ᱮᱵᱷᱮᱞᱤᱱ ᱥᱚᱨᱢᱟ
ᱮᱵᱷᱮᱞᱤᱱ ᱞᱚᱠᱥᱢᱤ ᱥᱚᱨᱢᱟ ᱫᱚ ᱢᱤᱫ ᱡᱟᱨᱢᱟᱱ ᱮᱠᱴᱨᱮᱥ ᱟᱨ ᱢᱚᱰᱮᱞ ᱠᱟᱱᱟᱭ ᱡᱟᱦᱟᱸᱭ ᱫᱚ ᱢᱩᱬᱩᱛ ᱞᱮᱠᱟᱛᱮ ᱦᱤᱱᱫᱤ ᱯᱟᱹᱨᱥᱤ ᱨᱮᱭᱟᱜ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱨᱮ ᱧᱮᱞᱚᱜᱼᱟ᱾ ᱩᱱᱤ ᱒᱐᱐᱖ ᱨᱮ ᱟᱢᱮᱨᱤᱠᱟᱱ ᱯᱷᱤᱞᱢ ᱴᱟᱨᱱ ᱞᱮᱯᱷᱴ ᱥᱟᱶ ᱟᱡᱟᱜ ᱯᱷᱤᱞᱢ ᱰᱮᱵᱭᱩ ᱮ ᱪᱤᱱᱦᱟᱹ ᱠᱮᱫᱟ ᱟᱨ ᱒᱐᱑᱒ ᱨᱮ ᱯᱷᱤᱞᱢ ᱯᱷᱨᱚᱢ ᱥᱤᱰᱱᱤ ᱣᱤᱛᱷ ᱞᱚᱵᱽ ᱨᱮ ᱵᱚᱞᱤᱣᱩᱰ ᱰᱮᱵᱭᱩ ᱮ ᱵᱮᱱᱟᱣ ᱠᱮᱫᱟ᱾ ᱩᱱᱤ ᱒᱐᱑᱓ ᱨᱮ ᱯᱷᱤᱞᱢ ᱭᱮᱦ ᱡᱟᱣᱟᱱᱤ ᱦᱮ ᱫᱤᱣᱟᱱᱤ ᱨᱮ ᱧᱮᱞ ᱠᱟᱛᱮ ᱧᱩᱛᱩᱢ ᱮ ᱟᱢᱮᱴ ᱠᱮᱫᱟ᱾[᱑]
ᱮᱛᱚᱦᱚᱵ ᱡᱤᱭᱚᱱ ᱟᱨ ᱵᱮᱠᱜᱨᱟᱣᱩᱱᱰ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱵᱷᱮᱞᱤᱱ ᱞᱚᱠᱥᱢᱤ ᱥᱚᱨᱢᱟ ᱫᱚ ᱯᱟᱪᱮ ᱡᱟᱨᱢᱟᱱᱤ, ᱦᱮᱥᱮ ᱨᱮᱭᱟᱜ ᱯᱷᱨᱟᱸᱠᱯᱷᱚᱨᱴ ᱨᱮ ᱢᱤᱫ ᱵᱷᱟᱨᱚᱛᱤᱭᱚ ᱯᱟᱧᱡᱟᱵᱤ ᱦᱤᱱᱫᱩ ᱵᱟᱵᱟ ᱟᱨ ᱢᱤᱫ ᱡᱟᱨᱢᱟᱱ ᱮᱸᱜᱟᱛ ᱴᱷᱮᱱ ᱡᱟᱱᱟᱢ ᱟᱨ ᱦᱟᱨᱟ ᱵᱩᱨᱩ ᱟᱠᱟᱱᱟ᱾ ᱩᱱᱤ ᱴᱷᱮᱱ ᱡᱟᱨᱢᱟᱱ ᱱᱟᱜᱚᱨᱤᱠᱛᱟ ᱢᱮᱱᱟᱜᱼᱟ᱾
ᱚᱠᱴᱚᱵᱚᱨ ᱒᱐᱑᱙ ᱨᱮ, ᱥᱚᱨᱢᱟ ᱢᱤᱫ ᱤᱱᱰᱳ-ᱚᱥᱴᱨᱮᱞᱤᱭᱟᱱ ᱰᱮᱱᱴᱟᱞ ᱥᱟᱨᱡᱚᱱ ᱟᱨ ᱩᱫᱽᱭᱚᱢᱤ, ᱛᱩᱥᱟᱱ ᱵᱷᱤᱸᱰᱤ ᱥᱟᱶ ᱮᱸᱜᱮᱡᱽᱢᱮᱱᱴ ᱠᱮᱫᱟ᱾ ᱑᱕ ᱢᱮ ᱒᱐᱒᱑ ᱨᱮ, ᱩᱱᱤ ᱚᱥᱴᱨᱮᱞᱤᱭᱟ, ᱵᱨᱤᱥᱵᱮᱱ ᱨᱮ ᱵᱷᱤᱸᱰᱤ ᱥᱟᱶ ᱮ ᱵᱟᱯᱞᱟ ᱮᱱᱟ᱾ ᱩᱱᱠᱩ ᱨᱤᱱ ᱯᱩᱭᱞᱩ ᱜᱤᱫᱽᱨᱟᱹ, ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱚᱱᱟ ᱱᱚᱵᱷᱮᱢᱵᱚᱨ ᱨᱮ ᱡᱟᱱᱟᱢ ᱞᱮᱱᱟ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱚᱨᱢᱟ ᱒᱐᱐᱖ ᱨᱮ ᱟᱢᱮᱨᱤᱠᱟᱱ ᱯᱷᱤᱞᱢ ᱴᱟᱨᱱ ᱞᱮᱯᱷᱴ ᱨᱮ ᱢᱤᱫ ᱠᱚᱢ ᱦᱟᱹᱴᱤᱧ ᱥᱟᱶ ᱟᱡᱟᱜ ᱮᱠᱴᱤᱝ ᱠᱮᱨᱤᱭᱚᱨ ᱮ ᱮᱛᱚᱦᱚᱵ ᱠᱮᱫᱟ᱾ ᱒᱐᱑᱒ ᱨᱮ, ᱩᱱᱤ ᱯᱷᱤᱞᱢ ᱯᱷᱨᱚᱢ ᱥᱤᱰᱱᱤ ᱣᱤᱛᱷ ᱞᱚᱵᱽ ᱨᱮ ᱞᱩᱵᱟᱭᱱᱟ ᱥᱱᱟᱭᱰᱟᱨ ᱠᱟᱹᱢᱤ ᱠᱟᱛᱮ ᱟᱡᱟᱜ ᱵᱚᱞᱤᱣᱩᱰ ᱰᱮᱵᱭᱩ ᱮ ᱵᱮᱱᱟᱣ ᱠᱮᱫᱟ᱾ ᱛᱟᱭᱚᱢ ᱥᱮᱨᱢᱟ, ᱩᱱᱤ ᱯᱷᱤᱞᱢ ᱭᱮᱦ ᱡᱟᱣᱟᱱᱤ ᱦᱮ ᱫᱤᱣᱟᱱᱤ ᱨᱮ ᱯᱷᱤᱪᱚᱨ ᱞᱮᱱᱟᱭ, ᱟᱨ ᱱᱚᱣᱟ ᱱᱚᱣᱴᱟᱸᱠᱤ ᱥᱟᱞᱟ! ᱟᱨ ᱤᱥᱟᱠ ᱨᱮ ᱥᱟᱨᱦᱟᱣ ᱞᱮᱱᱟ᱾ ᱒᱐᱑᱔ ᱨᱮ, ᱩᱱᱤ ᱥᱞᱤᱯᱟᱨ ᱦᱤᱴ ᱭᱟᱨᱤᱭᱟᱱ ᱨᱮ ᱡᱮᱱᱮᱴ ᱰᱤᱥᱳᱡᱟ ᱭᱟᱜ ᱨᱳᱞ ᱮ ᱠᱟᱹᱢᱤ ᱠᱮᱫᱟ᱾ ᱟᱜᱚᱥᱴ ᱒᱐᱑᱔ ᱨᱮ, ᱥᱚᱨᱢᱟ ᱟᱡᱟᱜ ᱯᱩᱭᱞᱩ ᱢᱤᱭᱩᱡᱤᱠ ᱥᱤᱝᱜᱚᱞ, "ᱥᱟᱢᱛᱷᱤᱝ ᱵᱤᱭᱩᱴᱤᱯᱷᱩᱞ", ᱵᱨᱩᱠᱞᱤᱱ ᱥᱟᱱᱛᱤ ᱦᱚᱛᱮᱛᱮ ᱵᱮᱱᱟᱣ ᱠᱟᱛᱮ ᱨᱤᱞᱤᱡᱽ ᱠᱮᱫᱟ᱾ ᱩᱱᱤ ᱞᱟᱭᱤᱯᱷ ᱢᱮᱱ ᱮᱠ ᱵᱟᱨ ᱧᱩᱛᱩᱢᱟᱱ ᱟᱡᱟᱜ ᱴᱨᱟᱵᱷᱮᱞ ᱥᱳ ᱦᱚᱸ ᱦᱳᱥᱴ ᱟᱠᱟᱫᱟ᱾ ᱢᱮ ᱒᱐᱑᱕ ᱨᱮ, ᱩᱱᱤ ᱫᱮᱵᱟᱝ ᱰᱷᱳᱞᱟᱠᱤᱭᱟ ᱭᱟᱜ ᱠᱩᱪ ᱠᱩᱪ ᱞᱳᱪᱟ ᱦᱮ ᱨᱮ ᱱᱟᱵᱽᱫᱤᱯ ᱪᱟᱵᱽᱨᱟ, ᱥᱟᱱᱤ ᱞᱤᱭᱳᱱ ᱟᱨ ᱨᱟᱢ ᱠᱟᱯᱩᱨ ᱟᱯᱳᱡᱤᱴ ᱨᱮ ᱧᱮᱞ ᱮᱱᱟ ᱟᱨ ᱱᱚᱣᱟ ᱘ ᱢᱮ ᱒᱐᱑᱕ ᱨᱮ ᱨᱤᱞᱤᱡᱽ ᱞᱮᱱᱟ᱾ ᱩᱱᱤ ᱤᱥᱠᱫᱟᱨᱤᱭᱟᱱ ᱨᱮ ᱦᱚᱸ ᱯᱷᱤᱪᱚᱨ ᱞᱮᱱᱟᱭ, ᱡᱟᱦᱟᱸ ᱫᱚ ᱒᱙ ᱢᱮ ᱒᱐᱑᱕ ᱨᱮ ᱨᱤᱞᱤᱡᱽ ᱞᱮᱱᱟ᱾ ᱩᱱᱤ ᱒᱐᱑᱙ ᱥᱮᱨᱢᱟ ᱨᱮ ᱥᱟᱟᱦᱳ ᱟᱨ ᱠᱤᱥᱥᱮᱵᱟᱡᱽ ᱨᱮ ᱧᱮᱞ ᱞᱮᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Ranbir to romance Evelyn in YJHD | Hindi Movies News". Bollywood Hungama. 27 April 2012. Archived from the original on 30 April 2012. Retrieved 1 April 2013.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Evelyn Sharma ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |