ᱫᱤᱭᱟ ᱥᱩᱡᱟᱱᱱᱟ ᱵᱟᱡᱟᱡᱽ
ᱫᱤᱭᱟ ᱥᱩᱡᱟᱱᱱᱟ ᱵᱟᱡᱟᱡᱽ (ᱡᱟᱱᱟᱢ ᱙ ᱢᱟᱨᱪ ᱑᱙᱙᱔) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱰᱵᱷᱮᱱᱪᱚᱨ ᱥᱯᱳᱨᱴᱥ ᱮᱛᱷᱞᱤᱴ ᱠᱟᱱᱟᱭ᱾ ᱩᱱᱤ ᱕ ᱡᱩᱱ ᱒᱐᱒᱒ ᱨᱮ ᱥᱮᱵᱷᱮᱱ ᱥᱚᱢᱤᱴᱥ ᱮ ᱯᱩᱨᱟᱹᱣ ᱠᱮᱫᱟ᱾
ᱡᱤᱭᱚᱱ ᱠᱟᱹᱦᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱡᱟᱡ ᱫᱚ ᱥᱤᱨᱞᱤ ᱛᱷᱚᱢᱟᱥ ᱵᱟᱡᱟᱡ ᱟᱨ ᱟᱡᱤᱛ ᱵᱟᱡᱟᱡ (ᱵᱷᱟᱨᱚᱛᱤᱭᱚ ᱮᱰᱵᱷᱮᱱᱪᱚᱨ ᱟᱨ ᱯᱚᱫᱽᱢᱚ ᱥᱨᱤ ᱥᱤᱨᱯᱷᱟᱹ ᱧᱟᱢᱤᱭᱟᱹ) ᱨᱤᱱ ᱠᱩᱲᱤ ᱜᱤᱫᱽᱨᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱯᱤ.ᱮ.ᱰᱤ.ᱟᱭ. ᱥᱟᱨᱴᱤᱯᱷᱟᱭᱮᱰ ᱨᱮᱥᱠᱭᱩ ᱰᱟᱭᱵᱷᱟᱨ ᱠᱟᱱᱟᱭ ᱟᱨ ᱩᱱᱤ ᱫᱚ ᱱᱮᱦᱨᱩ ᱤᱱᱥᱴᱤᱴᱭᱩᱴ ᱚᱯᱷ ᱢᱟᱩᱱᱴᱮᱱᱤᱭᱟᱨᱤᱝ ᱠᱷᱚᱱ ᱢᱟᱩᱱᱴᱮᱱᱤᱭᱟᱨᱤᱝ ᱨᱮ ᱮᱰᱵᱷᱟᱱᱥ ᱠᱳᱨᱥ ᱮ ᱯᱩᱨᱟᱹᱣ ᱟᱠᱟᱫᱟ᱾
ᱮᱰᱵᱷᱮᱱᱪᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱗ ᱵᱚᱪᱷᱚᱨ ᱩᱢᱮᱨ ᱨᱮ, ᱵᱟᱡᱟᱡ ᱫᱚ ᱢᱤᱫ ᱕᱕᱐ ᱠᱤᱞᱚᱢᱤᱴᱟᱨ ᱡᱤᱞᱤᱧ ᱠᱨᱚᱥ ᱠᱟᱱᱴᱨᱤ ᱥᱠᱤᱭᱤᱝ ᱮᱠᱥᱯᱮᱰᱤᱥᱚᱱ ᱨᱮ ᱥᱮᱞᱮᱫ ᱞᱮᱱᱟ, ᱡᱟᱦᱟᱸ ᱫᱚ ᱩᱱᱤ ᱜᱨᱤᱱᱞᱮᱱᱰ ᱟᱭᱤᱥᱠᱮᱯ ᱨᱮ ᱢᱤᱫ ᱜᱤᱫᱽᱨᱟᱹ ᱚᱲᱟᱜ ᱞᱟᱹᱜᱤᱫ ᱯᱚᱭᱥᱟ ᱦᱟᱛᱟᱣ ᱞᱟᱹᱜᱤᱫ ᱥᱠᱤᱭ ᱞᱮᱫᱟ᱾ ᱩᱱᱤ ᱫᱚ ᱚᱱᱟ ᱚᱠᱛᱚ ᱨᱮ ᱡᱮᱜᱮᱛ ᱨᱮ ᱡᱚᱛᱚ ᱠᱷᱚᱱ ᱦᱩᱰᱤᱧ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱮᱠᱥᱯᱮᱰᱤᱥᱚᱱ ᱮ ᱯᱩᱨᱟᱹᱣ ᱞᱮᱫᱟ᱾
᱑᱖ ᱢᱮ ᱒᱐᱑᱘ ᱨᱮ ᱵᱟᱡᱟᱡ ᱟᱨ ᱟᱡ ᱵᱟᱵᱟ ᱢᱟᱩᱱᱴ ᱮᱵᱷᱮᱨᱮᱥᱴ ᱪᱮᱛᱟᱱ ᱨᱮ ᱪᱟᱲᱦᱮ ᱞᱟᱹᱜᱤᱫ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱵᱟᱵᱟ-ᱠᱩᱲᱤ ᱡᱩᱨᱤ ᱠᱤᱱ ᱵᱮᱱᱟᱣ ᱮᱱᱟ᱾ ᱩᱱᱠᱩ ᱫᱚ ᱮᱵᱷᱮᱨᱮᱥᱴ ᱪᱮᱛᱟᱱ ᱨᱮ ᱱᱚᱨᱛᱷ ᱥᱟᱭᱤᱰ (ᱛᱤᱵᱵᱚᱛ) ᱠᱷᱚᱱ ᱪᱟᱲᱦᱮ ᱟᱠᱟᱫ ᱯᱩᱭᱞᱩ ᱟᱭᱳ-ᱵᱟᱵᱟ ᱴᱤᱢ ᱦᱚᱸ ᱠᱟᱱᱟ ᱠᱤᱱ᱾ ᱱᱚᱣᱟ ᱪᱟᱲᱦᱮ ᱫᱚ ᱵᱷᱟᱨᱚᱛ ᱨᱮ ᱠᱩᱲᱤ ᱜᱤᱫᱽᱨᱟᱹ ᱠᱚᱣᱟᱜ ᱠᱟᱨᱚᱱ ᱮ ᱥᱚᱯᱚᱨᱴ ᱞᱟᱹᱜᱤᱫ ᱮᱦᱚᱵ ᱦᱩᱭ ᱞᱮᱱᱟ᱾ ᱱᱚᱣᱟ ᱵᱟᱵᱟ-ᱠᱩᱲᱤ ᱴᱤᱢ ᱫᱚ ᱡᱚᱛᱚ ᱥᱮᱵᱷᱮᱱ ᱥᱚᱢᱤᱴᱥ ᱠᱚ ᱪᱮᱛᱟᱱ ᱟᱠᱟᱫᱟ ᱡᱟᱦᱟᱸ ᱨᱮ ᱢᱟᱩᱱᱴ ᱮᱵᱷᱮᱨᱮᱥᱴ, ᱰᱮᱱᱟᱞᱤ, ᱮᱠᱚᱱᱠᱟᱜᱩᱣᱟ, ᱵᱤᱱᱥᱚᱱ, ᱮᱞᱵᱨᱩᱥ, ᱠᱤᱞᱤᱢᱟᱱᱡᱟᱨᱚ, ᱢᱚᱸᱴ ᱵᱞᱟᱸᱠ, ᱯᱩᱱᱪᱟᱠ ᱡᱟᱭᱟ ᱟᱨ ᱢᱟᱩᱱᱴ ᱠᱚᱥᱤᱭᱩᱥᱡᱠᱚ ᱥᱮᱞᱮᱫ ᱢᱮᱱᱟᱜᱼᱟ᱾
ᱥᱤᱨᱯᱷᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱒᱐᱑᱒ ᱥᱟᱞ ᱨᱮ "ᱮᱰᱵᱷᱮᱱᱪᱚᱨ ᱥᱯᱳᱨᱴᱥ" ᱛᱷᱚᱠ ᱨᱮ ᱢᱮᱨᱤ ᱫᱤᱞᱞᱤ ᱥᱤᱨᱯᱷᱟᱹ
- ᱒᱐᱑᱒ ᱥᱟᱞ ᱨᱮ ᱴᱤ.ᱟᱭᱤ.ᱤ. (ᱫᱟ ᱤᱱᱰᱚᱥ ᱮᱱᱴᱨᱮᱯᱨᱮᱱᱤᱭᱚᱨᱥ) ᱮᱥᱯᱟᱭᱤᱨ ᱭᱚᱝ ᱟᱪᱤᱵᱷᱟᱨᱥ ᱥᱤᱨᱯᱷᱟᱹ ‘ᱵᱷᱟᱨᱚᱛ ᱨᱤᱱ ᱡᱩᱣᱟᱹᱱ ᱠᱚ ᱞᱟᱹᱜᱤᱫ ᱨᱳᱞ ᱢᱚᱰᱮᱞ ᱞᱮᱠᱟᱛᱮ ᱵᱟᱝ ᱵᱟᱨᱟᱵᱟᱹᱨᱤ ᱮᱱᱮᱢ ᱠᱟᱹᱢᱤ ᱠᱟᱛᱮ’
- ᱒᱐᱑᱓ ᱥᱟᱞ ᱨᱮ ᱵᱷᱟᱨᱚᱛ ᱨᱤᱱ ᱮᱰᱵᱷᱮᱱᱪᱚᱨ ᱴᱩᱨ ᱚᱯᱚᱨᱮᱴᱟᱨᱥ ᱮᱥᱳᱥᱤᱭᱮᱥᱚᱱ "ᱥᱮᱨᱢᱟ ᱨᱤᱱᱤᱡ ᱮᱰᱵᱷᱮᱱᱪᱚᱨ"