ᱪᱷᱚᱴᱨᱟᱭ ᱫᱮᱥᱢᱟᱺᱡᱷᱤ ᱨᱮᱭᱟᱜ ᱠᱟᱛᱷᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱪᱷᱚᱴᱨᱟᱭ ᱫᱮᱥᱢᱟᱺᱡᱷᱤ ᱨᱮᱭᱟᱜ ᱠᱟᱛᱷᱟ ᱫᱚ ᱥᱟᱱᱛᱟᱞᱤ ᱥᱟᱶᱦᱮᱫ ᱨᱮᱭᱟᱜ ᱯᱟᱹᱦᱤᱞ ᱚᱠᱛᱮ ᱠᱚ ᱨᱮ ᱚᱞ ᱞᱮᱱ ᱯᱚᱛᱚᱵ ᱠᱚ ᱢᱩᱫᱽ ᱨᱮ ᱢᱤᱫᱴᱮᱱ ᱯᱚᱛᱚᱵ ᱠᱟᱱᱟ, ᱚᱠᱟ ᱫᱚ ᱢᱤᱫᱴᱮᱱ ᱱᱟᱜᱟᱢᱤᱭᱟᱹ ᱥᱚᱢᱚᱞ ᱢᱮᱱᱛᱮ ᱦᱚᱸ ᱞᱮᱠᱷᱟᱜ ᱠᱟᱱ᱾ ᱱᱤᱭᱟᱹ ᱯᱚᱛᱚᱵ ᱫᱚ ᱥᱟᱱᱛᱟᱞ ᱦᱩᱞ (᱑᱘᱕᱕) ᱨᱮᱭᱟᱜ ᱦᱩᱞ ᱢᱟᱲᱟᱝ ᱟᱨ ᱛᱟᱭᱱᱚᱢ ᱟᱨ ᱟᱥᱟᱢ ᱫᱤᱥᱚᱢ ᱛᱮ ᱦᱚᱲ ᱦᱚᱯᱚᱱ ᱠᱚ ᱵᱚᱞᱚᱭᱮᱱ ᱨᱮᱭᱟᱜ ᱱᱟᱜᱟᱢ ᱠᱚ ᱚᱞ ᱟᱠᱟᱱᱟ᱾

ᱚᱞᱚᱜ ᱱᱟᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱭᱟᱹ ᱯᱚᱛᱚᱵ ᱫᱚ ᱑᱙᱑᱗ ᱥᱮᱨᱢᱟ ᱨᱮ ᱚᱞ ᱞᱮᱱᱟ᱾ ᱞᱟᱹᱞᱟᱹᱭᱤᱡ ᱫᱚᱭ ᱛᱟᱸᱦᱮᱸ ᱠᱟᱱᱟ ᱪᱷᱚᱴᱨᱟᱭ ᱫᱮᱥᱢᱟᱺᱡᱷᱤ ᱟᱨ ᱚᱞᱚ-ᱤᱡ ᱫᱚ ᱨᱟᱭᱟ ᱥᱚᱨᱮᱱ᱾ ᱑᱙᱑᱗ ᱥᱮᱨᱢᱟ ᱨᱮ ᱥᱟᱱᱛᱟᱞ ᱢᱤᱥᱚᱱ ᱨᱮᱭᱟᱜ ᱕᱐ ᱥᱮᱨᱢᱟ ᱯᱩᱨᱟᱹᱣ ᱥᱚᱱᱟᱞᱤ ᱡᱩᱵᱽᱞᱤ ᱚᱠᱛᱮ ᱱᱤᱭᱟᱹ ᱠᱟᱛᱷᱟ ᱠᱚ ᱪᱷᱚᱴᱨᱟᱭ ᱫᱮᱥᱢᱟᱧᱡᱷᱤᱭᱮ ᱞᱟᱹᱭ ᱞᱮᱫᱟ ᱟᱨ ᱨᱟᱭᱟ ᱥᱚᱨᱮᱱ ᱫᱚᱭ ᱚᱞ ᱫᱚᱦᱚ ᱞᱮᱫᱟ᱾ ᱱᱟᱦᱟᱜ ᱱᱟᱝ ᱨᱮ ᱱᱤᱭᱟᱹ ᱫᱚ ᱥᱟᱱᱴᱟᱞ ᱥᱟᱶᱛᱟ ᱱᱟᱜᱟᱢ ᱞᱟᱹᱜᱤᱫ ᱟᱹᱰᱤ ᱜᱚᱱᱚᱝᱟᱱ ᱥᱚᱢᱚᱞ ᱢᱮᱱᱛᱮ ᱜᱮ ᱞᱮᱠᱷᱟᱜ ᱠᱟᱱᱟ᱾

ᱦᱟᱹᱦᱟᱹᱴᱤᱧ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱭᱟᱹ ᱯᱚᱛᱚᱵ ᱫᱚ ᱵᱟᱨ ᱦᱟᱹᱴᱤᱧ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱢᱮᱱ ᱠᱷᱟᱱ ᱧᱮᱣᱠᱞ ᱞᱮᱠᱷᱟᱱ ᱟᱥᱚᱠᱟᱭ ᱛᱮ ᱯᱮ ᱴᱷᱮᱱ ᱦᱟᱹᱴᱤᱧ ᱟᱠᱟᱱᱟ᱾

᱑ᱹ ᱯᱟᱹᱦᱤᱞ ᱦᱟᱹᱴᱤᱧ ᱨᱮ ᱫᱚ ᱱᱟᱱᱠᱟᱨ ᱟᱨ ᱚᱱᱟ ᱟᱰᱮ ᱯᱟᱥᱮ ᱴᱚᱴᱷᱟ ᱠᱚ ᱨᱮᱱᱟᱜ ᱦᱩᱞ ᱢᱟᱲᱟᱝ ᱨᱮᱭᱟᱜ ᱠᱟᱛᱷᱟ ᱠᱚ ᱚᱞ ᱥᱚᱫᱚᱨ ᱟᱠᱟᱱᱟ ᱥᱮ ᱪᱷᱚᱴᱨᱟᱭ ᱫᱮᱥᱢᱟᱧᱡᱷᱤᱭᱮ ᱞᱟᱹᱭ ᱟᱠᱟᱫᱟ᱾

᱒ᱹ ᱫᱚᱥᱟᱨ ᱦᱟᱹᱴᱤᱧ ᱨᱮ ᱫᱚ ᱱᱟᱱᱠᱟᱨ ᱟᱨ ᱚᱱᱟ ᱟᱰᱮ ᱯᱟᱥᱮ ᱴᱚᱴᱷᱟ ᱨᱮ ᱥᱟᱱᱛᱟᱞ ᱦᱩᱞ ᱚᱠᱛᱮ ᱨᱮᱭᱟᱜ ᱵᱤᱵᱚᱨᱚᱱ ᱠᱚ ᱧᱟᱢᱚᱜ ᱠᱟᱱᱟ᱾

᱓ᱹ ᱛᱮᱥᱟᱨ ᱦᱟᱹᱴᱤᱧ ᱨᱮ ᱫᱚ ᱥᱟᱱᱛᱟᱞ ᱦᱩᱞ ᱚᱠᱛᱮ ᱨᱮ ᱥᱟᱱᱛᱟᱞ ᱯᱟᱨᱜᱟᱱᱟ ᱨᱮᱱ ᱦᱚᱲ ᱠᱚ ᱦᱩᱞ ᱨᱮᱭᱟᱜ ᱮᱞᱟᱝ ᱚᱨᱥᱚᱝ ᱛᱮ ᱪᱷᱤᱱ ᱪᱷᱟᱹᱛᱩᱨ, ᱟᱣᱟ-ᱴᱟᱯᱟ,ᱦᱟᱥᱟ ᱠᱚ ᱠᱚ ᱨᱮᱪ ᱚᱪᱚ ᱞᱮᱱ, ᱚᱲᱟᱜ ᱠᱚᱠᱚ ᱞᱚ ᱛᱚᱨᱚᱪ ᱪᱟᱵᱟ ᱞᱮᱫ, ᱜᱟᱹᱭ-ᱰᱟᱝᱜᱽᱨᱟ ᱠᱚᱠᱚ ᱟᱫ ᱪᱟᱵᱟ ᱞᱮᱫ ᱦᱚᱲ ᱟᱥᱟᱢ ᱫᱤᱥᱚᱢ ᱛᱮ ᱟᱹᱜᱩ ᱟᱨ ᱱᱩᱠᱩ ᱞᱟᱹᱜᱤᱫ ᱠᱚᱞᱚᱱᱤ ᱵᱟᱱᱫᱷᱟᱣ ᱨᱮᱭᱟᱜ ᱠᱟᱛᱷᱟ ᱮᱢᱟᱱ ᱠᱟᱛᱷᱟ ᱠᱚ ᱚᱞ ᱟᱠᱟᱱᱟ᱾

ᱚᱠᱛᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱭᱟᱹ ᱯᱚᱛᱚᱵ ᱪᱷᱚᱴᱨᱟᱭ ᱫᱮᱥᱢᱟᱺᱡᱷᱤ ᱨᱮᱭᱟᱜ ᱠᱟᱛᱷᱟ ᱚᱠᱟ ᱫᱚ ᱪᱷᱚᱴᱨᱟᱭ ᱫᱮᱥᱢᱟᱧᱡᱷᱤ ᱦᱚᱛᱮ ᱛᱮ ᱞᱟᱹᱭ ᱞᱮᱱ ᱟᱨ ᱨᱟᱭᱟ ᱥᱚᱨᱮᱱ ᱦᱚᱛᱮ ᱛᱮ ᱚᱞ ᱫᱚᱦᱚ ᱞᱮᱱ, ᱱᱤᱭᱟᱹ ᱯᱚᱛᱚᱵ ᱫᱚ ᱥᱟᱱᱛᱟᱞ ᱥᱟᱶᱛᱟ ᱱᱟᱜᱟᱢ ᱨᱮ ᱟᱹᱰᱤ ᱜᱚᱱᱚᱝᱟᱱ ᱯᱚᱛᱚᱵ ᱠᱟᱱ ᱨᱮ ᱦᱚᱸ, ᱟᱹᱰᱤ ᱟᱭᱢᱟ ᱚᱠᱛᱟ ᱨᱮᱭᱟᱜ ᱥᱟᱢᱟᱝ ᱫᱟᱯᱨᱟᱢ ᱦᱩᱭᱩᱜ ᱠᱟᱱᱟ᱾ ᱱᱤᱭᱟᱹ ᱯᱚᱛᱚᱵ ᱨᱮ ᱪᱷᱚᱴᱨᱟᱭ ᱫᱮᱥᱢᱟᱧᱡᱷᱤ ᱫᱚ ᱥᱟᱱᱛᱟᱞ ᱦᱩᱞ ᱵᱷᱟᱹᱜᱤ ᱱᱚᱡᱚᱨ ᱛᱮ ᱫᱚ ᱵᱟᱭ ᱧᱮᱞ ᱞᱮᱫᱟ᱾ ᱱᱩᱭ ᱫᱚ ᱥᱟᱱᱛᱟᱞ ᱦᱩᱞ ᱨᱮ ᱥᱤᱫᱚ ᱟᱨ ᱠᱟᱱᱦᱩ ᱣᱟᱜ ᱫᱚᱥ ᱜᱮᱭᱮ ᱧᱮᱞ ᱧᱟᱢ ᱮᱫᱟ᱾ ᱟᱨᱮ ᱞᱟᱹᱭ ᱟᱠᱟᱫᱟ ᱥᱤᱫᱩ ᱠᱟᱱᱦᱩ ᱫᱚ ᱚᱱᱟ ᱨᱮᱭᱟᱜ ᱠᱩᱲᱟᱹᱭ ᱫᱚ ᱠᱤᱱᱵ ᱧᱟᱢ ᱠᱮᱫᱟ, ᱚᱠᱟ ᱫᱚ ᱪᱷᱚᱴᱨᱟᱭ ᱫᱮᱥᱢᱟᱧᱡᱷᱤ ᱵᱮᱥ ᱟᱜ ᱜᱮᱭᱮ ᱢᱮᱛᱟᱣᱟᱜ ᱠᱟᱱᱟ᱾

ᱚᱱᱟ ᱵᱮᱜᱚᱨ ᱦᱚᱸ ᱪᱷᱚᱴᱨᱟᱭ ᱫᱮᱥᱢᱟᱧᱡᱷᱤ ᱫᱚ ᱥᱟᱱᱛᱟᱞ ᱦᱩᱞ ᱚᱠᱛᱮ ᱨᱮ ᱥᱤᱫᱚ ᱠᱟᱱᱦᱩ ᱚᱠᱟ ᱠᱩᱲᱤ ᱦᱚᱯᱚᱱ ᱟᱨ ᱵᱟᱹᱦᱩ ᱠᱩᱲᱤ ᱪᱮᱛᱟᱱ ᱨᱮ ᱵᱮᱵᱟᱹᱲᱤᱡ ᱠᱤᱱ ᱠᱟᱹᱢᱤ ᱞᱮᱫ ᱚᱱᱟ ᱠᱟᱛᱷᱟ ᱦᱚᱸᱭ ᱞᱟᱹᱭ ᱟᱠᱟᱫᱟ᱾ ᱚᱱᱟ ᱵᱮᱜᱚᱨ ᱟᱨᱦᱚᱸ ᱪᱷᱚᱴᱨᱟᱭ ᱫᱮᱥᱢᱟᱧᱡᱷᱤ ᱫᱚ ᱥᱟᱱᱛᱟᱞ ᱦᱩᱞ ᱚᱠᱛᱮ ᱨᱮ ᱟᱭᱢᱟᱟ ᱞᱮᱠᱟᱱ ᱵᱷᱟᱹᱣᱟᱹ ᱠᱟᱛᱷᱟ ᱟᱨ ᱟᱱᱫᱷᱟ-ᱯᱟᱹᱛᱤᱭᱟᱹᱣ ᱰᱟᱹᱱ ᱜᱚᱜᱚᱡ ᱠᱟᱛᱷᱟ ᱦᱚᱸ ᱞᱟᱹᱭ ᱟᱠᱟᱫᱟ᱾

ᱱᱤᱭᱟᱹ ᱠᱚ ᱠᱟᱛᱷᱟ ᱠᱷᱟᱹᱛᱤᱨ, ᱚᱠᱟ ᱫᱚ ᱱᱟᱦᱟᱜ ᱥᱟᱱᱛᱟᱞ ᱦᱚᱯᱚᱱ ᱟᱭᱢᱟ ᱱᱟᱠᱷᱟ ᱠᱷᱚᱱ ᱧᱮᱞ ᱠᱟᱛᱮ ᱪᱷᱚᱴᱨᱟᱭ ᱫᱮᱥᱢᱟᱧᱡᱷᱤ ᱨᱮᱭᱟᱜ ᱠᱟᱛᱷᱟ ᱫᱚ ᱚᱠᱛᱟ ᱨᱮᱭᱟᱜ ᱥᱟᱢᱟᱝ ᱫᱟᱯᱨᱟᱢ ᱦᱩᱭᱩᱜ ᱠᱟᱱᱟ᱾ ᱮᱱᱨᱮᱱ ᱦᱚᱸ ᱪᱷᱚᱴᱨᱟᱭ ᱫᱮᱥᱢᱟᱧᱡᱷᱤ ᱨᱮᱭᱟᱜ ᱠᱟᱛᱷᱟ ᱯᱚᱛᱚᱵ ᱫᱚ ᱟᱹᱰᱤ ᱜᱚᱱᱚᱝᱟᱱ ᱥᱚᱢᱚᱞ ᱠᱟᱱ ᱜᱮᱭᱟ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]