ᱫᱤᱯᱟ ᱵᱷᱟᱴᱤᱭᱟ

ᱫᱤᱯᱟ ᱵᱷᱟᱴᱤᱭᱟ ᱫᱚ ᱢᱩᱢᱵᱟᱭ ᱨᱮ ᱢᱮᱱᱟᱜ ᱢᱤᱫ ᱵᱚᱞᱤᱣᱩᱰ ᱯᱷᱤᱞᱢ ᱮᱰᱤᱴᱚᱨ, ᱯᱨᱚᱰᱭᱩᱥᱟᱨ ᱟᱨ ᱰᱤᱨᱮᱠᱴᱚᱨ ᱠᱟᱱᱟᱭ᱾ ᱩᱱᱤ ᱫᱚ ᱛᱟᱨᱮ ᱡᱟᱢᱤᱱ ᱯᱟᱨ, ᱢᱟᱭ ᱱᱮᱢ ᱤᱡ ᱠᱷᱟᱱ, ᱨᱚᱠ ᱚᱱ, ᱠᱟᱭ ᱯᱳ ᱪᱮ, ᱥᱴᱩᱰᱮᱱᱴ ᱚᱯᱷ ᱫᱟ ᱤᱭᱟᱨ ᱟᱨ ᱨᱟᱭᱤᱥ ᱞᱮᱠᱟᱱ ᱵᱮᱯᱟᱨ ᱵᱷᱟᱹᱜᱤ ᱪᱟᱞᱟᱣ ᱟᱠᱟᱱ ᱯᱷᱤᱞᱢ ᱠᱚ ᱮᱰᱤᱴ ᱠᱟᱛᱮ ᱩᱨᱩᱢ ᱢᱮᱱᱟᱜ ᱟᱭᱟ᱾ ᱚᱱᱟ ᱵᱮᱜᱚᱨ ᱩᱱᱤ ᱫᱚ ᱠᱮᱫᱟᱨᱱᱟᱛᱷ, ᱰᱨᱟᱭᱤᱵᱽ ᱟᱨ ᱥᱟᱪᱤᱱ ᱛᱮᱱᱫᱩᱞᱠᱟᱨ ᱪᱮᱛᱟᱱ ᱨᱮ ᱟᱹᱰᱤ ᱜᱟᱞᱚᱪ ᱟᱠᱟᱱ ᱵᱟᱭᱚᱯᱤᱠ ᱥᱟᱪᱤᱱ: ᱮ ᱵᱤᱞᱤᱭᱟᱱ ᱰᱨᱤᱢᱥ ᱦᱚᱸᱭ ᱮᱰᱤᱴ ᱟᱠᱟᱫᱟ᱾

ᱫᱤᱯᱟ ᱫᱚ ᱢᱮᱱᱟᱭ ᱮᱰᱤᱴᱤᱝ ᱫᱚ ᱢᱤᱫ ᱡᱤᱱᱤᱥ ᱡᱟᱦᱟᱸ ᱠᱷᱚᱱ ᱦᱚᱸ ᱱᱟᱯᱟᱭ ᱵᱮᱱᱟᱣ ᱜᱮᱭᱟ᱾ ᱟᱡᱟᱜ ᱨᱚᱲ ᱛᱮ, "ᱢᱤᱫ ᱯᱷᱤᱞᱢ ᱫᱚ ᱯᱮ ᱫᱷᱟᱣ ᱠᱚ ᱚᱞᱟ᱾ ᱢᱤᱫ ᱫᱷᱟᱣ, ᱡᱚᱠᱷᱚᱱ ᱚᱞ ᱦᱩᱭᱩᱜᱼᱟ, ᱫᱚᱥᱟᱨ, ᱡᱚᱠᱷᱚᱱ ᱰᱤᱨᱮᱠᱴ ᱦᱩᱭᱩᱜᱼᱟ, ᱟᱨ ᱛᱮᱥᱟᱨ, ᱡᱚᱠᱷᱚᱱ ᱮᱰᱤᱴ ᱦᱩᱭᱩᱜᱼᱟ᱾ ᱱᱚᱣᱟ ᱫᱩᱠᱷ ᱨᱮᱱᱟᱜ ᱠᱟᱛᱷᱟ ᱠᱟᱱᱟ ᱡᱮ ᱮᱰᱤᱴᱚᱨ ᱠᱚᱫᱚ ᱟᱠᱚᱣᱟᱜ ᱦᱟᱹᱴᱤᱧ ᱵᱟᱠᱚ ᱧᱟᱢᱟ᱾ ᱤᱧ ᱫᱚ ᱟᱹᱰᱤ ᱵᱟᱹᱲᱤᱡ ᱤᱧ ᱵᱩᱡᱷᱟᱹᱣᱟ ᱡᱚᱠᱷᱚᱱ ᱦᱚᱲ ᱠᱚ ᱢᱮᱱᱟ ᱠᱚᱴᱤᱝ ᱫᱚ ᱮᱰᱤᱴᱤᱝ ᱠᱟᱱᱟ᱾"

᱒᱐᱑᱐ ᱨᱮ, UTV ᱣᱟᱨᱞᱰ ᱢᱩᱣᱤᱡᱽ ᱫᱚ ᱩᱱᱤ ᱪᱮᱱᱮᱞ ᱨᱮᱱᱟᱜ ᱛᱩᱢᱟᱹᱞ ᱠᱷᱚᱱ ᱟᱡᱟᱜ ᱯᱚᱥᱚᱱᱫᱚ ᱨᱮᱱᱟᱜ ᱯᱩᱱᱭᱟ ᱯᱷᱤᱞᱢ ᱵᱟᱪᱷᱟᱣ ᱞᱟᱹᱜᱤᱫ ᱪᱟᱸᱫᱚ ᱨᱤᱱᱤᱡ ᱦᱚᱲ ᱞᱮᱠᱟᱛᱮ ᱠᱚ ᱵᱟᱪᱷᱟᱣ ᱠᱮᱫᱮᱭᱟ᱾ ᱩᱱᱤ ᱡᱟᱦᱟᱸ ᱯᱷᱤᱞᱢ ᱠᱚᱭ ᱵᱟᱪᱷᱟᱣ ᱞᱮᱫ ᱛᱟᱦᱮᱸᱱᱟ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱢᱟᱪᱩᱠᱟ, ᱠᱚᱡᱤᱱ ᱠᱩᱥᱤᱱ, ᱴᱣᱤᱱ ᱥᱤᱥᱴᱟᱨᱥ ᱟᱨ ᱘ ᱣᱩᱢᱮᱱ᱾

ᱠᱮᱨᱤᱭᱚᱨ

ᱫᱤᱯᱟ ᱫᱚ ᱯᱩᱨᱟᱹ ᱚᱠᱛᱚ ᱯᱳᱥᱴ-ᱯᱨᱚᱰᱚᱠᱥᱚᱱ ᱨᱮ ᱵᱚᱞᱚᱜ ᱢᱟᱲᱟᱝ ᱰᱤᱨᱮᱠᱴᱚᱨ ᱠᱚ ᱜᱚᱲᱚ ᱠᱟᱛᱮ ᱟᱡᱟᱜ ᱠᱮᱨᱤᱭᱚᱨ ᱮ ᱮᱛᱚᱦᱚᱵ ᱞᱮᱫᱟ᱾ ᱩᱱᱤ ᱫᱚ ᱮᱰᱤᱴᱚᱨ ᱞᱮᱠᱟᱛᱮ ᱒᱐ ᱥᱮᱨᱢᱟ ᱠᱷᱚᱱ ᱦᱚᱸ ᱵᱟᱹᱲᱛᱤ ᱮᱠᱥᱯᱮᱨᱤᱭᱮᱱᱥ ᱢᱮᱱᱟᱜ ᱛᱟᱭᱟ ᱟᱨ ᱜᱳᱵᱤᱱᱫ ᱱᱤᱦᱟᱞᱟᱱᱤ (ᱫᱮᱵᱽ, ᱦᱟᱡᱟᱨ ᱪᱚᱣᱨᱟᱥᱤ ᱠᱤ ᱢᱟ, ᱫᱮᱦᱟᱢ) ᱟᱨ ᱡᱟᱦᱱᱩ ᱵᱟᱨᱩᱣᱟ (ᱢᱮᱭᱱᱮ ᱜᱟᱱᱫᱷᱤ ᱠᱚ ᱱᱟᱦᱤ ᱢᱟᱨᱟ, ᱦᱟᱨ ᱯᱟᱞ) ᱞᱮᱠᱟᱱ ᱰᱤᱨᱮᱠᱴᱚᱨ ᱠᱚ ᱥᱟᱶ ᱮ ᱠᱟᱹᱢᱤ ᱟᱠᱟᱫᱟ᱾ ᱠᱟᱭ ᱯᱳ ᱪᱮ ᱟᱨ ᱨᱚᱠ ᱚᱱ ᱞᱮᱠᱟᱱ ᱯᱷᱤᱞᱢ ᱨᱮ ᱟᱡᱟᱜ ᱮᱰᱤᱴᱤᱝ ᱠᱟᱹᱢᱤ ᱫᱚ ᱟᱡᱟᱜ ᱟᱹᱰᱤ ᱱᱟᱯᱟᱭ ᱯᱨᱚᱡᱮᱠᱴ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱟᱨ ᱱᱚᱣᱟ ᱠᱷᱟᱹᱛᱤᱨ ᱛᱮ ᱩᱱᱤ ᱫᱚ ᱥᱴᱟᱨ ᱥᱠᱨᱤᱱ ᱟᱣᱟᱨᱰ ᱞᱮᱠᱟᱱ ᱥᱤᱨᱯᱷᱟᱹ ᱠᱚᱭ ᱦᱟᱛᱟᱣ ᱟᱠᱟᱫᱟ᱾

ᱵᱚᱞᱤᱣᱩᱰ ᱨᱮ ᱢᱤᱫ ᱯᱷᱤᱞᱢ ᱮᱰᱤᱴᱚᱨ ᱞᱮᱠᱟᱛᱮ ᱟᱡᱟᱜ ᱠᱮᱨᱤᱭᱚᱨ ᱵᱮᱜᱚᱨ ᱩᱱᱤ ᱫᱚ ᱢᱚᱦᱟᱨᱟᱥᱴᱨᱚ ᱨᱮ ᱪᱟᱹᱥᱤ ᱠᱚᱣᱟᱜ ᱜᱚᱡ ᱵᱟᱵᱚᱛ ᱛᱮ ᱱᱮᱨᱚᱥ ᱜᱮᱥᱴᱥ: ᱫᱟ ᱮᱡᱽ ᱚᱯᱷ ᱤᱱᱤᱠᱣᱟᱞᱤᱴᱤ ᱧᱩᱛᱩᱢᱟᱱ ᱢᱤᱫ ᱠᱨᱤᱴᱤᱠᱟᱞᱤ ᱮᱠᱞᱮᱢᱰ ᱰᱚᱠᱩᱢᱮᱱᱴᱨᱤ ᱦᱚᱸᱭ ᱰᱤᱨᱮᱠᱴ ᱟᱨ ᱯᱨᱚᱰᱭᱩᱥ ᱟᱠᱟᱫᱟ᱾ ᱱᱚᱣᱟ ᱰᱚᱠᱩᱢᱮᱱᱴᱨᱤ ᱫᱚ ᱢᱩᱢᱵᱟᱭ ᱡᱮᱜᱮᱛᱤᱭᱟᱹᱨᱤ ᱯᱷᱤᱞᱢ ᱯᱷᱮᱥᱴᱤᱵᱷᱟᱞ (MIFF) ᱨᱮ ᱵᱟᱨᱭᱟ ᱥᱤᱨᱯᱷᱟᱹᱭ ᱡᱤᱛᱠᱟᱹᱨ ᱟᱠᱟᱫᱟ᱾ ᱫᱤᱯᱟ ᱫᱚ ᱱᱚᱣᱟ ᱪᱮᱞᱮᱸᱡᱤᱝ ᱰᱚᱠᱩᱢᱮᱱᱴᱨᱤ ᱰᱤᱨᱮᱠᱴ ᱞᱟᱹᱜᱤᱫ ᱕ ᱥᱮᱨᱢᱟ ᱟᱨ ᱮᱰᱤᱴ ᱞᱟᱹᱜᱤᱫ ᱢᱤᱫ ᱥᱮᱨᱢᱟ ᱞᱟᱜᱟᱣ ᱟᱫᱮᱭᱟ᱾

ᱟᱯᱱᱟᱨᱟᱜ ᱡᱤᱭᱚᱱ

ᱫᱤᱯᱟ ᱫᱚ ᱥᱠᱨᱤᱱᱨᱟᱭᱴᱟᱨ, ᱟᱢᱳᱞᱮ ᱜᱩᱯᱛᱮ ᱥᱟᱶ ᱮ ᱵᱟᱯᱞᱟ ᱟᱠᱟᱱᱟ ᱟᱨ ᱩᱱᱠᱤᱱᱤᱡ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱯᱟᱨᱛᱷᱚ ᱜᱩᱯᱛᱮ ᱢᱮᱱᱟᱭᱟ᱾ ᱩᱱᱤ ᱫᱚ ᱥᱳᱯᱷᱤᱭᱟ ᱯᱳᱞᱤᱴᱮᱠᱱᱤᱠ ᱨᱤᱱᱤᱡ ᱮᱞᱩᱢᱱᱟ ᱠᱟᱱᱟᱭ᱾