ᱯᱷᱤᱞᱢ ᱫᱤᱥᱟᱹ ᱩᱫᱩᱜᱼᱤᱡ (ᱯᱷᱤᱞᱢ ᱰᱟᱭᱨᱮᱠᱴᱟᱨ)
ᱢᱤᱫ ᱯᱷᱤᱞᱢ ᱰᱟᱭᱨᱮᱠᱴᱟᱨ ᱥᱮ ᱯᱷᱤᱞᱢ ᱵᱮᱱᱟᱣᱤᱡ ᱫᱚᱭ ᱩᱱᱤ ᱦᱚᱲ ᱠᱟᱱᱟ ᱡᱟᱦᱟᱸᱭ ᱫᱚ ᱢᱤᱫ ᱯᱷᱤᱞᱢ ᱨᱮᱭᱟᱜ ᱠᱟᱹᱞᱪᱟᱨᱟᱞ (artistic) ᱟᱨ ᱰᱨᱟᱢᱟᱴᱤᱠ (dramatic) ᱥᱮᱪᱮᱫ ᱠᱚᱭ ᱠᱚᱱᱴᱨᱚᱞ ᱮᱫᱟ ᱟᱨ ᱥᱠᱨᱮᱱᱯᱞᱮ (script) ᱨᱮᱭᱟᱜ ᱧᱮᱞ ᱠᱚᱭ ᱥᱟᱹᱨᱤᱭᱮᱫᱟ, ᱚᱱᱟ ᱵᱷᱤᱡᱟᱱ ᱯᱩᱨᱟᱹᱣ ᱞᱟᱹᱜᱤᱫ ᱯᱷᱤᱞᱢ ᱠᱨᱩ ᱟᱨ ᱯᱟᱯᱟᱴᱤᱭᱟᱹ ᱠᱚᱭ ᱰᱟᱭᱨᱮᱠᱥᱟᱱᱼᱮ ᱮᱢᱟ ᱠᱚᱣᱟ᱾ ᱯᱨᱳᱰᱭᱩᱥᱟᱨ ᱥᱟᱞᱟᱜ ᱥᱚᱦᱮᱞᱤᱭᱟᱹ ᱛᱮ, ᱰᱟᱭᱨᱮᱠᱴᱟᱨ ᱫᱚ ᱯᱟᱯᱟᱴᱤᱭᱟᱹ ᱵᱟᱪᱷᱟᱣ, ᱯᱨᱳᱰᱟᱠᱥᱟᱱ ᱰᱤᱡᱟᱭᱤᱱ ᱟᱨ ᱯᱷᱤᱞᱢ ᱵᱮᱱᱟᱣ ᱨᱮᱭᱟᱜ ᱡᱚᱛᱚ ᱠᱟᱹᱞᱪᱟᱨᱟᱞ ᱥᱮᱪᱮᱫ ᱠᱚ ᱨᱮ ᱢᱤᱫ ᱢᱟᱨᱟᱝ ᱵᱷᱩᱢᱤᱠᱟ ᱛᱟᱦᱮᱱ ᱛᱟᱭᱟ᱾
ᱯᱷᱤᱞᱢ ᱰᱟᱭᱨᱮᱠᱴᱟᱨ ᱫᱚ ᱯᱟᱯᱟᱴᱤᱭᱟᱹ ᱟᱨ ᱠᱨᱩ ᱠᱚ ᱰᱟᱭᱨᱮᱠᱥᱟᱱᱮ ᱮᱢᱟ ᱠᱚᱣᱟ ᱟᱨ ᱢᱤᱫ ᱚᱣᱟᱨᱚᱞ ᱵᱷᱤᱡᱟᱱ ᱮ ᱵᱮᱱᱟᱣᱮᱫᱟ, ᱡᱟᱦᱟᱸ ᱛᱟᱞᱟ ᱛᱮ ᱢᱤᱫ ᱯᱷᱤᱞᱢ ᱫᱚ ᱢᱩᱪᱟᱹᱫ ᱨᱮ ᱥᱟᱹᱨᱤᱭᱚᱜ ᱥᱮ ᱧᱮᱞ ᱧᱟᱢᱚᱜᱼᱟᱭ᱾ ᱰᱟᱭᱨᱮᱠᱴᱟᱨ ᱠᱚᱫᱚ ᱠᱟᱹᱞᱪᱟᱨᱟᱞ ᱧᱮᱞ ᱨᱮᱭᱟᱜ ᱵᱷᱤᱱᱟᱹᱣ ᱠᱚ ᱫᱩᱞᱟᱹᱲ ᱠᱟᱛᱮᱫ ᱦᱚᱸ ᱵᱟᱡᱟᱴ ᱨᱮᱭᱟᱜ ᱵᱷᱤᱛᱨᱤ ᱨᱮ ᱛᱟᱦᱮᱱ ᱡᱟᱹᱨᱩᱲ ᱛᱟᱠᱚᱣᱟ᱾
ᱯᱷᱤᱞᱢ ᱰᱟᱭᱨᱮᱠᱴᱟᱨ ᱵᱮᱱᱟᱣᱚᱜ ᱞᱟᱹᱜᱤᱫ ᱵᱟᱹᱲᱛᱤ ᱰᱟᱦᱟᱨ ᱠᱚ ᱢᱮᱱᱟᱜᱼᱟ᱾ ᱛᱤᱱᱟᱹᱜ ᱜᱟᱱ ᱯᱷᱤᱞᱢ ᱰᱟᱭᱨᱮᱠᱴᱟᱨ ᱫᱚ ᱥᱠᱨᱮᱱᱨᱟᱭᱴᱟᱨ, ᱥᱤᱱᱮᱢᱟᱴᱚᱜᱽᱨᱟᱯᱷᱟᱨ, ᱯᱨᱳᱰᱭᱩᱥᱟᱨ, ᱯᱷᱤᱞᱢ ᱮᱰᱤᱴᱟᱨ ᱥᱮ ᱯᱟᱯᱟᱴᱤᱭᱟᱹ ᱞᱮᱠᱟ ᱠᱚ ᱮᱦᱚᱵ ᱞᱮᱫᱟ᱾ ᱮᱴᱟᱜ ᱯᱷᱤᱞᱢ ᱰᱟᱭᱨᱮᱠᱴᱟᱨ ᱠᱚᱫᱚ ᱯᱷᱤᱞᱢ ᱤᱥᱠᱩᱞ ᱠᱚ ᱥᱮᱱ ᱟᱠᱟᱱᱟ᱾ ᱰᱟᱭᱨᱮᱠᱴᱟᱨ ᱠᱚᱫᱚ ᱵᱷᱤᱱᱟᱹᱣᱼᱵᱷᱤᱱᱟᱹᱣ ᱩᱭᱦᱟᱹᱨ ᱠᱚ ᱠᱚ ᱵᱮᱵᱷᱟᱨᱮᱫᱟ᱾ ᱛᱤᱱᱟᱹᱜ ᱫᱚ ᱢᱤᱫ ᱡᱮᱱᱮᱨᱟᱞ ᱯᱞᱚᱴᱞᱟᱭᱤᱱ ᱠᱚ ᱩᱫᱩᱜ ᱠᱟᱛᱮ ᱯᱟᱯᱟᱴᱤᱭᱟᱹ ᱠᱚ ᱰᱟᱭᱞᱚᱜᱽ ᱤᱢᱯᱨᱚᱵᱷᱟᱭᱤᱡᱽ ᱞᱟᱹᱜᱤᱫ ᱠᱚ ᱵᱟᱹᱜᱤ ᱠᱚᱣᱟ, ᱟᱨ ᱛᱤᱱᱟᱹᱜ ᱫᱚ ᱡᱚᱛᱚ ᱥᱮᱪᱮᱫ ᱠᱚ ᱠᱚ ᱠᱚᱱᱴᱨᱚᱞ ᱮᱫᱟ ᱟᱨ ᱯᱟᱯᱟᱴᱤᱭᱟᱹ ᱟᱨ ᱠᱨᱩ ᱠᱷᱚᱱ ᱯᱩᱨᱟᱹ ᱱᱤᱨᱫᱮᱥ ᱯᱟᱞᱚᱱ ᱠᱚ ᱠᱷᱚᱡᱽᱚᱜᱼᱟ᱾ ᱛᱤᱱᱟᱹᱜ ᱰᱟᱭᱨᱮᱠᱴᱟᱨ ᱠᱚᱫᱚ ᱟᱠᱚᱣᱟᱜ ᱥᱠᱨᱮᱱᱯᱞᱮ ᱦᱚᱸ ᱠᱚ ᱚᱞᱟ ᱥᱮ ᱫᱤᱱ ᱠᱷᱚᱱ ᱢᱮᱱᱟᱜ ᱠᱚᱣᱟ ᱡᱟᱦᱟᱸᱭ ᱚᱞ ᱜᱟᱛᱮ ᱠᱚ ᱥᱟᱞᱟᱜ ᱠᱚ ᱠᱟᱹᱢᱤᱭᱟ᱾ ᱮᱴᱟᱜ ᱰᱟᱭᱨᱮᱠᱴᱟᱨ ᱠᱚᱫᱚ ᱟᱠᱚᱣᱟᱜ ᱯᱷᱤᱞᱢ ᱠᱚ ᱮᱰᱤᱴ ᱮᱫᱟ ᱥᱮ ᱠᱚ ᱧᱮᱞᱚᱜᱼᱟ ᱥᱮ ᱟᱠᱚᱣᱟᱜ ᱯᱷᱤᱞᱢ ᱞᱟᱹᱜᱤᱫ ᱢᱤᱭᱩᱡᱤᱠ ᱠᱚ ᱵᱮᱱᱟᱣᱮᱫᱟ᱾
ᱫᱟᱹᱭᱤᱛᱣᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱤᱫ ᱯᱷᱤᱞᱢ ᱰᱟᱭᱨᱮᱠᱴᱟᱨ ᱨᱮᱭᱟᱜ ᱠᱟᱹᱢᱤ ᱫᱚ ᱢᱤᱫ ᱥᱠᱨᱮᱱᱯᱞᱮ ᱫᱚ ᱯᱩᱨᱟᱹ ᱵᱮᱱᱟᱣ ᱯᱷᱤᱞᱢ ᱨᱮ ᱵᱚᱫᱚᱞ ᱨᱮᱭᱟᱜ ᱢᱤᱫ ᱰᱟᱦᱟᱨ ᱩᱭᱦᱟᱹᱨ ᱟᱨ ᱚᱱᱟ ᱵᱷᱤᱡᱟᱱ ᱫᱚᱭ ᱥᱟᱹᱨᱤᱭᱮᱫᱟ᱾ ᱱᱚᱶᱟ ᱠᱟᱹᱢᱤ ᱞᱟᱹᱜᱤᱫ, ᱩᱱᱤ ᱫᱚ ᱯᱷᱤᱞᱢ ᱯᱨᱳᱰᱟᱠᱥᱟᱱ ᱨᱮᱭᱟᱜ ᱠᱟᱹᱞᱪᱟᱨᱟᱞ ᱟᱨ ᱴᱮᱠᱱᱤᱠᱟᱞ ᱥᱮᱪᱮᱫ ᱠᱚᱭ ᱧᱮᱞ ᱫᱟᱲᱮᱭᱟᱜᱼᱟ᱾ ᱱᱚᱶᱟ ᱨᱮ ᱫᱚ ᱟᱡᱼᱟᱜ ᱯᱷᱤᱞᱢ ᱨᱮᱭᱟᱜ ᱵᱷᱤᱡᱟᱱ ᱯᱩᱨᱟᱹᱣ ᱞᱟᱹᱜᱤᱫ ᱯᱷᱤᱞᱢ ᱠᱨᱩ ᱫᱚ ᱚᱨᱜᱟᱱᱟᱭᱤᱡᱽ ᱡᱟᱹᱨᱩᱲᱟᱭ ᱟᱨ ᱯᱟᱯᱟᱴᱤᱭᱟᱹ ᱠᱚ ᱥᱟᱞᱟᱜ ᱯᱷᱚᱱ ᱫᱩᱲᱩᱵ ᱡᱟᱹᱨᱩᱲᱟᱭᱟᱟ᱾ ᱱᱚᱶᱟ ᱨᱮ ᱫᱚ ᱜᱽᱨᱩᱯ ᱞᱤᱰᱟᱨᱥᱤᱯ ᱨᱮᱭᱟᱜ ᱦᱩᱱᱟᱹᱨ ᱦᱚᱸ ᱞᱟᱜᱟᱜᱼᱟ, ᱥᱟᱶᱛᱮ ᱯᱷᱤᱞᱢ ᱥᱮᱴ ᱨᱮᱭᱟᱜ ᱛᱟᱲᱟᱢᱼᱛᱟᱲᱟᱢ ᱟᱨ ᱥᱴᱨᱮᱥᱯᱷᱩᱞ ᱮᱱᱵᱷᱟᱭᱨᱚᱱᱢᱮᱱᱴ ᱨᱮ ᱦᱚᱸ ᱢᱤᱫᱴᱟᱝ ᱯᱷᱚᱠᱚᱥ ᱫᱚᱦᱚ ᱨᱮᱭᱟᱜ ᱮᱵᱤᱞᱤᱴᱤ ᱛᱟᱦᱮᱱᱟ᱾ ᱪᱷᱟᱹᱛᱤᱠ, ᱥᱚᱴ ᱠᱚ ᱯᱷᱨᱮᱢ ᱨᱮᱭᱟᱜ ᱢᱤᱫ ᱠᱟᱹᱞᱪᱟᱨᱟᱞ ᱧᱮᱞ ᱡᱟᱹᱨᱩᱲᱟᱭᱟᱟ ᱟᱨ ᱯᱟᱯᱟᱴᱤᱭᱟᱹ ᱟᱨ ᱠᱨᱩ ᱠᱚ ᱯᱩᱨᱟᱹ ᱯᱷᱤᱰᱵᱮᱠ ᱮᱢ ᱞᱟᱹᱜᱤᱫ, ᱚᱱᱟᱛᱮ ᱩᱛᱚᱢ ᱯᱷᱚᱱ ᱫᱩᱲᱩᱵ ᱦᱩᱱᱟᱹᱨ ᱫᱚ ᱞᱟᱜᱟᱜ ᱜᱮᱭᱟ᱾
ᱯᱷᱤᱞᱢ ᱰᱟᱭᱨᱮᱠᱴᱟᱨ ᱫᱚ ᱵᱷᱤᱱᱟᱹᱣᱼᱵᱷᱤᱱᱟᱹᱣ ᱠᱟᱹᱞᱪᱟᱨᱟᱞ ᱦᱚᱲ ᱠᱚᱣᱟᱜ ᱥᱟᱹᱨᱤ ᱥᱚᱦᱮᱞᱤᱭᱟᱹ ᱩᱯᱚᱨ ᱮ ᱰᱤᱯᱮᱱᱰ ᱮᱫᱟ, ᱡᱟᱦᱟᱸᱭ ᱠᱚᱣᱟᱜ ᱟᱨᱴᱤᱥᱴᱤᱠ ᱩᱭᱦᱟᱹᱨ ᱟᱨ ᱵᱷᱤᱡᱟᱱ ᱠᱚ ᱫᱚ ᱫᱩᱲᱩᱵ ᱵᱟᱝ ᱦᱩᱭ ᱫᱟᱲᱮᱭᱟᱜᱼᱟ, ᱚᱱᱟᱛᱮ ᱩᱱᱤ ᱫᱚ ᱡᱚᱠᱷᱚᱱ ᱜᱮ ᱞᱟᱹᱠᱛᱤᱜᱼᱟ ᱠᱚᱱᱯᱷᱞᱤᱠᱴ ᱨᱤᱡᱚᱞᱩᱥᱚᱱ ᱦᱩᱱᱟᱹᱨ ᱦᱚᱸ ᱛᱟᱦᱮᱱ ᱡᱟᱹᱨᱩᱲᱟᱭᱟ᱾ ᱚᱱᱟᱛᱮ ᱰᱟᱭᱨᱮᱠᱴᱟᱨ ᱫᱚ ᱯᱷᱤᱞᱢ ᱯᱨᱳᱰᱟᱠᱥᱟᱱ ᱨᱮ ᱥᱮᱞᱮᱫ ᱡᱚᱛᱚ ᱦᱚᱲ ᱫᱚ ᱢᱩᱪᱟᱹᱫ ᱯᱷᱤᱞᱢ ᱞᱟᱹᱜᱤᱫ ᱢᱤᱫ ᱜᱮ ᱵᱷᱤᱡᱟᱱ ᱞᱟᱹᱜᱤᱫ ᱠᱚ ᱠᱟᱹᱢᱤᱭᱟ ᱢᱮᱱᱛᱮ ᱮ ᱯᱟᱨᱢᱟᱹᱬ ᱮᱫᱟᱭ᱾ ᱩᱱᱠᱩᱣᱟᱜ ᱵᱷᱤᱱᱟᱹᱣᱼᱵᱷᱤᱱᱟᱹᱣ ᱪᱮᱞᱮᱸᱡᱮᱥ ᱠᱚ ᱫᱚ "ᱢᱤᱫ ᱢᱟᱞᱴᱤᱼᱰᱟᱭᱢᱮᱱᱥᱚᱱᱟᱞ ᱡᱤᱜᱥᱚ ᱯᱟᱡᱚᱞ ᱞᱮᱠᱟ" ᱞᱟᱹᱭ ᱟᱠᱟᱱᱟ, "ᱡᱟᱦᱟᱸ ᱨᱮ ᱤᱜᱚ ᱟᱨ ᱯᱟᱹᱣᱨᱟᱹ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ᱾" ᱱᱚᱶᱟ ᱥᱴᱨᱮᱥ ᱟᱨᱦᱚᱸ ᱵᱟᱹᱲᱛᱤᱜᱼᱟ ᱡᱮ ᱢᱤᱫ ᱯᱷᱤᱞᱢ ᱨᱮᱭᱟᱜ ᱥᱚᱯᱚᱞ ᱫᱚ ᱩᱱᱤ ᱫᱚ ᱛᱤᱥ ᱟᱨ ᱪᱮᱫ ᱞᱮᱠᱟ ᱟᱨᱦᱚᱸ ᱠᱟᱹᱢᱤᱭᱟ ᱢᱮᱱᱛᱮᱭ ᱯᱚᱨᱵᱷᱟᱣ ᱮᱫᱟ᱾
ᱥᱟᱢᱟᱱᱭᱟ ᱞᱮᱠᱟᱛᱮ, ᱰᱟᱭᱨᱮᱠᱴᱟᱨ ᱨᱮᱱ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱯᱷᱤᱥᱚᱨ ᱠᱚᱫᱚ ᱯᱨᱳᱰᱭᱩᱥᱟᱨ ᱠᱚ ᱟᱨ ᱯᱷᱤᱞᱢ ᱫᱚ ᱡᱟᱦᱟᱸᱭ ᱤᱥᱴᱩᱰᱤᱭᱳ ᱯᱷᱟᱭᱱᱟᱱᱥ ᱮᱫᱟᱭ ᱩᱱᱤ ᱜᱮ, ᱛᱚᱵᱮ ᱛᱤᱱᱟᱹᱜ ᱥᱚᱢᱚᱭ ᱰᱟᱭᱨᱮᱠᱴᱟᱨ ᱫᱚ ᱚᱱᱟ ᱯᱷᱤᱞᱢ ᱨᱮᱭᱟᱜ ᱯᱨᱳᱰᱭᱩᱥᱟᱨ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ᱾ ᱰᱟᱭᱨᱮᱠᱴᱟᱨ ᱟᱨ ᱯᱨᱳᱰᱭᱩᱥᱟᱨ ᱨᱮᱭᱟᱜ ᱵᱷᱩᱢᱤᱠᱟ ᱫᱚ ᱵᱷᱤᱱᱟᱹᱣ ᱜᱮᱭᱟ ᱡᱮ ᱯᱨᱳᱰᱭᱩᱥᱟᱨ ᱠᱚᱫᱚ ᱥᱟᱢᱟᱱᱭᱟ ᱞᱮᱠᱟᱛᱮ ᱯᱨᱳᱰᱟᱠᱥᱟᱱ ᱨᱮᱭᱟᱜ ᱞᱚᱡᱤᱥᱴᱤᱠᱥ ᱟᱨ ᱵᱤᱡᱱᱮᱥ ᱠᱟᱹᱢᱤ ᱠᱚ ᱠᱚ ᱢᱮᱱᱮᱡᱽ ᱮᱫᱟ, ᱟᱨ ᱰᱟᱭᱨᱮᱠᱴᱟᱨ ᱫᱚ ᱠᱟᱹᱞᱪᱟᱨᱟᱞ ᱜᱷᱚᱴᱚᱱᱟ ᱠᱚ ᱦᱩᱭ ᱠᱟᱱ ᱛᱟᱭᱟ᱾ ᱰᱟᱭᱨᱮᱠᱴᱟᱨ ᱫᱚ ᱯᱷᱤᱞᱢ ᱨᱮᱭᱟᱜ ᱵᱟᱡᱟᱴ ᱨᱮᱭᱟᱜ ᱠᱚᱱᱴᱨᱚᱞ ᱨᱮ ᱟᱨ ᱯᱨᱳᱰᱭᱩᱥᱟᱨ ᱟᱨ ᱤᱥᱴᱩᱰᱤᱭᱳ ᱨᱮᱭᱟᱜ ᱠᱷᱚᱡᱽ (ᱡᱮᱞᱠᱟ ᱢᱤᱫ ᱠᱷᱟᱥ ᱩᱢᱮᱨ ᱨᱮᱭᱟᱜ ᱨᱮᱴᱤᱝ ᱧᱟᱢ ᱨᱮᱭᱟᱜ ᱞᱟᱹᱠᱛᱤ) ᱨᱮ ᱠᱟᱹᱢᱤ ᱡᱟᱹᱨᱩᱲᱟᱭᱟ᱾
ᱰᱟᱭᱨᱮᱠᱴᱟᱨ ᱠᱚᱫᱚ ᱯᱚᱥᱴᱼᱯᱨᱳᱰᱟᱠᱥᱟᱱ ᱨᱮ ᱦᱚᱸ ᱢᱤᱫ ᱢᱟᱨᱟᱝ ᱵᱷᱩᱢᱤᱠᱟ ᱠᱚ ᱮᱢᱚᱜᱼᱟ᱾ ᱡᱚᱠᱷᱚᱱ ᱯᱷᱤᱞᱢ ᱛᱟᱦᱮᱱ ᱨᱮ ᱛᱟᱦᱮᱱᱟ, ᱰᱟᱭᱨᱮᱠᱴᱟᱨ ᱫᱚ "ᱰᱮᱞᱤ" ᱫᱚ ᱯᱷᱤᱞᱢ ᱮᱰᱤᱴᱟᱨ ᱴᱷᱮᱱ ᱮ ᱵᱷᱮᱡᱟᱭᱟ ᱟᱨ ᱯᱷᱤᱞᱢ ᱞᱟᱹᱜᱤᱫ ᱟᱡᱼᱟᱜ ᱚᱣᱟᱨᱚᱞ ᱵᱷᱤᱡᱟᱱ ᱮ ᱞᱟᱹᱭᱟᱭ, ᱡᱟᱦᱟᱸ ᱫᱚ ᱮᱰᱤᱴᱟᱨ ᱫᱚ ᱮᱰᱤᱴᱟᱨ ᱠᱚᱴ ᱵᱮᱱᱟᱣ ᱞᱟᱹᱜᱤᱫ ᱮ ᱢᱚᱠᱟ ᱮᱢᱟᱜᱼᱟ᱾ ᱯᱚᱥᱴᱼᱯᱨᱳᱰᱟᱠᱥᱟᱱ ᱨᱮ, ᱰᱟᱭᱨᱮᱠᱴᱟᱨ ᱫᱚ ᱮᱰᱤᱴᱟᱨ ᱥᱟᱞᱟᱜ ᱠᱟᱹᱢᱤ ᱠᱟᱛᱮᱫ ᱰᱟᱭᱨᱮᱠᱴᱟᱨ ᱠᱚᱴ ᱨᱮ ᱢᱮᱴᱮᱨᱤᱭᱟᱞ ᱮ ᱮᱰᱤᱴ ᱮᱫᱟᱭ᱾ ᱵᱷᱟᱹᱜᱤ ᱵᱮᱵᱷᱟᱨ ᱟᱠᱟᱱ ᱰᱟᱭᱨᱮᱠᱴᱟᱨ ᱠᱚ ᱴᱷᱮᱱ "ᱯᱷᱟᱭᱱᱟᱞ ᱠᱚᱴ ᱯᱨᱤᱵᱷᱤᱞᱮᱡ" ᱢᱮᱱᱟᱜᱼᱟ, ᱢᱮᱱᱮᱛ ᱩᱱᱠᱩ ᱴᱷᱮᱱ ᱯᱷᱤᱞᱢ ᱨᱮᱭᱟᱜ ᱡᱟᱦᱟᱸ ᱮᱰᱤᱴ ᱨᱤᱞᱤᱡᱽ ᱦᱩᱭᱩᱜᱼᱟ ᱚᱱᱟ ᱨᱮᱭᱟᱜ ᱢᱩᱪᱟᱹᱫ ᱨᱟᱭ ᱛᱟᱦᱮᱱ ᱛᱟᱠᱚᱣᱟ᱾ ᱮᱴᱟᱜ ᱰᱟᱭᱨᱮᱠᱴᱟᱨ ᱠᱚ ᱞᱟᱹᱜᱤᱫ, ᱤᱥᱴᱩᱰᱤᱭᱳ ᱫᱚ ᱰᱟᱭᱨᱮᱠᱴᱟᱨ ᱨᱮᱭᱟᱜ ᱯᱟᱨᱢᱤᱥᱟᱱ ᱵᱟᱝ ᱠᱟᱛᱮᱫ ᱦᱚᱸ ᱟᱨᱦᱚᱸ ᱮᱰᱤᱴ ᱞᱟᱹᱜᱤᱫ ᱮ ᱦᱩᱠᱩᱢ ᱫᱟᱲᱮᱭᱟᱜᱼᱟ᱾
ᱯᱷᱤᱞᱢ ᱯᱨᱳᱰᱟᱠᱥᱟᱱ ᱨᱮᱭᱟᱜ ᱡᱚᱛᱚ ᱥᱴᱮᱡᱽ ᱨᱮ ᱟᱹᱰᱤ ᱜᱟᱱ ᱤᱱᱴᱤᱢᱮᱴ ᱥᱮᱞᱮᱫ ᱞᱟᱹᱠᱛᱤᱜ ᱠᱟᱱ ᱯᱷᱤᱞᱢ ᱨᱮᱭᱟᱜ ᱜᱟᱱᱛᱮ ᱴᱷᱟᱶ ᱠᱚ ᱢᱩᱫ ᱨᱮ ᱰᱟᱭᱨᱮᱠᱴᱟᱨ ᱫᱚ ᱢᱤᱫᱴᱟᱝ ᱠᱟᱱᱟᱭ᱾ ᱚᱱᱟᱛᱮ, ᱯᱷᱤᱞᱢ ᱰᱟᱭᱨᱮᱠᱴᱟᱨ ᱨᱮᱭᱟᱜ ᱴᱷᱟᱶ ᱫᱚ ᱟᱹᱰᱤ ᱜᱮ ᱥᱴᱨᱮᱥᱯᱷᱩᱞ ᱟᱨ ᱞᱟᱹᱠᱛᱤᱜ ᱴᱷᱟᱶ ᱞᱮᱠᱟᱛᱮ ᱧᱮᱞᱚᱜ ᱠᱟᱱᱟ᱾ ᱞᱟᱹᱭ ᱟᱠᱟᱱᱟ ᱡᱮ "᱒᱐ ᱜᱷᱚᱱᱴᱟ ᱠᱟᱹᱢᱤ ᱫᱚ ᱥᱟᱢᱟᱱᱭᱟ ᱜᱮᱭᱟ"᱾ ᱛᱤᱱᱟᱹᱜ ᱰᱟᱭᱨᱮᱠᱴᱟᱨ ᱠᱚᱫᱚ ᱮᱴᱟᱜ ᱵᱷᱩᱢᱤᱠᱟ ᱦᱚᱸ ᱠᱚ ᱦᱟᱛᱟᱣᱮᱫᱟ, ᱡᱮᱞᱠᱟ ᱯᱨᱳᱰᱩᱥᱤᱝ, ᱚᱞ ᱥᱮ ᱮᱰᱤᱴᱤᱝ᱾
ᱭᱩᱨᱳᱯᱤᱭᱟᱱ ᱡᱚᱜᱽ ᱨᱟᱡᱽᱭᱚ ᱨᱮᱭᱟᱜ ᱠᱟᱹᱱᱩᱱ ᱨᱮ, ᱯᱷᱤᱞᱢ ᱰᱟᱭᱨᱮᱠᱴᱟᱨ ᱫᱚ ᱯᱷᱤᱞᱢ ᱨᱮᱭᱟᱜ "ᱚᱞ ᱦᱚᱲ" ᱥᱮ ᱢᱤᱫ ᱚᱞ ᱦᱚᱲ ᱞᱮᱠᱟᱛᱮ ᱧᱮᱞᱚᱜ ᱠᱟᱱᱟᱭ, ᱡᱟᱦᱟᱸ ᱫᱚ ᱢᱟᱨᱟᱝ ᱞᱮᱠᱟᱛᱮ ᱚᱴᱟᱨ ᱛᱷᱤᱭᱚᱨᱤ (auteur theory) ᱨᱮᱭᱟᱜ ᱯᱚᱨᱵᱷᱟᱣ ᱛᱮ ᱦᱩᱭ ᱟᱠᱟᱱᱟ᱾ ᱚᱴᱟᱨ ᱛᱷᱤᱭᱚᱨᱤ ᱫᱚ ᱢᱤᱫ ᱯᱷᱤᱞᱢ ᱟᱞᱚᱪᱚᱱᱟ ᱨᱮᱭᱟᱜ ᱠᱚᱱᱥᱮᱯᱴ ᱠᱟᱱᱟ ᱡᱟᱦᱟᱸ ᱫᱚ ᱢᱤᱫ ᱯᱷᱤᱞᱢ ᱰᱟᱭᱨᱮᱠᱴᱟᱨ ᱨᱮᱭᱟᱜ ᱯᱷᱤᱞᱢ ᱫᱚ ᱰᱟᱭᱨᱮᱠᱴᱟᱨ ᱨᱮᱭᱟᱜ ᱯᱚᱨᱥᱚᱱᱟᱞ ᱠᱟᱹᱞᱪᱟᱨᱟᱞ ᱵᱷᱤᱡᱟᱱ ᱮ ᱩᱫᱩᱜ ᱮᱫᱟᱭ, ᱢᱟᱱᱮ ᱩᱱᱤ ᱫᱚ ᱯᱨᱟᱭᱢᱟᱨᱤ "ᱚᱴᱟᱨ" (ᱯᱷᱨᱮᱸᱪ ᱨᱮ "ᱚᱞ ᱦᱚᱲ") ᱞᱮᱠᱟᱭ᱾
ᱠᱟᱹᱢᱤ ᱥᱟᱹᱨᱤ ᱞᱟᱹᱜᱤᱫ ᱰᱟᱦᱟᱨ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱤᱱᱟᱹᱜ ᱯᱷᱤᱞᱢ ᱰᱟᱭᱨᱮᱠᱴᱟᱨ ᱠᱚᱫᱚ ᱥᱠᱨᱮᱱᱨᱟᱭᱴᱟᱨ, ᱯᱷᱤᱞᱢ ᱮᱰᱤᱴᱟᱨ, ᱯᱨᱳᱰᱭᱩᱥᱟᱨ, ᱯᱟᱯᱟᱴᱤᱭᱟᱹ, ᱥᱮ ᱯᱷᱤᱞᱢ ᱠᱨᱤᱴᱤᱠᱥ ᱞᱮᱠᱟ ᱠᱚ ᱮᱦᱚᱵ ᱞᱮᱫᱟ, ᱥᱟᱶᱛᱮ ᱴᱮᱞᱤᱵᱷᱤᱡᱟᱱ ᱟᱨ ᱠᱚᱢᱟᱨᱥᱤᱭᱟᱞ ᱞᱮᱠᱟᱱ ᱥᱟᱢᱟᱱ ᱢᱤᱰᱤᱭᱟ ᱞᱟᱹᱜᱤᱫ ᱦᱚᱸ ᱠᱚ ᱰᱟᱭᱨᱮᱠᱴ ᱞᱮᱫᱟ᱾ ᱛᱤᱱᱟᱹᱜ ᱟᱢᱮᱨᱤᱠᱟᱱ ᱥᱤᱱᱮᱢᱟᱴᱚᱜᱽᱨᱟᱯᱷᱟᱨ ᱠᱚᱫᱚ ᱰᱟᱭᱨᱮᱠᱴᱟᱨ ᱠᱚ ᱵᱮᱱᱟᱣ ᱟᱠᱟᱱᱟ, ᱡᱮᱞᱠᱟ ᱵᱮᱨᱤ ᱥᱚᱱᱮᱱᱯᱷᱮᱞᱰ, ᱡᱟᱦᱟᱸᱭ ᱫᱚ ᱮᱦᱚᱵ ᱨᱮ ᱠᱚᱮᱱ ᱵᱨᱟᱫᱟᱨᱥ ᱨᱮᱱ ᱰᱟᱭᱨᱮᱠᱴᱟᱨ ᱚᱯᱷ ᱯᱷᱚᱴᱚᱜᱽᱨᱟᱯᱷᱤ ᱛᱟᱦᱮᱸ ᱠᱟᱱᱟᱭ; ᱣᱟᱞᱤ ᱯᱷᱤᱥᱴᱟᱨ, ᱡᱟᱦᱟᱸᱭ ᱫᱚ ᱠᱨᱤᱥᱴᱚᱯᱷᱟᱨ ᱱᱚᱞᱟᱱ ᱨᱮᱭᱟᱜ ᱯᱮᱭᱟ ᱵᱮᱴᱢᱮᱱ ᱯᱷᱤᱞᱢ ᱨᱮ ᱥᱤᱱᱮᱢᱟᱴᱚᱜᱽᱨᱟᱯᱷᱟᱨ ᱛᱟᱦᱮᱸ ᱠᱟᱱᱟᱭ, ᱩᱱᱤ ᱫᱚ ᱴᱨᱟᱱᱥᱮᱱᱰᱮᱱᱥ (Transcendence) (᱒᱐᱑᱔) ᱥᱟᱞᱟᱜ ᱟᱡᱼᱟᱜ ᱰᱟᱭᱨᱮᱠᱥᱟᱱ ᱠᱟᱹᱢᱤ ᱮ ᱮᱦᱚᱵ ᱞᱮᱫᱟᱭ᱾ ᱵᱟᱝ ᱥᱟᱹᱨᱤ ᱧᱩᱛᱩᱢ ᱛᱮᱦᱚᱸ, ᱟᱥᱤᱥᱴᱮᱱᱴ ᱰᱟᱭᱨᱮᱠᱴᱟᱨ ᱫᱚ ᱯᱩᱨᱟᱹ ᱟᱹᱞᱟᱹᱜ ᱠᱟᱹᱢᱤ ᱰᱟᱦᱟᱨ ᱵᱮᱱᱟᱣ ᱟᱠᱟᱱᱟ ᱟᱨ ᱥᱟᱢᱟᱱᱭᱟ ᱞᱮᱠᱟᱛᱮ ᱰᱟᱭᱨᱮᱠᱴᱟᱨ ᱵᱮᱱᱟᱣ ᱞᱟᱹᱜᱤᱫ ᱦᱚᱲ ᱠᱚ ᱞᱟᱹᱜᱤᱫ ᱫᱚ ᱵᱟᱝ ᱠᱟᱱᱟ, ᱢᱮᱱᱠᱷᱟᱱ ᱛᱤᱱᱟᱹᱜ ᱫᱤᱥᱚᱢ ᱨᱮ ᱵᱷᱤᱱᱟᱹᱣ ᱦᱚᱸ ᱢᱮᱱᱟᱜᱼᱟ ᱡᱮᱞᱠᱟ ᱵᱷᱟᱨᱚᱛ ᱨᱮ ᱟᱥᱤᱥᱴᱮᱱᱴ ᱰᱟᱭᱨᱮᱠᱴᱟᱨ ᱠᱚᱫᱚ ᱥᱟᱹᱨᱤ ᱜᱮ ᱰᱟᱭᱨᱮᱠᱴᱚᱨᱼᱤᱱᱼᱴᱨᱮᱱᱤᱝ ᱠᱚ ᱛᱟᱦᱮᱱ ᱠᱟᱱᱟ᱾
ᱯᱟᱲᱦᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱹᱲᱛᱤ ᱯᱷᱤᱞᱢ ᱰᱟᱭᱨᱮᱠᱴᱟᱨ ᱠᱚᱫᱚ ᱯᱷᱤᱞᱢ ᱥᱮ ᱥᱤᱱᱮᱢᱟ ᱯᱟᱲᱦᱟᱣ ᱞᱟᱹᱜᱤᱫ ᱢᱤᱫ ᱵᱮᱪᱟᱞᱚᱨ ᱰᱤᱜᱽᱨᱤ ᱧᱟᱢ ᱞᱟᱹᱜᱤᱫ ᱯᱷᱤᱞᱢ ᱤᱥᱠᱩᱞ ᱠᱚ ᱥᱮᱱ ᱟᱠᱟᱱᱟ᱾ ᱯᱷᱤᱞᱢ ᱤᱥᱴᱩᱰᱮᱱᱴ ᱠᱚᱫᱚ ᱥᱟᱢᱟᱱᱭᱟ ᱞᱮᱠᱟᱛᱮ ᱯᱷᱤᱞᱢ ᱵᱮᱱᱟᱣ ᱨᱮ ᱵᱮᱵᱷᱟᱨᱚᱜ ᱠᱟᱱ ᱵᱮᱥᱤᱠ ᱦᱩᱱᱟᱹᱨ ᱠᱚ ᱠᱚ ᱯᱟᱲᱦᱟᱣᱮᱫᱟ᱾ ᱱᱚᱶᱟ ᱨᱮ ᱫᱚ, ᱡᱮᱞᱠᱟ ᱥᱟᱯᱲᱟᱣ, ᱥᱚᱴ ᱞᱤᱥᱴ ᱟᱨ ᱥᱴᱚᱨᱤᱵᱚᱨᱰ, ᱵᱞᱚᱠᱤᱝ, ᱯᱮᱥᱟᱜᱟᱨ ᱯᱟᱯᱟᱴᱤᱭᱟᱹ ᱠᱚ ᱥᱟᱞᱟᱜ ᱯᱷᱚᱱ ᱫᱩᱲᱩᱵ, ᱠᱨᱩ ᱥᱟᱞᱟᱜ ᱯᱷᱚᱱ ᱫᱩᱲᱩᱵ, ᱟᱨ ᱥᱠᱨᱤᱯᱴ ᱯᱟᱲᱦᱟᱣ ᱥᱮᱞᱮᱫ ᱢᱮᱱᱟᱜᱼᱟ᱾ ᱛᱤᱱᱟᱹᱜ ᱯᱷᱤᱞᱢ ᱤᱥᱠᱩᱞ ᱠᱚᱫᱚ ᱥᱟᱣᱩᱱᱰ ᱥᱴᱮᱡᱽ ᱟᱨ ᱯᱚᱥᱴᱼᱯᱨᱳᱰᱟᱠᱥᱟᱱ ᱥᱩᱵᱷᱤᱫᱟ ᱠᱚ ᱥᱟᱞᱟᱜ ᱢᱮᱱᱟᱜᱼᱟ᱾ ᱵᱮᱥᱤᱠ ᱴᱮᱠᱱᱤᱠᱟᱞ ᱟᱨ ᱞᱚᱡᱤᱥᱴᱤᱠᱟᱞ ᱦᱩᱱᱟᱹᱨ ᱵᱟᱫᱽ, ᱤᱥᱴᱩᱰᱮᱱᱴ ᱠᱚᱫᱚ ᱯᱷᱤᱞᱢ ᱯᱨᱳᱰᱟᱠᱥᱟᱱ ᱨᱮ ᱦᱩᱭᱩᱜ ᱠᱟᱱ ᱯᱮᱥᱟᱜᱟᱨ ᱡᱚᱲᱟᱣ ᱠᱚ ᱨᱮᱭᱟᱜ ᱥᱮᱪᱮᱫ ᱦᱚᱸ ᱠᱚ ᱧᱟᱢᱮᱫᱟ᱾ ᱢᱤᱫ ᱯᱩᱨᱟᱹ ᱰᱤᱜᱽᱨᱤ ᱠᱚᱨᱥ ᱫᱚ ᱯᱟᱲᱦᱟᱣ ᱨᱮᱭᱟᱜ ᱯᱟᱪ ᱥᱮᱨᱢᱟ ᱫᱷᱟᱹᱵᱤᱡ ᱦᱩᱭ ᱫᱟᱲᱮᱭᱟᱜᱼᱟ᱾ ᱵᱷᱟᱹᱵᱤ ᱰᱟᱭᱨᱮᱠᱴᱟᱨ ᱠᱚᱫᱚ ᱥᱟᱢᱟᱱᱭᱟ ᱞᱮᱠᱟᱛᱮ ᱟᱠᱚᱣᱟᱜ ᱮᱱᱨᱚᱞᱢᱮᱱᱴ ᱥᱚᱢᱚᱭ ᱨᱮ ᱦᱩᱰᱤᱧ ᱯᱷᱤᱞᱢ ᱠᱚ ᱠᱚ ᱢᱩᱪᱟᱹᱫ ᱮᱫᱟ᱾ ᱰᱮᱱᱢᱟᱨᱠ ᱨᱮᱭᱟᱜ ᱱᱮᱥᱚᱱᱟᱞ ᱯᱷᱤᱞᱢ ᱤᱥᱠᱩᱞ ᱫᱚ ᱤᱥᱴᱩᱰᱮᱱᱴ ᱠᱚᱣᱟᱜ ᱯᱷᱟᱭᱱᱟᱞ ᱯᱨᱚᱡᱮᱠᱴ ᱫᱚ ᱱᱮᱥᱚᱱᱟᱞ ᱴᱤᱵᱷᱤ ᱨᱮ ᱠᱚ ᱩᱫᱩᱜ ᱮᱫᱟᱭ᱾ ᱛᱤᱱᱟᱹᱜ ᱯᱷᱤᱞᱢ ᱤᱥᱠᱩᱞ ᱠᱚᱫᱚ ᱟᱠᱚ ᱨᱮᱱ ᱤᱥᱴᱩᱰᱮᱱᱴ ᱠᱚᱣᱟᱜ ᱠᱟᱹᱢᱤ ᱞᱟᱹᱜᱤᱫ ᱨᱟᱭᱤᱴᱥ ᱠᱚ ᱫᱚᱦᱚᱭᱮᱫᱟ᱾ ᱵᱟᱹᱲᱛᱤ ᱰᱟᱭᱨᱮᱠᱴᱟᱨ ᱠᱚᱫᱚ ᱴᱮᱞᱤᱵᱷᱤᱡᱟᱱ ᱨᱮ ᱠᱟᱹᱢᱤ ᱠᱟᱛᱮᱫ ᱯᱷᱤᱪᱟᱹᱨ ᱯᱷᱤᱞᱢ ᱵᱮᱱᱟᱣ ᱞᱟᱹᱜᱤᱫ ᱵᱷᱟᱹᱜᱤ ᱠᱚ ᱥᱟᱯᱲᱟᱣ ᱟᱠᱟᱱᱟ᱾ ᱡᱟᱨᱢᱟᱱ ᱯᱷᱤᱞᱢ ᱟᱨ ᱴᱮᱞᱤᱵᱷᱤᱡᱟᱱ ᱮᱠᱟᱰᱮᱢᱤ ᱵᱟᱨᱞᱤᱱ ᱫᱚ ᱚᱱᱟᱛᱮ ᱵᱟᱨᱞᱤᱱ/ᱵᱨᱟᱱᱰᱮᱱᱵᱟᱨᱜ ᱴᱤᱵᱷᱤ ᱤᱥᱴᱮᱥᱚᱱ RBB (Berlin-Brandenburg Broadcasting) ᱟᱨ ARTE ᱥᱟᱞᱟᱜ ᱮ ᱥᱚᱦᱮᱞᱤᱭᱟᱹ ᱠᱟᱱᱟ᱾
ᱜᱮᱞ ᱥᱮᱨᱢᱟ ᱢᱟᱲᱟᱝ ᱨᱮ ᱟᱢᱮᱨᱤᱠᱟᱱ ᱰᱟᱭᱨᱮᱠᱴᱟᱨ ᱠᱚᱫᱚ ᱡᱚᱛᱚ ᱠᱷᱚᱱ ᱵᱟᱹᱲᱛᱤ USC, UCLA, AFI, Columbia University, ᱟᱨ NYU ᱠᱷᱚᱱ ᱠᱚ ᱦᱤᱡᱩᱜ ᱠᱟᱱᱟ, ᱡᱚᱛᱚ ᱠᱷᱚᱱ ᱢᱤᱫ ᱯᱷᱤᱞᱢ ᱵᱮᱱᱟᱣ ᱨᱮᱭᱟᱜ ᱠᱷᱟᱥ ᱥᱴᱟᱭᱤᱞ ᱵᱮᱱᱟᱣ ᱞᱟᱹᱜᱤᱫ ᱠᱚ ᱵᱟᱰᱟᱭᱚᱜ ᱠᱟᱱᱟ᱾
ᱢᱟᱱᱚᱛ (Compensation)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱤᱞᱢ ᱰᱟᱭᱨᱮᱠᱴᱟᱨ ᱠᱚᱫᱚ ᱥᱟᱢᱟᱱᱭᱟ ᱞᱮᱠᱟᱛᱮ ᱥᱮᱞᱯᱷᱼᱮᱢᱯᱞᱚᱭᱤᱰ ᱠᱚ ᱛᱟᱦᱮᱱᱟ ᱟᱨ ᱨᱮᱠᱚᱢᱮᱱᱰᱮᱥᱚᱱ ᱟᱨ ᱤᱱᱰᱟᱥᱴᱨᱤ ᱨᱮᱭᱟᱜ ᱧᱩᱛᱩᱢ ᱩᱯᱚᱨ ᱮ ᱰᱤᱯᱮᱱᱰ ᱠᱟᱛᱮᱫ ᱯᱨᱚᱡᱮᱠᱴ ᱞᱮᱠᱟᱛᱮ ᱠᱚ ᱦᱟᱭᱟᱨᱚᱜᱼᱟ᱾ ᱢᱟᱱᱚᱛ ᱫᱚ ᱯᱨᱚᱡᱮᱠᱴ ᱞᱟᱹᱜᱤᱫ ᱢᱤᱫ ᱯᱷᱞᱮᱴ ᱯᱷᱤᱥ, ᱥᱟᱯᱛᱟᱦᱤᱠ ᱥᱮᱞᱟᱨᱤ, ᱥᱮ ᱫᱤᱱ ᱨᱮᱭᱟᱜ ᱨᱮᱴ ᱞᱮᱠᱟᱛᱮ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ᱾
᱒᱐᱑᱑ ᱨᱮ, ᱛᱤᱱᱟᱹᱜ ᱴᱚᱯ ᱦᱚᱞᱤᱣᱩᱰ ᱰᱟᱭᱨᱮᱠᱴᱟᱨ ᱠᱚᱫᱚ $᱑᱓᱓.᱓ ᱢᱤᱞᱤᱭᱚᱱ ᱠᱷᱚᱱ $᱒᱕᱗.᱙᱕ ᱢᱤᱞᱤᱭᱚᱱ ᱫᱷᱟᱹᱵᱤᱡ ᱠᱚ ᱠᱟᱢᱟᱣ ᱞᱮᱫᱟ, ᱡᱮᱞᱠᱟ ᱡᱮᱢᱥ ᱠᱮᱢᱨᱚᱱ ᱟᱨ ᱤᱥᱴᱤᱵᱷᱮᱱ ᱥᱯᱤᱞᱵᱟᱨᱜ, ᱢᱮᱱᱠᱷᱟᱱ ᱟᱢᱮᱨᱤᱠᱟ ᱡᱚᱜᱽ ᱨᱟᱡᱽᱭᱚ ᱨᱮᱱ ᱥᱟᱢᱟᱱᱭᱟ ᱯᱷᱤᱞᱢ ᱰᱟᱭᱨᱮᱠᱴᱟᱨ ᱟᱨ ᱯᱨᱳᱰᱭᱩᱥᱟᱨ ᱠᱚᱫᱚ ᱒᱐᱑᱘ ᱨᱮ $᱘᱙,᱘᱔᱐ ᱠᱚ ᱵᱮᱱᱟᱣ ᱞᱮᱫᱟ᱾ ᱢᱤᱫ ᱱᱟᱣᱟ ᱦᱚᱞᱤᱣᱩᱰ ᱰᱟᱭᱨᱮᱠᱴᱟᱨ ᱫᱚ ᱟᱡᱼᱟᱜ ᱯᱟᱦᱤᱞ ᱤᱥᱴᱩᱰᱤᱭᱳ ᱯᱷᱤᱞᱢ ᱰᱟᱭᱨᱮᱠᱴ ᱞᱟᱹᱜᱤᱫ ᱥᱟᱢᱟᱱᱭᱟ ᱞᱮᱠᱟᱛᱮ $᱔᱐᱐,᱐᱐᱐ ᱜᱟᱱ ᱮ ᱧᱟᱢᱟ᱾
ᱤᱝᱞᱮᱸᱰ ᱨᱮ ᱥᱟᱢᱟᱱᱭᱟ ᱥᱟᱞᱟᱱᱟ ᱥᱮᱞᱟᱨᱤ ᱫᱚ £᱕᱐,᱔᱔᱐, ᱠᱮᱱᱟᱰᱟ ᱨᱮ $᱖᱒,᱔᱐᱘, ᱟᱨ ᱣᱮᱥᱴᱟᱨᱱ ᱳᱥᱴᱨᱮᱞᱤᱭᱟ ᱨᱮ $᱗᱕,᱒᱓᱐ ᱠᱷᱚᱱ $᱙᱗,᱑᱑᱙ ᱫᱷᱟᱹᱵᱤᱡ ᱦᱩᱭ ᱫᱟᱲᱮᱭᱟᱜᱼᱟ᱾ ᱯᱷᱨᱟᱱᱥ ᱨᱮ, ᱥᱟᱢᱟᱱᱭᱟ ᱥᱮᱞᱟᱨᱤ ᱫᱚ ᱯᱨᱚᱡᱮᱠᱴ ᱞᱮᱠᱟᱛᱮ ᱢᱟᱦᱤᱱᱟ ᱨᱮ €᱔᱐᱐᱐ ᱠᱟᱱᱟ᱾ ᱞᱩᱠ ᱵᱮᱥᱚᱱ ᱫᱚ ᱒᱐᱑᱗ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱢᱩᱞᱩᱭ ᱧᱟᱢ ᱟᱠᱟᱫ ᱯᱷᱨᱮᱸᱪ ᱰᱟᱭᱨᱮᱠᱴᱟᱨ ᱛᱟᱦᱮᱸ ᱠᱟᱱᱟᱭ, Valerian and the City of a Thousand Planets ᱞᱟᱹᱜᱤᱫ €᱔.᱔᱔ ᱢᱤᱞᱤᱭᱚᱱ ᱮ ᱵᱮᱱᱟᱣ ᱞᱮᱫᱟ᱾ ᱚᱱᱟ ᱜᱮ ᱥᱮᱨᱢᱟ, ᱴᱚᱯ ᱜᱮᱞ ᱯᱷᱨᱮᱸᱪ ᱰᱟᱭᱨᱮᱠᱴᱟᱨ ᱠᱚᱣᱟᱜ ᱥᱮᱞᱟᱨᱤ ᱫᱚ ᱯᱷᱨᱟᱱᱥ ᱨᱮᱭᱟᱜ ᱯᱩᱨᱟᱹ ᱰᱟᱭᱨᱮᱠᱴᱟᱨ ᱠᱚᱣᱟᱜ ᱥᱮᱞᱟᱨᱤ ᱨᱮᱭᱟᱜ ᱔᱒% ᱛᱟᱦᱮᱸ ᱠᱟᱱᱟ᱾
ᱡᱟᱯᱟᱱ ᱨᱮᱱ ᱯᱷᱤᱞᱢ ᱰᱟᱭᱨᱮᱠᱴᱟᱨ ᱠᱚᱫᱚ ᱥᱟᱞᱟᱱᱟ ᱞᱮᱠᱟᱛᱮ ¥᱔ ᱢᱤᱞᱤᱭᱚᱱ ᱠᱷᱚᱱ ¥᱑᱐ ᱢᱤᱞᱤᱭᱚᱱ ᱫᱷᱟᱹᱵᱤᱡ ᱠᱚ ᱧᱟᱢᱮᱫᱟ, ᱟᱨ ᱡᱟᱯᱟᱱ ᱨᱮᱭᱟᱜ ᱰᱟᱭᱨᱮᱠᱴᱟᱨ ᱜᱤᱞᱰ ᱫᱚ ¥᱓.᱕ ᱢᱤᱞᱤᱭᱚᱱ ᱨᱮᱭᱟᱜ ᱠᱚᱢ ᱠᱷᱚᱱ ᱠᱚᱢ ᱢᱩᱞᱩᱭ ᱮ ᱞᱟᱹᱠᱛᱤᱜᱼᱟ᱾ ᱠᱚᱨᱤᱭᱟᱱ ᱰᱟᱭᱨᱮᱠᱴᱟᱨ ᱠᱚᱫᱚ ᱢᱤᱫ ᱯᱷᱤᱞᱢ ᱞᱟᱹᱜᱤᱫ ᱓᱐᱐ ᱢᱤᱞᱤᱭᱚᱱ ᱠᱷᱚᱱ ᱕᱐᱐ ᱢᱤᱞᱤᱭᱚᱱ ᱣᱚᱱ ᱠᱚ ᱵᱮᱱᱟᱣᱮᱫᱟ, ᱟᱨ ᱮᱦᱚᱵ ᱰᱟᱭᱨᱮᱠᱴᱟᱨ ᱠᱚᱫᱚ ᱕᱐ ᱢᱤᱞᱤᱭᱚᱱ ᱣᱚᱱ ᱜᱟᱱ ᱠᱚ ᱮᱦᱚᱵ ᱮᱫᱟ᱾ ᱢᱤᱫ ᱠᱚᱨᱤᱭᱟᱱ ᱰᱟᱭᱨᱮᱠᱴᱟᱨ ᱡᱟᱦᱟᱸᱭ ᱫᱚ ᱪᱟᱭᱱᱤᱡᱽ ᱵᱟᱡᱟᱨ ᱨᱮᱭ ᱥᱮᱱᱚᱜᱼᱟ ᱩᱱᱤ ᱫᱚ ᱢᱤᱫ ᱯᱷᱤᱞᱢ ᱞᱟᱹᱜᱤᱫ ᱑ ᱵᱤᱞᱤᱭᱚᱱ ᱣᱚᱱ ᱮ ᱵᱮᱱᱟᱣ ᱫᱟᱲᱮᱭᱟᱜᱼᱟ᱾
ᱡᱟᱹᱛᱤ ᱟᱨ ᱠᱟᱹᱢᱤ ᱨᱮ ᱵᱷᱤᱱᱟᱹᱣ (Gender disparities)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱘ ᱨᱮᱭᱟᱜ ᱭᱩᱱᱮᱥᱠᱚ ᱨᱮᱭᱟᱜ ᱨᱤᱯᱚᱴ ᱞᱮᱠᱟᱛᱮ, ᱯᱩᱨᱟᱹ ᱫᱷᱟᱹᱨᱛᱤ ᱨᱮᱭᱟᱜ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮ ᱛᱤᱨᱞᱟᱹ ᱰᱟᱭᱨᱮᱠᱴᱟᱨ ᱠᱚ ᱠᱷᱚᱱ ᱯᱩᱸᱰ ᱰᱟᱭᱨᱮᱠᱴᱟᱨ ᱠᱚᱣᱟᱜ ᱜᱟᱱᱛᱮ ᱵᱟᱹᱲᱛᱤ ᱢᱮᱱᱟᱜᱼᱟ, ᱟᱨ ᱩᱱᱠᱩ ᱫᱚ ᱢᱤᱫ ᱩᱫᱟᱦᱚᱨᱚᱱ ᱞᱮᱠᱟᱛᱮ ᱮᱢᱟᱠᱟᱫᱟ ᱡᱮ ᱭᱩᱨᱳᱯ ᱨᱮᱭᱟᱜ ᱯᱷᱤᱞᱢ ᱠᱚ ᱨᱮᱭᱟᱜ ᱒᱐% ᱜᱮ ᱛᱤᱨᱞᱟᱹ ᱠᱚ ᱰᱟᱭᱨᱮᱠᱴ ᱮᱫᱟ᱾ ᱭᱩᱨᱳᱯ ᱨᱮᱱ ᱛᱤᱱᱟᱹᱜ ᱯᱷᱤᱞᱢ ᱤᱥᱠᱩᱞ ᱠᱚ ᱠᱷᱚᱱ ᱯᱟᱥ ᱟᱠᱟᱱ ᱠᱚ ᱨᱮᱭᱟᱜ ᱔᱔% ᱫᱚ ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ, ᱛᱚᱵᱮ ᱭᱩᱨᱳᱯ ᱨᱮ ᱠᱟᱹᱢᱤᱭᱮᱫ ᱯᱷᱤᱞᱢ ᱰᱟᱭᱨᱮᱠᱴᱟᱨ ᱠᱚ ᱨᱮᱭᱟᱜ ᱒᱔% ᱜᱮ ᱛᱤᱨᱞᱟᱹ ᱠᱚ ᱢᱮᱱᱟᱜ ᱠᱚᱣᱟ᱾ ᱛᱚᱵᱮ ᱯᱷᱤᱞᱢ ᱤᱥᱠᱩᱞ ᱠᱷᱚᱱ ᱯᱟᱥ ᱟᱠᱟᱱ ᱠᱚ ᱨᱮᱭᱟᱜ ᱢᱤᱫ ᱦᱩᱰᱤᱧ ᱵᱷᱟᱜ ᱜᱮ ᱰᱟᱭᱨᱮᱠᱴ ᱨᱮᱭᱟᱜ ᱠᱚ ᱠᱷᱚᱡᱽᱚᱜᱼᱟ ᱟᱨ ᱵᱟᱹᱲᱛᱤ ᱫᱚ ᱤᱱᱰᱟᱥᱴᱨᱤ ᱨᱮ ᱮᱴᱟᱜ ᱵᱷᱩᱢᱤᱠᱟ ᱨᱮ ᱠᱚ ᱵᱚᱞᱚᱱ ᱠᱟᱱᱟ᱾ ᱦᱚᱞᱤᱣᱩᱰ ᱨᱮ, ᱛᱤᱨᱞᱟᱹ ᱠᱚᱫᱚ ᱯᱷᱤᱞᱢ ᱰᱟᱭᱨᱮᱠᱴᱟᱨ ᱠᱚ ᱨᱮᱭᱟᱜ ᱑᱒.᱖% ᱜᱮ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱫᱚ UCLA ᱨᱮᱭᱟᱜ ᱒᱐᱑᱗ ᱨᱮᱭᱟᱜ ᱒᱐᱐ ᱴᱚᱯ ᱛᱷᱤᱭᱮᱴᱨᱤᱠᱟᱞ ᱯᱷᱤᱞᱢ ᱨᱮᱭᱟᱜ ᱥᱴᱳᱰᱤ ᱛᱮ ᱞᱟᱹᱭ ᱟᱠᱟᱱᱟ, ᱢᱮᱱᱠᱷᱟᱱ ᱱᱚᱶᱟ ᱜᱟᱱᱛᱮ ᱫᱚ ᱒᱐᱑᱖ ᱨᱮᱭᱟᱜ ᱖.᱙% ᱠᱷᱚᱱ ᱢᱟᱨᱟᱝ ᱵᱟᱹᱲᱛᱤ ᱠᱟᱱᱟ᱾ ᱒᱐᱑᱔ ᱨᱮ, ᱡᱟᱯᱟᱱ ᱨᱮᱭᱟᱜ ᱰᱟᱭᱨᱮᱠᱴᱟᱨ ᱜᱤᱞᱰ ᱨᱮ ᱕᱕᱐ ᱜᱚᱴᱟᱝ ᱢᱮᱢᱵᱚᱨ ᱠᱚ ᱢᱩᱫ ᱨᱮ ᱒᱐ ᱜᱚᱴᱟᱝ ᱜᱮ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ᱾ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱰᱟᱭᱨᱮᱠᱴᱟᱨ ᱠᱚᱦᱚᱸ ᱛᱤᱨᱞᱟᱹ ᱠᱚ ᱛᱟᱞᱟ ᱨᱮ ᱟᱹᱰᱤ ᱠᱚᱢ ᱢᱮᱱᱟᱜ ᱠᱚᱣᱟ, ᱮᱴᱟᱜ ᱫᱤᱥᱚᱢ ᱠᱚ ᱥᱟᱞᱟᱜ ᱦᱚᱸ ᱠᱚᱢ ᱜᱮᱭᱟ, ᱢᱮᱱᱠᱷᱟᱱ ᱱᱟᱦᱟᱜ ᱫᱷᱟᱣ ᱵᱷᱟᱨᱚᱛ ᱨᱮ ᱛᱤᱨᱞᱟᱹ ᱰᱟᱭᱨᱮᱠᱴᱟᱨ ᱠᱚ ᱩᱯᱚᱨ ᱵᱟᱹᱲᱛᱤ ᱫᱷᱮᱭᱟᱱ ᱮᱢᱚᱜ ᱨᱮᱭᱟᱜ ᱢᱤᱫ ᱴᱨᱮᱱᱰ ᱦᱩᱭ ᱟᱠᱟᱱᱟ, ᱡᱟᱦᱟᱸ ᱫᱚ ᱛᱤᱱᱟᱹᱜ ᱜᱟᱱ ᱫᱚ ᱟᱢᱮᱡᱚᱱ (Amazon)ᱟᱨ ᱱᱮᱴᱯᱷᱞᱤᱠᱥ (ᱱᱮᱴᱯᱷᱞᱤᱠᱥ (Netflix)) ᱨᱮᱭᱟᱜ ᱤᱱᱰᱟᱥᱴᱨᱤ ᱨᱮ ᱵᱚᱞᱚᱱ ᱛᱮ ᱦᱩᱭ ᱟᱠᱟᱱᱟ᱾ ᱱᱚᱞᱤᱣᱩᱰ ᱨᱮ ᱵᱮᱱᱟᱣ ᱟᱠᱟᱱ ᱯᱷᱤᱞᱢ ᱠᱚ ᱨᱮᱭᱟᱜ ᱒% ᱜᱮ ᱛᱤᱨᱞᱟᱹ ᱠᱚ ᱰᱟᱭᱨᱮᱠᱴ ᱮᱫᱟ᱾
ᱢᱟᱱᱚᱛ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱤᱞᱢ ᱰᱟᱭᱨᱮᱠᱴᱤᱝ ᱞᱟᱹᱜᱤᱫ ᱵᱷᱤᱱᱟᱹᱣᱼᱵᱷᱤᱱᱟᱹᱣ ᱢᱟᱱᱚᱛ ᱠᱚ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱵᱷᱤᱱᱟᱹᱣᱼᱵᱷᱤᱱᱟᱹᱣ ᱮᱠᱟᱰᱮᱢᱤ, ᱟᱞᱚᱪᱚᱠ ᱜᱟᱶᱛᱟ, ᱯᱷᱤᱞᱢ ᱯᱷᱮᱥᱴᱤᱵᱷᱟᱞ, ᱟᱨ ᱜᱤᱞᱰ ᱠᱚ ᱛᱮ ᱪᱟᱞᱟᱜ ᱠᱟᱱᱟ᱾ 'Academy Award for Best Director' ᱟᱨ 'Cannes Film Festival Award for Best Director' ᱫᱚ ᱰᱟᱭᱨᱮᱠᱴᱤᱝ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱯᱨᱮᱥᱴᱤᱡᱤᱭᱚᱥ ᱢᱟᱱᱚᱛ ᱠᱚ ᱢᱩᱫ ᱨᱮ ᱠᱚ ᱧᱮᱞᱚᱜ ᱠᱟᱱᱟ, ᱟᱨ 'Golden Raspberry Awards' ᱥᱚᱢᱚᱭ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱤᱡ ᱰᱟᱭᱨᱮᱠᱴᱤᱝ ᱞᱟᱹᱜᱤᱫ ᱦᱚᱸ ᱢᱤᱫ ᱢᱟᱱᱚᱛ ᱮᱢᱚᱜ ᱦᱩᱭᱩᱜᱼᱟ᱾
ᱱᱚᱶᱟ ᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱤᱞᱢ ᱨᱮᱭᱟᱜ ᱚᱩᱴᱞᱟᱭᱤᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱤᱞᱢ ᱰᱟᱭᱨᱮᱠᱴᱤᱝ ᱞᱟᱹᱜᱤᱫ ᱭᱩᱱᱤᱭᱚᱱ ᱠᱚ ᱨᱮᱭᱟᱜ ᱞᱤᱥᱴ (List of unions for film directing)
ᱮᱞᱟᱱ ᱥᱢᱤᱛᱷᱤ (Alan Smithee - ᱟᱱᱚᱱᱤᱢᱚᱥ ᱰᱟᱭᱨᱮᱠᱴᱟᱨ ᱠᱚ ᱞᱟᱹᱜᱤᱫ ᱯᱥᱭᱩᱰᱚᱱᱤᱢ)