ᱫᱤᱨᱜᱷᱚᱛᱚᱢᱚᱥ
ᱫᱤᱨᱜᱷᱚᱛᱚᱢᱚᱥ (ᱥᱚᱸᱥᱠᱨᱩᱛ: दीर्घतमस्, ᱨᱚᱢᱟᱱ: Dīrghatamas) ᱫᱚ ᱢᱤᱫ ᱢᱟᱨᱮᱱ ᱥᱤᱧᱚᱛᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱨᱤᱜᱽᱵᱮᱫᱟ ᱨᱮ ᱟᱡᱟᱜ ᱫᱤᱥᱟᱹ ᱩᱜᱫᱩᱜ ᱚᱱᱚᱬᱦᱮᱸ ᱞᱟᱹᱜᱤᱫ ᱵᱮᱥᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱱ ᱾ ᱩᱱᱤ ᱫᱚ ᱨᱤᱜᱽᱵᱮᱫᱟ ᱨᱮᱱᱟᱜ ᱯᱩᱭᱞᱩ ᱢᱚᱱᱰᱚᱞ (ᱠᱷᱚᱸᱰ) ᱨᱮ ᱑᱔᱐ ᱠᱷᱚᱱ ᱑᱖᱔ ᱫᱷᱟᱹᱵᱤᱡ ᱥᱩᱠᱛᱚ (ᱚᱱᱚᱬᱦᱮᱸ) ᱨᱤᱱᱤᱡ ᱚᱱᱚᱞᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾[᱑]
| ᱫᱤᱨᱜᱷᱚᱛᱚᱢᱚᱥ | |
|---|---|
| Information | |
| ᱜᱷᱟᱨᱚᱸᱡᱽ | ᱩᱛᱚᱛᱷᱭᱚ (ᱵᱟᱵᱟ), ᱢᱚᱢᱚᱛᱟ (ᱟᱭᱳ), ᱵᱽᱨᱤᱦᱟᱥᱯᱚᱛᱤ (ᱠᱟᱠᱟ), ᱚᱝᱜᱤᱨᱟᱥ (ᱜᱚᱲᱚᱢ ᱦᱟᱲᱟᱢ) |
| ᱡᱩᱨᱤ(ᱠᱚ) | ᱯᱨᱚᱫᱽᱣᱮᱥᱤ |
| ᱜᱤᱫᱽᱨᱟᱹᱠᱚ | ᱜᱚᱣᱛᱚᱢ ᱟᱨ ᱮᱴᱟᱜᱠᱚ (ᱯᱨᱚᱫᱽᱣᱮᱥᱤ), ᱠᱚᱠᱷᱥᱤᱵᱷᱟᱱ ᱟᱨ ᱜᱮᱞ ᱢᱤᱫ ᱦᱚᱯᱚᱱᱠᱚ (ᱥᱩᱫᱽᱨᱚ ᱠᱟᱹᱲᱢᱤ ᱠᱩᱲᱤ) ᱟᱨ ᱚᱝᱜᱚ, ᱵᱷᱚᱝᱜᱚ, ᱠᱚᱞᱤᱝᱜᱚ, ᱯᱩᱱᱰᱨᱚ, ᱠᱩᱢᱵᱷᱚ (ᱥᱩᱫᱮᱥᱱᱟ), ᱚᱰᱨᱚ |
ᱯᱷᱮᱰᱟᱛ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱤᱨᱜᱷᱚᱛᱚᱢᱚᱥ ᱫᱚ ᱚᱝᱜᱤᱨᱚᱥ ᱚᱡᱷᱟ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱚᱡᱷᱟ ᱜᱷᱟᱨᱚᱸᱡᱽ ᱠᱚ ᱢᱩᱫᱽ ᱨᱮ ᱡᱚᱛᱚ ᱠᱷᱚᱱ ᱢᱟᱨᱮ ᱛᱟᱦᱮᱸ ᱠᱟᱱᱟ, ᱟᱨ ᱩᱱᱤ ᱫᱚ ᱚᱡᱷᱟ ᱵᱷᱚᱨᱚᱫᱽᱵᱟᱡᱤᱡ ᱵᱚᱭᱦᱟ ᱞᱮᱠᱟᱛᱮ ᱠᱚ ᱢᱟᱱᱟᱣᱮ ᱠᱟᱱ ᱛᱟᱦᱮᱱ, ᱡᱟᱦᱟᱸᱭ ᱫᱚ ᱨᱤᱜᱽᱵᱮᱫᱟ ᱨᱮᱱᱟᱜ ᱖(ᱛᱩᱨᱩᱭ) ᱮᱞ ᱟᱱᱟᱜ ᱢᱚᱱᱰᱚᱞ ᱨᱤᱱᱤᱡ ᱧᱮᱞᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱫᱤᱨᱜᱷᱚᱛᱚᱢᱚᱥ ᱫᱚ ᱜᱚᱛᱚᱢ ᱜᱷᱟᱨᱚᱸᱡᱽ ᱨᱤᱱᱤᱡ ᱚᱡᱷᱟ ᱠᱚ ᱨᱤᱱᱤᱡ ᱢᱩᱬ ᱢᱟᱨᱮᱱ ᱦᱟᱯᱲᱟᱢ ᱦᱚᱸᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱠᱚᱠᱥᱤᱵᱚᱱ, ᱜᱚᱣᱛᱚᱢ ᱢᱚᱦᱚᱨᱥᱤ, ᱱᱚᱫᱷᱟᱥ ᱟᱨ ᱵᱟᱢᱚᱫᱮᱵᱽ (ᱨᱤᱜᱽᱵᱮᱫᱟ ᱨᱮᱱᱟᱜ ᱔(ᱯᱩᱱ) ᱮᱞ ᱟᱱᱟᱜ ᱢᱚᱱᱰᱚᱞ ᱨᱤᱱᱤᱡ ᱧᱮᱞᱤᱭᱟᱹ) ᱥᱮᱞᱮᱫ ᱢᱮᱱᱟᱜ ᱠᱚᱣᱟ, ᱡᱟᱦᱟᱸᱭ ᱫᱚ ᱫᱤᱨᱜᱷᱚᱛᱚᱢᱚᱥ ᱥᱟᱶ ᱢᱤᱫ ᱥᱟᱶᱛᱮ ᱨᱤᱜᱽᱵᱮᱫᱟ ᱨᱮᱱᱟᱜ ᱑᱐᱐᱐ ᱥᱩᱠᱛᱚ ᱢᱩᱫᱽ ᱨᱮ ᱑᱕᱐ ᱜᱟᱱ ᱞᱮᱠᱟ ᱥᱩᱠᱛᱚᱭ ᱚᱞ ᱟᱠᱟᱫᱼᱟ ᱾ ᱚᱝᱜᱚ, ᱵᱷᱚᱝᱜᱚ, ᱠᱚᱞᱤᱝᱜᱚ, ᱯᱩᱱᱰᱨᱚ ᱟᱨ ᱥᱩᱦᱢᱚ, ᱚᱱᱰᱨᱚ ᱫᱚ ᱵᱟᱞᱤᱭᱤᱡ ᱵᱟᱹᱦᱩ ᱥᱩᱫᱷᱮᱥᱱᱟ ᱴᱷᱮᱱ ᱠᱷᱚᱱ ᱫᱤᱨᱜᱷᱚᱛᱚᱢᱚᱥ ᱦᱚᱛᱮᱛᱮ ᱠᱚᱲᱟ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱚᱱᱚᱞ ᱠᱚ ᱫᱚ ᱟᱭᱢᱟ ᱢᱟᱨᱮᱱ ᱯᱩᱛᱷᱤᱠᱚ ᱨᱮ ᱧᱟᱢᱚᱜᱼᱟ, ᱛᱤᱱᱟᱹᱜ ᱜᱟᱱ ᱫᱚ ᱩᱯᱚᱱᱤᱥᱚᱫᱽ ᱨᱮ ᱦᱚᱸ ᱧᱟᱢᱚᱜᱼᱟ ᱾
ᱩᱱᱤ ᱫᱚ ᱨᱟᱡᱟ ᱵᱷᱚᱨᱚᱛᱤᱡ (ᱚᱭᱤᱛᱟᱨᱮᱭᱟ ᱵᱽᱨᱟᱦᱢᱚᱬ ᱘.᱒᱓) ᱵᱟᱵᱽᱬᱮ ᱥᱮ ᱢᱩᱬ ᱱᱟᱭᱠᱮᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱱᱚᱣᱟ ᱫᱤᱥᱚᱢ ᱨᱤᱱᱤᱡ ᱮᱛᱚᱦᱚᱵᱤᱡ ᱨᱟᱡᱟ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭᱟᱜ ᱧᱩᱛᱩᱢ ᱛᱮ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱧᱩᱛᱩᱢ ᱵᱷᱚᱨᱚᱛ (ᱫᱤᱥᱚᱢ ᱨᱮᱱᱟᱜ ᱟᱹᱨᱤᱪᱟᱹᱞᱤ ᱧᱩᱛᱩᱢ) ᱫᱚᱦᱚ ᱞᱮᱱᱟ ᱾
ᱢᱟᱱᱚᱛ ᱟᱨ ᱞᱟᱹᱠᱛᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱥᱭᱚ ᱵᱟᱢᱚᱥᱭᱚ ᱚᱱᱚᱬᱦᱮᱸ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱤᱨᱜᱷᱚᱛᱚᱢᱚᱥ ᱫᱚ ᱟᱡᱟᱜ ᱵᱤᱨᱚᱫᱷᱟᱵᱷᱟᱥᱤ ᱠᱟᱛᱷᱟ ᱞᱟᱹᱜᱤᱫ ᱧᱩᱛᱩᱢ ᱢᱮᱱᱟᱜᱼᱟ ᱾[᱒] ᱟᱡᱟᱜ ᱵᱟᱠᱷᱮᱬ ᱠᱚ ᱫᱚ ᱵᱩᱡᱷᱟᱹᱣ ᱟᱸᱴ ᱜᱮᱭᱟ: "ᱡᱟᱦᱟᱸᱭ ᱫᱚ ᱪᱮᱛᱟᱱ ᱨᱮᱱᱟᱜ ᱧᱮᱞ ᱛᱮ ᱞᱟᱛᱟᱨ ᱨᱤᱱᱤᱡ ᱵᱟᱵᱟᱭ ᱵᱟᱰᱟᱭ ᱫᱟᱲᱮᱭᱟᱭᱟ, ᱟᱨ ᱡᱟᱦᱟᱸᱭ ᱫᱚ ᱞᱟᱛᱟᱨ ᱨᱮᱱᱟᱜ ᱧᱮᱞ ᱛᱮ ᱪᱮᱛᱟᱱ ᱨᱤᱱᱤᱡ ᱵᱟᱵᱟᱭ ᱵᱟᱰᱟᱭ ᱫᱟᱲᱮᱭᱟᱭᱟ, ᱩᱱᱤ ᱜᱮ ᱚᱱᱚᱬᱦᱤᱭᱟᱹ ᱠᱚ ᱢᱮᱛᱟᱭᱟ ।"
ᱚᱥᱭᱚ ᱵᱟᱢᱚᱥᱭᱚ (ᱨᱤᱜᱽᱵᱮᱫᱟ ᱑.᱑᱖᱔) ᱫᱚ ᱩᱱᱤ ᱚᱡᱷᱟᱣᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱚᱱᱚᱬᱦᱮᱸ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾ ᱮᱛᱚᱦᱚᱵ ᱨᱤᱱᱤᱡ ᱵᱟᱵᱽᱬᱮ ᱠᱚ (ᱡᱮᱞᱮᱠᱟ ᱫᱮᱣᱥᱮᱱ ᱟᱡᱟᱜ 'ᱯᱷᱤᱞᱚᱥᱚᱯᱷᱤ ᱚᱯᱷ ᱫᱟ ᱩᱯᱚᱱᱤᱥᱚᱫᱽᱥ' ᱨᱮ) ᱫᱤᱨᱜᱷᱚᱛᱚᱢᱚᱥᱟᱜ ᱚᱱᱚᱬᱦᱮᱸ ᱠᱚ ᱫᱚ ᱛᱟᱭᱚᱢ ᱚᱠᱛᱚ ᱨᱮᱱᱟᱜ ᱠᱚ ᱞᱟᱹᱭ ᱠᱟᱜ ᱠᱟᱱ ᱛᱟᱦᱮᱱ ᱚᱱᱟ ᱠᱚ ᱨᱮᱱᱟᱜ ᱥᱟᱛᱟᱢ ᱠᱷᱟᱹᱛᱤᱨ, ᱢᱮᱱᱠᱷᱟᱱ ᱱᱚᱣᱟ ᱨᱮᱱᱟᱜ ᱚᱠᱟ ᱦᱚᱸ ᱯᱟᱹᱨᱥᱤᱭᱟᱹᱱᱤᱡ ᱨᱮᱱᱟᱜ ᱥᱟᱹᱵᱩᱛ ᱵᱟᱹᱱᱩᱜᱼᱟ, ᱡᱟᱦᱟᱸ ᱫᱚ ᱱᱤᱛᱚᱜ ᱨᱤᱱᱤᱡ ᱥᱟᱸᱥᱠᱨᱩᱛ ᱯᱚᱸᱰᱮᱛ ᱠᱚ (ᱡᱮᱞᱮᱠᱟ ᱰᱨ. ᱥᱤ. ᱠᱩᱱᱦᱟᱱ ᱨᱟᱡᱟ ᱟᱡᱟᱜ 'ᱚᱥᱭᱚ ᱵᱟᱢᱚᱥᱭᱚ ᱥᱩᱠᱛᱚ' ᱨᱮᱱᱟᱜ ᱛᱚᱨᱡᱚᱢᱟ ᱨᱮ) ᱡᱩᱠᱛᱤ ᱠᱚ ᱮᱢ ᱟᱠᱟᱫᱼᱟ ᱾ ᱮᱛᱚᱦᱚᱵ ᱨᱮ ᱫᱚ ᱯᱟᱪᱮ ᱨᱤᱱᱤᱡ ᱯᱚᱸᱰᱮᱛ ᱠᱚ ᱱᱚᱣᱟ ᱛᱟᱭᱚᱢ ᱚᱠᱛᱚ ᱨᱮᱱᱟᱜ ᱠᱚ ᱢᱚᱱᱮᱭᱮᱫ ᱛᱟᱦᱮᱱᱟ ᱚᱡᱮ ᱫᱚ ᱚᱸᱰᱮ ᱚᱫᱚᱭᱛᱚ ᱵᱤᱪᱟᱹᱨ ᱧᱟᱢ ᱟᱠᱟᱱᱟ ᱾ ᱩᱱᱠᱩ ᱠᱚ ᱢᱚᱱᱮᱭᱮᱫ ᱛᱟᱦᱮᱱ ᱡᱮ ᱮᱛᱚᱦᱚᱵ ᱵᱮᱫᱤᱠ ᱫᱷᱚᱨᱚᱢ ᱫᱚ ᱥᱟᱱᱟᱢᱟᱜ ᱛᱟᱦᱮᱸ ᱠᱟᱱᱟ ᱟᱨ ᱵᱚᱸᱜᱟ ᱨᱮᱱᱟᱜ ᱚᱫᱚᱭᱛᱚ ᱵᱤᱪᱟᱨ ᱫᱚ ᱛᱟᱭᱚᱢ ᱛᱮ ᱩᱯᱚᱱᱤᱥᱚᱫ ᱨᱮ ᱦᱮᱡ ᱞᱮᱱᱟ ᱼ ᱢᱮᱱᱠᱷᱟᱱ ᱫᱤᱨᱜᱷᱚᱛᱚᱢᱚᱥ ᱨᱮᱱᱟᱜ ᱚᱱᱚᱬᱦᱮᱸ (᱑.᱑᱖᱔.᱔᱖) ᱡᱟᱦᱟᱸ ᱫᱚᱭ ᱞᱟᱹᱭᱮᱫᱼᱟ "ᱢᱤᱫ ᱥᱟᱹᱨᱤ ᱜᱮ ᱢᱮᱱᱟᱭᱟ (ᱮᱠᱚᱢ ᱥᱚᱛ) ᱡᱟᱦᱟᱸᱭ ᱫᱚ ᱟᱭᱢᱟ ᱧᱩᱛᱩᱢ ᱛᱮ ᱠᱚ ᱦᱚᱦᱚᱣᱟᱭ ᱠᱟᱱᱟ" ᱱᱚᱣᱟ ᱵᱤᱪᱟᱹᱨ ᱫᱚ ᱮᱲᱮ ᱜᱮᱭᱟ ᱢᱮᱱᱛᱮ ᱧᱟᱢᱮᱱᱟ ᱾
ᱨᱟᱹᱥᱤ ᱪᱟᱠᱟ ᱨᱮᱱᱟᱜ ᱮᱛᱚᱦᱚᱵ ᱥᱟᱵ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱤᱱᱟᱹᱜ ᱜᱟᱱ ᱯᱚᱸᱰᱮᱛ ᱠᱚ ᱞᱟᱹᱭ ᱟᱠᱟᱫ ᱟᱠᱚ ᱡᱮ ᱵᱮᱵᱤᱞᱚᱱᱤᱭᱟ ᱨᱮᱭᱟᱜ ᱠᱚ ᱫᱚ ᱗᱐᱐ ᱤᱥᱟ ᱞᱟᱦᱟ ᱞᱮᱠᱟ ᱓᱖᱐ ᱰᱤᱜᱽᱨᱤ ᱨᱮᱱᱟᱜ ᱨᱟᱹᱥᱤ ᱪᱟᱠᱟ ᱠᱚ ᱵᱮᱱᱟᱣ ᱞᱮᱫᱟ, ᱯᱟᱞᱮ ᱚᱱᱟ ᱠᱷᱚᱱ ᱦᱚᱸ ᱢᱟᱬᱟᱝ, ᱡᱮᱞᱮᱠᱟ ᱨᱤᱜᱽᱵᱮᱫᱟ, ᱡᱚᱛᱚ ᱠᱷᱚᱱ ᱢᱟᱨᱮᱱ ᱵᱮᱫᱤᱠ ᱯᱚᱛᱚᱵ, ᱚᱸᱰᱮ ᱥᱮᱨᱢᱟ ᱨᱮ ᱫᱚᱦᱚᱣᱟᱠᱟᱱ ᱓᱖᱐ ᱠᱟᱴᱟᱣᱟᱜ ᱪᱟᱠᱟ ᱨᱮᱱᱟᱜ ᱥᱟᱯᱷᱟ ᱞᱟᱹᱭ ᱢᱮᱱᱟᱜᱼᱟ ᱾ ᱓᱖᱐ ᱮᱞ ᱟᱱᱟᱜ ᱟᱨ ᱚᱱᱟ ᱥᱟᱶ ᱡᱚᱲᱟᱣᱟᱠᱟᱱ ᱮᱞ ᱠᱚ ᱡᱮᱞᱮᱠᱟ ᱑᱒, ᱒᱔, ᱓᱖, ᱔᱘, ᱖᱐, ᱗᱒, ᱑᱐᱘, ᱔᱓᱒ ᱟᱨ ᱗᱒᱐ ᱫᱚ ᱵᱮᱫᱤᱠ ᱪᱤᱱᱦᱟᱹᱣᱟᱱᱟᱜ ᱠᱚ ᱞᱮᱠᱟᱛᱮ ᱟᱭᱢᱟ ᱫᱷᱟᱣ ᱧᱟᱢᱚᱜᱼᱟ ᱾ ᱱᱚᱣᱟ ᱫᱚ ᱚᱡᱷᱟ ᱫᱤᱨᱜᱷᱚᱛᱚᱢᱚᱥᱟᱜ ᱚᱱᱚᱬᱦᱮᱸ (ᱟᱨᱵᱷᱤ ᱑.᱑᱔᱐ᱼ᱑᱖᱔) ᱨᱮᱱᱟᱜ ᱠᱟᱱᱟ ᱡᱟᱦᱟᱸ ᱨᱮ ᱟᱵᱚ ᱡᱚᱛᱚ ᱠᱷᱚᱱ ᱥᱟᱯᱷᱟ ᱱᱚᱝᱠᱟᱱ ᱥᱮᱞᱮᱫ ᱵᱚᱱ ᱧᱟᱢ ᱫᱟᱲᱮᱭᱟᱜᱼᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Damodar Dharmanand Kosambi (1994). The Culture and Civilisation of Ancient India in Historical Outline. S. Chand. p. 77. ISBN 978-0-7069-8613-6.
- ↑ Gupta, Nolini Kanta. "Seer Poets", p.8