ᱪᱚᱱᱫᱚᱠᱟ ᱦᱟᱹᱛᱤ ᱨᱟᱠᱷᱟᱵᱤᱨ

ᱪᱚᱱᱫᱚᱠᱟ ᱦᱟᱹᱛᱤ ᱨᱟᱠᱷᱟᱵᱤᱨ
ᱪᱚᱱᱫᱚᱠᱟ ᱦᱟᱹᱛᱤ ᱨᱟᱠᱷᱟᱵᱤᱨ
IUCN category IV (habitat/species management area)
Nearest city	ᱠᱚᱴᱚᱠ
Coordinates	20°21′N 85°40′E / 20.350°N 85.667°ECoordinates: 20°21′N 85°40′E / 20.350°N 85.667°E
Area	175.79 square kilometres (67.87 sq mi)
Established	᱑᱙᱘᱒
Governing body	ᱰᱤᱵᱤᱡᱚᱱᱟᱞ ᱯᱷᱚᱨᱮᱥᱴ ᱚᱯᱷᱤᱥᱟᱨ, ᱪᱟᱸᱫᱽᱠᱟ

ᱪᱚᱱᱫᱚᱠᱟ ᱦᱟᱹᱛᱤ ᱨᱟᱠᱷᱟᱵᱤᱨ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮ ᱢᱮᱱᱟᱜ ᱠᱚᱴᱚᱠ ᱡᱤᱞᱞᱟᱹ ᱨᱮᱱᱟᱜ ᱠᱚᱧᱮ ᱱᱟᱠᱷᱟ ᱨᱮ ᱢᱮᱱᱟᱜ ᱢᱤᱫ ᱵᱤᱨ ᱡᱤᱭᱟᱹᱞᱤ ᱨᱟᱠᱷᱟᱵᱤᱨ ᱠᱟᱱᱟ ᱾ ᱥᱟᱢᱟᱝ ᱜᱷᱟᱴ ᱡᱤᱣᱤ ᱴᱚᱴᱷᱟ ᱨᱮᱱᱟᱜ ᱠᱷᱳᱨᱫᱷᱟ ᱩᱥᱩᱞ ᱚᱛ ᱨᱮ ᱢᱮᱱᱟᱜ ᱪᱚᱱᱫᱚᱠᱟ ᱵᱤᱨ ᱫᱚ ᱠᱷᱳᱨᱫᱷᱟ ᱟᱨ ᱠᱚᱴᱚᱠ ᱡᱤᱞᱞᱟᱹ ᱨᱮᱱᱟᱜ ᱰᱷᱤᱯ ᱚᱛ ᱟᱨ ᱦᱩᱰᱤᱧ ᱦᱩᱰᱤᱧ ᱵᱩᱨᱩ ᱠᱚ ᱛᱮ ᱮᱥᱮᱫ ᱟᱠᱟᱱ 175.79 km² (67.87 sq mi) ᱮᱞᱟᱠᱟ ᱛᱮ ᱯᱟᱥᱱᱟᱣ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱰᱤᱥᱮᱢᱵᱚᱨ ᱑᱙᱘᱒ ᱨᱮ ᱢᱤᱫ ᱦᱟᱹᱛᱤ ᱨᱟᱠᱷᱟᱵᱤᱨ ᱞᱮᱠᱟᱛᱮ ᱴᱷᱟᱹᱣᱠᱟᱹ ᱞᱮᱱᱟ ᱾

ᱫᱟᱨᱮ ᱱᱟᱹᱲᱤ ᱠᱚ

ᱱᱚᱸᱰᱮᱱᱟᱜ ᱫᱟᱨᱮ ᱱᱟᱹᱲᱤ ᱠᱚᱫᱚ ᱛᱩᱨᱩᱭ ᱞᱮᱠᱟᱱᱟᱜ ᱵᱤᱨ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱡᱮᱞᱮᱠᱟ - ᱫᱚᱥᱟᱨ ᱫᱷᱟᱯ ᱨᱮᱱᱟᱜ ᱟᱫᱷᱟ-ᱦᱟᱹᱨᱤᱭᱟᱹᱲ ᱵᱤᱨ, Xylia xylocarpa ᱵᱤᱨ, ᱫᱚᱨᱭᱟ ᱟᱨᱮ ᱥᱟᱨᱡᱚᱢ (Shorea robusta) ᱵᱤᱨ, ᱡᱟᱹᱱᱩᱢ ᱢᱟᱫ (Bambusa bambos) ᱵᱤᱨ, ᱨᱚᱦᱚᱭ ᱟᱠᱟᱱ ᱥᱟᱹᱜᱩᱣᱟᱹᱱ ᱟᱨ Eupatorium ᱜᱟᱡᱟᱲ ᱾ ᱢᱩᱲᱩᱛ ᱫᱟᱨᱮ ᱠᱚᱫᱚ ᱦᱩᱭᱩᱜ ᱠᱟᱱᱟ ᱠᱩᱪᱤᱞᱟᱹ, ᱠᱟᱞᱤᱪᱟ, ᱵᱮᱞ, ᱠᱟᱝᱜᱟᱲᱟ, Pterospermum xylocarpum, ᱥᱩᱱᱟᱹᱨᱤ, ᱠᱩᱢᱵᱷᱤ, ᱡᱟᱹᱢᱩ, ᱠᱚᱨᱚᱧᱡᱽ, ᱥᱟᱹᱜᱩᱣᱟᱹᱱ ᱟᱨ ᱥᱤᱫᱷᱟ ᱾ ᱠᱮᱴᱮᱡ ᱢᱟᱫ (Dendrocalamus strictus) ᱫᱚ ᱟᱹᱰᱤ ᱠᱚᱢ ᱡᱟᱜᱟ ᱨᱮ ᱧᱟᱢᱚᱜᱼᱟ ᱾ ᱧᱩᱛᱩᱢᱟᱱ ᱨᱟᱱ ᱫᱟᱨᱮ ᱠᱚ ᱢᱩᱫᱽ ᱨᱮ Mucuna pruriens (ᱟᱛᱠᱤᱨ), ᱵᱩᱫᱷᱟᱫᱟᱨᱟᱠᱟ, ᱵᱷᱩᱭᱤᱸᱞᱤᱢᱵᱚ, ᱜᱩᱰᱩᱪᱤ ᱞᱟᱛᱟ, ᱥᱟᱞᱯᱟᱨᱱᱤ (Desmodium gangeticum), ᱥᱟᱛᱟᱵᱟᱨᱤ, ᱵᱷᱩᱭᱤᱸ-ᱠᱟᱠᱷᱟᱨᱩ, ᱤᱱᱫᱽᱨᱟᱡᱟᱵᱟ, ᱛᱷᱟᱞᱠᱩᱰᱤ, ᱟᱯᱟᱢᱟᱨᱟᱝᱜᱟ, ᱠᱩᱨᱪᱤ, ᱟᱨ ᱯᱟᱛᱟᱞᱜᱟᱹᱨᱩᱲ ᱮᱢᱟᱱ ᱠᱚ ᱢᱮᱱᱟᱜᱼᱟ ᱾ ᱚᱛ ᱨᱮ ᱦᱟᱨᱟᱜ ᱚᱨᱠᱤᱰ, ᱯᱷᱟᱨᱱ, ᱢᱚᱥ, ᱵᱽᱨᱟᱭᱳᱯᱷᱟᱭᱤᱴ ᱟᱨ ᱞᱟᱭᱤᱠᱮᱱ ᱠᱚᱫᱚ ᱩᱢᱩᱞ ᱟᱨ ᱫᱷᱤᱨᱤ ᱟᱨᱮ ᱠᱚᱨᱮ ᱧᱟᱢᱚᱜᱼᱟ ᱾

ᱡᱤᱣᱤ ᱡᱤᱭᱟᱹᱞᱤ

ᱥᱤᱧᱚᱛᱤᱭᱟᱹ ᱦᱟᱹᱛᱤ ᱫᱚ ᱱᱚᱸᱰᱮᱱᱤᱡ ᱢᱩᱲᱩᱛ ᱡᱤᱭᱟᱹᱞᱤ ᱠᱟᱱᱟᱭ ᱟᱨ ᱩᱱᱤ ᱫᱚ ᱱᱚᱣᱟ ᱵᱤᱨ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱪᱤᱱᱦᱟᱹ ᱠᱟᱱᱟᱭ ᱾^[᱒]^[᱓] ᱛᱟᱹᱨᱩᱵ (Leopard) ᱫᱚ ᱱᱚᱸᱰᱮᱱᱟᱜ ᱡᱤᱣᱤ-ᱡᱤᱭᱟᱹᱞᱤ ᱠᱷᱟᱫᱽᱭᱚ ᱪᱮᱱ (biological pyramid) ᱨᱮᱱᱟᱜ ᱡᱚᱛᱚ ᱠᱷᱚᱱ ᱪᱮᱛᱟᱱ ᱨᱮ ᱢᱮᱱᱟᱜᱼᱮᱭᱟ ᱾ ᱪᱤᱛᱟᱹᱞ, ᱵᱟᱨᱠᱤᱝ ᱰᱤᱭᱟᱨ (ᱥᱮᱞᱮ ᱢᱤᱨᱩᱜᱽ), ᱢᱟᱣᱩᱥ ᱰᱤᱭᱟᱨ (ᱠᱩᱞᱟᱹᱭ ᱢᱤᱨᱩᱜᱽ), ᱵᱤᱨ ᱥᱩᱠᱨᱤ, ᱜᱟᱹᱭ ᱜᱟᱹᱲᱤ, ᱨᱮᱥᱟᱥ ᱜᱟᱹᱲᱤ, ᱥᱤᱧᱚᱛᱤᱭᱟᱹ ᱠᱷᱟᱴᱟᱥ, ᱥᱤᱧᱚᱛᱤᱭᱟᱹ ᱱᱮᱣᱞᱮ, ᱟᱨᱟᱜ ᱱᱮᱣᱞᱮ, ᱵᱚᱡᱽᱨᱚᱠᱤᱴ (ᱯᱟᱝᱜᱳᱞᱤᱱ), ᱵᱟᱱᱟ, ᱵᱤᱨ ᱥᱟᱥᱟ, ᱥᱤᱧᱚᱛᱤᱭᱟᱹ ᱛᱩᱭᱩ ᱟᱨ ᱛᱟᱹᱨᱩᱵ ᱛᱩᱭᱩ (Hyena) ᱮᱢᱟᱱ ᱠᱚᱫᱚ ᱱᱚᱣᱟ ᱮᱞᱟᱠᱟ ᱨᱤᱱ ᱮᱴᱟᱜ ᱛᱷᱚᱱᱚᱛ ᱡᱤᱭᱟᱹᱞᱤ ᱠᱟᱱᱟ ᱠᱚ ᱾ ᱪᱤᱛᱟᱹᱞ ᱠᱚᱫᱚ ᱵᱟᱹᱲᱛᱤ ᱠᱟᱭᱛᱮ ᱓-᱗ ᱜᱚᱴᱟᱝ ᱡᱟᱣᱨᱟ ᱠᱟᱛᱮ ᱵᱤᱨ ᱦᱚᱨ, ᱠᱷᱟᱹᱞᱤ ᱡᱟᱜᱟ, ᱜᱟᱥ ᱴᱟᱹᱱᱤ, ᱰᱟᱹᱦᱤ ᱟᱨᱮ ᱟᱨ ᱵᱤᱨ ᱨᱩᱠᱷᱤᱭᱟᱹ ᱠᱚᱣᱟᱜ ᱠᱮᱢᱯ ᱥᱩᱨ ᱨᱮ ᱠᱚ ᱧᱮᱞᱚᱜᱼᱟ ᱾ ᱢᱤᱢᱤᱫ ᱫᱷᱟᱣ ᱵᱤᱨ ᱥᱮᱛᱟ ᱠᱚᱦᱚᱸ ᱠᱚ ᱧᱮᱞᱚᱜ ᱜᱮᱭᱟ ᱾ ᱔᱐ ᱥᱮᱨᱢᱟ ᱛᱟᱭᱚᱢ ᱠᱷᱚᱸᱫᱽᱨᱚᱸᱫᱤᱭᱟᱹ ᱠᱚ ᱱᱚᱣᱟ ᱵᱤᱨ ᱨᱮ ᱢᱤᱫᱴᱟᱹᱝ ᱟᱹᱭᱩ ᱠᱩᱞ ᱟᱨ ᱟᱡ ᱨᱤᱱ ᱵᱟᱹᱵᱩ ᱠᱩᱞ ᱛᱟᱦᱮᱸ ᱨᱮᱱᱟᱜ ᱯᱨᱚᱢᱟᱬ ᱠᱚ ᱧᱟᱢ ᱟᱠᱟᱫᱼᱟ; ᱒᱐᱑᱒ ᱨᱮᱱᱟᱜ ᱨᱟᱵᱟᱝ ᱫᱤᱱ ᱨᱮ ᱩᱱᱠᱤᱱ ᱵᱟᱱᱟ ᱦᱚᱲᱟᱜ ᱯᱟᱸᱡᱟ ᱪᱤᱱᱦᱟᱹ ᱠᱚ ᱧᱮᱞ ᱞᱮᱫᱼᱟ ᱾

ᱱᱚᱣᱟ ᱨᱟᱠᱷᱟᱵᱤᱨ ᱨᱤᱱ ᱧᱩᱛᱩᱢᱟᱱ ᱪᱮᱬᱮ ᱠᱚᱫᱚ ᱠᱚ ᱦᱩᱭᱩᱜ ᱠᱟᱱᱟ ᱢᱟᱨᱟᱜ, ᱵᱤᱨ ᱥᱤᱢ, ᱠᱚᱭᱨᱟ ᱪᱮᱬᱮ (Crested serpent eagle), ᱦᱩᱴᱩᱢ, ᱦᱮᱸᱫᱮ-ᱵᱚᱦᱚᱜ ᱥᱚᱱᱟ ᱪᱮᱬᱮ (Black-hooded oriole), ᱥᱚᱨᱚᱜᱽ ᱪᱮᱬᱮ (Paradise flycatcher), ᱠᱩᱠᱩ ᱟᱨ ᱫᱷᱤᱨᱤ ᱪᱮᱬᱮ (Stone curlew) ᱾ ᱨᱟᱵᱟᱝ ᱫᱤᱱ ᱨᱮ, ᱠᱩᱢᱟᱨᱠᱷᱩᱱᱴᱤ ᱰᱟᱹᱦᱤ ᱫᱚ ᱵᱟᱦᱨᱮ ᱫᱤᱱ ᱠᱷᱚᱱ ᱦᱤᱡᱩᱜ ᱠᱟᱱ ᱟᱭᱢᱟ ᱜᱮᱰᱮ ᱡᱟᱹᱛ ᱨᱤᱱ ᱪᱮᱬᱮ ᱠᱚᱣᱟᱜ ᱡᱤᱨᱟᱹᱣ ᱟᱨ ᱡᱚᱢ-ᱧᱩ ᱴᱷᱟᱶ ᱵᱮᱱᱟᱣᱜᱼᱟ, ᱡᱮᱞᱮᱠᱟ Garganey, Common teal, Eaton's pintail, ᱥᱤᱧᱚᱛᱤᱭᱟᱹ ᱠᱷᱟᱪᱟ ᱜᱮᱰᱮ (Indian spot-billed duck), Brahminy duck ᱟᱨ Baer's pochard ᱾ ᱱᱚᱣᱟ ᱵᱮᱜᱚᱨ ᱦᱚᱸ Lesser whistling teal, Little grebe, Cotton teal, ᱱᱟᱠᱴᱟ, ᱦᱩᱰᱤᱧ Cormorant, Bronze-winged jacana, White-breasted waterhen, ᱠᱟᱹᱭᱨᱟᱹ ᱪᱮᱬᱮ (Kingfisher) ᱟᱨ Red wattled lapwing ᱮᱢᱟᱱ ᱪᱮᱬᱮ ᱠᱚ ᱱᱚᱸᱰᱮ ᱠᱚ ᱧᱟᱢᱚᱜᱼᱟ ᱾ ᱡᱩᱞᱟᱭ ᱪᱟᱸᱫᱚ ᱨᱮ ᱱᱚᱣᱟ ᱰᱟᱹᱦᱤ ᱫᱚ ᱵᱟᱦᱨᱮ ᱫᱤᱱ ᱠᱷᱚᱱ ᱦᱤᱡᱩᱜ ᱠᱟᱱ ᱪᱮᱬᱮ ᱠᱚᱣᱟᱜ ᱵᱟᱥᱟ ᱵᱮᱱᱟᱣᱜᱼᱟ, ᱡᱮᱞᱮᱠᱟ Open-billed stork, Pond heron, Egret ᱟᱨ Cormorant ᱾ ᱡᱟᱹᱯᱩᱫ ᱫᱤᱱ ᱟᱨ ᱡᱟᱹᱯᱩᱫ ᱛᱟᱭᱚᱢ ᱫᱚ ᱱᱚᱸᱰᱮ ᱟᱭᱢᱟ ᱯᱤᱯᱤᱲᱤᱭᱟᱹᱝ ᱠᱚ ᱧᱮᱞᱚᱜᱼᱟ ᱾

ᱞᱟᱛᱟᱲ ᱡᱤᱭᱟᱹᱞᱤ (Reptiles) ᱠᱚ ᱢᱩᱫᱽ ᱨᱮ, ᱥᱤᱧᱚᱛᱤᱭᱟᱹ ᱵᱤᱧ ᱟᱨ ᱜᱩᱭᱦᱤ ᱫᱚ ᱟᱹᱰᱤ ᱜᱮ ᱠᱚ ᱧᱮᱞᱚᱜᱼᱟ ᱾ ᱨᱚᱝ ᱵᱚᱫᱚᱞ ᱛᱤᱠᱤ, ᱪᱮᱨᱚ, ᱥᱤᱧᱚᱛᱤᱭᱟᱹ ᱦᱚᱨᱚ, ᱪᱚᱸᱫᱽᱨᱚ ᱵᱚᱰᱷᱮᱞ, ᱢᱟᱫ ᱵᱤᱧ, ᱧᱤᱫᱟᱹ ᱵᱤᱧ ᱟᱨ Indian bronze back ᱮᱢᱟᱱ ᱞᱟᱛᱟᱲ ᱡᱤᱭᱟᱹᱞᱤ ᱠᱚ ᱧᱮᱞᱚᱜᱼᱟ ᱾ ᱢᱟᱜᱟᱲ ᱛᱟᱹᱭᱟᱹᱱ ᱠᱚᱫᱚ ᱱᱚᱸᱰᱮᱱᱟᱜ ᱢᱟᱨᱟᱝ ᱫᱟᱜ ᱟᱹᱭᱟᱹᱨ ᱠᱚᱨᱮ ᱟᱹᱰᱤ ᱱᱟᱯᱟᱭ ᱛᱮ ᱢᱮᱱᱟᱜ ᱠᱚᱣᱟ ᱾

ᱥᱤᱧᱚᱛᱤᱭᱟᱹ ᱡᱩᱞᱚᱡᱤᱠᱟᱞ ᱥᱟᱨᱵᱷᱮ (᱒᱐᱐᱒ ᱨᱮ) ᱞᱮᱠᱟᱛᱮ, ᱱᱚᱣᱟ ᱨᱟᱠᱷᱟᱵᱤᱨ ᱨᱮ ᱓᱗ ᱞᱮᱠᱟᱱ ᱛᱷᱚᱱᱚᱛ ᱡᱤᱭᱟᱹᱞᱤ, ᱑᱖᱗ ᱞᱮᱠᱟᱱ ᱪᱮᱬᱮ, ᱓᱓ ᱞᱮᱠᱟᱱ ᱞᱟᱛᱟᱲ ᱡᱤᱭᱟᱹᱞᱤ, ᱑᱓ ᱞᱮᱠᱟᱱ ᱫᱟᱜ-ᱚᱛ ᱡᱤᱭᱟᱹᱞᱤ (Amphibians) ᱟᱨ ᱒᱘ ᱞᱮᱠᱟᱱ ᱦᱟᱹᱠᱩ ᱢᱮᱱᱟᱜ ᱠᱚᱣᱟ ᱾^[᱔]

ᱥᱟᱹᱠᱷᱭᱟᱹᱛ

↑ "Chandaka eco-tourism project stuck in land transfer". The Times of India. 30 April 2015.
↑ "Pachyderm Census to Begin from May 25". The New Indian Express. 27 April 2015. Archived from the original on 3 December 2015.
↑ "80-year-old elephant dies in Orissa reserve". TopNews. 15 November 2009.
↑ Vertebrate Fauna of Chandaka Dampara Wildlife Sanctuary Odisha ^{[permanent dead link]}

ᱵᱟᱦᱨᱮ ᱡᱚᱱᱚᱲ

ᱪᱷᱟᱸᱪ:Protected areas of Odisha

[1] "Chandaka eco-tourism project stuck in land transfer". The Times of India. 30 April 2015.

[2] "Pachyderm Census to Begin from May 25". The New Indian Express. 27 April 2015. Archived from the original on 3 December 2015.

[3] "80-year-old elephant dies in Orissa reserve". TopNews. 15 November 2009.

[4] Vertebrate Fauna of Chandaka Dampara Wildlife Sanctuary Odisha ^{[permanent dead link]}

[᱑]

[᱒]

[᱓]

[᱔]