ᱪᱩᱨᱤ
| ᱪᱩᱨᱤ | |
|---|---|
| ᱦᱚᱲᱞᱮᱠᱷᱟ ᱱᱚᱜᱚᱨ | |
  ᱪᱩᱨᱤ  ᱪᱩᱨᱤ | |
| Coordinates: 23°40′56″N 85°01′11″E / 23.68211°N 85.01981°ECoordinates: 23°40′56″N 85°01′11″E / 23.68211°N 85.01981°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱡᱷᱟᱨᱠᱷᱚᱸᱰ |
| ᱦᱚᱱᱚᱛ | ᱨᱟᱺᱪᱤ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱯᱷᱮᱰᱮᱨᱟᱞ ᱰᱮᱢᱚᱠᱨᱟᱥᱤ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 16.78 ᱠᱤᱢᱤ২ (6.48 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱒᱔,᱘᱗᱖ |
| • ᱰᱮᱱᱥᱤᱴᱤ | 1500/ᱠᱤᱢᱤ2 (3800/ᱜᱟᱺᱴ ᱢᱟᱹᱭᱤᱞ) |
| ᱯᱟᱹᱨᱥᱤ ᱠᱚ (*ᱯᱟᱹᱨᱥᱤ ᱵᱩᱴᱟᱹ ᱞᱟᱹᱜᱤᱫ ᱠᱷᱮᱞᱟᱨᱤ ᱵᱚᱱᱚᱛ#ᱯᱟᱹᱨᱥᱤ ᱟᱨ ᱫᱷᱚᱨᱚᱢ ᱧᱮᱞ ᱢᱮ) | |
| • ᱟᱹᱢᱟᱹᱞᱮᱛ | ᱦᱤᱱᱫᱤ, ᱥᱟᱱᱛᱟᱲᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱘᱒᱙᱒᱑᱐ |
| ᱴᱮᱞᱤᱯᱷᱚᱱ/ᱮᱥ.ᱴᱤ.ᱰᱤ ᱠᱳᱰ | ᱐᱖᱕᱓᱐ |
| ᱜᱟᱹᱰᱤ ᱨᱤᱡᱤᱥᱴᱨᱤ | JH 01 |
| ᱥᱤᱠᱷᱱᱟᱹᱛ | ᱘᱐.᱒᱑% |
| ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱨᱟᱺᱪᱤ |
| ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱠᱟᱸᱠᱮ |
| ᱣᱮᱵᱽᱥᱟᱭᱤᱴ | ranchi |
ᱪᱩᱨᱤ ᱫᱚ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱟᱺᱪᱤ ᱦᱚᱱᱚᱛ ᱨᱮᱱᱟᱜ ᱨᱟᱺᱪᱤ ᱥᱟᱫᱟᱨ ᱦᱩᱰᱤᱧ ᱦᱟᱹᱴᱤᱧ ᱨᱮᱱᱟᱜ ᱠᱷᱮᱞᱟᱨᱤ ᱥᱤᱰᱤ ᱵᱞᱚᱠ ᱨᱮ ᱢᱮᱱᱟᱜ ᱢᱤᱫ ᱦᱚᱲᱞᱮᱠᱷᱟ ᱥᱚᱦᱚᱨ ᱠᱟᱱᱟ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱮᱛᱚᱢ ᱪᱷᱳᱴᱟᱱᱟᱜᱽᱯᱩᱨ ᱦᱟᱹᱴᱤᱧ ᱨᱮ ᱨᱟᱺᱪᱤ ᱦᱚᱱᱚᱛ ᱨᱮᱱᱟᱜ ᱥᱚᱦᱚᱨ, ᱱᱚᱜᱚᱨ ᱟᱨ ᱴᱷᱟᱶ ᱠᱚ M: ᱱᱚᱜᱚᱨ ᱯᱟᱞᱤᱠᱟ, CT: ᱦᱚᱲ ᱞᱮᱠᱷᱟ ᱥᱚᱦᱚᱨ, R: ᱟᱹᱛᱩ/ ᱥᱚᱦᱨᱤ ᱛᱟᱞᱢᱟ, H: ᱱᱟᱜᱟᱢᱤᱭᱟᱹ/ ᱫᱷᱚᱨᱚᱢ ᱛᱟᱞᱢᱟ, T: ᱧᱮᱞᱡᱚᱝ ᱛᱟᱞᱢᱟ, D: ᱰᱮᱢ ᱠᱟᱹᱴᱤᱡ ᱱᱚᱠᱥᱟ ᱨᱮ ᱴᱷᱟᱶ ᱵᱟᱝ ᱛᱟᱦᱮᱱ ᱠᱷᱟᱹᱛᱤᱨ, ᱥᱟᱹᱨᱤ ᱴᱷᱟᱶ ᱠᱚ ᱢᱟᱨᱟᱝ ᱱᱚᱠᱥᱟ ᱠᱷᱚᱱ ᱱᱟᱥᱮ ᱵᱷᱮᱜᱟᱨ ᱦᱩᱭ ᱫᱟᱲᱮᱭᱟᱜᱼᱟ |
ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱩᱨᱤ ᱫᱚ 23°40′56″N 85°01′11″E / 23.68211°N 85.01981°E ᱨᱮ ᱢᱮᱱᱟᱜᱼᱟ ᱾
ᱪᱩᱨᱤ ᱫᱚ ᱨᱟᱺᱪᱤ ᱥᱚᱦᱚᱨ ᱠᱷᱚᱱ ᱖᱐ ᱠᱤᱞᱚᱢᱤᱴᱚᱨ ᱯᱟᱪᱮ ᱨᱮ ᱢᱮᱱᱟᱜᱼᱟ ᱾
ᱴᱚᱴᱷᱟ ᱢᱤᱫ ᱧᱮᱱᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱶᱛᱮ ᱢᱮᱱᱟᱜ ᱱᱚᱠᱥᱟ ᱨᱮ ᱨᱟᱺᱪᱤ ᱢᱟᱪᱷᱟ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱧᱮᱞᱚᱜ ᱠᱟᱱᱟ, ᱚᱱᱟ ᱨᱮᱱᱟᱜ ᱵᱟᱹᱲᱛᱤ ᱫᱚ ᱫᱚᱨᱭᱟ ᱛᱷᱟᱨ ᱠᱷᱚᱱ ᱒,᱑᱔᱐ ᱯᱷᱤᱴ ᱩᱥᱩᱞ ᱨᱮ ᱢᱮᱱᱟᱜᱼᱟ ᱾ ᱡᱤᱞᱤᱧ ᱨᱮᱱᱟᱜ ᱠᱚᱧᱮ-ᱥᱟᱢᱟᱝ ᱦᱤᱥ ᱨᱮ ᱮᱠᱮᱱ ᱢᱤᱫ ᱠᱟᱹᱴᱤᱡ ᱦᱤᱥ ᱫᱚ ᱞᱟᱛᱟᱨ ᱨᱟᱺᱪᱤ ᱢᱟᱪᱷᱟ ᱠᱟᱱᱟ, ᱚᱱᱟ ᱫᱚ ᱥᱤᱞᱞᱤ, ᱨᱟᱦᱮ, ᱥᱚᱱᱟᱦᱟᱛᱩ, ᱟᱨ ᱛᱟᱢᱟᱲ ᱥᱤᱰᱤ ᱵᱞᱚᱠ ᱨᱮ ᱫᱚᱨᱭᱟ ᱟᱴᱮᱫ ᱠᱷᱚᱱ ᱕᱐᱐ ᱠᱷᱚᱱ ᱑᱐᱐᱐ ᱯᱷᱤᱴ ᱩᱥᱩᱞ ᱨᱮ ᱢᱮᱱᱟᱜᱼᱟ ᱾ ᱨᱟᱺᱪᱤ ᱨᱮᱱᱟᱜ ᱮᱛᱚᱢ-ᱯᱟᱪᱮ ᱨᱮ ᱑᱖ ᱠᱤᱞᱚᱢᱤᱴᱟᱨ ᱡᱤᱞᱤᱧ ᱢᱤᱫ ᱫᱷᱟᱯ ᱢᱮᱱᱟᱜᱼᱟ ᱾ ᱛᱟᱞᱟ ᱢᱟᱪᱷᱟ ᱨᱮ ᱯᱷᱟᱨᱪᱟ ᱵᱩᱨᱩ ᱠᱚ ᱢᱮᱱᱟᱜᱼᱟ ᱾ ᱡᱤᱞᱤᱧ ᱨᱮᱭᱟᱜ ᱢᱟᱨᱟᱝ ᱜᱟᱰᱟ, ᱥᱚᱵᱚᱨᱱᱟᱠᱷᱟ, ᱨᱟᱛᱩ ᱥᱩᱨ ᱠᱷᱚᱱ ᱮᱦᱚᱵᱚᱜᱼᱟ, ᱥᱟᱢᱟᱝ ᱥᱮᱫ ᱪᱟᱞᱟᱜᱼᱟ, ᱟᱨ ᱦᱩᱸᱰᱨᱩ ᱡᱷᱟᱨᱱᱟ ᱨᱮ ᱯᱟᱞᱮᱱ ᱓᱐᱐ ᱯᱷᱤᱴ ᱠᱷᱚᱱ ᱧᱩᱨᱩᱜᱼᱟ ᱾ ᱥᱚᱵᱚᱨᱱᱟᱠᱷᱟ ᱟᱨ ᱮᱴᱟᱜ ᱞᱟᱹᱠᱛᱤᱭᱟᱱ ᱜᱟᱰᱟ ᱠᱚ ᱱᱚᱠᱥᱟ ᱨᱮ ᱪᱤᱱᱦᱟᱹ ᱟᱠᱟᱱᱟ ᱾ ᱵᱤᱨ ᱴᱚᱴᱷᱟ ᱫᱚ ᱱᱚᱠᱥᱟ ᱨᱮ ᱩᱢᱩᱞ ᱟᱠᱟᱱᱟ ᱾[᱑] ᱠᱚᱧᱮ ᱠᱚᱨᱱᱟᱯᱩᱨᱟ ᱴᱚᱴᱷᱟ ᱨᱮᱱᱟᱜ ᱢᱤᱫ ᱢᱟᱨᱟᱝ ᱦᱟᱹᱴᱤᱧ ᱟᱨ ᱥᱮᱱᱴᱨᱟᱞ ᱠᱚᱞᱯᱷᱤᱞᱰᱥ ᱞᱤᱢᱤᱴᱮᱰ ᱨᱮᱱᱟᱜ ᱯᱤᱯᱟᱨᱵᱟᱨ ᱴᱚᱴᱷᱟ ᱨᱮᱱᱟᱜ ᱛᱤᱱᱟᱹᱜ ᱜᱟᱱ ᱥᱤᱢᱟᱹ ᱴᱚᱴᱷᱟ, ᱵᱟᱱᱟᱨ ᱜᱮ ᱠᱚᱧᱮ ᱠᱚᱨᱱᱟᱯᱩᱨᱟ ᱠᱚᱞᱯᱷᱤᱞᱰ ᱨᱮ ᱢᱮᱱᱟᱜᱼᱟ, ᱟᱨ ᱨᱟᱺᱪᱤ ᱦᱚᱱᱚᱛ ᱨᱮ ᱢᱮᱱᱟᱜᱼᱟ ᱾[᱒][᱓] ᱯᱷᱩᱨᱜᱟᱹᱞ ᱛᱟᱭᱚᱢ ᱠᱷᱚᱱ ᱨᱟᱺᱪᱤ ᱦᱚᱱᱚᱛ ᱨᱮ ᱯᱟᱥᱱᱟᱣ ᱠᱟᱹᱨᱜᱟᱲ ᱠᱟᱹᱢᱤᱦᱚᱨᱟ ᱧᱮᱞ ᱟᱠᱟᱱᱟ ᱾[᱔] ᱨᱟᱺᱪᱤ ᱦᱚᱱᱚᱛ ᱫᱚ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱯᱚᱱᱚᱛ ᱨᱮ ᱯᱩᱭᱞᱩ ᱫᱷᱟᱯ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱦᱚᱱᱚᱛ ᱨᱮ ᱘.᱘᱓% ᱦᱚᱲ ᱠᱚ ᱛᱟᱦᱮᱱ ᱠᱟᱱᱟ - ᱕᱖.᱙% ᱟᱹᱛᱩ ᱦᱚᱲ ᱟᱨ ᱔᱓.᱑% ᱥᱚᱦᱚᱨ ᱦᱚᱲ ᱾[᱕]
ᱱᱳᱴᱥ: ᱥᱟᱶᱛᱮ ᱮᱢ ᱟᱠᱟᱱ ᱢᱟᱱᱪᱤᱛᱟᱹᱨ ᱨᱮ ᱦᱚᱱᱚᱛ ᱨᱮᱱᱟᱜ ᱠᱤᱪᱷᱩ ᱧᱩᱛᱩᱢᱟᱱ ᱡᱟᱭᱜᱟ ᱠᱚ ᱚᱞ ᱟᱠᱟᱱᱟ ᱾ ᱢᱟᱱᱪᱤᱛᱟᱹᱨ ᱨᱮ ᱪᱤᱱᱦᱟᱹ ᱟᱠᱟᱱ ᱡᱚᱛᱚ ᱴᱷᱟᱶ ᱢᱟᱨᱟᱝ ᱯᱩᱨᱟᱹ ᱥᱠᱨᱤᱱ ᱢᱟᱱᱪᱤᱛᱟᱹᱨ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱾
ᱦᱚᱲᱞᱮᱠᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱪᱩᱨᱤ ᱨᱤᱱ ᱜᱩᱴ ᱦᱚᱲ ᱮᱞ ᱫᱚ ᱒᱔,᱘᱗᱖ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱑᱒,᱙᱙᱕ (᱕᱒%) ᱠᱚᱲᱟ ᱟᱨ ᱑᱑,᱘᱘᱑ (᱔᱘%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱐ ᱠᱷᱚᱱ ᱖ ᱥᱮᱨᱢᱟ ᱩᱢᱮᱨ ᱨᱤᱱ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱓,᱒᱓᱙ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱪᱩᱨᱤ ᱨᱮ ᱥᱤᱠᱷᱱᱟᱹᱛ ᱟᱠᱟᱱ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱑,᱗᱓᱕᱔ ᱦᱚᱲ ᱠᱚ (᱖ ᱥᱮᱨᱢᱟ ᱠᱷᱚᱱ ᱰᱮᱦᱮᱨ ᱩᱢᱮᱨ ᱦᱚᱲ ᱠᱚᱣᱟᱜ ᱘᱐.᱒᱑%) ᱛᱟᱦᱮᱸ ᱠᱟᱱᱟ ᱾[᱖]
᱒᱐᱐᱑ ᱥᱮᱨᱢᱟ ᱨᱮᱱᱟᱜ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ[᱗] ᱪᱩᱨᱤ ᱦᱚᱱᱚᱛ ᱨᱮ ᱒᱕,᱐᱗᱕ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱩᱴ ᱦᱚᱲ ᱦᱚᱲ ᱮᱞ ᱨᱮᱱᱟᱜ ᱕᱕% ᱠᱚᱲᱟ ᱟᱨ ᱔᱕% ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ ᱾ ᱪᱩᱨᱤ ᱨᱮ ᱥᱮᱪᱮᱫ ᱫᱚᱨ ᱫᱚ ᱖᱖% ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱫᱚ ᱕᱙.᱕% ᱠᱷᱚᱱ ᱰᱷᱮᱨ ᱜᱮᱭᱟ ᱾ ᱠᱚᱲᱟ ᱥᱮᱪᱮᱫ ᱫᱚᱨ ᱫᱚ ᱗᱖% ᱟᱨ ᱛᱤᱨᱞᱟᱹ ᱥᱮᱪᱮᱫ ᱫᱚᱨ ᱫᱚ ᱕᱔% ᱢᱮᱱᱟᱜᱼᱟ ᱾ ᱪᱩᱨᱤ ᱨᱮ ᱑᱕% ᱦᱚᱲ ᱮᱞ ᱫᱚ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱠᱚ ᱢᱮᱱᱟᱜ ᱠᱚᱣᱟ ᱾
ᱤᱱᱯᱷᱨᱟᱥᱴᱨᱟᱠᱪᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱚᱱᱚᱛ ᱡᱚᱛᱚᱱ ᱯᱚᱛᱚᱵ ᱒᱐᱑᱑, ᱨᱟᱸᱪᱤ ᱞᱮᱠᱟᱛᱮ, ᱪᱩᱨᱤ ᱫᱚ ᱑᱖.᱗᱘ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱛᱮ ᱯᱟᱥᱱᱟᱣ ᱮᱥᱮᱫ ᱟᱠᱟᱱᱟ ᱾ ᱱᱚᱶᱟ ᱨᱮ ᱗᱐ ᱠᱤᱞᱚᱢᱤᱴᱚᱨ ᱜᱟᱱ ᱥᱚᱲᱚᱠ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱨᱮ ᱠᱷᱩᱞᱟᱹ ᱟᱨ ᱵᱚᱸᱫᱽ ᱵᱟᱱᱟᱨ ᱱᱟᱞᱤ ᱜᱮ ᱛᱟᱦᱮᱸ ᱠᱟᱱᱟ, ᱨᱟᱠᱷᱟ ᱫᱟᱜ ᱯᱟᱥᱱᱟᱣ ᱨᱮ ᱯᱷᱩᱨᱪᱟᱹ ᱟᱠᱟᱱ ᱯᱷᱮᱰᱟᱛ ᱠᱷᱚᱱ ᱱᱚᱞ ᱫᱟᱜ, ᱱᱚᱸᱰᱮ ᱫᱚ ᱱᱟᱞᱤ ᱫᱟᱜ, ᱠᱷᱩᱞᱟᱹ ᱠᱩᱧ, ᱚᱵᱷᱚᱨ ᱦᱮᱰ ᱴᱮᱱᱠ ᱮᱢᱟᱱ ᱠᱚ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮ ᱔,᱘᱑᱓ ᱜᱚᱴᱟᱝ ᱜᱷᱟᱨᱚᱸᱡᱽ ᱨᱮ ᱵᱤᱡᱽᱞᱤ ᱡᱩᱲᱟᱹᱣ ᱟᱨ ᱑᱕᱕ ᱜᱚᱴᱟᱝ ᱥᱚᱲᱚᱠ ᱨᱮ ᱢᱟᱨᱥᱟᱞ ᱴᱷᱟᱶ ᱢᱮᱱᱟᱜᱼᱟ ᱾ ᱢᱮᱰᱤᱠᱟᱞ ᱥᱩᱵᱤᱫᱷᱟ ᱨᱮ, ᱱᱚᱶᱟ ᱨᱮ ᱢᱤᱫᱴᱟᱹᱝ ᱟᱥᱯᱟᱛᱟᱞ, ᱖ ᱜᱚᱴᱟᱝ ᱟᱥᱯᱟᱛᱟᱞ, ᱖ ᱜᱚᱴᱟᱝ ᱦᱚᱲᱢᱚ ᱥᱟᱶᱟᱨ ᱛᱟᱞᱢᱟ, ᱢᱤᱫᱴᱟᱹᱝ ᱜᱷᱟᱨᱚᱸᱡᱽ ᱵᱷᱟᱹᱞᱟᱹᱭ ᱛᱟᱞᱢᱟ, ᱵᱟᱨᱭᱟ ᱡᱟᱱᱟᱢ ᱦᱚᱯᱚᱱ ᱟᱨ ᱜᱤᱫᱽᱨᱟᱹ ᱠᱟᱹᱣᱰᱤᱟᱹᱨᱤ ᱛᱟᱞᱢᱟ, ᱵᱟᱨᱭᱟ ᱦᱚᱯᱚᱱ ᱡᱟᱱᱟᱢ ᱚᱲᱟᱜ, ᱔᱕ ᱱᱚᱨᱥᱤᱝ ᱚᱲᱟᱜ, ᱕ ᱜᱚᱴᱟᱝ ᱨᱟᱱ ᱫᱚᱠᱟᱱ ᱠᱚ ᱛᱟᱦᱮᱸ ᱠᱟᱱᱟ ᱾ ᱥᱮᱪᱮᱫ ᱥᱩᱵᱤᱫᱷᱟ ᱨᱮ ᱑᱑ ᱜᱚᱴᱟᱝ ᱯᱨᱟᱭᱢᱟᱨᱤ ᱟᱥᱲᱟ, ᱵᱟᱨᱭᱟ ᱛᱟᱞᱟᱱᱟ ᱟᱥᱲᱟ, ᱵᱟᱨᱭᱟ ᱥᱮᱠᱮᱱᱰᱟᱨᱤ ᱟᱥᱲᱟ, ᱢᱤᱫᱴᱟᱹᱝ ᱥᱤᱱᱤᱭᱚᱨ ᱥᱮᱠᱮᱱᱰᱟᱨᱤ ᱟᱥᱲᱟ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮ ᱯᱮᱭᱟ ᱵᱟᱝ ᱥᱚᱨᱠᱟᱨᱤ ᱥᱮᱪᱮᱫ ᱛᱟᱞᱢᱟ (ᱥᱟᱨᱵᱷᱟ ᱥᱤᱠᱥᱟ ᱟᱵᱷᱤᱭᱟᱱ) ᱛᱟᱦᱮᱸ ᱠᱟᱱᱟ ᱾ ᱥᱟᱶᱛᱟᱨᱤ, ᱨᱟᱹᱥᱠᱟᱹ ᱟᱨ ᱟᱹᱨᱤᱪᱟᱹᱞᱤ ᱥᱩᱵᱤᱫᱷᱟ ᱠᱚ ᱵᱮᱜᱚᱨ ᱱᱚᱶᱟ ᱨᱮ ᱢᱤᱫᱴᱟᱹᱝ ᱥᱴᱮᱰᱤᱭᱟᱢ ᱦᱚᱸ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱛᱮᱭᱟᱨᱚᱜ ᱠᱟᱱ ᱢᱤᱫᱴᱟᱹᱝ ᱢᱩᱬ ᱡᱤᱱᱤᱥ ᱫᱚ ᱦᱩᱭᱩᱜ ᱠᱟᱱᱟ ᱠᱚᱭᱞᱟ ᱾ ᱱᱚᱸᱰᱮ ᱫᱚ ᱯᱩᱱᱭᱟᱹ ᱡᱟᱹᱛᱤᱭᱟᱹᱨᱤ ᱵᱮᱸᱠ ᱨᱮᱱᱟᱜ ᱪᱟᱪᱞᱟᱣ ᱛᱟᱦᱮᱸ ᱠᱟᱱᱟ ᱾[᱘]
ᱠᱟᱹᱣᱰᱤᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱧᱮ ᱠᱟᱨᱚᱱᱯᱩᱨᱟ ᱠᱳᱞᱯᱷᱤᱞᱰ ᱨᱮ ᱥᱮᱱᱴᱨᱟᱞ ᱠᱳᱞᱯᱷᱤᱞᱰᱥ ᱞᱤᱢᱤᱴᱮᱰ ᱨᱮᱱᱟᱜ ᱠᱚᱧᱮ ᱠᱟᱨᱚᱱᱯᱩᱨᱟ ᱴᱚᱴᱷᱟ ᱨᱮᱱᱟᱜ ᱯᱨᱚᱡᱮᱠᱴ ᱢᱮᱱᱟᱜᱼᱟ: ᱪᱩᱨᱤ ᱚᱛ ᱵᱷᱤᱛᱤᱨ, ᱰᱟᱠᱨᱟ ᱵᱩᱠᱵᱩᱠᱟ ᱚᱯᱮᱱᱠᱟᱥᱴ, ᱠᱮ.ᱰᱤ.ᱮᱪ. ᱚᱯᱮᱱᱠᱟᱥᱴ, ᱠᱟᱨᱠᱟᱴᱴᱟ ᱚᱯᱮᱱᱠᱟᱥᱴ, ᱨᱳᱦᱤᱬᱤ ᱚᱯᱮᱱᱠᱟᱥᱴ, ᱯᱩᱨᱱᱟᱰᱤᱦ ᱚᱯᱮᱱᱠᱟᱥᱴ ᱾[᱙]
ᱥᱟᱜᱟᱲᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱛᱚ ᱠᱷᱚᱱ ᱥᱩᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱨᱟᱭ (᱒ ᱠᱤᱞᱚᱢᱤᱴᱚᱨ), ᱠᱷᱟᱞᱟᱨᱤ (᱗ ᱠᱤᱞᱚᱢᱤᱴᱚᱨ) ᱟᱨ ᱢᱚᱠᱞᱩᱥᱠᱤᱜᱚᱸᱡᱽ (᱑᱖.᱕ ᱠᱤᱞᱚᱢᱤᱴᱚᱨ) ᱢᱮᱱᱟᱜᱼᱟ ᱾ ᱥᱩᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱫᱚ ᱵᱤᱨᱥᱟ ᱢᱩᱱᱰᱟ ᱩᱰᱟᱹᱱ ᱰᱟᱹᱦᱤ, ᱨᱟᱺᱪᱤ (᱗᱐ ᱠᱤᱞᱚᱢᱤᱴᱚᱨ) ᱟᱨ ᱱᱮᱛᱟᱡᱤ ᱥᱩᱵᱷᱟᱥ ᱪᱟᱸᱫᱽᱨᱚ ᱵᱳᱥ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ, ᱠᱚᱞᱠᱟᱛᱟ (᱔᱖᱐ ᱠᱤᱞᱚᱢᱤᱴᱚᱨ) ᱢᱮᱱᱟᱜᱼᱟ ᱾
ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱛᱛᱟᱨᱤ ᱠᱚᱨᱱᱟᱯᱩᱨᱟ ᱥᱨᱟᱢᱤᱠ ᱢᱟᱦᱟᱵᱤᱫᱭᱟᱞᱚᱭ ᱫᱚ ᱑᱙᱙᱐ ᱥᱟᱞ ᱨᱮ ᱛᱷᱟᱯᱚᱱ ᱟᱠᱟᱱ ᱰᱟᱠᱨᱟ ᱨᱮ ᱦᱩᱭ ᱞᱮᱱᱟ ᱾[᱑᱐][᱑᱑][᱑᱒]
ᱵᱤᱫᱭᱟ ᱵᱤᱠᱟᱥ ᱠᱮᱸᱫᱽᱨᱚ ᱫᱚ ᱑᱙᱘᱓ ᱥᱟᱞ ᱨᱮ ᱛᱷᱟᱯᱚᱱ ᱟᱠᱟᱱ ᱪᱩᱨᱤ ᱨᱮ ᱢᱤᱫ ᱦᱤᱱᱫᱤ-ᱛᱟᱞᱟ ᱥᱟᱶ ᱥᱮᱪᱮᱫ ᱥᱚᱸᱥᱛᱷᱟᱱ ᱠᱟᱱᱟ ᱾ ᱱᱚᱶᱟ ᱨᱮ ᱫᱚ ᱪᱟᱱᱚᱪ ᱤᱨᱟᱹᱞ ᱟᱱᱟᱜ ᱠᱷᱚᱱ ᱪᱟᱱᱚᱪ ᱜᱮᱞ ᱟᱱᱟᱜ ᱫᱷᱟᱹᱨᱤᱡ ᱥᱮᱪᱮᱫ ᱨᱮᱱᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮ ᱓᱐ ᱜᱚᱴᱟᱝ ᱯᱚᱛᱚᱵ ᱥᱟᱶ ᱢᱤᱫ ᱞᱟᱭᱵᱨᱮᱨᱤ ᱦᱚᱸ ᱢᱮᱱᱟᱜᱼᱟ ᱾[᱑᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "District Census Handbook, Ranchi, Series 21, Part XII A" (PDF). Pages 10-11: Physiography, Drainage. Directorate of Census Operations Jharkhand. Retrieved 19 September 2021.
- ↑ "Central Coalfields Limited". Areas – North Karanpura. CCL. Retrieved 19 September 2021.
- ↑ "Central Coalfields Limited". Areas – Piparwar. CCL. Retrieved 19 September 2021.
- ↑ "District Census Handbook, Ranchi, Series 21, Part XII A" (PDF). Page 14: Industry. Directorate of Census Operations Jharkhand. Retrieved 19 September 2021.
- ↑ "District Census Handbook, Ranchi, Series 21, Part XII A" (PDF). Pages 10-11: Physiography, Drainage. Directorate of Census Operations Jharkhand. Retrieved 19 September 2021.
- ↑ "District Census Handbook, Ranchi, Series 21, Part XII B" (PDF). Rural PCA-C.D. blocks wise Village Primary Census Abstract, location no. 373459, page 28-29. Directorate of Census Operations Jharkhand. Retrieved 11 September 2021.
- ↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.
- ↑ "District Census Handbook Ranchi, Census of India 2011, Series 21, Part XII A" (PDF). Pages 675-681. Directorate of census Operations, Jharkhand. Retrieved 10 September 2021.
- ↑ "Central Coalfields Limited". Areas – North Karanpura. CCL. Retrieved 27 December 2020.
- ↑ "Uttari Karnpura Shramik Mahavidyalaya". UKSM. Archived from the original on 9 September 2021. Retrieved 7 September 2021.
- ↑ "Uttar Karanpur Shramik Mahavidyalaya". Shiksha. Retrieved 7 September 2021.
- ↑ "Affiliated Colleges". Ranchi University. Archived from the original on 9 September 2021. Retrieved 9 September 2021.
- ↑ "Vidya Vikas Kendra High School Dakra". Schools.org. Retrieved 11 September 2021.