ᱫᱤᱥᱚᱢ ᱢᱟᱨᱟᱝ ᱵᱩᱨᱩ ᱛᱷᱟᱱ ᱦᱤᱡᱞᱟ. ᱫᱩᱢᱠᱟ.
ᱦᱤᱡᱞᱟ ᱢᱮᱞᱟ ᱫᱚ ᱓ ᱯᱷᱮᱵᱽᱨᱩᱟᱨ ᱑᱘᱙᱐ ᱦᱤᱞᱚᱜ ᱚᱱᱟ ᱚᱠᱛᱮ ᱵᱷᱤᱴᱤᱥ ᱡᱤᱞ ᱢᱮᱡᱤᱥᱴᱨᱮᱴ ᱡᱚᱱ ᱨᱚᱵᱟᱨᱴᱥ-ᱠᱟᱥᱴᱚᱨ ᱟᱜ ᱨᱟᱡᱽ ᱚᱠᱛᱮ ᱛᱮ ᱛᱷᱟᱯᱱᱟᱣ ᱞᱮᱱᱟ᱾ ᱱᱚᱶᱟ ᱫᱚ ᱢᱚᱱᱮ ᱦᱩᱭᱩᱜ ᱠᱟᱱᱟ ᱡᱮ ᱱᱚᱶᱟ ᱢᱮᱞᱟ ᱫᱚ ᱴᱚᱴᱷᱟ ᱨᱮᱭᱟᱜ ᱯᱚᱨᱚᱵ, ᱟᱹᱨᱤ, ᱟᱨ ᱥᱟᱶᱛᱟ ᱨᱮᱭᱟᱜ ᱟᱹᱨᱤ ᱠᱚ ᱵᱩᱡᱷᱟᱹᱣ ᱟᱨ ᱴᱚᱴᱷᱟ ᱨᱮᱱ ᱦᱚᱲ ᱠᱚ ᱥᱟᱶ ᱥᱚᱡᱷᱮ ᱡᱚᱜᱟᱡᱩᱜᱽ ᱞᱟᱹᱜᱤᱫ ᱮᱦᱚᱵ ᱞᱮᱱᱟ᱾ ᱱᱚᱣᱟ ᱥᱚᱢᱟᱡᱽ ᱨᱮ, "ᱦᱤᱡᱞᱟ" ᱟᱹᱲᱟᱹ ᱦᱚᱸ "ᱦᱤᱡ ᱟᱹᱱ" ᱠᱷᱚᱱ ᱧᱟᱢ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱᱟ᱾ ᱱᱚᱣᱟ ᱦᱚᱸ ᱢᱤᱫ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱡᱮ ᱦᱤᱡᱞᱟ ᱢᱮᱞᱟ ᱨᱮᱭᱟᱜ ᱧᱩᱛᱩᱢ ᱫᱚ ᱦᱤᱡᱞᱟ ᱟᱹᱛᱩ ᱨᱮᱭᱟᱜ ᱧᱩᱛᱩᱢ ᱛᱮ ᱫᱚᱦᱚ ᱟᱠᱟᱱᱟ ᱾ ᱑᱙᱗᱕ ᱥᱟᱞᱨᱮ ᱥᱟᱱᱛᱷᱟᱞ ᱯᱟᱨᱜᱟᱱᱟ ᱨᱮᱱ ᱚᱱᱟ ᱚᱠᱛᱚ ᱨᱮᱱ ᱠᱚᱢᱤᱥᱚᱱᱟᱨ ᱟᱜ ᱯᱟᱹᱨᱥᱟᱞ ᱛᱮ ᱢᱟᱹᱱ ᱡᱤ.ᱟᱨ. ᱯᱟᱴᱣᱟᱨᱫᱷᱟᱱ, ᱦᱤᱡᱞᱟ ᱢᱮᱞᱟ ᱨᱮ "ᱡᱟᱱᱡᱟᱛᱤ" ᱟᱹᱲᱟᱹ ᱥᱮᱞᱮᱫ ᱞᱮᱱᱟ ᱾ ᱡᱟᱨᱠᱷᱟᱱ ᱥᱚᱨᱠᱟᱨ ᱫᱚ ᱱᱚᱶᱟ ᱢᱮᱞᱟ ᱫᱚ 2008 ᱥᱟᱞᱦᱟ ᱨᱮ ᱯᱚᱨᱚᱵ ᱞᱮᱠᱟ ᱢᱟᱱᱟᱣ ᱞᱟᱹᱜᱤᱫ ᱜᱚᱴᱟ ᱠᱮᱫᱟ, ᱟᱨ ᱒᱐᱑᱕ ᱥᱟᱞᱦᱟ ᱨᱮ ᱱᱚᱶᱟ ᱫᱚ ᱯᱚᱨᱚᱵ ᱞᱮᱠᱟ ᱛᱮ ᱢᱟᱱᱟᱣ ᱞᱮᱱᱟ, ᱚᱱᱟ ᱛᱟᱭᱚᱢ ᱱᱚᱶᱟ ᱫᱚ ᱯᱚᱨᱚᱵ ᱞᱮᱠᱟ ᱵᱟᱰᱟᱭᱚᱜ ᱠᱟᱱᱟ᱾
ᱱᱚᱣᱟ ᱢᱮᱞᱟ ᱫᱚ ᱢᱟᱜᱽ-ᱯᱷᱟᱞᱜᱩᱱ ᱨᱮᱭᱟᱜ ᱥᱩᱠᱞᱟ ᱯᱟᱠᱥᱟ ᱚᱠᱛᱚ ᱨᱮ ᱠᱚ ᱢᱟᱱᱟᱣᱟ ᱾ ᱱᱚᱣᱟ ᱚᱠᱛᱚ ᱦᱟᱵᱤᱡ, ᱟᱹᱛᱩ ᱦᱚᱲ ᱠᱚ ᱪᱟᱥ ᱠᱟᱹᱢᱤ ᱠᱷᱚᱱ ᱠᱚ ᱡᱤᱨᱟᱹᱣ ᱮᱱᱟ ᱟᱨ ᱨᱟᱹᱥᱠᱟᱹ ᱟᱨ ᱯᱚᱨᱚᱵ ᱢᱩᱴᱷᱟᱹᱱ ᱨᱮ ᱢᱮᱱᱟᱜ ᱠᱚᱣᱟ ᱾ ᱥᱚᱦᱨᱟᱭ ᱯᱚᱨᱚᱵ, ᱵᱷᱩᱜᱟᱹᱜ ᱵᱷᱟᱹᱜᱤ ᱦᱚᱭ, ᱟᱨ ᱯᱷᱟᱞᱜᱩᱱᱟ ᱯᱚᱨᱚᱵ ᱨᱮᱭᱟᱜ ᱯᱟᱹᱦᱤᱞ ᱫᱷᱟᱯ ᱨᱮ ᱜᱚᱴᱟ ᱯᱚᱨᱚᱵ ᱨᱮᱭᱟᱜ ᱥᱚᱢᱵᱷᱚᱵᱚᱱ ᱟᱨ ᱪᱮᱦᱨᱟ ᱥᱟᱶᱛᱮ ᱧᱮᱞᱚᱜ ᱠᱟᱱᱟ᱾ ᱱᱚᱣᱟ ᱢᱮᱞᱟ ᱫᱚ ᱮᱠᱮᱱ ᱡᱟᱱᱡᱟᱛᱤ ᱜᱟᱶᱛᱟ ᱜᱮ ᱵᱟᱝ ᱠᱟᱱᱟ ᱛᱚᱞᱟᱥ ᱵᱟᱝ ᱡᱟᱱᱡᱟᱹᱛᱤ ᱜᱟᱶᱛᱟ ᱠᱚ ᱦᱚᱸ ᱥᱟᱶᱛᱟ ᱵᱤᱨᱟᱥᱟᱛ ᱨᱮᱭᱟᱜ ᱵᱷᱮᱜᱟᱨ ᱥᱟᱢᱵᱷᱟᱣ ᱩᱫᱩᱜ ᱠᱟᱱᱟ᱾ ᱛᱨᱤᱠᱩᱴᱟ ᱵᱩᱨᱩ ᱠᱷᱚᱱ ᱮᱦᱚᱵᱚᱜ ᱠᱟᱱ ᱢᱟᱭᱩᱨᱟᱠᱥᱤ ᱜᱟᱰᱟ ᱟᱨ ᱵᱩᱨᱩ ᱯᱟᱛᱷᱟ ᱛᱟᱞᱟ ᱨᱮ ᱢᱮᱱᱟᱜ ᱦᱤᱡᱞᱟ ᱢᱮᱞᱟ ᱫᱚ ᱟᱹᱰᱤ ᱵᱮᱥ ᱧᱮᱞᱚᱜ ᱠᱟᱱᱟ᱾ ᱜᱟᱰᱟ ᱨᱮᱭᱟᱜ ᱜᱩᱨᱩᱵ ᱵᱷᱟᱲᱟ, ᱪᱮᱬᱮ ᱠᱚᱣᱟᱜ ᱪᱤᱠᱤ ᱟᱨ ᱢᱟᱱᱰᱟᱨ, ᱫᱷᱚᱞ, ᱰᱷᱟᱠ, ᱡᱟᱸᱦᱟᱨ, ᱡᱟᱸᱦᱟᱨ ᱨᱮᱭᱟᱜ ᱥᱩᱨ ᱨᱮ ᱮᱱᱮᱡ ᱦᱚᱲ ᱠᱚᱣᱟᱜ ᱵᱷᱩᱜᱟᱹᱜ ᱠᱚ ᱛᱟᱞᱟ ᱨᱮ ᱟᱡ-ᱟᱡ ᱛᱮ ᱡᱚᱛᱚ ᱦᱚᱲ ᱠᱚ ᱵᱷᱩᱜᱟᱹᱜ ᱠᱟᱱᱟ᱾ ᱱᱚᱣᱟ ᱫᱚ ᱢᱟᱱᱠᱷᱟᱱ ᱦᱤᱡᱞᱟ ᱨᱮᱭᱟᱜ ᱜᱷᱚᱲᱚ ᱥᱟᱱᱟᱢ ᱦᱚᱲ ᱟᱨ ᱥᱤᱨᱡᱚᱱ ᱨᱮᱱ ᱥᱟᱱᱟᱢ ᱠᱟᱱᱰᱤ ᱠᱚ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾
ᱦᱤᱡᱞᱟ ᱢᱮᱞᱟ ᱫᱚ ᱵᱷᱮᱜᱟᱨ ᱛᱮ ᱠᱤᱥᱟᱹᱬ ᱜᱮᱭᱟ ᱾ ᱡᱚᱠᱷᱚᱱ ᱡᱟᱱᱟᱢ ᱞᱟᱠᱪᱟᱨ, ᱮᱱᱮᱡ, ᱟᱨ ᱥᱮᱨᱮᱧ ᱠᱚ ᱩᱫᱩᱜ ᱠᱟᱱᱟ, ᱤᱱᱰᱚᱨ ᱟᱨᱴ ᱥᱴᱮᱡ ᱨᱮ ᱜᱤᱫᱽᱨᱟᱹ ᱠᱚᱣᱟᱜ ᱠᱩᱠᱞᱤ, ᱜᱟᱯᱟᱞᱢᱟᱨᱟᱣ, ᱵᱷᱟᱯᱟᱱ, ᱟᱨ ᱵᱩᱫᱷᱤᱭᱟᱹ ᱠᱚ ᱛᱟᱞᱟ ᱨᱮ ᱜᱟᱯᱟᱞᱢᱟᱨᱟᱣ ᱠᱟᱱᱟ᱾ ᱵᱤᱨᱫᱟ.ᱜᱟᱲ ᱨᱮᱱ ᱯᱟ.ᱴᱷᱩᱣᱟ. ᱠᱚ ᱧᱤᱫᱟ. ᱨᱮ ᱥᱮᱫᱽᱨᱟ ᱠᱟᱹᱦᱱᱤ ᱠᱚ ᱥᱟᱯᱲᱟᱣᱟ ᱾ ᱵᱟᱦᱨᱮ ᱠᱟᱹᱨᱤᱜᱚᱞ ᱥᱴᱮᱡ ᱨᱮ ᱟᱹᱨᱤᱪᱟᱹᱞᱤ ᱫᱚᱞ ᱠᱚ ᱛᱟᱞᱟ ᱨᱮ ᱦᱮᱯᱨᱟᱣ ᱟᱨ ᱟᱹᱨᱤᱪᱟᱹᱞᱤ ᱥᱤᱸᱜᱟᱹᱲ ᱨᱮ ᱡᱟᱹᱛᱨᱤᱭᱟᱹ ᱟᱨ ᱡᱮᱜᱮᱛᱟᱹᱨᱤ ᱠᱟᱹᱨᱤᱜᱚᱞ ᱠᱚ ᱥᱮᱞᱮᱫᱚᱜ ᱠᱟᱱᱟ᱾ ᱯᱚᱛᱚᱵ, ᱡᱚᱢᱟᱜ, ᱨᱚᱢᱚᱡᱽ ᱟᱨ ᱡᱟᱱᱣᱟᱨ ᱟᱠᱷᱨᱤᱧ ᱨᱮᱭᱟᱜ ᱫᱚᱠᱟᱱ ᱠᱚ ᱥᱟᱶᱛᱮ ᱠᱷᱮᱞ ᱦᱮᱯᱨᱟᱣ ᱦᱚᱸ ᱦᱩᱭᱩᱜ ᱠᱟᱱᱟ᱾ ᱵᱤᱵᱷᱟᱜᱽ ᱠᱚ ᱟᱭᱢᱟ ᱥᱚᱨᱠᱟᱨᱤ ᱯᱚᱱᱛᱷᱟ ᱮᱦᱚᱵ ᱞᱟᱹᱜᱤᱫ ᱥᱴᱚᱞ ᱠᱚ ᱛᱷᱟᱯᱱᱟᱣ ᱠᱮᱫᱟ᱾ ᱱᱟᱦᱟᱜ ᱴᱮᱠᱱᱚᱞᱚᱡᱤ ᱵᱟᱵᱚᱛ ᱠᱟᱹᱢᱤᱭᱟᱹ ᱠᱚ ᱥᱮᱪᱮᱫ ᱞᱟᱹᱜᱤᱫ ᱪᱟᱥ, ᱟᱛᱢᱟ, ᱵᱟᱲᱛᱤ, ᱟᱨ ᱦᱟᱹᱠᱩ ᱵᱤᱵᱷᱟᱜᱽ ᱨᱮᱱ ᱟᱢᱞᱟ ᱠᱚ ᱦᱚᱛᱮᱛᱮ ᱩᱫᱩᱜ ᱠᱚ ᱪᱟᱞᱟᱣ ᱮᱫᱟ᱾
ᱡᱩᱫᱤ ᱟᱢ ᱞᱚᱠ ᱞᱟᱠᱪᱟᱨ ᱟᱨ ᱞᱚᱠ ᱥᱮᱨᱮᱧ ᱟᱨ ᱥᱮᱨᱮᱧ ᱠᱚ ᱥᱚᱱᱛᱚᱨ ᱛᱮ ᱧᱮᱞ ᱥᱟᱱᱟᱭᱮᱫ ᱢᱮᱭᱟ, ᱡᱩᱫᱤ ᱟᱢ ᱥᱤᱨᱡᱚᱱ ᱨᱮᱭᱟᱜ ᱥᱟᱨᱟ ᱜᱷᱟᱹᱲᱤᱡ ᱥᱮᱨᱮᱧ ᱟᱨ ᱥᱮᱨᱮᱧ ᱠᱚ ᱧᱮᱞ ᱥᱟᱱᱟᱭᱮᱫ ᱢᱮᱭᱟ, ᱡᱩᱫᱤ ᱟᱢ ᱦᱚᱲ ᱠᱚᱣᱟᱜ ᱥᱚᱦᱚᱨ ᱨᱮ ᱵᱷᱩᱜᱟᱹᱜ ᱥᱟᱱᱟᱭᱮᱫ ᱢᱮᱭᱟ, ᱮᱱᱠᱷᱟᱱ ᱟᱢ ᱫᱚ ᱦᱤᱡᱞᱟ ᱢᱮᱞᱟ ᱧᱮᱞ ᱞᱟᱹᱠᱛᱤᱭᱟᱢᱟ᱾