ᱪᱩᱴᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Packs of beedies.
Beedi making process, rare handicrafts in Akkaraipattu, Sri Lanka. Bidi leaf (Bauhinia racemosa) and shredded tobacco are prepared and finalize with thread binding.

ᱢᱤᱫ ᱪᱩᱴᱤ ᱥᱮ ᱦᱤᱸᱫᱤ ᱯᱟᱹᱨᱥᱤ ᱛᱮᱫᱚ ᱵᱤᱲᱤ[᱑][᱒][᱓] ᱠᱚ ᱢᱮᱛᱟᱣᱟᱜ - ᱟ ᱢᱤᱫ ᱯᱟᱛᱞᱟ ᱥᱤᱜᱽᱨᱮᱴ ᱨᱮᱱᱟᱜ ᱨᱩᱯ ᱠᱟᱱᱟ ᱡᱟᱦᱟᱸ ᱫᱚ ᱛᱷᱟᱢᱟᱠᱩᱨ ᱨᱮᱱᱟᱜ ᱯᱮᱨᱮᱡ ᱛᱟᱦᱮᱱ ᱠᱷᱟᱱᱟ ᱵᱟᱹᱲᱛᱤ ᱫᱚ ᱢᱤᱫ ᱛᱮᱨᱮᱞ ᱥᱟᱠᱟᱢ (ᱰᱟᱭᱚᱥᱯᱟᱭᱚᱨ ᱢᱮᱞᱟᱱᱳᱠᱥᱤᱞᱳᱱ) ᱥᱮ ᱥᱤᱞᱤᱭᱳᱥᱴᱤᱜᱽᱢᱟ ᱨᱮᱥᱢᱳᱥᱚᱢ ᱨᱮᱱᱟᱜ ᱥᱟᱠᱟᱢ ᱛᱮ ᱛᱚᱞ ᱵᱟᱱᱟᱣ ᱛᱟᱦᱮᱱ ᱠᱟᱱᱟ ᱾ ᱢᱤᱫ ᱟᱲᱮ ᱧᱚᱜ ᱨᱮ ᱛᱚᱞ ᱠᱟᱛᱮ ᱜᱩᱱᱦᱟᱹᱬ ᱩᱨᱤᱜ ᱛᱚᱞ ᱥᱮ ᱥᱟᱴᱟᱣ ᱛᱟᱦᱮᱱ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱵᱟᱱᱟᱣ ᱟᱯᱟᱱ ᱟᱯᱤᱱ ᱠᱟᱭᱜᱟ ᱥᱤᱧᱚᱛ ᱨᱮᱱᱟᱜ ᱟᱭᱢᱟ ᱡᱟᱭᱜᱟ ᱨᱮᱦᱚᱸ ᱠᱚ ᱵᱟᱱᱟᱣ ᱡᱚᱱᱚᱜ - ᱟ ᱥᱮ ᱠᱚ ᱠᱤᱨᱤᱝ ᱟᱠᱨᱤᱝᱟ ᱾ ᱪᱩᱴᱤ ᱨᱮᱱᱟᱜ ᱦᱤᱸᱫᱤ ᱥᱮ ᱤᱝᱞᱤᱥ ᱧᱩᱛᱩᱢ ᱫᱚ ᱵᱤᱲᱤ ᱠᱚ ᱢᱮᱛᱟᱣᱟᱜ ᱠᱟᱱᱟ ᱱᱚᱶᱟ ᱧᱩᱛᱩᱢ ᱫᱚ ᱢᱟᱨᱣᱟᱲᱤ ᱟᱹᱲᱟᱹ ᱵᱤᱲᱟ ᱠᱷᱚᱱ ᱠᱚ ᱦᱟᱛᱟᱣ ᱠᱮᱫ - ᱟ - ᱥᱩᱯᱟᱨᱤ, ᱡᱟᱹᱲᱤ - ᱵᱩᱴᱤ ᱟᱨ ᱥᱟᱠᱟᱢ ᱨᱮ ᱛᱚᱞ ᱠᱟᱛᱮ ᱢᱟᱥᱟᱞᱟ ᱠᱚ ᱥᱮᱞᱮᱫ ᱢᱮᱥᱟ ᱠᱟᱛᱮ ᱠᱚ ᱥᱟᱯᱲᱟᱣ ᱮᱫ - ᱟ ᱾

ᱥᱟᱱᱟᱢ ᱫᱤᱥᱚᱢ ᱨᱮᱱᱟᱜ ᱮᱛᱚᱢ ᱮᱥᱤᱭᱳ ᱟᱨ ᱛᱟᱞᱢᱟ ᱥᱟᱢᱟᱝ ᱨᱮᱱᱟᱜ ᱟᱫᱷᱟᱱ ᱦᱟᱹᱴᱤᱧ ᱨᱮ ᱛᱷᱟᱢᱟᱠᱩᱨ ᱨᱮᱱᱟᱜ ᱵᱮᱵᱷᱟᱨ ᱫᱚ ᱢᱤᱫ ᱟᱹᱨᱤᱪᱟᱹᱞᱤ ᱦᱚᱨᱟ ᱛᱤᱦᱤᱱ ᱟᱵᱚ ᱥᱤᱧᱚᱛ ᱫᱤᱥᱚᱢ ᱨᱮ ᱵᱟᱰᱟᱭ ᱢᱮᱱᱟᱜ - ᱟ ᱟᱨ ᱥᱟᱥᱛᱟ ᱜᱮ ᱧᱟᱢᱚᱜ ᱠᱟᱱᱟ ᱾ ᱡᱟᱦᱟᱸ ᱫᱚ ᱪᱩᱴᱤ ᱨᱮᱱᱟᱜ ᱠᱷᱟᱯᱟᱣ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱥᱤᱜᱽᱨᱮᱴ ᱨᱮᱱᱟᱜ ᱛᱩᱞᱟ ᱡᱚᱠᱷᱟ ᱨᱮ ᱕% ᱢᱮᱱᱟᱜ - ᱟ, ᱡᱟᱦᱟᱸ ᱫᱚ ᱱᱚᱶᱟ ᱥᱤᱧᱛ ᱛᱷᱟᱢᱟᱠᱩᱨ ᱨᱮᱱᱟᱜ ᱦᱤᱥᱟᱹᱵᱽ ᱠᱟᱱᱟ ᱾ ᱟᱨ ᱒᱐᱐᱘ ᱨᱮ ᱚᱱᱠᱟ ᱠᱷᱟᱯᱟᱣ ᱟᱠᱟᱱᱟ ᱾

ᱪᱩᱴᱤ ᱫᱚ ᱵᱟᱹᱲᱛᱤ ᱱᱤᱠᱳᱴᱤᱱ, ᱠᱟᱨᱵᱚᱱ ᱢᱳᱱᱳᱠᱥᱟᱭᱰ ᱟᱨ ᱴᱟᱨ ᱨᱮ ᱥᱮᱴᱮᱨ ᱢᱮᱱᱟᱜ - ᱟ ᱟᱨ ᱢᱚᱪᱟ ᱨᱮᱱᱟᱜ ᱠᱮᱝᱥᱟᱨ ᱨᱮᱱᱟᱜ ᱜᱷᱟᱭᱚᱞ ᱦᱚᱸ ᱦᱩᱭ ᱫᱟᱲᱮᱭᱟᱜ - ᱟ ᱾ ᱫᱷᱩᱝᱜᱟ ᱞᱟᱹᱜᱤᱫ ᱟᱭᱢᱟ ᱞᱮᱠᱟᱱ ᱡᱤᱱᱤᱥ ᱠᱚ ᱥᱟᱶ, ᱟᱫᱷᱟᱱ ᱞᱮᱠᱟᱱ ᱠᱮᱝᱥᱟᱨ, ᱨᱤᱫᱟᱹᱭ ᱨᱚᱜᱽ ᱟᱨ ᱞᱟᱝᱜᱽ ᱨᱮᱱᱟᱜ ᱨᱩᱣᱟᱹ ᱥᱟᱶ ᱜᱷᱟᱭᱚᱞ ᱦᱚᱸ ᱦᱩᱭ ᱫᱟᱲᱮᱭᱟᱜ - ᱟ ᱥᱮ ᱵᱟᱲᱦᱟᱣ ᱤᱫᱤᱜ ᱠᱟᱱᱟ ᱾ ᱱᱚᱶᱟ ᱛᱷᱟᱢᱟᱠᱩᱨ ᱡᱚᱢ ᱨᱮᱱᱟᱜ ᱟᱭᱢᱟ ᱨᱩᱯ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱨᱮ ᱵᱟᱹᱲᱛᱤ ᱜᱷᱟᱴᱟ ᱜᱮᱭᱟ ᱥᱮ ᱦᱩᱭ ᱦᱚᱸ ᱫᱟᱲᱮᱭᱟᱜ ᱠᱟᱱᱟ ᱾

ᱥᱤᱜᱽᱨᱮᱴ ᱧᱩ ᱟᱱᱤᱡ ᱦᱚᱲ ᱨᱮ ᱣᱮᱸᱴᱤᱞᱮᱴᱨᱤ ᱵᱟᱝ ᱥᱟᱢᱟᱱᱟᱱ ᱨᱮᱱᱟᱜ ᱟᱵᱤᱨᱛᱤ ᱵᱟᱹᱲᱛᱤ ᱛᱟᱦᱮᱸᱜ ᱠᱟᱱᱟ ᱾ ᱪᱩᱴᱤ ᱧᱩ ᱟᱱᱤᱡ ᱥᱮ ᱫᱷᱩᱝᱜᱟ ᱟᱱᱤᱡ ᱠᱚ ᱨᱮ ᱠᱨᱳᱱᱤᱠ ᱵᱨᱟᱹᱱᱠᱟᱭᱴᱤᱥ ᱟᱨ ᱵᱟᱝ ᱥᱚᱢᱟᱱᱟᱱ ᱣᱮᱸᱴᱤᱞᱮᱴᱨᱤ ᱱᱟᱯᱤ ᱨᱮᱱᱟᱜ ᱯᱨᱚᱥᱟᱨ, ᱞᱮᱠᱟᱱ ᱡᱮ ᱥᱤᱜᱽᱨᱮᱴ ᱛᱮ ᱫᱷᱩᱝᱜᱟ ᱟᱱ ᱠᱚ ᱡᱚᱠᱷᱟ ᱨᱮ, ᱟᱥᱚᱞ ᱫᱚ ᱛᱷᱟᱢᱟᱠᱩᱨ ᱥᱮ ᱛᱚᱢᱵᱟᱠᱩ ᱨᱮᱱᱟᱜ ᱠᱚᱢ ᱠᱷᱟᱯᱟᱣ ᱨᱮᱱᱟᱜ ᱠᱟᱨᱚᱱ ᱢᱟᱱᱟᱜ ᱠᱟᱱ ᱛᱟᱦᱮᱱᱟ ᱾ᱨᱮᱭᱯᱚᱨ ᱨᱮᱱᱟᱜ ᱥᱟᱠᱟᱢ ᱡᱩᱞ ᱟᱨ ᱪᱩᱴᱤ ᱨᱮ ᱵᱮᱵᱷᱟᱨ ᱟᱱᱟᱜ ᱛᱷᱟᱢᱟᱠᱩᱨ ᱨᱮᱱᱟᱜ ᱟᱭᱢᱟ ᱞᱮᱠᱟᱱ ᱫᱷᱩᱝᱜᱟ ᱨᱮᱱᱟᱜ ᱟᱫᱷᱟᱱ ᱵᱟᱹᱲᱛᱤ ᱟᱹᱭᱠᱟᱹᱜ ᱠᱟᱱᱟ ᱥᱟᱶᱛᱮ ᱵᱟᱝ ᱜᱮ ᱠᱚ ᱢᱟᱱᱟᱜ ᱫᱟᱲᱮᱭᱟᱜ ᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱮᱵᱷᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named reuters
  2. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named Sunley
  3. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named Malson