ᱪᱚᱸᱫᱽᱨᱚᱥᱮᱠᱷᱚᱨ ᱥᱤᱝ

ᱪᱚᱸᱫᱽᱨᱚᱥᱮᱠᱷᱚᱨ ᱥᱤᱝ
ᱪᱚᱸᱫᱽᱨᱚᱥᱮᱠᱷᱚᱨ ᱥᱤᱝ
	ᱪᱚᱸᱫᱽᱨᱚᱥᱮᱠᱷᱚᱨ ᱥᱤᱝ
᱑᱖ ᱟᱹᱱᱤᱡ ᱵᱤᱦᱟᱨ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ
	ᱟᱹᱢᱟᱹᱞᱤ ᱨᱮ; ᱑᱔ ᱚᱜᱚᱥᱴ ᱑᱙᱘᱓ – ᱑᱒ ᱢᱟᱨᱪ ᱑᱙᱘᱕
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱡᱚᱜᱚᱱᱱᱟᱛᱷ ᱢᱤᱥᱨᱟ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱵᱤᱱᱫᱮᱥᱣᱟᱨᱤ ᱫᱩᱵᱮ
ᱛᱟᱞᱢᱟ ᱯᱮᱴᱨᱚᱞᱤᱭᱚᱢ ᱯᱚᱱᱚᱛ ᱢᱚᱱᱛᱨᱤ
	ᱟᱹᱢᱟᱹᱞᱤ ᱨᱮ; ᱑᱙᱘᱕ – ᱙ ᱡᱩᱞᱟᱭ ᱑᱙᱘᱖
ᱢᱟᱨᱟᱝ ᱢᱚᱱᱛᱨᱤ	ᱨᱟᱡᱤᱵᱽ ᱜᱟᱱᱫᱷᱤ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱑᱗ ᱚᱜᱚᱥᱴ ᱑᱙᱒᱗; ᱡᱟᱢᱩᱭ, ᱵᱤᱦᱟᱨ ᱟᱨ ᱩᱲᱤᱥᱟ ᱯᱚᱱᱚᱛ, ᱵᱨᱤᱴᱤᱥ ᱥᱤᱧᱚᱛ
ᱜᱩᱨ	᱙ ᱡᱩᱞᱟᱭ ᱑᱙᱘᱖ (ᱩᱢᱮᱨ ᱕᱘ ᱥᱮᱨᱢᱟ); ᱱᱟᱶᱟ ᱫᱤᱞᱞᱤ, ᱥᱤᱧᱚᱛ
ᱡᱟᱹᱛᱤᱭᱟᱹᱨᱤ	ᱥᱤᱧᱚᱛᱤᱭᱟᱹ
ᱨᱟᱡᱽᱟᱹᱨᱤ ᱫᱚᱞ	ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ
ᱦᱚᱯᱚᱱ	᱓

ᱪᱚᱸᱫᱽᱨᱚᱥᱮᱠᱷᱚᱨ ᱥᱤᱝ (᱑᱗ ᱚᱜᱚᱥᱴ ᱑᱙᱒᱗ – ᱙ ᱡᱩᱞᱟᱭ ᱑᱙᱘᱖) ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱤᱱᱤᱡ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟᱭ ᱟᱨ ᱚᱜᱚᱥᱴ ᱑᱙᱘᱓ ᱠᱷᱚᱱ ᱢᱟᱨᱪ ᱑᱙᱘᱕ ᱫᱷᱟᱹᱨᱤᱡ ᱵᱤᱦᱟᱨ ᱨᱤᱱᱤᱡ ᱑᱖ ᱟᱹᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ ᱾^[᱑] ᱩᱱᱤ ᱫᱚ ᱢᱟᱨᱟᱝ ᱢᱚᱱᱛᱨᱤ ᱤᱱᱫᱤᱨᱟ ᱜᱟᱱᱫᱷᱤ ᱟᱨ ᱨᱟᱡᱤᱵᱽ ᱜᱟᱱᱫᱷᱤ ᱟᱜ ᱢᱚᱱᱛᱨᱤ ᱢᱚᱱᱰᱚᱞ ᱠᱚᱨᱮ ᱟᱹᱰᱤ ᱜᱟᱱ ᱛᱟᱞᱢᱟ ᱯᱚᱱᱚᱛ ᱢᱚᱱᱛᱨᱤ ᱯᱚᱫᱽ ᱨᱮᱦᱚᱸᱭ ᱠᱟᱹᱢᱤ ᱟᱠᱟᱫᱼᱟ ᱾ ᱩᱱᱤ ᱫᱚ ᱯᱩᱱ ᱫᱷᱟᱣ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱞᱟᱹᱜᱤᱫ ᱟᱨ ᱠᱤᱪᱷᱩ ᱫᱷᱟᱣ ᱥᱚᱝᱥᱚᱫᱽ ᱞᱟᱹᱜᱤᱫ ᱦᱚᱸᱭ ᱵᱟᱪᱷᱚᱱ ᱞᱮᱱᱟ ᱾ ᱩᱱᱤ ᱫᱚ ᱴᱮᱠᱥᱴᱟᱭᱤᱞ ᱢᱚᱱᱛᱨᱤ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾

ᱩᱱᱤ ᱫᱚ ᱯᱮᱴᱨᱚᱞᱤᱭᱚᱢ ᱢᱚᱱᱛᱨᱤ ᱞᱮᱠᱟᱛᱮ ᱯᱩᱭᱞᱩ ᱫᱷᱟᱣ ᱛᱟᱦᱮᱸ ᱞᱮᱱᱟ ᱾ ᱚᱱᱟ ᱚᱠᱛᱚ ᱨᱮ ᱠᱮᱱᱥᱟᱨ ᱛᱮ ᱟᱡᱟᱜ ᱜᱩᱨ ᱦᱩᱭ ᱮᱱᱟ ᱾

ᱩᱱᱤ ᱫᱚ ᱑᱙᱕᱒, ᱑᱙᱕᱗ ᱟᱨ ᱑᱙᱖᱙ ᱨᱮ ᱡᱷᱟᱡᱷᱟ (ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ) ᱠᱷᱚᱱ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱᱟ ᱾ ᱑᱙᱖᱒ ᱥᱟᱞ ᱨᱮ ᱩᱱᱤ ᱫᱚ ᱡᱷᱟᱡᱟ (झाझा) ᱴᱷᱮᱱ ᱦᱟᱨᱟᱣ ᱮᱱᱟ ᱾^[᱒] ᱩᱱᱤ ᱫᱚ ᱑᱙᱗᱒ ᱥᱟᱞ ᱨᱮ ᱪᱚᱠᱟᱭ (चकाई) ᱠᱷᱚᱱ ᱵᱤᱫᱷᱟᱱ ᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱᱟ ᱾ ᱩᱱᱤ ᱫᱚ ᱨᱟᱡᱽᱯᱩᱛ ᱫᱤᱜᱽᱜᱚᱡᱽ ᱥᱚᱛᱭᱮᱱᱫᱨᱚ ᱱᱟᱨᱟᱭᱚᱬ ᱥᱤᱱᱦᱟ ᱟᱜ ᱜᱷᱟᱨᱚᱸᱡᱽ ᱨᱤᱱ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱑᱙᱘᱐ ᱥᱟᱞ ᱨᱮ, ᱩᱱᱤ ᱫᱚ ᱵᱟᱝᱠᱟ (ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ) ᱠᱷᱚᱱ ᱟᱹᱰᱤ ᱟᱭᱢᱟ ᱜᱟᱱ ᱥᱚᱝᱥᱚᱫᱤ ᱵᱟᱪᱷᱱᱟᱣ ᱨᱮ ᱡᱤᱛᱟᱹᱣ ᱮᱱᱟ ᱾ ᱑᱙᱘᱓ ᱥᱟᱞᱮ ᱨᱮ ᱩᱱᱤ ᱫᱚ ᱤᱱᱫᱤᱨᱟ ᱜᱟᱱᱫᱷᱤ ᱦᱚᱛᱮᱛᱮ ᱵᱤᱦᱟᱨ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱑᱙᱘᱕ ᱨᱮᱱᱟᱜ ᱵᱟᱪᱷᱱᱟᱣ ᱛᱟᱭᱚᱢ, ᱩᱱᱤ ᱢᱟᱨᱟᱝ ᱢᱚᱱᱛᱨᱤ ᱨᱟᱡᱤᱵᱽ ᱜᱟᱱᱫᱷᱤ ᱫᱚ ᱛᱟᱞᱢᱟ ᱯᱮᱴᱨᱚᱞᱤᱭᱚᱢ ᱢᱚᱱᱛᱨᱤ ᱞᱮᱠᱟᱛᱮ ᱥᱤᱧᱚᱛ ᱥᱚᱨᱠᱟᱨ ᱨᱮᱭ ᱨᱩᱣᱟᱹᱲ ᱞᱟᱹᱜᱤᱫ ᱮ ᱢᱮᱱ ᱠᱮᱫᱼᱟ ᱾ ᱩᱱᱤ ᱫᱚ ᱑᱙᱘᱕ ᱨᱮ ᱵᱟᱝᱠᱟ ᱞᱳᱠᱥᱚᱵᱷᱟ ᱢᱟᱹᱪᱤ ᱠᱷᱚᱱ ᱩᱯ ᱵᱟᱪᱷᱱᱟᱣ ᱨᱮ ᱡᱤᱛᱟᱹᱣ ᱮᱱᱟ ᱾ ᱑᱙᱘᱖ ᱥᱮᱨᱢᱟ ᱨᱮ ᱩᱱᱤᱭᱟᱜ ᱜᱚᱡ ᱮᱱ ᱛᱟᱭᱚᱢ, ᱩᱱᱤᱭᱤᱡ ᱨᱟᱺᱰᱤ ᱵᱟᱹᱦᱩ ᱢᱚᱱᱚᱨᱢᱟ ᱥᱤᱝ ᱫᱚ ᱩᱱᱤᱭᱟᱜ ᱜᱚᱡ ᱠᱷᱟᱹᱛᱤᱨ ᱛᱮ ᱞᱟᱹᱠᱛᱤᱭᱟᱱ ᱩᱯ ᱵᱟᱪᱷᱱᱟᱣ ᱨᱮ ᱡᱤᱛᱟᱹᱣ ᱮᱱᱟ ᱾ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱥᱚᱝᱥᱚᱫᱽ ᱞᱟᱹᱜᱤᱫ ᱕ ᱫᱷᱟᱣ ᱵᱟᱪᱷᱚᱱ ᱞᱮᱱᱟᱭ ᱾^[᱓]

ᱩᱱᱤᱭᱟᱜ ᱧᱩᱛᱩᱢ ᱛᱮ ᱵᱤᱦᱟᱨ ᱨᱮᱱᱟᱜ ᱡᱟᱢᱩᱭ ᱨᱮ ᱢᱤᱫ ᱢᱤᱣᱡᱤᱭᱚᱢ ᱦᱚᱸᱠᱚ ᱡᱷᱤᱡ ᱟᱠᱟᱫᱟ ᱾^[᱔] ᱱᱚᱣᱟ ᱫᱚ ᱑᱙᱘᱓ ᱥᱟᱞ ᱨᱮ ᱯᱚᱱᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱥᱩᱨᱥᱩᱯᱩᱨ ᱴᱚᱴᱷᱟ ᱨᱮᱱᱟᱜ ᱢᱟᱨᱮ ᱡᱤᱱᱤᱥ ᱠᱚ ᱨᱟᱠᱷᱟ ᱫᱚᱦᱚ ᱞᱟᱹᱜᱤᱫ ᱛᱷᱟᱯᱚᱱ ᱞᱮᱱᱟ ᱾

ᱨᱟᱡᱽᱟᱹᱨᱤ ᱠᱟᱹᱢᱤ ᱡᱤᱭᱚᱱ

ᱩᱱᱤ ᱫᱚ ᱢᱤᱫ ᱚᱛ ᱛᱷᱟᱨ ᱨᱤᱱᱤᱡ ᱠᱚᱝᱜᱨᱮᱥ ᱮ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸ ᱫᱚ ᱟᱹᱛᱩ ᱫᱷᱟᱯ ᱨᱮ ᱠᱟᱹᱢᱤᱭᱟᱠᱚ ᱥᱟᱶ ᱡᱚᱲᱟᱣ ᱛᱟᱦᱮᱸ ᱠᱟᱱᱟᱭ ᱾^[᱕] ᱩᱱᱤ ᱫᱚ ᱟᱹᱛᱩ ᱠᱷᱚᱱ ᱯᱚᱱᱚᱛ ᱫᱷᱟᱯ ᱫᱷᱟᱹᱨᱤᱡ ᱥᱟᱱᱟᱢ ᱫᱷᱟᱯ ᱨᱮ ᱠᱚᱝᱜᱨᱮᱥ ᱯᱟᱨᱴᱤ ᱨᱮᱱᱟᱜ ᱠᱟᱹᱢᱤ ᱞᱮᱫᱟᱭ ᱾ ᱩᱱᱤ ᱫᱚ ᱑᱙᱕᱒ ᱥᱟᱞ ᱨᱮ ᱒᱕ ᱥᱮᱨᱢᱟ ᱩᱢᱮᱨ ᱛᱮ ᱯᱩᱭᱞᱩ ᱫᱷᱟᱣ ᱯᱚᱱᱚᱛ ᱵᱤᱫᱷᱟᱱᱥᱚᱵᱷᱟ ᱨᱮ ᱵᱟᱪᱷᱟᱣ ᱞᱮᱱᱟᱭ ᱾^[᱕] ᱑᱙᱕᱗ ᱥᱟᱞᱮ ᱨᱮ ᱩᱱᱤ ᱫᱚ ᱟᱨᱦᱚᱸ ᱵᱟᱪᱷᱟᱣ ᱞᱮᱱᱟᱭ ᱾ ᱛᱤᱱᱟᱹᱜ ᱥᱮᱨᱢᱟ ᱛᱟᱭᱚᱢ, ᱩᱱᱤ ᱫᱚ ᱵᱟᱪᱷᱱᱟᱣ ᱨᱮ ᱦᱮᱡ ᱮᱱᱟᱭ ᱟᱨ ᱑᱙᱖᱙ ᱥᱟᱞᱮ ᱨᱮ ᱵᱤᱫᱷᱟᱱ ᱥᱚᱵᱷᱟ ᱨᱮᱭ ᱥᱮᱞᱮᱫ ᱮᱱᱟ ᱟᱨ ᱑᱙᱗᱗ ᱫᱷᱟᱹᱨᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾ ᱢᱮᱱᱠᱷᱟᱱ ᱩᱱᱤ ᱫᱚ ᱑᱙᱗᱗ ᱥᱟᱞ ᱨᱮ ᱠᱚᱝᱜᱽᱨᱮᱥ ᱴᱤᱠᱮᱴ ᱨᱮ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) ᱨᱤᱱ ᱦᱩᱞᱥᱟᱹᱭ ᱠᱷᱟᱹᱛᱤᱨ ᱩᱱᱤ ᱫᱚ ᱵᱟᱪᱷᱱᱟᱣ ᱨᱮ ᱵᱟᱭ ᱡᱤᱛᱠᱟᱹᱨ ᱞᱮᱱᱟ ᱾ ᱢᱮᱱᱠᱷᱟᱱ ᱑᱙᱘᱐ ᱥᱟᱞ ᱨᱮ ᱩᱱᱤ ᱫᱚ ᱵᱟᱸᱠᱟ ᱢᱟᱹᱪᱤ ᱠᱷᱚᱱ ᱢᱟᱫᱷᱩ ᱞᱤᱢᱮᱭ ᱦᱟᱨᱟᱣ ᱠᱟᱛᱮ ᱵᱟᱪᱷᱚᱱ ᱮᱱᱟ ᱾ ᱩᱱᱤ ᱫᱚ ᱥᱟᱥᱚᱱ ᱪᱟᱪᱞᱟᱣ ᱨᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱟᱨ ᱥᱚᱝᱥᱚᱫᱽ ᱥᱩᱛᱨᱮᱛ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱨᱟᱡᱽᱥᱣᱟ, ᱤᱱᱰᱚᱥᱴᱨᱤ, ᱢᱟᱭᱱᱚᱨ ᱤᱨᱤᱜᱮᱥᱚᱱ, ᱟᱹᱱ ᱟᱨ ᱫᱤᱥᱩᱣᱟᱹ ᱠᱟᱹᱢᱤ ᱮᱢᱟᱱ ᱢᱚᱱᱛᱨᱤᱭᱚ ᱠᱟᱹᱢᱤᱦᱚᱨᱟ ᱠᱚᱭ ᱪᱟᱞ ᱟᱫᱮᱭᱟ ᱾ ᱑᱙᱘᱓ ᱥᱮᱨᱢᱟ ᱨᱮ ᱠᱮᱵᱤᱱᱮᱴ ᱵᱚᱫᱚᱞ ᱨᱮ ᱩᱱᱤ ᱫᱚ ᱚᱱᱚᱨᱡᱤ ᱨᱟᱡᱽ ᱢᱚᱱᱛᱨᱤᱭ ᱵᱮᱱᱟᱣ ᱮᱱᱟ ᱾

ᱯᱷᱩᱨᱜᱟᱹᱞ ᱞᱟᱲᱟᱣᱱᱟ

ᱪᱚᱸᱫᱽᱨᱚᱥᱮᱠᱷᱚᱨ ᱥᱤᱝ ᱫᱚ ᱵᱤᱸᱫᱮᱥᱣᱚᱨᱤ ᱫᱩᱵᱮ, ᱵᱷᱚᱜᱽᱣᱚᱛ ᱡᱷᱟ ᱟᱡᱟᱫᱽ, ᱟᱵᱽᱫᱩᱞ ᱜᱚᱯᱷᱩᱨ, ᱥᱚᱛᱭᱮᱱᱫᱨᱚ ᱱᱟᱨᱟᱭᱚᱬ ᱥᱤᱱᱦᱟ, ᱠᱮᱫᱟᱨ ᱯᱟᱱᱰᱮ (ᱡᱚᱛᱚ ᱟᱜᱟᱢ ᱥᱤᱨᱟᱹ ᱢᱚᱱᱛᱨᱤ) ᱟᱨ ᱥᱤᱛᱟᱹᱨᱟᱢ ᱠᱮᱥᱨᱤ (ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱤᱱᱤᱡ ᱟᱜᱟᱢ ᱡᱟᱹᱛᱤᱭᱟᱹᱨᱤ ᱯᱟᱨᱥᱮᱛ) ᱥᱟᱶ ᱵᱤᱦᱟᱨ ᱠᱚᱝᱜᱽᱨᱮᱥ ᱨᱤᱱᱤᱡ ᱧᱩᱛᱩᱢᱟᱱ ᱡᱩᱣᱟᱹᱱ ᱛᱩᱨᱠ ᱠᱚ ᱢᱩᱫᱽ ᱨᱮ ᱛᱟᱦᱮᱸ ᱠᱟᱱᱟᱭ ᱾

ᱱᱤᱡᱮᱨᱟᱜ ᱜᱟᱶᱛᱟ

ᱩᱱᱤ ᱫᱚ ᱠᱟᱹᱣᱰᱤ ᱵᱤᱨᱫᱟᱹ ᱨᱮ ᱢᱟᱪᱮᱛ ᱰᱤᱜᱽᱨᱤ ᱦᱟᱢᱮᱴ ᱠᱮᱫᱟᱭ ᱾^[᱕]

ᱥᱟᱹᱠᱷᱭᱟᱹᱛ

↑ "Chief Minister, Bihar". Chief Minister's Secretariat. Archived from the original on 19 March 2011. Retrieved 2011-02-07.
↑ "Bihar Assembly Election Results in 1962".
↑ "MEMBERS OF LOK SABHA". Archived from the original on 2004-12-28. Retrieved 2024-12-27.
↑ "Jamui History". Archived from the original on 17 March 2016. Retrieved 18 June 2016.
↑ ^᱕.᱐ ^᱕.᱑ ^᱕.᱒ Farzand, Ahmed (15 September 1983). "I mean business: Bihar CM Chandrashekhar Singh" (in ᱟᱝᱜᱽᱨᱮᱡᱤ). India Today. Retrieved 23 February 2021.

[1] "Chief Minister, Bihar". Chief Minister's Secretariat. Archived from the original on 19 March 2011. Retrieved 2011-02-07.

[2] "Bihar Assembly Election Results in 1962".

[3] "MEMBERS OF LOK SABHA". Archived from the original on 2004-12-28. Retrieved 2024-12-27.

[4] "Jamui History". Archived from the original on 17 March 2016. Retrieved 18 June 2016.

[Chandrashekhar_Reference1-5] ᱕.᱐ ^᱕.᱑ ^᱕.᱒ Farzand, Ahmed (15 September 1983). "I mean business: Bihar CM Chandrashekhar Singh" (in ᱟᱝᱜᱽᱨᱮᱡᱤ). India Today. Retrieved 23 February 2021.

[᱑]

[᱒]

[᱓]

[᱔]

[᱕]