ᱫᱤᱞᱤᱯ ᱯᱟᱨᱤᱠᱷ

ᱫᱤᱞᱤᱯ ᱯᱟᱨᱤᱠᱷ
ᱫᱤᱞᱤᱯ ᱯᱟᱨᱤᱠᱷ
᱑᱓ ᱟᱹᱱᱤᱡ ᱜᱩᱡᱽᱨᱟᱴ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ
	ᱟᱹᱢᱟᱹᱞᱤ ᱨᱮ; ᱓᱘ ᱚᱠᱴᱚᱵᱚᱨ ᱑᱙᱙᱗ – ᱔ ᱢᱟᱨᱪ ᱑᱙᱙᱘
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱥᱟᱝᱠᱮᱨᱥᱤᱝ ᱵᱷᱟᱜᱷᱮᱞᱟ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱠᱮᱥᱩᱵᱷᱟᱭ ᱯᱟᱴᱮᱞ
ᱜᱩᱡᱽᱨᱟᱴ ᱥᱚᱨᱠᱟᱨ ᱨᱮ ᱤᱱᱰᱚᱥᱴᱨᱤ ᱢᱚᱱᱛᱨᱤ
	ᱟᱹᱢᱟᱹᱞᱤ ᱨᱮ; ᱑᱙᱙᱕ – ᱑᱙᱙᱗
ᱜᱩᱡᱽᱨᱟᱴ ᱨᱤᱱᱤᱡ ᱵᱤᱫᱷᱟᱭᱚᱠ
	ᱟᱹᱢᱟᱹᱞᱤ ᱨᱮ; ᱑᱙᱙᱐ – ᱑᱙᱙᱘
ᱵᱟᱪᱷᱱᱟᱣ ᱮᱞᱟᱠᱟ	ᱫᱷᱚᱱᱫᱷᱩᱠᱟ ᱵᱟᱪᱷᱱᱟᱣ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱑᱖ ᱯᱷᱮᱵᱽᱨᱩᱣᱟᱨᱤ ᱑᱙᱓᱗; ᱵᱚᱢᱵᱮ, ᱵᱚᱢᱵᱮ ᱯᱨᱚᱫᱮᱥ, ᱵᱨᱤᱴᱤᱥ ᱥᱤᱧᱚᱛ
ᱜᱩᱨ	᱒᱕ ᱚᱠᱴᱚᱵᱚᱨ ᱒᱐᱑᱙ (ᱩᱢᱮᱨ ᱘᱒ ᱥᱮᱨᱢᱟ); ᱚᱦᱢᱚᱫᱟᱵᱟᱫᱽ, ᱜᱩᱡᱽᱨᱟᱴ, ᱥᱤᱧᱚᱛ
ᱨᱟᱡᱽᱟᱹᱨᱤ ᱫᱚᱞ	ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ (1995–1996); ᱨᱟᱥᱴᱨᱤᱭᱚ ᱡᱚᱱᱛᱟ ᱯᱟᱨᱴᱤ (1996–1998)

ᱫᱤᱞᱤᱯ ᱨᱚᱢᱚᱱᱵᱷᱟᱭ ᱯᱟᱨᱤᱠᱷ (᱑᱖ ᱯᱷᱮᱵᱽᱨᱩᱣᱟᱨᱤ ᱑᱙᱓᱗ – ᱒᱕ ᱚᱠᱴᱚᱵᱚᱨ ᱒᱐᱑᱙) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱟᱨ ᱵᱮᱯᱟᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱒᱘ ᱚᱠᱴᱚᱵᱚᱨ ᱑᱙᱙᱗ ᱠᱷᱚᱱ ᱔ ᱢᱟᱨᱪ ᱑᱙᱙᱘ ᱫᱷᱟᱹᱨᱤᱡ ᱜᱩᱡᱽᱨᱟᱴ ᱨᱤᱱᱤᱡ ᱑᱓ ᱟᱹᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱫᱤᱞᱤᱯ ᱯᱟᱨᱤᱠᱷ ᱱᱤᱛ ᱫᱷᱟᱹᱨᱤᱡ ᱜᱩᱡᱽᱨᱟᱴ ᱨᱤᱱᱤᱡ ᱡᱚᱛᱚ ᱠᱷᱚᱱ ᱱᱟᱣᱟ ᱵᱟᱝ-ᱵᱤᱡᱮᱯᱤ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱦᱚᱸ ᱠᱟᱱᱟᱭ ᱾ ᱚᱱᱟ ᱛᱟᱭᱚᱢ ᱠᱷᱚᱱ ᱜᱮ ᱯᱚᱱᱚᱛ ᱨᱮ ᱵᱤ.ᱡᱮ.ᱯᱤ. ᱟᱜ ᱜᱮ ᱨᱟᱡᱽ ᱛᱟᱦᱮᱸ ᱠᱟᱱᱟ ᱾

ᱮᱛᱚᱦᱚᱵ ᱡᱤᱭᱚᱱ

ᱯᱟᱨᱤᱠᱷ ᱫᱚ ᱑᱙᱓᱗ ᱨᱮ ᱵᱚᱢᱵᱮ (ᱱᱤᱛᱚᱜ ᱢᱩᱢᱵᱟᱭ) ᱨᱮ ᱡᱟᱱᱟᱢ ᱞᱮᱱᱟᱭ ᱾^[᱑] ᱩᱱᱤ ᱫᱚ ᱵᱚᱢᱵᱮ ᱨᱮᱱᱟᱜ ᱮᱞᱯᱷᱤᱱᱥᱴᱚᱱ ᱠᱚᱞᱮᱡᱽ ᱠᱷᱚᱱ ᱮᱠᱚᱱᱚᱢᱚᱥᱴᱤᱠᱥ ᱨᱮ ᱵᱤ.ᱮ. ᱰᱤᱜᱽᱨᱤ ᱦᱟᱢᱮᱴ ᱞᱮᱫᱟᱭ ᱾ ᱩᱱᱤ ᱫᱚ ᱩᱠᱤᱞ ᱦᱚᱸᱭ ᱯᱟᱲᱦᱟᱣ ᱟᱠᱟᱫᱟ ᱾^[᱑]^[᱒] ᱩᱱᱤ ᱫᱚ ᱯᱞᱟᱥᱴᱤᱠ ᱵᱮᱱᱟᱣ ᱨᱮᱱᱟᱜ ᱠᱟᱹᱢᱤᱦᱚᱨᱟ ᱠᱚᱭ ᱪᱟᱞ ᱟᱫᱮᱭᱟ ᱾ ᱩᱱᱤ ᱫᱚ ᱑᱙᱗᱓-᱗᱔ ᱨᱮ ᱜᱩᱡᱽᱨᱟᱴ ᱯᱞᱟᱥᱴᱤᱠ ᱢᱟᱱᱭᱩᱯᱷᱟᱠᱪᱚᱨᱥ ᱮᱥᱳᱥᱤᱭᱮᱥᱚᱱ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ ᱾ ᱑᱙᱗᱙ ᱥᱟᱞ ᱨᱮ ᱩᱱᱤ ᱫᱚ ᱯᱚᱱᱚᱛ ᱨᱮ ᱯᱞᱟᱥᱴᱤᱠ ᱟᱨ ᱨᱚᱵᱚᱨ ᱤᱱᱰᱚᱥᱴᱨᱤ ᱠᱚᱣᱟᱜ ᱜᱟᱶᱛᱟ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾^[᱒] ᱑᱙᱘᱐ ᱥᱮᱨᱢᱟ ᱨᱮ ᱜᱩᱡᱽᱨᱟᱴ ᱪᱮᱢᱵᱟᱨ ᱚᱯᱷ ᱠᱚᱢᱚᱨᱥ ᱮᱸᱰ ᱤᱱᱰᱟᱥᱴᱨᱤ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ ᱾^[᱒]^[᱑]^[᱓]^[᱔]

ᱨᱟᱡᱽᱟᱹᱨᱤ ᱠᱟᱹᱢᱤ ᱡᱤᱭᱚᱱ

᱑᱙᱙᱐ ᱥᱟᱞ ᱨᱮ, ᱯᱟᱨᱤᱠᱷ ᱫᱚ ᱨᱟᱡᱽᱟᱹᱨᱤ ᱨᱮᱭ ᱥᱮᱞᱮᱫ ᱞᱮᱱᱟ ᱟᱨ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ (ᱵᱤᱡᱮᱯᱤ) ᱨᱤᱱᱤᱡ ᱯᱚᱱᱚᱛ ᱥᱚᱢᱤᱛᱤ ᱨᱤᱱᱤᱡ ᱵᱤᱫᱮᱥ ᱯᱟᱨᱥᱮᱛ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ ᱾ ᱑᱙᱙᱐ ᱟᱨ ᱑᱙᱙᱕ ᱥᱮᱨᱢᱟ ᱨᱮ ᱜᱩᱡᱽᱨᱟᱴ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱵᱤᱡᱮᱯᱤ ᱭᱤᱡ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱫᱷᱚᱱᱫᱷᱩᱠᱟ ᱠᱷᱚᱱ ᱡᱤᱛᱠᱟᱹᱨ ᱞᱮᱱᱟᱭ ᱾^[᱑]^[᱒]

᱑᱙᱙᱕ ᱥᱟᱞ ᱨᱮᱱᱟᱜ ᱵᱟᱪᱷᱱᱟᱣ ᱨᱮ ᱵᱤᱡᱮᱯᱤ ᱫᱚ ᱵᱟᱹᱲᱛᱤ ᱮ ᱦᱟᱢᱮᱴ ᱞᱮᱫᱼᱟ ᱟᱨ ᱥᱤᱨᱟᱹ ᱢᱚᱱᱛᱨᱤ ᱠᱮᱥᱩᱵᱷᱟᱭ ᱯᱟᱴᱮᱞ ᱟᱜ ᱜᱚᱲᱚ ᱛᱮ ᱥᱚᱨᱠᱟᱨ ᱮ ᱵᱮᱱᱟᱣ ᱠᱮᱫᱼᱟ ᱾ ᱑᱙᱙᱕ ᱥᱮᱨᱢᱟ ᱚᱠᱴᱚᱵᱚᱨ ᱪᱟᱸᱫᱚ ᱨᱮ ᱟᱡᱟᱜ ᱜᱚᱲᱚ ᱥᱚᱦᱚᱫᱤᱭᱟᱹ ᱥᱚᱝᱠᱚᱨ ᱥᱤᱝ ᱣᱟᱜᱷᱮᱞᱟ ᱟᱜ ᱩᱯᱨᱩᱢ ᱛᱟᱭᱚᱢ ᱯᱟᱴᱮᱞ ᱫᱚ ᱟᱡᱟᱜ ᱥᱚᱨᱠᱟᱨᱤ ᱯᱟᱦᱴᱟ ᱠᱷᱚᱱ ᱤᱥᱴᱤᱯᱷᱟᱭ ᱮᱢ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱥᱩᱨᱮᱥ ᱢᱮᱦᱛᱟ ᱫᱚ ᱑᱙᱙᱕ ᱥᱮᱨᱢᱟ ᱚᱠᱴᱚᱵᱚᱨ ᱪᱟᱸᱫᱚ ᱨᱮ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱠᱤᱨᱤᱭᱟᱹ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱟᱨ ᱥᱮᱯᱴᱮᱢᱵᱚᱨ ᱑᱙᱙᱖ ᱥᱮᱨᱢᱟ ᱫᱷᱟᱹᱨᱤᱡ ᱟᱡᱟᱜ ᱥᱚᱨᱠᱟᱨᱤ ᱯᱟᱦᱴᱟ ᱨᱮᱭ ᱛᱟᱦᱮᱸ ᱞᱮᱱᱟ ᱾^[᱕] ᱯᱚᱨᱤᱠ ᱢᱮᱦᱛᱟ ᱟᱜ ᱟᱹᱭᱩᱨ ᱛᱮ ᱠᱟᱵᱤᱱᱮᱴ ᱨᱮ ᱤᱱᱰᱟᱥᱴᱨᱤᱭᱟᱞ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ ᱾^[᱑]

᱑᱙᱙᱖ ᱥᱟᱞ ᱨᱮ, ᱡᱚᱠᱷᱚᱱ ᱵᱷᱟᱜᱮᱞᱟ ᱫᱚ ᱵᱤᱡᱮᱯᱤ ᱫᱚᱭ ᱵᱷᱮᱜᱟᱨ ᱠᱮᱫᱼᱟ ᱟᱨ ᱨᱟᱥᱴᱨᱤᱭᱚ ᱡᱚᱱᱛᱟ ᱯᱟᱨᱴᱤ ᱵᱮᱱᱟᱣ ᱠᱮᱫᱼᱟ, ᱩᱱ ᱡᱚᱠᱷᱚᱡ ᱩᱱᱤ ᱫᱚ ᱟᱨ.ᱡᱮ.ᱯᱤ. ᱯᱟᱨᱴᱤ ᱨᱮᱭ ᱥᱮᱞᱮᱫ ᱮᱱᱟ, ᱡᱟᱦᱟᱸᱭ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱟᱜ ᱜᱚᱲᱚ ᱛᱮ ᱠᱚᱢ ᱦᱚᱲ ᱮᱞᱟᱜ ᱥᱚᱨᱠᱟᱨ ᱵᱮᱱᱟᱣ ᱠᱮᱫᱼᱟ ᱟᱨ ᱒᱓ ᱚᱠᱴᱚᱵᱚᱨ ᱑᱙᱙᱖ ᱥᱟᱞ ᱨᱮ ᱵᱷᱟᱜᱮᱞᱟ ᱫᱚ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱛᱟᱦᱮᱸ ᱮᱱᱟ ᱾^[᱕] ᱢᱤᱫ ᱥᱮᱨᱢᱟ ᱛᱟᱭᱚᱢ ᱒ ᱚᱠᱴᱚᱵᱚᱨ ᱑᱙᱙᱗ ᱦᱤᱞᱚᱜ ᱠᱚᱸᱜᱽᱨᱮᱥ ᱫᱚ ᱟᱡᱟᱜ ᱜᱚᱲᱚᱭ ᱦᱮᱡ ᱟᱫᱮᱭᱟ ᱾ ᱢᱤᱫ ᱦᱟᱯᱛᱟ ᱛᱟᱭᱚᱢ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱵᱮᱵᱚᱥᱛᱟ ᱦᱩᱭ ᱞᱮᱱᱟ ᱾ ᱣᱟᱜᱷᱮᱞᱟ ᱫᱚ ᱟᱡᱟᱜ ᱯᱚᱫᱽ ᱮ ᱟᱲᱟᱜ ᱜᱤᱰᱤ ᱠᱮᱫᱼᱟ ᱟᱨ ᱑᱙᱙᱗ ᱥᱟᱞ ᱨᱮ ᱯᱚᱱᱚᱛ ᱜᱚᱢᱠᱮ ᱠᱨᱤᱥᱱᱟ ᱯᱟᱞ ᱥᱤᱝ ᱫᱚ ᱯᱟᱨᱤᱠᱷ ᱫᱚ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱵᱟᱦᱟᱞ ᱠᱮᱫᱮᱭᱟ ᱾^[᱓]^[᱔]^[᱖]

ᱜᱩᱡᱽᱨᱟᱴ ᱵᱤᱫᱷᱟᱱᱥᱚᱵᱷᱟ ᱨᱮᱱᱟᱜ ᱑᱘᱒ ᱜᱚᱴᱟᱝ ᱥᱚᱦᱮᱛ ᱢᱮᱛᱟᱜᱼᱟ, ᱚᱱᱟ ᱠᱚ ᱢᱩᱫᱽ ᱨᱮ ᱔᱖ ᱜᱚᱴᱟᱝ ᱫᱚ ᱟᱨ.ᱡᱮ.ᱯᱤ. ᱯᱟᱨᱴᱤ ᱠᱷᱚᱱ, ᱔᱔ ᱜᱚᱴᱟᱝ ᱫᱚ ᱠᱚᱸᱜᱽᱨᱮᱥ ᱠᱷᱚᱱ, ᱗᱖ ᱜᱚᱴᱟᱝ ᱫᱚ ᱵᱤ.ᱡᱮ.ᱯᱤ. ᱠᱷᱚᱱ ᱟᱨ ᱑᱕ ᱜᱚᱴᱟᱝ ᱫᱚ ᱱᱤᱨᱫᱟᱞᱤᱭ ᱠᱷᱚᱱ ᱾^[᱖] ᱚᱱᱟᱛᱮ ᱠᱚᱝᱜᱽᱨᱮᱥ ᱠᱷᱚᱱ ᱵᱟᱦᱨᱮ ᱠᱷᱚᱱ ᱥᱚᱦᱚᱫ ᱧᱟᱢ ᱠᱟᱛᱮᱜ ᱥᱚᱨᱠᱟᱨ ᱨᱮ ᱠᱚᱢ ᱦᱚᱲ ᱠᱚᱣᱟᱜ ᱯᱟᱹᱛᱭᱟᱹᱣ ᱛᱮ ᱵᱷᱮᱜᱟᱨ ᱵᱷᱮᱜᱟᱨ ᱚᱠᱛᱚ ᱠᱚ ᱪᱟᱞᱟᱣ ᱮᱱᱟ ᱾^[᱓] ᱩᱱᱤ ᱫᱚ ᱜᱩᱡᱽᱨᱟᱴ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱠᱨᱤᱥᱱᱟ ᱯᱟᱞ ᱥᱤᱝ ᱴᱷᱮᱱ ᱟᱡᱟᱜ ᱤᱥᱛᱷᱤᱯᱷᱟ ᱮ ᱮᱢ ᱞᱮᱫ ᱛᱟᱦᱮᱸᱫ ᱟᱨ ᱕ ᱡᱟᱱᱩᱣᱟᱨᱤ ᱑᱙᱙᱘ ᱨᱮ ᱱᱟᱣᱟ ᱞᱮᱠᱟᱛᱮ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱞᱟᱹᱜᱤᱫ ᱮ ᱢᱮᱱ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱔ ᱢᱟᱨᱪ ᱑᱙᱙᱘ ᱫᱷᱟᱹᱨᱤᱡ ᱩᱱᱤ ᱫᱚ ᱠᱟᱹᱢᱤᱭᱟᱹ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾ ᱑᱙᱙᱘ ᱨᱮ ᱜᱩᱡᱽᱨᱟᱴ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱩᱱᱤ ᱫᱚ ᱵᱷᱟᱨᱚᱛ ᱯᱟᱱᱰᱤᱭᱟ ᱠᱷᱚᱱ ᱑᱕,᱐᱐᱐ ᱵᱷᱳᱴ ᱛᱮ ᱫᱷᱟᱱᱫᱷᱩᱠᱟ ᱨᱮᱭ ᱦᱟᱨᱟᱣ ᱮᱱᱟ, ᱡᱚᱠᱷᱚᱱ ᱟᱨᱡᱮᱯᱤ ᱫᱚ ᱯᱩᱱ ᱴᱷᱟᱶ ᱨᱮᱜᱮᱭ ᱡᱤᱛᱠᱟᱹᱨ ᱞᱮᱱᱟ ᱾ ᱵᱤᱡᱮᱯᱤ ᱫᱚ ᱑᱑᱗ ᱴᱷᱟᱶ ᱮ ᱟᱢᱮᱴ ᱞᱮᱫᱟ ᱑᱘᱒ ᱴᱷᱟᱶ ᱟᱱ ᱥᱚᱵᱷᱟ ᱨᱮ ᱾^[᱗] ᱛᱟᱭᱚᱢ ᱛᱮ ᱩᱱᱤ ᱫᱚ ᱠᱚᱝᱜᱽᱨᱮᱥ ᱨᱮᱭ ᱥᱮᱞᱮᱫ ᱮᱱᱟ ᱟᱨ ᱛᱟᱭᱚᱢ ᱛᱮ ᱨᱟᱡᱽᱟᱹᱨᱤ ᱠᱷᱚᱱ ᱡᱤᱨᱟᱹᱣ ᱮᱱᱟ ᱾^[᱒]

ᱛᱤᱱᱟᱹᱜ ᱫᱤᱱ ᱢᱟᱬᱟᱝ ᱧᱩᱨ ᱠᱟᱛᱮ ᱦᱩᱭ ᱮᱱᱟ ᱥᱟᱨᱡᱟᱨᱤ ᱛᱟᱭᱚᱢ ᱒᱕ ᱚᱠᱴᱚᱵᱚᱨ ᱒᱐᱑᱙ ᱦᱤᱞᱚᱜ ᱟᱦᱢᱚᱫᱟᱵᱟᱫᱽ ᱨᱮ ᱟᱡᱟᱜ ᱜᱩᱨ ᱦᱩᱭ ᱞᱮᱱᱟ ᱾ ᱩᱱᱤᱭᱟᱜ ᱜᱩᱨ ᱛᱷᱟᱞᱴᱮᱡᱽ ᱨᱮ ᱦᱩᱭ ᱞᱮᱱᱟ ᱾^[᱔]^[᱑]

ᱥᱟᱹᱠᱷᱭᱟᱹᱛ

1 2 3 4 5 6 "Former Gujarat Chief Minister Dilip Parikh dies at 82". The Indian Express (in Indian English). 26 October 2019. Retrieved 26 October 2019.
1 2 3 4 5 Vyas, Jaynarayan (26 October 2019). "દિલીપભાઈ પરીખ : એ ઉદ્યોગપતિ જે ગુજરાતના મુખ્ય મંત્રી બન્યા". BBC Gujarati (in ᱜᱩᱡᱽᱨᱟᱴᱤ). Retrieved 26 October 2019.
1 2 3 Mahurkar, Uday (10 November 1997). "Hapless at the top Gujarat Chief Minister Dilip Parikh to face tense days ahead". Retrieved 1 January 2014.
1 2 3 "Former Gujarat Chief Minister Dilip Parikh Dies at 82". The Wire. Retrieved 26 October 2019.
1 2 "Rediff On The NeT: A prickly marriage of convenience". rediff.com. Retrieved 26 October 2019.
1 2 "Rediff On The NeT: Dilip Parikh will succeed Vaghela as Gujarat CM". rediff.com. Retrieved 26 October 2019.
↑ "Gujarat CM Parikh resigns". The Indian Express. 6 January 1998. Archived from the original on 2 January 2014.

[:0-1] 1 2 3 4 5 6 "Former Gujarat Chief Minister Dilip Parikh dies at 82". The Indian Express (in Indian English). 26 October 2019. Retrieved 26 October 2019.

[:3-2] 1 2 3 4 5 Vyas, Jaynarayan (26 October 2019). "દિલીપભાઈ પરીખ : એ ઉદ્યોગપતિ જે ગુજરાતના મુખ્ય મંત્રી બન્યા". BBC Gujarati (in ᱜᱩᱡᱽᱨᱟᱴᱤ). Retrieved 26 October 2019.

[it-3] 1 2 3 Mahurkar, Uday (10 November 1997). "Hapless at the top Gujarat Chief Minister Dilip Parikh to face tense days ahead". Retrieved 1 January 2014.

[wire-4] 1 2 3 "Former Gujarat Chief Minister Dilip Parikh Dies at 82". The Wire. Retrieved 26 October 2019.

[:1-5] 1 2 "Rediff On The NeT: A prickly marriage of convenience". rediff.com. Retrieved 26 October 2019.

[:2-6] 1 2 "Rediff On The NeT: Dilip Parikh will succeed Vaghela as Gujarat CM". rediff.com. Retrieved 26 October 2019.

[7] "Gujarat CM Parikh resigns". The Indian Express. 6 January 1998. Archived from the original on 2 January 2014.

[᱑]

[᱒]

[᱓]

[᱔]

[᱕]

[᱖]

[᱗]