ᱯᱚᱫᱽᱢᱚᱯᱩᱨ

ᱯᱚᱫᱽᱢᱚᱯᱩᱨ

ᱨᱟᱡᱽᱵᱳᱨᱟᱥᱚᱢᱵᱚᱨ
ᱯᱚᱫᱽᱢᱚᱯᱩᱨ ᱨᱟᱡᱽᱵᱳᱨᱟᱥᱚᱢᱵᱚᱨ
ᱢᱩᱬ ᱱᱚᱜᱚᱨ
	ᱵᱳᱨᱟᱥᱚᱢᱵᱚᱨ ᱯᱟᱞᱮᱥ, ᱯᱚᱫᱚᱢᱯᱩᱨ
	Lua error in ᱢᱳᱰᱩᱞ:Location_map at line 411: Malformed coordinates value.
	ᱠᱳᱣᱚᱨᱰᱤᱱᱮᱴᱥ: ᱪᱷᱟᱸᱪ:Coordinates
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱳᱰᱤᱥᱟ
ᱦᱚᱱᱚᱛ	ᱵᱚᱨᱜᱚᱰ
ᱥᱚᱨᱠᱟᱨ
• ᱞᱮᱠᱟᱱ	ᱱᱚᱰᱤᱥᱴᱤᱯᱷᱤᱰ ᱴᱚᱴᱷᱟ ᱠᱟᱣᱩᱱᱥᱤᱞ
• ᱥᱚᱝᱥᱛᱷᱟ	ᱯᱚᱫᱚᱢᱯᱩᱨ ᱱᱚᱜᱚᱨ ᱯᱚᱧᱪᱟᱭᱚᱛ
• ᱵᱤᱫᱷᱟᱱᱥᱚᱵᱷᱟ ᱥᱚᱦᱮᱛ	ᱵᱟᱨᱥᱟ ᱥᱤᱝ ᱵᱟᱨᱤᱦᱟ, (ᱵᱤᱡᱮᱰᱤ)
ᱩᱥᱩᱞ	205 ᱢᱤᱴᱚᱨ (673 ᱯᱷᱩᱴ)
ᱦᱚᱲ ᱮᱞ (᱒᱐᱑᱑)
• ᱜᱩᱴ	᱑᱗,᱖᱒᱕
ᱯᱟᱹᱨᱥᱤ ᱠᱚ
• ᱥᱚᱨᱠᱟᱨᱤ	ᱳᱰᱤᱭᱟ
• ᱴᱚᱴᱷᱟᱣᱟᱨᱤ	ᱥᱚᱢᱵᱚᱞᱯᱩᱨᱤ
ᱚᱠᱛᱚ ᱴᱚᱴᱷᱟ	ᱭᱩ.ᱴᱤ.ᱥᱤ+᱐᱕:᱓᱐ (IST)
PIN	᱗᱖᱘᱐᱓᱖
ᱜᱟᱹᱰᱤ ᱨᱮᱡᱤᱥᱴᱨᱮᱥᱚᱱ	OD-17

ᱯᱚᱫᱽᱢᱚᱯᱩᱨ ᱟᱨᱵᱟᱝ ᱯᱚᱫᱚᱢᱯᱩᱨ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱳᱰᱤᱥᱟ ᱨᱮ ᱵᱚᱨᱜᱚᱰ ᱦᱚᱱᱚᱛ ᱨᱮᱱᱟᱜ ᱢᱤᱫ ᱢᱩᱬ ᱥᱚᱦᱚᱨ ᱟᱨ ᱱᱚᱰᱤᱥᱩᱯᱷᱤᱰ ᱴᱚᱴᱷᱟ ᱠᱟᱱᱟ ᱾ ᱱᱚᱶᱟ ᱫᱚ ᱵᱚᱨᱜᱚᱰ ᱦᱚᱱᱚᱛ ᱨᱮᱱᱟᱜ ᱥᱟᱵᱽ-ᱰᱤᱵᱷᱤᱡᱚᱱᱟᱞ ᱦᱮᱰᱠᱩᱣᱟᱴᱚᱨ ᱟᱨ ᱡᱟᱭᱜᱟ ᱦᱤᱥᱟᱹᱵᱽ ᱛᱮ ᱟᱹᱰᱤ ᱢᱟᱨᱟᱝ ᱥᱟᱵᱽᱰᱤᱵᱤᱡᱚᱱ ᱦᱚᱸ ᱠᱟᱱᱟ ᱾

ᱚᱛᱱᱚᱜ

ᱯᱚᱫᱽᱢᱚᱯᱩᱨ ᱫᱚ 20°35′N 83°24′E / 20.59°N 83.40°E / 20.59; 83.40 ᱞᱮᱴᱤᱴᱭᱩᱴ ᱨᱮ ᱢᱮᱱᱟᱜᱼᱟ ᱾^[᱑] ᱱᱚᱶᱟ ᱨᱮᱱᱟᱜ ᱥᱚᱨᱮᱥ ᱩᱥᱩᱞ ᱫᱚ ᱒᱕ ᱢᱤᱴᱚᱨ (᱖᱗᱓ ᱯᱷᱤᱴ) ᱠᱟᱱᱟ ᱾ ᱱᱚᱣᱟ ᱫᱚ ᱟᱡᱟᱜ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱵᱚᱨᱜᱚᱰ ᱠᱷᱚᱱ ᱘᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱟᱡᱟᱜ ᱨᱟᱡᱽᱜᱟᱲ ᱵᱷᱩᱵᱽᱱᱮᱥᱚᱨ ᱠᱷᱚᱱ ᱔᱒᱐ ᱠᱤᱞᱚᱢᱤᱴᱚᱨ (᱒᱖᱐ ᱢᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱯᱚᱫᱽᱢᱚᱯᱩᱨ ᱥᱟᱢᱟᱝ ᱥᱮᱫ ᱵᱚᱞᱟᱝᱜᱤᱨ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱠᱷᱚᱱ ᱘᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱝᱠᱟ ᱛᱮ ᱱᱚᱣᱟ ᱫᱚ ᱢᱤᱫ ᱥᱚᱢᱵᱚᱦᱩ ᱴᱨᱟᱭᱜᱩᱞ ᱵᱚᱨᱜᱚᱰ - ᱵᱟᱞᱚᱝᱜᱤᱨ - ᱯᱚᱫᱽᱢᱚᱯᱩᱨ ᱛᱮᱭᱟᱨ ᱟᱠᱟᱱᱟ ᱾ ᱟᱨ ᱯᱟᱪᱮ ᱱᱟᱠᱷᱟ ᱨᱮ ᱱᱩᱣᱟᱯᱟᱰᱟ ᱠᱷᱚᱱ ᱖᱕ ᱠᱤᱞᱚᱢᱤᱴᱚᱨ (᱔᱐ ᱢᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱥᱚᱦᱚᱨ ᱨᱮᱱᱟᱜ ᱠᱚᱧᱮ ᱨᱮ ᱒᱐ ᱠᱤᱞᱚᱢᱤᱴᱚᱨ (᱑᱒ ᱢᱤᱞ) ᱥᱟᱺᱜᱤᱧ ᱨᱮ ᱪᱷᱚᱛᱤᱥᱜᱚᱰ ᱯᱚᱱᱚᱛ ᱨᱮᱱᱟᱜ ᱥᱤᱢᱟᱹ ᱢᱮᱱᱟᱜᱼᱟ ᱾ ᱥᱚᱦᱚᱨ ᱥᱩᱨ ᱨᱮ ᱜᱚᱱᱫᱷᱢᱟᱨᱫᱚᱱ ᱵᱩᱨᱩ ᱨᱮᱱᱟᱜ ᱞᱟᱜᱟᱛᱟᱨ ᱟᱨ ᱵᱤᱨ ᱢᱮᱱᱟᱜᱼᱟ ᱾ ᱱᱚᱶᱟ ᱥᱚᱦᱚᱨ ᱫᱚ ᱳᱝ ᱜᱟᱰᱟ (ᱢᱚᱦᱟᱱᱚᱫᱤ ᱨᱮᱱᱟᱜ ᱢᱩᱬᱩᱛ ᱥᱚᱦᱚᱛ ᱜᱟᱰᱟ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ) ᱫᱷᱟᱨᱮ ᱨᱮ ᱢᱮᱱᱟᱜᱼᱟ ᱾

ᱰᱮᱢᱚᱜᱨᱟᱯᱷᱤᱠ

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱥᱚᱦᱚᱨ ᱨᱤᱱ ᱦᱚᱲ ᱮᱞ ᱫᱚ ᱑᱗,᱖᱒᱕ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱘,᱙᱘᱘ ᱜᱚᱴᱟᱝ ᱠᱚᱲᱟ ᱟᱨ ᱘,᱖᱓᱗ ᱜᱚᱴᱟᱝ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱤᱫᱽᱨᱟᱹ ᱫᱚ ᱑,᱘᱙᱙ ᱦᱚᱲ ᱠᱚ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱫᱚ ᱥᱚᱦᱚᱨ ᱨᱮᱱᱟᱜ ᱜᱩᱴ ᱦᱚᱲ ᱮᱞ ᱨᱮᱱᱟᱜ ᱑᱐.᱗᱗% ᱢᱮᱱᱟᱜᱼᱟ ᱾ ᱛᱤᱨᱞᱟᱹ ᱡᱟᱱᱟᱝ ᱡᱟᱹᱱᱤ ᱟᱨ ᱜᱤᱫᱽᱨᱟᱹ ᱡᱟᱱᱟᱝ ᱡᱟᱹᱱᱤ ᱫᱚ ᱙᱖᱑ ᱟᱨ ᱘᱒᱒ ᱢᱮᱱᱟᱜᱼᱟ, ᱟᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱙᱗᱙ ᱟᱨ ᱙᱔᱑ ᱢᱮᱱᱟᱜᱼᱟ ᱾ᱥᱚᱦᱚᱨ ᱨᱮᱱᱟᱜ ᱥᱤᱠᱷᱱᱟᱹᱛ ᱫᱚᱨ ᱫᱚ ᱘᱓.᱒᱖% ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱯᱚᱱᱚᱛ ᱥᱤᱠᱷᱱᱟᱹᱛ ᱫᱚᱨ ᱫᱚ ᱗᱒.᱘᱗% ᱠᱷᱚᱱ ᱰᱷᱮᱨ ᱜᱮᱭᱟ ᱾ ᱠᱚᱲᱟ ᱟᱜ ᱥᱤᱠᱷᱱᱟᱹᱛ ᱫᱚᱨ ᱫᱚ ᱘᱙.᱖᱖% ᱟᱨ ᱛᱤᱨᱞᱟᱹ ᱭᱟᱜ ᱥᱤᱠᱷᱱᱟᱹᱛ ᱫᱚᱨ ᱫᱚ ᱗᱖.᱗᱒% ᱢᱮᱱᱟᱜᱼᱟ ᱾

ᱨᱟᱡᱽᱟᱹᱨᱤ ᱠᱚ

ᱯᱚᱫᱽᱢᱚᱯᱩᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱵᱤ.ᱡᱮ.ᱰᱤ. ᱨᱤᱱᱤᱡ ᱵᱚᱨᱥᱚ ᱥᱤᱝ ᱵᱚᱨᱤᱦᱟ ᱫᱚ ᱒᱐᱒᱔ ᱥᱟᱞᱮ ᱨᱮᱱᱟᱜ ᱥᱟᱫᱷᱟᱨᱚᱱ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱞᱮᱱᱟᱭ ᱾^[᱒]

ᱯᱚᱫᱽᱢᱚᱯᱩᱨ ᱫᱚ ᱥᱚᱢᱵᱚᱞᱯᱩᱨ (ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ) ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ ᱾ ᱱᱤᱛᱚᱜ ᱱᱚᱣᱟ ᱫᱚ ᱵᱚᱨᱜᱚᱰ ᱞᱳᱠ ᱥᱚᱵᱷᱟ ᱴᱚᱴᱷᱟ ᱨᱮ ᱦᱤᱡᱩᱜ ᱠᱟᱱᱟ, ᱡᱟᱦᱟᱸ ᱫᱚ ᱱᱤᱛᱚᱜ ᱵᱤᱡᱮᱯᱤ ᱨᱤᱱᱤᱡ ᱯᱨᱚᱫᱤᱯ ᱯᱩᱨᱳᱦᱤᱛ ᱴᱷᱮᱱ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱᱟ ᱾^[᱓]

ᱥᱟᱜᱟᱲᱚᱢ

ᱯᱚᱫᱽᱢᱚᱯᱩᱨ ᱫᱚ ᱳᱰᱤᱥᱟ ᱨᱮᱱᱟᱜ ᱢᱩᱬᱩᱛ ᱥᱚᱦᱚᱨ ᱟᱨ ᱱᱚᱜᱚᱨ ᱠᱷᱚᱱ ᱥᱚᱲᱚᱠ ᱰᱟᱦᱟᱨ ᱛᱮ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱳᱰᱤᱥᱟ ᱨᱮᱱᱟᱜ ᱢᱩᱬᱩᱛ ᱮᱠᱥᱯᱨᱮᱥᱵᱮ, ᱵᱤᱡᱩ ᱮᱠᱥᱯᱨᱮᱥᱵᱮ, ᱳᱰᱤᱥᱟ ᱨᱮᱱᱟᱜ ᱯᱚᱱᱚᱛ ᱨᱟᱡᱽᱰᱟᱦᱟᱨ - ᱓ ᱰᱟᱦᱟᱨ ᱨᱮ ᱱᱚᱣᱟ ᱥᱚᱦᱚᱨ ᱞᱮᱠᱟᱛᱮ ᱪᱟᱞᱟᱜᱼᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱪᱷᱚᱛᱤᱥᱜᱚᱰ ᱨᱮᱱᱟᱜ ᱯᱚᱱᱚᱛ ᱨᱟᱡᱽᱰᱟᱦᱟᱨ - ᱑᱖ ᱰᱟᱦᱟᱨ ᱨᱮᱱᱟᱜ ᱢᱩᱪᱟᱹᱫ ᱴᱷᱟᱶ ᱠᱟᱱᱟ ᱾

•ᱵᱟᱥ ᱠᱚ:

ᱯᱚᱫᱽᱢᱚᱯᱩᱨ ᱫᱚ ᱳᱰᱤᱥᱟ ᱯᱚᱱᱚᱛ ᱥᱚᱲᱚᱠ ᱥᱟᱜᱟᱲᱚᱢ ᱠᱚᱨᱯᱳᱨᱮᱥᱚᱱ ᱨᱮᱱᱟᱜ ᱒᱓ ᱜᱚᱴᱟᱝ ᱵᱟᱥ ᱰᱤᱯᱳ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱶᱟ ᱫᱚ ᱵᱷᱩᱵᱽᱱᱮᱥᱚᱨ, ᱠᱚᱴᱚᱠ, ᱥᱚᱢᱵᱚᱞᱯᱩᱨ, ᱵᱚᱨᱦᱟᱢᱯᱩᱨ, ᱵᱚᱨᱜᱚᱰ, ᱯᱩᱨᱤ, ᱠᱭᱟᱱᱡᱷᱚᱨ, ᱵᱚᱞᱟᱝᱜᱤᱨ, ᱵᱷᱚᱵᱟᱱᱤᱯᱟᱴᱱᱟ, ᱡᱷᱟᱨᱥᱩᱜᱩᱰᱟ, ᱥᱩᱱᱫᱚᱨᱜᱚᱰ, ᱠᱳᱨᱟᱯᱩᱴ, ᱥᱚᱱᱯᱩᱨ ᱟᱨ ᱟᱭᱢᱟ ᱮᱴᱟᱜ ᱥᱚᱦᱚᱨ ᱠᱷᱚᱱ ᱥᱚᱨᱠᱟᱨᱤ ᱟᱨ ᱯᱨᱟᱭᱵᱷᱮᱴ ᱵᱟᱥ ᱛᱮ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱨᱟᱭᱯᱩᱨ ᱟᱨ ᱵᱟᱥᱱᱟ ᱪᱷᱚᱛᱤᱥᱜᱚᱰ ᱠᱷᱚᱱ ᱤᱱᱴᱟᱨ ᱥᱴᱮᱴ ᱵᱟᱥᱱᱟ ᱥᱮᱵᱟ ᱦᱚᱸ ᱢᱮᱱᱟᱜᱼᱟ ᱾ OSRTC ᱯᱚᱫᱽᱢᱚᱯᱩᱨ ᱠᱷᱚᱱ ᱯᱩᱨᱤ ᱟᱨ ᱵᱷᱩᱵᱽᱱᱮᱥᱚᱨ ᱞᱟᱹᱜᱤᱫ ᱟᱡᱟᱜ ᱯᱨᱤᱢᱤᱭᱟᱢ ᱵᱷᱳᱞᱵᱳ ᱙᱖᱐᱐ ᱵᱟᱥ ᱥᱮᱵᱟ ᱪᱟᱞᱟᱜ ᱠᱟᱱᱟ ᱾

•ᱨᱮᱞᱣᱮ ᱠᱚ:

ᱱᱤᱛᱚᱜ ᱫᱚ ᱯᱚᱫᱽᱢᱚᱯᱩᱨ ᱥᱚᱦᱚᱨ ᱠᱷᱚᱱ ᱥᱚᱡᱷᱮ ᱨᱮᱞᱣᱮ ᱡᱚᱲᱟᱣ ᱵᱟᱹᱱᱩᱜᱼᱟ ᱾ ᱢᱮᱱᱠᱷᱟᱱ ᱥᱤᱧᱚᱛᱤᱭᱟᱹ ᱨᱮᱞ ᱢᱚᱱᱛᱨᱟᱞᱚᱭ ᱫᱚ ᱒᱐᱒᱔ ᱨᱮ ᱯᱚᱫᱽᱢᱚᱯᱩᱨ ᱠᱷᱚᱱ ᱵᱚᱨᱜᱚᱰ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱱᱟᱣᱟᱯᱟᱨᱟ ᱨᱮᱞᱣᱮ ᱥᱴᱮᱥᱚᱱ ᱫᱷᱟᱹᱨᱤᱡ ᱢᱤᱫᱴᱟᱹᱝ ᱟᱹᱰᱤ ᱢᱩᱬ ᱯᱨᱚᱡᱮᱠᱴ ᱮ ᱮᱢᱟᱫᱟ ᱾ ᱫᱟᱨᱟᱭ ᱕ ᱥᱮᱨᱢᱟ ᱵᱷᱤᱛᱨᱤ ᱨᱮ ᱱᱚᱣᱟ ᱯᱩᱨᱟᱹᱣ ᱞᱟᱹᱜᱤᱫ ᱨᱮᱞᱣᱮ ᱫᱚ ᱒᱖᱒᱑.᱙᱖ ᱠᱚᱴ ᱨᱮᱱᱟᱜ ᱴᱟᱠᱟ ᱞᱟᱦᱟ ᱨᱮ ᱜᱮ ᱮᱢ ᱟᱠᱟᱫᱟᱭ ᱾^{[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱱᱤᱛᱚᱜ ᱥᱩᱨ ᱨᱮᱱᱟᱜ ᱨᱮᱞᱣᱮ ᱥᱴᱮᱥᱚᱱ ᱠᱚᱫᱚ ᱦᱩᱭᱩᱜ ᱠᱟᱱᱟ: ᱵᱚᱨᱜᱚᱰ ᱨᱳᱰ ᱨᱮᱞᱣᱮ ᱥᱴᱮᱥᱚᱱ - ᱘᱐ ᱠᱤᱞᱚᱢᱤᱴᱚᱨ (᱕᱐ ᱢᱤᱞ), ᱵᱚᱞᱟᱝᱜᱤᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ - ᱘᱐ ᱠᱤᱞᱚᱢᱤᱴᱚᱨ (᱕᱐ ᱢᱤᱞ), ᱠᱟᱸᱴᱟᱵᱟᱸᱡᱤ ᱨᱮᱞᱣᱮ ᱥᱴᱮᱥᱚᱱ - ᱘᱐ ᱠᱤᱞᱚᱢᱤᱴᱚᱨ (᱕᱐ ᱢᱤᱞ), ᱱᱟᱣᱟᱯᱟᱨᱟ ᱨᱳᱰ ᱨᱮᱞᱣᱮ ᱥᱴᱮᱥᱚᱱ - ᱖᱕ ᱠᱤᱞᱚᱢᱤᱴᱚᱨ (᱔᱐ ᱢᱤᱞ), ᱠᱷᱟᱨᱤᱭᱟᱨ ᱨᱳᱰ ᱨᱮᱞᱣᱮ ᱥᱴᱮᱥᱚᱱ - ᱗᱗ ᱠᱤᱞᱚᱢᱤᱴᱚᱨ (᱔᱘ ᱢᱤᱞ) ᱾

•ᱩᱰᱟᱹᱱ ᱰᱟᱹᱦᱤ ᱠᱚ:

ᱱᱤᱛᱚᱜ ᱯᱚᱫᱽᱢᱚᱯᱩᱨ ᱠᱷᱚᱱ ᱥᱩᱨ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ: ᱵᱤᱨ ᱥᱩᱨᱮᱱᱫᱨᱚ ᱥᱟᱭ ᱩᱰᱟᱹᱱ ᱰᱟᱹᱦᱤ - ᱑᱖᱘ ᱠᱤᱞᱚᱢᱤᱴᱚᱨ (᱑᱐᱔ ᱢᱤᱞ) ᱥᱣᱟᱢᱤ ᱵᱷᱤᱵᱮᱠᱟᱱᱚᱱᱫᱚ ᱩᱰᱟᱹᱱ ᱰᱟᱹᱦᱤ - ᱑᱗᱒ ᱠᱤᱞᱚᱢᱤᱴᱚᱨ (᱑᱐᱗ ᱢᱤᱞ) ᱵᱤᱡᱩ ᱯᱚᱴᱱᱟᱭᱚᱠ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ - ᱔᱐᱐ ᱠᱤᱞᱚᱢᱤᱴᱚᱨ (᱒᱕᱐ ᱢᱤᱞ)

ᱯᱚᱫᱽᱢᱚᱯᱩᱨ ᱥᱚᱦᱚᱨ ᱨᱮ ᱥᱚᱛᱤᱵᱷᱟᱛᱟ ᱩᱰᱟᱹᱱ ᱦᱚᱨ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱦᱩᱰᱤᱧᱟᱜ ᱩᱰᱟᱹᱱ ᱜᱟᱹᱰᱤ ᱠᱚ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱᱟ ᱟᱨ ᱱᱚᱶᱟ ᱫᱚ ᱢᱟᱲᱟᱝ ᱨᱮ ᱩᱰᱟᱹᱱ ᱡᱚᱡᱚᱱᱟ ᱞᱮᱠᱟᱛᱮ ᱵᱟᱹᱲᱛᱤ ᱵᱮᱵᱚᱥᱛᱟ ᱦᱩᱭᱩᱜ ᱠᱟᱱᱟ ᱾

ᱥᱟᱹᱠᱷᱭᱟᱹᱛ

↑ Falling Rain Genomics, Inc - Padampur
↑ "ws.ori.nic.in: ola/mlaprofile". Archived from the original on 3 July 2009. Retrieved 8 October 2009.
↑ "Assembly Constituencies - Corresponding Districts and Parliamentary Constituencies of Odisha" (PDF). Election Commission of India. Archived from the original (PDF) on 4 March 2009. Retrieved 2008-09-16.

ᱵᱟᱦᱨᱮ ᱡᱚᱱᱚᱲ

ᱪᱷᱟᱸᱪ:ᱵᱚᱨᱜᱚᱰ ᱦᱚᱱᱚᱛ

[1] Falling Rain Genomics, Inc - Padampur

[2] "ws.ori.nic.in: ola/mlaprofile". Archived from the original on 3 July 2009. Retrieved 8 October 2009.

[3] "Assembly Constituencies - Corresponding Districts and Parliamentary Constituencies of Odisha" (PDF). Election Commission of India. Archived from the original (PDF) on 4 March 2009. Retrieved 2008-09-16.

[᱑]

[᱒]

[᱓]