ᱪᱤᱱᱱᱟᱯᱳᱱᱱᱩ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱪᱤᱱᱱᱟᱯᱳᱱᱱᱩ
Chinnaponnu.png
ᱪᱤᱱᱱᱟᱯᱳᱱᱱᱩ ᱯᱩᱛᱷᱩᱭᱩᱜᱚᱢ ᱤᱱᱴᱚᱨᱵᱷᱤᱣ ᱨᱮ
ᱵᱤᱵᱚᱨᱚᱱ
ᱡᱟᱱᱟᱢ ᱥᱤᱵᱚᱜᱚᱝᱜᱟᱭᱤ, ᱛᱟᱢᱤᱞ ᱱᱟᱰᱩ, ᱥᱤᱧᱚᱛ
ᱡᱮᱱᱨᱮᱥ ᱯᱷᱤᱞᱢᱤ, ᱞᱟᱠᱪᱟᱨ ᱥᱮᱨᱮᱧ
ᱚᱠᱩᱯᱮᱥᱚᱱ Playback singer
ᱵᱟᱡᱽᱱᱟ Vocalist
ᱠᱟᱹᱢᱤ ᱚᱠᱛᱚ 1990–current

ᱪᱤᱱᱱᱟᱯᱚᱱᱱᱩ (ᱡᱟᱦᱟᱸ ᱛᱤᱥ ᱡᱟᱦᱟᱸ ᱛᱤᱥ ᱪᱤᱱᱱᱟ ᱯᱳᱱᱱᱩ, ᱟᱨᱵᱟᱝ ᱪᱤᱱᱱᱟᱯᱳᱱᱱᱩ ᱢᱮᱱᱛᱮ ᱦᱚᱸᱭ ᱚᱞᱚᱜᱼᱟ ) ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱛᱟᱢᱤᱞ ᱱᱟᱰᱩ ᱯᱚᱱᱚᱛ ᱨᱤᱱᱤᱡ ᱢᱤᱫ ᱦᱚᱲ/ ᱞᱟᱠᱪᱟᱨ ᱟᱨ ᱯᱞᱮᱵᱮᱠ ᱥᱤᱝᱜᱚᱨ ᱠᱟᱱᱟᱭ ᱾

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱤᱱᱱᱟᱯᱳᱱᱱᱩ ᱫᱚ ᱥᱤᱵᱽᱜᱚᱝᱜᱚᱭᱤ ᱯᱚᱱᱚᱛ, ᱥᱤᱧᱚᱛ ᱨᱮᱱᱟᱜ ᱛᱟᱢᱤᱞᱱᱟᱰᱩ ᱨᱮ ᱢᱤᱫ ᱦᱩᱰᱤᱧ ᱥᱟᱺᱦᱤᱡ ᱟᱹᱛᱩ ᱥᱩᱨᱱᱟᱢ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱛᱤᱱ ᱡᱚᱦᱚᱜ ᱑᱓ ᱵᱚᱪᱷᱚᱨ ᱩᱢᱮᱨ ᱛᱟᱦᱮᱸ ᱠᱟᱱ ᱛᱟᱭᱟ, ᱩᱱ ᱡᱚᱦᱚᱜ ᱩᱱᱤ ᱫᱚ ᱢᱩᱫᱽᱨᱤ ᱨᱮᱱᱟᱜ ᱯᱟᱨᱟᱵᱽ ᱟᱨ ᱪᱚᱨᱪ ᱮᱢᱟᱱ ᱠᱚᱨᱮ ᱩᱫᱩᱜ ᱩᱫᱮᱞᱟᱭ ᱮᱛᱚᱦᱚᱵ ᱞᱮᱫ-ᱟ ᱾ ᱤᱱᱟ ᱛᱟᱭᱚᱢ ᱠᱷᱟᱱ ᱜᱮ ᱩᱱᱤ ᱫᱚ ᱡᱚᱴᱟᱣ ᱞᱟᱠᱪᱟᱨ ᱵᱟᱰᱚᱦᱤᱭᱟᱹ ᱠᱳᱴᱴᱟᱥᱟᱢᱤ ᱨᱤᱱ ᱜᱟᱫᱮᱞ ᱨᱮ ᱯᱨᱚᱯᱷᱮᱥᱚᱱᱟᱞ ᱥᱮᱨᱮᱧᱤᱭᱟᱹ ᱞᱮᱠᱟᱛᱮ ᱥᱮᱨᱮᱧ ᱮ ᱮᱛᱚᱦᱚᱵ ᱠᱮᱫ-ᱟ ᱾ ᱡᱟᱦᱟᱸ ᱨᱮᱱᱟᱜ ᱥᱟᱨᱦᱟᱣᱱᱟ ᱫᱚ ᱩᱱᱤ ᱢᱤᱫ ᱢᱮᱱᱴᱚᱨ ᱮ ᱮᱢᱟᱦᱟᱭᱟ ᱾ ᱛᱟᱭᱚᱢ ᱛᱮ ᱩᱱᱤᱭᱟᱜ ᱨᱟᱦᱟ ᱟᱲᱟᱝ ᱫᱚ ᱠᱮ.ᱮ. ᱜᱩᱱᱥᱮᱠᱚᱨᱚᱱ, ᱛᱟᱢᱤᱞᱱᱟᱰᱩ ᱨᱮᱱᱟᱜ ᱞᱟᱠᱪᱟᱨ ᱵᱟᱹᱰᱚᱦᱤ ᱟᱨ ᱞᱟᱠᱪᱟᱨ ᱥᱮᱨᱮᱧ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱠᱷᱚᱸᱫᱽᱨᱚᱱᱤᱭᱟᱹ ᱡᱟᱦᱟᱸᱭᱟᱜ ᱥᱤᱧᱚᱛᱤᱭᱟᱹ ᱠᱚᱢᱭᱩᱱᱤᱥᱴ ᱯᱟᱴᱤ ᱥᱟᱶ ᱦᱚᱸ ᱥᱩᱨ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱᱟ ᱾ ᱜᱩᱱᱥᱮᱠᱚᱨᱚᱱ ᱫᱚ ᱯᱚᱱᱚᱛ ᱨᱮᱱᱟᱜ ᱟᱹᱰᱤ ᱞᱮᱠᱟᱱ ᱴᱚᱴᱷᱟ ᱨᱮ ᱩᱱᱤᱭᱟᱜ ᱩᱫᱩᱜ ᱥᱚᱫᱚᱨ ᱪᱷᱟᱨᱟᱣ ᱨᱮᱭ ᱜᱚᱲᱚ ᱟᱫᱮᱭᱟ ᱾ [᱑]

ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱔ ᱥᱟᱞᱮ ᱨᱮ, ᱛᱟᱢᱤᱞ ᱯᱷᱤᱞᱤᱢ ᱤᱱᱰᱚᱥᱴᱨᱤ ᱨᱮ ᱢᱤᱫ ᱦᱤᱴ ᱥᱮᱨᱮᱧᱤᱭᱟᱹ ᱥᱟᱶ ᱥᱟᱶᱛᱮ ᱯᱞᱮᱵᱮᱠ ᱥᱤᱝᱜᱚᱨ ᱞᱮᱠᱟᱛᱮ "ᱵᱚᱡᱽᱨᱚᱛᱷᱩᱨᱚᱱ ᱵᱚᱡᱽᱨᱚᱛᱷᱩᱨᱮᱱ" ᱦᱤᱴ ᱯᱷᱤᱞᱤᱢ ᱪᱚᱸᱫᱽᱨᱚᱢᱩᱠᱷᱤ ᱨᱮ ᱨᱚᱡᱽᱱᱤᱠᱟᱸᱛ ᱟᱨ ᱡᱽᱭᱚᱛᱤᱠᱟ ᱦᱟᱜ ᱨᱩᱯ ᱛᱮᱭ ᱯᱟᱴ ᱞᱮᱫ-ᱟ ᱾ [᱒]

ᱱᱚᱶᱟ ᱠᱷᱟᱹᱛᱤᱨ ᱮᱴᱟᱜ ᱥᱮᱨᱮᱧ ᱩᱫᱩᱜᱤᱭᱟᱹ ᱠᱚ ᱧᱮᱱᱮᱞᱚᱢ ᱨᱮᱱᱟᱜ ᱨᱚᱸᱪ ᱟᱨ ᱦᱚᱸ ᱡᱟᱱᱟᱢ ᱮᱱᱟ ᱾

ᱥᱮᱨᱢᱟ ᱒᱐᱑᱐ ᱨᱮ, ᱩᱱᱤ ᱫᱚ ᱮᱥ. ᱮᱥ. ᱯᱷᱸᱰᱤᱭᱚᱱ ᱦᱚᱛᱮᱛᱮ ᱩᱫᱩᱜ ᱥᱚᱫᱚᱨ ᱟᱠᱟᱱ ᱯᱷᱤᱞᱤᱢ ᱥᱩᱨᱭᱟ ᱥᱚᱴᱴᱟ ᱠᱚᱞᱚᱣᱨᱤ ᱨᱮᱱᱟᱜ ᱥᱮᱨᱮᱧ "ᱛᱷᱮᱠᱟ ᱛᱷᱮᱠᱟ" ᱞᱟᱹᱜᱤᱫ ᱮᱰᱤᱥᱚᱱ ᱮᱣᱟᱨᱰ ᱒᱐᱑᱐ ᱮ ᱟᱢᱮᱴ ᱠᱮᱫ-ᱟ ᱾ ᱤᱱᱟᱹ ᱥᱮᱨᱢᱟ ᱜᱮ ᱩᱱᱤ ᱫᱚ ᱣᱚᱞᱰ ᱠᱞᱟᱥᱤᱠᱚᱞ ᱛᱟᱢᱤᱞ ᱠᱚᱱᱯᱷᱮᱨᱮᱸᱥ ᱒᱐᱑᱐ ᱞᱟᱹᱜᱤᱫ ᱛᱷᱤᱢ ᱥᱮᱨᱮᱧ ᱨᱮ ᱪᱤᱛᱟᱹᱨᱮᱛ ᱵᱟᱰᱚᱦᱤᱭᱟᱹ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱜᱟᱞᱟᱝ ᱜᱟᱵᱟᱱ ᱫᱚ ᱮ. ᱟᱨ. ᱨᱚᱦᱢᱟᱱ, ᱜᱚᱣᱛᱚᱢ ᱢᱮᱱᱚᱱ ᱦᱚᱛᱮᱛᱮ ᱩᱱᱩᱫᱩᱜ ᱢᱤᱫ ᱵᱷᱤᱰᱭᱳ ᱥᱟᱶ ᱦᱩᱭ ᱞᱮᱱᱟ ᱾ [᱓]

᱒᱐᱑᱐ ᱟᱨ ᱒᱐᱑᱑ ᱥᱟᱞᱮ ᱨᱮ, ᱩᱱᱤᱨᱤᱱ ᱥᱮᱨᱮᱧ ᱜᱟᱫᱮᱞ ᱪᱮᱱᱱᱟᱭ ᱥᱚᱝᱜᱚᱢᱚᱢ ᱯᱟᱨᱟᱵᱽ ᱨᱮ ᱢᱤᱫ ᱧᱩᱛᱩᱢᱟᱱ ᱦᱮᱰᱞᱟᱭᱱᱤᱝ ᱮᱠᱴ ᱠᱷᱚᱱ ᱢᱤᱫᱴᱟᱹᱝ ᱛᱟᱦᱮᱸ ᱠᱟᱱᱟ ᱾ ᱡᱩᱱ ᱒᱐᱑᱑ ᱨᱮ, ᱩᱱᱤ ᱫᱚ ᱥᱮᱨᱮᱧᱤᱭᱟᱹ ᱠᱮᱭᱞᱟᱥ ᱠᱷᱮᱨ ᱟᱨ ᱯᱟᱯᱳᱱ ᱥᱟᱶ ᱮᱯᱤᱥᱳᱰ ᱣᱮᱛᱷᱞᱟᱭ ᱟᱨ ᱛᱮᱨᱮ ᱱᱟᱢ ᱨᱮ ᱮᱱ ᱴᱤᱵᱷᱤ ᱠᱳᱠ ᱥᱴᱩᱰᱤᱭᱳ ᱴᱮᱞᱤᱵᱷᱤᱡᱚᱱ ᱥᱨᱩᱝᱠᱷᱚᱲᱟ ᱨᱮᱭ ᱧᱮᱞ ᱧᱟᱢ ᱞᱮᱱᱟ ᱾

᱒᱐᱑᱒ ᱨᱮ, ᱩᱱᱤ ᱫᱚ ᱡᱮᱵᱤ ᱟᱨ ᱡᱤ ᱚᱱᱤᱞ ᱦᱚᱛᱮᱛᱮ ᱥᱮᱨᱮᱧ ᱥᱟᱶ ᱥᱟᱶᱛᱮ ᱦᱤᱴ ᱯᱷᱤᱞᱤᱢ ᱵᱚᱥ ᱥᱴᱚᱯ ᱨᱮ ᱥᱮᱨᱮᱧ ᱯᱚᱴᱴᱩᱠᱳ ᱯᱚᱴᱴᱩᱠᱳ ᱥᱟᱶ ᱛᱮᱞᱩᱜᱩ ᱯᱷᱤᱞᱤᱢ ᱡᱮᱜᱮᱛ ᱨᱮ ᱦᱚᱸᱭ ᱵᱚᱞᱚ ᱮᱱᱟ ᱾

ᱥᱟᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]