ᱮᱛᱚᱢ ᱳᱰᱤᱥᱟ ᱡᱮᱜᱮᱛ ᱵᱤᱨᱫᱟ.ᱜᱟᱲ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱮᱛᱚᱢ ᱳᱰᱤᱥᱟ ᱡᱮᱜᱮᱛ ᱵᱤᱨᱫᱟ.ᱜᱟᱲ
ᱨᱮᱫ:North Orissa University logo.png
Type Public
Established 13 July 1998
Chancellor Governor of Odisha
Vice-Chancellor Pradeep Kumar Chand[᱑]
Location , ,
21°55′49″N 86°45′49″E / 21.930257°N 86.763636°E / 21.930257; 86.763636Coordinates: 21°55′49″N 86°45′49″E / 21.930257°N 86.763636°E / 21.930257; 86.763636
Campus Urban
Affiliations UGC
Website www.nou.nic.in
Main entrance of the university

ᱮᱛᱚᱢ ᱳᱰᱤᱥᱟ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱫᱚ ᱵᱟᱨᱤᱯᱚᱫᱟ, ᱢᱚᱭᱩᱨᱵᱷᱚᱸᱡᱽ, ᱳᱰᱤᱥᱟ, ᱥᱤᱧᱚᱛ ᱨᱮ ᱴᱷᱟᱶ ᱟᱠᱟᱱᱟ ᱾ ᱱᱚᱶᱟ ᱵᱤᱨᱫᱟ.ᱜᱟᱲ ᱫᱚ ᱑᱙᱙᱘ ᱥᱟᱞᱨᱮ ᱵᱮᱨᱮᱫ ᱟᱠᱟᱱᱟ ᱟᱨ ᱱᱚᱶᱟ ᱫᱚ ᱢᱚᱭᱩᱨᱵᱷᱚᱸᱡᱽ ᱟᱨ ᱠᱮᱶᱡᱷᱚᱨ ᱦᱚᱱᱚᱛ ᱨᱮ ᱵᱤᱥᱛᱤᱠᱟᱭᱛᱮ/ᱢᱩᱬ ᱠᱟᱛᱮ ᱟ.ᱫᱤᱵᱟ.ᱥᱤᱠᱚ ᱛᱟᱞᱟᱨᱮ ᱥᱤᱠᱷᱱᱟ.ᱛ ᱥᱟᱨᱥᱟᱣ ᱫᱤᱥᱟ. ᱡᱚᱥ ᱠᱟᱛᱮᱱ ᱵᱮᱨᱮᱫ ᱟᱠᱟᱱᱟ ᱾ ᱱᱚᱶᱟ ᱵᱤᱨᱫᱟ.ᱜᱟᱲ ᱛᱟ.ᱨᱤᱨᱮ ᱢᱚᱭᱩᱨᱵᱷᱚᱸᱡᱽ ᱟᱨ ᱠᱮᱶᱡᱷᱚᱨ ᱨᱮᱭᱟᱜ ᱑᱐᱓ ᱜᱚᱴᱟᱝ ᱴᱮᱠᱱᱤᱠᱟᱞ ᱟᱨ ᱵᱟᱝ-ᱴᱮᱱᱤᱠᱟᱞ ᱠᱚᱞᱮᱡᱽ ᱢᱮᱱᱟᱜ ᱟᱠᱟᱫᱟ, ᱱᱚᱶᱟᱠᱚ ᱢᱩᱸᱫᱽᱨᱮ ᱒ ᱵᱟᱨᱭᱟ ᱚᱴᱳᱱᱳᱢᱚᱥ ᱠᱚᱞᱮᱡᱽ, ᱒ ᱵᱟᱨᱭᱟ ᱠᱟ.ᱱᱩᱱ ᱠᱚᱞᱮᱡᱽ, ᱓ ᱯᱮᱭᱟ ᱢᱟᱪᱮᱛ ᱴᱨᱮᱱᱤᱝ ᱥᱤᱠᱷᱱᱟ.ᱛ ᱠᱚᱞᱮᱡᱽ ᱟᱨ ᱢᱤᱫ ᱵᱤᱠᱲᱟᱝ ᱦᱚᱲᱠᱚ ᱞᱟ.ᱜᱤᱫ ᱢᱮᱱᱟᱜ ᱟᱠᱟᱫᱟ ᱾ ᱾ ᱱᱚᱸᱰᱮ ᱫᱚ ᱥᱟ.ᱜᱤᱧ-ᱥᱮᱪᱮᱫ ᱨᱮᱭᱟᱜ ᱦᱚᱸ ᱥᱩᱵᱤᱫᱷᱟ ᱢᱮᱱᱟᱜ ᱟᱠᱟᱫᱟ ᱾

ᱴᱷᱟᱶᱠᱟ.ᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱩᱬ ᱠᱮᱢᱯᱳᱥ ᱫᱚ ᱯᱟ.ᱦᱤᱞ ᱱᱚᱸᱰᱮᱱ ᱨᱟᱡᱟ ᱥᱤᱨᱟᱢ ᱪᱚᱱᱫᱨᱚ ᱵᱷᱚᱸᱡᱽᱫᱮᱣ (᱑᱘᱗᱑-᱑᱙᱑᱒) {Sriram Chandra BhanjaDeo (1871-1912)} ᱣᱟᱜ ᱧᱩᱛᱩᱢᱠᱮ ᱥᱤᱨᱟᱢ ᱵᱤᱦᱟᱨ ᱵᱟᱨᱤᱯᱚᱫᱟ ᱵᱟᱡᱟᱨ ᱛᱚᱠᱚᱛᱯᱩᱨ ᱴᱚᱴᱷᱟᱨᱮ ᱴᱷᱟᱶ ᱟᱠᱟᱱᱟ ᱾ ᱡᱟ.ᱛᱤᱭᱟ.ᱨᱤ ᱥᱚᱲᱚᱠ-᱑᱘ ᱠᱷᱚᱱ ᱥᱟᱢᱟᱝ ᱱᱟᱠᱷᱟ ᱢᱤᱫ ᱠᱤᱞᱚ ᱢᱤᱴᱚᱨ ᱥᱟ.ᱜᱤᱧ ᱨᱮ ᱢᱮᱱᱟᱜ ᱟᱠᱟᱫᱟ ᱾ ᱱᱚᱸᱰᱮ ᱠᱷᱚᱱ ᱠᱳᱞᱠᱟᱛᱟ ᱒᱕᱐ ᱠᱤᱞᱚ ᱢᱤᱴᱚᱨ ᱟᱨ ᱯᱚᱱᱚᱛ ᱨᱟᱡᱽᱜᱟᱲ ᱵᱷᱩᱵᱱᱮᱥᱚᱨ ᱒᱖᱐ ᱠᱤᱞᱚ ᱢᱤᱴᱚᱨ ᱥᱟ.ᱜᱤᱧᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱳᱰᱤᱥᱟ ᱥᱚᱨᱠᱟᱨ ᱛᱟ.ᱨᱤᱨᱮ ᱥᱮᱠᱥᱚᱱ-᱓᱒ ᱨᱮᱭᱟᱜ ᱳᱰᱤᱥᱟ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱱᱤᱭᱚᱢ,᱑᱙᱘᱙ (Act 5 of 1989) ᱦᱚᱛᱮᱛᱮ ᱱᱚᱶᱟ ᱵᱤᱨᱫᱟ.ᱜᱟᱲ ᱫᱚ ᱵᱮᱨᱮᱫ ᱟᱠᱟᱱᱟ ᱟᱨ ᱑᱓ ᱡᱩᱞᱟᱭ ᱑᱙᱙᱘ ᱥᱟᱞᱨᱮ ᱱᱳᱴᱤᱥ ᱱᱚᱢᱵᱚᱨ-᱘᱘᱐ ᱩᱪᱷᱟ.ᱱ ᱟᱠᱟᱱᱟ ᱾ ᱱᱚᱶᱟ ᱵᱤᱨᱫᱟ.ᱜᱟᱲ ᱫᱚ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱱᱤᱭᱚᱢ,᱑᱙᱕᱖ (en:University Grants Commission Act, 1956) ᱨᱮᱱᱟᱜ ᱥᱮᱠᱥᱚᱱ ᱒ (ᱮᱯᱷ) {section 2 (f)} ᱡᱮᱜᱮᱛ ᱵᱤᱨᱫᱟᱜᱟᱲ ᱨᱩᱠᱷᱤᱭᱟ-ᱡᱚᱛᱚᱱ ᱛᱟ.ᱞᱠᱟ.ᱨᱮ ᱢᱮᱱᱟᱜ ᱟᱠᱟᱫᱟ ᱾ ᱱᱚᱶᱟ ᱫᱚ ᱮᱛᱚᱢ ᱳᱰᱤᱥᱟ ᱨᱮ ᱟ.ᱫᱤᱵᱟ.ᱥᱤ ᱠᱚᱣᱟᱜ ᱞᱟᱯᱷᱟᱝ ᱥᱮᱪᱮᱫ ᱠᱩᱠᱢᱩ ᱯᱩᱨᱩᱱ ᱮᱫ ᱛᱟᱠᱚᱣᱟ ᱾ ᱵᱤᱨᱫᱟ.ᱜᱟᱲ ᱨᱮᱭᱟᱜ ᱵᱩᱱᱭᱟ.ᱫᱽ ᱫᱷᱤᱨᱤ ᱫᱚ ᱩᱱ ᱚᱠᱛᱚ ᱨᱤᱱᱤᱡ ᱥᱤᱨᱟ. ᱢᱚᱱᱛᱨᱤ ᱢᱟ.ᱱ ᱜᱤᱨᱤᱫᱷᱚᱨ ᱜᱳᱢᱟᱝᱜᱚ ᱦᱚᱛᱮᱛᱮ ᱑᱓ ᱡᱩᱞᱟᱭ ᱑᱙᱙᱙ ᱥᱟᱞᱨᱮ ᱫᱚᱲᱚᱢ ᱞᱮᱱᱟ ᱟᱨ ᱑᱓ ᱢᱮ ᱒᱐᱐᱓ ᱥᱟᱞᱨᱮ ᱥᱤᱧᱚᱛ ᱢᱟᱨᱟᱝ ᱜᱚᱝᱠᱮ ᱰᱨ. ᱮ.ᱯᱤ.ᱡᱮ ᱚᱵᱽᱫᱩᱞ ᱠᱟᱞᱟᱢ ᱩᱰᱷᱟ.ᱣ ᱞᱮᱫᱟᱭ ᱾

ᱠᱮᱢᱯᱳᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱵᱤᱨᱫᱟ.ᱜᱟᱲ ᱛᱟ.ᱨᱤᱨᱮ ᱵᱟᱨᱭᱟ ᱠᱮᱢᱯᱳᱥ ᱢᱮᱱᱟᱜ ᱟᱠᱟᱫᱟ ᱾ ᱢᱩᱬ ᱠᱮᱢᱯᱳᱥ ᱥᱟᱶᱛᱮ ᱪᱟᱪᱞᱟᱣ ᱚᱯᱷᱤᱥ ᱫᱚ ᱵᱟᱨᱤᱯᱚᱫᱟ ᱵᱟᱡᱟᱨ, ᱢᱚᱭᱩᱨᱵᱷᱚᱸᱡᱽ ᱨᱮ ᱴᱷᱟᱶ ᱟᱠᱟᱱᱟ ᱾ ᱫᱚᱥᱟᱨ ᱠᱮᱢᱯᱳᱥ ᱫᱚ ᱠᱮᱶᱡᱷᱚᱨ ᱦᱚᱱᱚᱛ ᱨᱮᱭᱟᱜ ᱠᱮᱱᱫᱩᱡᱷᱚᱨᱜᱚᱰ (en:Kendujhargarh) ᱥᱩᱨ ᱥᱩᱞᱮᱭᱤᱠᱷᱟᱢᱟᱨ (suleikhamar) ᱨᱮ ᱢᱮᱱᱟᱜ ᱟᱠᱟᱫᱟ ᱾

ᱱᱤᱛᱚᱝ ᱵᱟᱨᱤᱯᱚᱫᱟ ᱠᱮᱢᱯᱳᱥ ᱨᱮ ᱘ ᱜᱚᱴᱟᱝ ᱟᱨ ᱠᱮᱶᱡᱷᱚᱨ ᱠᱮᱢᱯᱳᱥ ᱨᱮ ᱕ ᱜᱚᱴᱟᱝ ᱨᱮᱜᱩᱞᱟᱨ ᱟ.ᱠᱤᱞᱢᱟᱱ ᱥᱟᱛᱟᱢ ᱯᱚᱲᱦᱚᱱ ᱛᱚᱝᱜᱮ ᱟᱠᱟᱱᱟ ᱾ ᱚᱱᱟ ᱥᱟᱶᱛᱮ ᱞᱟ.ᱠᱛᱤᱭᱟᱱ ᱑᱕ ᱜᱚᱴᱟᱝ ᱟ.ᱠᱤᱞᱢᱟᱱ ᱥᱟᱛᱟᱢ ᱱᱤᱡᱚᱨ-ᱠᱟ.ᱣᱰᱤ ᱜᱚᱲᱚ ᱥᱚᱦᱚᱫ ᱛᱮ ᱪᱟᱞᱟᱜ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱮᱢ.ᱯᱷᱤᱞ ᱟᱨ ᱯᱤ.ᱮᱪᱰᱤ ᱨᱩᱜᱩᱞᱟᱨ ᱥᱟᱛᱟᱢᱨᱮ ᱯᱚᱲᱦᱚᱱ ᱪᱟᱞᱟᱜ ᱠᱟᱱᱟ ᱾

ᱯᱷᱮᱰᱟᱛ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.wikipedia.org/wiki/North_Orissa_University

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "About NOU". www.nou.nic.in. Retrieved 22 ᱰᱤᱥᱮᱢᱵᱚᱨ 2019.