ᱫᱤᱠᱥᱟ ᱵᱟᱥᱩ
ᱫᱤᱠᱥᱟ ᱵᱟᱥᱩ ᱫᱚ ᱢᱤᱫ ᱟᱢᱮᱨᱤᱠᱟ ᱨᱤᱱᱤᱡ ᱚᱱᱚᱞᱤᱭᱟᱹ ᱟᱨ ᱮᱠᱴᱨᱮᱥ ᱠᱟᱱᱟᱭ ᱾ ᱩᱱᱤ ᱫᱚ The Windfall ᱧᱩᱛᱩᱢᱟᱱ ᱚᱱᱚᱬᱦᱮᱭ ᱚᱞ ᱟᱠᱟᱫᱟ, ᱡᱟᱦᱟᱸ ᱫᱚ ᱥᱳᱱᱟᱞᱤ ᱵᱳᱥ ᱴᱮᱞᱤᱵᱤᱡᱚᱱ ᱥᱤᱨᱤᱡᱽ ᱞᱟᱹᱜᱤᱫ ᱛᱮ ᱵᱮᱱᱟᱣ ᱟᱠᱟᱱᱟ ᱾
ᱡᱤᱭᱚᱱ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱤᱠᱥᱟ ᱵᱟᱥᱩ ᱫᱚ ᱫᱤᱞᱞᱤ ᱨᱮ ᱡᱟᱱᱟᱢ ᱞᱮᱱᱟᱭ, ᱩᱱᱤ ᱫᱚ ᱥᱟᱶᱛᱟ ᱥᱟᱬᱮᱥᱤᱭᱟᱹ ᱟᱞᱚᱠᱟ ᱢᱟᱞᱣᱟᱰᱮ ᱵᱟᱥᱩ ᱟᱨ ᱥᱟᱬᱮᱥᱤᱭᱟᱹ ᱠᱚᱣᱥᱤᱠ ᱵᱟᱥᱩ ᱟᱜ ᱜᱤᱫᱽᱨᱟ. ᱑᱙᱙᱐ ᱥᱮᱨᱢᱟ ᱨᱮ ᱑᱐ ᱥᱮᱨᱢᱟ ᱩᱢᱮᱨ ᱦᱟᱹᱵᱤᱡ ᱫᱤᱞᱞᱤ ᱨᱮᱭ ᱦᱟᱨᱟ ᱞᱮᱱᱟ᱾ ᱩᱱᱤ ᱫᱚ ᱛᱤᱨᱞᱟᱹ ᱛᱟᱦᱮᱸᱱ ᱚᱠᱛᱚ ᱟᱡᱟᱜ ᱜᱷᱟᱨᱚᱸᱡᱽ ᱥᱟᱶ ᱤᱴᱟᱠᱟ, ᱱᱤᱭᱩ ᱭᱚᱨᱠ ᱨᱮᱭ ᱵᱟᱥᱟ ᱞᱮᱱᱟ ᱾ ᱵᱚᱥᱩ ᱫᱚᱭ ᱢᱮᱱ ᱟᱠᱟᱫᱟ ᱡᱮ ᱮᱛᱚᱢ ᱱᱤᱭᱩ ᱭᱚᱨᱠ ᱨᱮ ᱥᱮᱱᱚᱜ ᱛᱟᱭᱚᱢ, ᱩᱱᱤ ᱫᱚ ᱡᱚᱛᱚ ᱔ ᱠᱷᱚᱱ ᱖ ᱪᱟᱸᱫᱚ ᱫᱷᱟᱹᱵᱤᱡ ᱫᱤᱞᱞᱤ ᱮ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱠᱚᱨᱱᱮᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱠᱚᱱᱚᱢᱤᱠᱥ ᱨᱮ ᱟᱨ ᱯᱷᱨᱮᱸᱪ ᱯᱟᱹᱨᱥᱤ ᱨᱮ ᱰᱟᱵᱞᱩ ᱢᱮᱡᱚᱨ ᱞᱮᱠᱟᱛᱮ ᱮᱠᱚᱱᱚᱢᱤᱠᱥ ᱨᱮ ᱵᱮᱪᱞᱚᱨ ᱚᱯᱷ ᱟᱨᱴᱥ ᱮ ᱦᱟᱛᱟᱣ ᱞᱮᱫ-ᱟ ᱾
᱒᱐᱐᱘ ᱥᱟᱞᱮ ᱨᱮ, ᱩᱱᱤ ᱫᱚ ᱟᱠᱴᱤᱝ ᱨᱮ ᱠᱮᱨᱤᱭᱚᱨ ᱪᱟᱞᱟᱣ ᱞᱟᱹᱜᱤᱫ ᱢᱩᱢᱵᱟᱭ ᱮ ᱥᱮᱱ ᱞᱮᱱᱟ ᱟᱨ ᱯᱩᱱ ᱥᱮᱨᱢᱟ ᱞᱟᱦᱟᱨᱮ ᱥᱚᱦᱚᱨ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱢᱩᱢᱵᱟᱭ ᱠᱚᱞᱤᱝ (᱒᱐᱐᱗) ᱨᱮ ᱟᱨ ᱰᱨᱟᱢᱟ ᱯᱷᱤᱞᱢ ᱮ ᱰᱮᱥᱮᱱᱴ ᱮᱨᱟᱱᱡᱮᱢᱮᱱᱴ (᱒᱐᱑᱑) ᱨᱮ ᱠᱟ.ᱢᱤ ᱟᱠᱟᱫᱟᱭ । ᱩᱱᱤ ᱫᱚ ᱢᱩᱢᱵᱟᱭ ᱨᱮ ᱚᱞᱚᱜ ᱮ ᱮᱛᱚᱦᱚᱵ ᱞᱮᱫ-ᱟ ᱟᱨ ᱟᱡᱟᱜ ᱯᱩᱭᱞᱩ ᱚᱱᱚᱬᱦᱮ Opening Night ᱫᱚ ᱦᱟᱨᱯᱟᱨ ᱠᱚᱞᱤᱱᱥ ᱯᱟᱥᱴᱟ ᱠᱷᱚᱱ ᱒᱐᱑᱒ ᱨᱮ ᱪᱮᱛᱟᱱ ᱵᱷᱚᱜᱚᱛ ᱦᱚᱛᱮᱛᱮ ᱯᱟᱨᱥᱟᱞ ᱞᱮᱱᱟ ᱾ ᱱᱚᱶᱟ ᱚᱱᱚᱞ ᱨᱮ ᱢᱤᱫ ᱟᱢᱮᱨᱤᱠᱟ ᱨᱮ ᱡᱟᱱᱟᱢ ᱟᱠᱟᱱ ᱮᱱᱮᱡᱤᱭᱟᱹ ᱟᱜ ᱠᱮᱨᱤᱭᱚᱨ ᱵᱮᱱᱟᱣ ᱞᱟᱹᱜᱤᱫ ᱢᱩᱢᱵᱟᱭ ᱛᱮᱭ ᱥᱮᱱᱚᱜ ᱨᱮᱱᱟᱜ ᱞᱟᱹᱠᱛᱤᱭᱟᱱ ᱠᱟᱛᱷᱟ ᱠᱚ ᱚᱞ ᱟᱠᱟᱱᱟ ᱾ ᱱᱚᱶᱟ ᱫᱚ ᱢᱤᱫ ᱟᱹᱰᱤ ᱱᱟᱯᱟᱭ ᱦᱚᱲᱢᱚ ᱥᱟᱶᱦᱮᱫ ᱠᱟᱹᱢᱤ ᱠᱟᱱᱟ ᱾
ᱵᱚᱥᱩ ᱫᱚ ᱠᱚᱞᱚᱢᱵᱤᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱟᱥᱲᱟ ᱚᱯᱷ ᱟᱨᱴᱥ ᱨᱮ ᱠᱨᱤᱭᱮᱴᱤᱵᱽ ᱨᱟᱭᱤᱴᱤᱝ ᱨᱮ ᱢᱟᱥᱴᱚᱨ ᱚᱯᱷ ᱯᱷᱟᱭᱱ ᱟᱨᱴᱥ ᱦᱟᱛᱟᱣ ᱞᱟᱹᱜᱤᱫ ᱥᱮᱞᱮᱫ ᱞᱮᱱᱟᱭ, ᱡᱟᱦᱟᱸ ᱠᱷᱚᱱ ᱩᱱᱤ ᱫᱚ ᱒᱐᱑᱔ ᱨᱮ ᱯᱟᱥ ᱞᱮᱱᱟᱭ ᱾ ᱒᱐᱑᱗ ᱥᱟᱞᱮ ᱨᱮ A Million Rivers ᱯᱷᱤᱞᱢ ᱨᱮ ᱦᱚᱸ ᱠᱟ.ᱢᱤ ᱟᱠᱟᱫᱟᱭ । ᱒᱐᱑᱗ ᱥᱟᱞᱮ ᱨᱮ, ᱩᱱᱤ ᱫᱚ ᱥᱮᱨᱮᱧ ᱯᱨᱚᱰᱭᱩᱥᱚᱨ ᱢᱟᱭᱠᱤ ᱢᱮᱠᱞᱮᱨᱤ ᱥᱟᱶ ᱵᱟᱯᱞᱟ ᱞᱮᱱᱟᱭ ᱟᱨ ᱒᱐᱑᱗ ᱥᱟᱞᱮ ᱨᱮ ᱟᱡᱟᱜ ᱠᱩᱲᱤ ᱜᱤᱫᱽᱨᱟ. ᱟᱡᱟᱜ ᱫᱚᱥᱟᱨ ᱚᱱᱚᱬᱦᱮ ᱫᱤ ᱣᱤᱱᱰᱯᱚᱞ ᱦᱚᱸ ᱚᱱᱟ ᱥᱮᱨᱢᱟ ᱨᱮ ᱜᱮ ᱯᱟᱨᱥᱟᱞ ᱞᱮᱱᱟ ᱾ ᱱᱚᱶᱟ ᱫᱚ ᱢᱤᱫ ᱦᱤᱢᱚᱨᱚᱥ ᱯᱷᱤᱠᱥᱚᱱ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱫᱚ ᱢᱤᱫ ᱰᱮᱵᱩᱴ ᱚᱱᱚᱬᱦᱮ ᱞᱮᱠᱟᱛᱮ ᱵᱮᱵᱚᱥᱛᱟ ᱞᱮᱱᱟ ᱾ ᱱᱚᱶᱟ ᱨᱮ ᱢᱤᱫᱴᱟᱹᱝ ᱢᱤᱰᱤᱞ ᱠᱞᱟᱥ ᱤᱱᱰᱤᱭᱟᱱ ᱢᱟᱹᱱᱢᱤ ᱟᱜ ᱡᱤᱭᱚᱱ ᱪᱤᱛᱟᱹᱨ ᱛᱮᱭᱟᱨ ᱟᱠᱟᱱᱟ, ᱡᱟᱦᱟᱸᱭ ᱫᱚ ᱢᱤᱫ ᱫᱷᱟᱣ ᱨᱮᱜᱮ ᱟᱹᱰᱤ ᱵᱟᱹᱲᱛᱤ ᱫᱷᱚᱱ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱫᱚ ᱯᱨᱚᱡᱮᱠᱴᱤᱵᱽ ᱠᱨᱤᱴᱤᱠ ᱟᱠᱥᱚᱱ ᱧᱟᱢ ᱞᱮᱫᱼᱟ ᱟᱨ ᱢᱤᱫ ᱴᱮᱞᱤᱵᱤᱡᱚᱱ ᱥᱤᱨᱤᱡᱽ ᱨᱮ ᱵᱮᱱᱟᱣ ᱞᱟᱹᱜᱤᱫ ᱢᱤᱫ ᱜᱟᱶᱛᱟ ᱨᱮ ᱥᱮᱞᱮᱫ ᱞᱮᱱᱟᱭ ᱾ ELLE ᱢᱮᱜᱟᱡᱤᱱ ᱞᱮᱠᱟᱛᱮ ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱵᱤᱥᱟᱹᱨ ᱨᱮᱱᱟᱜ ᱥᱴᱮᱨᱤᱭᱳᱴᱟᱭᱯᱷ ᱠᱚ ᱵᱚᱫᱚᱞ ᱠᱮᱫᱼᱟ, ᱚᱠᱟ ᱫᱚ The Wire ᱞᱮᱠᱟᱛᱮ, ᱱᱚᱶᱟ ᱫᱚ "ᱱᱚᱣᱟ ᱫᱤᱞᱞᱤ ᱨᱮᱱᱟᱜ ᱑᱐% ᱱᱮᱣᱨᱚᱥᱤᱥ ᱠᱚ ᱨᱮᱱᱟᱜ ᱢᱤᱫ ᱥᱟᱫᱷᱟᱨᱚᱱ ᱟᱨ ᱟᱹᱰᱤ ᱱᱟᱯᱟᱭ ᱦᱮᱞᱮᱱᱟᱜ ᱠᱟᱛᱷᱟ" ᱛᱟᱦᱮᱸ ᱠᱟᱱᱟ ᱾ ᱦᱤᱱᱫᱩ ᱫᱚ ᱱᱚᱶᱟ ᱨᱮᱱᱟᱜ ᱥᱟᱶᱛᱟ ᱟᱨ ᱟᱹᱨᱤᱪᱟᱹᱞᱤ ᱨᱮ ᱵᱟᱹᱲᱤᱡ ᱟᱨ ᱵᱟᱹᱲᱤᱡ ᱠᱟᱛᱷᱟ ᱠᱚ ᱩᱫᱩᱜ ᱥᱚᱫᱚᱨ ᱠᱟᱛᱮ ᱟᱹᱰᱤ ᱵᱷᱮᱜᱟᱨ ᱵᱷᱮᱜᱟᱨ ᱥᱟᱨᱦᱟᱣ ᱮ ᱮᱢᱟᱫᱮ ᱛᱟᱦᱮᱸᱫ ᱾
᱒᱐᱒᱐ ᱨᱮ, ᱩᱱᱤ ᱫᱚ ᱟᱡᱟᱜ ᱯᱮᱭᱟ ᱚᱱᱚᱬᱦᱮ ᱰᱮᱥᱴᱤᱱᱮᱥᱚᱱ ᱣᱮᱰᱤᱝ (Destination Wedding) ᱯᱟᱨᱥᱟᱞ ᱞᱮᱫ-ᱟ ᱾
ᱯᱚᱛᱚᱵᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱚᱯᱱᱤᱝ ᱱᱟᱭᱤᱴ
- ᱫᱟ ᱣᱤᱱᱰᱯᱷᱚᱞ
- ᱰᱮᱥᱴᱤᱱᱮᱥᱚᱱ ᱣᱮᱰᱤᱝ (᱒᱐᱒᱐)