫᱚ ᱯᱚᱱᱚᱛ ᱨᱮᱱᱟᱜ ᱑᱖ ᱟᱱᱟᱜ ᱥᱮᱨᱢᱟ ᱯᱩᱨᱟᱹᱣ ᱢᱟᱦᱟᱸ ᱨᱮ ᱩᱛᱛᱚᱨᱟᱠᱷᱚᱸᱰ ᱨᱚᱛᱱᱚ ᱥᱤᱨᱯᱷᱟᱹᱭ ᱮᱦᱚᱵ ᱠᱮᱫᱼᱟ ᱾[᱔]
᱒᱐᱑᱗ ᱵᱤᱡᱚᱱ ᱩᱛᱛᱚᱨᱟᱠᱷᱚᱸᱰ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱛᱛᱚᱨᱟᱠᱷᱚᱸᱰ ᱥᱚᱨᱠᱟᱨ ᱫᱚ ᱑᱗ ᱟᱱᱟᱜ ᱥᱮᱨᱢᱟᱠᱤᱭᱟᱹ ᱯᱚᱱᱚᱛ ᱛᱷᱟᱯᱚᱱ ᱢᱟᱦᱟᱸ ᱨᱮ ᱡᱟᱹᱛᱤᱭᱟᱹᱨᱤ ᱨᱩᱠᱷᱤᱭᱟᱹ ᱥᱚᱞᱦᱟᱭᱤᱡ ᱚᱡᱤᱛ ᱰᱳᱵᱷᱟᱞ, ᱛᱷᱟᱞ ᱥᱮᱱᱟ ᱢᱚᱱᱛᱨᱤ ᱡᱮᱱᱨᱟᱞ ᱵᱤᱯᱤᱱ ᱨᱟᱵᱚᱛ, ᱨᱤᱥᱟᱨᱪ ᱮᱱᱚᱞᱟᱭᱤᱡᱽ ᱣᱤᱝ ᱨᱤᱱᱤᱡ ᱥᱮᱠᱨᱮᱴᱟᱨᱤ ᱟᱱᱤᱞ ᱫᱟᱥᱢᱟᱱᱟ, ᱢᱤᱞᱤᱴᱨᱤ ᱚᱯᱨᱮᱥᱚᱱ ᱡᱮᱱᱨᱟᱞ ᱰᱟᱭᱨᱮᱠᱴᱚᱨ ᱞᱮᱯᱷᱴᱮᱱᱮᱱᱴ ᱡᱮᱱᱨᱟᱞ ᱟᱱᱤᱞ ᱠᱩᱢᱟᱨ ᱵᱷᱚᱴ, ᱤᱱᱰᱤᱭᱟᱱ ᱠᱳᱥᱴ ᱜᱟᱨᱰ ᱨᱤᱱᱤᱡ ᱰᱟᱭᱨᱮᱠᱴᱚᱨ ᱡᱮᱱᱨᱟᱞ ᱨᱟᱡᱮᱱᱫᱨᱚ ᱥᱤᱝ ᱟᱨ ᱩᱛᱛᱚᱨᱟᱠᱷᱚᱸᱰ ᱨᱤᱱᱤᱡ ᱮᱴᱟᱜ ᱢᱩᱬ ᱥᱩᱠᱨᱤᱴᱤ ᱠᱟᱹᱢᱤᱭᱟᱹ ᱠᱚ ᱕ ᱱᱚᱵᱷᱮᱢᱵᱚᱨ ᱨᱮ ᱢᱤᱫ ᱥᱮᱢᱤᱱᱟᱨ ᱨᱮᱭ ᱥᱮᱞᱮᱫ ᱞᱮᱫᱟ, ᱡᱟᱦᱟᱸ ᱨᱮ ᱩᱛᱛᱚᱨᱟᱠᱷᱚᱸᱰ ᱯᱚᱱᱚᱛ ᱵᱮᱱᱟᱣ ᱟᱠᱟᱱ ᱠᱟᱹᱢᱤ ᱠᱚ ᱪᱮᱛᱟᱱ ᱨᱮ ᱜᱟᱯᱟᱞᱢᱟᱨᱟᱣ ᱟᱨ ᱯᱚᱱᱚᱛ ᱨᱮᱱᱟᱜ ᱞᱟᱦᱟ ᱟᱨ ᱩᱛᱱᱟᱹᱣ ᱞᱟᱹᱜᱤᱫ ᱨᱚᱰᱢᱮᱯ ᱟᱨ ᱫᱷᱟᱯ ᱠᱚ ᱪᱟᱨᱪᱟ ᱠᱮᱫᱟ ᱾[᱕]
ᱥᱤᱨᱟᱹ ᱢᱚᱱᱛᱨᱤ ᱛᱨᱤᱵᱮᱱᱫᱨᱚ ᱥᱤᱝ ᱨᱟᱣᱚᱛ ᱫᱚ ᱟᱡᱟᱜ ᱥᱚᱨᱠᱟᱨ ᱨᱮᱱᱟᱜ ᱵᱷᱤᱥᱚᱱ ᱰᱚᱠᱩᱢᱮᱱᱴ ᱥᱚᱝᱠᱚᱞᱯ ᱥᱤ ᱥᱤᱫᱷᱤ, 'ᱜᱩᱰ ᱜᱚᱵᱷᱚᱨᱱᱮᱥ ᱟᱨ ᱡᱮᱨᱳ ᱴᱚᱞᱟᱨᱮᱱᱥ ᱚᱵᱽ ᱠᱚᱨᱯᱩᱥᱚᱱ' ᱨᱮᱱᱟᱜ ᱛᱷᱮᱢᱟ ᱨᱮ ᱢᱤᱫ ᱯᱚᱛᱚᱵ ᱮ ᱩᱪᱷᱟᱹᱱ ᱠᱮᱫᱼᱟ ᱾[᱖]
ᱥᱤᱨᱯᱷᱟᱹ ᱥᱮᱨᱢᱟᱱᱤ
| ᱥᱤᱨᱯᱷᱟᱹ | ᱧᱟᱢᱤᱡ | ᱯᱷᱤᱞᱰ |
|---|---|---|
| ᱫᱮᱵᱚᱵᱷᱩᱢᱤ ᱩᱛᱛᱚᱨᱟᱠᱷᱚᱸᱰ ᱠᱷᱮᱞ ᱨᱚᱛᱱᱚ | ᱮᱠᱛᱟ ᱵᱤᱥᱴ | ᱠᱨᱤᱠᱮᱴ |
| ᱫᱮᱵᱚᱵᱷᱩᱢᱤ ᱩᱛᱛᱚᱨᱟᱠᱷᱚᱸᱰ ᱰᱨᱳᱱᱟᱪᱟᱨᱭᱚ ᱥᱤᱨᱯᱷᱟᱹ | ᱞᱤᱭᱟᱠᱟᱛ ᱟᱞᱤ |
᱒᱐᱑᱘ ᱩᱛᱛᱚᱨᱟᱠᱷᱚᱸᱰ ᱢᱟᱦᱟᱸ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱛᱚᱨᱟᱠᱷᱚᱸᱰ ᱨᱤᱱᱤᱡ ᱯᱚᱱᱚᱛᱜᱚᱢᱠᱮ ᱵᱮᱵᱤ ᱨᱟᱱᱤ ᱢᱚᱣᱨᱭᱚ ᱫᱚ ᱑᱘ ᱟᱱᱟᱜ ᱥᱮᱨᱢᱟᱠᱤᱭᱟᱹ ᱯᱚᱱᱚᱛ ᱢᱟᱦᱟᱸ ᱨᱮᱱᱟᱜ ᱮ ᱮᱛᱚᱦᱚᱵ ᱠᱮᱫᱼᱟ ᱾ ᱰᱮᱦᱨᱟᱰᱩᱱ ᱨᱮ ᱢᱮᱱᱟᱜ ᱯᱩᱞᱤᱥ ᱞᱟᱭᱤᱱ ᱨᱮ ᱱᱚᱣᱟ ᱢᱩᱬᱩᱛ ᱦᱮᱯᱨᱟᱣ ᱦᱩᱭ ᱞᱮᱱᱟ ᱾ ᱯᱟᱨᱮᱰ ᱨᱮ ᱩᱛᱛᱚᱨᱟᱠᱷᱚᱸᱰ ᱯᱩᱞᱤᱥ ᱛᱤᱨᱞᱟᱹ ᱯᱟᱭᱤᱯ ᱵᱮᱸᱰ, ᱩᱛᱛᱚᱨᱟᱠᱷᱚᱸᱰ ᱯᱩᱞᱤᱥ ᱰᱳᱜᱽ ᱥᱠᱣᱮᱰ, ᱩᱛᱛᱚᱨᱟᱠᱷᱚᱸᱰ ᱯᱩᱞᱤᱥ ᱤᱱᱴᱟᱨᱴᱮᱨᱳᱞᱳᱡᱤ ᱰᱟᱥᱴᱮ ᱨᱮᱱᱟᱜ ᱯᱟᱨᱮᱰ, ᱩᱛᱛᱚᱨᱟᱠᱷᱚᱸᱰ ᱥᱴᱮᱴ ᱟᱫᱷᱤᱥᱩᱠᱛᱟ ᱨᱤᱯᱷᱟᱭᱤᱴ ᱵᱚᱞ ᱨᱮᱱᱟᱜ ᱯᱟᱨᱮᱰ, ᱢᱚᱴᱚᱨᱥᱟᱭᱠᱤᱞ ᱟᱨ ᱜᱚᱰᱥᱚᱵᱚᱨᱤ ᱨᱮᱱᱟᱜ ᱯᱟᱨᱮᱰ ᱥᱮᱞᱮᱫ ᱢᱮᱱᱟᱜᱼᱟ ᱾ ᱩᱛᱛᱚᱨᱟᱠᱷᱚᱸᱰ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱴᱨᱤᱵᱮᱱᱫᱨᱚ ᱥᱤᱝ ᱨᱟᱣᱚᱛ ᱫᱚ ᱫᱮᱦᱨᱟᱰᱩᱱ ᱨᱮ ᱢᱮᱱᱟᱜ ᱩᱛᱛᱚᱨᱟᱠᱷᱚᱸᱰ ᱯᱚᱱᱚᱛ ᱞᱟᱲᱟᱣᱱᱟ ᱥᱚᱦᱤᱫᱽ ᱢᱩᱸᱫᱽᱨᱤ ᱨᱮ ᱢᱟᱱᱟᱣ ᱵᱟᱛᱟᱣ ᱞᱮᱫᱼᱟ ᱾[᱗]
ᱦᱤᱱᱫᱤ ᱫᱤᱱᱟᱹᱢ ᱠᱷᱚᱵᱚᱨ ᱠᱟᱜᱚᱡᱽ ᱚᱢᱚᱨ ᱩᱡᱟᱞᱟ ᱦᱚᱛᱮᱛᱮ ᱥᱚᱫᱚᱨ ᱟᱠᱟᱱ ᱟᱹᱨᱤᱪᱟᱹᱞᱤ ᱠᱟᱹᱢᱤᱦᱚᱨᱟ ᱫᱮᱦᱨᱟᱰᱩᱱ ᱨᱮᱱᱟᱜ ᱯᱮᱵᱷᱮᱞᱤᱭᱚᱱ ᱜᱨᱟᱣᱩᱱᱰ ᱨᱮ ᱥᱟᱯᱲᱟᱣ ᱞᱮᱱᱟ ᱾ ᱩᱛᱛᱚᱨᱟᱠᱷᱚᱸᱰᱤ ᱦᱚᱨᱚᱜ ᱨᱮᱱᱟᱜ ᱯᱷᱮᱥᱚᱱ ᱥᱳ ᱦᱚᱸ ᱦᱩᱭ ᱟᱠᱟᱱᱟ ᱾ ᱵᱚᱥᱟᱱᱛᱤ ᱵᱤᱥᱴ ᱟᱨ ᱯᱨᱤᱛᱤᱢ ᱵᱷᱟᱨᱚᱛᱣᱟᱱᱟ ᱫᱚ ᱡᱚᱜᱚᱨ ᱮ ᱮᱢ ᱞᱮᱫᱼᱟ ᱾ ᱢᱤᱱᱟ ᱨᱟᱬᱟ, ᱨᱮᱱᱩ ᱫᱟᱥᱢᱟᱱᱟ ᱩᱱᱤᱭᱟᱞ, ᱚᱢᱤᱛ ᱥᱟᱜᱚᱨ, ᱥᱚᱝᱜᱤᱛᱟ ᱰᱷᱚᱸᱰᱤᱭᱟᱞ, ᱨᱟᱡᱽᱱᱤᱠᱟᱱᱛ ᱥᱤᱢᱣᱟᱞ ᱟᱨ ᱥᱚᱱᱡᱚᱭ ᱠᱩᱢᱳᱞᱟ ᱦᱚᱛᱮᱛᱮ ᱜᱚᱫᱽᱨᱚᱵᱟᱞᱤ ᱟᱨ ᱠᱩᱢᱟᱣᱩᱱᱤ ᱞᱚᱠ ᱥᱮᱨᱮᱧ ᱠᱚ ᱥᱮᱨᱮᱧ ᱟᱠᱟᱫᱟ ᱾ ᱱᱚᱣᱟ ᱦᱮᱯᱨᱟᱣ ᱨᱮ ᱫᱤᱥᱚᱢ ᱜᱚᱢᱠᱮ, ᱞᱳᱠᱥᱚᱵᱷᱟ ᱥᱚᱦᱮᱛ ᱟᱨ ᱢᱟᱨᱮ ᱥᱤᱨᱟᱹ ᱢᱚᱱᱛᱨᱤ ᱰᱨ. ᱨᱟᱢᱮᱥ ᱯᱳᱠᱷᱟᱨᱤᱭᱟᱞ 'ᱱᱤᱥᱚᱝᱠ', ᱢᱟᱱᱚᱛᱟᱱ ᱜᱚᱢᱠᱮ ᱩᱛᱛᱚᱨᱟᱠᱷᱚᱸᱰ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱥᱩᱵᱳᱫᱷ ᱩᱱᱤᱭᱟᱞ ᱟᱨ ᱰᱨ. ᱫᱷᱚᱱ ᱥᱤᱝ ᱨᱟᱣᱚᱛ ᱟᱨ ᱩᱛᱛᱚᱨᱟᱠᱷᱚᱸᱰ ᱠᱚᱝᱜᱽᱨᱮᱥ ᱨᱤᱱᱤᱡ ᱡᱚᱜᱚ ᱯᱟᱨᱥᱮᱛ ᱥᱩᱨᱭᱚᱠᱟᱱᱛᱚ ᱫᱟᱥᱢᱟᱱᱟ ᱦᱚᱸ ᱥᱮᱞᱮᱫ ᱞᱮᱱᱟ ᱾[᱘]
᱒᱐᱑᱙ ᱩᱛᱛᱚᱨᱟᱠᱷᱚᱸᱰ ᱯᱚᱱᱚᱛ ᱛᱷᱟᱯᱚᱱ ᱦᱟᱯᱛᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙ ᱥᱮᱨᱢᱟᱠᱤᱭᱟᱹ ᱯᱚᱱᱚᱛ ᱛᱷᱟᱯᱚᱱ ᱢᱟᱦᱟᱸ ᱫᱚ ᱓ ᱱᱚᱵᱷᱮᱢᱵᱚᱨ ᱠᱷᱚᱱ ᱙ ᱱᱚᱵᱷᱮᱢᱵᱚᱨ ᱫᱷᱟᱹᱨᱤᱡ ᱵᱟᱹᱲᱛᱤ ᱦᱟᱯᱛᱟ ᱞᱟᱹᱜᱤᱫ ᱢᱟᱱᱟᱣ ᱞᱮᱱᱟ ᱾ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱫᱮᱦᱨᱟᱫᱩᱱ ᱵᱮᱜᱚᱨ ᱟᱞᱢᱳᱲᱟ, ᱢᱚᱥᱩᱨᱤ, ᱱᱟᱶᱟ ᱴᱤᱦᱨᱤ ᱟᱨ ᱥᱨᱤᱱᱚᱜᱚᱨ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱥᱟᱶᱛᱟ-ᱟᱹᱨᱤᱪᱟᱹᱞᱤ ᱡᱚᱱᱛᱨᱚ ᱨᱮ ᱯᱨᱚᱡᱮᱠᱴ ᱠᱚ ᱦᱩᱭ ᱟᱠᱟᱱᱟ ᱾ ᱱᱚᱶᱟ ᱯᱨᱚᱡᱮᱠᱴ ᱨᱮ 'ᱨᱤᱵᱟᱨᱥ ᱢᱟᱭᱜᱽᱨᱮᱥᱚᱱ' ᱧᱩᱛᱩᱢ ᱛᱮ ᱯᱚᱱᱚᱛ ᱥᱚᱨᱠᱟᱨᱟᱜ ᱟᱹᱰᱤ ᱢᱟᱨᱟᱝ ᱢᱚᱱᱮ ᱢᱮᱱᱟᱜᱼᱟ ᱾ ᱱᱚᱶᱟ ᱠᱟᱹᱢᱤᱦᱚᱨᱟ ᱨᱮ ᱛᱟᱞᱢᱟ ᱢᱚᱱᱛᱨᱤ ᱠᱚ, ᱩᱛᱛᱚᱨᱟᱠᱷᱚᱸᱰ ᱨᱤᱱ ᱧᱩᱛᱩᱢᱟᱱ ᱵᱟᱦᱨᱮ ᱦᱚᱲ ᱟᱨ ᱵᱷᱮᱜᱟᱨ ᱵᱷᱮᱜᱟᱨ ᱡᱟᱭᱜᱟ ᱨᱤᱱ ᱜᱟᱹᱠᱷᱩᱲ ᱠᱚ ᱥᱮᱞᱮᱫ ᱞᱮᱱᱟ ᱾ ᱩᱰᱷᱟᱹᱣ ᱥᱟᱹᱜᱩᱱ ᱢᱟᱱᱟᱣ ᱨᱮ ᱢᱩᱬᱩᱛ ᱯᱮᱲᱟ, ᱛᱟᱞᱢᱟ ᱨᱩᱠᱷᱤᱭᱟᱹ ᱢᱚᱱᱛᱨᱤ ᱨᱟᱡᱽᱱᱟᱛᱷ ᱥᱤᱝ ᱦᱚᱛᱮᱛᱮ ᱩᱰᱷᱟᱹᱣ ᱥᱟᱹᱜᱩᱱ ᱞᱮᱱᱟ ᱾[᱙][᱑᱐][᱑᱑][᱑᱒][᱑᱓]
| ᱢᱟᱹᱦᱤᱛ | ᱜᱷᱚᱴᱚᱱ | ᱴᱷᱟᱶ |
|---|---|---|
| ᱓ ᱱᱚᱵᱷᱮᱢᱵᱚᱨ | "ᱟᱣᱟ ᱟᱯᱩᱱ ᱜᱚᱣᱨ" (Let's Come Back Home) |
ᱱᱟᱶᱟ ᱴᱤᱦᱨᱤ |
| ᱔ ᱱᱚᱵᱷᱮᱢᱵᱚᱨ | "ᱢᱮᱨᱮ ᱥᱟᱭᱱᱤᱠ ᱢᱮᱨᱟ ᱟᱵᱷᱤᱭᱟᱱ" (My Soldiers, My Pride) |
ᱫᱮᱦᱨᱟᱫᱩᱱ |
| ᱖ ᱱᱚᱵᱷᱮᱢᱵᱚᱨ | "ᱩᱛᱛᱚᱨᱟᱠᱷᱚᱸᱰ ᱢᱟᱦᱤᱞᱟ ᱥᱟᱢᱢᱮᱞᱟᱱ" (Uttarakhand Women's Conference) |
ᱥᱨᱤᱱᱚᱜᱚᱨ |
| ᱗ ᱱᱚᱵᱷᱮᱢᱵᱚᱨ | "ᱢᱮᱨᱮ ᱭᱩᱵᱟ ᱢᱮᱨᱤ ᱥᱟᱱ" (My Youth, My Glory) |
ᱟᱞᱢᱳᱲᱟ |
| ᱘ ᱱᱚᱵᱷᱮᱢᱵᱚᱨ | ᱩᱛᱛᱚᱨᱟᱠᱷᱚᱸᱰ ᱯᱷᱤᱞᱢ ᱠᱚᱱᱠᱞᱮᱵᱷ | ᱢᱚᱥᱩᱨᱤ |
| ᱙ ᱱᱚᱵᱷᱮᱢᱵᱚᱨ | "ᱵᱷᱟᱨᱚᱛ ᱵᱷᱟᱨᱛᱤ" (The Montage of India) |
ᱫᱮᱦᱨᱟᱫᱩᱱ |
᱒᱐᱒᱐ ᱩᱛᱛᱚᱨᱟᱠᱷᱚᱸᱰ ᱢᱟᱦᱟᱸ ᱢᱟᱱᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐ ᱟᱱᱟᱜ ᱥᱮᱨᱢᱟᱠᱤᱭᱟᱹ ᱯᱚᱱᱚᱛ ᱛᱷᱟᱯᱚᱱ ᱢᱟᱦᱟᱸ ᱢᱟᱱᱟᱣ ᱫᱚ ᱥᱤᱨᱟᱹ ᱢᱚᱱᱛᱨᱤ ᱛᱨᱤᱵᱮᱱᱫᱨᱚ ᱥᱤᱝ ᱨᱟᱣᱚᱛ ᱦᱚᱛᱮᱛᱮ ᱜᱟᱭᱟᱨᱥᱮᱱ ᱨᱮ ᱮᱛᱚᱦᱚᱵ ᱠᱮᱫᱟ, ᱚᱠᱟ ᱫᱚ ᱠᱳᱵᱷᱤᱰ-᱑᱙ ᱢᱟᱦᱟᱢᱟᱨᱤ ᱞᱳᱠᱰᱟᱣᱩᱱ ᱞᱟᱦᱟᱨᱮ ᱢᱟᱨᱪ ᱒᱐᱒᱐ ᱨᱮ ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱥᱤᱛᱩᱝ ᱨᱟᱡᱽᱜᱟᱲ ᱜᱚᱴᱟ ᱞᱮᱱᱟ ᱾[᱑᱔][᱑᱕][᱑᱖][᱑᱗][᱑᱘][᱑᱙]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Goyal, Shikha (7 November 2019). "Uttarakhand Foundation Day: All you need to know". Jagran Josh. Retrieved 1 June 2020.
- ↑ "Uttarakhand to celebrate state foundation week from Nov 3". Times of India. 31 October 2019. Retrieved 1 June 2020.
- ↑ "Uttarakhand: Festivals". Encyclopedia Britannica.
- ↑ Rai, Mayank (9 November 2016). "राज्य स्थापना पर शुरू किया गया उत्तराखंड रत्न पुरस्कार". News18 Hindi (in ᱦᱤᱱᱫᱤ). Retrieved 4 June 2020.
- ↑ Singh, Kautilya (28 October 2017). "17th Uttarakhand foundation day to be 'power packed' affair". Times of India. Retrieved 1 June 2020.
- ↑ "उत्तराखंड: स्थापना दिवस पर सीएम त्रिवेंद्र ने प्रदेशवासियों को दी सौगात, पढ़कर खिल जाएंगे चेहरे". Amar Ujala (in ᱦᱤᱱᱫᱤ). 9 November 2017. Retrieved 1 June 2020.
- ↑ "Uttarakhand celebrates state formation day, variety of programme held". The Statesman. Retrieved 1 June 2020.
- ↑ "उत्तराखंड उदय 2018: पवेलियन मैदान में उतर आया 'पहाड़', जश्न से जगमगा गया देहरादून". Amar Ujala (in ᱦᱤᱱᱫᱤ). 10 November 2018. Retrieved 1 June 2020.
- ↑ Pandey, Akhilesh (10 November 2019). "Uttarakhand community displays cultural richness on state day". CitySpidey. Archived from the original on 9 August 2020. Retrieved 1 June 2020.
- ↑ "इस बार सप्ताह भर चलेगा उत्तराखंड के जन्मदिवस का जश्न, ये खास कार्यक्रम बनाएंगे यादगार". Amar Ujala (in ᱦᱤᱱᱫᱤ). 30 October 2019. Retrieved 1 June 2020.
- ↑ "उत्तराखंड: आज बेहद खास होगा राज्य स्थापना का जश्न, रक्षा मंत्री राजनाथ सिंह करेंगे शुभारंभ". Amar Ujala (in ᱦᱤᱱᱫᱤ). 9 November 2019. Retrieved 1 June 2020.
- ↑ "पुलिस की रैतिक परेड में जांबाजों ने दिखाए हैरतअंगेज करतब, देखिए साहस और जज्बे से भरी तस्वीरें..." Amar Ujala (in ᱦᱤᱱᱫᱤ). 9 November 2019. Retrieved 1 June 2020.
- ↑ "सप्ताहभर मनेगा राज्य स्थापना का जश्न, पढ़िए क्या होगा खास". Live Hindustan (in ᱦᱤᱱᱫᱤ). 29 October 2019. Retrieved 1 June 2020.
- ↑ "PM Modi Congratulates People Of Uttarakhand On State's Foundation Day". NDTV. 9 November 2020. Retrieved 13 November 2020.
- ↑ "Guv reviews ceremonial parade on Foundation Day". Daily Pioneer. 10 November 2020. Archived from the original on 13 November 2020. Retrieved 13 November 2020.
- ↑ "Hot air balloon festival held in Mussoorie". Times of India. 9 November 2020. Retrieved 13 November 2020.
- ↑ "India's longest suspension bridge opened for public". Uttarakhand News Network. 9 November 2020. Retrieved 13 November 2020.
- ↑ Singh, Kautilya (9 November 2020). "Dobra Chanti bridge, free WiFi: Govt to launch projects on foundation day". Times of India. Retrieved 13 November 2020.
- ↑ "Gairsain to be developed with Rs 25,000 cr in next 10 years: U'khand CM on State's Foundation Day". Business World. 9 November 2020. Retrieved 13 November 2020.