ᱪᱟᱨᱞᱮᱥ ᱰᱟᱨᱣᱤᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱧᱩᱛᱩᱢ ᱪᱟᱨᱞᱮᱥ ᱨᱚᱵᱚᱨᱴ ᱰᱟᱨᱣᱤᱱ
ᱡᱤᱭᱚᱱ
ᱡᱟᱱᱟᱢ ᱢᱟᱦᱟᱸ ᱑᱒ ᱯᱷᱮᱵᱽᱨᱩᱣᱟᱨᱤ ᱑᱙᱐᱘
ᱵᱚᱝᱜᱟ ᱛᱟᱞᱟ ᱑᱙ ᱮᱯᱨᱤᱞ ᱑᱘᱘᱒
ᱮᱱᱮᱢ
•Natural history
  • geology
ᱢᱟᱺᱱ ᱥᱤᱨᱯᱷᱟᱹ
•ᱨᱚᱭᱟᱞ ᱢᱮᱰᱟᱞ (᱑᱘᱕᱓)
  • ᱣᱚᱞᱟᱥᱴᱚᱱ ᱢᱮᱰᱟᱞ (᱑᱘᱕᱙)
  • ᱠᱩᱯᱞᱮ ᱢᱮᱰᱟᱞ (᱑᱘᱖᱔)
ᱥᱩᱦᱤ

ᱪᱟᱨᱞᱮᱥ ᱨᱚᱵᱚᱨᱴ ᱰᱟᱨᱣᱤᱱ ᱫᱚ ᱢᱤᱫ ᱤᱝᱜᱽᱞᱤᱥ ᱱᱮᱪᱩᱨᱟᱞᱤᱥᱴ (naturalist) , ᱚᱛᱱᱚᱜ-ᱤᱭᱟᱹ (geologist) ᱟᱨ ᱵᱟᱭᱚᱞᱚᱡᱤᱥᱴ (Biologist) ᱠᱟᱱ ᱛᱟᱦᱮᱸᱠᱟᱱᱟ ᱾ ᱢᱤᱫ ᱚᱠᱛᱚ ᱟᱡᱟᱜ ᱮᱱᱮᱢ ᱛᱮ ᱥᱟᱬᱮᱥ ᱨᱮ ᱦᱩᱞᱥᱟᱹᱭ ᱟᱹᱜᱩᱞᱮᱫ ᱛᱟᱦᱮᱸᱫ ᱾ ᱩᱱᱤ ᱯᱩᱥᱴᱟᱹᱣ ᱞᱮᱫ ᱛᱟᱦᱮᱸᱫ ᱪᱤ, ᱫᱷᱟᱹᱨᱛᱤ ᱨᱤᱱ ᱥᱟᱱᱟᱢ ᱡᱤᱣᱤ ᱡᱤᱭᱟᱹᱞᱤ ᱠᱚ ᱫᱚ ᱢᱤᱫ ᱴᱟᱣᱤ ᱠᱷᱚᱱ ᱜᱮ ᱠᱚ ᱯᱟᱨᱪᱟᱣ ᱞᱮᱱᱟ ᱾ ᱰᱟᱨᱣᱤᱱ ᱟᱨ ᱟᱞᱯᱷᱨᱮᱰ ᱨᱚᱥᱮᱞ ᱣᱟᱞᱮᱥ ᱧᱩᱛᱩᱢᱟᱱ ᱥᱟᱬᱮᱥᱤᱭᱟᱹ ᱵᱟᱱᱟ ᱦᱚᱲ ᱛᱮ ᱠᱤᱱ ᱯᱩᱥᱴᱟᱹᱣ ᱞᱮᱜᱼᱟ ᱵᱟᱝᱢᱟ, ᱰᱟᱹᱨ ᱠᱷᱚᱱ ᱰᱟᱹᱨ ᱟᱹᱨᱩᱜ ᱠᱟᱱ ᱨᱮᱭᱟᱜ ᱫᱚ ᱱᱮᱪᱩᱨᱟᱞ ᱥᱤᱞᱮᱠᱥᱚᱱ (natural selection) ᱤᱫᱩ ᱛᱮᱜᱮ ᱾ ᱑᱘᱕᱙ ᱥᱟᱞᱮᱨᱮ ᱢᱤᱫ ᱯᱚᱛᱚᱵᱼᱮ ᱩᱪᱷᱟᱹᱱ ᱞᱮᱜᱼᱟ, ᱡᱟᱦᱟᱸ ᱨᱮᱱᱟᱜ ᱵᱟᱭᱱᱟ ᱫᱚ ᱚᱱ ᱫᱤ ᱚᱨᱤᱡᱤᱱ ᱚᱯᱷ ᱥᱯᱮᱥᱤᱥ ᱛᱟᱦᱮᱸᱠᱟᱱᱟ ᱾ ᱱᱚᱶᱟ ᱯᱚᱛᱚᱵ ᱫᱚ ᱥᱟᱬᱮᱥᱤᱭᱟᱹ ᱠᱚ ᱟᱨ ᱱᱮᱦᱚᱸᱲ ᱠᱚ ᱛᱟᱞᱟ ᱟᱹᱰᱤ ᱧᱩᱢᱟᱱ ᱛᱟᱦᱮᱸᱠᱟᱱᱟ ᱾ ᱰᱟᱨᱣᱤᱱ ᱡᱤᱣᱤᱭᱟᱱ ᱥᱟᱬᱮᱥ ᱨᱮ ᱢᱤᱰ ᱱᱟᱶᱟ ᱰᱟᱦᱟᱨᱮ ᱩᱫᱩᱜ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱫᱚ ᱡᱤᱣᱤᱭᱟᱱ ᱠᱚ ᱛᱟᱞᱟ ᱨᱮ ᱵᱷᱮᱯᱮᱜᱮᱫ ᱠᱚ ᱟᱹᱰᱤ ᱢᱚᱡᱽ ᱛᱮᱭ ᱯᱩᱥᱴᱟᱹᱣ ᱞᱮᱫ ᱛᱟᱦᱮᱸᱫ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱟᱨᱣᱤᱱᱟᱜ ᱡᱟᱱᱟᱢ ᱫᱚ ᱑᱒ ᱯᱷᱮᱵᱽᱨᱩᱣᱟᱨᱤ ᱑᱘᱐᱙ ᱥᱟᱞᱮᱨᱮ ᱢᱤᱫ ᱠᱤᱥᱟᱹᱬ ᱜᱷᱟᱨᱚᱡᱽ, ᱤᱝᱞᱚᱸᱰ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱟᱯᱟᱛ ᱨᱚᱵᱚᱨᱴ ᱰᱟᱨᱣᱤᱱ ᱟᱨ ᱮᱸᱜᱟᱛ ᱫᱚ ᱥᱩᱥᱟᱱᱟ ᱰᱟᱨᱣᱤᱱ ᱧᱩᱛᱩᱢ ᱟᱹᱠᱤᱱ ᱛᱟᱦᱮᱸᱫ ᱾ ᱟᱠᱚ ᱛᱩᱨᱩᱭ ᱵᱚᱭᱦᱟ ᱵᱩᱦᱤᱱ ᱛᱟᱞᱟ ᱠᱷᱚᱱ ᱟᱡ ᱫᱚ ᱢᱚᱬᱮᱭᱟᱱᱤᱡ ᱠᱟᱱᱟᱭ ᱾ ᱟᱯᱟᱛ ᱫᱚ ᱢᱤᱫ ᱰᱟᱠᱛᱚᱨ ᱛᱟᱦᱮᱸ ᱠᱟᱱᱟᱭ ᱾ ᱜᱤᱫᱽᱨᱟᱹ ᱵᱮᱲᱟ ᱠᱷᱚᱱ ᱜᱮ ᱪᱟᱨᱞᱥ ᱰᱟᱨᱣᱤᱱ ᱫᱚ ᱱᱮᱪᱩᱨᱟᱱ ᱥᱟᱬᱮᱥ ᱪᱮᱛᱟᱱ ᱨᱮ ᱟᱹᱰᱤ ᱜᱮ ᱜᱚᱨᱚᱡᱽ ᱛᱟᱦᱮᱸ ᱠᱟᱱᱟ ᱾ ᱑᱘᱒᱕ ᱥᱟᱞᱮᱨᱮ ᱟᱯᱟᱛᱟᱜ ᱛᱟᱹᱨᱤ ᱨᱮ ᱰᱟᱠᱛᱚᱨᱤ ᱠᱟᱹᱢᱤ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱛᱚᱵᱮ ᱟᱡᱟᱜ ᱢᱚᱱ ᱫᱚ ᱰᱟᱠᱛᱚᱨᱤ ᱨᱮ ᱵᱟᱝ ᱛᱟᱦᱮᱸ ᱠᱟᱱᱟ, ᱰᱟᱠᱛᱚᱨᱤ ᱯᱟᱲᱦᱟᱣ ᱨᱮ ᱢᱚᱱᱮ ᱫᱚ ᱦᱮᱲᱟ ᱭᱮᱱ ᱛᱟᱭᱟ ᱾ ᱮᱪ. ᱮᱢ. ᱮᱥ. ᱵᱤᱜᱽᱨᱮᱞ ᱢᱚᱬᱮ ᱥᱮᱨᱢᱟ ᱫᱟᱜ ᱡᱟᱛᱨᱟ, ᱢᱤᱫ ᱢᱟᱨᱟᱝ ᱥᱟᱬᱮᱥᱩᱭᱟᱹ ᱵᱮᱱᱟᱜ ᱨᱮᱭᱟᱜ ᱩᱥᱠᱟᱹᱣ ᱞᱮᱫᱮᱭᱟᱭ ᱛᱟᱦᱮᱸᱫ ᱾ ᱡᱤᱣᱤ ᱡᱤᱭᱟᱹᱞᱤ ᱟᱨ ᱟᱠᱚᱣᱟᱜ ᱢᱮᱴᱟᱣ ᱥᱟᱨᱮᱡ ᱵᱟᱵᱚᱫ ᱛᱮ ᱠᱷᱚᱸᱫᱽᱨᱚᱫᱽᱮ ᱮᱦᱚᱵ ᱞᱮᱫ ᱛᱟᱦᱮᱫ ᱾ ᱑᱘᱓᱘ ᱥᱟᱞᱮᱨᱮ ᱛᱷᱤᱭᱚᱨᱤ ᱚᱯᱷ ᱱᱮᱪᱩᱨᱟᱞ ᱥᱤᱞᱮᱠᱥᱚᱱ ᱫᱚᱭ ᱩᱪᱷᱟᱹᱱ ᱞᱮᱫ ᱛᱟᱦᱮᱸᱫ ᱾

ᱮᱪᱮᱢᱮᱥ ᱵᱤᱜᱚᱞᱨᱮ ᱫᱚᱨᱭᱟ ᱡᱟᱛᱨᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱟᱨᱣᱤᱱ ᱟᱡᱟᱜ ᱢᱟᱨᱟᱝ ᱫᱚᱨᱭᱟ ᱡᱟᱛᱨᱟ ᱒᱗ ᱰᱤᱥᱮᱢᱵᱚᱨ ᱑᱘᱓᱑ ᱥᱟᱞᱮᱨᱮ ᱮᱦᱮᱵ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱢᱚᱬᱮ ᱥᱮᱨᱢᱟᱭ ᱡᱟᱛᱨᱟ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱢᱚᱬᱮ ᱥᱮᱨᱢᱟ ᱵᱷᱤᱛᱤᱨ ᱨᱮ ᱚᱛᱱᱚᱜ ᱠᱟᱛᱷᱟ ᱟᱨ ᱫᱚᱨᱭᱟ ᱡᱤᱭᱟᱹᱞᱤ ᱠᱚ ᱪᱮᱛᱟᱱ ᱨᱮ ᱠᱷᱚᱸᱫᱨᱚᱸᱫ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱠᱚ ᱤᱫᱤ ᱠᱟᱛᱮ ᱚᱱ ᱫᱤ ᱚᱨᱤᱡᱤᱱ ᱚᱯᱷ ᱥᱯᱮᱥᱤᱥ ᱫᱚᱭ ᱚᱞ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱫᱚᱨᱭᱟ ᱡᱟᱛᱨᱟ ᱟᱡᱟᱜ ᱢᱚᱱᱮ ᱟᱹᱨᱩ ᱞᱮᱫ ᱛᱟᱦᱮᱸᱫ ᱾

ᱠᱷᱚᱸᱫᱽᱨᱚᱸᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱤᱝᱞᱚᱸᱰ ᱨᱩᱣᱟᱹᱲᱚᱜ ᱛᱮ ᱫᱚ ᱟᱭᱢᱟ ᱢᱟᱺᱱ ᱮ ᱥᱟᱢᱴᱟᱣ ᱞᱮᱫ ᱛᱟᱦᱮᱸᱫ ᱾ ᱑᱘᱓᱖ ᱥᱟᱞᱮ ᱠᱮᱢᱵᱨᱤᱡᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱟᱡᱟᱜ ᱯᱟᱛᱷᱟᱢ ᱚᱞᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱰᱟᱨᱣᱤᱱ ᱫᱚ ᱟᱡᱟᱜ ᱠᱚᱸᱫᱽᱨᱚᱸᱫᱽ ᱠᱟᱹᱛᱤᱨ ᱡᱤᱭᱚᱜᱨᱯᱷᱤᱠᱟᱞ ᱥᱚᱥᱟᱭᱴᱤ ᱨᱤᱱᱤᱡ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱵᱟᱪᱷᱚᱱ ᱞᱮᱱ ᱛᱟᱦᱮᱸᱫ ᱾ ᱰᱟᱨᱣᱤᱱᱮ ᱞᱟᱹᱭ ᱞᱮᱫ ᱛᱟᱦᱮᱸᱫ ᱪᱤ, "ᱢᱤᱫ ᱡᱤᱣᱤ ᱡᱟᱹᱛ ᱟᱨ ᱢᱤᱫ ᱡᱤᱣᱤ ᱡᱟᱹᱛ ᱛᱮ ᱵᱚᱫᱚᱞ ᱟᱠᱟᱱᱟ" ᱾ ᱱᱚᱶᱟ ᱫᱚ ᱨᱤᱭᱟᱹ ᱪᱮᱬᱮ ᱟᱨ ᱢᱟᱠᱨᱚᱪᱮᱱᱤᱭᱟᱹ ᱡᱤᱣᱤ ᱡᱟᱹᱛ ᱫᱟᱨᱟᱭ ᱛᱮ ᱯᱩᱥᱴᱟᱹᱣ ᱞᱮᱫ ᱛᱟᱦᱮᱸᱫ ᱾ ᱟᱨ ᱢᱤᱫ ᱯᱚᱛᱚᱵ ᱨᱮ ᱯᱩᱥᱴᱟᱹᱣ ᱞᱮᱜᱼᱟ ᱪᱤ, "ᱵᱚᱫᱚᱞᱚᱜ ᱠᱟᱱ ᱯᱚᱨᱤᱵᱮᱥ (environment) ᱥᱟᱶ ᱡᱚᱯᱚᱲᱟᱣ ᱠᱟᱛᱮ ᱛᱟᱦᱮᱸᱱ ᱞᱟᱹᱜᱤᱫ ᱡᱤᱣᱤ ᱡᱟᱹᱛ ᱫᱚ ᱨᱚ ᱵᱚᱫᱚᱞᱚᱜ ᱠᱟᱱᱟ" ᱾ ᱱᱚᱶᱟ ᱜᱚ ᱜᱚᱞᱟᱯᱟᱜᱚᱥ ᱦᱚᱨᱚ, ᱢᱚᱠᱤᱝᱜᱚᱵᱚᱨᱰ ᱟᱨ ᱨᱤᱭᱟᱹ ᱪᱮᱬᱮ ᱠᱚᱣᱟᱜ ᱫᱟᱹᱭᱠᱟᱹ ᱤᱫᱤ ᱠᱟᱛᱮ ᱥᱩᱢᱡᱟᱹᱣ ᱞᱮᱫ ᱛᱟᱦᱮᱸᱫ ᱾ "ᱚᱱ ᱫᱤ ᱚᱨᱤᱡᱤᱱ ᱚᱯᱷ ᱥᱯᱮᱥᱤᱥ" ᱯᱚᱛᱚᱵ ᱩᱪᱷᱟᱹᱱ ᱠᱟᱛᱮ ᱟᱹᱰᱤᱜᱟᱱ ᱥᱚᱠᱥᱮᱥ (success) ᱧᱟᱢ ᱞᱮᱫ ᱛᱟᱦᱮᱸᱫ ᱾

ᱵᱚᱝᱜᱟ ᱛᱟᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱘᱘᱒ ᱥᱟᱞᱮ ᱨᱮ ᱰᱟᱨᱣᱤᱱ ᱫᱚ ᱦᱟᱨᱴ-ᱟᱴᱟᱠ (heart attack) ᱟᱡᱟᱨ ᱨᱮ ᱧᱩᱨ ᱞᱮᱱ ᱛᱟᱦᱮᱸᱫ ᱾ ᱑᱙ ᱮᱯᱨᱤᱞ ᱑᱘᱘᱒ ᱥᱟᱞᱮᱨᱮ "ᱰᱟᱣᱩᱱ ᱦᱟᱣᱩᱥ" ᱨᱮ ᱰᱟᱨᱣᱤᱱ ᱫᱚᱭ ᱵᱚᱝᱜᱟ ᱛᱟᱞᱟ ᱞᱮᱱ ᱛᱟᱦᱮᱸᱫ ᱾ ᱟᱠᱚᱣᱟᱜ ᱚᱠᱛᱚ ᱨᱮ ᱰᱟᱨᱣᱤᱱ ᱫᱚ ᱢᱤᱫ ᱧᱩᱛᱩᱢᱟᱱ ᱥᱟᱬᱮᱥᱤᱭᱟᱭ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸᱭᱟᱜ ᱢᱚᱱᱮ ᱨᱮᱫᱚ ᱢᱤᱫ ᱦᱩᱣᱥᱟᱹᱭ ᱨᱮᱱᱟᱜ ᱩᱭᱦᱟᱹᱨ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱚᱠᱛᱚ ᱰᱟᱨᱣᱤᱱᱤᱡᱽᱢ ᱮᱠᱞᱤᱯᱥ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ, ᱪᱮᱫᱟᱜ ᱥᱮ ᱟᱭᱢᱟ ᱞᱟᱬᱮᱥᱤᱭᱟ ᱟᱭᱢᱟ ᱠᱩᱨᱩᱢᱩᱴᱩ ᱠᱟᱛᱮ ᱨᱮᱦᱚᱸ ᱟᱡ ᱵᱤᱨᱩᱫᱽ ᱠᱟᱛᱷᱟ ᱜᱮ ᱵᱟᱝ ᱠᱚ ᱛᱤᱝᱜᱩ ᱫᱟᱲᱮᱭᱟᱫᱼᱟ ᱾ ᱑᱙᱓᱐ ᱠᱷᱚᱱ ᱑᱙᱕᱐ ᱛᱟᱞᱟᱨᱮ ᱟᱨᱩᱜ ᱠᱟᱱ ᱨᱮᱱᱟᱜ ᱦᱟᱨᱟ ᱵᱟᱝᱢᱟ, ᱢᱮᱱᱰᱮᱞᱤᱭᱟᱱ ᱡᱮᱱᱮᱴᱤᱠᱥ ᱟᱨ ᱯᱚᱯᱩᱞᱮᱥᱚᱱ ᱡᱮᱱᱮᱴᱤᱠᱥ ᱱᱮᱪᱩᱨᱟᱞ ᱥᱤᱞᱮᱠᱥᱚᱱ ᱨᱮᱱᱟᱜ ᱫᱷᱟᱹᱲ ᱦᱟᱨᱟ ᱠᱟᱛᱷᱟᱭ ᱯᱩᱥᱴᱟᱹᱣ ᱞᱮᱫ ᱛᱟᱦᱮᱸᱫ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • The Complete Works of Charles Darwin OnlineDarwin Online; Darwin's publications, private papers and bibliography, supplementary works including biographies, obituaries and reviews
  • Darwin Correspondence Project Full text and notes for complete correspondence to 1867, with summaries of all the rest


  • View books owned and annotated by Charles Darwin at the online Biodiversity Heritage Library.