ᱮᱥ.ᱴᱤ.ᱰᱤ

ᱥᱟᱵᱽᱥᱠᱨᱟᱭᱵᱟᱨ ᱴᱨᱟᱸᱠ ᱰᱟᱭᱞᱤᱝ (Subscriber trunk dialling) ᱵᱟᱝᱢᱟ STD ᱫᱚ ᱢᱤᱫ ᱴᱮᱞᱤᱯᱷᱳᱱ ᱥᱤᱥᱴᱮᱢ ᱠᱟᱱᱟ, ᱡᱟᱦᱟᱸ ᱛᱮ ᱥᱟᱵᱽᱥᱠᱨᱟᱭᱵᱟᱨ (ᱵᱮᱵᱷᱟᱨᱤᱭᱟᱹ) ᱠᱚ ᱴᱮᱞᱤᱯᱷᱳᱱ ᱚᱯᱨᱮᱴᱚᱨ ᱟᱜ ᱜᱚᱲᱚ ᱵᱮᱜᱚᱨ ᱜᱮ ᱥᱟᱹᱜᱤᱧ ᱡᱷᱟᱹᱞ ᱨᱮᱱᱟᱜ ᱠᱚᱞ (trunk calls) ᱠᱚ ᱠᱚᱨᱟᱣ ᱫᱟᱲᱮᱭᱟᱜᱼᱟ ᱾

ᱱᱟᱜᱟᱢ

ᱥᱟᱵᱽᱥᱠᱨᱟᱭᱵᱟᱨ ᱴᱨᱟᱸᱠ ᱰᱟᱭᱞᱤᱝ ᱨᱮᱱᱟᱜ ᱮᱛᱚᱦᱚᱵ ᱢᱟᱬᱟᱝ ᱨᱮ, ᱥᱟᱹᱜᱤᱧ ᱡᱷᱟᱹᱞ ᱨᱮᱱᱟᱜ ᱠᱚᱞ ᱠᱚ ᱫᱚ ᱴᱮᱞᱤᱯᱷᱳᱱ ᱮᱠᱥᱪᱮᱧᱡᱽ ᱨᱮᱱ ᱚᱯᱨᱮᱴᱚᱨ ᱠᱚ ᱛᱩᱞᱩᱡ ᱠᱚᱱᱮᱠᱴ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱱᱚᱶᱟ ᱞᱟᱹᱜᱤᱫ "᱐" ᱰᱟᱭᱞ ᱠᱟᱛᱮ ᱚᱯᱨᱮᱴᱚᱨ ᱥᱟᱶ ᱨᱚᱲ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾

ᱭᱩᱱᱟᱭᱴᱮᱰ ᱠᱤᱝᱰᱚᱢ

ᱭᱩᱱᱟᱭᱴᱮᱰ ᱠᱤᱝᱰᱚᱢ (UK) ᱨᱮ STD ᱨᱮᱱᱟᱜ ᱮᱛᱚᱦᱚᱵ ᱫᱚ ᱕ ᱰᱤᱥᱮᱢᱵᱚᱨ ᱑᱙᱕᱘ ᱨᱮ ᱨᱟᱹᱱᱤ ᱮᱞᱤᱡᱟᱵᱮᱛᱷ ᱫᱚᱥᱟᱨ ᱟᱜ ᱛᱤ ᱛᱮ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ ᱵᱽᱨᱤᱥᱴᱚᱞ ᱠᱷᱚᱱ ᱮᱰᱤᱱᱵᱚᱨᱜᱽ ᱛᱮ ᱯᱩᱭᱞᱩ ᱠᱚᱞ ᱮ ᱠᱚᱨᱟᱣ ᱞᱮᱫᱼᱟ ᱾^[᱑] ᱑᱙᱗᱙ ᱥᱮᱨᱢᱟ ᱦᱟᱹᱵᱤᱡ ᱛᱮ UK ᱨᱮᱱᱟᱜ ᱡᱚᱛᱚ ᱴᱚᱴᱷᱟ ᱜᱮ STD ᱥᱟᱶ ᱡᱚᱲᱟᱣ ᱞᱮᱱᱟ ᱾

ᱚᱥᱴᱨᱮᱞᱤᱭᱟ

ᱚᱥᱴᱨᱮᱞᱤᱭᱟ ᱨᱮ STD ᱫᱚ ᱑᱙᱖᱐ ᱥᱮᱨᱢᱟ ᱨᱮ ᱮᱛᱚᱦᱚᱵ ᱞᱮᱱᱟ ᱾ ᱯᱩᱭᱞᱩ STD ᱠᱚᱞ ᱫᱚ ᱠᱟᱱᱵᱮᱨᱟ ᱟᱨ ᱥᱤᱰᱱᱤ ᱛᱟᱞᱟ ᱨᱮ ᱦᱩᱭ ᱞᱮᱱᱟ ᱾

ᱥᱤᱧᱚᱛ

ᱥᱤᱧᱚᱛ ᱨᱮ STD ᱥᱮᱵᱟ ᱫᱚ ᱑᱙᱖᱐ ᱥᱮᱨᱢᱟ ᱨᱮ ᱮᱛᱚᱦᱚᱵ ᱞᱮᱱᱟ ᱾ ᱯᱩᱭᱞᱩ ᱫᱷᱟᱣ ᱱᱚᱶᱟ ᱥᱮᱵᱟ ᱫᱚ ᱠᱟᱱᱯᱩᱨ ᱟᱨ ᱞᱚᱠᱷᱱᱚᱣ ᱥᱚᱦᱚᱨ ᱛᱟᱞᱟ ᱨᱮ ᱮᱛᱚᱦᱚᱵ ᱞᱮᱱᱟ ᱾^[᱒] ᱱᱚᱶᱟ ᱞᱟᱹᱜᱤᱫ "᱐" ᱯᱨᱤᱯᱷᱤᱠᱥ ᱟᱨ ᱚᱱᱟ ᱛᱟᱭᱚᱢ ᱮᱨᱤᱭᱟ ᱠᱳᱰ ᱰᱟᱭᱞ ᱞᱟᱹᱠᱛᱤᱭᱟᱱ ᱛᱟᱦᱮᱸ ᱠᱟᱱᱟ ᱾ ᱥᱤᱧᱚᱛ ᱨᱮᱱᱟᱜ ᱟᱹᱛᱩ ᱴᱚᱴᱷᱟ ᱠᱚᱨᱮ STD ᱵᱩᱛᱷ (STD Booth) ᱫᱚ ᱟᱹᱰᱤ ᱧᱩᱛᱩᱢᱟᱱ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱥᱮᱱ ᱠᱟᱛᱮ ᱦᱚᱲ ᱠᱚ ᱥᱟᱹᱜᱤᱧ ᱨᱮᱱ ᱜᱟᱛᱮ ᱟᱨ ᱜᱷᱟᱨᱚᱸᱡᱽ ᱨᱮᱱ ᱦᱚᱲ ᱥᱟᱶ ᱠᱚ ᱨᱚᱲ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱾

ᱟᱭᱟᱨᱞᱮᱱᱰ

ᱟᱭᱟᱨᱞᱮᱱᱰ ᱨᱮ ᱑᱙᱕᱗ ᱥᱮᱨᱢᱟ ᱠᱷᱚᱱ ᱱᱚᱶᱟ ᱥᱮᱵᱟ ᱨᱮᱱᱟᱜ ᱵᱮᱱᱟᱣ ᱠᱟᱹᱢᱤ ᱮᱛᱚᱦᱚᱵ ᱞᱮᱱᱟ ᱾

ᱴᱨᱟᱸᱠ ᱟᱜᱟᱛ

STD ᱠᱚᱞ ᱠᱚᱨᱟᱣ ᱞᱟᱹᱜᱤᱫ ᱡᱚᱛᱚ ᱫᱤᱥᱚᱢ ᱨᱮ ᱢᱤᱫᱴᱟᱝ ᱯᱨᱤᱯᱷᱤᱠᱥ ᱵᱮᱵᱷᱟᱨᱚᱜᱼᱟ ᱾ ᱭᱩᱱᱟᱭᱴᱮᱰ ᱠᱤᱝᱰᱚᱢ, ᱥᱤᱧᱚᱛ, ᱚᱥᱴᱨᱮᱞᱤᱭᱟ ᱟᱨ ᱟᱭᱢᱟ ᱫᱤᱥᱚᱢ ᱨᱮ "᱐" ᱫᱚ ᱴᱨᱟᱸᱠ ᱯᱨᱤᱯᱷᱤᱠᱥ ᱞᱮᱠᱟᱛᱮ ᱵᱮᱵᱷᱟᱨᱚᱜᱼᱟ ᱾ ᱩᱛᱛᱚᱨ ᱟᱢᱮᱨᱤᱠᱟ (North America) ᱨᱮ ᱱᱚᱶᱟ ᱫᱚ "᱑" ᱠᱟᱱᱟ ᱾

ᱮᱨᱤᱭᱟ ᱠᱳᱰ

STD ᱥᱤᱥᱴᱮᱢ ᱨᱮ ᱡᱚᱛᱚ ᱥᱚᱦᱚᱨ ᱵᱟᱝᱢᱟ ᱴᱚᱴᱷᱟ ᱞᱟᱹᱜᱤᱫ ᱢᱤᱫᱴᱟᱝ ᱡᱩᱫᱟᱹ ᱮᱨᱤᱭᱟ ᱠᱳᱰ (Area Code) ᱛᱟᱦᱮᱸᱱᱟ ᱾

ᱡᱮᱞᱮᱠᱟ ᱥᱤᱧᱚᱛ ᱨᱮ:
- ᱫᱤᱞᱞᱤ: ᱐᱑᱑
- ᱢᱩᱢᱵᱟᱭ: ᱐᱒᱒
- ᱠᱚᱞᱠᱟᱛᱟ: ᱐᱓᱓
- ᱨᱟᱺᱪᱤ: ᱐᱖᱕᱑

ᱱᱚᱶᱟ ᱦᱚᱸ ᱧᱮᱞ ᱢᱮ

ᱥᱟᱹᱠᱷᱭᱟᱹᱛ

↑ "International Subscriber Trunk Dialling introduced". The Telegraph. 10 March 2017. Archived from the original on 11 March 2017.ᱪᱷᱟᱸᱪ:Cbignore
↑ "The days of trunk dialling". ᱫᱟ ᱦᱤᱱᱫᱩ (in Indian English). 2016-03-30. ISSN 0971-751X. Retrieved 2021-07-31.

ᱵᱟᱦᱨᱮ ᱡᱚᱱᱚᱲ

ᱵᱽᱨᱤᱴᱤᱥ ᱴᱮᱞᱤᱯᱷᱳᱱ ᱱᱟᱜᱟᱢ (ᱤᱝᱞᱤᱥ ᱛᱮ)^{[permanent dead link]}

[1] "International Subscriber Trunk Dialling introduced". The Telegraph. 10 March 2017. Archived from the original on 11 March 2017.ᱪᱷᱟᱸᱪ:Cbignore

[2] "The days of trunk dialling". ᱫᱟ ᱦᱤᱱᱫᱩ (in Indian English). 2016-03-30. ISSN 0971-751X. Retrieved 2021-07-31.

[᱑]

[᱒]