ᱩᱥᱟ ᱠᱤᱨᱚᱱ
| ᱩᱥᱟ ᱠᱤᱨᱚᱱ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱒᱒ ᱮᱯᱨᱤᱞ ᱑᱙᱒᱙ ᱦᱟᱭᱫᱟᱨᱟᱵᱟᱫ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱐᱙ ᱢᱟᱨᱪ ᱒᱐᱐᱐ (᱗᱐ ᱵᱚᱭᱚᱥ) ᱱᱟᱥᱤᱠ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱠᱟᱹᱢᱤ | ᱮᱠᱴᱨᱮᱥ |
| ᱠᱟᱹᱢᱤ ᱚᱠᱛᱚ | 1949–2000 |
| ᱡᱤᱭᱚᱱ ᱥᱚᱦᱮᱫ | ᱢᱟᱱᱳᱦᱟᱨ ᱠᱷᱮᱨ |
| ᱦᱚᱯᱚᱱ | ᱛᱟᱱᱵᱤ ᱟᱡᱽᱢᱤ, ᱟᱫᱽᱣᱟᱛᱤ ᱠᱷᱮᱨ |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | ᱵᱟᱵᱟ ᱟᱡᱽᱢᱤ (son-in-law) ᱥᱟᱭᱭᱟᱢᱤ ᱠᱷᱮᱨ (granddaughter) |
ᱩᱥᱟ ᱠᱤᱨᱚᱱ (᱒᱒ ᱮᱯᱨᱤᱞ ᱑᱙᱒᱙ – ᱙ ᱢᱟᱨᱪ ᱒᱐᱐᱐) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱛᱟᱦᱮᱸ ᱠᱟᱱᱟᱭ ᱾ ᱯᱩᱱ ᱜᱮᱞ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱡᱤᱭᱚᱱ ᱨᱮ, ᱩᱱᱤ ᱫᱚ ᱕᱐ ᱠᱷᱚᱱ ᱵᱟᱹᱲᱛᱤ ᱦᱤᱱᱫᱤ ᱟᱨ ᱢᱟᱨᱟᱴᱷᱤ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟᱭ, ᱧᱩᱛᱩᱢᱟᱱ ᱞᱮᱠᱟᱛᱮ ᱫᱟᱜ (᱑᱙᱕᱒), ᱯᱟᱛᱤᱛᱟ (᱑᱙᱕᱓), ᱵᱟᱫᱽᱵᱟᱱ (᱑᱙᱕᱔), ᱪᱩᱯᱠᱮ ᱪᱩᱯᱠᱮ (᱑᱙᱗᱕), ᱢᱤᱞᱤ (᱑᱙᱗᱕) ᱟᱨ ᱵᱟᱣᱟᱨᱪᱤ (᱑᱙᱗᱒) ᱾ ᱩᱱᱤ ᱫᱚ ᱑᱙᱙᱖ ᱟᱨ ᱑᱙᱙᱗ ᱚᱠᱛᱚ ᱨᱮ ᱢᱩᱢᱵᱟᱭ ᱨᱮᱱ ᱥᱮᱨᱤᱯᱷ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾[᱑]
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱮᱢ.ᱡᱤ. ᱨᱟᱝᱱᱮᱠᱟᱨ ᱟᱜ ᱢᱟᱨᱟᱴᱷᱤ ᱯᱞᱮ ᱟᱥᱤᱨᱣᱟᱫᱽ ᱥᱟᱶ ᱥᱴᱮᱡᱽ ᱨᱮ ᱟᱡᱟᱜ ᱮᱠᱴᱤᱝ ᱠᱟᱹᱢᱤ ᱮ ᱮᱛᱚᱦᱚᱵ ᱠᱮᱫᱟ ᱾[᱒] ᱩᱱᱤ ᱩᱫᱚᱭ ᱥᱟᱝᱠᱟᱨ ᱟᱜ ᱮᱱᱮᱡ-ᱰᱨᱟᱢᱟ ᱯᱷᱤᱞᱢ ᱠᱟᱞᱯᱟᱱᱟ (᱑᱙᱔᱘) ᱨᱮ ᱢᱤᱫ ᱠᱟᱹᱴᱤᱡ ᱨᱚᱞ ᱥᱟᱶ ᱦᱤᱱᱫᱤ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮᱭ ᱵᱚᱞᱚ ᱮᱱᱟ ᱾ ᱩᱱᱤ ᱟᱹᱰᱤ ᱜᱟᱱ ᱧᱩᱛᱩᱢᱟᱱ ᱦᱤᱱᱫᱤ ᱯᱷᱤᱞᱢ ᱡᱮᱞᱮᱠᱟ ᱱᱟᱡᱽᱨᱟᱱᱟ (᱑᱙᱖᱑), ᱫᱟᱜ (᱑᱙᱕᱒), ᱟᱨ ᱵᱟᱫᱽᱵᱟᱱ (᱑᱙᱕᱔), (ᱡᱟᱦᱟᱸ ᱞᱟᱹᱜᱤᱫ ᱛᱮ ᱩᱱᱤ ᱑᱙᱕᱕ ᱨᱮ ᱥᱚᱨᱮᱥ ᱜᱚᱲᱚ ᱮᱠᱴᱨᱮᱥ ᱞᱟᱹᱜᱤᱫ ᱯᱩᱭᱞᱩ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱷᱟᱹᱭ ᱡᱤᱛᱠᱟᱹᱨ ᱞᱮᱱᱟ), ᱠᱟᱵᱩᱞᱤᱣᱟᱞᱟ (᱑᱙᱖᱑), ᱯᱟᱛᱤᱛᱟ (᱑᱙᱕᱓), ᱢᱤᱞᱤ, ᱵᱟᱣᱟᱨᱪᱤ (᱑᱙᱗᱒) ᱟᱨ ᱪᱩᱯᱠᱮ ᱪᱩᱯᱠᱮ (᱑᱙᱗᱕) ᱨᱮ ᱠᱟᱹᱢᱤ ᱞᱮᱫᱟ ᱾
ᱩᱱᱤ ᱨᱮᱱ ᱧᱩᱛᱩᱢᱟᱱ ᱢᱟᱨᱟᱴᱷᱤ ᱯᱷᱤᱞᱢ ᱫᱚ ᱥᱤᱠᱞᱮᱞᱤ ᱵᱟᱭᱠᱳ, ᱡᱟᱥᱟᱪ ᱛᱟᱥᱮ, ᱯᱳᱥᱴᱟᱛᱞᱤ ᱢᱩᱞᱜᱤ, ᱫᱩᱫᱷ ᱵᱷᱟᱠᱟᱨ, ᱥᱛᱨᱤ ᱡᱟᱱᱢᱟ ᱦᱤ ᱛᱩᱡᱤ ᱠᱟᱦᱟᱱᱤ, ᱠᱟᱱᱭᱟᱫᱟᱱ (ᱡᱟᱦᱟᱸ ᱞᱟᱹᱜᱤᱫ ᱛᱮ ᱩᱱᱤ ᱥᱚᱨᱮᱥ ᱮᱠᱴᱨᱮᱥ ᱞᱟᱹᱜᱤᱫ ᱢᱚᱦᱟᱨᱟᱥᱴᱨᱚ ᱥᱚᱨᱠᱟᱨ ᱟᱜ ᱥᱤᱨᱯᱷᱟᱹᱭ ᱧᱟᱢ ᱠᱮᱫᱟ), ᱜᱟᱨᱤᱵᱟ ᱜᱷᱟᱨᱪᱤ ᱞᱮᱠ, ᱟᱨ ᱠᱟᱱᱪᱟᱱᱜᱟᱝᱜᱟ ᱾
ᱩᱱᱤ ᱠᱤᱥᱳᱨ ᱠᱩᱢᱟᱨ, ᱨᱟᱡᱽ ᱠᱟᱯᱩᱨ, ᱫᱮᱵᱽ ᱟᱱᱟᱱᱫᱽ, ᱟᱥᱳᱠ ᱠᱩᱢᱟᱨ, ᱫᱤᱞᱤᱯ ᱠᱩᱢᱟᱨ, ᱨᱟᱡᱮᱱᱫᱽᱨᱟ ᱠᱩᱢᱟᱨ, ᱨᱟᱡᱮᱥ ᱠᱷᱟᱱᱱᱟ, ᱫᱷᱚᱨᱢᱮᱱᱫᱽᱨᱟ ᱟᱨ ᱟᱢᱤᱛᱟᱵᱷ ᱵᱟᱪᱪᱷᱚᱱ ᱞᱮᱠᱟᱱ ᱦᱤᱱᱫᱤ ᱯᱷᱤᱞᱢ ᱮᱠᱴᱚᱨ ᱥᱟᱢᱟᱝ ᱨᱮ ᱥᱴᱟᱨ ᱮ ᱛᱟᱦᱮᱸ ᱠᱟᱱᱟ ᱾
ᱩᱱᱤ ᱫᱚ ᱱᱟᱥᱤᱠ ᱨᱮ ᱗᱐ ᱵᱚᱪᱷᱚᱨ ᱩᱢᱮᱨ ᱨᱮᱭ ᱵᱚᱸᱜᱟ ᱛᱟᱞᱟ ᱮᱱᱟ ᱾
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱥᱟ ᱫᱚ ᱢᱟᱨᱟᱴᱷᱤ ᱨᱚᱲ ᱦᱚᱲ ᱜᱷᱟᱨᱚᱸᱡᱽ ᱨᱮ ᱩᱥᱟ ᱵᱟᱞᱠᱨᱤᱥᱱᱟ ᱢᱟᱨᱟᱛᱷᱮ ᱞᱮᱠᱟᱛᱮ ᱡᱟᱱᱟᱢ ᱞᱮᱱᱟᱭ, ᱵᱟᱞᱠᱨᱤᱥᱱᱟ ᱵᱤᱥᱱᱩ ᱢᱟᱨᱟᱛᱷᱮ ᱟᱨ ᱟᱡᱤᱡ ᱮᱨᱟ ᱨᱟᱫᱷᱟᱵᱟᱭ ᱢᱟᱨᱟᱛᱷᱮ ᱨᱮᱱ ᱠᱩᱲᱤ ᱞᱮᱠᱟᱛᱮ ᱾ ᱩᱱᱤ ᱫᱚ ᱢᱚᱬᱮ ᱜᱚᱴᱟᱝ ᱠᱩᱲᱤ ᱢᱩᱫᱽ ᱨᱮ ᱫᱚᱥᱟᱨ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱰᱨ. ᱢᱚᱱᱳᱦᱟᱨ ᱠᱷᱮᱨ ᱥᱟᱶ ᱵᱟᱯᱞᱟ ᱞᱮᱱᱟᱭ, ᱡᱟᱦᱟᱸᱭ ᱫᱚ ᱢᱩᱢᱵᱟᱭ ᱨᱮ ᱥᱤᱭᱚᱱ ᱦᱚᱥᱯᱤᱴᱟᱞ ᱨᱮᱱ ᱰᱤᱱ ᱮ ᱵᱮᱱᱟᱣ ᱮᱱᱟ ᱾ ᱱᱩᱠᱩ ᱫᱚ ᱵᱟᱨᱭᱟ ᱜᱤᱫᱽᱨᱟᱹ ᱨᱮᱱ ᱟᱭᱳ-ᱵᱟᱵᱟ ᱠᱚ ᱛᱟᱦᱮᱸ ᱠᱟᱱᱟ, ᱢᱤᱫ ᱠᱚᱲᱟ, ᱚᱫᱽᱣᱟᱭᱤᱛ ᱠᱷᱮᱨ ᱟᱨ ᱢᱤᱫ ᱠᱩᱲᱤ, ᱛᱟᱱᱵᱷᱤ ᱟᱡᱽᱢᱤ ᱾ ᱩᱥᱟ ᱠᱤᱨᱚᱱ ᱨᱮᱱ ᱠᱚᱲᱟ ᱚᱫᱽᱣᱟᱭᱤᱛ ᱫᱚ ᱢᱤᱫ ᱢᱟᱨᱮ ᱢᱚᱰᱮᱞ ᱠᱟᱱᱟᱭ, ᱱᱤᱛᱚᱜ ᱟᱡᱤᱡ ᱮᱨᱟ ᱩᱛᱛᱟᱨᱟ (ᱡᱟᱦᱟᱸᱭ ᱫᱚ ᱑᱙᱘᱒ ᱨᱮᱱ ᱯᱷᱮᱢᱤᱱᱟ ᱢᱤᱥ ᱤᱱᱰᱤᱭᱟ ᱛᱟᱦᱮᱸ ᱠᱟᱱᱟᱭ) ᱟᱨ ᱟᱡ ᱨᱮᱱ ᱵᱟᱨᱭᱟ ᱠᱩᱲᱤ ᱥᱚᱣᱱᱥᱠᱨᱩᱛᱤ ᱠᱷᱮᱨ ᱟᱨ ᱥᱟᱭᱭᱟᱢᱤ ᱠᱷᱮᱨ ᱥᱟᱶ ᱱᱟᱥᱤᱠ ᱨᱮᱭ ᱵᱚᱥᱚᱛ ᱟᱠᱟᱱᱟ ᱾ ᱩᱥᱟ ᱠᱤᱨᱚᱱ ᱨᱮᱱ ᱠᱩᱲᱤ ᱛᱟᱱᱵᱷᱤ ᱟᱡᱽᱢᱤ ᱢᱤᱫ ᱱᱟᱯᱟᱭ ᱵᱟᱰᱟᱭ ᱴᱮᱞᱤᱵᱷᱤᱡᱚᱱ ᱟᱨ ᱯᱷᱤᱞᱢ ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱥᱟᱵᱟᱱᱟ ᱟᱡᱽᱢᱤ ᱨᱮᱱ ᱵᱚᱭᱦᱟ ᱥᱤᱱᱮᱢᱟᱴᱳᱜᱨᱟᱯᱷᱟᱨ ᱵᱟᱵᱟ ᱟᱡᱽᱢᱤ ᱥᱟᱶ ᱵᱟᱯᱞᱟ ᱟᱠᱟᱱᱟᱭ ᱾[᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Actress Usha Kiran passes away at 71". The Indian Express. 10 March 2000. Archived from the original on 23 March 2020. Retrieved 5 November 2012.
- ↑ Mass media 2001. Ministry of Information and Broadcasting. Research, Reference, and Training Division. Government of India, 2001. ISBN 81-230-0942-9. p. 152.
- ↑ THE DYNAMIC DYNASTIES: What would the world of films be without them? Archived ᱑᱐ ᱯᱷᱮᱵᱽᱨᱩᱣᱟᱨᱤ ᱒᱐᱑᱐ at the Wayback Machine. Screen, 22 September 2000.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱩᱥᱟ ᱠᱤᱨᱚᱱ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)