ᱫᱟᱹᱢᱤᱱ-ᱤᱼᱠᱳ
ᱵᱤᱦᱟᱨ ᱯᱚᱱᱚᱛ ᱨᱮᱱᱟᱜ ᱢᱤᱫ ᱯᱟᱦᱴᱟ ᱨᱮ ᱵᱤᱨ ᱰᱩᱸᱜᱽᱨᱤ ᱟᱨ ᱡᱷᱩᱲ ᱛᱮ ᱫᱟᱯᱟᱞ ᱮᱥᱮᱫ ᱟᱠᱟᱱ ᱢᱟᱨᱟᱝ ᱟᱭᱛᱟᱱ ᱴᱷᱟᱶ ᱜᱮ ᱫᱟᱢᱤᱱ- ᱤ - ᱠᱳ (Damin-i-koh) Shirt of hill ᱧᱩᱛᱩᱢ ᱠᱟᱛᱮ ᱤᱝᱨᱮᱡᱽ ᱥᱟᱥᱚᱱ ᱚᱠᱛᱚ ᱵᱷᱟᱜᱚᱞᱯᱩᱨ ᱨᱤᱱᱤᱡ Collestor Mr. Augustus Cleveland ᱫᱚ ᱯᱟᱦᱟᱲᱤᱭᱟᱹ ᱡᱟᱹᱛᱤ ᱨᱤᱱ ᱥᱤᱯᱟᱦᱤ ᱠᱚ ᱞᱟᱹᱜᱤᱫ ᱑᱗᱘᱐ ᱥᱟᱞ ᱨᱮᱭ ᱵᱮᱱᱟᱣ ᱞᱟᱜ - ᱟ ᱾ ᱛᱟᱭᱚᱢ ᱛᱮ ᱚᱱᱟ ᱫᱟᱢᱤᱱ - ᱤ - ᱠᱳᱦ ᱨᱮᱱᱟᱜ ᱥᱮᱢᱟᱹ ᱫᱚ ᱟᱫᱚᱢ ᱵᱤᱦᱟᱹᱨ ᱟᱫᱚᱢ ᱡᱷᱟᱨᱠᱷᱚᱱᱰ ᱟᱨ ᱟᱫᱚᱢ ᱫᱚ ᱵᱮᱝᱜᱚᱞ ᱯᱚᱱᱚᱛ ᱨᱮ ᱢᱮᱥᱟ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱟᱜᱚᱥᱴᱟᱥ ᱠᱞᱤᱵᱠᱮᱱᱰ ᱥᱟᱱᱛᱟᱲ ᱠᱚ ᱥᱟᱞᱟᱜ ᱥᱩᱞᱩᱠ ᱥᱟᱹᱜᱟᱹᱭ ᱵᱟᱭ ᱫᱚᱦᱚ ᱞᱮᱫ ᱛᱮ ᱛᱤᱞᱠᱟᱹ ᱢᱟᱡᱷᱤ ᱫᱚ ᱟᱡᱟᱜ ᱵᱟᱹᱴᱩᱞ ᱨᱮᱱᱟᱜ ᱜᱩᱞᱤ ᱛᱮᱭ ᱴᱩᱴᱤ ᱜᱷᱟᱹᱞ ᱞᱮᱫᱮᱭᱟ ᱾ ᱟᱨ ᱤᱝᱨᱟᱡᱤ ᱢᱟᱹᱦᱤᱛ 13 January 1784 ᱥᱟᱞᱮ ᱨᱮᱭ ᱜᱚᱡ ᱩᱛᱟᱹᱨ ᱮᱱᱟ ᱾
ᱰᱩᱸᱜᱽᱨᱤ ᱟᱨ ᱞᱟᱴᱟ ᱛᱮ ᱯᱮᱨᱮᱡ ᱚᱱᱟ ᱫᱟᱹᱢᱟᱱᱤ ᱠᱳᱦ ᱫᱚ ᱫᱷᱤᱨᱤ ᱯᱤᱞᱛᱟᱹ ᱵᱤᱫ ᱠᱟᱛᱮ ᱕᱒ - ᱕᱓ ᱥᱮᱨᱢᱟ ᱛᱟᱭᱚᱢ ᱑᱘᱓᱒-᱓᱓ ᱥᱟᱞᱮ ᱨᱮ ᱤᱝᱨᱟᱡᱽ ᱥᱚᱨᱠᱟᱨ ᱨᱤᱱ ᱠᱟᱹᱢᱤᱭᱟᱹ ᱠᱚᱫᱚ ᱠᱚ ᱪᱤᱱᱦᱟᱹ ᱦᱟᱹᱴᱤᱧ ᱞᱟᱜ - ᱟ , ᱚᱱᱟ ᱪᱤᱱᱦᱟᱹ ᱦᱟᱹᱴᱤᱧ ᱠᱟᱹᱢᱤ ᱫᱚ ᱤᱝᱨᱟᱡᱽ ᱟᱯᱷᱤᱥᱟᱨ ᱡᱚᱱ ᱯᱮᱴᱤ ᱩᱰ ᱜᱮ ᱥᱟᱨᱵᱷᱮ ᱠᱟᱢᱤᱭᱟᱹ ᱠᱟᱯᱴᱮᱱ ᱴᱟᱨᱱᱟᱨ ( Surveyer , Captain Tarner ) ᱦᱚᱛᱮ ᱛᱮ ᱦᱩᱭ ᱞᱮᱱᱟ ᱾ ᱫᱟᱢᱤᱱᱤ ᱠᱳᱦ ᱫᱚ ᱑᱓᱖᱖.᱐᱑ ᱵᱚᱨᱜᱚ ᱢᱟᱹᱭᱤᱞ ᱯᱷᱟᱭᱞᱟᱴ ᱴᱷᱟᱶ ᱨᱮ ᱯᱟᱥᱱᱟᱣ ᱛᱟᱦᱮᱱ ᱠᱟᱱᱟ ᱾