ᱩᱢᱮᱨᱟ ᱟᱦᱢᱮᱫᱽ
ᱩᱢᱮᱨᱟ ᱟᱦᱢᱮᱫᱽ (ᱯᱟᱧᱡᱟᱵᱤ, ᱩᱨᱫᱩ: عمیرہ احمد) ᱫᱚ ᱯᱟᱠᱤᱥᱛᱟᱱᱤ ᱚᱱᱚᱞᱤᱭᱟᱹ, ᱚᱱᱚᱞᱤᱭᱟᱹ ᱟᱨ ᱥᱠᱨᱤᱱᱨᱟᱭᱤᱴᱟᱨ ᱠᱟᱱᱟᱭ ᱾ ᱩᱱᱤ ᱫᱚ ᱟᱡᱟᱜ ᱩᱯᱱᱟᱥ ᱟᱨ ᱜᱟᱭᱟᱱ ᱥᱚᱦᱚᱨ-ᱮ-ᱡᱟᱛ, ᱯᱤᱨ-ᱮ-ᱠᱟᱢᱤᱞ, ᱡᱤᱱᱫᱟᱜᱤ ᱜᱩᱞᱡᱟᱨ ᱦᱟᱭ, ᱟᱞᱤᱯᱷ, ᱫᱩᱨᱨ-ᱮ-ᱥᱮᱦᱣᱟᱨ, ᱫᱟᱢ, ᱢᱟᱱ-ᱚ-ᱥᱟᱞᱣᱟ, ᱠᱟᱭᱫᱽ-ᱮ-ᱛᱟᱱᱦᱟᱭ, ᱰᱟᱭᱡᱮᱥᱴ ᱨᱟᱭᱤᱴᱟᱨ, ᱢᱟᱛ, ᱠᱟᱝᱠᱟᱨ, ᱢᱮᱨᱤ ᱡᱟᱛ ᱡᱟᱨᱨᱟ-ᱮ-ᱵᱮᱱᱤᱥᱟᱱ, ᱫᱳᱨᱟᱦᱟ ᱟᱨ ᱦᱚᱢ ᱠᱟᱦᱟᱱ ᱠᱮ ᱥᱟᱪᱟᱭ ᱛᱷᱟᱭ ᱞᱟᱹᱜᱤᱫ ᱡᱟᱹᱥᱛᱤ ᱵᱟᱰᱟᱭᱚᱜᱼᱟ ᱾ ᱩᱢᱮᱨᱟ ᱟᱦᱢᱮᱫᱽ ᱫᱚ ᱱᱚᱶᱟ ᱡᱩᱜᱽ ᱨᱤᱱ ᱡᱟᱹᱥᱛᱤ ᱯᱟᱲᱦᱟᱣᱚᱜ ᱟᱨ ᱧᱩᱛᱩᱢᱟᱱ ᱩᱨᱫᱩ ᱯᱷᱤᱠᱥᱚᱱ ᱩᱯᱱᱟᱥ ᱟᱨ ᱥᱠᱨᱤᱱᱯᱞᱮ ᱚᱱᱚᱞᱤᱭᱟᱹ ᱠᱟᱱᱟᱭ ᱾[᱑][᱒]
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱢᱮᱨᱟ ᱟᱦᱢᱮᱫᱽ ᱫᱚ ᱑᱐ ᱰᱤᱥᱮᱢᱵᱚᱨ ᱑᱙᱗᱖ ᱥᱟᱞᱮ ᱨᱮ ᱥᱤᱭᱟᱞᱠᱚᱴ, ᱯᱟᱠᱤᱥᱛᱟᱱ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱟᱡᱟᱜ ᱢᱟᱥᱴᱟᱨᱥ ᱤᱱ ᱤᱝᱞᱤᱥ ᱞᱤᱴᱟᱨᱮᱪᱟᱨ ᱢᱟᱨᱮ ᱠᱚᱞᱮᱡᱽ, ᱥᱤᱭᱟᱞᱠᱚᱴ ᱠᱷᱚᱱ ᱮ ᱯᱩᱨᱟᱹᱣ ᱠᱮᱫᱟ, ᱚᱱᱟ ᱠᱚᱞᱮᱡᱽ ᱜᱮ ᱒᱐ ᱟᱱᱟᱜ ᱥᱟᱭᱟᱹᱫ ᱨᱮᱱ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱟᱨ ᱫᱟᱱᱟᱱ ᱯᱚᱸᱰᱤᱛ ᱟᱨ ᱚᱱᱚᱲᱦᱮᱸᱭᱟᱹ (ᱵᱨᱤᱴᱤᱥ ᱦᱟᱛᱟᱣ ᱟᱠᱟᱫ ᱵᱷᱟᱨᱚᱛ ᱨᱮ) ᱠᱚᱨᱮᱱᱟᱜ ᱢᱤᱫ ᱮ ᱩᱫᱩᱜ ᱥᱚᱫᱚᱨ ᱠᱮᱫᱮᱭᱟ, ᱟᱞᱟᱢᱟ ᱢᱩᱦᱚᱢᱢᱚᱫᱽ ᱤᱠᱵᱟᱞ ᱾ ᱥᱳᱥᱤᱭᱟᱞ ᱢᱤᱰᱤᱭᱟ ᱨᱮ ᱪᱟᱞᱟᱣ ᱟᱨ ᱥᱳᱵᱤᱡᱽ ᱨᱮ ᱥᱮᱞᱮᱫ ᱠᱟᱛᱮ ᱦᱚᱸ, ᱩᱱᱤ ᱫᱚ ᱟᱡᱟᱜ ᱱᱤᱡᱮᱨᱟᱜ ᱡᱤᱭᱚᱱ ᱫᱚ ᱱᱤᱡᱮ ᱨᱮᱜᱮ ᱫᱚᱦᱚᱭ ᱠᱩᱥᱤᱭᱟᱜᱼᱟ ᱟᱨ ᱠᱟᱹᱡ ᱜᱮ ᱤᱱᱴᱟᱨᱵᱷᱤᱭᱩ ᱮ ᱮᱢᱟ ᱾ ᱩᱱᱤᱭᱟᱜ ᱢᱤᱫᱴᱟᱹᱝ ᱜᱮ ᱚᱱᱥᱠᱨᱤᱱ ᱧᱮᱞ ᱧᱟᱢ ᱫᱚ ᱒᱐᱐᱕ ᱥᱟᱞᱮ ᱨᱮ ᱟᱡᱟᱜ ᱯᱩᱭᱞᱩ ᱡᱚᱛᱚ ᱠᱷᱚᱱ ᱱᱟᱯᱟᱭ ᱚᱱᱚᱞᱤᱭᱟᱹ ᱥᱤᱨᱯᱷᱟᱹ ᱦᱟᱛᱟᱣ ᱞᱟᱹᱜᱤᱫ ᱤᱱᱫᱚᱥ ᱵᱷᱤᱥᱚᱱ ᱥᱤᱨᱯᱷᱟᱹ ᱨᱮᱱᱟᱜ ᱢᱚᱸᱪ ᱨᱮ ᱛᱟᱦᱮᱸ ᱠᱟᱱᱟ ᱾
ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱢᱮᱨᱟ ᱫᱚ ᱟᱡᱟᱜ ᱢᱟᱥᱴᱟᱨᱥ ᱤᱱ ᱤᱝᱞᱤᱥ ᱞᱤᱴᱟᱨᱮᱪᱟᱨ ᱢᱟᱨᱮ ᱠᱚᱞᱮᱡᱽ, ᱥᱤᱭᱟᱞᱠᱚᱴ ᱠᱷᱚᱱ ᱮ ᱯᱩᱨᱟᱹᱣ ᱠᱮᱫᱟ ᱾ ᱩᱢᱮᱨᱟ ᱟᱦᱢᱮᱫᱽ ᱫᱚ ᱟᱨᱢᱤ ᱯᱚᱵᱞᱤᱠ ᱤᱥᱠᱩᱞ, ᱥᱤᱭᱟᱞᱠᱚᱴ ᱨᱮ ᱢᱤᱫ ᱤᱝᱞᱤᱥ ᱢᱟᱪᱮᱫ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱩᱱᱤ ᱛᱟᱞᱢᱟ ᱤᱥᱠᱩᱞ ᱟᱨ ᱦᱟᱭ ᱤᱥᱠᱩᱞ ᱨᱤᱱ ᱯᱟᱹᱴᱷᱩᱣᱟᱹ ᱠᱚᱭ ᱯᱟᱲᱦᱟᱣ ᱠᱚ ᱛᱟᱦᱮᱸᱱ ᱾ ᱢᱮᱱᱠᱷᱟᱱ, ᱩᱱᱤ ᱫᱚ ᱟᱡᱟᱜ ᱚᱞ ᱠᱟᱹᱢᱤ ᱡᱚᱛᱚ ᱚᱠᱛᱚ ᱞᱟᱹᱜᱤᱫ ᱪᱟᱞᱟᱣ ᱫᱚᱦᱚᱭ ᱥᱟᱱᱟ ᱮᱫ ᱛᱟᱦᱮᱸᱫ, ᱚᱱᱟᱛᱮ ᱩᱱᱤ ᱫᱚ ᱢᱤᱫ ᱢᱟᱪᱮᱫ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱫᱚᱭ ᱵᱟᱹᱜᱤ ᱠᱮᱫᱟ ᱟᱨ ᱩᱨᱫᱩ ᱢᱮᱜᱟᱡᱤᱱ ᱞᱟᱹᱜᱤᱫ ᱮ ᱚᱞ ᱮᱦᱚᱵ ᱠᱮᱫᱟ ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱢᱮᱨᱟ ᱟᱦᱢᱮᱫᱽ ᱫᱚ ᱮᱛᱚᱦᱚᱵ ᱩᱢᱮᱨ ᱨᱮᱜᱮ ᱚᱞ ᱮᱦᱚᱵ ᱠᱮᱫᱟ ᱾ ᱟᱡᱟᱜ ᱠᱟᱹᱦᱱᱤ ᱠᱚᱫᱚ ᱪᱟᱸᱫᱚᱠᱤᱭᱟᱹ ᱩᱨᱫᱩ ᱰᱟᱭᱡᱮᱥᱴ ᱢᱮᱜᱟᱡᱤᱱ ᱠᱚᱨᱮ ᱪᱷᱟᱯᱟ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱟᱹᱰᱤ ᱞᱚᱜᱚᱱ ᱜᱮ ᱩᱱᱤ ᱫᱚ ᱯᱩᱛᱷᱤ ᱠᱚ ᱦᱚᱸᱭ ᱪᱷᱟᱯᱟ ᱮᱦᱚᱵ ᱠᱮᱫᱟ ᱾ ᱩᱱᱤ ᱫᱚ ᱟᱡᱟᱜ ᱠᱟᱹᱢᱤ ᱨᱮ ᱓᱐ ᱠᱷᱚᱱ ᱦᱚᱸ ᱵᱟᱹᱲᱛᱤ ᱯᱩᱛᱷᱤ ᱠᱚᱭ ᱚᱞ ᱟᱠᱟᱫᱟ, ᱠᱤᱪᱷᱩ ᱩᱯᱱᱟᱥ ᱟᱨ ᱮᱴᱟᱜ ᱠᱟᱹᱴᱤᱡ ᱠᱟᱹᱦᱱᱤ ᱨᱮᱱᱟᱜ ᱡᱟᱣᱨᱟ ᱾ ᱟᱡᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱠᱟᱹᱢᱤ, ᱟᱨ ᱚᱱᱟ ᱡᱟᱦᱟᱸ ᱫᱚ ᱟᱡᱟᱜ ᱠᱟᱹᱢᱤ ᱫᱚᱭ ᱵᱟᱹᱲᱛᱤ ᱠᱮᱫᱟ ᱚᱱᱟᱫᱚ ᱯᱤᱨ-ᱮ-ᱠᱟᱢᱤᱞ ᱟᱨ ᱢᱮᱨᱤ ᱡᱟᱛ ᱡᱟᱨᱟ-ᱮ-ᱵᱮᱱᱤᱥᱟᱱ ᱛᱟᱦᱮᱸ ᱠᱟᱱᱟ ᱾ ᱟᱢᱟᱨᱵᱮᱞ ᱫᱚ ᱩᱢᱮᱨᱟ ᱟᱦᱢᱮᱫᱽ ᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱩᱯᱱᱟᱥ ᱠᱚᱨᱮᱱᱟᱜ ᱢᱤᱫᱴᱟᱹᱝ ᱠᱟᱱᱟ ᱾ ᱩᱢᱮᱨᱟ ᱫᱚ ᱟᱡᱟᱜ ᱚᱞ ᱠᱟᱹᱢᱤ ᱑᱙᱙᱘ ᱥᱟᱞᱮ ᱨᱮ ᱮᱦᱚᱵ ᱠᱮᱫᱟ ᱡᱚᱠᱷᱚᱱ ᱩᱱᱤ ᱪᱟᱸᱫᱚᱠᱤᱭᱟᱹ ᱩᱨᱫᱩ ᱢᱮᱜᱟᱡᱤᱱ ᱠᱚᱨᱮ ᱠᱟᱹᱦᱱᱤ ᱠᱚ ᱪᱷᱟᱯᱟ ᱮᱦᱚᱵ ᱠᱮᱫᱟ ᱾ ᱰᱟᱭᱡᱮᱥᱴ ᱢᱮᱜᱟᱡᱤᱱ ᱞᱟᱹᱜᱤᱫ ᱚᱞ ᱟᱠᱟᱱ ᱟᱡᱟᱜ ᱯᱩᱭᱞᱩ ᱠᱟᱹᱦᱱᱤ ᱫᱚ ᱡᱤᱱᱫᱟᱜᱤ ᱜᱩᱞᱡᱟᱨ ᱦᱟᱭ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱠᱟᱹᱦᱱᱤ ᱫᱚ ᱯᱟᱲᱦᱟᱣᱤᱭᱟᱹ ᱠᱚᱣᱟᱜ ᱢᱚᱱᱮ ᱨᱮ ᱵᱚᱥᱟᱣ ᱮᱱᱟ ᱟᱨ ᱟᱹᱰᱤ ᱞᱚᱜᱚᱱ ᱜᱮ ᱩᱢᱮᱨᱟ ᱫᱚ ᱢᱤᱫ ᱯᱩᱨᱟᱹ ᱡᱤᱞᱤᱧ ᱩᱯᱱᱟᱥ ᱚᱞ ᱞᱟᱹᱜᱤᱫ ᱠᱚ ᱢᱮᱛᱟᱫᱮᱭᱟ ᱾ ᱩᱱᱤ ᱫᱚ ᱒᱑ ᱵᱚᱪᱷᱚᱨ ᱨᱮᱱᱟᱜ ᱮ ᱛᱟᱦᱮᱸ ᱠᱟᱱᱟ ᱡᱚᱠᱷᱚᱱ ᱩᱱᱤ ᱚᱱᱟ ᱠᱟᱹᱦᱱᱤ ᱫᱚᱭ ᱚᱞ ᱠᱮᱫᱟ ᱾ ᱒᱐᱑᱒ ᱥᱟᱞᱮ ᱨᱮ ᱚᱱᱟ ᱩᱯᱱᱟᱥ ᱫᱚ ᱚᱱᱟ ᱧᱩᱛᱩᱢ ᱛᱮ ᱜᱮ ᱢᱤᱫ ᱧᱩᱛᱩᱢᱟᱱ ᱜᱟᱭᱟᱱ ᱨᱮ ᱥᱤᱨᱤᱭᱟᱞᱟᱭᱤᱡᱽ ᱦᱩᱭ ᱮᱱᱟ ᱾ ᱚᱱᱟ ᱜᱟᱭᱟᱱ ᱨᱮ ᱥᱟᱱᱟᱢ ᱥᱟᱭᱤᱫᱽ ᱟᱨ ᱯᱷᱟᱣᱟᱫᱽ ᱠᱷᱟᱱ ᱫᱚ ᱢᱩᱬ ᱟᱠᱴᱟᱨ ᱞᱮᱠᱟᱛᱮ ᱠᱤᱱ ᱠᱟᱹᱢᱤ ᱠᱮᱫᱟ ᱾ ᱢᱤᱫ ᱤᱱᱴᱟᱨᱵᱷᱤᱭᱩ ᱨᱮ ᱩᱢᱮᱨᱟ ᱫᱚᱭ ᱢᱮᱱ ᱠᱮᱫᱟ ᱡᱮ ᱩᱯᱱᱟᱥ ᱨᱮ ᱢᱩᱬ ᱛᱤᱨᱞᱟᱹ, ᱠᱟᱥᱟᱯᱷ ᱟᱜ ᱪᱟᱨᱤᱛᱟᱨ ᱫᱚ ᱟᱡᱟᱜ ᱪᱟᱨᱤᱛᱟᱨ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱᱟ ᱾ ᱩᱢᱮᱨᱟ ᱟᱜ ᱠᱟᱹᱦᱱᱤ ᱠᱚᱫᱚ ᱡᱟᱹᱥᱛᱤ ᱠᱟᱭᱛᱮ ᱠᱚᱲᱟ-ᱛᱤᱨᱞᱟᱹ ᱥᱟᱹᱜᱟᱹᱭ, ᱥᱟᱶᱛᱟ ᱨᱮᱱᱟᱜ ᱢᱩᱫᱽᱫᱟᱹ ᱟᱨ ᱵᱷᱟᱹᱵᱽ ᱪᱮᱛᱟᱱ ᱨᱮ ᱜᱷᱩᱨᱟᱹᱣ ᱟᱠᱟᱱ ᱛᱟᱦᱮᱸᱱᱟ ᱾ ᱟᱡᱟᱜ ᱠᱟᱹᱦᱱᱤ ᱠᱚᱫᱚ ᱛᱤᱨᱞᱟᱹ ᱠᱚ ᱢᱩᱬ ᱛᱷᱤᱢ ᱞᱮᱠᱟᱛᱮ ᱩᱫᱩᱜᱟ ᱾ ᱟᱦᱢᱮᱫᱽ ᱫᱚ ᱟᱭᱢᱟ ᱮᱴᱟᱜ ᱩᱯᱱᱟᱥ ᱠᱚᱨᱮᱱᱤᱡ ᱚᱱᱚᱞᱤᱭᱟᱹ ᱠᱟᱱᱟᱭ ᱡᱟᱦᱟᱸ ᱠᱚᱫᱚ ᱜᱟᱭᱟᱱ ᱨᱮ ᱥᱤᱨᱤᱭᱟᱞᱟᱭᱤᱡᱽ ᱦᱩᱭ ᱟᱠᱟᱱᱟ ᱾ ᱟᱡᱟᱜ ᱮᱴᱟᱜ ᱧᱩᱛᱩᱢᱟᱱ ᱠᱟᱹᱢᱤ ᱠᱚᱫᱚ ᱢᱮᱨᱤ ᱡᱟᱛ ᱡᱟᱨᱨᱟ-ᱮ-ᱵᱮᱱᱤᱥᱟᱱ ᱠᱟᱱᱟ ᱡᱟᱦᱟᱸ ᱞᱟᱹᱜᱤᱫ ᱟᱦᱢᱮᱫᱽ ᱫᱚ ᱜᱮᱞ ᱟᱱᱟᱜ ᱞᱚᱠᱥ ᱥᱴᱟᱭᱤᱞ ᱟᱣᱟᱨᱰᱥ ᱨᱮ ‘ᱡᱚᱛᱚ ᱠᱷᱚᱱ ᱱᱟᱯᱟᱭ ᱚᱱᱚᱞᱤᱭᱟᱹ’ ᱥᱤᱨᱯᱷᱟᱹ ᱡᱤᱛᱠᱟᱹᱨ ᱟᱠᱟᱱᱟ ᱾ ᱚᱱᱟ ᱩᱯᱱᱟᱥ ᱫᱚ ᱚᱱᱟ ᱧᱩᱛᱩᱢ ᱛᱮᱜᱮ ᱢᱤᱫ ᱜᱟᱭᱟᱱ ᱨᱮ ᱵᱚᱫᱚᱞ ᱦᱩᱭ ᱮᱱᱟ ᱾ ᱚᱱᱟ ᱜᱟᱭᱟᱱ ᱫᱚ ᱟᱹᱰᱤ ᱜᱟᱱ ᱧᱩᱛᱩᱢ ᱮ ᱦᱟᱢᱮᱴ ᱠᱮᱫᱟ ᱟᱨ ᱒᱐᱑᱔ ᱥᱟᱞᱮ ᱨᱮ ᱚᱱᱟ ᱫᱚ ᱥᱤᱧᱚᱛ ᱨᱮ ᱦᱚᱸ ᱠᱮᱥᱤ ᱭᱮᱦ ᱠᱟᱭᱟᱢᱟᱛ ᱧᱩᱛᱩᱢ ᱛᱮ ᱩᱪᱷᱟᱹᱱ ᱦᱩᱭ ᱮᱱᱟ ᱾
ᱟᱦᱢᱮᱫᱽ ᱫᱚ ᱫᱷᱚᱨᱚᱢ ᱟᱨ ᱥᱟᱨᱟᱜᱩᱱ ᱪᱮᱛᱟᱱ ᱨᱮ ᱦᱚᱸ ᱩᱯᱱᱟᱥ ᱠᱚᱭ ᱚᱞ ᱟᱠᱟᱫᱟ ᱾ ᱯᱤᱨ-ᱮ-ᱠᱟᱢᱤᱞ (᱒᱐᱐᱔), ᱥᱚᱦᱚᱨ-ᱮ-ᱡᱟᱛ (᱒᱐᱑᱒) ᱟᱨ ᱟᱞᱤᱯᱷ (᱒᱐᱑᱙), ᱫᱚ ᱟᱡᱟᱜ ᱠᱤᱪᱷᱩ ᱩᱯᱱᱟᱥ ᱠᱟᱱᱟ ᱡᱟᱦᱟᱸ ᱫᱚ ᱥᱟᱨᱟᱜᱩᱱ ᱪᱮᱛᱟᱱ ᱨᱮ ᱫᱷᱭᱟᱱ ᱮ ᱮᱢᱟᱫᱟ ᱾ ᱟᱡᱟᱜ ᱩᱯᱱᱟᱥ ᱟᱞᱤᱯᱷ, ᱫᱚ ᱢᱤᱫ ᱧᱩᱛᱩᱢᱟᱱ ᱥᱤᱨᱤᱡᱽ ᱨᱮ ᱜᱟᱭᱟᱱᱟᱭᱤᱡᱽ ᱦᱩᱭ ᱮᱱᱟ ᱡᱟᱦᱟᱸ ᱨᱮ ᱦᱟᱢᱡᱟ ᱟᱞᱤ ᱟᱵᱽᱵᱟᱥᱤ, ᱥᱟᱡᱟᱞ ᱟᱞᱤ ᱟᱨ ᱠᱩᱵᱽᱨᱟ ᱠᱷᱟᱱ ᱠᱤᱱ ᱠᱟᱹᱢᱤ ᱠᱮᱫᱟ ᱾ ᱥᱚᱦᱚᱨ-ᱮ-ᱡᱟᱛ ᱫᱚ ᱢᱟᱦᱤᱨᱟ ᱠᱷᱟᱱ ᱠᱟᱹᱢᱤ ᱟᱠᱟᱫ ᱢᱤᱫ ᱧᱩᱛᱩᱢᱟᱱ ᱜᱟᱭᱟᱱ ᱦᱚᱸ ᱛᱟᱦᱮᱸ ᱠᱟᱱᱟ ᱾ ᱟᱦᱢᱮᱫᱽ ᱫᱚ ᱟᱡᱟᱜ ᱠᱟᱹᱢᱤ ᱨᱮ ᱓᱕ ᱠᱷᱚᱱ ᱦᱚᱸ ᱵᱟᱹᱲᱛᱤ ᱯᱩᱛᱷᱤ ᱠᱚᱭ ᱚᱞ ᱟᱠᱟᱫᱟ ᱾ ᱟᱡᱟᱜ ᱯᱩᱛᱷᱤ ᱠᱚᱨᱮᱱᱟᱜ ᱒᱒ ᱜᱚᱴᱟᱝ ᱯᱩᱛᱷᱤ ᱜᱟᱭᱟᱱ ᱥᱤᱨᱤᱡᱽ ᱨᱮ ᱵᱚᱫᱚᱞ ᱦᱩᱭ ᱟᱠᱟᱱᱟ ᱾ ᱟᱡᱟᱜ ᱯᱩᱛᱷᱤ ᱠᱚ ᱤᱝᱞᱤᱥ ᱟᱨ ᱟᱨᱟᱵᱤᱠ ᱯᱟᱹᱨᱥᱤ ᱛᱮ ᱦᱚᱸ ᱛᱚᱨᱡᱚᱢᱟ ᱦᱩᱭ ᱟᱠᱟᱱᱟ ᱾ ᱡᱩᱜᱽᱨᱟᱱᱟᱣᱩᱴ ᱯᱩᱛᱷᱤ ᱠᱚ ᱟᱦᱢᱮᱫᱽ ᱟᱜ ᱠᱟᱹᱢᱤ ᱠᱚ ᱦᱤᱱᱫᱤ ᱛᱮ ᱦᱚᱸᱠᱚ ᱛᱚᱨᱡᱚᱢᱟ ᱟᱠᱟᱫᱟ ᱾
ᱥᱠᱨᱤᱱᱨᱟᱭᱤᱴᱤᱝ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱦᱢᱮᱫᱽ ᱟᱜ ᱟᱭᱢᱟ ᱩᱯᱱᱟᱥ ᱜᱟᱭᱟᱱ ᱥᱤᱨᱤᱡᱽ ᱨᱮ ᱛᱮᱭᱟᱨ ᱟᱠᱟᱱᱟ ᱾ ᱢᱮᱱᱠᱷᱟᱱ, ᱩᱱᱤ ᱫᱚ ᱠᱷᱟᱥ ᱠᱟᱛᱮᱜᱮ ᱜᱟᱭᱟᱱ ᱟᱨ ᱯᱷᱤᱞᱢ ᱞᱟᱹᱜᱤᱫ ᱠᱟᱹᱦᱱᱤ ᱦᱚᱸᱭ ᱚᱞ ᱟᱠᱟᱫᱟ ᱾ ᱩᱱᱤ ᱫᱚ ᱫᱤᱥᱟᱹᱩᱫᱩᱜᱤᱡ ᱢᱮᱦᱨᱤᱱ ᱡᱟᱵᱽᱵᱟᱨ ᱥᱟᱶ ᱢᱤᱫ ᱠᱟᱛᱮᱜ ᱜᱟᱭᱟᱱ ᱥᱤᱨᱤᱭᱟᱞ ᱠᱚ ᱛᱮᱭᱟᱨ ᱟᱠᱟᱫᱟ ᱡᱟᱦᱟᱸ ᱫᱚ ᱟᱹᱰᱤ ᱜᱟᱱ ᱧᱩᱛᱩᱢ ᱠᱚ ᱦᱟᱢᱮᱴ ᱟᱠᱟᱫᱟ ᱾ ᱱᱮᱛᱟᱨ ᱜᱮ, ᱩᱱᱤ ᱫᱚ ᱟᱨᱦᱚᱸ ᱢᱤᱫ ᱠᱟᱛᱮᱜ ᱟᱭᱤᱠ ᱡᱷᱩᱴᱤ ᱞᱚᱵᱽ ᱥᱴᱚᱨᱤ ᱧᱩᱛᱩᱢᱟᱱ ᱣᱮᱵᱽ-ᱥᱤᱨᱤᱡᱽ ᱮ ᱟᱹᱜᱩ ᱟᱠᱟᱫᱟ ᱾ ᱚᱱᱟ ᱥᱤᱨᱤᱡᱽ ᱫᱚ ᱠᱟᱨᱟᱪᱤ ᱨᱮᱱ ᱢᱤᱫ ᱡᱩᱨᱤ ᱭᱟᱜ ᱪᱮᱛᱟᱱ ᱨᱮ ᱜᱷᱩᱨᱟᱹᱣᱚᱜ ᱢᱤᱫ ᱠᱟᱹᱴᱩᱵ ᱠᱟᱹᱦᱱᱤ ᱠᱟᱱᱟ ᱾ ᱱᱚᱶᱟ ᱨᱮ ᱵᱤᱞᱟᱞ ᱟᱵᱽᱵᱟᱥ ᱠᱷᱟᱱ ᱟᱨ ᱢᱟᱫᱤᱦᱟ ᱤᱢᱟᱢ ᱢᱩᱬ ᱟᱠᱴᱟᱨ ᱞᱮᱠᱟᱛᱮ ᱠᱤᱱ ᱠᱟᱹᱢᱤ ᱟᱠᱟᱫᱟ ᱾ ᱟᱭᱤᱠ ᱡᱷᱩᱴᱤ ᱞᱚᱵᱽ ᱥᱴᱚᱨᱤ ᱫᱚ ᱓᱐ ᱚᱠᱴᱚᱵᱚᱨ ᱒᱐᱒᱐ ᱥᱟᱞᱮ ᱨᱮ ᱨᱤᱞᱤᱡᱽ ᱦᱩᱭ ᱞᱮᱱᱟ ᱟᱨ ᱱᱚᱶᱟ ᱫᱚ ᱡᱮᱭᱤ ᱕ ᱨᱮ ᱞᱟᱸᱪ ᱦᱩᱭ ᱞᱮᱱᱟ; ᱢᱤᱫ ᱰᱤᱡᱤᱴᱟᱞ ᱮᱱᱴᱟᱨᱴᱮᱱᱢᱮᱱᱴ ᱯᱞᱮᱴᱯᱷᱚᱨᱢ ᱾
ᱟᱦᱢᱮᱫᱽ ᱫᱚ ᱵᱟᱜᱷᱤ ᱧᱩᱛᱩᱢᱟᱱ ᱢᱤᱫ ᱥᱠᱨᱤᱱᱯᱞᱮ ᱦᱚᱸᱭ ᱚᱞ ᱟᱠᱟᱫᱟ, ᱡᱟᱦᱟᱸ ᱫᱚ ᱯᱟᱠᱤᱥᱛᱟᱱᱤ ᱢᱚᱰᱮᱞ, ᱠᱟᱱᱫᱮᱞ ᱵᱟᱞᱳᱪ ᱟᱜ ᱠᱟᱹᱦᱱᱤ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱᱟ ᱾ ᱚᱱᱟ ᱜᱟᱭᱟᱱ ᱨᱮ ᱥᱟᱵᱟ ᱠᱟᱢᱟᱨ ᱢᱩᱬ ᱟᱠᱴᱨᱮᱥ ᱞᱮᱠᱟᱛᱮ ᱠᱤᱱ ᱠᱟᱹᱢᱤ ᱟᱠᱟᱫᱟ ᱾ ᱟᱦᱢᱮᱫᱽ ᱫᱚ ᱱᱮᱴᱯᱷᱞᱤᱠᱥ ᱯᱨᱚᱡᱮᱠᱴ ᱪᱮᱛᱟᱱ ᱨᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱾ ᱟᱡᱟᱜ ᱱᱮᱛᱟᱨ ᱪᱟᱞᱟᱜ ᱠᱟᱱ ᱠᱟᱹᱢᱤ ᱫᱚ ᱥᱟᱭᱵᱟᱨᱵᱩᱞᱤᱝ ᱵᱟᱵᱚᱛ ᱢᱤᱫ ᱥᱤᱨᱤᱡᱽ ᱠᱟᱱᱟ ᱾ ᱚᱱᱟ ᱥᱤᱨᱤᱡᱽ ᱫᱚ ᱢᱤᱫ ᱛᱤᱨᱞᱟᱹ ᱰᱮᱴᱮᱠᱴᱤᱵᱽ ᱢᱤᱫ ᱠᱨᱟᱭᱤᱢ ᱡᱟᱸᱪ ᱵᱟᱲᱟᱭ ᱪᱮᱛᱟᱱ ᱨᱮ ᱜᱷᱩᱨᱟᱹᱣᱚᱜᱼᱟ ᱾ ᱱᱚᱶᱟ ᱫᱚ ᱩᱢᱮᱨᱟ ᱟᱜ ᱯᱩᱭᱞᱩ ᱛᱷᱨᱤᱞᱟᱨ ᱥᱤᱨᱤᱡᱽ ᱠᱟᱱᱟ ᱾ ᱢᱤᱫ ᱤᱱᱴᱟᱨᱵᱷᱤᱭᱩ ᱨᱮ ᱩᱢᱮᱨᱟ ᱫᱚᱭ ᱢᱮᱱ ᱠᱮᱫᱟ, "ᱱᱚᱶᱟ ᱫᱚ ᱥᱚᱡᱷᱮ ᱢᱚᱱᱮ ᱠᱷᱚᱱ ᱦᱤᱡᱩᱜ ᱠᱟᱱᱟ, ᱪᱮᱫᱟᱜ ᱥᱮ ᱤᱧ ᱚᱱᱟ ᱠᱷᱟᱹᱛᱤᱨ ᱛᱮ ᱟᱹᱰᱤ ᱦᱚᱲ ᱠᱚ ᱠᱚᱥᱴᱚᱜ ᱠᱟᱱ ᱤᱧ ᱧᱮᱞ ᱠᱮᱫ ᱠᱚᱣᱟ ᱾ ᱤᱧ ᱵᱟᱰᱟᱭᱟ ᱴᱨᱚᱞᱤᱝ ᱪᱮᱫ ᱞᱮᱠᱟᱛᱮ ᱡᱤᱭᱚᱱ ᱫᱚᱭ ᱵᱚᱨᱵᱟᱫᱽ ᱫᱟᱲᱮᱭᱟᱜᱼᱟ!"
ᱛᱩᱢᱦᱟᱨᱮ ᱦᱩᱥᱱ ᱠᱮ ᱱᱟᱢ (᱒᱐᱒᱓) ᱫᱚ ᱟᱡ ᱦᱚᱛᱮᱛᱮ ᱥᱟᱨᱟ ᱠᱟᱭᱭᱩᱢ ᱥᱟᱶ ᱢᱤᱫ ᱠᱟᱛᱮᱜ ᱚᱞ ᱟᱠᱟᱫ ᱟᱨ ᱢᱤᱫ ᱱᱮᱛᱟᱨ ᱜᱮ ᱜᱟᱭᱟᱱ ᱠᱟᱱᱟ ᱾ ᱱᱚᱶᱟ ᱫᱚ ᱟᱥᱚᱞ ᱨᱮ ᱦᱟᱠᱤᱢ ᱱᱟᱭᱭᱟᱨ ᱣᱟᱥᱴᱤ ᱟᱜ ᱩᱯᱱᱟᱥ ᱟᱠᱷᱛᱟᱨ ᱟᱣᱨ ᱥᱟᱞᱢᱟ (᱑᱙᱓᱐) ᱠᱷᱚᱱ ᱤᱱᱥᱯᱟᱭᱟᱨᱰ ᱠᱟᱱᱟ ᱾ ᱥᱟᱵᱟ ᱠᱟᱢᱟᱨ ᱟᱨ ᱤᱢᱨᱟᱱ ᱟᱵᱽᱵᱟᱥ ᱚᱱᱟ ᱜᱟᱭᱟᱱ ᱨᱮ ᱢᱩᱬ ᱨᱳᱞ ᱠᱤᱱ ᱠᱷᱮᱞ ᱟᱠᱟᱫᱟ ᱾
ᱟᱞᱤᱯᱷ ᱠᱤᱛᱟᱵᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱖ ᱥᱟᱞᱮ ᱨᱮ ᱟᱦᱢᱮᱫᱽ ᱫᱚ ᱟᱞᱤᱯᱷ ᱠᱤᱛᱟᱵᱽ ᱮ ᱛᱮᱭᱟᱨ ᱠᱮᱫᱟ - ᱠᱟᱹᱴᱤᱡ ᱚᱱᱚᱞᱤᱭᱟᱹ ᱠᱚ ᱟᱠᱚᱣᱟᱜ ᱠᱟᱹᱢᱤ ᱥᱮᱭᱟᱨ ᱞᱟᱹᱜᱤᱫ ᱟᱨ ᱱᱚᱶᱟ ᱠᱷᱚᱱ ᱯᱟᱭᱥᱟ ᱠᱚ ᱠᱟᱢᱟᱣ ᱫᱟᱲᱮᱭᱟᱜᱼᱟ ᱢᱤᱫ ᱰᱤᱡᱤᱴᱟᱞ ᱯᱞᱮᱴᱯᱷᱚᱨᱢ ᱾ ᱱᱚᱶᱟ ᱯᱞᱮᱴᱯᱷᱚᱨᱢ ᱫᱚ ᱱᱟᱣᱟ ᱚᱱᱚᱞᱤᱭᱟᱹ ᱠᱚ ᱮᱠᱥᱯᱟᱨᱴ ᱥᱟᱶ ᱜᱟᱞᱢᱟᱨᱟᱣ ᱠᱟᱛᱮ ᱮᱰᱤᱴᱳᱨᱤᱭᱟᱞ ᱜᱟᱭᱤᱰᱮᱱᱥ ᱮᱢᱚᱜ ᱨᱮᱱᱟᱜ ᱢᱚᱠᱥᱚᱫᱽ ᱫᱚᱭ ᱫᱚᱦᱚᱭᱟ ᱾ ᱱᱚᱶᱟ ᱯᱞᱮᱴᱯᱷᱚᱨᱢ ᱫᱚ ᱩᱱᱠᱩ ᱢᱤᱰᱤᱭᱟ ᱟᱨ ᱯᱨᱳᱰᱟᱠᱥᱚᱱ ᱦᱟᱣᱩᱥ ᱨᱮ ᱟᱠᱚᱣᱟᱜ ᱚᱞ ᱦᱚᱸ ᱥᱟᱵᱢᱤᱴ ᱦᱚᱪᱚᱭ ᱫᱟᱲᱮᱭᱟᱜᱼᱟ ᱾
ᱥᱤᱨᱯᱷᱟᱹ ᱟᱨ ᱩᱯᱨᱩᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱒᱐᱑᱔ ᱨᱮ ᱯᱟᱠᱤᱥᱛᱟᱱ ᱢᱤᱰᱤᱭᱟ ᱟᱣᱟᱨᱰᱥ-ᱡᱤᱱᱫᱟᱜᱤ ᱜᱩᱞᱡᱟᱨ ᱦᱟᱭ ᱜᱟᱭᱟᱱ ᱥᱤᱨᱤᱭᱟᱞ ᱞᱟᱹᱜᱤᱫ ᱥᱮᱨᱢᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱱᱟᱯᱟᱭ ᱚᱱᱚᱞᱤᱭᱟᱹ ᱥᱤᱨᱯᱷᱟᱹ ᱾[᱓]
- ᱒᱐᱑᱔ ᱨᱮ ᱦᱟᱢ ᱟᱣᱟᱨᱰᱥ-ᱡᱤᱱᱫᱟᱜᱤ ᱜᱩᱞᱡᱟᱨ ᱦᱟᱭ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱱᱟᱯᱟᱭ ᱚᱱᱚᱞᱤᱭᱟᱹ ᱜᱟᱭᱟᱱ ᱥᱤᱨᱤᱭᱟᱞ ᱾[᱔]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "10 iconic Pakistani TV dramas you should binge-watch this weekend". DAWN. 21 October 2016. Retrieved 2021-01-26.
- ↑ "20 Pakistani TV dramas that you should watch if you haven't". Daily Times. 20 July 2016. Retrieved 22 May 2021.
- ↑ "Pakistan's 4th Media Award Winner List". Events in Karachi. 17 January 2014. Archived from the original on 2021-02-02. Retrieved 2021-01-26.
- ↑ "First Hum TV Awards Red Carpet : Winners List". ww.web.pk. 17 March 2013. Retrieved 2021-01-26.
