ᱫᱮᱵᱚᱱ ᱛᱤᱸᱜᱩᱱ
| ᱥᱟᱯᱲᱟᱣᱤᱡ | ᱫᱟᱠᱷᱤᱱ ᱢᱩᱨᱢᱩ |
|---|---|
| ᱯᱟᱨᱥᱟᱞ ᱚᱠᱛᱚ | ᱦᱟᱯᱛᱟᱠᱤᱭᱟᱹ |
| ᱛᱷᱟᱯᱚᱱ ᱥᱮᱨᱢᱟ | ᱑᱙᱗᱐ |
| ᱯᱟᱹᱨᱥᱤ | ᱥᱟᱱᱛᱟᱲᱤ |
ᱫᱮᱵᱚᱱ ᱛᱤᱸᱜᱩᱱ ᱫᱚ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱦᱟᱯᱛᱟᱠᱤᱭᱟᱹ ᱠᱷᱚᱵᱚᱨ ᱯᱟᱛᱷᱟᱢ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱨᱤᱱᱤᱡ ᱥᱟᱯᱲᱟᱣᱤᱡ ᱫᱚ ᱮᱭᱟᱭ ᱜᱮᱞ (᱗᱐) ᱜᱮᱞᱟᱝ ᱨᱤᱱᱤᱡ ᱧᱩᱛᱩᱢᱟᱱ ᱨᱟᱡᱽᱟᱹᱨᱤ ᱦᱚᱲ ᱫᱟᱠᱷᱤᱱ ᱢᱩᱨᱢᱩ ᱮ ᱛᱟᱦᱮᱸ ᱠᱟᱱᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱗᱐ ᱥᱟᱞ ᱠᱷᱚᱱ ᱱᱚᱣᱟ ᱦᱟᱯᱛᱟᱠᱤᱭᱟᱹ ᱠᱷᱚᱵᱚᱨ ᱥᱟᱠᱟᱢ ᱫᱚ ᱯᱟᱪᱷᱮ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱯᱟᱪᱷᱮ ᱢᱮᱫᱤᱱᱤᱯᱩᱨ ᱡᱤᱞᱞᱟᱹ ᱨᱮ ᱢᱮᱱᱟᱜ ᱨᱟᱢᱜᱚᱲ ᱠᱷᱚᱱ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸᱫ ᱾ ᱫᱟᱠᱷᱤᱱ ᱢᱩᱨᱢᱩ ᱫᱚ ᱟᱹᱰᱤ ᱜᱟᱹᱠᱷᱩᱲ ᱥᱤᱠᱷᱱᱟᱹᱛ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱟᱨ ᱨᱟᱢᱜᱚᱲ ᱦᱟᱭ ᱤᱥᱠᱩᱞ ᱨᱮ ᱢᱟᱪᱮᱛ ᱞᱮᱠᱟᱛᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ, ᱚᱱᱟᱛᱮ ᱱᱚᱣᱟ ᱯᱟᱛᱷᱟᱢ ᱫᱚ ᱨᱟᱢᱜᱚᱲ ᱠᱷᱚᱱ ᱜᱮ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸᱫ ᱾
ᱥᱟᱶᱦᱮᱫ ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱛᱚᱦᱚᱵ ᱨᱮ ᱠᱷᱚᱵᱚᱨ ᱛᱟᱦᱮᱸ ᱞᱮᱱ ᱨᱮᱦᱚᱸ, ᱛᱟᱭᱚᱢ ᱛᱮ 'ᱫᱮᱵᱚᱱ ᱛᱤᱸᱜᱩᱱ' ᱫᱚ ᱢᱤᱫ ᱥᱟᱶᱦᱮᱫ ᱯᱟᱛᱷᱟᱢ ᱞᱮᱠᱟᱛᱮ ᱟᱹᱰᱤ ᱢᱟᱨᱟᱝ ᱴᱷᱟᱶ ᱮ ᱟᱢᱮᱴ ᱞᱮᱫᱟ ᱾ ᱱᱚᱣᱟ ᱨᱮ ᱵᱟᱹᱲᱛᱤ ᱠᱟᱛᱮ ᱚᱱᱚᱲᱦᱮ, ᱥᱮᱨᱮᱧ ᱟᱨ ᱚᱱᱚᱞ ᱠᱚ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸᱫ ᱾ ᱯᱩᱡᱟᱹ ᱨᱮᱱᱟᱜ ᱵᱤᱥᱮᱥ ᱥᱟᱠᱟᱢ ᱠᱚᱨᱮ ᱫᱚ ᱠᱟᱹᱦᱱᱤ ᱠᱚᱦᱚᱸ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸᱫ ᱾ ᱥᱤᱠᱷᱱᱟᱹᱛ ᱥᱟᱱᱛᱟᱲ ᱥᱟᱶᱛᱟ ᱨᱮ 'ᱫᱮᱵᱚᱱ ᱛᱤᱸᱜᱩᱱ' ᱢᱤᱫ ᱱᱟᱣᱟ ᱰᱟᱦᱟᱨ ᱮ ᱩᱫᱩᱜ ᱞᱮᱫᱟ ᱾ ᱟᱭᱢᱟ ᱧᱩᱛᱩᱢᱟᱱ ᱚᱱᱚᱲᱦᱤᱭᱟᱹ ᱠᱚ ᱱᱚᱣᱟ ᱯᱟᱛᱷᱟᱢ ᱨᱮ ᱨᱤᱜᱩᱞᱟᱨ ᱠᱚ ᱚᱞ ᱮᱫ ᱛᱟᱦᱮᱸᱫ ᱾
ᱮᱭᱟᱭ, ᱤᱨᱟᱹᱞ ᱟᱨ ᱟᱨᱮ ᱜᱮᱞᱟᱝ (᱗᱐, ᱘᱐, ᱙᱐) - ᱱᱚᱣᱟ ᱯᱮᱭᱟ ᱜᱮᱞᱟᱝ ᱫᱷᱟᱹᱵᱤᱡ ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱞᱟᱦᱟᱱᱛᱤ ᱨᱮ ᱱᱚᱣᱟ ᱯᱟᱛᱷᱟᱢ ᱫᱚ ᱛᱷᱤᱨ ᱛᱷᱟᱨ ᱟᱹᱰᱤ ᱢᱟᱨᱟᱝ ᱠᱟᱹᱢᱤ ᱟᱠᱟᱫᱟᱭ ᱾ ᱛᱟᱭᱚᱢ ᱛᱮ ᱫᱟᱠᱷᱤᱱ ᱢᱩᱨᱢᱩ ᱨᱟᱢᱜᱚᱲ ᱦᱟᱭ ᱤᱥᱠᱩᱞ ᱠᱷᱚᱱ ᱡᱤᱨᱟᱹᱣ (retire) ᱮᱱ ᱠᱷᱟᱹᱛᱤᱨ ᱱᱚᱣᱟ ᱯᱟᱛᱷᱟᱢ ᱫᱚ ᱵᱟᱹᱭ-ᱵᱟᱹᱭ ᱛᱮ ᱵᱚᱸᱫᱚ ᱮᱱᱟ ᱾
ᱥᱟᱶᱛᱟᱨᱤ ᱞᱟᱹᱠᱛᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱭᱟᱭ ᱜᱮᱞ (᱗᱐) ᱜᱮᱞᱟᱝ ᱚᱠᱛᱚ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱚ ᱟᱭᱢᱟ ᱵᱟᱝᱜᱟᱞᱤ ᱦᱚᱲ 'ᱴᱷᱟᱨ' (Thar) ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱩᱱᱠᱩᱣᱟᱜ ᱱᱚᱣᱟ ᱩᱭᱦᱟᱹᱨ ᱵᱷᱟᱵᱽᱱᱟ ᱵᱤᱨᱩᱫᱽ ᱨᱮ ᱫᱟᱠᱷᱤᱱ ᱢᱩᱨᱢᱩ ᱟᱜ 'ᱫᱮᱵᱚᱱ ᱛᱤᱸᱜᱩᱱ' ᱫᱚ ᱢᱤᱫ ᱠᱮᱴᱮᱡ ᱯᱨᱚᱛᱤᱵᱟᱫᱽ (protest) ᱛᱟᱦᱮᱸ ᱠᱟᱱᱟ ᱾