ᱫᱷᱭᱟᱱᱤ ᱫᱟᱵᱷᱮ
ᱫᱷᱭᱟᱱᱤ ᱫᱟᱵᱷᱮ (ᱡᱟᱱᱟᱢ ᱒᱑ ᱚᱜᱚᱥᱴ ᱑᱙᱙᱑ ᱜᱩᱡᱽᱨᱟᱴ ᱨᱮ) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱪᱮᱥ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ ᱣᱩᱢᱮᱱ ᱤᱱᱴᱟᱨᱱᱮᱥᱱᱟᱞ ᱢᱟᱥᱴᱚᱨ ᱨᱮᱱᱟᱜ ᱯᱷᱟᱭᱤᱰ ᱴᱟᱭᱴᱮᱞ ᱮ ᱦᱟᱛᱟᱣ ᱟᱠᱟᱫᱟ᱾
ᱩᱱᱤ ᱫᱚ ᱑᱔ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮ ᱮᱥᱤᱭᱟᱱ ᱪᱮᱥ ᱪᱟᱢᱯᱤᱭᱟᱱᱥᱤᱯ ᱟᱨ ᱑᱖ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮ ᱠᱚᱢᱚᱱᱣᱮᱞᱛᱷ ᱪᱮᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱚᱱᱟ ᱢᱮᱰᱮᱞ ᱮ ᱡᱤᱛᱠᱟᱹᱨ ᱟᱠᱟᱫᱟ᱾ ᱩᱱᱤ ᱫᱚ ᱑᱐ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮ ᱮᱥᱤᱭᱟᱱ ᱪᱟᱢᱯᱤᱭᱟᱱᱥᱤᱯ ᱟᱨ ᱑᱒ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮ ᱠᱚᱢᱚᱱᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱨᱮ ᱨᱩᱯᱟᱹ ᱢᱮᱰᱮᱞᱤᱥᱴ ᱠᱟᱱᱟᱭ᱾ ᱚᱜᱚᱥᱴ ᱒᱐᱑᱒ ᱨᱮ, ᱩᱱᱤ ᱫᱚ ᱑᱕᱐ ᱨᱮᱴᱮᱰ ᱪᱮᱥ ᱠᱷᱮᱞᱚᱸᱰᱤᱭᱟᱹ ᱥᱟᱶᱛᱮ ᱜᱩᱡᱽᱨᱟᱴ ᱨᱮᱱᱟᱜ ᱢᱚᱦᱟᱛᱢᱟ ᱢᱟᱱᱫᱤᱨ ᱨᱮ ᱠᱷᱮᱞ ᱞᱮᱫᱟ ᱟᱨ ᱞᱤᱢᱠᱟ ᱵᱩᱠ ᱚᱯᱷ ᱨᱮᱠᱳᱨᱰᱥ ᱨᱮ ᱥᱮᱞᱮᱫ ᱞᱮᱱᱟ᱾
᱙ ᱥᱮᱨᱢᱟ ᱩᱢᱮᱨ ᱨᱮ ᱩᱱᱤ ᱫᱚ ᱵᱚᱞᱤᱣᱩᱰ ᱥᱴᱟᱨ ᱟᱨ ᱪᱮᱥ ᱮᱱᱛᱷᱩᱥᱤᱭᱟᱥᱴ ᱟᱢᱤᱨ ᱠᱷᱟᱱ ᱥᱟᱶᱛᱮ ᱞᱟᱜᱟᱱ ᱯᱷᱤᱞᱢ ᱨᱮᱱᱟᱜ ᱥᱮᱴ ᱨᱮ ᱠᱷᱮᱞ ᱞᱮᱫᱟ᱾
᱒᱐᱑᱘ ᱨᱮ ᱩᱱᱤ ᱫᱚ ᱱᱚᱣᱟ ᱨᱮᱱᱟᱜ ᱟᱨᱳᱯ ᱞᱟᱜᱟᱣ ᱞᱮᱫᱟ ᱡᱮ ᱜᱩᱡᱽᱨᱟᱴ ᱯᱚᱱᱚᱛ ᱦᱚᱛᱮᱛᱮ ᱡᱮᱱᱰᱟᱨ ᱵᱟᱭᱟᱥ ᱠᱷᱟᱹᱛᱤᱨ ᱩᱱᱤ ᱫᱚ ᱥᱚᱨᱠᱟᱨᱤ ᱪᱟᱹᱠᱨᱤ ᱦᱟᱛᱟᱣ ᱠᱷᱚᱱ ᱮ ᱵᱟᱹᱧᱪᱟᱹᱣ ᱟᱠᱟᱫᱮᱭᱟ ᱟᱨ ᱱᱚᱣᱟ ᱫᱚ ᱩᱱᱤᱭᱟᱜ ᱪᱮᱥ ᱠᱮᱨᱤᱭᱟᱨ ᱨᱮ ᱦᱚᱸ ᱮᱯᱷᱮᱠᱴ ᱟᱠᱟᱫᱮᱭᱟ᱾
ᱩᱱᱤ ᱫᱚ ᱟᱦᱢᱮᱫᱟᱵᱟᱫᱽ ᱨᱮ ᱫᱷᱭᱟᱱ ᱪᱮᱥ ᱮᱠᱟᱰᱮᱢᱤ ᱨᱮᱱ ᱢᱤᱫ ᱢᱟᱹᱞᱤᱠ ᱠᱟᱱᱟᱭ ᱡᱟᱦᱟᱸ ᱨᱮ ᱩᱱᱤ ᱫᱚᱭ ᱯᱟᱲᱦᱟᱣ ᱮᱫᱟ᱾ ᱒᱐᱑᱙ ᱨᱮ ᱩᱱᱤ ᱫᱚ ᱟᱭᱤᱣᱩᱢᱮᱱ ᱜᱞᱳᱵᱟᱞ ᱟᱣᱟᱨᱰᱥ ᱨᱮᱱᱟᱜ ᱥᱯᱳᱨᱴᱥ ᱠᱮᱴᱮᱜᱚᱨᱤ ᱨᱮ ᱡᱤᱛᱠᱟᱹᱨ ᱞᱮᱱᱟᱭ᱾