ᱩᱢᱟ ᱪᱮᱛᱨᱤ
ᱩᱢᱟ ᱪᱮᱛᱨᱤ (ᱡᱟᱱᱟᱢ ᱒᱗ ᱡᱩᱞᱟᱭ ᱒᱐᱐᱒) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱠᱨᱤᱠᱮᱴ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ᱾ ᱩᱱᱤ ᱱᱤᱛᱚᱜ ᱣᱤᱠᱮᱴ-ᱠᱤᱯᱟᱨ ᱞᱮᱠᱟᱛᱮ ᱟᱥᱟᱢ ᱞᱟᱹᱜᱤᱫ ᱮ ᱠᱷᱮᱞ ᱮᱫᱟ᱾ ᱩᱱᱤ ᱪᱤᱱ ᱨᱮᱱᱟᱜ ᱦᱟᱝᱡᱳᱣ ᱨᱮ ᱮᱥᱤᱭᱟᱱ ᱜᱮᱢᱥ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱠᱟᱛᱮ ᱤᱱᱰᱤᱭᱟ ᱥᱠᱣᱟᱰ ᱨᱮᱱ ᱦᱟᱹᱴᱤᱧ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱟᱥᱟᱢ ᱠᱷᱚᱱ ᱯᱩᱭᱞᱩ ᱛᱤᱨᱞᱟᱹ ᱠᱨᱤᱠᱮᱴ ᱠᱷᱮᱞᱚᱸᱰᱤᱭᱟᱹ ᱟᱨ ᱚᱱᱟ ᱥᱟᱶᱛᱮ ᱱᱚᱨᱛᱷᱤᱥᱴ ᱤᱱᱰᱤᱭᱟ ᱠᱷᱚᱱ ᱯᱩᱭᱞᱩ ᱛᱤᱨᱞᱟᱹ ᱠᱨᱤᱠᱮᱴ ᱠᱷᱮᱞᱚᱸᱰᱤᱭᱟᱹ ᱦᱚᱸᱭ ᱵᱮᱱᱟᱣ ᱮᱱᱟ ᱡᱟᱦᱟᱸᱭ ᱤᱱᱰᱤᱭᱟ ᱱᱮᱥᱱᱟᱞ ᱥᱠᱣᱟᱰ ᱨᱮ ᱠᱚ ᱦᱚᱦᱚ ᱟᱫᱮᱭᱟ ᱟᱨ ᱩᱱᱤ ᱗ ᱡᱩᱞᱟᱭ ᱒᱐᱒᱔ ᱨᱮ ᱥᱟᱣᱛᱷ ᱟᱯᱷᱨᱤᱠᱟ ᱵᱤᱨᱩᱫᱽ ᱨᱮ ᱟᱡᱟᱜ ᱮᱛᱚᱦᱚᱵ ᱮ ᱠᱮᱫᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱮᱛᱨᱤ ᱫᱚ ᱟᱥᱟᱢ ᱨᱮᱱᱟᱜ ᱜᱳᱞᱟᱜᱷᱟᱴ ᱦᱚᱱᱚᱛ ᱨᱮᱱᱟᱜ ᱵᱳᱠᱟᱠᱷᱟᱴ ᱰᱤᱵᱷᱤᱡᱚᱱ ᱨᱮᱱᱟᱜ ᱠᱟᱱᱰᱩᱞᱤᱢᱟᱨᱤ ᱟᱹᱛᱩ ᱠᱷᱚᱱ ᱮ ᱦᱤᱡᱩᱜ ᱠᱟᱱᱟ᱾ ᱩᱱᱤ ᱨᱮᱱ ᱟᱭᱳ ᱩᱱᱤ ᱠᱨᱤᱠᱮᱴ ᱠᱷᱮᱞ ᱞᱟᱹᱜᱤᱫ ᱩᱫᱽᱜᱟᱹᱣ ᱮᱢ ᱠᱮᱫᱮᱭᱟ ᱡᱚᱠᱷᱚᱱ ᱩᱱᱤ ᱪᱮᱛᱨᱤ ᱟᱡ ᱨᱮᱱ ᱵᱚᱭᱦᱟ ᱵᱤᱡᱚᱭ ᱪᱮᱛᱨᱤ ᱟᱨ ᱮᱴᱟᱜ ᱠᱚᱲᱟ ᱥᱟᱶ ᱦᱚᱨ ᱨᱮ ᱠᱷᱮᱞ ᱠᱟᱛᱮ ᱧᱮᱞ ᱠᱮᱫᱮᱭᱟ᱾ ᱩᱱᱤ ᱢᱚᱬᱮ ᱵᱚᱭᱦᱟ ᱢᱩᱫᱽ ᱨᱮ ᱮᱠᱞᱟ ᱠᱩᱲᱤ ᱜᱤᱫᱽᱨᱟᱹᱭ ᱠᱟᱱᱟ᱾ ᱩᱱᱤ ᱵᱳᱠᱟᱠᱷᱟᱴ ᱦᱤᱱᱫᱤ ᱦᱟᱭ ᱥᱠᱩᱞ ᱨᱮᱭ ᱯᱟᱲᱦᱟᱣ ᱞᱮᱱᱟ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱩᱱ ᱒᱐᱒᱓ ᱨᱮ, ᱪᱮᱛᱨᱤ ᱒᱐᱒᱓ ᱮᱥᱤᱥᱤ ᱛᱤᱨᱞᱟᱹ ᱴ᱒᱐ ᱮᱢᱟᱨᱡᱤᱝ ᱴᱤᱢᱥ ᱮᱥᱤᱭᱟ ᱠᱟᱯ ᱨᱮ ᱤᱱᱰᱤᱭᱟ ᱮ ᱞᱟᱹᱜᱤᱫ ᱮ ᱠᱷᱮᱞ ᱠᱮᱫᱟ᱾
ᱡᱩᱞᱟᱭ ᱒᱐᱒᱓ ᱨᱮ, ᱪᱮᱛᱨᱤ ᱵᱟᱝᱞᱟᱫᱮᱥ ᱵᱤᱨᱩᱫᱽ ᱨᱮ ᱴ᱒᱐ᱟᱭᱤ ᱥᱟᱭᱤᱰ ᱥᱤᱨᱤᱡᱽ ᱞᱟᱹᱜᱤᱫ ᱟᱡᱟᱜ ᱯᱩᱭᱞᱩ ᱤᱱᱰᱤᱭᱟ ᱥᱠᱣᱟᱰ ᱨᱮ ᱧᱩᱛᱩᱢ ᱞᱮᱱᱟ᱾ ᱥᱮᱯᱴᱮᱢᱵᱚᱨ ᱒᱐᱒᱓ ᱨᱮ, ᱩᱱᱤ ᱮᱥᱤᱭᱟᱱ ᱜᱮᱢᱥ ᱞᱟᱹᱜᱤᱫ ᱤᱱᱰᱤᱭᱟ ᱥᱠᱣᱟᱰ ᱨᱮ ᱛᱟᱦᱮᱸ ᱠᱟᱱᱟ᱾
ᱢᱮ ᱒᱐᱒᱔ ᱨᱮ, ᱩᱱᱤ ᱥᱟᱣᱛᱷ ᱟᱯᱷᱨᱤᱠᱟ ᱵᱤᱨᱩᱫᱽ ᱨᱮ ᱥᱤᱨᱤᱡᱽ ᱞᱟᱹᱜᱤᱫ ᱳᱰᱤᱟᱭᱤ, ᱴ᱒᱐ᱟᱭᱤ ᱟᱨ ᱴᱮᱥᱴ ᱥᱠᱣᱟᱰ ᱨᱮ ᱧᱩᱛᱩᱢ ᱞᱮᱱᱟ, ᱗ ᱡᱩᱞᱟᱭ ᱒᱐᱒᱔ ᱨᱮ ᱢᱤᱫ ᱴ᱒᱐ᱟᱭᱤ ᱨᱮ ᱟᱡᱟᱜ ᱡᱮᱜᱮᱛᱟᱹᱨᱤ ᱮᱛᱚᱦᱚᱵ ᱮ ᱵᱮᱱᱟᱣ ᱠᱮᱫᱟ᱾
ᱪᱮᱛᱨᱤ ᱚᱠᱴᱚᱵᱚᱨ ᱒᱐᱒᱔ ᱨᱮ ᱱᱤᱣᱡᱤᱞᱮᱱᱰ ᱵᱤᱨᱩᱫᱽ ᱨᱮ ᱩᱱᱠᱩᱣᱟᱜ ᱦᱳᱢ ᱳᱰᱤᱟᱭᱤ ᱥᱤᱨᱤᱡᱽ ᱞᱟᱹᱜᱤᱫ ᱤᱱᱰᱤᱭᱟ ᱥᱠᱣᱟᱰ ᱨᱮ ᱧᱩᱛᱩᱢ ᱞᱮᱱᱟ᱾