ᱪᱤᱱ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱪᱤᱱ ᱨᱮᱱᱟᱜ ᱪᱤᱨ

ᱪᱤᱱ (en: China, officially the People's Republic of China (PRC), ᱫᱚ ᱯᱩᱨᱩᱵᱽ ᱮᱥᱤᱭᱟ ᱨᱮᱱᱟᱜ ᱫᱤᱥᱚᱢ ᱠᱟᱱᱟ᱾ ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚᱠᱷᱚᱱ ᱡᱟᱹᱥᱛᱤ ᱦᱚᱲ ᱪᱤᱱ ᱨᱮᱠᱚ ᱛᱟᱸᱦᱮᱸᱱᱟ᱾ ᱑᱓᱘ ᱠᱩᱴᱤ ᱦᱚᱲ ᱱᱚᱸᱰᱮ ᱢᱮᱱᱟᱜ ᱠᱩᱣᱟ᱾[1] ᱪᱤᱱ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱵᱮᱭᱡᱤᱝ ᱠᱟᱱᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱮᱫᱟᱭ ᱨᱮ ᱪᱤᱱ ᱫᱚ ᱯᱩᱨᱩᱵᱽ ᱮᱥᱤᱭᱟ ᱨᱮᱱ ᱟᱹᱰᱤ influential ᱫᱤᱥᱚᱢᱮ ᱛᱟᱸᱦᱮᱸᱠᱟᱱᱟ᱾ ᱪᱤᱱ civilization ᱦᱚᱸ ᱟᱹᱰᱤ ᱞᱟᱦᱟ ᱪᱟᱞᱟᱣ ᱞᱮᱱᱟ᱾ ᱠᱟᱜᱚᱡᱽ, ᱪᱷᱟᱯᱟᱠᱷᱟᱱᱟ, ᱵᱟᱹᱨᱩᱫᱽ, ᱪᱤᱱᱟᱹᱢᱟᱹᱴᱤ, ᱨᱮᱥᱚᱢ, ᱠᱚᱢᱯᱟᱥ ᱮᱢᱟᱱᱛᱮᱛ ᱠᱳ ᱪᱤᱱ ᱨᱮᱜᱮ ᱯᱩᱭᱞᱭᱨᱮ ᱵᱮᱱᱟᱣ ᱦᱩᱭ ᱞᱮᱱᱟ᱾ ᱚᱸᱰᱮ ᱠᱷᱚᱱ ᱜᱮ ᱜᱚᱴᱟ ᱫᱷᱟᱹᱨᱛᱤ ᱯᱟᱥᱱᱟᱣ ᱟᱠᱟᱱᱟ᱾

ᱤᱣᱨᱳᱯ ᱨᱮᱱᱟᱜ ᱫᱟᱲᱮ ᱯᱩᱨᱩᱵᱽ ᱮᱥᱤᱭᱟ ᱨᱮ ᱦᱮᱡ ᱛᱟᱭᱚᱢ ᱪᱤᱱᱟ ᱫᱟᱲᱮ ᱱᱟᱥᱮᱭᱟᱜ ᱠᱚᱢᱟᱣ ᱮᱱ ᱛᱟᱭᱟ᱾ ᱑᱖ ᱥᱟᱭ ᱥᱮᱨᱢᱟ ᱨᱮ ᱢᱟᱠᱟᱣ ᱧᱩᱛᱩᱢᱟᱱ ᱡᱟᱜᱟ ᱯᱳᱨᱛᱩᱜᱤᱡᱽ ᱠᱩ ᱫᱚᱠᱷᱚᱞ ᱠᱮᱫᱟ ᱟᱨ ᱵᱨᱤᱴᱤᱥ ᱫᱚ ᱦᱚᱝᱠᱚᱝ ᱠᱩ ᱫᱚᱠᱷᱚᱞ ᱠᱮᱫᱟ᱾ ᱑᱙ ᱥᱟᱭ ᱥᱮᱨᱢᱟ ᱥᱮᱡ ᱪᱤᱱ ᱨᱟᱡᱽ ᱜᱷᱟᱨᱚᱡᱽ ᱨᱮᱱ ᱦᱚᱲ ᱠᱩᱣᱟ ᱫᱟᱲᱮ ᱠᱚᱢᱟᱣ ᱮᱱᱛᱮ ᱑᱙᱒᱘ ᱥᱮᱨᱢᱟ ᱨᱮ ᱜᱚᱱᱚ ᱪᱤᱱ ᱠᱩ ᱛᱮᱭᱟᱨ ᱠᱮᱫᱟ᱾

᱑᱙᱔᱙ ᱥᱮᱨᱢᱟ ᱨᱮ ᱪᱤᱱᱟ ᱠᱚᱢᱤᱣᱱᱤᱥᱴ ᱯᱟᱨᱴᱤ ᱚᱲᱟᱜ ᱞᱟᱹᱲᱦᱟᱹᱭ ᱨᱮ ᱡᱤᱛᱟᱹᱣ ᱠᱟᱛᱮ ᱥᱚᱨᱠᱟᱨ ᱠᱩ ᱵᱮᱨᱮᱫ ᱠᱮᱫᱟ᱾ ᱟᱨ ᱟᱥᱛᱮ ᱟᱥᱛᱮ ᱫᱚᱠᱷᱚᱞ ᱟᱠᱟᱱ ᱡᱟᱜᱟ ᱠᱩ ᱦᱚᱸ ᱪᱤᱱ ᱥᱚᱨᱠᱟᱨᱮ ᱧᱟᱢ ᱨᱩᱣᱟᱹᱲ ᱠᱮᱫᱟ᱾

ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱤᱱ ᱫᱚ ᱮᱥᱤᱭᱟ ᱢᱚᱦᱟᱫᱮᱥ ᱨᱮᱱᱟᱜ ᱯᱩᱨᱩᱵᱽ ᱥᱮᱡ ᱟᱨ ᱯᱨᱚᱥᱟᱱᱛᱚ ᱢᱚᱦᱟ ᱫᱚᱨᱮᱭᱟ ᱯᱟᱹᱪᱷᱤᱢ ᱟᱲᱮᱨᱮ ᱢᱮᱱᱟᱜ-ᱟ᱾ ᱚᱛ ᱦᱟᱥᱟ ᱞᱮᱠᱟᱛᱮ ᱪᱤᱱ ᱫᱚ ᱮᱥᱤᱭᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱞᱟᱹᱴᱩ ᱫᱤᱥᱚᱢ ᱠᱟᱱᱟ ᱟᱨ ᱫᱷᱟᱹᱨᱛᱤ ᱨᱮᱱᱟᱜ ᱛᱮᱥᱟᱨ ᱞᱟᱹᱴᱩ ᱫᱤᱥᱚᱢ ᱠᱟᱱᱟ᱾ ᱪᱤᱱ ᱨᱮᱱᱟᱜ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ 9,600,000 square kilometers (3,700,000 sq mi)᱾

ᱪᱤᱱ ᱯᱩᱨᱩᱵᱽ ᱫᱚ ᱩᱛᱟᱹᱨ ᱠᱳᱨᱤᱭᱟ, ᱩᱛᱟᱹᱨ ᱥᱮᱡ ᱢᱚᱝᱜᱚᱞᱤᱭᱟ, ᱩᱛᱟᱹᱨ ᱯᱩᱨᱩᱵᱽ ᱥᱮᱡ ᱨᱟᱥᱤᱭᱟ, ᱩᱛᱟᱹᱨ ᱯᱟᱹᱪᱷᱤᱢ ᱥᱮᱡ ᱠᱟᱡᱟᱜᱤᱥᱛᱟᱱ, ᱠᱤᱨᱠᱤᱡᱤᱥᱛᱟᱱ ᱟᱨ ᱛᱟᱡᱤᱠᱤᱥᱛᱟᱱ, ᱯᱟᱹᱪᱷᱤᱢ ᱟᱨ ᱫᱟᱹᱠᱷᱤᱱ ᱯᱟᱹᱪᱷᱤᱢ ᱥᱮᱡ ᱟᱯᱷᱜᱟᱱᱤᱥᱛᱟᱱ, ᱯᱟᱠᱤᱥᱛᱟᱱ, ᱥᱤᱧᱚᱛ, ᱱᱮᱯᱟᱞ ᱟᱨ ᱵᱷᱩᱴᱟᱱ, ᱫᱟᱹᱠᱷᱤᱱ ᱥᱮᱡ ᱢᱤᱭᱟᱱᱢᱟᱨ, ᱞᱟᱣᱳᱥ ᱟᱨ ᱵᱷᱤᱭᱮᱛᱱᱟᱢ, ᱯᱩᱨᱩᱵᱽ ᱟᱨ ᱫᱟᱹᱠᱷᱤᱱ ᱯᱩᱨᱩᱵᱽ ᱥᱮᱡ ᱫᱟᱹᱠᱷᱤᱱ ᱠᱳᱨᱤᱭᱟ, ᱡᱟᱯᱟᱱ, ᱯᱷᱤᱞᱤᱯᱟᱭᱤᱱ, ᱵᱨᱩᱱᱟᱭ, ᱢᱟᱞᱚᱭᱥᱤᱭᱟ ᱟᱨ ᱤᱱᱫᱚᱱᱮᱥᱤᱭᱟ ᱥᱟᱶᱛᱮ ᱪᱤᱱ ᱨᱮᱱᱟᱜ ᱫᱟᱜ ᱥᱤᱢᱟᱱᱟ ᱢᱮᱱᱟᱜ-ᱟ᱾

ᱪᱤᱱ ᱨᱮᱱᱟᱜ ᱢᱩᱞ ᱡᱟᱜᱟ ᱫᱚ ᱯᱮᱭᱟ ᱜᱟᱰᱟ ᱛᱮ ᱮᱥᱮᱫᱽ ᱢᱮᱱᱟᱜ-ᱟ᱾ ᱱᱚᱣᱠᱩ ᱜᱟᱰᱟ ᱫᱚ ᱦᱩᱭᱩᱜ ᱠᱟᱱᱟ ᱩᱛᱟᱹᱨ ᱪᱤᱱ ᱨᱮᱱᱟᱜ ᱦᱩᱣᱟᱝ ᱦᱮ, ᱛᱟᱞᱟ ᱪᱤᱱ ᱨᱮᱱᱟᱜ ᱤᱭᱟᱝ ᱪᱷᱤ ᱟᱨ ᱫᱟᱹᱠᱷᱤᱱ ᱨᱮᱱᱟᱜ ᱪᱩ ᱪᱤᱭᱟᱝ ᱜᱟᱰᱟ᱾

ᱡᱟᱹᱛᱤᱠᱩ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱤᱱ ᱨᱮᱫᱚ ᱟᱭᱢᱟ ᱡᱟᱹᱛᱤᱠᱩ ᱢᱮᱱᱟᱜ ᱠᱳᱣᱟ᱾ ᱢᱮᱱᱟᱠᱩ ᱫᱷᱟᱹᱨᱛᱤ ᱨᱮᱱᱟᱜ ᱢᱚᱬᱮ ᱵᱷᱟᱜᱽ ᱨᱮᱱᱟᱜ ᱢᱤᱫ ᱵᱷᱟᱜᱽ ᱡᱟᱹᱛᱤ ᱪᱤᱱ ᱨᱮᱠᱚ ᱛᱟᱸᱦᱮᱸᱱᱟ᱾

ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱤᱱ ᱨᱮᱫᱚ ᱟᱭᱢᱟ ᱡᱟᱹᱛᱤ ᱠᱳᱣᱟ ᱟᱭᱢᱟ ᱯᱟᱹᱨᱥᱤ ᱢᱮᱱᱟᱜ-ᱟ᱾ ᱢᱟᱱᱫᱟᱨᱤᱱ ᱪᱤᱱᱟ ᱯᱟᱹᱨᱥᱤ ᱜᱮ ᱡᱚᱛᱟ ᱠᱷᱚᱱ ᱡᱟᱹᱥᱛᱤ ᱠᱩ ᱵᱮᱵᱦᱟᱨᱟ᱾ ᱮᱴᱟᱜ ᱯᱟᱹᱨᱥᱤ ᱠᱩ ᱫᱚ ᱦᱩᱭᱩᱜ ᱠᱟᱱᱟ ᱩ ᱯᱟᱹᱨᱥᱤ, ᱤᱣᱭᱮ ᱯᱟᱹᱨᱥᱤ, ᱢᱤᱱ ᱪᱤᱱᱟ ᱯᱟᱹᱨᱥᱤ, ᱥᱤᱭᱟᱝ ᱪᱤᱱᱟ ᱯᱟᱹᱨᱥᱤ, ᱜᱟᱱ ᱪᱤᱱᱟ ᱯᱟᱹᱨᱥᱤ, ᱦᱟᱠᱠᱟ ᱪᱤᱱᱟ ᱯᱟᱹᱨᱥᱤ ᱟᱨᱦᱚᱸ ᱮᱢᱟᱱᱛᱮᱛ ᱯᱟᱹᱨᱥᱤ᱾ ᱪᱤᱱ ᱨᱮ ᱟᱭᱢᱟ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱳᱣᱟᱜ ᱦᱚᱸ ᱟᱯᱱᱟᱨ ᱟᱯᱱᱟᱨ ᱯᱟᱹᱨᱥᱤ ᱢᱮᱱᱟᱜ ᱛᱟᱹᱠᱩᱣᱟ᱾ ᱪᱩᱣᱟᱝ, ᱢᱚᱝᱜᱚᱞᱤᱭᱟ, ᱛᱤᱵᱵᱚᱛᱤ, ᱩᱣᱜᱩᱨ, ᱦᱚᱢᱚᱝ ᱯᱟᱹᱨᱥᱤ ᱠᱚᱫᱚ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱳᱣᱟᱜ ᱯᱟᱹᱨᱥᱤ ᱠᱟᱱᱟ᱾

ᱟᱨᱦᱚᱸ ᱧᱮᱞᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • China portal
  • Asia portal
  • Index of China-related articles
  • Outline of China

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Government
General information

Studies
Travel
Maps

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "China Population"www.worldometers.info। ১৫ মার্চ ২০১৬। সংগৃহীত ১৫ মার্চ ২০১৬।