Jump to content

ᱩᱯᱮᱱᱫᱨᱚ ᱠᱩᱥᱣᱟᱦᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱩᱯᱮᱱᱫᱨᱚ ᱠᱩᱥᱣᱟᱦᱟ
ᱨᱟᱡᱽᱭᱚ ᱥᱚᱵᱷᱟ ᱨᱤᱱᱤᱡ ᱥᱚᱸᱥᱚᱫᱽ ᱥᱚᱦᱮᱛ
ᱵᱟᱭᱴᱷᱮᱨ ᱟᱠᱟᱱᱤᱡ
Assumed office
᱒᱗ ᱚᱜᱚᱥᱴ ᱒᱐᱒᱔
ᱢᱟᱬᱟᱝ ᱟᱹᱢᱟᱹᱞᱤᱭᱟᱹᱵᱷᱤᱵᱷᱮᱠ ᱴᱷᱟᱠᱩᱨ
ᱵᱟᱪᱷᱱᱟᱣ ᱮᱞᱟᱠᱟᱵᱤᱦᱟᱨ
ᱟᱹᱢᱟᱹᱞᱤ ᱨᱮ
᱘ ᱡᱩᱞᱟᱭ ᱒᱐᱑᱐ – ᱔ ᱡᱟᱱᱩᱣᱟᱨᱤ ᱒᱐᱑᱓
ᱢᱟᱬᱟᱝ ᱟᱹᱢᱟᱹᱞᱤᱭᱟᱹᱡᱚᱨᱡᱽ ᱯᱷᱚᱨᱱᱟᱱᱰᱮᱥ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹᱠᱮ. ᱥᱤ. ᱛᱭᱟᱜᱤ
ᱵᱟᱪᱷᱱᱟᱣ ᱮᱞᱟᱠᱟᱵᱤᱦᱟᱨ
ᱨᱟᱥᱴᱨᱤᱭᱚ ᱞᱳᱠ ᱢᱳᱨᱪᱟ ᱨᱤᱱᱤᱡ ᱯᱟᱨᱥᱮᱛ
ᱵᱟᱭᱴᱷᱮᱨ ᱟᱠᱟᱱᱤᱡ
Assumed office
᱒᱐ ᱯᱷᱮᱵᱨᱩᱣᱟᱨᱤ ᱒᱐᱒᱓
ᱢᱟᱹᱱᱢᱤ ᱫᱩᱨᱤᱵᱽ ᱩᱛᱱᱟᱹᱣ ᱯᱚᱱᱚᱛ ᱢᱚᱱᱛᱨᱤ
ᱟᱹᱢᱟᱹᱞᱤ ᱨᱮ
᱒᱖ ᱢᱮ ᱒᱐᱑᱔ – ᱑᱐ ᱰᱤᱥᱮᱢᱵᱚᱨ ᱒᱐᱑᱘
ᱢᱟᱨᱟᱝ ᱢᱚᱱᱛᱨᱤᱱᱚᱨᱮᱱᱫᱨᱚ ᱢᱳᱫᱤ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹᱥᱟᱥᱤ ᱛᱷᱟᱨᱩᱨ
ᱞᱳᱠᱥᱚᱵᱷᱟ ᱨᱤᱱᱤᱡ ᱥᱚᱸᱥᱚᱫᱽ ᱥᱚᱦᱮᱛ
ᱟᱹᱢᱟᱹᱞᱤ ᱨᱮ
᱑᱖ ᱢᱮ ᱒᱐᱑᱔ – ᱒᱓ ᱢᱮ ᱒᱐᱑᱙
ᱢᱟᱬᱟᱝ ᱟᱹᱢᱟᱹᱞᱤᱭᱟᱹᱢᱚᱦᱟᱵᱚᱞᱤ ᱥᱤᱝ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹᱢᱚᱦᱟᱵᱚᱞᱤ ᱥᱤᱝ
ᱵᱟᱪᱷᱱᱟᱣ ᱮᱞᱟᱠᱟᱠᱟᱨᱟᱠᱟᱴ
ᱨᱟᱥᱴᱨᱤᱭᱚ ᱞᱳᱠ ᱥᱚᱢᱚᱛᱟ ᱯᱟᱨᱴᱤ ᱨᱤᱱᱤᱡ ᱯᱟᱨᱥᱮᱛ
ᱟᱹᱢᱟᱹᱞᱤ ᱨᱮ
᱑᱓ ᱢᱟᱨᱪ ᱒᱐᱑᱓ – ᱒᱐᱒᱑
ᱵᱤᱦᱟᱨ ᱵᱤᱫᱷᱟᱱ ᱯᱚᱨᱤᱥᱚᱫᱽ ᱨᱤᱱᱤᱡ ᱥᱚᱦᱮᱛ
ᱟᱹᱢᱟᱹᱞᱤ ᱨᱮ
᱒᱐᱒᱑ – ᱒᱔ ᱯᱷᱮᱵᱨᱩᱣᱟᱨᱤ ᱒᱐᱒᱓[᱑]
ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ
ᱟᱹᱢᱟᱹᱞᱤ ᱨᱮ
᱒᱐᱐᱐ – ᱒᱐᱐᱕
ᱢᱟᱬᱟᱝ ᱟᱹᱢᱟᱹᱞᱤᱭᱟᱹᱛᱩᱞᱥᱤ ᱫᱟᱥ ᱢᱮᱦᱛᱟ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹᱚᱪᱭᱩᱛᱟᱱᱚᱱᱫᱽ ᱥᱤᱝ
ᱵᱟᱪᱷᱱᱟᱣ ᱮᱞᱟᱠᱟᱡᱚᱱᱫᱟᱦᱟ
ᱨᱟᱥᱴᱨᱤᱭᱚ ᱥᱚᱢᱚᱛᱟ ᱯᱟᱨᱴᱤ ᱨᱤᱱᱤᱡ ᱯᱟᱨᱥᱮᱛ
ᱟᱹᱢᱟᱹᱞᱤ ᱨᱮ
᱒᱐᱐᱗ - ᱒᱙ ᱱᱚᱵᱷᱮᱢᱵᱚᱨ ᱒᱐᱐᱙
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢᱩᱯᱮᱱᱫᱨᱚ ᱠᱩᱢᱟᱨ ᱥᱤᱝ[᱒]
᱖ ᱯᱷᱮᱵᱽᱨᱩᱣᱟᱨᱤ ᱑᱙᱖᱐ (1960-02-06) (᱖᱕ ᱥᱮᱨᱢᱟ)
ᱵᱟᱭᱥᱟᱞᱤ ᱦᱚᱱᱚᱛ, ᱵᱤᱦᱟᱨ, ᱥᱤᱧᱚᱛ
ᱨᱟᱡᱽᱟᱹᱨᱤ ᱫᱚᱞᱨᱟᱥᱴᱨᱤᱭᱚ ᱞᱳᱠ ᱢᱳᱨᱪᱟ (᱒᱐᱒᱓ ᱠᱷᱚᱱ ᱱᱤᱛ ᱫᱷᱟᱹᱨᱤᱡ)
ᱮᱴᱟᱜ ᱨᱟᱡᱽᱟᱹᱨᱤ
ᱥᱟᱹᱜᱟᱹᱭ		ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) (᱒᱐᱒᱑-᱒᱐᱒᱓);(᱒᱐᱐᱙-᱒᱐᱑᱓); (᱒᱐᱐᱔-᱒᱐᱐᱗)
ᱨᱟᱥᱴᱨᱤᱭᱚ ᱞᱳᱠ ᱥᱚᱢᱚᱛᱟ ᱯᱟᱨᱴᱤ (᱒᱐᱑᱓-᱒᱐᱒᱑)
ᱨᱟᱥᱴᱨᱤᱭᱚ ᱥᱚᱢᱚᱛᱟ ᱯᱟᱨᱴᱤ (᱒᱐᱐᱗-᱒᱐᱐᱙)
ᱥᱚᱢᱚᱛᱟ ᱯᱟᱨᱴᱤ (᱒᱐᱐᱐-᱒᱐᱐᱔)
ᱥᱮᱪᱮᱫ ᱟᱠᱷᱲᱟᱵᱤᱦᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ
As of ᱔ ᱢᱟᱨᱪ, ᱒᱐᱑᱖
Source: My Neta

ᱩᱯᱮᱱᱫᱨᱚ ᱠᱩᱢᱟᱨ ᱥᱤᱝ, ᱡᱟᱦᱟᱸᱭ ᱫᱚ ᱩᱯᱮᱱᱫᱨᱚ ᱠᱩᱥᱣᱟᱦᱟ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟᱭ (ᱡᱟᱱᱟᱢ ᱖ ᱯᱷᱮᱵᱨᱩᱣᱟᱨᱤ ᱑᱙᱖᱐)[᱓] ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱟᱨ ᱵᱤᱦᱟᱨ ᱵᱤᱫᱷᱟᱱ ᱯᱚᱨᱤᱥᱚᱫᱽ ᱟᱨ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱢᱟᱲᱟᱝ ᱥᱚᱦᱮᱫ ᱠᱟᱱᱟᱭ ᱾ ᱩᱱᱤ ᱫᱚ ᱵᱷᱟᱨᱚᱛ ᱥᱚᱨᱠᱟᱨ ᱨᱮ ᱢᱟᱹᱱᱢᱤ ᱫᱩᱨᱤᱵᱽ ᱟᱨ ᱩᱛᱷᱱᱟᱹᱣ ᱯᱚᱱᱚᱛ ᱢᱚᱱᱛᱨᱤ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱼᱟ ᱾[᱔] ᱠᱩᱥᱣᱟᱦᱟ ᱫᱚ ᱵᱤᱦᱟᱨ ᱨᱤᱱᱤᱡ ᱨᱳᱦᱛᱟᱥ ᱦᱚᱱᱚᱛ ᱨᱤᱱᱤᱡ ᱠᱟᱨᱟᱠᱟᱴ ᱵᱟᱪᱷᱱᱟᱣ ᱴᱚᱴᱷᱟ ᱨᱤᱱᱤᱡ ᱢᱟᱨᱮ ᱥᱚᱸᱥᱚᱫᱽ ᱥᱚᱦᱮᱛ (ᱥᱚᱸᱥᱚᱫᱽ) ᱟᱨ ᱨᱟᱡᱽᱭᱚ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱠᱟᱱᱟᱭ ᱾ ᱩᱱᱤ ᱫᱚ ᱨᱟᱥᱴᱨᱤᱭᱚ ᱥᱚᱢᱛᱟ ᱯᱟᱨᱴᱤ (ᱟᱨ.ᱮᱥ.ᱯᱤ.) ᱨᱤᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸ ᱫᱚ ᱒᱐᱐᱙ ᱥᱟᱞᱮ ᱨᱮ ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) (ᱡᱮ.ᱰᱤ.ᱭᱩ.) ᱨᱮ ᱢᱮᱥᱟ ᱞᱮᱱᱟ ᱾ ᱛᱟᱭᱚᱢ ᱛᱮ, ᱩᱱᱤ ᱫᱚ ᱨᱟᱥᱴᱨᱤᱭᱚ ᱞᱳᱠ ᱥᱚᱢᱛᱟ ᱯᱟᱨᱴᱤ (ᱟᱨ.ᱮᱞ.ᱮᱥ.ᱯᱤ.) ᱵᱮᱱᱟᱣ ᱞᱮᱫᱟᱭ, ᱡᱟᱦᱟᱸ ᱫᱚ ᱒᱐᱒᱑ ᱨᱮ ᱡᱮ.ᱰᱤ.ᱭᱩ. ᱨᱮ ᱦᱚᱸ ᱥᱮᱞᱮᱫ ᱞᱮᱱᱟ ᱾[᱕][᱖][᱗] ᱒᱐ ᱯᱷᱮᱵᱽᱨᱩᱣᱟᱨᱤ ᱒᱐᱒᱓ ᱨᱮ, ᱠᱩᱥᱣᱟᱦᱟ ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) ᱨᱤᱱ ᱡᱚᱛᱚ ᱯᱚᱫᱽ ᱠᱷᱚᱱ ᱨᱤᱡᱷᱟᱹᱣ ᱮᱱᱟ ᱟᱨ ᱡᱮᱰᱤ (ᱭᱩ) ᱟᱨ ᱱᱤᱛᱤᱥ ᱠᱩᱢᱟᱨ ᱥᱟᱶ ᱟᱡᱟᱜ ᱨᱟᱡᱽᱟᱹᱨᱤ ᱵᱷᱮᱯᱮᱫ ᱠᱷᱟᱹᱛᱤᱨ ᱟᱡᱟᱜ ᱯᱟᱨᱴᱤ ᱨᱟᱥᱴᱨᱤᱭᱚ ᱞᱳᱠ ᱢᱳᱨᱪᱟ ᱧᱩᱛᱩᱢ ᱛᱮ ᱵᱮᱱᱟᱣ ᱮᱱᱟ ᱾[᱘] ᱠᱩᱥᱣᱟᱦᱟ ᱫᱚ ᱠᱟᱨᱟᱠᱟᱴ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱒᱐᱒᱔ ᱥᱟᱞ ᱨᱮ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱯᱮᱭᱟ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱾ ᱢᱮᱱᱠᱷᱟᱱ, ᱚᱜᱚᱥᱴ ᱒᱐᱒᱔ ᱨᱮ ᱩᱱᱤ ᱫᱚ ᱨᱟᱡᱽᱭᱚ ᱥᱚᱵᱷᱟ ᱞᱟᱹᱜᱤᱫ ᱛᱮ ᱵᱟᱪᱷᱚᱱ ᱞᱮᱱᱟᱭ ᱾[᱙]

ᱮᱛᱚᱦᱚᱵ ᱡᱤᱭᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱯᱮᱱᱫᱨᱚ ᱠᱩᱢᱟᱨ ᱥᱤᱝ ᱫᱚ ᱢᱩᱱᱮᱥᱣᱚᱨᱤ ᱥᱤᱝ ᱟᱨ ᱢᱩᱱᱮᱥᱣᱚᱨᱤ ᱫᱮᱵᱤ[᱑᱐] ᱟᱜ ᱚᱲᱟᱜ ᱨᱮ ᱖ ᱯᱷᱮᱵᱽᱨᱩᱣᱟᱨᱤ ᱑᱙᱖᱐ ᱥᱟᱞᱮ ᱨᱮ ᱵᱚᱭᱥᱟᱞᱤ, ᱵᱤᱦᱟᱨ ᱨᱮ ᱢᱤᱫᱴᱟᱹᱝ ᱢᱩᱬᱩᱛ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱫᱚ ᱯᱟᱴᱱᱟ ᱥᱟᱬᱮᱥ ᱵᱤᱨᱫᱟᱹᱜᱟᱲ ᱠᱷᱚᱱ ᱵᱮᱪᱞᱳᱨ ᱰᱤᱜᱽᱨᱤ ᱮ ᱦᱟᱢᱮᱴ ᱞᱮᱫᱼᱟ ᱟᱨ ᱢᱩᱡᱚᱯᱷᱚᱨᱯᱩᱨ ᱨᱮᱱᱟᱜ ᱵᱤ.ᱟᱨ. ᱟᱢᱵᱮᱰᱠᱚᱨ ᱵᱤᱦᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱨᱟᱡᱽᱟᱹᱨᱤ ᱥᱟᱬᱮᱥ ᱨᱮ ᱢᱟᱪᱮᱛ (ᱮᱢ.ᱮ.) ᱮ ᱦᱟᱢᱮᱴ ᱞᱮᱫᱼᱟ ᱾ ᱥᱤᱝ ᱫᱚ ᱥᱚᱢᱚᱛᱟ ᱠᱚᱞᱮᱡᱽ ᱨᱮᱭᱟᱜ ᱨᱟᱡᱽᱟᱹᱨᱤ ᱰᱤᱯᱟᱨᱴᱢᱮᱱᱴ ᱨᱮ ᱞᱚᱠᱪᱚᱨᱮᱴ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ ᱾

ᱱᱤᱛᱤᱥ ᱠᱩᱢᱟᱨ ᱟᱜ ᱩᱫᱩᱜ ᱥᱚᱫᱚᱨ ᱠᱟᱛᱮ ᱩᱱᱤ ᱟᱡᱟᱜ ᱧᱩᱛᱩᱢ ᱨᱮ 'ᱠᱩᱥᱣᱟᱦᱟ' ᱥᱮᱞᱮᱫ ᱞᱮᱫᱟᱭ: ᱱᱚᱣᱟ ᱧᱩᱛᱩᱢ ᱫᱚ ᱡᱟᱹᱛᱤ ᱜᱟᱫᱮᱞ ᱥᱟᱶ ᱡᱩᱲᱟᱹᱣ ᱟᱠᱟᱱᱟ ᱟᱨ ᱱᱚᱣᱟ ᱟᱡᱟᱜ ᱨᱟᱡᱽᱟᱹᱨᱤ ᱴᱷᱟᱶ ᱫᱚ ᱱᱟᱯᱟᱭᱚᱜᱼᱟ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱠᱩᱥᱣᱟᱦᱟ ᱫᱚ ᱠᱟᱨᱯᱩᱨᱤ ᱴᱷᱟᱠᱩᱨ ᱟᱨ ᱡᱚᱭᱯᱨᱚᱠᱚᱥ ᱱᱟᱨᱟᱭᱚᱱ ᱥᱟᱶᱮ ᱠᱟᱹᱢᱤ ᱟᱠᱟᱫᱟ ᱟᱨ ᱑᱙᱙᱐ ᱨᱮᱱᱟᱜ ᱥᱮᱨᱢᱟ ᱨᱮᱱᱟᱜ ᱱᱤᱛᱤᱥ ᱠᱩᱢᱟᱨ, ᱞᱟᱞᱩ ᱯᱨᱚᱥᱟᱫᱽ ᱭᱟᱫᱚᱵᱽ ᱟᱨ ᱨᱟᱢᱵᱤᱞᱟᱥ ᱯᱟᱥᱣᱟᱱᱟ ᱮᱢᱟᱱ ᱮᱴᱟᱜ ᱢᱩᱬᱩᱛ ᱨᱟᱡᱽᱟᱹᱨᱤ ᱞᱮᱠᱟᱛᱮ ᱠᱩᱥᱣᱟᱦᱟ ᱫᱚ ᱥᱟᱶᱛᱟ ᱨᱤᱱᱤᱡ ᱢᱤᱫ ᱦᱚᱲ ᱠᱟᱱᱟᱭ ᱾ ᱩᱱᱤ ᱟᱡ ᱵᱟᱵᱟ ᱢᱩᱱᱮᱥᱣᱚᱨ ᱥᱤᱝ ᱠᱚᱨᱯᱩᱨᱤ ᱴᱷᱟᱠᱩᱨ ᱥᱟᱶ ᱵᱟᱰᱟᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱟᱡᱟᱜ ᱜᱨᱮᱡᱩᱮᱴ ᱚᱠᱛᱚ ᱨᱮ ᱠᱩᱥᱣᱟᱦᱟ ᱴᱷᱟᱠᱩᱨ ᱥᱟᱶ ᱨᱟᱡᱽᱟᱹᱨᱤ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱠᱟᱹᱢᱤ ᱞᱟᱹᱜᱤᱫ ᱛᱮ ᱵᱷᱮᱡᱟ ᱞᱮᱫ ᱛᱟᱦᱮᱸᱫ ᱾[᱓] ᱟᱡᱟᱜ ᱨᱟᱡᱽᱟᱹᱨᱤ ᱡᱤᱭᱚᱱ ᱨᱮ, ᱠᱩᱥᱣᱟᱦᱟ ᱫᱚ ᱢᱚᱦᱟᱨᱟᱥᱴᱨᱚ ᱨᱤᱱᱤᱡ ᱢᱟᱨᱮ ᱥᱚᱵᱽ ᱥᱤᱨᱟᱹ ᱢᱚᱱᱛᱨᱤ ᱪᱷᱚᱜᱚᱱ ᱵᱷᱩᱡᱽᱵᱚᱞ ᱫᱚ ᱟᱡᱤᱡ ᱨᱟᱡᱽᱟᱹᱨᱤ ᱜᱩᱨᱩ ᱢᱮᱱᱛᱮᱭ ᱢᱟᱱᱟᱣᱭᱟ ᱾ ᱠᱩᱥᱣᱟᱦᱟ ᱫᱚ ᱵᱷᱩᱡᱽᱵᱚᱞ ᱟᱨ ᱥᱚᱨᱚᱫᱽ ᱯᱚᱣᱟᱨ ᱥᱟᱶ ᱟᱡᱟᱜ ᱥᱟᱹᱜᱟᱹᱭ ᱨᱮᱱᱟᱜ ᱠᱟᱛᱷᱟᱭ ᱞᱟᱹᱭ ᱟᱠᱟᱫᱟ ᱾ ᱟᱡᱟᱜ ᱨᱟᱡᱽᱟᱹᱨᱤ ᱡᱤᱭᱚᱱ ᱨᱮᱱᱟᱜ ᱟᱹᱰᱤ ᱞᱟᱹᱠᱛᱤᱭᱟᱱ ᱚᱠᱛᱚ ᱨᱮ ᱟᱡᱟᱜ ᱜᱚᱲᱚ ᱞᱟᱹᱜᱤᱫ ᱛᱮ ᱯᱚᱣᱟᱨ ᱟᱡᱟᱜ ᱥᱤᱨᱯᱷᱟᱹᱭ ᱮᱢ ᱟᱠᱟᱫᱟ ᱾[᱑᱑]

ᱨᱟᱡᱽᱟᱹᱨᱤ ᱠᱟᱹᱢᱤ ᱡᱤᱭᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱯᱮᱱᱫᱨᱚ ᱠᱩᱥᱣᱟᱦᱟ ᱫᱚ ᱑᱙᱘᱕ ᱥᱟᱞᱮᱨᱮ ᱨᱟᱡᱽᱟᱹᱨᱤ ᱨᱮᱭ ᱵᱚᱞᱚ ᱮᱱᱟ; ᱚᱱᱟ ᱛᱟᱭᱚᱢ ᱠᱷᱚᱱ ᱑᱙᱘᱘ ᱥᱟᱞ ᱫᱷᱟᱹᱨᱤᱡ ᱩᱱᱤ ᱫᱚ ᱭᱩᱵᱟ ᱞᱳᱠᱫᱚᱞ ᱨᱤᱱᱤᱡ ᱯᱚᱱᱚᱛ ᱢᱟᱨᱟᱝ ᱥᱩᱛᱨᱮᱛ ᱢᱮᱱᱟᱭᱟ ᱾ ᱨᱟᱡᱽᱟᱹᱨᱤ ᱵᱤᱥᱲᱤ ᱠᱚᱣᱟᱜ ᱢᱮᱱ ᱞᱮᱠᱟᱛᱮ, ᱠᱩᱥᱣᱟᱦᱟ ᱫᱚ ᱢᱚᱜᱚᱫᱷ ᱟᱨ ᱥᱟᱦᱟᱵᱟᱫᱽ ᱦᱟᱹᱴᱤᱧ ᱨᱮᱱᱟᱜ ᱛᱤᱱᱟᱹᱜ ᱜᱟᱱ ᱦᱚᱱᱚᱛ ᱨᱮ ᱠᱩᱥᱣᱟᱦᱟ ᱡᱟᱹᱛᱤ ᱵᱷᱚᱴᱚᱱ ᱨᱤᱱ ᱦᱚᱲ ᱠᱚᱣᱟᱜ ᱥᱚᱦᱚᱫ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱩᱯᱮᱱᱫᱨᱚ ᱠᱩᱥᱣᱟᱦᱟ ᱥᱟᱶ ᱠᱟᱹᱢᱤ ᱠᱟᱱ ᱟᱭᱢᱟ ᱜᱟᱱ ᱨᱟᱡᱽᱟᱹᱨᱤ ᱠᱟᱹᱢᱤᱭᱟᱹ ᱠᱚᱫᱚ ᱱᱚᱶᱟ ᱴᱚᱴᱷᱟ ᱠᱷᱚᱱ ᱜᱮ ᱠᱚ ᱦᱮᱡ ᱟᱠᱟᱱᱟ ᱾ ᱱᱚᱝᱠᱟ ᱟᱨᱦᱚᱸ ᱦᱚᱱᱚᱛ ᱠᱚ ᱢᱮᱱᱟᱜᱼᱟ ᱡᱟᱦᱟᱸ ᱨᱮ ᱠᱩᱥᱣᱟᱦᱟ ᱡᱟᱹᱛᱤ ᱨᱤᱱ ᱦᱚᱲ ᱩᱱᱠᱩᱣᱟᱜ ᱚᱨᱥᱚᱝ ᱞᱟᱛᱟᱨ ᱨᱮ ᱵᱟᱠᱚ ᱛᱟᱦᱮᱸ ᱠᱟᱱᱟ ᱾[᱑᱒]

ᱠᱩᱥᱣᱟᱦᱟ ᱫᱚ ᱑᱙᱘᱘ ᱠᱷᱚᱱ ᱑᱙᱙᱓ ᱫᱷᱟᱹᱨᱤᱡ ᱭᱩᱵᱟ ᱡᱚᱱᱛᱟ ᱫᱚᱞ ᱨᱤᱱᱤᱡ ᱡᱟᱹᱛᱤᱭᱟᱹᱨᱤ ᱢᱟᱨᱟᱝ ᱥᱩᱛᱨᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱙᱔ ᱠᱷᱚᱱ ᱒᱐᱐᱒ ᱫᱷᱟᱹᱨᱤᱡ ᱥᱚᱢᱚᱛᱟ ᱯᱟᱨᱴᱤ ᱨᱤᱱᱤᱡ ᱢᱟᱨᱟᱝ ᱥᱩᱛᱨᱮᱛ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱼᱟ ᱾ ᱠᱩᱥᱣᱟᱦᱟ ᱒᱐᱐᱐-᱒᱐᱐᱕ ᱫᱷᱟᱹᱨᱤᱡ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱟᱨ ᱩᱱᱤ ᱫᱚ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱩᱯᱱᱮᱛᱟ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟᱭ ᱾ ᱢᱟᱨᱪ ᱒᱐᱐᱔ ᱨᱮ, ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱛᱟᱭᱚᱢ, ᱥᱩᱥᱤᱞ ᱢᱳᱫᱤ ᱫᱚ ᱞᱳᱠᱥᱚᱵᱷᱟ ᱞᱟᱹᱜᱤᱫ ᱠᱚ ᱵᱟᱪᱷᱚᱱ ᱠᱮᱫᱮᱭᱟ ᱟᱨ ᱡᱮᱰᱤᱭᱩ ᱨᱤᱱ ᱵᱤᱫᱷᱟᱱ ᱥᱚᱵᱷᱟ ᱥᱚᱦᱮᱫ ᱠᱚᱣᱟᱜ ᱮᱞ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ (ᱵᱤᱡᱮᱯᱤ) ᱠᱷᱚᱱ ᱰᱷᱮᱨ ᱮᱱᱟ ᱾ ᱩᱱ ᱚᱠᱛᱚ ᱨᱮ ᱢᱤᱫ ᱫᱷᱟᱣ ᱵᱤᱫᱷᱟᱱ ᱥᱚᱵᱷᱟ ᱥᱚᱦᱮᱛ ᱛᱟᱦᱮᱸᱠᱟᱱ ᱠᱩᱥᱣᱟᱦᱟ ᱫᱚ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱨᱮ ᱵᱤᱫᱷᱟᱱ ᱥᱚᱵᱷᱟ ᱨᱮ ᱵᱤᱨᱚᱫᱷᱤ ᱨᱤᱱᱤᱡ ᱟᱹᱭᱩᱨᱤᱭᱟᱹ ᱵᱮᱱᱟᱣ ᱮᱱᱟ ᱾[᱑᱓][᱑᱔][᱔]

ᱩᱯᱮᱱᱫᱨᱚ ᱠᱩᱥᱣᱟᱦᱟ ᱫᱚ ᱓ ᱥᱮᱯᱴᱮᱢᱵᱚᱨ ᱒᱐᱑᱖ ᱨᱮ ᱱᱟᱶᱟ ᱫᱤᱞᱞᱤ ᱨᱮ ᱢᱤᱫ ᱥᱚᱵᱷᱟ ᱨᱮ ᱨᱚᱲ ᱮᱫᱟ ᱾[᱑᱕]

ᱠᱩᱥᱣᱟᱦᱟ ᱫᱚ ᱒᱐᱐᱐ ᱥᱟᱞ ᱨᱮ ᱡᱚᱱᱫᱚᱦᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱡᱤᱛᱟᱹᱣ ᱠᱟᱛᱮ ᱵᱟᱪᱷᱱᱟᱣ ᱨᱟᱡᱽᱟᱹᱨᱤ ᱮᱦᱚᱵ ᱞᱮᱫᱼᱟ ᱾[᱓] ᱩᱱᱤ ᱫᱚ ᱒᱐᱐᱗ ᱥᱟᱞ ᱨᱮ ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) ᱠᱷᱚᱱ ᱠᱚ ᱚᱸᱰᱚᱠ ᱠᱮᱫᱮᱭᱟ ᱾[᱑᱖] ᱠᱩᱥᱣᱟᱦᱟ ᱫᱚ ᱱᱤᱛᱤᱥ ᱠᱩᱢᱟᱨ ᱟᱜ ᱵᱤᱦᱟᱨ ᱯᱚᱱᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱠᱚᱭᱨᱤ ᱡᱟᱹᱛ ᱨᱮᱱᱟᱜ ᱵᱩᱡᱷᱟᱹᱣ ᱟᱠᱟᱱ ᱢᱟᱨᱡᱤᱱᱟᱞᱟᱭᱡᱮᱥᱚᱱ ᱴᱷᱮᱱ ᱦᱩᱭᱩᱜ ᱟᱨ ᱚᱴᱚᱠᱨᱮᱴᱤᱠ ᱥᱟᱥᱚᱱ ᱨᱮᱱᱟᱜ ᱯᱟᱹᱪᱷᱞᱟᱹ ᱨᱮ ᱯᱷᱮᱵᱽᱨᱩᱣᱟᱨᱤ ᱒᱐᱐᱙ ᱥᱮᱨᱢᱟ ᱨᱮ ᱨᱟᱥᱴᱨᱤᱭᱚ ᱥᱚᱢᱛᱟ ᱯᱟᱨᱴᱤ ᱮ ᱛᱷᱟᱯᱚᱱ ᱞᱮᱫᱼᱟ ᱾ ᱢᱚᱦᱟᱨᱟᱥᱴᱨᱚ ᱨᱤᱱᱤᱡ ᱩᱯ ᱥᱤᱨᱟᱹ ᱢᱚᱱᱛᱨᱤ ᱪᱷᱚᱜᱚᱱ ᱵᱷᱩᱡᱽᱵᱚᱞ ᱫᱚ ᱯᱟᱨᱴᱤ ᱵᱮᱱᱟᱣ ᱨᱮ ᱜᱚᱲᱚᱭ ᱮᱢ ᱞᱮᱫ ᱛᱟᱦᱮᱸᱫ ᱾[᱑᱗] ᱱᱚᱵᱷᱮᱢᱵᱚᱨ ᱒᱐᱐᱙ ᱨᱮ, ᱠᱩᱥᱣᱟᱦᱟ ᱟᱨ ᱠᱩᱢᱟᱨ ᱛᱟᱞᱟ ᱨᱮ ᱱᱟᱯᱟᱭ ᱥᱟᱹᱜᱟᱹᱭ ᱠᱷᱟᱹᱛᱤᱨ ᱨᱟᱥᱴᱨᱤᱭᱚ ᱥᱚᱢᱛᱟ ᱯᱟᱨᱴᱤ ᱫᱚ ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) ᱨᱮ ᱢᱮᱥᱟ ᱞᱮᱱᱟ ᱾[᱑᱖]

᱔ ᱡᱟᱱᱩᱣᱟᱨᱤ ᱒᱐᱑᱓ ᱨᱮ, ᱩᱯᱮᱱᱫᱨᱚ ᱠᱩᱥᱣᱟᱦᱟ, ᱚᱠᱚᱭ ᱫᱚ ᱚᱱᱟ ᱚᱠᱛᱚ ᱨᱟᱡᱽᱭᱚ ᱥᱚᱵᱷᱟ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ, ᱩᱱᱤ ᱫᱚ ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) ᱠᱷᱚᱱ ᱱᱚᱣᱟ ᱠᱚ ᱢᱮᱱ ᱠᱟᱛᱮᱭ ᱯᱷᱩᱨᱜᱟᱹᱞ ᱮᱢ ᱠᱮᱫᱟ ᱡᱮ ᱱᱤᱛᱤᱥ ᱠᱩᱢᱟᱨ ᱟᱜ ᱢᱚᱰᱮᱞ ᱫᱚ ᱵᱟᱝ ᱥᱟᱹᱛ ᱟᱠᱟᱱᱟ ᱟᱨ ᱟᱨ ᱟᱹᱭᱤᱱ ᱟᱨ ᱥᱟᱹᱭᱛᱟᱹᱨ ᱨᱮᱱᱟᱜ ᱥᱛᱤᱛᱤ ᱫᱚ ᱮᱭᱟᱭ ᱥᱮᱨᱢᱟ ᱞᱟᱦᱟ ᱞᱮᱠᱟ ᱵᱟᱹᱲᱤᱡ ᱦᱩᱭ ᱟᱠᱟᱱᱟ ᱾ ᱩᱱᱤ ᱫᱚ ᱱᱮᱛᱟᱨ ᱦᱚᱸ ᱢᱮᱱ ᱠᱮᱫᱟ ᱡᱮ ᱱᱤᱛᱤᱥ ᱠᱩᱢᱟᱨ ᱫᱚ ᱟᱡᱟᱜ ᱥᱚᱨᱠᱟᱨ ᱫᱚ ᱟᱡ ᱛᱮ ᱪᱟᱞᱟᱣ ᱠᱟᱱᱟ ᱟᱨ ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) ᱫᱚ ᱟᱡᱟᱜ "ᱯᱚᱠᱮᱴ ᱜᱟᱶᱛᱟ" ᱮ ᱵᱮᱱᱟᱣ ᱠᱮᱫᱟ ᱾[᱑᱘]

ᱠᱩᱥᱣᱟᱦᱟ ᱫᱚ ᱓ ᱢᱟᱨᱪ ᱒᱐᱑᱓ ᱨᱮ ᱨᱟᱥᱴᱨᱤᱭᱚ ᱞᱚᱠ ᱥᱚᱢᱛᱟ ᱯᱟᱨᱴᱤ ᱨᱮᱭᱟᱜ ᱛᱷᱟᱯᱚᱱ ᱠᱮᱫᱟ ᱟᱨ ᱜᱟᱱᱫᱷᱤ ᱢᱮᱰᱟᱱ ᱨᱮ ᱢᱤᱫ ᱨᱟᱥᱴᱨᱤᱭᱚ ᱨᱮ ᱯᱟᱨᱴᱤ ᱨᱮᱭᱟᱜ ᱧᱩᱛᱩᱢ ᱟᱨ ᱡᱷᱟᱱᱰᱟ ᱫᱚᱭ ᱩᱫᱩᱜ ᱥᱚᱫᱚᱨ ᱞᱮᱫᱟ ᱾[᱔] ᱩᱱᱤᱫᱚ ᱒᱐᱑᱔ ᱨᱮᱱᱟᱜ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱱᱚᱨᱮᱱᱫᱨᱚ ᱢᱳᱫᱤ ᱟᱹᱭᱩᱨᱤᱭᱤᱡ ᱨᱟᱥᱴᱨᱤᱭᱚ ᱡᱚᱱᱚᱛᱟᱱᱛᱨᱤᱠ ᱜᱟᱶᱛᱟ (ᱮᱱ.ᱰᱤ.ᱮ.) ᱨᱤᱱᱤᱡ ᱥᱚᱦᱮᱛ ᱞᱮᱠᱟᱛᱮ ᱞᱟᱹᱲᱦᱟᱹᱭ ᱞᱮᱱᱟᱭ ᱾ ᱠᱩᱥᱣᱟᱦᱟ ᱫᱚ ᱠᱟᱨᱟᱠᱟᱴ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱵᱟᱪᱷᱚᱱ ᱞᱮᱱᱟᱭ ᱟᱨ ᱢᱟᱹᱱᱢᱤ ᱫᱩᱨᱤᱵᱽ ᱩᱛᱷᱱᱟᱹᱣ ᱯᱚᱱᱚᱛ ᱢᱚᱱᱛᱨᱤ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾[᱑᱙][᱒᱐] ᱰᱤᱥᱮᱢᱵᱚᱨ ᱒᱐᱑᱘ ᱥᱮᱨᱢᱟ ᱨᱮ, ᱠᱩᱥᱣᱟᱦᱟ ᱫᱚ ᱢᱳᱫᱤ ᱴᱷᱮᱱ ᱵᱤᱦᱟᱨ ᱥᱟᱞᱟᱜ ᱥᱟᱹᱜᱟᱹᱭ ᱨᱮ ᱟᱡᱟᱜ ᱵᱟᱪᱷᱱᱟᱣ ᱠᱟᱛᱷᱟ ᱵᱟᱭ ᱯᱩᱨᱟᱹᱣ ᱞᱮᱫᱟ, ᱢᱚᱱᱛᱨᱟᱞᱟᱭ ᱠᱷᱚᱱ ᱤᱥᱛᱚᱯᱷᱟ ᱮ ᱮᱢ ᱠᱮᱫᱟ ᱟᱨ ᱮᱱᱰᱤᱮ ᱵᱟᱹᱜᱤ ᱠᱮᱫᱟ ᱾[᱒᱑]

ᱥᱨᱤ ᱯᱨᱚᱬᱚᱵᱽ ᱢᱩᱠᱷᱟᱨᱡᱤ ᱫᱚ ᱱᱟᱶᱟ ᱫᱤᱞᱞᱤ ᱨᱮ ᱢᱮᱱᱟᱜ ᱨᱟᱥᱴᱨᱚᱯᱚᱛᱤ ᱵᱷᱚᱵᱚᱱ ᱨᱮ ᱟᱠᱷᱲᱟ ᱦᱩᱭ ᱠᱟᱱ ᱠᱤᱨᱤᱭᱟᱹ ᱦᱟᱛᱟᱣ ᱚᱠᱛᱚ ᱨᱮ ᱩᱯᱮᱱᱫᱨᱚ ᱠᱩᱥᱣᱟᱦᱟ ᱫᱚ ᱯᱚᱱᱚᱛ ᱢᱚᱱᱛᱨᱤ ᱞᱮᱠᱟᱛᱮ ᱠᱤᱨᱤᱭᱟᱹ ᱮ ᱦᱟᱛᱟᱣ ᱠᱮᱫᱼᱟ ᱾
  1. ↑ "Upendra Kushwaha resigns as member of Bihar legislative council". The Times of India. 25 February 2023. Retrieved 25 February 2023.
  2. ↑ "Bihar Vidhan Sabha" (PDF).
  3. 1 2 3 "Upendra Kushwaha: The man trying hard to stay relevant". The Indian Express (in ᱟᱝᱜᱽᱨᱮᱡᱤ). 15 October 2020. Archived from the original on 18 April 2021. Retrieved 15 October 2020.
  4. 1 2 3 Gupta, Surabhi, ed. (6 October 2015). "RLSP के संस्थापक और बिहार के काराकट से सांसद उपेंद्र कुशवाहा का राजनीतिक सफर". Aaj Tak (in ᱦᱤᱱᱫᱤ). Archived from the original on 29 March 2021. Retrieved 25 April 2020.
  5. ↑ "RLSP chief Upendra Kushwaha quits as Union Minister". Business Line (in ᱟᱝᱜᱽᱨᱮᱡᱤ). 10 December 2018. Archived from the original on 30 November 2020. Retrieved 25 April 2020.
  6. ↑ Lansford, Tom, ed. (2015). "India - National Democratic Alliance". Political Handbook of the World 2015. United States: CQ Press. ISBN 978-1-4833-7157-3.
  7. ↑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named Express
  8. ↑ "Upendra Kushwaha Resigns From Bihar CM Nitish's JDU, Floats Own Party 'Rashtriya Lok Janata Dal'". Abpnews. 20 February 2023. Retrieved 20 February 2023.
  9. ↑ "Upendra Kushwaha Manan Mishra elected unopposed to Rajya Sabha". Economic Times. Retrieved 10 September 2024.
  10. ↑ "Upendra Kushwaha: Age, Biography, Education, Wife, Caste, Net Worth & More - Oneindia". www.oneindia.com (in ᱟᱝᱜᱽᱨᱮᱡᱤ). Archived from the original on 20 June 2019. Retrieved 15 October 2020.
  11. ↑ "Kushwaha meets Bhujbal in Pune, hints at joining 'Mahagathbandhan". Hindustan Times. 13 December 2018. Retrieved 26 July 2023.
  12. ↑ "बगावत का सियासी खेल:उपेंद्र नहीं राजनीति के केंद्र में 'कुशवाहा', बिहार में इस वोट बैंक पर जाति के किसी एक नेता का कंट्रोल नहीं". Bhaskar.com. Retrieved 5 February 2023.
  13. ↑ "Why Upendra Kushwaha's entry into JD(U) will boost Nitish's 'Luv-Kush' strategy". India Today. 15 March 2021. Retrieved 19 September 2023.
  14. ↑ "Upendra -kushwaha". oneindia.com. 31 May 2020. Archived from the original on 20 June 2019. Retrieved 31 May 2020.
  15. ↑ "Raising the quality of education is a major challenge: Minister of State for HRD Upendra Kushwaha". India Today. 5 September 2016. Retrieved 19 February 2023.
  16. 1 2 Banerjee, Shoumojit (27 November 2009). "Rashtriya Samata Party merges with JD(U)". The Hindu (in Indian English). ISSN 0971-751X. Archived from the original on 25 April 2020.
  17. ↑ Singh, Abhay (8 February 2009). "Upendra Kushwaha forms new political party". The Times of India (in ᱟᱝᱜᱽᱨᱮᱡᱤ). Archived from the original on 25 April 2020.
  18. ↑ "JD(U) MP Upendra Kushwaha resigns, attacks Nitish Kumar". The Economic Times. 4 January 2013. Archived from the original on 25 April 2020.
  19. ↑ "BJP ties up with OBC leader Upendra Kushwaha in Bihar". The Times of India. 17 February 2014. Archived from the original on 20 February 2022. Retrieved 20 February 2022.
  20. ↑ "BJP may bring in Kushwaha as OBC face". Archived from the original on 25 January 2016. Retrieved 5 May 2020.
  21. ↑ "Upendra Kushwaha resigns as Union minister, likely to quit NDA". The Economic Times. 10 December 2018. Archived from the original on 27 August 2019. Retrieved 21 May 2019.
"https://sat.wikipedia.org/w/index.php?title=ᱩᱯᱮᱱᱫᱨᱚ_ᱠᱩᱥᱣᱟᱦᱟ&oldid=181007" ᱠᱷᱚᱱ ᱧᱟᱢ ᱟᱹᱜᱩᱭ