ᱯᱚᱱᱟᱠᱟ ᱠᱟᱱᱟᱠᱟᱢᱢᱟ
ᱯᱚᱱᱟᱠᱟ ᱠᱟᱱᱟᱠᱟᱢᱢᱟ (᱑᱘᱙᱒–᱑᱙᱖᱓) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱥᱟᱶᱛᱟ ᱠᱟᱹᱢᱤᱭᱟᱹ, ᱠᱟᱹᱢᱤᱭᱟᱹ ᱟᱨ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱤᱭᱟᱹ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱤᱡ ᱪᱮᱞᱟ ᱞᱮᱠᱟᱛᱮ ᱢᱤᱫ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱡᱤᱦᱚᱞ ᱨᱮᱭ ᱛᱟᱦᱮᱸ ᱠᱟᱱᱟ ᱾[᱑][᱒] ᱩᱱᱤ ᱫᱚ ᱱᱮᱞᱞᱳᱨ ᱨᱮ ᱠᱩᱲᱤ ᱜᱤᱫᱽᱨᱟᱹ ᱞᱟᱹᱜᱤᱫ ᱢᱤᱫ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱥᱨᱤ ᱠᱟᱥᱛᱩᱨᱤᱫᱮᱵᱤ ᱵᱤᱫᱽᱭᱟᱞᱟᱢ ᱮ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱚᱱᱟᱠᱟ ᱠᱟᱱᱟᱠᱟᱢᱢᱟ ᱫᱚ ᱑᱐ ᱡᱩᱱ ᱑᱘᱙᱒ ᱥᱟᱞᱮ ᱨᱮ ᱢᱤᱱᱟᱜᱟᱞᱞᱩ ᱨᱮ ᱱᱮᱞᱞᱳᱨ ᱦᱚᱱᱚᱛ ᱨᱮ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱨᱮᱱ ᱟᱯᱟᱛ ᱫᱚ ᱢᱟᱨᱩᱯᱩᱨᱩ ᱠᱚᱱᱰᱟ ᱨᱮᱰᱰᱤ ᱟᱨ ᱮᱸᱜᱟᱛ ᱫᱚ ᱠᱟᱟᱢᱟᱢᱢᱟ ᱠᱤᱱ ᱛᱟᱦᱮᱸ ᱠᱟᱱᱟ ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱟᱹᱰᱤ ᱠᱤᱥᱟᱹᱬ ᱚᱛ ᱦᱟᱛᱟᱣᱤᱡ ᱜᱟᱶᱛᱟ ᱠᱷᱚᱱ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱐᱙ ᱥᱟᱞᱮ ᱨᱮ ᱩᱱᱤ ᱨᱮᱱ ᱢᱟᱢᱚᱛ ᱵᱚᱭᱦᱟ ᱥᱩᱵᱽᱵᱟᱨᱟᱢᱟ ᱨᱮᱰᱰᱤ ᱥᱟᱶ ᱮ ᱵᱟᱯᱞᱟ ᱞᱮᱱᱟ, ᱡᱟᱦᱟᱸᱭ ᱫᱚ ᱱᱮᱞᱞᱳᱨ ᱥᱩᱨ ᱨᱮ ᱯᱚᱛᱞᱟᱯᱩᱰᱤ ᱟᱹᱛᱩ ᱨᱮᱱ ᱠᱤᱥᱟᱹᱬ ᱚᱛ ᱦᱟᱛᱟᱣᱤᱡ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱵᱟᱯᱞᱟ ᱚᱠᱛᱚ ᱨᱮ ᱤᱨᱟᱹᱞ ᱥᱮᱨᱢᱟ ᱩᱢᱮᱨ ᱨᱮᱱ ᱮ ᱛᱟᱦᱮᱸ ᱠᱟᱱᱟ ᱾ ᱪᱮᱫᱟᱜ ᱥᱮ ᱩᱱᱤ ᱨᱮᱱ ᱡᱟᱶᱟᱭ ᱫᱚ ᱟᱹᱨᱤᱪᱟᱹᱞᱤ ᱦᱚᱲ ᱮ ᱛᱟᱦᱮᱸ ᱠᱟᱱᱟ, ᱚᱱᱟ ᱠᱷᱟᱹᱛᱤᱨ ᱩᱱᱤ ᱫᱚ ᱵᱤᱨᱫᱟᱹᱜᱟᱲ ᱥᱮᱱᱚᱜ ᱨᱮᱱᱟᱜ ᱵᱟᱝ ᱮ ᱧᱟᱢ ᱞᱮᱫᱼᱟ ᱾ ᱪᱮᱫᱟᱜ ᱥᱮ ᱩᱱᱤ ᱫᱚ ᱯᱷᱚᱨᱢᱟᱞ ᱥᱠᱩᱞᱤᱝ ᱵᱟᱝ ᱛᱟᱦᱮᱸ ᱠᱟᱱ ᱨᱮᱦᱚᱸ, ᱩᱱᱤ ᱫᱚ ᱟᱡ ᱛᱮ ᱠᱩᱨᱩᱢᱩᱴᱩ ᱠᱟᱛᱮ ᱛᱮᱞᱩᱜᱩ, ᱦᱤᱱᱫᱤ ᱟᱨ ᱥᱟᱝᱥᱠᱨᱤᱛ ᱨᱮ ᱯᱟᱹᱨᱩᱠᱷᱤᱭᱟᱹ ᱮ ᱧᱟᱢ ᱠᱮᱫᱼᱟ ᱾ ᱑᱙᱐᱗ ᱥᱟᱞᱮ ᱨᱮ, ᱡᱚᱠᱷᱚᱱ ᱵᱤᱯᱤᱱᱪᱚᱸᱫᱽᱨᱚᱯᱟᱞ ᱟᱨ ᱩᱱᱤ ᱨᱮᱱ ᱮᱨᱟ ᱵᱟᱱᱫᱮ ᱢᱟᱛᱟᱨᱟᱢ ᱟᱱᱫᱚᱲ ᱥᱟᱶ ᱡᱚᱯᱚᱲᱟᱣ ᱠᱟᱛᱮ ᱱᱮᱞᱞᱳᱨ ᱠᱤᱱ ᱥᱮᱱ ᱮᱱᱟ, ᱩᱱ ᱡᱚᱦᱚᱜ ᱩᱱᱤ ᱫᱚ ᱡᱩᱨᱤ ᱯᱟᱱᱟ ᱫᱚᱭ ᱥᱟᱯᱲᱟᱣ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱚᱠᱛᱚ ᱨᱮ ᱩᱱᱤ ᱫᱚ ᱑᱖ ᱥᱮᱨᱢᱟ ᱩᱢᱮᱨ ᱨᱮᱱ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱨᱮᱱ ᱦᱩᱰᱤᱧ ᱠᱟᱹᱠᱟ ᱠᱚᱲᱟ ᱯᱟᱴᱴᱟᱵᱷᱤᱨᱟᱢᱟᱨᱮᱰᱰᱤ ᱟᱜ ᱜᱚᱲᱚ ᱛᱮ, ᱡᱟᱦᱟᱸᱭ ᱫᱚ ᱞᱟᱭᱵᱽᱨᱮᱨᱤ ᱟᱱᱫᱚᱲ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ, ᱩᱱᱤ ᱫᱚ ᱥᱟᱶᱛᱟ ᱨᱮᱱᱟᱜ ᱥᱮᱵᱟ ᱞᱟᱹᱜᱤᱫ ᱱᱮᱞᱞᱳᱨ ᱥᱩᱨ ᱯᱚᱛᱞᱟᱯᱩᱰᱤ ᱟᱹᱛᱩ ᱨᱮ "ᱥᱩᱡᱟᱱᱟ ᱨᱟᱱᱡᱟᱱᱤ ᱥᱟᱢᱟᱡᱟᱢ" ᱟᱨ "ᱵᱤᱵᱮᱠᱟᱱᱟᱱᱫᱟ ᱜᱨᱟᱱᱛᱷᱟᱞᱟᱭᱟᱢ" ᱮ ᱛᱷᱟᱯᱚᱱ ᱠᱮᱫᱼᱟ ᱾ ᱩᱱᱤ ᱨᱮᱱ ᱜᱟᱛᱮ ᱠᱚᱫᱚ ᱥᱩᱨ ᱨᱮᱱᱟᱜ ᱟᱹᱛᱩ ᱯᱳᱜᱟᱰᱟᱰᱳᱨᱩᱵᱷᱩ ᱠᱟᱱᱰᱨᱤᱠᱟ ᱟᱨ ᱠᱳᱴᱴᱩᱨᱩ ᱨᱮ ᱞᱟᱭᱵᱽᱨᱮᱨᱤ ᱠᱚ ᱮᱛᱚᱦᱚᱵ ᱠᱮᱫᱼᱟ ᱾ ᱩᱱᱤ ᱫᱚ ᱦᱟᱨᱤᱡᱟᱱ (ᱵᱟᱦᱨᱮ ᱡᱟᱹᱛᱤ) ᱟᱨ ᱨᱮᱸᱜᱮᱡ ᱦᱚᱲ ᱠᱚ ᱨᱟᱠᱟᱵ ᱞᱟᱹᱜᱤᱫ ᱮ ᱠᱟᱹᱢᱤ ᱠᱮᱫᱼᱟ ᱾
᱑᱙᱑᱖ ᱠᱷᱚᱱ ᱑᱙᱑᱙ ᱫᱷᱟᱹᱵᱤᱡ ᱢᱤᱫ ᱠᱟᱹᱴᱤᱡ ᱚᱠᱛᱚ ᱞᱟᱹᱜᱤᱫ, ᱩᱱᱤ ᱫᱚ ᱵᱤᱯᱞᱟᱹᱵᱤ ᱨᱟᱡᱽᱟᱹᱨᱤ ᱨᱮᱱᱟᱜ ᱪᱟᱯ ᱨᱮᱭ ᱛᱟᱦᱮᱸ ᱠᱟᱱᱟ ᱟᱨ ᱛᱟᱭᱚᱢ ᱛᱮ ᱩᱱᱤ ᱫᱚ ᱢᱚᱦᱟᱛᱢᱟ ᱜᱟᱱᱫᱷᱤ ᱨᱮᱱ ᱠᱟᱹᱢᱤ ᱟᱠᱟᱫ ᱪᱮᱞᱟᱭ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱯᱮᱱᱟ ᱜᱟᱰᱟ ᱨᱮᱱᱟᱜ ᱵᱮᱰᱟ ᱨᱮ ᱱᱮᱞᱞᱳᱨ ᱠᱷᱚᱱ ᱘ ᱢᱤᱞ ᱥᱟᱺᱜᱤᱧ ᱯᱟᱞᱞᱤᱯᱟᱰᱩ ᱟᱹᱛᱩ ᱨᱮ ᱑᱓ ᱮᱠᱚᱨ ᱚᱛ ᱮ ᱦᱟᱛᱟᱣ ᱠᱮᱫᱼᱟ ᱟᱨ ᱥᱟᱥᱛᱨᱚ ᱵᱟᱹᱭᱨᱤ ᱟᱠᱟᱨ ᱞᱟᱹᱜᱤᱫ ᱟᱨ ᱥᱟᱥᱛᱨᱚ ᱪᱟᱞᱟᱣ ᱨᱮᱱᱟᱜ ᱯᱨᱮᱠᱴᱤᱥ ᱞᱟᱹᱜᱤᱫ ᱟᱡ ᱨᱮᱱ ᱵᱤᱯᱞᱟᱹᱵᱤ ᱜᱟᱛᱮ ᱠᱚ ᱱᱚᱣᱟ ᱚᱛ ᱮ ᱪᱟᱞ ᱠᱮᱫ ᱠᱚᱣᱟ ᱾ ᱡᱚᱠᱷᱚᱱ ᱩᱱᱤ ᱢᱚᱦᱟᱛᱢᱟ ᱨᱮᱱ ᱯᱟᱸᱡᱟᱭᱤᱡ ᱮ ᱵᱮᱱᱟᱣ ᱮᱱᱟ, ᱩᱱ ᱡᱚᱦᱚᱜ ᱩᱱᱤ ᱫᱚ "ᱯᱤᱱᱟᱠᱤᱱᱤ ᱥᱟᱛᱭᱟᱜᱽᱨᱟᱦᱥᱨᱟᱢᱟᱢ" ᱛᱷᱟᱯᱚᱱ ᱞᱟᱹᱜᱤᱫ ᱚᱛ ᱮ ᱫᱟᱱ ᱠᱮᱫᱼᱟ ᱾ ᱜᱟᱱᱫᱷᱤᱡᱤ ᱫᱚ ᱗ ᱟᱯᱨᱤᱞ ᱑᱙᱒᱑ ᱥᱟᱞᱮ ᱨᱮ "ᱯᱤᱱᱟᱠᱤᱱᱤ ᱥᱟᱛᱭᱟᱜᱽᱨᱟᱦ ᱟᱥᱨᱟᱢ" ᱨᱮᱱᱟᱜ ᱩᱫᱽᱜᱷᱟᱴᱟᱱ ᱠᱮᱫᱼᱟ ᱾ ᱪᱟᱛᱩᱨᱩᱵᱮᱫᱩᱞᱟ ᱠᱨᱤᱥᱱᱟᱭᱟ (ᱥᱤ.ᱵᱷᱤ.ᱠᱨᱤᱥᱱᱟ), ᱰᱤᱜᱩᱢᱟᱨᱛᱤ ᱦᱟᱱᱩᱢᱟᱱᱛᱟ ᱨᱟᱣ, ᱩᱱᱤ ᱨᱮᱱ ᱮᱨᱟ ᱠᱨᱤᱥᱱᱟᱵᱟᱭ ᱟᱨ ᱠᱚᱱᱰᱤᱯᱟᱨᱛᱤ ᱯᱩᱱᱱᱟᱭᱟ ᱫᱚ ᱟᱥᱨᱟᱢ ᱨᱮᱱ ᱛᱷᱟᱯᱚᱱ ᱥᱚᱦᱮᱫ ᱠᱚ ᱛᱟᱦᱮᱸ ᱠᱟᱱᱟ ᱾
ᱠᱟᱱᱟᱠᱟᱢᱢᱟ ᱫᱚ ᱵᱟᱝ ᱜᱚᱲᱚ ᱟᱱᱫᱚᱲ ᱟᱨ ᱞᱩᱱ ᱥᱟᱛᱭᱟᱜᱽᱨᱟᱦ ᱨᱮᱭ ᱦᱟᱹᱴᱤᱧ ᱮ ᱦᱟᱛᱟᱣ ᱠᱮᱫᱼᱟ ᱾ ᱩᱱᱤ ᱫᱚ ᱑᱙᱓᱐ ᱥᱟᱞᱮ ᱨᱮ ᱨᱟᱭᱵᱷᱮᱞᱳᱨ ᱡᱤᱦᱚᱞ ᱨᱮ ᱛᱩᱨᱩᱭ ᱪᱟᱸᱫᱚ ᱠᱟᱹᱴᱷᱤᱱ ᱥᱟᱡᱟᱭ ᱠᱟᱴᱟᱣ ᱠᱮᱫᱼᱟ ᱟᱨ ᱑᱙᱓᱒ ᱥᱟᱞᱮ ᱨᱮ ᱨᱟᱭᱵᱷᱮᱞᱳᱨ ᱨᱮ ᱑᱓ ᱪᱟᱸᱫᱚ ᱞᱟᱹᱜᱤᱫ ᱡᱤᱦᱚᱞ ᱮ ᱪᱟᱞᱟᱣ ᱮᱱᱟ ᱾ ᱨᱟᱡᱟᱡᱤ, ᱫᱩᱨᱜᱟᱵᱟᱭ, ᱵᱮᱡᱟᱣᱟᱰᱟ ᱜᱳᱯᱟᱞᱟ ᱨᱮᱰᱰᱤ ᱟᱨ ᱟᱨᱦᱚᱸ ᱟᱭᱢᱟ ᱞᱟᱹᱠᱛᱤᱭᱟᱱ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱤᱭᱟᱹ ᱩᱱᱤ ᱨᱮᱱ ᱥᱟᱶ ᱡᱤᱦᱚᱞ ᱨᱮᱱ ᱠᱟᱹᱫᱤ ᱠᱚ ᱛᱟᱦᱮᱸ ᱠᱟᱱᱟ ᱾
ᱜᱟᱱᱫᱷᱤᱡᱤ ᱨᱮᱱᱟᱜ ᱵᱮᱱᱟᱣ ᱟᱠᱟᱫ ᱯᱨᱚᱜᱽᱨᱟᱢ ᱞᱟᱛᱟᱨ ᱨᱮ, ᱠᱟᱱᱟᱠᱟᱢᱢᱟ ᱫᱚ ᱑᱙᱒᱓ ᱥᱟᱞᱮ ᱨᱮ ᱵᱤᱡᱟᱭᱟᱫᱟᱥᱟᱢᱤ ᱫᱤᱱ ᱨᱮ ᱥᱨᱤ "ᱠᱟᱥᱛᱩᱨᱤᱫᱮᱵᱤ ᱵᱤᱫᱽᱭᱟᱞᱟᱢ" (ᱠᱩᱲᱤ ᱜᱤᱫᱽᱨᱟᱹ ᱞᱟᱹᱜᱤᱫ ᱵᱤᱨᱫᱟᱹᱜᱟᱲ) ᱮ ᱛᱷᱟᱯᱚᱱ ᱠᱮᱫᱼᱟ ᱾ ᱱᱚᱣᱟ ᱫᱚ ᱥᱨᱤ ᱛᱟᱝᱜᱩᱛᱩᱨᱤ ᱯᱨᱟᱠᱟᱥᱟᱢ ᱯᱟᱱᱛᱩᱞᱩ ᱦᱚᱛᱮᱛᱮ ᱩᱫᱽᱜᱷᱟᱴᱟᱱ ᱦᱩᱭ ᱞᱮᱱᱟ ᱾ ᱜᱟᱱᱫᱷᱤᱡᱤ ᱫᱚ ᱑᱒ ᱢᱮ ᱑᱙᱒᱙ ᱥᱟᱞᱮ ᱨᱮ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱯᱟᱠᱟ ᱚᱲᱟᱜ ᱞᱟᱹᱜᱤᱫ ᱵᱩᱱᱤᱭᱟᱹᱫᱤ ᱫᱷᱤᱨᱤ ᱫᱚᱭ ᱫᱚᱦᱚ ᱠᱮᱫᱼᱟ ᱾ ᱑᱙᱔᱔ ᱥᱟᱞᱮ ᱨᱮ ᱠᱟᱱᱟᱠᱟᱢᱢᱟ ᱫᱚ ᱱᱮᱞᱞᱳᱨ ᱨᱮᱱᱟᱜ ᱵᱟᱦᱨᱮ ᱴᱚᱴᱷᱟ ᱨᱮ ᱢᱤᱫ ᱯᱟᱥᱱᱟᱣ ᱒᱐ ᱮᱠᱚᱨ ᱚᱛ ᱞᱟᱹᱜᱤᱫ ᱯᱳᱜᱟᱴᱳᱴᱟ ᱱᱮᱞᱳᱨ ᱨᱮᱱᱟᱜ ᱑ᱼ᱕ ᱮᱠᱚᱨ ᱵᱤᱨᱫᱟᱹᱜᱟᱲ ᱥᱟᱭᱤᱴ ᱮ ᱵᱚᱫᱚᱞ ᱠᱮᱫᱼᱟ ᱟᱨ ᱱᱚᱣᱟ ᱥᱟᱭᱤᱴ ᱨᱮ ᱥᱨᱤ ᱛᱤᱠᱠᱵᱷᱟᱨᱟᱯᱩ ᱨᱟᱢᱤᱨᱮᱰᱰᱤ ᱦᱚᱛᱮᱛᱮ ᱠᱚᱨᱟᱣ ᱟᱠᱟᱱ ᱫᱟᱱ ᱥᱟᱶ ᱥᱩᱨ ᱥᱩᱯᱩᱨ ᱑᱙᱔᱗ ᱥᱮ ᱚᱱᱟ ᱠᱷᱚᱱ ᱦᱚᱸ ᱢᱟᱲᱟᱝ ᱢᱤᱫ ᱵᱤᱨᱫᱟᱹᱜᱟᱲ ᱵᱮᱱᱟᱣ ᱦᱩᱭ ᱞᱮᱱᱟ ᱾ ᱠᱟᱥᱛᱩᱨᱤ ᱫᱮᱵᱤ ᱵᱤᱫᱽᱭᱟᱞᱟᱢ ᱠᱮᱢᱯᱟᱥ, ᱠᱟᱱᱟᱠᱟᱢᱢᱟ ᱞᱟᱹᱜᱤᱫ ᱡᱤᱣᱤ ᱴᱤᱠᱟᱹᱣ ᱠᱟᱱᱟ ᱾ ᱠᱤᱪᱷᱩ ᱚᱠᱛᱚ ᱞᱟᱹᱜᱤᱫ ᱩᱱᱤ ᱫᱚ ᱮᱟᱭᱤᱥᱤᱥᱤ ᱨᱮᱱ ᱥᱚᱦᱮᱫ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱼᱟ ᱾
ᱩᱱᱤ ᱫᱚ ᱟᱱᱫᱷᱨᱟ ᱠᱟᱝᱜᱽᱨᱮᱥ ᱠᱚᱢᱤᱴᱤ ᱨᱮᱱ ᱩᱯ ᱯᱟᱨᱥᱮᱛ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱠᱮᱫᱼᱟ ᱾ ᱩᱱᱤ ᱨᱮᱱ ᱢᱤᱫ ᱦᱟᱛᱟᱝ ᱠᱩᱲᱤ ᱜᱤᱫᱽᱨᱟᱹ, ᱮᱢ.ᱵᱷᱮᱝᱠᱟᱴᱟᱥᱩᱵᱽᱵᱟᱢᱢᱟ ᱑᱙᱓᱔ ᱥᱟᱞᱮ ᱨᱮᱭ ᱵᱤᱛᱟᱹᱣ ᱮᱱ ᱛᱟᱭᱚᱢ, ᱡᱟᱦᱟᱸᱭ ᱫᱚ ᱢᱤᱫ ᱵᱟᱰᱚᱛ ᱚᱱᱚᱞᱤᱭᱟᱹ ᱟᱨ ᱥᱟᱶᱛᱟ ᱠᱟᱹᱢᱤᱭᱟᱹ ᱮ ᱛᱟᱦᱮᱸ ᱠᱟᱱᱟ, ᱩᱱᱤ ᱫᱚ ᱟᱱᱱᱟᱨᱮᱰᱰᱤ ᱯᱟᱞᱮᱢ ᱨᱮᱱ ᱨᱟᱢᱟᱱᱟ ᱢᱟᱦᱟᱨᱥᱤ ᱟᱨ ᱨᱟᱢᱟᱭᱳᱜᱤ ᱨᱮᱱ ᱵᱷᱟᱠᱛ ᱮ ᱵᱮᱱᱟᱣ ᱮᱱᱟ ᱾ ᱯᱚᱱᱟᱠᱟ ᱠᱟᱱᱟᱠᱟᱢᱢᱟ ᱟᱨ ᱫᱨᱳᱱᱟᱢᱨᱟᱡᱩ ᱞᱟᱠᱥᱢᱤᱵᱟᱭᱤᱭᱟᱢᱢᱟ ᱛᱮᱞᱩᱜᱩ ᱨᱮ ᱯᱩᱭᱞᱩ ᱡᱩᱨᱤ ᱛᱤᱨᱞᱟᱹ ᱚᱱᱚᱲᱦᱮᱸ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱩᱱᱠᱩ ᱫᱚ ᱨᱟᱢᱟᱱᱟ ᱢᱟᱦᱟᱨᱥᱤ ᱪᱮᱛᱟᱱ ᱨᱮ ᱟᱭᱢᱟ ᱯᱷᱤᱞᱳᱥᱳᱯᱷᱤᱠᱟᱞ ᱚᱱᱚᱲᱦᱮᱸ ᱠᱤᱱ ᱚᱞ ᱠᱮᱫᱼᱟ - ᱞᱟᱹᱠᱛᱤᱭᱟᱱ ᱠᱚᱫᱚ ᱟᱨᱟᱫᱷᱟᱱᱟ ᱟᱨ ᱱᱤᱵᱮᱫᱽᱭᱟᱢ ᱠᱟᱱᱟ ᱾ ᱩᱱᱠᱩ ᱫᱚ ᱵᱷᱟᱜᱽᱵᱟᱫᱽᱜᱤᱛᱟ ᱨᱮᱱᱟᱜ ᱮᱥᱮᱱᱥ ᱜᱽᱱᱟᱱᱟ ᱱᱮᱛᱨᱟᱢ ᱧᱩᱛᱩᱢ ᱠᱷᱚᱱ ᱛᱮᱞᱩᱜᱩ ᱛᱮ ᱛᱚᱨᱡᱚᱢᱟ ᱠᱮᱫᱼᱟ ᱾ ᱩᱱᱤ ᱫᱚ ᱥᱨᱤ ᱨᱟᱢᱟ ᱭᱳᱜᱤ ᱟᱜ ᱟᱩᱴᱳᱼᱵᱟᱭᱳᱜᱽᱨᱟᱯᱷᱤ ᱛᱮᱞᱩᱜᱩ ᱟᱨ ᱤᱝᱞᱤᱥ ᱵᱟᱱᱟᱨ ᱯᱟᱹᱨᱥᱤ ᱛᱮ ᱚᱞ ᱠᱮᱫᱼᱟ ᱾ ᱠᱟᱱᱟᱠᱟᱢᱢᱟ ᱫᱚ ᱢᱤᱫ ᱱᱟᱯᱟᱭ ᱚᱞ ᱤᱡ ᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤᱭᱟᱜ ᱚᱞ ᱠᱚ ᱵᱷᱟᱨᱚᱛᱤ, ᱠᱨᱤᱥᱱᱟᱯᱟᱛᱨᱤᱠᱟ, ᱜᱽᱨᱤᱦᱟᱞᱟᱠᱥᱢᱤ, ᱟᱱᱟᱥᱩᱭᱟ, ᱦᱤᱱᱫᱩᱥᱩᱱᱫᱟᱨᱤ ᱡᱟᱢᱤᱱᱨᱭᱚᱴ ᱟᱨ ᱟᱨᱦᱚᱸ ᱟᱭᱢᱟ ᱡᱚᱨᱱᱟᱞ ᱨᱮ ᱥᱮᱞᱮᱫ ᱧᱟᱢᱚᱜ ᱠᱟᱱ ᱛᱟᱦᱮᱸᱫ ᱾ ᱵᱷᱮᱝᱠᱟᱴᱟᱜᱤᱨᱤ ᱡᱟᱢᱮᱱᱫᱟᱨ ᱨᱮᱱᱟᱜ ᱛᱟᱱᱟᱥᱟᱦᱤ ᱟᱨ ᱟᱣᱦᱮᱞᱱᱟ ᱠᱟᱨᱚᱱᱛᱮ ᱩᱱᱤ ᱫᱚ ᱟᱡᱟᱜ ᱚᱛ ᱦᱟᱥᱟᱭ ᱵᱤᱛᱟᱹᱣ ᱠᱮᱫᱼᱟ ᱾ ᱩᱱᱤ ᱫᱚ ᱑᱙᱕᱒ ᱥᱟᱞᱮ ᱨᱮ ᱨᱮᱸᱜᱮᱡ, ᱮᱠᱞᱟ ᱟᱨ ᱞᱟᱛᱟᱨ ᱵᱤᱪᱟᱹᱨ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱢᱤᱫ ᱤᱱᱰᱟᱥᱴᱨᱤᱭᱟᱞ ᱴᱨᱮᱱᱤᱝ ᱥᱮᱱᱴᱟᱨ ᱮ ᱛᱷᱟᱯᱚᱱ ᱠᱮᱫᱼᱟ ᱾
ᱟᱡᱟᱜ ᱡᱤᱭᱚᱱ ᱚᱠᱛᱚ ᱨᱮ, ᱩᱱᱤ ᱯᱚᱛᱞᱟᱯᱩᱰᱤ ᱟᱨ ᱱᱮᱞᱞᱳᱨ ᱨᱮ ᱟᱡᱟᱜ ᱨᱟᱹᱥᱠᱟᱹ ᱴᱷᱟᱶ ᱨᱮ ᱟᱭᱢᱟ ᱢᱟᱨᱟᱝ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱤᱭᱟᱹ ᱟᱨ ᱚᱱᱚᱲᱦᱮᱸ ᱠᱚᱭ ᱡᱩᱨᱤ ᱯᱟᱱᱟ ᱠᱚ ᱮᱢᱟᱫ ᱠᱚ ᱛᱟᱦᱮᱸᱫ ᱾ ᱵᱟᱵᱩ ᱨᱟᱡᱮᱱᱫᱽᱨᱚᱯᱨᱟᱥᱟᱫ, ᱫᱮᱥᱟᱵᱟᱱᱫᱷᱩ ᱪᱤᱛᱛᱟᱨᱟᱱᱡᱟᱱ ᱫᱟᱥ, ᱟᱨᱴᱤᱥᱴ ᱩᱫᱟᱭᱟᱥᱟᱝᱠᱟᱨ, ᱟᱛᱨᱮᱭᱟ, ᱥᱛᱷᱟᱱᱟᱢ, ᱛᱤᱨᱩᱵᱷᱟᱝᱠᱩᱨ ᱵᱚᱭᱦᱟ ᱮᱢᱟᱱ ᱞᱮᱠᱟᱱ ᱡᱟᱹᱛᱤᱭᱟᱹᱨᱤ ᱨᱟᱭᱵᱟᱹᱨᱤ ᱟᱨ ᱟᱭᱢᱟ ᱮᱴᱟᱜ ᱩᱱᱤ ᱨᱮᱱ ᱯᱟᱨᱦᱩᱬᱮ ᱠᱚ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱜᱽᱨᱤᱦᱟᱞᱟᱠᱥᱢᱤ ᱥᱣᱟᱨᱱᱟᱠᱟᱱᱠᱟᱱᱟᱢ ᱥᱟᱱᱢᱟᱱᱟᱢ (ᱥᱤᱨᱯᱷᱟᱹ ᱢᱟᱱ ᱵᱟᱹᱠᱷᱟᱣ) ᱨᱮᱱ ᱦᱟᱢᱮᱴᱤᱡ ᱠᱟᱱᱟᱭ ᱾ ᱢᱟᱫᱨᱟᱥ ᱢᱟᱦᱤᱞᱟ ᱥᱚᱵᱷᱟ ᱜᱟᱶᱛᱟ ᱨᱮᱱᱟᱜ ᱥᱤᱞᱵᱷᱟᱨ ᱡᱩᱵᱽᱞᱤ ᱢᱟᱱᱟᱣ ᱨᱮᱱᱟᱜ ᱚᱠᱛᱚ ᱨᱮ, ᱥᱢᱛ. ᱫᱩᱨᱜᱟ ᱵᱷᱟᱭ ᱫᱮᱥᱢᱩᱠᱷ ᱠᱟᱱᱟᱠᱟᱢᱢᱟ ᱫᱚ ᱢᱤᱫ ᱥᱤᱞᱵᱷᱟᱨ ᱯᱞᱟᱝᱠ ᱥᱟᱶ ᱮ ᱢᱟᱱ ᱵᱟᱹᱠᱷᱟᱣ ᱠᱮᱫᱮᱭᱟ ᱾ ᱠᱟᱱᱟᱠᱟᱢᱢᱟ ᱟᱨ ᱩᱱᱤ ᱨᱮᱱ ᱡᱚᱛᱚ ᱜᱷᱟᱨᱚᱸᱡᱽ ᱨᱮᱱ ᱥᱚᱦᱮᱫ ᱫᱚ ᱚᱱᱚᱞᱤᱭᱟᱹ ᱠᱟᱱᱟ ᱠᱚ, ᱚᱠᱚᱭ ᱠᱚᱣᱟᱜ ᱚᱞ ᱠᱚ ᱵᱷᱟᱨᱚᱛᱤ ᱟᱨ ᱮᱴᱟᱜ ᱢᱮᱜᱟᱡᱤᱱ ᱠᱚᱨᱮ ᱧᱟᱢᱚᱜ ᱠᱟᱱᱟ ᱾ ᱩᱱᱤ ᱨᱮᱱ ᱦᱩᱰᱤᱧ ᱵᱚᱭᱦᱟ "ᱠᱟᱞᱟ ᱯᱨᱟᱯᱩᱨᱱᱟ" ᱢᱟᱨᱩᱯᱩᱨᱩ ᱠᱳᱰᱟᱱᱫᱟᱨᱟᱢᱤ ᱨᱮᱰᱰᱤ ᱢᱤᱫ ᱧᱩᱛᱩᱢᱟᱱ ᱡᱚᱨᱱᱟᱞᱤᱥᱴ ᱟᱨ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱠᱟᱱᱟᱭ ᱾
ᱩᱱᱤ ᱫᱚ ᱱᱮᱞᱞᱳᱨ ᱦᱚᱱᱚᱛ ᱨᱮ ᱡᱟᱢᱤᱱᱫᱟᱨᱤ ᱨᱟᱭᱤᱛᱩ ᱟᱱᱫᱚᱲ ᱨᱮ ᱜᱚᱲᱚ ᱮᱢ ᱞᱟᱹᱜᱤᱫ ᱱᱮᱞᱞᱳᱨ ᱨᱮ ᱛᱮᱞᱩᱜᱩ ᱦᱟᱯᱛᱟᱠᱤᱭᱟᱹ ᱫᱟ ᱡᱟᱢᱤᱱ ᱨᱟᱭᱤᱛᱩ ᱮ ᱛᱷᱟᱯᱚᱱ ᱠᱮᱫᱼᱟ ᱾
ᱠᱟᱱᱟᱠᱟᱢᱢᱟ ᱫᱚ ᱑᱕ ᱥᱮᱯᱴᱮᱢᱵᱚᱨ ᱑᱙᱖᱓ ᱥᱟᱞᱮ ᱨᱮ ᱱᱮᱞᱞᱳᱨ ᱨᱮᱭ ᱜᱩᱨ ᱮᱱᱟ ᱾
ᱩᱱᱤᱭᱟᱜ ᱛᱮᱞᱩᱜᱩ ᱨᱮᱱᱟᱜ ᱟᱩᱴᱳᱼᱵᱟᱭᱳᱜᱽᱨᱟᱯᱷᱤ, ᱠᱟᱱᱟᱠᱟᱯᱩᱥᱷᱭᱟᱨᱟᱜᱟᱢ, ᱰᱨ. ᱠᱮ. ᱯᱩᱨᱩᱥᱷᱳᱛᱷᱟᱢ ᱦᱚᱛᱮᱛᱮ ᱥᱟᱯᱲᱟᱣ ᱦᱩᱭ ᱞᱮᱱᱟ ᱟᱨ ᱒᱐᱑᱑ ᱥᱟᱞᱮ ᱨᱮ ᱢᱟᱱᱟᱥᱩ ᱯᱷᱟᱣᱩᱱᱰᱮᱥᱟᱱ ᱨᱮᱱ ᱢᱟᱱᱱᱮᱢ ᱨᱟᱭᱩᱰᱩ ᱦᱚᱛᱮᱛᱮ ᱪᱷᱟᱯᱟ ᱦᱩᱭ ᱞᱮᱱᱟ ᱾ ᱒᱐᱑᱗ ᱥᱟᱞᱮ ᱨᱮ ᱜᱟᱱᱫᱷᱤ ᱡᱟᱭᱟᱱᱛᱤ ᱨᱮ, ᱠᱟᱱᱟᱠᱟᱢᱢᱟ ᱟᱜ ᱴᱟᱢᱵᱟ ᱢᱩᱨᱛᱤ ᱟᱥᱨᱟᱢ ᱠᱚᱢᱤᱴᱤ ᱦᱚᱛᱮᱛᱮ ᱯᱤᱱᱟᱠᱤᱱᱤ ᱥᱟᱛᱭᱟᱜᱽᱨᱟᱦᱥᱨᱟᱢᱟᱢ, ᱯᱟᱞᱞᱤᱯᱟᱰᱩ ᱨᱮᱱᱟᱜ ᱵᱮᱱᱟᱣ ᱚᱲᱟᱜ ᱨᱮ ᱛᱷᱟᱯᱚᱱ ᱦᱩᱭ ᱞᱮᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Ponaka Kanakamma ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |