Jump to content

ᱪᱩᱱᱤ ᱠᱳᱴᱟᱞ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱪᱩᱱᱤ ᱠᱳᱴᱟᱞ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ᱑᱙᱖᱕
ᱜᱳᱦᱟᱞᱰᱤᱦᱤ, ᱯᱟᱪᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ, ᱯᱚᱪᱷᱤᱢ ᱵᱟᱝᱞᱟ
ᱜᱩᱨ᱑᱖ ᱚᱜᱚᱥᱴ ᱑᱙᱙᱒ (ᱩᱢᱮᱨ Error: Need valid year, month, day ᱥᱮᱨᱢᱟ)
ᱠᱷᱚᱲᱚᱜᱽᱯᱩᱨ, ᱯᱟᱪᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ, ᱯᱚᱪᱷᱤᱢ ᱵᱟᱝᱞᱟ
ᱜᱩᱨ ᱨᱮᱱᱟᱜ ᱚᱡᱮᱟᱯᱚᱱ ᱜᱩᱨ
ᱥᱮᱪᱮᱫᱵᱤᱫᱫᱟᱥᱟᱜᱚᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ (ᱵᱤ.ᱮ.)
ᱧᱩᱢᱱᱟᱢᱥᱟᱶᱛᱟ ᱥᱩᱥᱟᱹᱨ ᱠᱟᱹᱢᱤ
ᱡᱤᱭᱚᱱ ᱥᱚᱦᱮᱫ
ᱢᱚᱱᱢᱚᱛᱷᱚ ᱥᱚᱵᱚᱨ (m. 1990)

ᱪᱩᱱᱤ ᱠᱳᱴᱟᱞ ᱫᱚ ᱢᱤᱫ ᱟᱹᱫᱤᱵᱟᱹᱥᱤ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱟᱨ ᱞᱳᱫᱷᱟ ᱥᱟᱶᱛᱟ ᱠᱷᱚᱱ ᱯᱩᱭᱞᱩ ᱥᱚᱱᱮᱨ ᱛᱤᱨᱞᱟᱹᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱢᱤᱫ ᱟᱹᱰᱤ ᱱᱟᱪᱟᱨ ᱟᱹᱫᱤᱵᱟᱹᱥᱤ ᱜᱩᱴ ᱠᱟᱱᱟ ᱠᱚ ᱾ ᱑᱙᱙᱒ ᱥᱟᱞᱮ ᱨᱮ ᱟᱡᱟᱜ ᱜᱩᱨ ᱫᱚ ᱥᱮᱪᱮᱫ ᱟᱥᱲᱟ ᱠᱚᱨᱮ ᱟᱹᱫᱤᱵᱟᱹᱥᱤ ᱥᱟᱶᱛᱟ ᱠᱚᱣᱟᱜ ᱵᱷᱮᱫᱽᱵᱷᱟᱵᱽ ᱨᱮᱱᱟᱜ ᱚᱡᱮ ᱠᱚ ᱪᱮᱛᱟᱱ ᱨᱮ ᱡᱟᱹᱛᱤᱭᱟᱹᱨᱤ ᱫᱷᱮᱭᱟᱱ ᱮ ᱚᱨ ᱞᱮᱫᱼᱟ ᱾

ᱱᱤᱡᱮᱨᱟᱜ ᱡᱤᱭᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱖᱕ ᱥᱟᱞᱮ ᱨᱮ, ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱯᱟᱪᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ ᱨᱮᱭᱟᱜ ᱜᱳᱦᱟᱞᱰᱤᱦᱤ ᱟᱹᱛᱩ ᱨᱮ, ᱢᱤᱫ ᱨᱮᱸᱜᱮᱡ ᱞᱳᱫᱷᱟ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱡᱟᱦᱟᱸ ᱨᱮ ᱓ ᱵᱚᱭᱦᱟ ᱟᱨ ᱓ ᱢᱤᱥᱮᱨᱟ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱳᱴᱟᱞ ᱫᱚ ᱑᱙᱙᱐ ᱥᱟᱞᱮ ᱨᱮ ᱠᱳᱨᱴ ᱢᱮᱨᱮᱡᱽ ᱛᱟᱞᱟ ᱛᱮ ᱢᱚᱱᱢᱚᱛᱷᱚ ᱥᱚᱵᱚᱨ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱾ ᱩᱱᱠᱤᱱ ᱫᱚ ᱑᱙᱘᱑ ᱠᱷᱚᱱ ᱢᱤᱫ ᱮᱴᱟᱜᱤᱡ ᱠᱤᱱ ᱵᱟᱰᱟᱭ ᱛᱟᱦᱮᱸᱫ ᱾ ᱦᱟᱭ ᱤᱥᱠᱩᱞ ᱥᱚᱱᱮᱨᱤᱭᱟᱹ ᱥᱚᱵᱚᱨ ᱫᱚ ᱠᱷᱚᱲᱚᱜᱽᱯᱩᱨ ᱨᱮ ᱨᱮᱞᱣᱮ ᱣᱟᱨᱠᱥᱚᱯ ᱨᱮᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾[᱑][᱒]

ᱥᱮᱪᱮᱫ ᱟᱨ ᱠᱟᱹᱢᱤ ᱡᱤᱭᱚᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱳᱴᱟᱞ ᱫᱚ ᱑᱙᱘᱓ ᱥᱟᱞᱮ ᱨᱮ ᱟᱡᱟᱜ ᱡᱩᱱᱤᱭᱚᱨ ᱠᱚᱞᱮᱡᱽ ᱛᱟᱭᱚᱢ ᱡᱷᱟᱲᱜᱨᱟᱢ ᱟᱭᱤ.ᱴᱤ.ᱰᱤ.ᱯᱤ. ᱚᱯᱷᱤᱥ ᱨᱮ ᱟᱹᱛᱩ ᱠᱚ ᱥᱟᱨᱵᱷᱮ ᱞᱟᱹᱜᱤᱫ ᱞᱳᱫᱷᱟ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱞᱮᱠᱟᱛᱮ ᱟᱡᱟᱜ ᱯᱩᱭᱞᱩ ᱠᱟᱹᱢᱤᱭ ᱧᱟᱢ ᱞᱮᱫᱼᱟ ᱾ ᱑᱙᱘᱕ ᱥᱟᱞᱮ ᱨᱮ, ᱩᱱᱤ ᱫᱚ ᱵᱤᱫᱫᱟᱥᱟᱜᱚᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱱᱛᱷᱨᱚᱯᱚᱞᱚᱡᱤ ᱨᱮ ᱥᱚᱱᱮᱨ ᱮ ᱥᱟᱹᱛ ᱞᱮᱫᱼᱟ, ᱟᱨ ᱱᱚᱶᱟ ᱠᱟᱹᱢᱤ ᱟᱠᱟᱫ ᱞᱳᱫᱷᱟ ᱥᱟᱶᱛᱟ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹᱭ ᱵᱮᱱᱟᱣ ᱮᱱᱟ ᱢᱤᱫ ᱜᱩᱴ ᱡᱟᱦᱟᱸ ᱫᱚ ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱨᱮ ᱠᱨᱤᱢᱤᱱᱟᱞ ᱟᱹᱫᱤᱵᱟᱹᱥᱤ ᱞᱮᱠᱟᱛᱮ ᱠᱚ ᱞᱮᱠᱷᱟ ᱞᱮᱫ ᱠᱚᱣᱟ ᱾[᱓][᱔] ᱥᱚᱱᱮᱨ ᱥᱟᱹᱛ ᱨᱮᱱᱟᱜ ᱵᱟᱨ ᱥᱮᱨᱢᱟ ᱛᱟᱭᱚᱢ, ᱩᱱᱤ ᱫᱚ ᱢᱮᱫᱤᱱᱤᱯᱩᱨ ᱨᱮ 'ᱨᱟᱹᱱᱤ ᱥᱤᱨᱳᱢᱚᱬᱤ ᱮᱥ.ᱥᱤ. ᱟᱨ ᱮᱥ.ᱴᱤ. ᱠᱩᱲᱤ ᱜᱤᱫᱽᱨᱟᱹ ᱦᱚᱥᱴᱮᱞ' ᱨᱮ ᱦᱚᱥᱴᱮᱞ ᱥᱩᱯᱚᱨᱤᱱᱴᱮᱱᱰᱮᱱᱴ ᱞᱮᱠᱟᱛᱮᱭ ᱵᱟᱦᱟᱞ ᱞᱮᱱᱟ, ᱱᱚᱸᱰᱮ ᱦᱚᱸ ᱩᱱᱤ ᱫᱚ ᱟᱡᱟᱜ ᱟᱹᱫᱤᱵᱟᱹᱥᱤ ᱠᱷᱟᱹᱛᱤᱨ ᱥᱟᱶᱛᱟᱨᱤ ᱞᱟᱹᱧᱪᱷᱚᱱ ᱥᱟᱢᱟᱝ ᱦᱩᱭ ᱟᱫᱮᱭᱟ ᱾[᱑] ᱵᱤᱫᱫᱟᱥᱟᱜᱚᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱟᱡᱟᱜ ᱢᱟᱥᱴᱚᱨᱥ ᱠᱳᱨᱥ (ᱮᱢ.ᱮᱥ.ᱥᱤ.) ᱚᱠᱛᱚ ᱨᱮ, ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱤᱱ ᱥᱟᱥᱚᱱᱤᱭᱟᱹ ᱠᱚ ᱦᱚᱛᱮᱛᱮ ᱩᱱᱤ ᱪᱮᱛᱟᱱ ᱨᱮ ᱵᱷᱮᱫᱽᱵᱷᱟᱵᱽ ᱦᱩᱭ ᱞᱮᱱᱟ, ᱡᱟᱦᱟᱸᱭ ᱫᱚ ᱩᱱᱤ ᱞᱟᱹᱠᱛᱤᱭᱟᱱ ᱯᱟᱥ ᱜᱨᱮᱰ ᱮᱢᱚᱜ ᱠᱚ ᱢᱟᱱᱟ ᱞᱮᱫᱼᱟ, ᱮᱱᱛᱮ ᱨᱮᱦᱚᱸ ᱩᱱᱤ ᱫᱚ ᱡᱚᱛᱚ ᱠᱨᱟᱭᱴᱮᱨᱤᱭᱟᱭ ᱯᱩᱨᱟᱹᱣ ᱞᱮᱫ ᱛᱟᱦᱮᱸᱫ ᱾ ᱤᱱᱥᱴᱤᱴᱤᱭᱩᱥᱚᱱ ᱨᱤᱱ ᱚᱫᱷᱤᱠᱟᱹᱨᱤ ᱠᱚᱣᱟᱜ ᱢᱮᱱ ᱛᱟᱦᱮᱸ ᱠᱟᱱ ᱡᱮ "ᱠᱨᱤᱢᱤᱱᱟᱞ ᱟᱹᱫᱤᱵᱟᱹᱥᱤ", ᱥᱤᱧᱚᱛ ᱨᱮᱱᱟᱜ ᱢᱤᱫ ᱰᱤᱱᱚᱴᱤᱯᱷᱟᱭᱤᱰ ᱟᱹᱫᱤᱵᱟᱹᱥᱤ ᱠᱷᱚᱱ ᱦᱮᱡ ᱟᱠᱟᱱ ᱢᱤᱫ ᱞᱟᱛᱟᱨ ᱡᱟᱹᱛ ᱨᱤᱱᱤᱡ ᱦᱚᱲᱟᱜ ᱫᱚ ᱥᱟᱶᱛᱟ ᱥᱟᱬᱮᱥ ᱞᱮᱠᱟᱱ "ᱩᱥᱩᱞ ᱥᱮᱪᱮᱫ" ᱯᱟᱲᱦᱟᱣ ᱨᱮᱱᱟᱜ ᱥᱟᱶᱛᱟᱨᱤ ᱫᱟᱣ ᱟᱨ ᱵᱷᱟᱜᱽᱭᱚ ᱵᱟᱹᱱᱩᱜᱼᱟ ᱾[᱕] ᱑᱙᱙᱑ ᱥᱟᱞᱮ ᱨᱮ, ᱠᱳᱨᱥ ᱨᱮ ᱵᱟᱨ ᱥᱮᱨᱢᱟ ᱱᱚᱥᱴᱚ ᱛᱟᱭᱚᱢ, ᱩᱱᱤ ᱮᱯᱷᱮᱢ ᱮ ᱮᱢ ᱠᱮᱫᱼᱟ, ᱟᱨ ᱯᱚᱱᱚᱛ ᱥᱮᱪᱮᱫ ᱢᱚᱱᱛᱨᱤ ᱦᱚᱛᱮᱛᱮ ᱢᱤᱫ ᱩᱥᱩᱞ ᱛᱷᱟᱠ ᱨᱮᱱᱟᱜ ᱛᱚᱫᱟᱨᱚᱛ ᱠᱚᱢᱤᱥᱚᱱ ᱵᱮᱱᱟᱣ ᱮᱱᱟ ᱡᱟᱦᱟᱸ ᱨᱮᱱᱟᱜ ᱪᱮᱫ ᱚᱨᱡᱚ ᱦᱚᱸ ᱵᱟᱝ ᱚᱰᱚᱠ ᱞᱮᱱᱟ, ᱡᱚᱠᱷᱚᱱ ᱵᱟᱰᱟᱭ ᱮᱱᱟ ᱡᱮ ᱩᱱᱤ ᱫᱚ ᱢᱤᱫ ᱢᱟᱨᱮ ᱠᱨᱤᱢᱤᱱᱟᱞ ᱟᱹᱫᱤᱵᱟᱹᱥᱤ ᱨᱤᱱᱤᱡ ᱠᱟᱱᱟᱭ ᱾[᱑]

ᱜᱩᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱔ ᱚᱜᱚᱥᱴ ᱑᱙᱙᱒ ᱨᱮ, ᱢᱮᱫᱤᱱᱤᱯᱩᱨ ᱨᱮ ᱟᱭᱢᱟ ᱥᱮᱨᱢᱟ ᱨᱮᱱᱟᱜ ᱡᱟᱹᱛᱤᱵᱟᱹᱫᱤ ᱟᱨ ᱨᱮᱥᱤᱥᱴ ᱱᱟᱦᱟᱪᱟᱨ ᱛᱮ ᱵᱷᱟᱵᱽᱱᱟ ᱠᱟᱛᱮ, ᱩᱱᱤ ᱢᱮᱫᱤᱱᱤᱯᱩᱨ ᱮ ᱵᱟᱹᱜᱤ ᱠᱮᱫᱼᱟ ᱟᱨ ᱟᱡ ᱡᱟᱶᱟᱭ ᱢᱚᱱᱢᱚᱛᱷᱚ ᱥᱚᱵᱚᱨ ᱥᱟᱶ ᱧᱟᱯᱟᱢ ᱮ ᱪᱟᱞᱟᱣ ᱮᱱᱟ, ᱡᱟᱦᱟᱸᱭ ᱫᱚ ᱠᱷᱚᱲᱚᱜᱽᱯᱩᱨ ᱨᱮ ᱨᱮᱞᱣᱮ ᱣᱟᱨᱠᱥᱚᱯ ᱨᱮᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱩᱱᱤ ᱑᱖ ᱚᱜᱚᱥᱴ ᱑᱙᱙᱒ ᱨᱮ ᱒᱗ ᱥᱮᱨᱢᱟ ᱩᱢᱮᱨ ᱨᱮ ᱟᱡᱛᱮ ᱜᱩᱨ ᱮᱱᱟ ᱾[᱑][᱒] ᱩᱱᱤᱭᱟᱜ ᱜᱩᱨ ᱫᱚ ᱯᱚᱪᱷᱤᱢ ᱵᱟᱝᱞᱟ ᱟᱨ ᱥᱟᱢᱟᱝ ᱥᱤᱧᱚᱛ ᱨᱮᱱᱟᱜ ᱢᱤᱰᱤᱭᱟ ᱨᱮ ᱟᱹᱰᱤ ᱢᱟᱨᱟᱝ ᱨᱟᱡᱽᱟᱹᱨᱤ, ᱢᱟᱱᱣᱟ ᱟᱹᱭᱫᱟᱹᱨᱤ ᱟᱨ ᱥᱟᱶᱛᱟᱨᱤ ᱵᱤᱵᱟᱹᱫᱽ ᱨᱮᱱᱟᱜ ᱢᱩᱬ ᱴᱩᱰᱟᱹᱜ ᱮ ᱵᱮᱱᱟᱣ ᱮᱱᱟ, ᱡᱟᱦᱟᱸ ᱨᱮ ᱠᱟᱛᱷᱟ ᱫᱚ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱵᱨᱟᱦᱢᱚᱬ-ᱵᱟᱱᱤᱭᱟ ᱠᱚᱣᱟᱜ ᱜᱚᱵᱚᱞ ᱨᱮ ᱢᱮᱱᱟᱜᱼᱟ ᱾[᱖][᱗][᱘] ᱩᱱᱤᱭᱟᱜ ᱜᱩᱨ ᱛᱟᱭᱚᱢ, ᱵᱟᱝᱞᱟ ᱫᱚᱞᱤᱛ ᱥᱟᱦᱤᱛᱭᱚ ᱥᱚᱝᱥᱛᱷᱟ, ᱠᱳᱞᱠᱟᱛᱟ, ᱫᱚ ᱠᱳᱞᱠᱟᱛᱟ ᱨᱮᱱᱟᱜ ᱰᱟᱦᱟᱨ ᱠᱚᱨᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱤᱱ ᱢᱟᱪᱮᱛ ᱠᱚ ᱵᱤᱨᱩᱫᱷ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱥᱮᱢᱤᱱᱟᱨ ᱟᱨ ᱰᱟᱦᱟᱨ ᱠᱳᱬ, ᱰᱟᱦᱟᱨ ᱜᱟᱭᱟᱱ ᱛᱟᱞᱟ ᱛᱮ ᱢᱤᱫ ᱢᱟᱨᱟᱝ ᱦᱩᱞᱥᱟᱹᱭ ᱮ ᱥᱟᱯᱲᱟᱣ ᱞᱮᱫᱼᱟ ᱾[᱙]

ᱩᱭᱦᱟᱹᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱙᱓ ᱥᱟᱞᱮ ᱠᱷᱚᱱ, ᱱᱚᱶᱟ ᱫᱚ ᱡᱚᱛᱚ ᱥᱮᱨᱢᱟ ᱠᱳᱞᱠᱟᱛᱟ ᱨᱮ ᱥᱮᱨᱢᱟᱠᱤᱭᱟᱹ ᱪᱩᱱᱤ ᱠᱳᱴᱟᱞ ᱢᱮᱢᱳᱨᱤᱭᱟᱞ ᱞᱮᱠᱪᱚᱨ ᱮ ᱥᱟᱯᱲᱟᱣ ᱮᱫᱼᱟ ᱾[᱑᱐] ᱛᱟᱭᱚᱢ ᱛᱮ ᱥᱮᱪᱮᱫ ᱵᱤᱵᱷᱟᱜᱽ, ᱥᱤᱧᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱩᱱᱤᱭᱟᱜ ᱡᱤᱭᱚᱱ ᱠᱟᱹᱦᱱᱤ ᱪᱮᱛᱟᱱ ᱨᱮ ᱢᱤᱫ ᱢᱳᱴᱤᱵᱷᱮᱥᱚᱱᱟᱞ ᱵᱷᱤᱰᱤᱭᱳ ᱯᱷᱤᱞᱢ ᱵᱮᱱᱟᱣ ᱟᱠᱟᱱᱟ ᱾[᱑᱑] ᱩᱱᱤᱭᱟᱜ ᱠᱟᱹᱦᱱᱤ ᱫᱚ ᱧᱩᱛᱟᱱ ᱚᱱᱚᱞᱤᱭᱟᱹ-ᱠᱟᱹᱢᱤᱭᱟᱹ ᱢᱚᱦᱟᱥᱣᱮᱛᱟ ᱫᱮᱵᱤ ᱦᱚᱛᱮᱛᱮ ᱟᱡᱟᱜ ᱵᱟᱝᱞᱟ ᱯᱚᱛᱚᱵ, ᱵᱭᱟᱫᱷᱠᱷᱚᱱᱰᱚ (᱑᱙᱙᱔) ᱨᱮ ᱩᱫᱩᱜ ᱥᱚᱫᱚᱨ ᱟᱠᱟᱱᱟ ᱾[᱑᱒] ᱦᱟᱨ ᱱᱟ ᱢᱟᱱᱟ ᱦᱟᱨ (᱒᱐᱒᱑) ᱫᱚ ᱢᱤᱫ ᱵᱟᱝᱞᱟ ᱜᱟᱢᱟᱢ ᱠᱟᱱᱟ ᱡᱟᱦᱟᱸ ᱫᱚ ᱥᱩᱵᱷᱚᱵᱨᱚᱛᱚ ᱵᱚᱥᱩ ᱦᱚᱛᱮᱛᱮ ᱟᱡᱟᱜ ᱫᱩᱠᱷᱟᱹᱞᱤ ᱡᱤᱭᱚᱱ ᱪᱮᱛᱟᱱ ᱨᱮ ᱚᱞ ᱟᱠᱟᱱᱟ ᱾

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. 1 2 3 4 The Changing Status of Women in West Bengal, 1970-2000: The Challenge Ahead, by Jasodhara Bagchi, Sarmistha Dutta Gupta. Published by SAGE, 2005. ISBN 0-7619-3242-9. Tribal Women - Page 141.
  2. 1 2 Economic and Political Weekly, Published by Sameeksha Trust., 29 August 1992. Page 1836.
  3. ↑ Economic and Political Weekly, she was the first lodha graduate women. Published by Sameeksha Trust., 1985. Page 1467
  4. ↑ Dust on the Road: The Activist Writings of Mahasweta Devi, by Mahasveta Devi, Maitreya Ghatak. Published by Seagull Books, 1997. ISBN 81-7046-143-X. The Story of Chuni Kotal - Page 136.
  5. ↑ Introduction Contested Belonging: An Indigenous People's Struggle for Forest and Identity in Sub-Himalayan Bengal, by B. G. Karlsson, Published by Routledge, 2000. ISBN 0-7007-1179-1. Page 18-19.
  6. ↑ Human Rights: Theory and Practice, by Debi Chatterjee, Sucheta Ghosh, Sumita Sen, Jadavpur University Dept. of International Relations. Published by South Asian Publishers, 2002. ISBN 81-7003-247-4. Page 128.
  7. ↑ Environment and Women Development: Lessons from Third World, by G. K. Ghosh. Published by Ashish Publishing House, 1995. ISBN 81-7024-674-1. Page 270.
  8. ↑ "Chuni Kotaler Attohota" Archived ᱗ ᱚᱜᱚᱥᱴ ᱒᱐᱐᱘ at the Wayback Machine. Anandabazar Patrika, 20 August 1992."Debashish Bhottacharjo, "Amader Progotir Mukhosh Khule Dilen Chuni Kotal, Tanr Jibon Diye" "
  9. ↑ Why Dalits in West Bengal are on Protest Archived ᱒᱗ ᱚᱜᱚᱥᱴ ᱒᱐᱐᱘ at the Wayback Machine. dalitmirror.
  10. ↑ 13th Chuni Kotal Memorial Lecture
  11. ↑ Media and Communication Supports Archived ᱑᱐ ᱮᱯᱨᱤᱞ ᱒᱐᱐᱙ at the Wayback Machine. Department of Education, Ministry of Human Resource Development, Govt. of India .
  12. ↑ ᱪᱷᱟᱸᱪ:Usurped The Hindu, 7 July 2002.

ᱵᱟᱦᱨᱮ ᱡᱚᱱᱚᱲ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  • ᱪᱷᱟᱸᱪ:Usurped ᱩᱢᱟ ᱢᱚᱦᱟᱫᱮᱵᱚᱱ-ᱫᱟᱥᱜᱩᱯᱛᱟ ᱦᱚᱛᱮᱛᱮ ᱫᱤ ᱦᱤᱱᱫᱩ ᱨᱮ ᱢᱚᱦᱟᱥᱣᱮᱛᱟ ᱫᱮᱵᱤ ᱭᱟᱜ ᱫᱤ ᱵᱩᱠ ᱚᱯᱷ ᱫᱤ ᱦᱚᱱᱴᱚᱨ ᱨᱮᱱᱟᱜ ᱨᱤᱵᱷᱤᱣ ᱾ ᱒᱓ ᱢᱟᱨᱪ ᱒᱐᱐৭ ᱨᱮ ᱧᱟᱢ ᱟᱠᱟᱱᱟ ᱾
"https://sat.wikipedia.org/w/index.php?title=ᱪᱩᱱᱤ_ᱠᱳᱴᱟᱞ&oldid=193034" ᱠᱷᱚᱱ ᱧᱟᱢ ᱟᱹᱜᱩᱭ