ᱭᱮᱱᱤᱜᱚᱸᱰᱞᱟ ᱵᱤᱡᱚᱭᱟ
ᱭᱮᱱᱤᱜᱚᱸᱰᱞᱟ ᱵᱤᱡᱚᱭᱟ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱟᱨ ᱠᱞᱟᱥᱤᱠᱟᱞ ᱮᱱᱮᱡᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱛᱮᱞᱩᱜᱩ, ᱛᱟᱢᱤᱞ, ᱢᱟᱞᱟᱭᱟᱞᱚᱢ ᱟᱨ ᱠᱟᱱᱱᱟᱰᱟ ᱯᱟᱹᱨᱥᱤ ᱛᱮ ᱑᱔᱐᱐ ᱠᱷᱚᱱ ᱵᱟᱹᱲᱛᱤ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟᱭ ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱣᱟᱭᱹ ᱵᱤᱡᱚᱭᱟ ᱫᱚ ᱠᱩᱨᱱᱩᱞ, ᱟᱱᱫᱷᱨᱟ ᱯᱨᱚᱫᱮᱥ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱫᱚ ᱠᱟᱫᱟᱯᱟ, ᱟᱱᱫᱷᱨᱟ ᱯᱨᱚᱫᱮᱥ ᱨᱮ ᱡᱟᱹᱛ ᱞᱮᱱᱟᱭ ᱾ ᱟᱡ ᱵᱟᱵᱟ ᱭᱮᱱᱤᱜᱚᱸᱰᱞᱟ ᱡᱽᱱᱟᱱᱟᱭᱟ ᱫᱚ ᱢᱤᱫ ᱠᱚᱯᱟᱨᱮᱴᱤᱵᱷ ᱢᱟᱨᱠᱮᱴᱤᱝ ᱥᱚᱥᱟᱭᱴᱤ ᱨᱮ ᱦᱚᱱᱚᱛ ᱢᱮᱱᱮᱡᱟᱨ ᱠᱟᱱᱟᱭ ᱾ ᱟᱡ ᱟᱭᱳ ᱵᱟᱞᱟᱢᱢᱟ ᱫᱚ ᱚᱲᱟᱜ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱜᱷᱟᱨᱚᱸᱡᱽ ᱫᱚ ᱢᱩᱬᱩᱛ ᱞᱮᱠᱟᱛᱮ ᱜᱩᱱᱴᱩᱨ ᱦᱚᱱᱚᱛ ᱠᱷᱚᱱ ᱠᱚ ᱦᱮᱡ ᱟᱠᱟᱱᱟ ᱾ ᱵᱤᱡᱚᱭᱟ ᱨᱤᱱ ᱙ ᱜᱚᱴᱟᱝ ᱵᱚᱭᱦᱟ ᱢᱮᱱᱟᱜ ᱠᱚᱣᱟ; ᱕ ᱜᱚᱴᱟᱝ ᱢᱤᱥᱤ ᱟᱨ ᱔ ᱜᱚᱴᱟᱝ ᱵᱚᱭᱦᱟ ᱾ ᱩᱱᱤ ᱫᱚ ᱩᱱᱠᱩ ᱢᱩᱫᱽ ᱨᱮ ᱢᱚᱬᱮᱭᱟᱜ ᱮ ᱠᱟᱱᱟᱭ ᱾ ᱟᱡ ᱨᱤᱱ ᱢᱤᱫ ᱵᱚᱭᱦᱟ ᱣᱟᱭᱹ ᱨᱟᱡᱟ ᱫᱚ ᱢᱤᱫ ᱴᱤᱵᱷᱤ ᱮᱠᱴᱚᱨ ᱠᱟᱱᱟᱭ ᱾
ᱩᱱᱤ ᱫᱚ ᱠᱟᱫᱟᱯᱟ ᱨᱮ ᱥᱚᱨᱠᱟᱨᱤ ᱠᱩᱲᱤ ᱜᱤᱫᱽᱨᱟᱹ ᱦᱟᱭᱤ ᱥᱠᱩᱞ ᱨᱮ ᱟᱡᱟᱜ ᱘ ᱟᱱᱟᱜ ᱥᱴᱟᱱᱰᱟᱨᱰ ᱫᱷᱟᱹᱵᱤᱡ ᱮ ᱯᱟᱲᱦᱟᱣ ᱞᱮᱱᱟ ᱾ ᱩᱱᱤ ᱫᱚ ᱥᱟᱭᱤᱱᱥ ᱟᱨ ᱦᱤᱱᱫᱤ ᱥᱟᱵᱽᱡᱮᱠᱴ ᱨᱮ ᱨᱟᱹᱥᱠᱟᱹ ᱛᱟᱦᱮᱸ ᱠᱟᱱᱟ ᱾ ᱟᱡ ᱨᱤᱱ ᱟᱭᱳ ᱵᱟᱵᱟ ᱠᱤᱱ ᱧᱮᱞ ᱠᱮᱫᱟ ᱡᱮ ᱩᱱᱤ ᱫᱚ ᱨᱮᱰᱤᱭᱳ ᱨᱮᱱᱟᱜ ᱢᱤᱭᱩᱡᱤᱠ ᱨᱮ ᱮᱱᱮᱡ ᱮᱫᱟ ᱡᱚᱠᱷᱚᱱ ᱩᱱᱤ ᱫᱚ ᱥᱩᱢᱩᱝ ᱯᱮ ᱥᱮᱨᱢᱟ ᱩᱢᱮᱨ ᱮ ᱛᱟᱦᱮᱸ ᱠᱟᱱᱟ ᱾ ᱟᱨ ᱩᱱᱤ ᱫᱚ ᱟᱡᱟᱜ ᱥᱠᱩᱞ ᱨᱮ ᱥᱴᱮᱡᱽ ᱥᱳ ᱞᱟᱹᱜᱤᱫ ᱦᱚᱸᱭ ᱮᱱᱮᱡ ᱠᱟᱱ ᱛᱟᱦᱮᱸᱱᱟ ᱾ ᱚᱱᱟᱛᱮ ᱩᱱᱠᱩ ᱫᱚ ᱩᱱᱤ ᱮᱱᱮᱡ ᱪᱮᱫ ᱚᱪᱚᱭ ᱞᱟᱹᱜᱤᱫ ᱠᱤᱱ ᱴᱷᱟᱹᱣᱠᱟᱹ ᱠᱮᱫᱟ ᱾
ᱟᱡᱟᱜ ᱘ ᱟᱱᱟᱜ ᱥᱴᱟᱱᱰᱟᱨᱰ ᱪᱟᱵᱟ ᱠᱟᱛᱮ ᱥᱤᱛᱩᱝ ᱚᱲᱟᱜ ᱪᱷᱩᱴᱤ ᱚᱠᱛᱚ ᱨᱮ, ᱟᱡ ᱨᱤᱱ ᱟᱭᱳ ᱵᱟᱵᱟ ᱫᱚ ᱵᱮᱢᱯᱟᱛᱤ ᱪᱤᱱᱟ ᱥᱟᱛᱭᱟᱢ ᱴᱷᱮᱱ ᱠᱤᱱ ᱤᱫᱤ ᱠᱮᱫᱮᱭᱟ, ᱧᱩᱛᱩᱢᱟᱱ ᱮᱱᱮᱡ ᱜᱩᱨᱩ ᱩᱱᱤ ᱮᱱᱮᱡ ᱪᱮᱫ ᱚᱪᱚᱭ ᱞᱟᱹᱜᱤᱫ ᱾ ᱮᱱᱮᱡ ᱠᱞᱟᱥ ᱪᱟᱞᱟᱣ ᱫᱚᱦᱚᱭ ᱞᱟᱹᱜᱤᱫ, ᱩᱱᱠᱩ ᱫᱚ ᱪᱮᱱᱱᱟᱭ ᱨᱮ ᱠᱮᱥᱟᱨᱤ ᱦᱟᱭᱤ ᱥᱠᱩᱞ ᱨᱮ ᱩᱱᱤ ᱥᱮᱞᱮᱫ ᱚᱪᱚᱭ ᱞᱟᱹᱜᱤᱫ ᱠᱚ ᱴᱷᱟᱹᱣᱠᱟᱹ ᱠᱮᱫᱟ ᱾ ᱩᱱᱤ ᱫᱚ ᱚᱱᱟ ᱥᱠᱩᱞ ᱨᱮ ᱙ ᱟᱱᱟᱜ ᱟᱨ ᱑᱐ ᱟᱱᱟᱜ ᱥᱴᱟᱱᱰᱟᱨᱰ ᱮ ᱯᱟᱲᱦᱟᱣ ᱠᱮᱫᱟ ᱾ ᱟᱡᱟᱜ ᱮᱱᱮᱡ ᱫᱮᱠᱷᱟᱣ ᱮᱛᱚᱦᱚᱵ ᱫᱚ ᱑᱙᱗᱕ ᱨᱮ ᱠᱟᱫᱟᱯᱟ ᱨᱮ ᱦᱩᱭ ᱞᱮᱱᱟ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱛᱟᱢᱤᱞᱱᱟᱰᱩ ᱨᱮ ᱟᱹᱰᱤ ᱜᱟᱱ ᱥᱴᱮᱡᱽ ᱥᱳ ᱮ ᱠᱚᱨᱟᱣ ᱠᱮᱫᱟ ᱾ ᱢᱤᱫ ᱫᱷᱟᱣ ᱟᱠᱚᱣᱟᱜ ᱴᱷᱟᱶ ᱨᱮ ᱵᱟᱱ ᱦᱮᱡ ᱞᱮᱱᱟ ᱾ ᱮᱠᱴᱚᱨ ᱮᱱᱹ ᱴᱤᱹ ᱨᱟᱢᱟ ᱨᱟᱣ, ᱟᱨ ᱟᱠᱠᱤᱱᱮᱱᱤ ᱱᱟᱜᱮᱥᱣᱚᱨᱟ ᱨᱟᱣ ᱵᱟᱱ ᱛᱮ ᱮᱥᱮᱨ ᱟᱠᱟᱱ ᱴᱚᱴᱷᱟ ᱞᱟᱹᱜᱤᱫ ᱠᱟᱹᱣᱰᱤ ᱡᱟᱣᱨᱟᱭ ᱞᱟᱹᱜᱤᱫ ᱟᱠᱚᱣᱟᱜ ᱴᱷᱟᱶ ᱠᱤᱱ ᱥᱮᱴᱮᱨ ᱞᱮᱱᱟ ᱾ ᱩᱱᱤ ᱫᱚ ᱩᱱᱠᱤᱱ ᱥᱟᱶ ᱯᱩᱭᱞᱩ ᱫᱷᱟᱣ ᱮ ᱧᱟᱯᱟᱢ ᱞᱮᱱᱟ ᱾ ᱩᱱᱤ ᱫᱚ ᱥᱨᱤ ᱠᱨᱤᱥᱱᱟ ᱥᱟᱛᱭᱟ ᱯᱷᱤᱞᱢ ᱨᱮ ᱮᱱᱹ ᱴᱤᱹ ᱨᱟᱢᱟ ᱨᱟᱣ ᱵᱤᱨᱩᱫᱷ ᱨᱮ ᱦᱤᱨᱚᱭᱤᱱ ᱞᱮᱠᱟᱛᱮ ᱠᱟᱹᱢᱤ ᱞᱟᱹᱜᱤᱫ ᱮ ᱪᱟᱞᱟᱣ ᱮᱱᱟ ᱾
ᱯᱷᱤᱞᱢ ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱢᱟᱫᱽᱨᱟᱥ ᱨᱮ ᱵᱮᱢᱯᱟᱛᱤ ᱪᱤᱱᱟ ᱥᱟᱛᱭᱟᱢ ᱴᱷᱮᱱ ᱮᱱᱮᱡ ᱮ ᱪᱮᱫ ᱠᱟᱱ ᱛᱟᱦᱮᱸᱱᱟ ᱾ ᱢᱤᱫ ᱫᱷᱟᱣ, ᱱᱤᱱᱫᱩ ᱦᱨᱩᱫᱟᱭᱟᱞᱩ ᱯᱷᱤᱞᱢ ᱨᱤᱱ ᱯᱨᱚᱰᱩᱥᱚᱨ ᱟᱠᱚᱣᱟᱜ ᱮᱱᱮᱡ ᱤᱱᱥᱴᱤᱪᱩᱴ ᱠᱚ ᱥᱮᱴᱮᱨ ᱞᱮᱱᱟ ᱟᱨ ᱩᱱᱤ ᱫᱚ ᱢᱤᱫ ᱠᱩᱢᱲᱩ ᱠᱮᱨᱮᱠᱴᱟᱨ ᱞᱟᱹᱜᱤᱫ ᱠᱚ ᱥᱮᱞᱮᱫ ᱠᱮᱫᱮᱭᱟ ᱡᱟᱦᱟᱸᱭ ᱫᱚ ᱮᱱᱮᱡ ᱦᱚᱸᱭ ᱵᱟᱰᱟᱭᱟ ᱾ ᱚᱱᱟ ᱫᱚ ᱯᱷᱤᱞᱢ ᱨᱮ ᱟᱡᱟᱜ ᱯᱩᱭᱞᱩ ᱫᱟᱣ ᱛᱟᱦᱮᱸ ᱠᱟᱱᱟ ᱾
ᱯᱟᱨᱥᱟᱞ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱤᱡᱚᱭᱟ ᱫᱚ ᱒᱗ ᱡᱟᱱᱩᱣᱟᱨᱤ ᱑᱙᱘᱕ ᱨᱮ ᱟᱢᱟᱞᱟᱱᱟᱛᱷᱟᱱ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱾ ᱩᱱᱤ ᱫᱚ ᱢᱤᱫ ᱠᱚᱞᱮᱡᱽ ᱨᱮ ᱠᱚᱨᱮᱥᱯᱚᱱᱰᱮᱱᱴ ᱞᱮᱠᱟᱛᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱱᱟ ᱾ ᱨᱤᱴᱟᱭᱟᱨ ᱛᱟᱭᱚᱢ, ᱩᱱᱤ ᱫᱚ ᱵᱤᱡᱱᱮᱥ ᱨᱮᱭ ᱵᱚᱞᱚ ᱞᱮᱱᱟ ᱾ ᱵᱤᱡᱚᱭᱟ ᱫᱚ ᱟᱡᱟᱜ ᱜᱷᱟᱨᱚᱸᱡᱽ ᱥᱟᱶ ᱪᱮᱱᱱᱟᱭ ᱨᱮᱱᱟᱜ ᱢᱟᱦᱟᱞᱤᱝᱜᱟᱯᱩᱨᱚᱢ ᱨᱮᱭ ᱛᱟᱦᱮᱸᱱᱟ ᱾ ᱩᱱᱤ ᱨᱤᱱ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱟᱱᱩᱥᱭᱟ ᱢᱮᱱᱟᱭᱟ ᱡᱟᱦᱟᱸᱭ ᱫᱚ ᱒᱐᱑᱓ ᱨᱮᱭ ᱵᱟᱯᱞᱟ ᱟᱠᱟᱱᱟ ᱾