ᱯᱟᱞᱞᱚᱵᱤ ᱯᱩᱨᱚᱦᱤᱛ
| ᱯᱟᱞᱞᱚᱵᱤ ᱯᱩᱨᱚᱦᱤᱛ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Pallavi Subhash Chandran |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱮᱠᱴᱨᱮᱥ |
| ᱠᱟᱹᱢᱤ ᱚᱠᱛᱚ | 2006–ᱱᱤᱛ |
| ᱧᱩᱢᱱᱟᱢ | Madhubala - Ek Ishq Ek Junoon |
ᱯᱟᱞᱞᱚᱵᱤ ᱯᱩᱨᱚᱦᱤᱛ ᱫᱚ ᱢᱩᱢᱵᱟᱭ ᱨᱮᱱ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱒᱐᱐᱖ ᱠᱷᱚᱱ ᱟᱭᱢᱟ ᱴᱤᱵᱷᱤ ᱥᱳ,[᱑] ᱴᱮᱞᱤᱵᱤᱡᱚᱱ ᱠᱚᱢᱚᱨᱥᱤᱭᱟᱞ, ᱦᱤᱱᱫᱤ, ᱢᱟᱞᱟᱭᱟᱞᱚᱢ ᱟᱨ ᱠᱟᱱᱱᱟᱲᱟ ᱢᱩᱵᱷᱤ ᱠᱚᱨᱮ ᱧᱮᱞ ᱟᱠᱟᱱᱟ᱾ ᱯᱟᱞᱞᱚᱵᱤ ᱫᱚ ᱟᱡᱟᱜ ᱢᱩᱬᱩᱛ ᱨᱳᱞ ᱞᱮᱠᱟᱛᱮ ᱢᱟᱫᱷᱩᱵᱟᱞᱟ – ᱮᱠ ᱤᱥᱠ ᱮᱠ ᱡᱩᱱᱩᱱ ᱨᱮ ᱯᱟᱫᱽᱢᱤᱱᱤ, ᱢᱟᱞᱟᱭᱟᱞᱚᱢ ᱢᱩᱵᱷᱤ ᱢᱤᱥᱴᱟᱨ ᱯᱷᱨᱚᱰ ᱨᱮ ᱢᱳᱦᱚᱱᱞᱟᱞ ᱵᱤᱨᱩᱫᱷ ᱨᱮ ᱫᱟᱢᱤᱱᱤ ᱵᱚᱨᱢᱟ, ᱢᱟᱢᱢᱩᱴᱴᱤ ᱵᱤᱨᱩᱫᱷ ᱨᱮ ᱢᱟᱞᱟᱭᱟᱞᱚᱢ ᱢᱩᱵᱷᱤ ᱥᱟᱭᱞᱮᱱᱥ ᱨᱮ ᱥᱟᱝᱜᱤᱛᱟ, ᱢᱤᱛᱷᱩᱱ ᱪᱚᱠᱨᱚᱵᱚᱨᱛᱤ ᱵᱤᱨᱩᱫᱷ ᱨᱮ ᱦᱤᱱᱫᱤ ᱢᱩᱵᱷᱤ ᱠᱟᱸᱪᱤ ᱨᱮ ᱥᱚᱵᱤᱛᱟ ᱯᱟᱛᱷᱟᱨᱮ ᱟᱨ, ᱱᱮᱛᱟᱨ ᱜᱮ, ᱠᱟᱱᱱᱟᱲᱟ ᱢᱩᱵᱷᱤ "ᱢᱟᱱᱚᱥᱢᱤᱛᱟ" ᱨᱮ ᱟᱛᱩᱞ ᱠᱩᱞᱠᱟᱨᱱᱤ ᱵᱤᱨᱩᱫᱷ ᱨᱮ ᱥᱢᱤᱛᱟ ᱞᱮᱠᱟᱛᱮ ᱵᱟᱹᱲᱛᱤ ᱵᱟᱰᱟᱭᱚᱜ ᱠᱟᱱᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡ ᱵᱟᱵᱟ ᱫᱚ ᱯᱟᱞᱟᱠᱠᱟᱰ ᱠᱷᱚᱱ ᱠᱟᱱᱟᱭ ᱢᱮᱱᱠᱷᱟᱱ ᱩᱱᱤ ᱫᱚ ᱠᱚᱨᱱᱟᱴᱚᱠ ᱨᱮᱭ ᱦᱟᱨᱟ ᱵᱩᱨᱩ ᱟᱠᱟᱱᱟ᱾ ᱯᱟᱞᱞᱚᱵᱤ ᱫᱚ ᱟᱡᱟᱜ ᱵᱤᱡᱽᱱᱮᱥ ᱢᱮᱱᱮᱡᱽᱢᱮᱱᱴ ᱟᱨ ᱦᱳᱴᱮᱞ ᱢᱮᱱᱮᱡᱽᱢᱮᱱᱴ ᱮ ᱯᱩᱨᱟᱹᱣ ᱠᱮᱫᱟ ᱟᱨ ᱵᱮᱝᱜᱟᱞᱩᱨᱩ ᱨᱮ ᱳᱵᱮᱨᱳᱭ ᱦᱳᱴᱮᱞ ᱥᱟᱶ ᱠᱟᱹᱢᱤ ᱮᱛᱚᱦᱚᱵ ᱠᱮᱫᱟ᱾ ᱩᱱᱤ ᱫᱚ ᱱᱚᱣᱟ ᱠᱟᱹᱢᱤ ᱵᱟᱹᱜᱤ ᱠᱟᱛᱮ ᱮᱠᱴᱨᱮᱥ ᱵᱮᱱᱟᱣᱜ ᱨᱮᱱᱟᱜ ᱮ ᱜᱚᱴᱟ ᱠᱮᱫᱟ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱵᱟᱞᱟᱡᱤ ᱴᱮᱞᱤᱯᱷᱤᱞᱢᱥ ᱞᱟᱹᱜᱤᱫ ᱟᱭᱢᱟ ᱥᱳ ᱨᱮᱭ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱫᱚ ᱠᱚᱨᱚᱢ ᱟᱯᱱᱟ ᱟᱯᱱᱟ ᱥᱳ ᱨᱮ ᱜᱟᱭᱟᱛᱨᱤ ᱨᱮᱱᱟᱜ ᱨᱳᱞ ᱞᱟᱹᱜᱤᱫ ᱠᱚ ᱵᱟᱪᱷᱟᱣ ᱞᱮᱫᱮᱭᱟ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱠᱟᱦᱟᱱᱤ ᱜᱷᱟᱨ ᱜᱷᱟᱨ ᱠᱤ ᱨᱮ ᱜᱩᱱ ᱨᱮᱱᱟᱜ ᱨᱳᱞ ᱮ ᱯᱞᱮ ᱞᱮᱫᱟ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱡᱤ ᱴᱤᱵᱷᱤ ᱨᱮᱱᱟᱜ ᱠᱟᱥᱚᱢ ᱥᱮ ᱨᱮ ᱨᱟᱱᱳ ᱨᱮᱱᱟᱜ ᱨᱳᱞ ᱨᱮ ᱯᱮᱭᱟ ᱠᱩᱲᱤ ᱞᱤᱰ ᱢᱩᱫᱽ ᱨᱮ ᱢᱤᱫᱴᱟᱹᱝ ᱞᱮᱠᱟᱛᱮ ᱟᱨᱩᱱᱤᱢᱟ ᱥᱚᱨᱢᱟ ᱮ ᱨᱤᱯᱞᱮᱥ ᱠᱮᱫᱮᱭᱟ᱾ ᱩᱱᱤ ᱫᱚ ᱵᱟᱥᱮᱨᱟ ᱨᱮ ᱩᱨᱵᱚᱥᱤ ᱥᱟᱝᱜᱷᱵᱤ ᱨᱮᱱᱟᱜ ᱨᱳᱞ ᱮ ᱯᱞᱮ ᱟᱠᱟᱫᱟ ᱟᱨ ᱯᱤᱦᱟᱨ (ᱰᱟᱠᱴᱚᱨ ᱥᱟᱨᱟ ᱞᱮᱠᱟᱛᱮ),[᱒] ᱵᱟᱡᱮᱜᱟ ᱵᱟᱱᱰ ᱵᱟᱡᱟ (ᱫᱤᱞᱯᱨᱤᱛ ᱞᱮᱠᱟᱛᱮ), ᱯᱟᱯ ᱯᱩᱱᱭᱟ ᱠᱟ ᱞᱮᱠᱷᱟ ᱡᱚᱠᱷᱟ, ᱥᱚᱝᱥᱠᱟᱨ, ᱨᱟᱡᱟ ᱠᱤ ᱟᱭᱮᱜᱤ ᱵᱟᱨᱟᱛ ᱟᱨ ᱴᱤᱵᱷᱤ ᱥᱤᱨᱤᱡ ᱥᱩᱡᱟᱛᱟ ᱥᱟᱶᱛᱮ ᱟᱭᱢᱟ ᱥᱳ ᱨᱮᱭ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱫᱚ ᱵᱟᱭᱨᱤ ᱯᱤᱭᱟ ᱨᱮ ᱪᱤᱜᱜᱤ ᱵᱟᱦᱩ ᱨᱮᱱᱟᱜ ᱯᱟᱨᱴ ᱮ ᱯᱞᱮ ᱠᱮᱫᱟ ᱟᱨ ᱛᱟᱭᱚᱢ ᱛᱮ ᱡᱭᱳᱛᱤ ᱨᱮ ᱟᱥᱟ ᱨᱮᱱᱟᱜ ᱨᱳᱞ ᱨᱮ ᱧᱮᱞ ᱞᱮᱱᱟ᱾
ᱯᱟᱞᱞᱚᱵᱤ ᱫᱚ ᱥᱟᱯᱱᱳᱱ ᱥᱮ ᱵᱷᱟᱨᱮ ᱱᱟᱭᱱᱟ ᱨᱮ ᱨᱳᱦᱤᱱᱤ ᱯᱟᱴᱣᱟᱨᱫᱷᱚᱱ ᱟᱨ ᱢᱟᱫᱷᱩᱵᱟᱞᱟ - ᱮᱠ ᱤᱥᱠ ᱮᱠ ᱡᱩᱱᱩᱱ ᱨᱮ ᱯᱟᱫᱽᱢᱤᱱᱤ ᱮ ᱯᱞᱮ ᱞᱮᱫᱟ᱾ ᱯᱟᱞᱞᱚᱵᱤ ᱫᱚ ᱵᱷᱤ. ᱠᱮ. ᱯᱨᱚᱠᱟᱥ ᱰᱤᱨᱮᱠᱴ ᱟᱠᱟᱫ ᱢᱟᱞᱟᱭᱟᱞᱚᱢ ᱢᱩᱵᱷᱤ ᱥᱟᱭᱞᱮᱱᱥ ᱨᱮ ᱢᱟᱢᱢᱩᱴᱴᱤ ᱵᱤᱨᱩᱫᱷ ᱨᱮ ᱞᱤᱰ ᱨᱳᱞ ᱞᱟᱹᱜᱤᱫ ᱥᱟᱭᱤᱱ ᱠᱟᱛᱮ ᱥᱳ ᱮ ᱵᱟᱹᱜᱤ ᱠᱮᱫᱟ᱾ ᱥᱟᱶᱛᱮ ᱜᱮ, ᱩᱱᱤ ᱫᱚ ᱥᱩᱵᱷᱟᱥ ᱜᱷᱟᱭ ᱰᱤᱨᱮᱠᱴ ᱟᱠᱟᱫ ᱢᱩᱵᱷᱤ ᱠᱟᱸᱪᱤ ᱨᱮ ᱦᱚᱸᱭ ᱠᱟᱹᱢᱤ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ, ᱒᱐᱑᱔ ᱨᱮ, ᱩᱱᱤ ᱫᱚ ᱵᱤ. ᱩᱱᱱᱤᱠᱨᱤᱥᱱᱚᱱ ᱰᱤᱨᱮᱠᱴ ᱟᱠᱟᱫ ᱢᱩᱵᱷᱤ ᱢᱤᱥᱴᱟᱨ ᱯᱷᱨᱚᱰ ᱨᱮ ᱢᱳᱦᱚᱱᱞᱟᱞ ᱵᱤᱨᱩᱫᱷ ᱨᱮ ᱯᱮᱭᱟ ᱞᱤᱰ ᱦᱤᱨᱚᱭᱤᱱ ᱢᱩᱫᱽ ᱨᱮ ᱢᱤᱫᱴᱟᱹᱝ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱟ᱾ ᱩᱱᱤ ᱫᱚ ᱠᱟᱱᱱᱟᱲᱟ ᱥᱳ ᱦᱟᱨᱟᱦᱟᱨᱟ ᱢᱟᱦᱟᱫᱮᱵ ᱨᱮ ᱜᱚᱰᱮᱥ ᱞᱚᱠᱷᱢᱤ ᱮ ᱯᱞᱮ ᱞᱮᱫᱟ ᱡᱟᱦᱟᱸ ᱫᱚ 'ᱫᱮᱵᱚᱱ ᱠᱮ ᱫᱮᱵ: ᱢᱟᱦᱟᱫᱮᱵ' ᱨᱮᱱᱟᱜ ᱨᱤᱢᱮᱠ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱠᱟᱱᱱᱟᱲᱟ ᱢᱩᱵᱷᱤ "ᱢᱟᱱᱚᱥᱢᱤᱛᱟ" ᱨᱮ ᱟᱛᱩᱞ ᱠᱩᱞᱠᱟᱨᱱᱤ ᱵᱤᱨᱩᱫᱷ ᱨᱮ ᱞᱤᱰ ᱮᱠᱴᱨᱮᱥ ᱞᱮᱠᱟᱛᱮ "ᱥᱢᱤᱛᱟ", ᱢᱤᱫ ᱠᱞᱟᱥᱤᱠᱟᱞ ᱰᱟᱱᱥᱚᱨ ᱮ ᱯᱞᱮ ᱞᱮᱫᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Krishna, Gayathri (25 September 2013). "Pallavi Chandran is dreaming big". Deccan Chronicle. Archived from the original on 3 October 2013. Retrieved 29 September 2013.
- ↑ "Piya Ka Aangan". Archived from the original on 13 April 2009. Retrieved 18 September 2009.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱯᱟᱞᱞᱚᱵᱤ ᱯᱩᱨᱚᱦᱤᱛ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)